ကျွန်မ တောသူ မမမေ တစ်ယောက် တက္ကသိုလ်ကြီးတစ်ခုနားကို ယောင်ချာချာနဲ့ ရောက်လာခဲ့ပါတယ်။
အ၀င်အ၀မှာကတည်းက စည်ကားလိုက်သည်ဖြစ်ခြင်း။ ဈေးသည်တွေ ဈေးသည်တွေ။
“ဖက်ထုပ်တွေရမယ်။ ဖက်ထုပ်”
“ပေါက်စီ ပူပူလေး။ ပေါက်စီတွေ အသားပေါက်စီတွေ”
“ရေခဲမုန့်နော်။ ရေခဲမုန့်”
ရှလွတ်။ အကုန်မမမေ အကြိုက်ချည်းပဲ။ အံမယ် ဒီဘက်မှာလည်း ၀က်သားတုတ်ထိုးသည်လည်းရှိသေး။
“မြန်မာမုန့်တွေနော်။ မုန့်ဖက်ထုပ်ပူပူလေး”
အဲ့လဲ့ မြန်မာ့ရိုးရာ မုန့်ဖက်ထုပ်တောင်ပါသေး။ ဂုဏ်ယူစရာကောင်းပွေစွ။ ခေတ်မှီတက္ကသိုလ်ကြီးမှာ မြန်မာ့ရိုးရာ မုန့်ဖက်ထုပ်လေးကို ရောင်းချနေလိုက်တာ။ အင်း မမမေလည်း မြန်မာ့အစားအစာ ကြိုက်သူ ပီပီ မုန့်ဖက်ထုပ်လေးဝယ်စားအုံးမှ
“မုန့်ဖက်ထုပ် ၃ ထုပ်ပေးပါ”
မုန့်ဖက်ထုပ်သည်က သဘောမနောကောင်းစွာ ကျွတ်ကျွတ်အိတ်တစ်လုံးနဲ့ မုန့်ဖက်ထုပ်(၃)ထုပ်ကို ထည့်ပြီး တရိုတသေလေး ပေးလိုက်ပါတယ်။
ကောင်းလေစွ။ ကောင်းလေစွ။ မြန်မာမုန့်လေး လွေးလိုက်အုံးမှ
သို့ပေမယ့်ပေါ့လေ မုန့်ဖက်ထုပ်ဆိုတာကလည်း မိတ်ဆွေတို့ သိတဲ့အတိုင်း အပြင်ကဖက်ကို သေချာကျနစွာ ခွာပြီးမှ အထဲက ကောက်ညှင်းနဲ့ လုပ်ထားတဲ့ မုန့်ဖတ်ကို စားရတာလေ။
မမမေလည်း စားချင်စိတ်က ထိန်းမရပြီမို့ မုန့်ဖက်ထုပ်ရဲ့ အပြင်က ဖက်ကို ခွာလိုက်ပါပြီ။ ကဲ။ ဖက်ကတစ်ခြား။ အထဲက အသားကတစ်ခြားဖြစ်သွားပြီ။ စားတော့မယ်ပေါ့။ အသားကိုပဲစားရမှာဆိုတော့ ဖက်ကလွှင့်ပစ်ရတော့ မယ်။ အနီးအနားမှာဖက်လွှင့်ပစ်ဖို့ အမှိုက်တောင်းဒါမှမဟုတ် အမှိုက်ပုံး လိုက်ရှာလိုက်ပါပြီ။
ဝိုးဟိုးဟိုးးးးးးးးးးးးးးးး တွေ့ပါပြီ သံအမှိုက်ပုံးတစ်ခု ။ မှောက်လျက်သား။ ပိန်လိန်နေလို့။ အတော်မှကို တင့်တယ်လှပေစွ။ဘယ်သကောင့်သားကများ အမှိုက်ပုံးကို အငြိုးနဲ့ထုသွားလေသလဲ။ ထားလိုက်ပါတော့လေ။
