သတိလစ်စေရန်ပြုလုပ်နှိင်သည့် ဆေးဝါးများ

ပလီပလာ ထွေကာလီကာ shared Myanmar Online News's photo.

Saturday, 19 January 2013
အခုပြောချင်တဲ့ဆေးတွေကတော့ မြန်မာအခေါ်အဝေါ်နဲ့ဆိုရင်စိတ်ကို

ပြောင်းလဲစေသော ဆေးဝါးများစာရင်းမှာ ထည့်ရမယ် ထင်ပါတယ်။ အခုပြောမယ့်ဆေးတွေကို တစ်ခါတစ်ရံမှာ လိင်ပိုင်းဆိုင်ရာ ကျူးလွန်မှုတွေကိုအထောက်အကူပြုဖို့ အသုံးပြုကြပါတယ်။ လိင်ပိုင်းဆိုင်ရာကျူးလွန်တယ်ဆိုရာတွင် ကာယကံရှင်၏ သဘောဆန္ဒမပါသော လိင်မှုဆိုင်ရာအပြုအမူတိုင်းကိုဆိုလိုပါသည်။ ဤနေရာတွင် မလျှော်ရာ ကိုင်တွယ်ခြင်းမှအစ (အရွယ်ရောက်သူတိုင်းသိကြပြီးဖြစ်မည့် အမြင်ရိုင်းသောရှင်းလင်းချက်စာသားများကိုဖျက်ထားပါသည်) ကြံစည်ခြင်းတို့ပါ ပါဝင်ပါသည်.............................................. ယခုပြောမည့် ဆေးဝါးများ၏ အာနိသင်ကြောင့်ဆေးခတ်ခံရသူဟာ ရုပ်ပိုင်းဆိုင်ရာ ခုခံနိုင်မှု မရှိတော့ဘဲ လိင်ဆက်ဆံမှုအားငြင်းပယ်နိုင်စွမ်း ပျောက်ဆုံးကာ မည်သို့ ဖြစ်ပျက်ခဲ့သည် ဆိုသည်ကိုပင်မှတ်မိနိုင်စွမ်း မရှိတော့ပေ။

ယင်းဆေးဝါးများသည် ယေဘုယျအားဖြင့်အရောင်မရှိ၊ အနံ့မရှိဘဲ အရသာလည်း မရှိသဖြင့် တစ်ဖက်သား မရိပ်မိစေဘဲအချိုရည်အတွင်းသို့ ထည့်ခတ်နိုင်ပေသည်။ Date rape drug အမျိုးအစားအနည်းဆုံး သုံးမျိုး ရှိပါသည်။ ယင်းတို့မှာ -
GHB (Gamma Hydroxybutyric Acid)
Rohypnol (Flunitrazepam)
Ketamine (Ketamine Hydrochloride) တို့ ဖြစ်ကြပါသည်။

Date rape (ချိန်းတွေ့ကျင့်ကြံခြင်းလို့ ဘာသာပြန်ရင် ရမယ်ထင်ပါ့) ဟုအသုံးများသော်လည်း ပညာရှင်အများစုကတော့ ဆေးဝါး အသုံးပြု၍လိင်ပိုင်းဆိုင်ရာ ကျူးလွန်ခြင်း (drug-facilitated sexual assault) ဟူသော အသုံးအနှုန်းကို ပိုမိုနှစ်သက်ကြသည်။ ယင်းဆေးဝါးများအားဓါးပြမှုနှင့် ရုပ်ပိုင်းအရ တိုက်ခိုက်ခြင်းများကဲ့သို့သောအခြားရာဇ၀တ်မှုများတွင်လည်း အသုံးပြုနိုင်ပြီး ကျားမ မရွေး ဆေးအာနိသင်ပြနိုင်ပေသည်။

ဆေး၏ ပုံသဏ္ဍာန်

GHB သည် အရောင်အဆင်းနှင့် အနံ့မရှိသော အရည်၊ အဖြူရောင်အမှုန့်နှင့်ဆေးပြားဟူ၍ ပုံစံအမျိုးမျိုး ရှိသည်။Rohypnol သည် ဆေးပြားပုံစံဖြစ်ပြီး အရည်များတွင် ပျော်ဝင်နိုင်သည်။ ဆေးပုံစံအသစ်သည် အရည်များတွင် ပျော်ဝင်သည့်အခါအပြာရောင်သန်းသွားသော်လည်း အရောင်မရှိသည့် ဆေးပုံစံဟောင်းအားလည်း ရရှိနိုင်ပေသေးသည်။Ketamine မှာမူ အဖြူရောင်အမှုန့်ဖြစ်သည်။

ခန္ဓာကိုယ်အား အကျိုးသက်ရောက်ပုံ

ဆေးသည် လျှင်မြန်စွာ အာနိသင်ပြနိုင်သည်။ ဆေးအာနိသင်မပျယ်ခင်ခံသည့်အချိန်မှာမူ ကွဲပြားသည်။ ယင်းသည် ဆေးမည်မျှ အသုံးပြုသည်ဆိုသည့်အချက်နှင့် အရက်ကဲ့သို့သော အခြားပစ္စည်းများနှင့်ရောစပ်ထားသည့်အပေါ်တွင် မူတည်သည်။ အရက်သည် ထိုဆေးများ၏ အာနိသင်ကိုပိုမိုဆိုးဝါးစေပြီး ကျန်းမာရေးကို ပိုမိုထိခိုက်စေနိုင်ပါသည်။ ထို့ပြင်GHB ကို အိမ်တွင်ပင် အလွယ်တကူ ပြုလုပ်နိုင်ပေသည်။

GHB ၏ အာနိသင်များ

အာရုံစူးစိုက်နိုင်မှု လျှော့ကျခြင်း အိပ်ချင်မူးတူးဖြစ်ခြင်း မူးဝေခြင်း မအီမသာနှင့် ပျို့ချင် အန်ချင်စိတ်ဖြစ်ခြင်း အမြင်ေ၀၀ါးလာခြင်း သတိလစ်ခြင်း လေဖြတ်သကဲ့သို့ဖြစ်ခြင်း ဆေးခတ်ခံရချိန်နှင့် ဆေးအာနိသင် ပျယ်ချိန်အကြားမှ အဖြစ်အပျက်များအား မမှတ်မိခြင်း အသက်ရှူရန် ခက်ခဲခြင်း တုန်တုန်ယင်ယင်ဖြစ်ခြင်း ချွေးထွက်ခြင်း အော့အန်ခြင်း နှလုံးခုန်နှုန်း နှေးကွေးခြင်း အိပ်မက်ကဲ့သို့ ခံစားရခြင်း သတိမေ့မြောခြင်း (ဦးနှောက်အလုပ် ရပ်ဆိုင်းခြင်း - coma) သေဆုံးခြင်း

Rohypnol ၏ အာနိသင်များ

ဆေးခတ်ခံရချိန်နှင့် ဆေးအာနိသင် ပျယ်ချိန်အကြားမှ အဖြစ်အပျက်များအား မမှတ်မိခြင်း သွေးပေါင်ချိန်ကျခြင်း အိပ်ချင်လာခြင်း ကြွက်သားများ အားလျှော့လာခြင်း သို့မဟုတ် ကြွက်သားများအား ထိန်းချုပ်နိုင်စွမ်း မရှိတော့ခြင်း အရက်မူးသကဲ့သို့ဖြစ်ခြင်း မအီမသာနှင့် ပျို့ချင် အန်ချင်စိတ်ဖြစ်ခြင်း စကားမပြောနိုင်တော့ခြင်း လှုပ်ရှားရန် ခက်ခဲလာခြင်း အသိစိတ် ပျောက်ဆုံးခြင်း ဇဝေဇ၀ါဖြစ်ခြင်း အမြင်ေ၀၀ါးလာခြင်း မူးဝေခြင်း အစာအိမ် မအီမသာဖြစ်ခြင်း

