မြန်မာနိုင်ငံ မှ ကွမ်းစားသူ ၁ဝဝ ၌ ၃၄ ဦးနှုန်း ခံတွင်း ကင်ဆာ ဖြစ်ပွားနေ ............

3 June 2014 15:33(+0630) (လွန်ခဲ့သော 11 နာရီ ခန့်က)

 မြန်မာနိုင်ငံ၌ အသက် ၄၅ နှစ်မှ ၆၅ နှစ်အရွယ်တို့တွင် ထက်ဝက်ခန့်မှာ ခံတွင်းကင်ဆာ ခံစားနေရ ကြောင်း ကမ္ဘာ့ ကျန်းမာရေးအဖွဲ့ (WHO) ၏ စာရင်းများအရ သိရသည်။
ခံတွင်းကင်ဆာ ဖြစ်ရခြင်း အကြောင်းအရင်းများတွင် ကွမ်းစား သုံးခြင်း၊ ဆေးလိပ် သောက် သုံးခြင်း တို့ကြောင့်ဖြစ်ပြီး ကွမ်း တစ်မျိုးတည်း စားသုံးသူ ၁ဝဝ တွင် ၃၄ ဦးနှုန်းဖြင့် ခံတွင်းကင်ဆာ အများဆုံးဖြစ်နေပြီး ဆေးလိပ်နှင့်ကွမ်း နှစ်မျိုးလုံးသုံးစွဲ သူ ၁ဝဝ တွင် ၂၂ ဦးနှုန်း၊ ဆေးလိပ်တစ်မျိုးတည်း သုံးစွဲသူ ၁ဝဝ တွင် ၁၉ ဦးနှုန်း ရောဂါ ဖြစ်ပွားနေကြောင်း သိရသည်။ ကျန်းမာရေး ဝန်ကြီးဌာန အနေဖြင့် ဆေးလိပ်၊ ဆေးရွက်ကြီးတို့၏ အန္တရာယ်နှင့် ပတ်သက်၍ ပညာပေး လုပ်ငန်းများ ဆောင်ရွက်နေပြီး ပြည်သူ့ ဆေးရုံများ ၌လည်း ဆေးလိပ်နှင့် ကွမ်းယာ သုံးစွဲခြင်းကို ဖြတ်ပေးနေကြောင်း သိရသည်။

''ဆေးရုံတွေမှာတော့ ဆေးလိပ်၊ ဆေးရွက်ကြီးနဲ့ ပတ်သက်ပြီး ဟောပြောပွဲတွေ အမြဲတမ်းလုပ်ပါတယ်။ နယ်တွေမှာလည်း သွားလုပ်ဖြစ်ပါတယ်''ဟု အင်းစိန် ပြည်သူ့ဆေးရုံကြီးမှ အထူးကု ဆရာဝန်ကြီး (ဆေးပညာ) ဒေါက်တာ ဒေါ်တင့်တင့်ကြည်က ပြောကြား သည်။ ဆေးလိပ်တွင် အဆိပ်သင့်စေသော ပစ္စည်းများဖြစ်သည့် နီကိုတင်းအပြင် ဖော်မလင်ဆေးရည်၊ သန့်စင်ခန်းသုံးဆေး၊ ကြွက်သတ်ဆေး၊ လက်သည်းဆိုး သန့်စင်ဆေး၊ ကားမောင်းလျှင် ထွက်သော ဓာတ်ငွေ့၊ မီးခိုးငွေ့၊ ကတ္တရာဆေးချေး၊ အိမ်သုတ်ဆေး၊ ဓာတ်မြေသြဇာတွင် ပါဝင်သော ဓာတ်ပစ္စည်းတို့ ပါဝင်သဖြင့် ကင်ဆာရောဂါ ဖြစ်ပွားစေ ကြောင်းကိုလည်း သိရသည်။ ကွမ်းစားရာတွင် ပါဝင်သည့် ဆေးရွက်ကြီးကြောင့် ကင်ဆာရောဂါ အဓိက ဖြစ်ပွားခြင်းဖြစ်သည်ဟု သိရသည်။ ခံတွင်းကင်ဆာ ဖြစ်ပွားမှုသည် အမျိုးသားများတွင် အဖြစ်များကြောင်း သိရသည်။ အရှေ့တောင်အာရှ နိုင်ငံများတွင် အမျိုးသား ၃ဝ ရာခိုင်နှုန်းမှ ၆ဝ ရာခိုင်နှုန်းနှင့် အမျိုးသမီး ၁ ဒသမ ၈ ရာခိုင်နှုန်းမှ ၁၅ ဒသမ ၆ ရာခိုင်နှုန်းသည် ဆေးလိပ်နှင့် ဆေးရွက်ကြီး တစ်မျိုးမျိုးကို သုံးစွဲ နေကြကြောင်း (WHO) ၌ ဖော်ပြ ထားသည်။

မြ၀တီ

Read More

အမေရိကန် ဖက်ရှင်ဆုတစ်ခု ချီးမြှင့်ခံခဲ့ရသည့် ရီဟာနာ .........................