ဒါနဲ့ သံအမှိုက်ပုံ အပိန်အလိန်လေးနားကိုသွား။ လက်မှာက အစားတစ်ဖက်ကိုင်ထားလို့ လက်နဲ့ မလှန်ပဲ ခြေထောက်လေးနဲ့အသာလေးခေတ်ပြီး ပြန်တည့်လိုက်ရတယ်။ ပြီးတော့မှ ကိုရွှေအမှိုက်ပုံးထဲကို ကျွန်မရဲ့ မုန့်ဖက်ထုပ် အခွံကို လွှင့်ပစ်လိုက်ရပါတယ်။
ဒီလိုနဲ့ ဟိုဟိုဒီဒီ မျက်စိက ဝေ့ကြည့်လိုက်တော့
လားလား အနားမှာ မုန့်ဖက်ထုပ်ခွံတွေမှ ဒုနဲ့ဒေး ဟိုတစ်ခု ဒီတစ်ခု လမ်းမ ပေါ်မှာလည်း ရှိရဲ့။ လမ်းဘေးမှာ လည်းရှိရဲ့။ မမမေရဲ့ မုန့်ဖက်ထုပ်ခွံလေးတော့ အမှိုက်ပုံးအပိန်အလိန်လေးထဲမှာ အဖေါ်မဲ့ရှာပါပြီ။
“အန်တီကြီးကလည်းဗျာ။ အပိုအလုပ်တွေ။သူများတွေလည်းပစ်နေတာပဲကို။ ဒီအတိုင်းချလိုက်ရောပေါ့”တဲ့
အနားက ရေခဲချောင်းသည် ကလေးတစ်ယောက်က မမမေကို နားမလည်တဲ့ မျက်လုံးလေးတွေနဲ့ ပြောနေရှာ တယ်။ အန်တီကြီးတဲ့ မမမေ၀တ်စားထားတာကလည်း ရင်ဖုံးလက်စကနဲ့။ လုံခြည်ခြေမူးထိုးနဲ့ကိုး။ ပြောပါစေတော့။ ခေါ်ပါစေတော့။
“ကလေးရဲ့ သူများအမှိုက်ပစ်တိုင်း စည်းကမ်းမဲ့လိုက်ပစ်ရင် ဘယ်ဖြစ်ပါ့မလဲကွ”
“အမ ဘာယူမှာလဲ။ သင်္ဘောသီးလား၊ နာနတ်သီးလား၊ သခွားမွှေးလဲရှိတယ်ဗျ”
ကျွန်မ ဆက်ရှင်းပြချင်သေးပေမယ့် ရေခဲချောင်းသည်လေးက သူ့ CUSTOMER ကိုဆက်ရောင်းတော့မှာမို့ ကျွန်မ အလိုက်တသိနဲ့ ထွက်ခွာခဲ့ပါတယ်။
==========================================================
မမမေတစ်ယောက် ဆက်လက်ထွက်ခွာလာရင်း မမမေရဲ့ ဆရာတစ်ယောက်ရိုက်ယူလာခဲ့တဲ့ ဂျပန်နိုင်ငံက တက္ကသိုလ်တွေရဲ့ ဓါတ်ပုံလေးနဲ့ ဂျပန်နိုင်ငံရဲ့ အကြောင်းလေးပြောပြထားတာကို ပြန်လည်မြင်ယောင် လာမိ ပါတော့တယ်။
မြင့်မားလိုက်တဲ့ အဆောက်အအုံကြီး။ ကြီးကျယ်လိုက်တဲ့ အနေအထား။ ကျွန်းနိုင်ငံလို့သာပြောတယ်။ အဆောက်အအုံတွေကလည်း မိုးကိုပျံလို့။
အမှိုက်နဲ့တူတာဆိုလို့ ကျွတ်ကျွတ်အိပ်နဲ့တူတာဆိုလို့ ဘာမှမတွေ့ရ။ သန့်လိုက်တဲ့လမ်းလေးတွေ။ လူတွေကလည်း ရပ်ပြီးစကားပြောနေတာမျိုး။ လှမ်းနှုတ်ဆက်ပြီး အေးအေးလူလူလျှောက်လှမ်းနေတာမျိုး