Ketamine ၏ အာနိသင်များ

စိတ်အာရုံချောက်ခြားခြင်း အချိန်နှင့် အမှတ်အသားများအား မှတ်သားနိုင်စွမ်း ပျောက်ဆုံးခြင်း အမြင်နှင့် အကြားအာရုံများ မမှန်မကန် ဖြစ်လာခြင်း မိမိကိုယ်ကို မထိန်းသိမ်းနိုင်ဟု ခံစားလာရခြင်း လှုပ်ရှားနိုင်စွမ်းအား ထိခိုက်လာခြင်း အသက်ရှူရန် ခက်ခဲလာခြင်း အူတက်အောင်ရယ်ခြင်း အော့အန်ခြင်း ခန္ဓာကိုယ် ထိတွေ့ခံစားနိုင်စွမ်း မရှိတော့ခြင်း မှတ်ဉာဏ်ထိခိုက်ခြင်း အိပ်မက်ကဲ့သို့ ခံစားရခြင်း ထုံထိုင်းခြင်း လှုပ်ရှားမှုအား ဟန်ချက်ညီအောင် ထိန်းနိုင်စွမ်း ပျောက်ဆုံးခြင်း အမူအရာ ကြမ်းတမ်းလာခြင်း
စကားသံ ဗလုံးဗထွေးဖြစ်ခြင်း ဒီဆေးတွေ တရားဝင်သလား?
ဟုတ်ကဲ့။ တစ်ချို့ဆေးတွေက တရားဝင်ပါတယ်။ ဒါပေမယ့် သင့်ကို မထိခိုက်ဟုမဆိုလိုပါ။ တရားဝင်ဆေးဝါးဖြစ်သော်လည်း ကျန်းမာရေးဝန်ဆောင်မှုပေးသူများ(ဆရာဝန်ကဲ့သို့သော ပုဂ္ဂိုလ်များ) ၏ညွှန်ကြားချက်မပါဘဲ အသုံးမပြုသင့်ပါ။

Rohypnol သည် တရားဝင်ဆေးဝါး မဟုတ်ပါ။ သို့သော် ဥရောပနှင့်မက္ကစီကိုတို့တွင် အိပ်မပျော် သည့်ရောဂါများအတွက် သောက်ရန် ညွှန်လေ့ရှိပြီးခွဲစိတ်ရာတွင် မေ့ဆေးအဖြစ်လည်း တရားဝင် အသုံးပြုတတ်ကြသည်။

Ketamine ကို အမေရိကတွင် လူများနှင့် တိရိစ္ဆာန်များအတွက်မေ့ဆေးတစ်မျိုး အဖြစ်တရားဝင် သုံးစွဲကြ သည်။တိရစ္ဆာန်များ တွင် အများဆုံးအသုံးပြုကြသည်။ တိရိစ္ဆာန်ဆေးခန်းများရှိ Ketamine ဆေးများအား မကြာခဏလုယက်ခံကြရကြောင်း သိရသည်။

GHB အား narcolepsy ဟုခေါ်သည့် အိပ်မပျော်သည့်ရောဂါအား ကုသရန်အတွက်အမေရိကတွင် မကြာသေးမီကတရားဝင်ဆေးဝါး အဖြစ် သတ်မှတ်ခဲ့သည်။
ဆေးခတ်မခံရအောင် ဘယ်လိုကာကွယ်မလဲ?
ကိုယ်နှင့်မသိသူများမှ တိုက်ကျွေးသည့် ဖျော်ရည်၊ သောက်ရေစသည့်အရည်များအား မသောက်ပါနှင့်။အအေးသံဗူးများ အား ကိုယ်တိုင်ဖွင့်၍ သောက်ပါ။ကိုယ်ပိုင် သောက်ရည်နှင့် အအေးဗူးများအား ကိုယ်နှင့်မကွာထား၍အိမ်သာသွားလျှင်ပင် ယူသွားပါ။ အအေးနှင့် ရေအား အခြားသူနှင့် မျှဝေမသောက်ပါနှင့်။ Punchဖျော်ရည်များနှင့် ယင်းကဲ့သို့သော လူအများ စုပေါင်းသောက်သုံး သည့်ခွက်များ၊ ပုလင်းများအတွင်းမှ အရည်များအား မသောက်ပါနှင့်။

(မိန်းကလေးတွေသင်္ကြန်လိုအချိန်မျိုး သတိထားကြဗျို့။ အဲဒီဟာတွေထဲမှာဆေးခတ်ထားနိုင်ပါတယ်။)ထူးခြားသော အနံ့နှင့် အရသာရှိသော မည်သည့်အရည် ကိုမျှ မသောက်ပါနှင့်။များသောအားဖြင့် GHB တွင် ငန်သောအရသာ ရှိပါသည်။အကယ်၍ ဆေးခတ် ခံရသည် သို့မဟုတ် မုဒိမ်းကျင့်ခံရသည်ဟုထင်ပါက ရဲစခန်းသို့မဟုတ် ဆေးရုံသို့ တိုက်ရိုက်သွားပါ။ ဖြစ်နိုင်သမျှ ချက်ခြင်း ဆီးစစ်ဆေးမှု ခံယူပါ။ ဆေးအာနိသင်သည်အလွန်လျှင်မြန်စွာ ပျယ်သွားနိုင်ပါ သည်။

Rohypnol သည် ခန္ဓာကိုယ်အတွင်းတွင်နာရီပေါင်းများစွာ နေနိုင်ပြီး ဆေးသောက်သုံးပြီး ၇၂ နာရီအတွင်းတွင်ဆီးအတွင်း စစ်ဆေးတွေ့ရှိနိုင်ပါသည်။ GHB မှာမူ ၁၂ နာရီအထိသာခန္ဓာကိုယ် အတွင်း နေနိုင်ပါသည်။တစ်စုံတစ်ရာ အကူအညီမရမချင်း ဆီးမသွားပစ်ပါနှင့်။ ရေလောင်းဆေးခြင်း၊ရေချိုးခြင်း သို့မဟုတ် အ၀တ်အစားလဲခြင်း မပြုလုပ်ပါနှင့်။ ယင်းအရာများသည်မုဒိမ်းကျင့်ခံရသည်ဆိုသည့် သက်သေများ ဖြစ်ပါသည်။
အရေးပေါ်ဖုန်းနံပါတ် သို့မဟုတ် ရဲဌာနသို့ ဖုန်းခေါ်ပါ။ ရှက်ခြင်း၊အပြစ်ရှိသလို ခံစားရခြင်း၊ ကြောက်လန့်ခြင်းနှင့် တုန်လှုပ်ခြင်းတို့ သည်ပုံမှန်ဖြစ်တတ်သော အရာများ ဖြစ်ပါသည်။ ကျွမ်းကျင်သည့် ပညာရှင်များ၏အကြံဉာဏ်ရရှိရန် အရေးကြီးပါသည်။ အရက်ဆိုင်၊ ကလပ် သို့မဟုတ် ပါတီပွဲများသို့သွားလျှင် တစ်ဦးတည်းမသွားပါနှင့်။ သူငယ်ချင်းများ စုပေါင်းသွားခြင်းဖြင့် တစ်ဦးကို တစ်ဦးအပြန်အလှန် ကူညီနိုင်ပါသည်။
သင့်စိတ်တွင် ပုံမှန်မဟုတ်ဟု ခံစားရသော အဖြစ်အပျက်များနှင့် ခပ်ဝေးဝေးတွင်သာနေပါ။သင် အပြည့်အ၀ ယုံကြည်နိုင်ခြင်း မရှိသူထံမှ မည်သည့်တိုက်ကျွေးမှုကိုမျှလက်မခံပါ နှင့်သင်သောက်နေ သောခွက်အား စိတ်ချရသော စောင့်ကြည့်ပေးမည့်သူ မရှိဘဲ အိမ်သာသွားလျှင်ပင် ချန်မထားခဲ့ပါနှင့်။ အထက်ပါ ဆေးများအား အရက်အပြင် အချိုရည်များ၊ လက်ဘက်ရည်၊ ကော်ဖီနှင့် ချောကလက် ဖျော်ရည်အပူ စသည်တို့တွင် ထည့်ခတ်နိုင်ပါသည်။ သင့်အားခုခံနိုင်စွမ်းမရှိအောင် ပြုလုပ်နိုင်သည့် ဆေးဝါးများစွာရှိပြီးအများစုသည် သောက်သုံး သည့် အရည်များအတွင်း အလွယ်တကူ မသိရှိနိုင်ပါ။ပုလင်းအတွင်းမှ အရည်ကို သောက်သုံးပြီး ပုလင်း အ၀အား သင့်လက်မဖြင့်ပိတ်ထားခြင်းသည် အကောင်းဆုံးနည်းလမ်း ဖြစ်ပါသည်။ ထိုပုလင်း အားစောင့်ကြည့်ပေးမည့်သူမရှိဘဲ ထားခဲ့လျှင် ယင်းပုလင်းအတွင်း မည်သူကမည်သည့်အရာများ ထည့်လိုက်သည်ဟု သိရှိနိုင်စွမ်း မရှိတော့ပေ။
အကယ်၍ ထိုသို့ထားခဲ့မိ၍ ပြန်လာသည့်အခါ သင်၏ ပုလင်း သို့မဟုတ် ခွက်သည်နေရာ ရွေ့နေခြင်း၊ ပုံစံပြောင်းနေခြင်း၊ ပြည့်အောင် ထပ်ဖြည့်ထားသည်ဟုထင်ရခြင်း သို့မဟုတ် အရသာ ထူးခြားနေခြင်း တို့ တွေ့ရှိရပါကဆက်လက်သောက်သုံးခြင်း မပြုပါနှင့်။ အရက်ဆိုင်၊ ကလပ် သို့မဟုတ် ပါတီပွဲတွင် ယခုမှ တွေ့ဖူးသူနှင့်အတူပြန်ရမည်ဆိုပါက အထူးစဉ်းစားပြီးမှ ဆုံးဖြတ်ပါ။ တစ်ခွက်၊ နှစ်ခွက်မျှနှင့် မူးလာသည်ဟု ခံစားလာရပါက ယုံကြည်ရသော မိတ်ဆွေ၊ကလပ်မှ လုံခြုံရေးဝန်ထမ်း သို့မဟုတ် အရက်ဆိုင် အုပ်ချုပ်သူများထံမှအကူအညီ ရယူပါ။
လုံခြုံစိတ်ချရသည့်နေရာသို့ ဖြစ်နိုင်သမျှ မြန်မြန်ရောက်ရှိရန် အရေးကြီးပါသည်။ သင်အကူအညီတောင်းမည့်သူသည် မည်မျှကြာအောင်ပင် သိရှိနေခဲ့သူဖြစ်စေကာမူလုံးဝယုံကြည်ရသူ ဟုတ်မဟုတ် သေချာစွာ ဆင်ခြင်သုံးသပ်ပါ။ကျားမ မရွေး ဆေးခတ်ခံရနိုင်ပါသည်
အထက်တွင် ဖော်ပြခဲ့သည်များမှာ ဆေးဝါး အသုံးပြု၍ လိင်ပိုင်းဆိုင်ရာကျူးလွန်ခြင်းအန္တရာယ်အား လျှော့ချရန် နည်းလမ်းများ ဖြစ်ပါသည်။သင်အပြင်သွားသည့်အခါတိုင်း အထက်ပါ အချက်အလက်များ အားမှတ်မိနိုင်လိမ့်မည်ဟု မမျှော်လင့်ပါနှင့်။ ထို့ကြောင့်မည်သည့်အချိန်တွင်မဆို အထူးဂရုပြု သင့် ပါကြောင်း။ ။
(အခုတော့ အဲဒီ Date Rape Drugs တွေ ဖျော်ရည်ထဲမှာ ခတ်ထား မထားစမ်းသပ်သိရှိနိုင်တဲ့ Detection Kit တွေ ပေါ်နေပါပြီ။ အသေးစိတ်ကို*http://www.csus.edu/alcohol/predatory_drugs.html* မှာ သွားရောက်ဖတ်ရှုနိုင်ပါတယ်။)