Posted by: Ko Myo on Tuesday, June 03, 2014 Categories: ဖျော်ဖြေရေး၊ Celebrity

ရီဟာနာသည် အမေရိကန် ဖက်ရှင်ဒီဇိုင်း ပညာရှင်များကောင်စီ၏ နှစ်ပတ်လည် ညီလာခံတွင် ဖက်ရှင် Icon ဆုတစ်ခုကို လက်ခံရရှိခဲ့ကြောင်း သိရှိရသည်။ ဘာဘေးဒိုးစ်ဖွား R&B ဂီတစတား အဆိုတော် မလေးသည် တနင်္လာနေ့ညက ညီလာခံသို့ တက်ရောက်လာပြီး ဆုလက်ခံယူခဲ့ခြင်း ဖြစ်သည်။ ဖက်ရှင်နှင့် ပတ်သက်ပြီး အမြင်ဆန်းသစ်သူ တစ်ဦးအဖြစ် အသိအမှတ်ပြု ခံရသော ရီဟာနာသည် အဆိုပါ ပွဲစဉ်တွင်လည်း လူအများ၏ အာရုံကို ဖမ်းစားနိုင်သည့် ဖက်ရှင်မျိုး ရွေးချယ်လာခဲ့သည်။

သူမသည် အတွင်းသားကို ထိုးဖောက်မြင်နေရလောက်အောင် ပါးလွှာပြီး ခရစ္စတယ်လ် အမှုန်လေး များဖြင့် တလက်လက် တောက်ပနေသည့် ဝတ်စုံရှည်ဖြင့် ပွဲတက်ရောက်လာခြင်း ဖြစ်သည်။ အဆိုပါ ဝတ်စုံကို ဒီဇိုင်းပညာရှင် အဒမ်ဆဲလ်မန်းက ဖန်တီးပြီး Swarovski ခရစ္စတယ်လ်စေ့လေးပေါင်း (၂၁၆၀၀၀)မျှကို ထည့်သွင်းချုပ်လုပ်ထားသည်။ ရီဟာနာက ယင်းဝတ်စုံနှင့် အရောင်လိုက်လျော အဆင်ပြေသည့် ပဝါအား ဦးခေါင်းတွင် ရစ်ပတ်ပြီး သားမွေးခြုံလွှာတစ်ထည်ကို လွှမ်းခြုံထားသည့် ဖက်ရှင်အား ရွေးချယ်ခဲ့သည်။ 

ရီဟာနာကို ဆုမပေးအပ်မီတွင် ဒီဇိုင်းပညာရှင် တစ်ဦးဖြစ်သော ဇက်ပိုဆန်းက “ရီဟာနာက ဖက်ရှင်နဲ့ ပတ်သက်ရင် စွန့်စားချင်တဲ့ အမြင်ရှိတယ်။ ပြီးတော့ သူက ဘာကို တကယ်တမ်း ကြိုက်နှစ်သက်တတ် သလဲ ဆိုတာကိုလည်း တိတိကျကျ သိထားတတ်တယ်။ ရီဟာနာက ဖက်ရှင်ကမ္ဘာမှာ ဝါရင့်တစ်ဦးလို ရပ်တည်နေတယ်။ ဒါပေမဲ့ မိန်းကလေးငယ် တစ်ယောက်ရဲ့ ရွှင်ပြလန်းဆန်းမှုလည်း ရှိပါတယ်”ဟု မှတ်ချက်ပြုခဲ့သည်။

ဇက်က ရီဟန်နာ၏ ပွဲတက်ဝတ်စုံကိုလည်း ချီးကျူးခဲ့သေးသည်။ “လူတွေသူ့ကို ဘာကြောင့် သဘောကျသလဲဆိုတဲ့ အဖြေက ဒါပါပဲ”ဟု ၎င်းက ဆိုသည်။ ယခုပွဲတွင် ဆုလက်ခံယူပြီးနောက် ရီဟာနာက “ကျွန်မက ကျွန်းသေးသေးလေး တစ်ကျွန်းပေါ်မှာ ကြီးပြင်းလာခဲ့သူ ဖြစ်ပါတယ်။ ဖက်ရှင်နဲ့ ပတ်သက်ပြီး အများကြီး ထိတွေ့ခဲ့တာ မရှိပါဘူး။ ဒါပေမဲ့ ကျွန်မ အမြဲတမ်းလိုလို အမှတ်တရ ရှိနေတာက ကျွန်မစိတ်ထဲမှာ ဖက်ရှင်ဟာ အမျိုးသမီးချင်း ယှဉ်ပြိုင်မှုမှာ အကာအကွယ် ပေးနေတဲ့ ဖြစ်စဉ် တစ်ခုပါပဲ။ ဥပမာ ဒီအမျိုးသမီး ငါ့ထက်သာချင်သာမယ်၊ ငါ့အဝတ်အစားထက်တော့ မသာစေရဘူးဆိုတဲ့ အတွေးမျိုးပေါ့”ဟု ပြောကြားသွားသည်။


Planet Myanmar Network

-------------------------------------------------
ကိုမျိုး (lwanmapyay.blogspot.com)

Read More

မာဆက်ကြိုက်သူများအတွက် ထူးဆန်းမာဆက် (Massage) များ..................