မတွေ့ရဘူး။ တက္ကသိုလ်ပရ၀ဏ်ထဲမှာ ဟိုဟိုဒီဒီ ကူးလူးသွားလာနေတဲ့ လူမျိုးပေါင်းစုံကတော့ ပျားပန်းခတ်ပဲ၊ (မမမေကိုယ်တိုင်မမြင်ဖူးပေမယ့်။ ဓါတ်ပုံထဲမှာတောင် တော်တော်သန့်တဲ့လမ်းတွေ)
မမမေရဲ့ ဆရာက ကွမ်းယာအလွန်ကြိုက်သူပါ။ သူက အဲ့ဒီချိန်တုန်းက ဒေါက်တာဘွဲ့လည်းမရသေး။ ကျောင်းတက်တုန်းပေါ့။ မြန်မာပြည်ကသွားခါစဆိုတော့ ကွမ်းကလည်း ဖြတ်လို့မရသေးချိန်ပေါ့။ ကွမ်းယာစား ပြီး ကွမ်းတံတွေးကို ထွေးလိုက်မိတယ်။ (ခုတော့ ဆရာဟာ မမမေတို့ရဲ့ စံပြအဖြစ် စည်းကမ်းကြီးသူ တစ်ယောက် ပါ)
ကွမ်းတံတွေးထွေးပြီး သိပ်မကြာလိုက်ဘူး။ သူတို့ရဲ့သန့်ရှင်းနေတဲ့လမ်းပေါ်မှာ ကွမ်းတံတွေးထွေးမိတဲ့ အတွက် ချက်ချင်းဆိုသလို စည်ပင်သာယာရဲ့ ဒဏ်ငွေနဲ့ သတိပေးစာကို ရလိုက်တာပါပဲ။
ကဲ ဘယ်လောက်များ တိကျပြီး စည်းကမ်းရှိလိုက်ပါသလဲ။
မမမေ ခုလက်ရှိရောက်နေတဲ့ တက္ကသိုလ်ပရ၀ဏ်မှာတော့ ကွမ်းတံတွေးတွေများ မမြင်ချင်မှအဆုံး။ သားသတ်ရုံ ရောက်နေသလားတောင် ထင်ရတယ်။
ရေးထားပါတယ်။ တက္ကသိုလ်ရဲ့ လမ်းတစ်လျှောက်မှာ NOTICE BOARD တွေမှာရောပေါ့။
TOBACO FREE ZONE တဲ့
ဘယ်လောက်ပဲ သတိပေးဆိုင်းဘုတ်ကပ်ကပ် လိုက်နာရမှာက ဆိုင်းဘုတ်တွေက လိုက်နာ နိုင်တာမှ မဟုတ်တာ။
=====================================================
ပြောလက်စနဲ့ဆက်ပြောလိုက်ချင်ပါသေးတယ်။
မြန်မာပြည်က နေရာတော်တော်များများမှာ တွေ့ရတယ်။ သစ်တစ်ပင်ခုတ် ထောင်(၃)လတဲ့။ နောက်နေ့သွားကြည့်တော့ သစ်ငုတ်တိုလေးတွေက နှုတ်ဆက်လို့။
=====================================================
ဂျပန်ပြည်က နည်းပညာတွေနဲ့ စိုက်ထားတဲ့ပန်းပင်လေးတွေလှလိုက်တာ။ ချယ်ရီပင်ဆို ချယ်ရီတန်း။ ပင်လယ်ကဗွီးဆို ကဗွီးပင်တန်းနဲ့မမမေတို့ဆီမှာ ဒီနေ့ သစ်ပင်စိုက်ပွဲကျင်းပတယ်။ မနက်ဖြန်ဆို ဆိတ်ဝင်စားလို့ ပြောင်းသွားတယ်။ တစ်ဦးတစ်ယောက်ကောင်းလို့မရတာမျိုးပါ။