Dr.Pwint Phyu Phyu
Senior Program Officer
Care Lashio

Ref: *http://kyawthetlatt.blogspot.com/*, “Date rape drugs”

Read More

တရုတ်တို့ မြန်မာကို ဆုံးရှုံးပြီလော

• January 20, 2013 ရက် ၊ 18:30 တွင် ကိုကိုနန်းညွန့်ဦး ရေးသားခဲ့သော ဘလော့ဖြစ်ပါသည် ။
• စာပို့ရန်   View Blog

မြန်မာတို့၏ အသံစုံစုံ ရှုပ်ထွေးနေသော ဒီမိုကရေစီသည် အနောက်နိုင်ငံဘက် ဦးတည် လိုက်သောအခါ တရုတ် အစိုးရသည် ၄င်း၏ပါဝါကို ထိန်းသိမ်းရန်နှင့် မြန်မာကို အနှောင့်အယှက် ဖြစ်စေရန် လူမျိုးစု ပဋိပက္ခများကို ဝင်ရောက် မွှေနှောက်ဖို့ သင့် မသင့် ငြင်းခုံမှုများ ပွက်လော ရိုက်လာလေတော့သည်။
၂၀၁၁ ခုနှစ်မှ စတင်ပြီး သမ္မတ ဦးသိန်းစိန်၏ ဒီမိုကရေစီ ပြုပြင် ပြောင်းလဲမှုများဖြင့် စတင်သော အပြောင်းအလဲများ မြန်မာနိုင်ငံတွင် ပေါ်ပေါက်လာမှု များသည် တရုတ်နိုင်ငံ အတွက် ပြဿနာတစ်ခု ဖြစ် လာသည်။ တရုတ်နိုင်ငံသည် ဆယ်စုနှစ်ပေါင်း ကြာမြင့်စွာ အဆိုပါ အာဏာရှင် ဆန်သော အိမ်နီးချင်းနှင့် နွေးထွေးသော ဆက်ဆံရေးကို ထားရှိပြီး ယင်းနိုင်ငံ၏ သဘာဝ သယံဇာတများ ထုတ်ယူမှုနှင့် နိုင်ငံခြားရေး ပေါ်လစီတို့အပေါ် လက်ဝါးကြီးအုပ်ခွင့်ဖြင့် ကြည်နူးခဲ့ သည်။ သို့သော် မြန်မာနိုင်ငံသည် အသံစုံစုံ ရှုပ်ထွေးနေသော ဒီမိုကရေစီ တစ်စိတ်တစ်ပိုင်း ဖြစ်လာသောအခါ အတိတ်ကာလ တပ်မတော် အစိုးရကို ထောက်ပံ့ ကူညီခဲ့ပြီး စီးပွားရေး အမြတ်ထုတ်မှု များလုပ်ခဲ့သော ဘေဂျင်းအစိုးရကို ပြည်သူများက ခါးခါးသီးသီး ဖြစ်နေကြသည်။

တရုတ် အစိုးရသည် တရုတ်-မြန်မာ နယ်စပ်တွင် တိုက်ပွဲများ ဖြစ်နေသောကြောင့် သူ၏တပ်များကို နှစ်နိုင်ငံ နယ်စပ်သို့ ဇန်နဝါရီလ အစောပိုင်း၌ ပို့ဆောင်လိုက်သည်။ တရုတ်ပိုင်နက် အတွင်း ပဋိပက္ခများ ဖိတ်စဉ်လာပါက အခြေအနေ ဆိုးရွားလာနိုင် သဖြင့် မြန်မာနိုင်ငံသည် ဒေသတွင်း တည်ငြိမ်မှု၏ ခြိမ်းခြောက်မှု တစ်ခု ဖြစ်နေဆဲပင်။

မြန်မာနိုင်ငံသည် အိန္ဒိယ သမုဒ္ဒရာသို့ ဆက်သွယ်ပေးမည့် မဟာဗျူဟာမြောက် လက်ရန်း တစ်ခုသဖွယ် တရုတ်အတွက် မဖြစ် နိုင်တော့။ သို့တည်းမဟုတ် အာဆီယံ၌ သစ္စာရှိ ထောက်ခံမည့်သူ အဖြစ် မဟုတ်နိုင်တော့။ မြန်မာအစိုးရသည် ဝါရှင်တန်နှင့် ဆက်ဆံရေး တိုးတက်မှု အရှိန်မြင့်လာခြင်းသည် အာရှ၌ အမေရိကန်သြဇာ ပြန်လည် ချိန်ခွင်လျှာ ညှိနေခြင်း ဖြစ်သောကြောင့် တရုတ်အတွက် စိတ်ရှုပ်ထွေးစရာ တိုးပွားလာသည်။

တရုတ်လက်နက် ကုမ္ပဏီကြီး တစ်ခုနှင့် မြန်မာ တပ်မတော်ပိုင် မြန်မာ့စီးပွားရေး ဦးပိုင်လီမိတက် တို့ ပူးပေါင်းပြီး ဆောင်ရွက်နေသော မြန်မာနိုင်ငံ အလယ်ပိုင်း မုံရွာအနီးရှိ လက်ပံတောင်းတောင် ကြေးနီ စီမံကိန်း အပေါ် ဒေသခံ ရွာသားများနှင့် သံဃာ တော်များက ပြီးခဲ့သည့် လပေါင်းများစွာ အတွင်း ဆန္ဒပြ ကန့်ကွက်ခဲ့ကြသည်။ ၂၀၁၁ အတွင်း တရုတ်ကုမ္ပဏီ တစ်ခုက တည်ဆောက်နေသည့် ဒေါ်လာ ၃ ဒသမ ၆ ဘီလီယံ မြစ်ဆုံရေကာတာ စီမံကိန်းကို ပြည်သူ့ ဆန္ဒအရ သမ္မတ ဦးသိန်းစိန်က ရပ်ဆိုင်း ထားခဲ့သည်။ မုံရွာအနီး လက်ပံတောင်း တောင်စီမံကိန်းကို ကန့်ကွက်မှု များသည် မြန်မာနိုင်ငံအတွင်း တရုတ် ရင်းနှီးမြှုပ်နှံမှုများ အတွက် အန္တရာယ် ရှိနေပြီ ဆိုသည့် စိုးရိမ် ပူပန်မှုများ မြင့်တက် လာစေတော့သည်။