Posted by: Ko Myo on Tuesday, June 03, 2014 Categories: ထူးဆန်းထွေလာ

Python Massage



Cactus Massage



Tickling Massage



Meat Cleaver Massage



Elephant Massage



Gondola Massage



African Snail Massage



Face Slapping Massage



Egg Baby Massage



Flames Massage


ref; xcitefun
-------------------------------------------------
ကိုမျိုး (lwanmapyay.blogspot.com)

Read More

ဒူဘိုင်းနိုင်ငံမှာ စွန့်ပစ်ထားတဲ့ ဇိမ်ခံကားအချို့... ..................

Posted by: Ko Myo on Tuesday, June 03, 2014 Categories: စက်မှုရေးရာ

ref;xcitefun
-------------------------------------------------
ကိုမျိုး (lwanmapyay.blogspot.com)

Read More

ကိုရီးယားလူမျိုးပုံစံ မျက်နှာခွဲစိတ်တဲ့ ဘရာဇီးလူငယ်..................

Posted by: Ko Myo on Tuesday, June 03, 2014 Categories: ထူးဆန်းထွေလာ

မြန်မာပြည်မှာတင် ကိုရီးယား ခရေဇီဖြစ်တာမဟုတ်ပါဘူး။ အခု ဘရာဇီးနိုင်ငံမှာလည်း ကိုရီးယား ခရေဇီ ရှိကြပါတယ်။


ဓာတ်ပုံ- ရာဟူး 

ရာဟူးသတင်းတပုဒ်မှာတော့ ဘရာဇီးနိုင်ငံ တောင်ပိုင်း နယူးဟန်ဘာ့ခ်ဒေသက အသက် ၂၅ နှစ်အရွယ် ဘရာဇီး ကျောင်းသား လူငယ်တယောက်က ကိုရီးယားလူမျိုး ပုံစံ ဖြစ်ချင်လို့ မျက်နှာ ခွဲစိပ်ပြုပြင်လိုက်ပါ တယ်။

မျက်နှာ ခွဲစိပ် ပြုပြင်တာကလည်း အဆင့် ၁၀ ဆင့် လုပ်ရမှာဖြစ်ပါတယ်။ အရင်ကတော့ သူ့နာမည်က Max ပါ။ သူဟာ အာရှတိုက်သား ကိုရီးယား ပုံစံ မျက်နှာကို ခွဲစိပ်ပြုပြင်ပြီးချိန်မှာ သူ့ကိုယ် သူ Xiahn Nishi လို့ အမည်ပေးထားပါတယ်။ အဲဒီနာမည်နဲ့လည်း ဖေ့စ်ဘုတ်စာမျက်နှာ ဖွင့်ပြီး သူ့ဓာတ်ပုံတွေကို တင် ထားပါ တယ်။


ပထမအဆင့် ခွဲစိပ်မှု အပြီး 

သူဟာ ကိုရီးယား ပုံစံမျက်နှာနဲ့အသားအရေသာမက ဆံပင်တွေကိုလည်း အာရှသားပုံစံ ဆိုးဆေးနဲ့ ဆိုး ထား ပါသေးတယ်။

သူဟာ မော်ဒယ်အမျိုးသားအဖြစ်လည်း လုပ်ခဲ့ဖူးတော့ အခုချိန်မှာ အလုပ်လက်မဲ့ ဖြစ်နေပေမယ့် ကိုရီးယား လူငယ်လေးလို လုံးဝ ပြောင်းလဲခဲ့ပြီး နောက်ပိုင်း မော်ဒယ်ကုမ္ပဏီတခုမှာ အလုပ်လျှောက် မယ်လို့လည်း ဆိုပါတယ်။


ခွဲစိပ်မှုအပြီး 

နှစ်စဉ်လိုလို အာရှတိုက်က ထောင်နဲ့ချီတဲ့ အမျိုးသမီးတွေဟာ ပလပ်စတစ်ဆာဂျရီနည်းနဲ့ မျက်နှာ ခွဲစိပ် အလှပြုပြင် ကြတယ်လို့ ဆိုပေမယ့် အခုတော့ ဘရာဇီးက လူငယ်ကလည်း အာရှသား ပုံစံ မျက်နှာ ခွဲစိပ်
ပြု ပြင်ဆိုတော့ ထူးခြားတယ်လို့ ဆိုရမလားပါဘဲ။