သစ်ပင်လေးစိုက်တာ ဘာအပန်းကြိးလို့လဲဆိုတာမျိုးမဟုတ်ပဲ။ သူကသစ်ပင်လေး စိုက်တယ်။ ငါက ပြုစုပျိုးထောင်မယ်ဆိုတဲ့ စိတ်မျိုးရှိသင့်ပါတယ်။
ကွာခြားချက်လေးတွေကို ညှိကြည့်လိုက်ရင် ကျွန်းနိုင်ငံလေးဖြစ်တဲ့ ဂျပန်ကို ဘာလို့မမှီနိုင်ရမှာ လဲနော်။
=====================================================
မြန်မာဆိုတာ တကယ့် အရိုးသားဆုံးလူမျိုးရယ်ပါ။ ကျွန်မ ကြားဖူးတာလေးပေါ့။ သို့ပေမယ့်ပေါ့
မူလတန်းပြဆရာမလေးတစ်ယောက် သူ့ကျောင်းမှာပဲ မနေ့က ဟန်းဖုန်းတစ်လုံးကျ ပျောက်သွားခဲ့တယ်။
ထုံးစံအတိုင်းကျွန်မတို့ မိတ်ဆွေတွေလည်း သူ့ဖုန်းကို ရှာတဲ့လူကရှာပေး။ ဆက်တဲ့လူက ဆက်ပေး နဲ့ပေါ။ ပထမဆက်တော့ ဖုန်းကို မကိုင်ပါဘူး။ နောက်တော့ “ဟယ်လို” တဲ့။ ထူးသံတော့ ကြားရပြီ။ မျှော်လင့်ချက်ရောင်ခြည်လေး ခပ်ရေးရေးမြင်ရပြီပေါ့နော်။ ကောက်ရတဲ့လူရှိနေပြီဆိုတာ သိရပြီ။
“ခုပြောနေတာ ဘယ်သူပါလဲရှင်။”
“မင်းကဘယ်သူလဲ။ ဘယ်ကလဲ”
“အော် ကျွန်မက ဒီဖုန်းပိုင်ရှင်ရဲ့ မိတ်ဆွေပါ။ သူ့ဖုန်းကျပျောက်သွားလို့။ ခု ဘယ်လို ဆက်သွယ် ရမလဲရှင့်”
“တီတီ တီ တီ”
ဟောတော့ ဖုန်းချလိုက်လေပြီ။ ဒါဆို တစ်ခြားနံပါတ်နဲ့ပြောင်းဆက်ကြည့်မယ်။
ပြောင်းဆက်တော့လည်း မောင်ဆက်ပါပဲရှင်။ ကျေးဇူးရှင်သကောင့်သားက ဖုန်းကို သေချာလည်း မပြော။ ပြန်ပေးမယ်လို့စိတ်ကူးလည်းမရှိ။ ငါကောက်ရတာ ငါ့ဟာလို့များ သဘောထားလိုက်လေ ရော့သလား။ ခက်ပါတယ်။
ဒီတော့လည်း ကုသိုလ်ကံပေါ့လေ။ မြန်မာ့ဆက်သွယ်ရေးကိုသွား။ ဖုန်းကို ယာယီပိတ်ခိုင်း။ ဖုန်းအပျောက်ပြန်လျှောက်နဲ့။ ဟန်းဆက်တစ်လုံး ဆုံးရှုံးသွားခဲ့ပါတယ်။
ဆရာမလေးဆုံးရှုံးတာ ဟန်းဆက်တစ်လုံးရယ်။ ကျွန်မ ခံစားလိုက်ရတာတော့ ကျွန်မတို့ ရိုးသားတဲ့မြန်မာလူမျိုးတွေရဲ့ ကူညီချင်စိတ်။ ရိုးသားမှု စတာတွေ ဆုံးရှုံးလိုက်ရသလိုပါပဲ။
=====================================================