တရုတ်တို့ အမျိုးသား အကျိုးစီးပွား ထိခိုက်မှုကို ဟန့်တားရန် နေပြည်တော် အစိုးရကို တားမြစ်ဖို့ တရုတ်တို့တွင် ဆောင်ရွက်နိုင် စွမ်းအား နည်းနည်းသာ ရှိတော့သည်။ အစိုးရ သုတေသီများ၊ အရှေ့ တောင်အာရှ ကျွမ်းကျင်သူများ ပါဝင်သော တရုတ် နိုင်ငံခြားရေးရာ ပေါ်လစီ အသိုင်းအဝိုင်း အတွင်း ငြင်းခုံမှုများ ကျယ်ကျယ် လောင်လောင် ပေါ်ထွက်လာနေသည်မှာ တရုတ်အစိုးရသည် တစ်ချိန်က မိတ်ဆွေများ ဖြစ်ခဲ့ဖူးသည့် နေပြည်တော်ကို ဆန့်ကျင် နေသော တိုင်းရင်းသား လူမျိုးစု လက်နက်ကိုင် အဖွဲ့များနှင့် ပြန်လည် ပေါင်းသင်းပြီး အင်အားချိန်ခွင်လျှာကို ပြန် ထိန်းသိမ်းရန် ဆိုသည့် သဘောထား ဖြစ်သည်။ ယူနန် ရဲ ကောလိပ်မှ နိုင်ငံရေးသိပ္ပံ ပါမောက္ခ လျန်ကျန်းယွန်က အဆိုပါလူမျိုးစု လက်နက်ကိုင် အဖွဲ့များနှင့် ပတ်သက်ပြီး ၂၀၁၁ တွင် အရေးပါသော စာတမ်းတစ်စောင် ရေးသား ခဲ့သည်။ “အဆိုပါ (တိုင်းရင်းသား လက်နက်ကိုင်များကို) အသုံးပြု ပါက ၄င်းတို့သည် မြန်မာနိုင်ငံတွင် တရုတ်နှင့် အမေရိကန် တို့အကြား ထိပ်တိုက် ရင်ဆိုင်မှုများ၏ ရှေ့တန်း မျက်နှာစာတွင် တရုတ်တို့၏ သစ္စာ အရှိဆုံးသော မိတ်ဆွေများ ဖြစ်လာပေလိမ့်မည်” ဟု ရေးသားခဲ့သည်။

မြန်မာနိုင်ငံ လွတ်လပ်ရေး ရရှိသည့် ၁၉၄၈ ခုနှစ် နောက်ပိုင်း ကတည်းက အရှေ့ပိုင်းနှင့် မြောက်ပိုင်းဒေသရှိ တိုင်းရင်းသားများ ဖြစ်သော ဝ၊ ကချင်တို့နှင့် တရုတ် အစိုးရသည် ရင်းနှီးဆက်နွှယ်မှု ကို ကာလကြာမြင့်စွာ တည်ဆောက်ထားပြီး ဖြစ်သည်။ အဆိုပါ ပတ်သက်မှု၏ အမြင့်ဆုံး ဒီဂရီမှာ ၁၉၆၀ ပြည့်နှစ်များ အတွင်း ဗဟို အစိုးရကို ဆန့်ကျင်ခဲ့သော (ကချင်၊ ဝ နှင့် တရုတ် အမျိုးသားများ ပါဝင်သည့်) ဗမာပြည်ကွန်မြူနစ် ပါတီကို တရုတ် အစိုးရက ထောက်ခံ ပံ့ပိုးပေးမှုဖြစ်သည်။ တရုတ်အစိုးရ၏ ငွေအား လူအားဖြင့် ကူညီ ထောက်ပံ့မှုတို့ ၁၉၉၀ ပြည့်နှစ် အစောပိုင်း ကာလများတွင် နိဂုံးချုပ်သွားခဲ့သည်။ သို့သော် ယူနန်ပြည်နယ်သည် ဘိန်း အစားထိုး သီးနှံ စိုက်ပျိုးခြင်းမှသည် အခြားသော စီးပွားရေး ပူးပေါင်းဆောင် ရွက်မှုများဖြင့် ယင်းအဖွဲ့များနှင့် ထိစပ် ပတ်သက်နေဆဲ ဖြစ်သည်။

၂၀၁၁ စက်တင်ဘာ လ၌ မြန်မာ အစိုးရသည် “ဝ” အဖွဲ့နှင့် ငြိမ်းချမ်းရေး သဘောတူညီချက် ရရှိခဲ့သော်လည်း ကချင် အဖွဲ့နှင့် မြန်မာ့ တပ်မတော်တို့အကြား တိုက်ပွဲများ ဆက်လက် ဖြစ်ပေါ်နေဆဲ ဖြစ်သည်။ ဇန်နဝါရီလ ၂ ရက်နေ့တွင် ကချင် လက်နက်ကိုင် အဖွဲ့ကို လေကြောင်း အသုံးပြုပြီး တိုက်ခိုက် ခဲ့သည်ဟု ဝန်ခံခဲ့သည်။ တရုတ် အစိုးရက ယင်းဖြစ်ရပ် အတွက် အနည်းအကျဉ်းသာ ထုတ်ဖော်ပြောခဲ့ပြီး တရုတ်နှင့် မြန်မာတို့သည် အရေးကြီးသော အိမ်နီးချင်းများဖြစ်ကာ အမေရိကန်ပြည်ထောင်စုနှင့် မြန်မာတို့ အကြား ဆက်ဆံရေး တိုးတက်မှုကို တရုတ်တို့က ကြိုဆိုကြောင်း နိုင်ငံခြားရေး ဝန်ကြီးက ပြောဆိုခဲ့သည်။ သို့သော် တရုတ်တို့သည် အတိတ်ကာလ တုန်းက ပြုမူ ခဲ့သလိုပင် လိုလားချက်ကို တိုက်ရိုက် ထုတ်မပြောဘဲ မြန်မာအပေါ် ကောင်းကောင်းမွန်မွန် ဆက်ဆံပြခဲ့ သည်။ ပြီးခဲ့သည့် နိုဝင်ဘာလ အတွင်း တရုတ်အစိုးရက ကျွမ်းကျင်သူ တစ်ဦးနှင့် သီးသန့် တွေ့ဆုံရာ၌ တရုတ်သည် မြန်မာအပေါ် ချဉ်းကပ်မှု အား နည်းလမ်းပေါင်းစုံ အသုံးပြု သင့်သည်ဟု ဆိုသည်။
"နယ်စပ်လူမျိုးစု လက်နက်ကိုင် အုပ်စုတွေက ကျွန်တော်တို့ရဲ့ ဖဲချပ်တွေပဲ။ ဒါတွေကို ကောင်းကောင်းမွန်မွန် ကိုင်တွယ် တတ်ဖို့ပဲ လိုတယ်" ဟု ဘေဂျင်း အခြေစိုက် နောက်ထပ် တရုတ် ကျွမ်းကျင်သူ တစ်ဦးက ဆိုသည်။
သူ၏အမြင်သည် လွန်ခဲ့သော နှစ်အနည်းငယ် အတွင်း ကျွန်တော်စကား ပြောခဲ့သည့် အခြားသူများနှင့် အမြင်တူနေသော် လည်း တစ်ယောက်မှ လူသိရှင်ကြား ထုတ်မပြော ခဲ့ကြပေ။