တကယ်တော့ လူ့သဘာဝအရ ရှိနေတဲ့ ကိုယ့်ဘ၀ပေး ခန္ဓာကိုယ်၊ အသားအရေ၊ အလှတရားတို့ထက် တခြား သူရဲ့ အလှတရားကိုမှ ခုံမင်တတ်ကြတာမျိုးလည်း ရှိကြတာဆိုတော့ အပြစ်မပြောသာပါဘူး။


အိမ့်သံစဉ် ~ 

Irrawaddy

-------------------------------------------------
ကိုမျိုး (lwanmapyay.blogspot.com)

Read More

သမိုင်းထဲက ထိုးကွင်းမင်ကြောင်...............

Posted by: Ko Myo on Tuesday, June 03, 2014 Categories: ဖတ်စရာ၊ မှတ်စရာ

မြန်မာတွေရဲ့ လောကီ ပညာရပ်တွေ များစွာ ရှိပါတယ်။ အဲဒီလောကီပညာ ရပ်ထဲကအင်း၊ အိုင်ခလဲ့ ၊ လက်ဖွဲ့ ၊ ဂါထာ မန္တန်ပီယဆိုပြီး ရှိပါတယ်။

အဲဒီလောကီပညာရပ်တွေ ကိုကြေးပြား၊ငွေပြား၊ ရွှေပြားတွေအပေါ်မှာ အင်း ကွက်လေးတွေ ရေးပြီးအိမ်မှာ ဖြစ်ဖြစ် လူကိုယ်တိုင်ဖြစ်ဖြစ် ဆောင်ထား တတ်ကြပါတယ်။

အဲဒီအဆောင်တန်ခိုးကြောင့် တုတ်ပြီး၊ဓားပြီးမယ်၊ ဘေး အန္တရာယ်မျိုး စုံကင်းမယ်ဆိုတဲ့ ယုံကြည်ချက်နဲ့ လုပ်တဲ့အစီ ရင်ဖြစ်ပါတယ်။ ရှေးဘုရင်တွေ စစ်တိုက်ထွက်တဲ့အခါလောကီ ပညာရှင်၊အင်းရေးဖို့ ပန်းချီ ပညာရှင်နဲ့လိုအပ်လို့ရှိရင် ပရိတ်ဂါထာ မန္တန်ရွတ်ဖတ်ဖို့ ရဟန်းတော်တွေကိုပါတစ်ပါ တည်းခေါ်ဆောင်သွားလေ့ရှိ တယ်လို့သိရ ပါတယ်။စစ်မျက် နှာ၊စစ်တိုက်ရာအရပ်ကို လိုက်ပြီး လောကီအစီရင်တွေ မတူဘူးလို့သိရပါတယ်။

အလောင်းဘုရားလက်ထက် ကသည်း ပြည်ကို စစ်တိုက်ထွက်ရာမှာ သူ အားကိုးတဲ့အမာခံတပ် သားတွေကိုမဟာပိန္နဲ အင်းကို စီရင်တယ်ဆိုပါတယ်။ သက္ကရာဇ် ၉၉၇ခုနယုန်လဆန်း ၄ ရက်နေ့ ( ၉ မေ ၁၆၃၅)ရက်စွဲပါ အမိန့်တော်တစ်ခုမှာ ” အင်းတစ်ချပ်ကိုလူခြောက်ယောက် ဝိုင်းရေးပြီး အင်းရေးစဉ်အခါ မလပ်ဂါထာ မန္တန်ရွတ်ဖတ်ပေးရမည်” လို့ ပါရှိထားတာတွေ့ရ ပါတယ်။

လောကီပညာရပ်တွေများစွာထဲမှာ ဆေးမင်ကြောင် ဒါမှမဟုတ်ထိုးကွင်း မင်ကြောင် ကိုမြန်မာတွေ စထိုးတာ အင်းဝခေတ်မှာစခဲ့တယ်လို့ပြောပါတယ်။ ဒါပေမဲ့ တချို့ ပညာ ရှင် တွေက ပျူခေတ်ကတည်းက စခဲ့တယ် လို့ပြောကြပါတယ်။

ပုဂံခေတ်ဦးပိုင်းကတည်းက အင်းချတဲ့အလေ့ရှိခဲ့ကြောင်း ကျန်စစ်သားနန်းတည် ကျောက် စာမှာဖော်ပြ ထားပါတယ်။ ဒါပေမဲ့ဆေးမင်ကြောင်ဟာ ပျူခေတ်မှာစတင်ထိုးခဲ့ရင်ပုဂံ ဆေးရေး ပန်းချီတွေမှာ တွေ့နိုင်မှာဖြစ်ပေမယ့်ခုတော့ပုဂံ ခေတ် အင်းဝခေတ်နံရံဆေးရေး ပန်း ချီတွေမှာ မတွေ့ရသေးပါ။