ပြီးခဲ့တဲ့ရက်ပဲ ကျွန်မရဲ့ အသိမိတ်ဆွေ အန်တီကြီးတစ်ယောက်သူ့သမီးကျောင်းတက် နေတဲ့ ဂျပန်ကို အလည်အပတ်သွားရောက်ခဲ့ပါတယ်။
အလည်အပတ်ဆိုတော့ သိတော်မူကြတဲ့အတိုင်း လည်မယ်။ ၀ယ်မယ်။ ပျော်မယ်ပေါ့။
အဲ့ဒီမှာ မတူတာစတော့တာပါပဲရှင်။
အန်တီကြီးတစ်ယောက် SUPER MARKET မှာဈေးဝယ်ရင်း ပိုက်ဆံအိတ်ရော။ ဟိုတယ် အခန်း ကတ်တွေပါ မားကတ်ထဲမှာ ကျန်ခဲ့ပါတယ်။
ပိုက်ဆံအိတ်ထဲမှာ မြန်မာငွေ သိန်း ၃၀၀ လောက်တန်ဖိုးရှိတဲ့ နိုင်ငံခြားငွေတွေပါတယ်။ သူ့သမီးရဲ့ ကတ်တွေ ပါတယ်။
အန်တီကြီးကတော့ ဟိုတယ်ပြန်ရောက်တဲ့အထိ မေ့နေတုန်းပါပဲ။ ညနေစောင်းတော့ သူဝယ်ခဲ့တဲ့ MARKET က တာဝန်ရှိသူဝန်ထမ်းက ဟိုတယ်နံပါတ်နဲ့ ကတ်ကို တိုက်ဆိုင်စစ်ဆေးပြီး အိမ်တိုင်ရာရောက်(အဲလေ ဟိုတယ်တိုင်ဟိုတယ်ရောက်)လာပို့ပေးသွားခဲ့ပါတယ်တဲ့။ တစ်ပြားတစ် ချပ်မှမလျော့တဲ့ ငွေကြေးနဲ့ ကတ်တွေပြန်ရလာခဲ့ပါတယ်။
ကဲ ဒီလောက်ဆိုရင် တော်လောက်ပါပြီ။
မမမေ ရေးသားခဲ့သမျှကို အပြုသဘောနဲ့ပဲ ဖတ်ပေးကြပါ။ ပြင်သင့်တာလေးတွေ ပြင်ရအောင် ။ မမမေတို့လူငယ်တွေ စည်းလုံးညီညွှတ်စွာနဲ့ စည်းကမ်းလေးကို ၀ိုင်းဝန်းထိန်းသိမ်းကြမယ်ဆိုရင် နောင်တစ်ခေတ်မှာ မြန်မာပြည်ကြီး ဂျပန်နိုင်ငံကို မကျော်လွန်နိုင်စရာမှမရှိတာ။ ဟုတ်တယ်ဟုတ် ?
ကဲ စာဖတ်သူ သူငယ်ချင်းလေးရော ဘယ်လိုမြင်ပါသလဲ ?
ကျွန်မတို့ မြန်မာနိုင်ငံမှာ သယံဇာတတွေ ပေါများပါတယ်။
ကျွန်မတို့ မြန်မာနိုင်ငံမှာ သစ်တောထွက်ပစ္စည်းတွေလည်းပေါများပါတယ်
ကျွန်မတို့ မြန်မာနိုင်ငံမှာ ယဉ်ကျေးမှုတွေ ထွန်းကားပါတယ်။
ကျွန်မတို့ မြန်မာနိုင်ငံသားတွေ ရိုးသားမှုရှိကြပါတယ်။
တစ်ပါးသူပျော်ရွှင်ဖို့ စိတ်ရင်းနှင့်အားထုတ်သူသည် ကိုယ်တိုင်ပျော်ရွှင်ရသူသာဖြစ်သည်။
ရွှေမြို့တော်မှာ မေသူတင်ခဲ့ဖူးတဲ့ ပို့စ်လေးပါ။ ဇွဲက သူငယ်ချင်းလေးတွေ ဖတ်စေချင်လို့ ပြန်တင်လိုက်ပါတယ်နော်။
0 ကွန်မန့်ရေးရန်:
Post a Comment