၎င်းတို့က တရုတ် အစိုးရသည် ကချင်နှင့် မြန်မာ အစိုးရအကြား ကြားဝင် ပေးသင့်ပြီး တရုတ်၏ သြဇာနှင့် လွှမ်းမိုးမှု မြန်မာတို့ကို သတိပေးရန်၊ နယ်စပ်ဒေသ တည်ငြိမ်မှု ရှိရန် ပြုလုပ်သင့် သည်ဟု ယုံကြည် နေကြသည်။ ထို့အပြင် နေပြည်တော်ကို ဆန့်ကျင်နေသော လူမျိုးစု လက်နက်ကိုင် များကို တရုတ် အစိုးရက အားပေး ကူညီသင့်ပြီး မြန်မာ့ တပ်မတော်ကို တိုက်ခိုက်မှုများ ရပ်တန့် သွားရန်နှင့် နယ်စပ် တစ်လျှောက် သစ်၊ ကျောက်စိမ်းနှင့် အခြားသယံဇာတများ အတားအဆီးမရှိ စီးမျောခွင့် ရရန် ဖိအား ပေးသင့်သည်ဟုဆိုသည်။ အဆိုပါ လေ့လာသုံးသပ်သူ များ၏ အဆိုအရ လက်နက်ကိုင် လူမျိုးစုများကို ထောက်ပံ့ အားပေးခြင်းသည် နေပြည်တော် အပေါ် တရုတ်တို့ ချိန်ခွင်လျှာ ထိန်းဖို့နှင့် တရုတ်၏ အမျိုးသား အကျိုးစီးပွားတို့ကို ရိုသေလေးစားဖို့ မြန်မာကို ဖိအားပေးခြင်း ဟုဆိုသည်။ သို့သော် မြန်မာသည် အနောက်နိုင်ငံ၏ လက်အတွင်း ပစ်ဝင်ခို လိုက်ကတည်းက တရုတ်တို့ အတွက် ဆုံးရှုံးစရာ တစ်ခုမှမရှိ၊ ရစရာချည်းသာ ဖြစ်သည်ဟု ထင်မြင် ယူဆနေကြသည်။

တရုတ်နိုင်ငံခြားရေး ဝန်ကြီးဌာနနှင့် နီးစပ်သူများကတော့ အဆိုပါ အမြင်ကို လက်မခံကြပေ။ ၄င်းတို့သည် တရုတ်တို့၏ သူတစ်ပါးနိုင်ငံ ပြည်တွင်းရေးကို ဝင်ရောက် မစွက်ဖက်ရေး မူကိုသာ နှုတ်တက်ရွရွ ရွတ်နေကြပြီး နှစ်နိုင်ငံ ခိုင်မာသော ချစ်ကြည်ရေး ကို တည်ဆောက်ထားပြီး ဖြစ်သဖြင့် လူမျိုးစု လက်နက်ကိုင်များ အရေးကြောင့် နေပြည်တော်ကို အထီးကျန် ဖြစ်စေမည်ဆိုသည့် ယူဆချက်ကို ငြင်းဆိုခဲ့သည်။ အဆိုပါ လေ့လာသုံးသပ်သူအများစု ယုံကြည်ကြသည်မှာ ပွက်လောရိုက် နေသော ဒီမိုကရေစီသည် တရုတ် အကျိုးစီးပွားကို လတ်တလော နာကျင်စေမည် ဖြစ်သော်လည်း တဖြည်းဖြည်း ကွယ်ပျောက် သွားမည်ဟု ဆိုကြသည်။ နေပြည်တော် အစိုးရသည် ဘေဂျင်း၏ ထောက်ခံမှုရရှိရန် ယခင်လို ပြန်လှည့်လာမည်၊ သို့မဟုတ်ပါက မြန်မာပြည် သည် ဖရိုဖရဲ တိုင်းပြည်အဖြစ် ကျရောက် သွားမည်။ ထို့ကြောင့် နှစ်နိုင်ငံ စလုံး ကာလတာရှည်သော ချစ်ကြည်မှု ရှိခဲ့သလို တရုတ်သည် မြန်မာ၏ အကြီးမားဆုံးသော ရင်းနှီးမြှုပ်နှံသူ၊ ကုန်သွယ်ဖက် ဖြစ်သည်ဟု ၄င်းတို့က ဆိုကြသည်။

၎င်းတို့ အမြင်တွင် မြန်မာလူမျိုးစု လက်နက်ကိုင် များက တရုတ် ပါဝင်လာခြင်းကို ကြိုဆိုသည်ဟု ဆိုသည်။ KIA သတင်း ရပ်ကွက်တစ်ခု အဆိုအရ “မယုံကြည်ရသော၊ လူမျိုးကြီး ဝါဒ ကိုင်စွဲထား သော မြန်မာ အစိုးရသည် ကမ္ဘာ့ အင်အားကြီး တစ်ခုခု ကျောထောက် ထောက်ခံ မပေးပါက မည်သည့် သဘောတူညီချက် ကိုမျှ လိုက်နာ မည်မဟုတ်” ဟုဆိုသည်။ အမေရိကန် ပြည်ထောင်စုသည် တိုင်းရင်းသား လူမျိုးစု လက်နက်ကိုင်များ ဘက်က ရပ်တည်ခြင်း ထက် နေပြည်တော် ဘက်ကို ရပ်တည်ဖို့ အာရုံစိုက် နေမှုကြောင့် ကချင်နှင့် “ဝ” တို့က တရုတ်သည် ၄င်းတို့၏ အားအကြီးဆုံး မဟာမိတ် ဖြစ်လာရန် မျှော်လင့်နေကြသည်။

ပြီးခဲ့သည့် နှစ်အနည်းငယ် အတွင်း ဝါရှင်တန် သို့ ချစ်ကြည်ရေး မကြာခဏ သွားရောက်ခဲ့သည့် ကချင်အဖွဲ့ဝင် များက အမေရိကန်တို့၏ စိတ်ဝင်တစား မရှိမှုကို စိတ်ပျက်လက်ပျက် ဖြစ်သည် ဟု ဆိုကြသည်။ တရုတ်ဒေသခံ အာဏာပိုင် အချို့ကမူ “ဝ” အဖွဲ့ဝင် များသည် သူတို့အပေါ် အမေရိကန်တို့က မူးယစ်ရာဇာများ၊ လက်နက်မှောင်ခို ကုန်ကူးသူများဟု ခေါ်ဝေါ်နေခြင်းကို ရပ်တန့်စေ လိုသော မျှော်လင့်ချက်ကို ဆုပ်ကိုင် မထားလိုတော့ဟု ဆိုကြသည်။

မြန်မာသည် တရုတ်နိုင်ငံနှင့် တစ်စတစ်စ ဝေးကွာလာနေခြင်း အပေါ် ဘေဂျင်း၏ စိုးရိမ် ကြောင့်ကြမှုကို နားလည် လာနေသော ကချင်နှင့် ဝတို့သည် နိုင်ငံရေး အဖြေရှာရန် နှင့် ကိုယ်ပိုင် အုပ်ချုပ်ခွင့် ရရန် ၄င်းတို့၏ လှုပ်ရှားမှုကို တရုတ် အစိုးရက ထောက်ခံသင့်သည် ဟု ဆိုသည်။ သို့သော် အဆိုပါ နိုင်ငံရေးမျှော်မှန်းချက် အတွက် လှုပ်ရှားသည့် တိဘက်နှင့် ဝီဂါတို့ အပေါ် တရုတ်တို့ ဖိနှိပ်မှုများ ရှိနေသောကြောင့် တရုတ် အစိုးရအတွက် မျက်နှာပျက်စရာသာ ဖြစ်ပေတော့မည်။ သို့သော် နိုင်ငံရေးသည် သူစိမ်းများကို တစ်အိပ်ရာ အတွင်း အိပ်အောင် လုပ်နိုင်သည်။ လူမျိုးစု လက်နက်ကိုင်များ၏ အရေးကို ထောက်ခံပြီး မြန်မာ အစိုးရကို ဂရုမစိုက်ကြောင်း ပြသမည် ဆိုပါက အတော်ပင် ဆိုးရွား လှသော ဖီလာတိုက်မှုကြီး ဖြစ်နေ ပေတော့မည်။

မူရင်းဆောင်းပါး - Has China Lost Myanmar?
Yun Sun (Foreign Policy Magazine မှ ဖော်ပြချက်)
ကိုကိုနန်းညွန့်ဦး.....ဒီကယူပါတယ်...
http://thevoicemyanmar.com/index.php/foreign-affairs/item/3468-%E1%...