အီတလီလူမျိုး ခရီးသွား Nicolo de’ Conti’ ရဲ့ ခရစ်နှစ် ၁၄၃၅ ခုနှစ်မြန်မာပြည် ခရီးစဉ်မှတ်တမ်းအရ မြန်မာတွေ ရဲ့ကိုယ်ပေါ်မှာ အမျိုးသားတို့ရဲ့ အဆောင်ယောင် အလှ အပအဖြစ်ဒီလိုခန္ဓာကိုယ်အစိတ်ပိုင်း ပေါ်သံစူးနှင့် ထိုးပြီးဆေး ရောင်တွေ ပွတ်ထည့် သုတ်လိမ်းတယ်လို့ဆိုထားတဲ့အတွက် ဆေးမင် ကြောင် ထိုးလေ့ရှိတယ်လို့ ယူဆချင်စရာဖြစ်ပါတယ်။

ဒါဟာအစောဆုံးတွေ့ရတဲ့ မြန်မာတွေရဲ့ထိုးကွင်းခေါ် မင်သေ့ခေါ်ကော် ရစ်ခေါ် ဆေး မင်ကြောင် အကြောင်းဖြစ်ပေ မယ့်အဲဒီအီတလီ ခရီးသွား မြန် မာပြည် အင်းဝရောက်တဲ့ ခုနှစ်ဟာ ၁၄၃၅ ခုနှစ် ဟုတ်ရဲ့လားဆိုတာ စိစစ်ဖို့လိုပါဦးမယ်။ ၁၄၃၅ ခုနှစ်သေချာခဲ့ ရင်တော့ လောလော ဆယ်ဆေး မင် ကြောင် အကြောင်း အစောဆုံး တွေ့ရတဲ့ မှတ်တမ်းဖြစ်ပါမယ်။

ဟံသာဝတီ ဆင်ဖြူများရှင် ဘုရင့်နောင် (ခရစ်နှစ် ၁၅၅၁ – ၁၅၈၁)လက်ထက်ရောက်တဲ့ အခါမှာတော့အဲဒီဆေးမင် ကြောင်တွေ ဟာအဆောင် အယောင်အလှအပ ထက်လောကီပညာရပ် ဆိုင်ရာအစီ ရင်တွေအဖြစ်ပြောင်းလဲ တိုး တက်လာတယ်လို့ ခန့်မှန်းရ ပါတယ်။တစ်နည်းပြောရရင် ထိုးကွင်းမင်ကြောင်ဟာ ယုံ ကြည်မှုကို အခြေ ခံတဲ့ လောကီ ပညာရပ်ဆိုင်ရာအစီအရင် ဖြစ် ပါတယ်။အင်းချပြီးရေးထား တဲ့ ကြေးပြား၊ ငွေပြားလေး တွေကို လိပ်ပြီးလက်မောင်းမှာချည် ထား ကြ မယ်။ပုံစံ အမျိုး မျိုး နဲ့ဆောင် ထားကြမယ်။အဲဒီအခါ အ ဆောင် တန်ခိုးနဲ့အစွမ်းထက် မယ် ခုန်ပျံကျော် လွှားနိုင် မယ်၊ ဓားလှံလေးမြှားရန်ကကင်း လွတ်မယ်လို့ယုံကြည်ကြမှာ ဖြစ်ပါတယ်။

ဒါပေမဲ့ ဒီလိုစီရင်ထား တဲ့ ကြေးပြား၊ ငွေပြားအဆောင်ကို ကိုယ်မှာ ချည်ထားပေမယ့် ကျပျောက် တာမျိုးရှိမယ်။ ဒီ တော့ တချို့က အသားအနာ ခံပြီးအရေပြား ဒါမှမဟုတ် အသားထဲထိ ခွဲပြီးထည့် မယ်။ နောက်တော့ကြေးပြား ငွေပြား ပေါ်အင်းရေးရာကနေလူ့ ခန္ဓာ ကိုယ်ခြေလက်ခေါင်းခါးတွေ မှာ တိုက်ရိုက်ရေးပြီးစီရင်ကြ တယ်လို့ ထင်ပါ တယ်။အ ဆောင် လက်ဖွဲ့လိုမတော်တဆကျ ပျောက်ဖို့ ရာပူပင်စရာမလိုတဲ့ အပြင်ဆေးစွမ်းလည်းပိုပြီး ထက်လာစေလိမ့်မယ်လို့ ယုံ ကြည်နေကြပါမယ်။

” မှိုင်းညီနောင်
ကြောင်တန်ခိုး
နှိုးလိုက်ရင်
ရှိန်းဆာယာ
ရွှေဖြစ်ရင်
ကျော်တစောပေါ့
အောချထိုက်စွာလေ့။
မွေးမာတာ
သေးသေးရယ်
မထင်ပါနှင့်
ဆယ့်ငါးတာ
တပ်တိုင်းများကို
လွှားထွက်တဲ့ဆေး။ ” လို့ ဗုံတို သီချင်းတစ်ပုဒ်မှာ ကြောင်ဆေးရဲ့အစွမ်းကို တွေ့ရပါတယ်။

ဒါ့အပြင် ရွှေဘိုဆိပ် ခွန်ရွာကောက်စိုက်သီချင်းများမှာလည်း …

” ဟိုက်ဆိုလို့
ပေါင်ကို ပုတ်တယ်
တိုးထုတ် ပြေးခုန်လေ့။
ကြောင်ကိုယုံလို့ ခုန်လိုက်စမ်းကွယ်
ကိုးတောင်ပြေ့(ပြည့်) ခန်း။” ဆိုပြီး ကြောင်ဆေးအစွမ်းကို ဖော်ပြထားပါတယ်။

အဲဒီဆေးအစီအရင် တွေက လက်နက်အပါးသုံးဆယ် ပြီးတယ်၊ ဓားထိုးဓားကျိုး၊ လှံထိုး လှံခွေ သွားစေတယ်လို့ ဆိုပါတယ်။ တချို့ကဘီလူးရုပ် ထိုးကြပါတယ်။ အဲဒီဘီ လူးရုပ်ကြောင့် စွမ်းအား ပိုကြီးတယ်လို့ ပြောကြပါတယ်။ မြန်မာတို့ ဂုဏ်ယူမြတ်နိုးတန်ဖိုးထား ရတဲ့ ဆေးမင် ကြောင် ဒါမှမဟုတ် ထိုးကွင်း မင်ကြောင် ဟာမှေး မှိန်သွားခဲ့ရ ပြီဖြစ်ပေမယ့် ဒီနေ့ထိတော့ ခေတ်ကာ လနဲ့အညီ ကျန်ရှိနေဆဲ၊ ကမ္ဘာမှာလည်း တက်တူး ဆိုပြီး ဒီနေ့မှာ ပိုမိုခေတ်စားလာခဲ့ပြီဖြစ်ပါတယ်။

SKT
ရည်ညွှန်း။ ။

မြန်မာ့သမိုင်းတွင် လောကီပညာ အရေးပါပုံ ၊ ဒေါက်တာသန်းထွန်း ၊
ကျန်စစ်သားနန်းတည်ကျောက်စာ မွန်ဘာသာ၊ ဒေါက်တာသန်းထွန်း
မြန်မာ့ထိုးကွင်းမင်ကြောင်ဓလေ့ ၊ ဆင်ဖြူကျွန်းအောင်သိန်း


Popular Journal
-------------------------------------------------
ကိုမျိုး (lwanmapyay.blogspot.com)

Read More

ခေတ်ရေစီးကြောင်းနှင့် အရေးပြားပေါ်က အနုပညာ " (ဧည့်သည်အယ်ဒီတာစကား) ................

Posted by: Ko Myo on Tuesday, June 03, 2014 Categories: ဖျော်ဖြေရေး၊ Celebrity

ဧည့်သည်အယ်ဒီတာအဖြစ် ပေါ်ပြူလာဂျာနယ် ၁၇ နှစ်ပြည့် အကြို ကာလအထူးပြုသတင်းလွှာမှာ ပါဝင်အကြံပြုပေးဖို့ ပြောလာတော့ အံ့သြဝမ်းသာ ရှိရပါတယ်။ ထက် ထက် ပါဝင်အကြံပြုရမှာက အရေပြားပေါ်က အနုပညာအလှတရားများနဲ့ တက်တူးအကြောင်းဆိုတော့ ပါဝင်ပတ်သက်ခွင့် ရတာကိုပျော်မိတယ်။ ဘာဖြစ်လို့လဲ ဆိုတော့ ထက်ထက် ကိုယ်တိုင်တက်တူးကို မြတ်နိုးသဘောကျလို့ ထိုးထားဖြစ်တာရယ်၊ တက်တူး ဆိုတာ လွတ်လပ်စွာနဲ့ကိုယ့်စိတ်ထဲရှိတာကို ခန္ဓာကိုယ်ပေါ် မှာ ဖော်ပြခွင့်ရတဲ့ အရာတစ်ခုမို့ပါ။

ဘယ်သူ့ကိုမှ မထိခိုက်ဘဲနဲ့ ကိုယ့်မြတ်နိုးတဲ့ ပုံရိပ်၊ ကိုယ်ကြိုက်တဲ့ပုံကို ကိုယ့်ရဲ့ခန္ဓာကိုယ် အရေပြားမှာ အနာခံပြီး တော့မှ တင်ပြခွင့်ရှိတယ်။