Read More

ကာမရာဂနှစ်နှင့် စင်ကာပူ

• January 20, 2013 ရက် ၊ 18:30 တွင် ကိုကိုနန်းညွန့်ဦး ရေးသားခဲ့သော ဘလော့ဖြစ်ပါသည် ။
• စာပို့ရန်   View Blog

စာရေးသူဟာ ၂၀၁၂ ခုနှစ် ဒီဇင်ဘာ ၂၁ ရက်မှာ စင်ကာပူနိုင်ငံကို အလည်အပတ် ခရီးသွားရောက်ခဲ့ပါတယ်။ ၂၆ ရက်မှာ စင်ကာပူက တစ်ဆင့် မလေးရှားနိုင်ငံကိုသုံးရက် ခရီးသွားရောက်ခဲ့ပြီး ၂၉ ရက်မှာ စင်ကာပူကို ပြန်လည် ရောက်ရှိခဲ့ပါတယ်။ နှစ်သစ်ပထမနေ့ဖြစ်တဲ့ ၂၀၁၃ ခုနှစ် ဇန်န၀ါရီ ၁ ရက်မှာတော့ ရန်ကုန်မြို့ကို ပြန်လည်
ရောက်ရှိခဲ့ပါတယ်။ စင်ကာပူခရီးစဉ် အတွေ့အကြုံများအနက်မှ အလွန်စိတ်ဝင်စားဖွယ် ကောင်းလှတဲ့အချက်တွေကို မီးမောင်းထိုးပြပြီး စာဖတ်ပရိသတ်ကြီးထံ နှစ်သစ်လက်ဆောင်မွန်အဖြစ် ရေးဖွဲ့ပေးအပ်လိုက်ပါတယ်။
စင်ကာပူဟာ Sky Scraper လို့ခေါ်တဲ့ မိုးမျှော်အဆောက်အအုံများနဲ့ အခြေခံအဆောက်အအုံတွေ လွန်စွာခမ်းနားထယ်ဝါ လှပပြီး စီးပွားရေးဖွံ့ဖြိုးမှုနဲ့ နည်းပညာ တိုးတက်မှုမှာလည်း အာဆီယံ နိုင်ငံများအတွင်း ရှေ့တန်းကနေရာယူထားတဲ့ နိုင်ငံဖြစ်တယ်ဆိုတာ အားလုံးသိပြီးဖြစ်တဲ့အတွက် အထူးစာဖွဲ့ ပြောဖို့ မလိုပါဘူး။ ဒါပေမဲ့ လူတွေအကြောင်းကို ပြောစရာရှိပါတယ်။ ပြောလည်းပြောချင်ပါတယ်။ စာရေးသူ ဘ၀င်မကျဆုံးအချက်တစ်ရပ်က စင်ကာပူ မိဘတွေဟာ မိမိတို့ရဲ့ ရင်သွေးကို တွန်းလှည်းထဲထည့်ပြီး ရေခဲချောင်းလှည်းတွန်းသလို တွန်းပြီးသွားတတ်တဲ့ ဓလေ့စရိုက်ကိုပါပဲ။ စာရေးသူဟာ ယခုအကြိမ်ပါဆိုလျှင် စင်ကာပူကိုရောက်တာ သုံးကြိမ်တိတိရှိပါပြီ။ လူတွေအလွန်စည်ကားတဲ့ ဆန်တိုဆာကျွန်း၊ တိရစ္ဆာန်ရုံ၊ စင်ကာပူရဟတ်စတဲ့ နေရာတွေကို မိသားစုအလည်အပတ် သွားကြရာ ကုန်တိုက်ကြီး တွေကို ဈေးဝယ်ထွက်ကြရာ၊ လမ်းဘေးပလက်ဖောင်းပေါ်မှာ ရင်သွေးငယ်အပါအ၀င် မိသားစု ယှဉ်တွဲပြီး လမ်းလျှောက်ကြရာ၊ ဘယ်နေရာမှမဆို မိဘတွေက သားသမီးကို ထွေးပိုက် ချီပိုးပြီး သွားလာလေ့ မရှိသလောက် တွေ့ ရပါတယ်။
စာရေးသူတို့ နိုင်ငံမှာဆိုရင် လမ်းမလျှောက်နိုင်သေးတဲ့ တွန်းလှည်းဝယ်ပေးတောင်မှ ကိုယ့်သားသမီးကို ရင်အုပ်မကွာ ချီပိုးထွေးပွေ့ထားတတ်တဲ့ ဘ၀ကို စွန့်လွှတ်ကြမှာ မဟုတ်ပါဘူး။ ဂုတ်ပိုးခွစီးတဲ့သားကို ဖခင်က လမ်းလျှောက်ရင်း ပြုံးပျော်မဆုံးရှိတဲ့ မြင်ကွင်းမျိုး စင်ကာပူမှာ လုံးဝမတွေ့ခဲ့ရပါဘူး။ လမ်းလျှောက်နိုင်ပြီဖြစ်တဲ့ သားသမီးတွေကိုပါ
လက်တွဲပြီး လျှောက်လေ့မရှိကြဘဲ လှည်းထဲထည့်တွန်းနေကြတာနေရာတကာမှာ အများဆုံး တွေ့မြင်နိုင်ပါတယ်။
နောက်တစ်ချက်က “သားတို့ ရုပ်ရည်၊ သီတာမည်သား၊ ရေကြည်ချမ်းမြ၊ တစ်ပေါက်ကျက၊ မိဘတို့ဝမ်း ငြိမ်းစတမ်း” ဆိုတဲ့ စကားကို စင်ကာပူမှာ အင်္ဂလိပ် ဘာသာနဲ့ဖြစ်စေ၊ မန်ဒရင်းတရုတ် ဘာသာနဲ့ဖြစ်စေ ပြန်ဆိုပြီး သဘောပေါက်အောင် ဟောပြောကြမယ်ဆိုရင် ဦးပုညရဲ့ စကားအတိုင်း “ဟောရင်းသာ ပျံလွန်ရမယ်” လို့ ဆိုရမှာပါပဲ။ စင်ကာပူမှာ “ရေကြည်ချမ်းမြ” ဆိုတာ မိုးရေ၊ မလေးရှားက ငွေပေးဝယ်ရတဲ့ ရေနဲ့ မိလ္လာကန်နဲ့ ရေမြောင်းထဲက ရတဲ့ရေကို ပြန်လည်သန့်စင်ပြီးနောက် အားလုံး ရောသမမွှေတဲ့ရေလို့ အဓိပ္ပာယ် ရရှိမှာ ဖြစ်ပါတယ်။ အဲဒီရေကို သောက်သုံးနေတဲ့ စင်ကာပူသားတွေကို သီတာရေစင်နဲ့ ယှဉ်ပြီး  မိဘမေတ္တာအကြောင်း သဘောပေါက်အောင် ပြောဖို့ဆိုတာ အလွန်ပင် မလွယ်လှပါဘူး။
ချန်ဂီအပြည်ပြည်ဆိုင်ရာ လေဆိပ်မှာ ပစ္စည်းတင်တဲ့ လှည်းတွေကို လိုက်လံသိမ်းဆည်းပြီး အသက်မွေးနေကြရှာတဲ့ သက်ကြီးရွယ်အို တရုတ်အဘိုးကြီးတွေကို မြင်ရတဲ့အခါမှာ စာရေးသူအဖို့ ထပ်မြင့်မိုးမျှော်တိုက်ကြီးတွေရဲ့ထယ်ဝါမှုနဲ့ နိမ့်ကျလှတဲ့ ဇရာအို လူသားရဲ့ နွမ်းပါးမှု ဘ၀ပုံရိပ်နှစ်ခုကို နှိုင်းယှဉ်ရှုမြင်ရင်း သက်ပြင်းအခါခါ ချမိပါတယ်။ အဘိုးအိုတွေ ကို နိုင်ငံတကာမြင်ကွင်းမှာ “ကိုယ်လုပ်မှ ကိုယ်စားရတယ်” ဟု ပြကွက်တစ်ရပ် တည်ဆောက်ပြသထားသလိုလည်း ခံစားမိပါတယ်။
အထူးသဖြင့် စင်ကာပူနိုင်ငံသား (Singaporean Life) ကို အများမြင်ပြင်းကပ်လောကအောင် အလွန်ဂုဏ်ယူဝင့်ကြွား