တချို့ကတော့ တက်တူးထိုးလိုက်တာကို မကြိုက်ဘူး။ အရင်က ရိုးရိုးနေပြီးမှဒါကို ထိုးဖြစ်တာဆိုတော့ ပရိသတ်က မကြိုက်ကြ ဘူး။ဘယ်သူ့ကိုမှစော်ကားခြင်း လည်းမ ဟုတ်ဘူး။ ဘယ်သူ့ ကိုမှ မလေးမစား လုပ်တာလည်းမဟုတ်ပါဘူး။ပရိသတ် ကတော့ ချစ်လို့ပြောကြပေမယ့် ထက်ထက် ထိုးမိသွားခဲ့တဲ့ အတွက်ပရိသတ် ကိုတောင်းပန် တယ်။ပရိသတ်ကလည်း ကိုယ့် ကို ချစ် လို့၊ စိုးရိမ်လို့ပြောကြတာလေ။ တက်တူးမထိုးခင်က ထိုး လိုက်ရင် မှားသွားမလားဆိုတဲ့ စိတ်ကတော့ရှိတယ်။

ဟိုအရင်တက်တူး မထိုးခင်က တော့နိုင်ငံခြား သွားရင်း အမြဲတွေ့တယ်။ တက်တူး ကိုအမျိုးမျိုးထိုးကြ တယ်။ တချို့ ကသူတို့ မိသားစုပုံတွေကို ထိုးထားကြတယ်။ တချို့ ကျ တော့ လည်း မိန်းကလေး တွေဆိုရင် အသည်းပုံလေးတွေ ပန်းပုံလေး တွေကိုထိုးထားကြတယ်။ အဲဒါ လေးတွေကို ကြည့်ပြီးတော့ လွန်ခဲ့တဲ့တစ်နှစ်ကျော် ကာလ က စိတ်ဝင်စားခဲ့တယ်။

ဒါပေမဲ့ ကိုယ့်ကိုယ်ကိုယ်မယုံကြည် တော့ မထိုးရဲဘူး။အစက ကိုယ်ကိုယ် တိုင်လည်း မကြိုက်ခဲ့ ဘူးလေ။ အဲဒါကြီးကိုထိုးလိုက်ရင် အသား နာမယ်ဆို တဲ့အသိနဲ့ပေါ့။ဒါ ပေ မဲ့တကယ်ထိုး မယ်ဆိုတဲ့အ ချိန်၊ စိတ်က အလိုအလျောက် အချိန် ကျလို့ထိုးချင်တဲ့စိတ်ဖြစ်လာ တော့ တား မရတော့ဘူး။ ထိုးချင်တဲ့ စိတ်ကြောင့် ထိုးနေရတဲ့ အပေါ် မှာစိတ်ရဲ့လွတ်လပ်မှု ကြည်နူးမှု အဲဒါတွေ အကုန်လုံး ပေါင်းစပ်ပြီး တော့ကိုယ့်ကိုယ် ကိုယ်ထိုးနေရ တာနဲ့ တင်ပျော်နေတာ။ကိုယ်ကြိုက်လို့ကိုယ့်လွတ် လပ်မှုအရထိုးတာ ပဲလို့ ပြန်တွေးခဲ့တယ်။

ဒီတက်တူးကို တက်တူး ပညာရှင်ကိုတွတ်ပီနဲ့ မန္တလေး မှာထိုးဖြစ်ခဲ့ တာ။ဘယ်ဘက် ခြေသလုံးပေါ်မှာ ထိုးဖို့ရွေးခဲ့ တာကပုံကိုကြီးတာ ထိုးချင်တာ။ ပုံသေးသေးထိုး လည်းနာမယ့် အတူတူတော့ သေးသေး ဆိုရင် စိတ်ခံစားမှု သိပ်လွတ်လပ်မှာ မဟုတ်တော့ ကျယ်ကျယ်ပြန့် ပြန့်ထိုးလို့ရတဲ့ ခြေသလုံးမှာပဲ ထိုးဖြစ်ခဲ့တာ။ ဒီတစ်ေ တာင်လောက်ရှိတဲ့ တက်တူးပုံကို ည၈နာရီ ကနေ စထိုးလိုက်တာ ည၁၁ နာရီ အထိရောက်သွားတယ်။ ထိုးထိုး ချင်းတအားနာတယ်။