စွာ ပြောဆိုလေ့ရှိကြတဲ့ ပုဂ္ဂိုလ်အားလုံးကို ၂-၁၂-၂၀၁၂ ရက်က မလေးရှားနိုင်ငံထုတ် The Star သတင်းစာပါ ဆောင်းပါရှင် စီချိုင်ယင်နီး(Seach Chaiang Nee) ရဲ့ “မြို့တော်အတွင်း လိင်ကိစ္စအရှုပ်အထွေးက သင့်ဘ၀ကို ကျဆုံး အောင်ဆွဲချလေပြီ” (Sex in theCity Drags you down) ဆိုတဲ့ ဆောင်းပါးကို မပျက်မကွက် ဖတ်ရှု မှတ်သားကြစေချင်ပါတယ်။ အဲဒီ ဆောင်းပါးမှာ Play Boy မဂ္ဂဇင်းကို ပိတ်ပင်ထားတဲ့ စင်ကာပူနိုင်ငံဟာ လိင်ကိစ္စအရှုပ်အထွေး အများဆုံးဖြစ်ပွားခဲ့တဲ့ ၂၀၁၂ ခု နှစ်ကို ဖြတ်သန်းပြီး ၂၀၁၃ ခုနှစ် နှစ်သစ်ကို ၀င်ရောက်နေပြီဖြစ် ကြောင်း စင်ကာပူနိုင်ငံအတွင်းမှာ လိင်ကိစ္စမသမာမှုနဲ့ တွေ့ကြုံရင် တွန်းလှန်နိုင်မယ့် လူသားရဲ့ ခုခံအားကို ကျဆင်းစေတဲ့ ဗိုင်းရပ်စ်ပိုးများ ပျံနှံ့နေကြောင်း၊ ပါလီမန် အမတ်များ၊ အစိုးရအရာရှိကြီးများ၊ စီးပွားရေး လုပ်ငန်းရှင် ကြီးများအဆင့်မှ ကုန်တင်ယာဉ်မောင်းနဲ့ သန့်ရှင်းရေးအလုပ်သမား အဆင့်အထိ ရောဂါပိုးပျံ့နှံ့ ကူးစက်မှုဒဏ်ကို ခံစားနေကြရကြောင်း ဒါဇင်ပေါင်းများစွာသော လူကုံထံ အသိုင်းအ၀ိုင်းမှ ပုဂ္ဂိုလ်များဟာ အရွယ်မရောက်သေးတဲ့ ပြည့်တန်ဆာများနဲ့ ပျော်ပါးမှုကြောင့် တရားရုံးများမှာ အမှုရင်ဆိုင်နေကြရကြောင်း၊ ကာမရာဂ ထကြွသောင်းကျန်းမှုဟာ တက္ကသိုလ်ပါမောက္ခများ၊ တရားရုံးရှေ့နေများ၊ ရဲဝန်ထမ်းများ၊ ကျောင်းဆရာများနဲ့ ဆယ်ကျော်သက်အ
ရွယ်လူငယ် လုံမငယ်များရဲ့ ဘ၀ကိုပါ ကျဆုံးအောင် ဆွဲချလျက်ရှိကြောင်း နိဒါန်းပျိုးထားတာ တွေ့ရပါတယ်။
တိုက်တိုက်ဆိုင်ဆိုင် အိန္ဒိယနိုင်ငံ နယူးဒေလီမြို့မှာ ကာမဘီလူးခြောက်ဦးက ဘတ်စ်ကားပေါ်မှာ ရိုက်နှက်မုဒိမ်းကျင့်ပြီး လမ်းပေါ်ပစ်ချခံရလို့ ဒဏ်ရာပြင်းထန်စွာ ရရှိခဲ့တာကြောင့် အိန္ဒိယနိုင်ငံ အစိုးရက စင်ကာပူနိုင်ငံ Mount Elizabeth ဆေးရုံမှာတင်ပြီး ကုသစေတဲ့ ၂၃ နှစ်အရွယ် ဆေးကျောင်းသူလေးဟာ အထက်ပါ ဆောင်းပါးသတင်းစာမှာပါရှိတဲ့ ၂၉-၁၂-၂၀၁၂ နေ့မှာပဲ စင်ကာပူနိုင်ငံမှာ ကွယ်လွန်သွားရှာပါတယ်။ စင်ကာပူက ကာမဘီလူးတွေအကြောင်း အဲဒီဆောင်းပါး မှာ အတိအကျ ရေးထားတာကိုလည်း ဆက်လက်ပြီး တင်ပြပါမယ်။
ဆောင်းပါးရှင်က စင်ကာပူက ကျောင်းဆရာ၊ ဆရာမတွေဟာ အရွယ်မရောက်သေးတဲ့ ကျောင်းသား၊ ကျောင်းသူတွေနဲ့အတူ အိပ်တဲ့အတွက် တရားရင်ဆိုင်နေကြရကြောင်း ဆရာနှစ်ဦးဟာ မိန်းကလေး အိမ်သာမှာ ကင်မရာလျှို့ ၀ှက်တပ်ဆင် ကြည့်ရှုတဲ့အတွက် တရားစွဲခံထားရကြောင်း၊ ခရစ္စမတ်နေ့အလွန် နှစ်ရက်က ကားရပ်နားတဲ့ အဆောက်အအုံ တစ်ခုရဲ့ ခေါင်မိုးပေါ်မှာ ဖိုမစုံတွဲ တစ်တွဲ ကာမနှီးနှောနေကြပုံကို ဘေးပတ်လည်မှ တိုက်ခန်းများက ရှုမြင်ကြရပြီး အဲဒီဖြစ်ရပ်ကို ဗီဒီယို ရိုက်မှတ်တမ်းတင်ထားခဲ့ကြောင်း၊ အဲဒီဖြစ်ရပ်ကြောင့် စင်ကာပူနိုင်ငံရဲ့ ကုန်လွန်ခဲ့တဲ့ ၂၀၁၂ ခုနှစ်ကို တရုတ်သတင်းစာတစ်စောင်က “ကာမရာဂနှစ်” (The Year of Lust) လို့ ရေးသားခဲ့ကြောင်း၊ ၂၀၁၂ ခုနှစ်ကို စင်ကာပူနိုင်ငံရဲ့ လက်ရှိ အာဏာရ PAP ပါတီ (People Action Party) က ထင်ရှားကျော်ကြားတဲ့ ပါလီမန်အမတ် ဖြစ်ပြီး လွှတ်တော်ရဲ့ သဘာပတိ အဖွဲ့ဝင်လည်းဖြစ်တဲ့ မိုက်ကယ်ပမ်းလ်မား(Michael Palmer) ဟာ ပါတီထဲက လုပ်ဖော်ကိုင်ဖက် လော်ရာအွန်း(Laura Ong) ဆိုတဲ့ အမျိုးသမီးတစ်ဦးကို တိတ်တဆိတ်မယားငယ် အမြှောင်ထားတဲ့ အတွက် သူရဲ့နိုင်ငံရေး ရာထူး၊ ပါတီရာထူး အားလုံးကနေ ဒီဇင်ဘာလ အစပိုင်းမှာ နှုတ်ထွက်ခဲ့ရကြောင်း၊ အတိုက်အခံပါတီဖြစ်တဲ့ အလုပ်သမားပါတီရဲ့ ဘဏ္ဍာရေးမှူးဖြစ်တဲ့အပြင် ပါလီမန်အမတ်လည်းဖြစ်တဲ့ ရောရှင်လီယွန် (Yaw Shin Leong)ဟာ ပါတီဝင် အမျိုးသမီးတစ်ဦးနဲ့ လိင်ကိစ္စ ရှုပ်ထွေးမှု ပေါ်ပေါက်ခဲ့ခြင်းကြောင့် အလုပ်တာဝန်မှ နုတ်ထွက်သွားခဲ့ကြောင်း ဖော်ပြထားတာကို ဖတ်ရှုနိုင်ပါတယ်။
ဆောင်းပါးရှင်က စင်ကာပူ နိုင်ငံသားတွေကို အဆိုးရွားဆုံး တုန်လှုပ်ချောက်ချားစေခဲ့တဲ့ ဖြစ်စဉ်နှစ်ခုကိုလည်း ရေးသားဖော်ပြထားပြန်ပါတယ်။ အဲဒီဖြစ်ရပ်ကများက တိုင်းပြည်ရဲ့ လုံခြုံရေးဆိုင်ရာ ထိပ်တန်းအကြီးအကဲနှစ်ဦးကို “ကာမရာဂ အဂတိလိုက်စားမှု” အတွက် ဖမ်းဆီးအရေးယူခဲ့ခြင်းပဲ ဖြစ်ပါတယ်။ ကာမရာဂ အဂတိ လိုက်စားမှုဆိုတာက ငွေနဲ့လာဘ်မထိုးဘဲ ကာမနဲ့လာဘ်ထိုးတာကို လက်ခံသုံးစွဲခြင်းဖြစ်ပါတယ်။ ဆောင်းပါးရှင်က အဲဒီပုဂ္ဂိုလ်နှစ်ဦးဟာ ဗဟိုမူးယစ်ဆေးဝါးဆန့်ကျင် တိုက်ဖျက်ရေးအဖွဲ့ရဲ့ အကြီးအကဲဟောင်း အင်(င်)ဘွန်ဂေး (Ng Boon Gay) နဲ့ မြို့ပြလုံခြုံ ရေးတပ်ဖွဲ့ အကြီးအကဲဟောင်း ပီတာလင်း (Peter Lim) တို့ဖြစ်ကြောင်း၊ အဲဒီအရာရှိကြီးနှစ်ဦးဟာ သတင်းနဲ့ ဆက်သွယ်ရေး နည်းပညာလုပ်ငန်းရှင်နှစ်ဦးက လုပ်ငန်းကန်ထရိုက်ရရှိဖို့အတွက် သူတို့ရဲ့ ၀န်ထမ်း အမျိုးသမီးနဲ့ ကာမလာဘ်ထိုးခိုင်းလိုက်တာကို လက်ခံသုံးစွဲခဲ့ကြကြောင်း စင်ကာပူအဂတိလိုက်စားမှု စုံစမ်းစစ်ဆေးရေးဗျူရိုက စစ်ဆွေးတွေ့ရှိခဲ့ပြီး တရားစွဲဆို အရေးယူခြင်းခံနေကြရကြောင်း၊ ဒါ့အပြင် ၂၀၁၂  ခုနှစ်မှာ အဲဒီအမှုထက် ပိုပြီး တုန်လှုပ်စေခဲ့တဲ့ အမှုကတော့ အရွယ်မရောက်သေးတဲ့ ပြည့်တန်ဆာများနဲ့ ပျော်ပါးဖို့ စင်ဒီကိတ် တစ်ခုက စနစ်တကျ စီစဉ်တဲ့အတိုင်း လွန်ကျူးခဲ့ကြသူပေါင်း ၈၀ ကျော်ကို ဖမ်းဆီးရမိတဲ့ အမှုဖြစ်ကြောင်း အဲဒီအထဲမှာ ၅၁ ဦးဟာ ထင်ရှားကျော်ကြားတဲ့ ပုဂ္ဂိုလ်များ ဖြစ်တဲ့အတွက် ဦးစားပေးမှုအဖြစ် စစ်ဆေးဆောင်ရွက်လျက်ရှိ ကြောင်း ရှောဘရားသား သူဌေးရဲ့ မြေး၊ ဆွစ်ဇာလန်ဘဏ်သူဌေး၊ အင်ဒိုနီးရှား စီးပွားရေးလုပ်ငန်းရှင်၊ စင်ကာပူက ရှေ့နေ၊ ရဲအရာရှိများနဲ့ ပညာရေးနယ်ပယ်မှ ပုဂ္ဂိုလ်များ ပါဝင်နေကြောင်း ဖော်ပြထားပါတယ်။
အလွန် စိတ်ဝင်စားဖို့ ကောင်းတဲ့ အမှုတစ်ခုက တက္ကသိုလ်ပါမောက္ခတစ်ဦးရဲ့လိင်ကိစ္စ အရှုပ်တော်ပုံပဲ ဖြစ်ပါတယ်။ သူကျူးလွန်တဲ့အမှုက တက္ကသိုလ်က အတန်းတင်ဖို့အတွက် ကာမတောင်းခံတဲ့အမှု (The Sex- for Grades)ပဲ ဖြစ်ပါတယ်။ ဆောင်းပါးရှင်က ဥပဒေပညာပါမောက္ခ တေးဆွန်းဟန် (Tey Sung Hang)  ဟာ  ၂၃  နှစ်အရွယ် ဘွဲ့မရသေးတဲ့ ဒါရင်းကိုဝင်ဟေး (Darinne Ko Wen Hui)ဆိုတဲ့ ကျောင်းသူကို အတန်းတင်ပေးဖို့အတွက် သူမထံက ကာမကို တောင်းခံသုံးစွဲခဲ့မှုနဲ့ အရေးယူခံနေရကြောင်း၊ ၂၀၁၃ ခုနှစ် ဇန်န၀ါရီ ၁၅ ရက်မှာ ခရိုင်တရားရုံးတစ်ရုံးက ဒီအမှုကို စတင်ကြားနားစစ်ဆေးတော့မှာဖြစ်ကြောင်း ဖော်ပြထားပါတယ်။ ဆောင်းပါးရှင်က သူရဲ့ဆောင်းပါးနိဂုံးပိုင်းမှာ စင်ကာပူ နိုင်ငံသားတွေဟာ အကျင့်စာရိတ္တ ဖြောင့်မတ်ရေးအတွက် လီကွမ်ယုရဲ့ နှစ်ပေါင်းများစွာ အစဉ်တစိုက် ထိန်းသိမ်းကြပ်မတ်မှုကို ခံရပြီးတဲ့နောက် ယခုလို အမှုတွေ ဘာကြောင့်ကျူးလွန်ကြသလဲဆိုတာကို လူမှုရေးပညာရှင် များ၊ စိတ်ပညာရှင်များ ပူးပေါင်းပြီး ဆန်းစစ်အဖြေရှာကြဖို့ တိုက်တွန်းထားပါတယ်။ စင်ကာပူနိုင်ငံသားတွေဟာ အာရှမှာ ဂျပန်နိုင်ငံပြီးရင် ကာမဂုဏ်ခံစားမှု အနည်းဆုံးလို့ ယခင်သုတေသနပြုချက်များကဆိုထားပြီး နောက်ဆုံး သုတေသနပြုချက်မှာတော့ စင်ကာပူ နိုင်ငံသားတွေဟာ တစ်ပတ်လျှင် အနည်းဆုံးကာမဂုဏ်ခံစားမှု ငါးကြိမ်ရှိကြောင်း အမျိုးသမီးတွေက ဒီထက်ပိုပြီး ခံစားလိုကြကြောင်းနဲ့ စင်ကာပူ လူချမ်းသာတွေဟာ ငွေကြေး ကြွယ်ဝကြပေမယ့် ကာမဆင်းရဲကြတယ်လို့သိရှိရကြောင်း၊ ပါလီမန်သဘာပတိ ရဲ့လိင်ကိစ္စအရှုပ်တော်ပုံကလည်း စင်ကာပူနိုင်ငံမှာ အာဏာရပါတီထဲက လူကြီးတွေကို အမျိုးသမီးတွေ လုံးဝမချဉ်းကပ်ကြပါနဲ့လို့ သတိပေးနှိုးဆော်ရာရောက်ကြောင်း လေ့လာသူတစ်ဦးရဲ့ အမြင်ကိုဖော်ပြပြီး နိဂုံးချုပ်ထားပါတယ်။
စီချိုင်ယင်နီးရဲ့ ဆောင်းပါးပါ အချက်များအရ စင်ကာပူနိုင်ငံမှာ စားဝတ်နေရေးစတဲ့ အရေးသုံးပါးကို အဆင့်မြင့်မြင့် ဖြည့်ဆည်းပေးနိုင်တဲ့အတွက် ခိုးမှု၊ လုယက်မှု၊ သတ်ဖြတ်မှုစတဲ့ ဒုစရိုက်မှုများ မရှိသလောက် ကျဆင်းစေနိုင်ခဲ့
သော်လည်း ကိလေသာလွန်ကျူးမှုကြောင့် ကာမဒုစရိုက်တွေကတော့ဥပဒေကို လက်တစ်လုံးခြား လှည့်ပြီး ခေါင်းထောင်နေတာ သိရှိနိုင်ပါတယ်။ ကာမရာဂလာဘ်စားမှုနဲ့ပညာရေးအတွက် ကာမတောင်းခံသုံးစွဲမှုတွေဟာ တိုင်းပြည်ဖွံ့ဖြိုးတည်ငြိမ်ရေးကို ထိခိုက်နစ်မွန်းစေတဲ့ အဆိုးရွားဆုံး ကာမဒုစရိုက်တွေပါပဲ။
စာရေးသူတို့နိုင်ငံမှာလည်း ဒါတွေကင်းရဲ့လား၊ ဘယ်လိုအခြေအနေရှိလဲဆိုတာ ဆန်းစစ်ကြစေချင်ပါတယ်။ ဘာပဲဖြစ်ဖြစ် အဲဒီဒုစရိုက်တွေရဲ့ အကြောင်းအရင်းခံဖြစ်တဲ့ ကိလေသာ သောင်းကျန်းမှုကို နှိမ်နင်းဖို့အတွက် တရားဥပဒေကိုပဲ အားပြုလို့မရဘဲ ဗုဒ္ဓဓမ္မရဲ့ အကူအညီကိုလည်း ရယူသင့်ကြောင်း စင်ကာပူရီးယန်းတွေကို နှစ်သစ်ကူးလက်ဆောင်အဖြစ် အကြံကောင်းပေးလိုပါတယ် ။      ။
မြင့်မိုရ်ဆွေ

Read More