ဒါပေမဲ့ ထိုးပေးတဲ့သူကလည်း သေချာ စေ့စပ်တယ်။ဘယ်လောက်ကြာ မယ်ဆိုတာမျိုးလည်း မပြောထားပေမယ့် စိတ်မပျက်သွား ဘူး။ ထက်ထက်ကတစ်ခုခု လုပ် ဖို့ဆုံးဖြတ်ထားပြီးရင် ဘာမဆို လုပ်ရင်ဆုံး ခန်းတိုင်အောင် လုပ်တယ်။ မလုပ်ဘူးဆိုရင် လည်း လုံးဝမလုပ်ဘူး။ အခု ထက်ထက် ထိုးထားတဲ့ တက်တူး ပုံကိုဘာကြောင့် ရွေးထိုးဖြစ်ခဲ့ လဲဆိုရင် တက်တူးပုံ ပန်းပုံ၊ အ သည်းပုံလိုမျိုး နူးနူး ညံ့ညံ့ တွေကိုမကြိုက်ဘူး။ ထက်ထက် က ယောက်ျားလေး ထိုးတဲ့စတိုင် ကိုပဲ ကြိုက်တယ်။ ဒီတက်တူး ပုံက “မာယာ” လူမျိုးတွေရဲ့ ယဉ် ကျေးမှု တစ်ခုပုံစံပေါ့။ အမှန် ဆိုရင် အပြည့်ထပ်ထိုးရဦး မှာ။ဆေးအရောင် ထည့်ရမယ်ဆို တော့ထက်ထက်က အရောင် မကြိုက်တာနဲ့မလုပ်ဖြစ်သေးဘူး။ ပေါင်အထိဆက်ထိုး ဖို့ တော့ အစီအစဉ်ရှိတယ်။

လူငယ်တွေကို တက်တူး မထိုးနဲ့ဆိုတာမျိုးတော့ မပြော ချင်ဘူး။ လူငယ်တွေကိုပြောချင် တာက တက်တူးထိုးချင်ရင် ထိုးပစ်လိုက်။ကိုယ့်ကိုယ် ကိုယ် ပဲပိုင် တာလေ။ဘယ်သူကမှ ပိုင် တာမဟုတ် ဘူးလေ။ ကိုယ့်ရဲ့ စိတ် ဆုံးဖြတ်ချက်နဲ့ လွတ်လပ် စွာထိုးပိုင်ခွင့်ရှိတယ်။ တက်တူး ဆိုတာကို ကိုယ့်ရဲ့ခန္ဓာကိုယ်မှာ ထိုးပြီး သွားပြီ ဆိုရင်ဖျက်လုိ့ လည်းမရတော့ဘူး။ လိမ်ပြော လို့လည်းမရတော့ ဘူး။ တက်တူးက ကိုယ့်ရဲ့စိတ်ကိုပြတာပဲ ဖြစ် သွားပြီ။ ကိုယ်ဘယ်လိုတက်တူး ထိုးထား တယ်ဆို တဲ့ အပေါ်မှာ မူတည်ပြီး အဓိပ္ပာယ်တွေရှိတယ်။ ခံစားချက်ရှိတယ်။

ဟိုး အရင်တုန်းကတော့ တက်တူး ဆိုရင်လူတွေက သိပ်စိတ်မဝင် စားကြဘူး။ စကား ထဲတောင် သိပ် ထည့်မပြောကြဘူး။ အခု ခေတ်ရေစီးကြောင်း အရတက် တူးတွေကို အနုပညာ လောက မှာပါ စိတ်ဝင်စားလာကြပြီဆို တော့ “ခေတ်ရေစီး ကြောင်းနှင့် အရေပြားပေါ်က အနုပညာ” အကြောင်း ပေါ်ပြူလာနဲ့ အတူ ထက်ထက်တို့ချစ်တဲ့ ပရိသတ်ကြီးကို တက်တူးရဲ့အကောင်းအဆိုး အကြောင်း အကျိုးကို တင်ဆက်ခွင့်ရလို့ ဝမ်းမြောက် ဝမ်းသာ ဖြစ်မိပါတယ်ရှင်။

ထက်ထက်မိုးဦး
Popular Journal
-------------------------------------------------
ကိုမျိုး (lwanmapyay.blogspot.com)

Read More

အိန္ဒိယတွင် အမျိုးသမီး တစ်ဦးကို အုပ်စုလိုက် အဓမ္မပြု သတ်ဖြတ်ကာ မျက်နှာကို အက်စစ် လောင်း ဖျက်ဆီး.............

[ နိုင်ငံတကာသတင်း ]


လပ်က်နောင်း အိန္ဒိယနိုင်ငံ ဥတ္တရာ ပရာဒေ့ရှ် ပြည်နယ်တွင် မကြာမီက ၀မ်းကွဲ ညီအစ်မ နှစ်ဦးကို အုပ်စုလိုက်
အဓမ္မပြုမှု ဖြစ်ခဲ့ပြီး နောက် တစ်ပတ် အကြာတွင် နောက်ထပ် အမျိုးသမီးငယ်တစ်ဦး အုပ်စုလိုက် အဓမ္မပြုကျင့်
ခံရပြီး လည်ပင်းညှစ် သတ်ဖြတ်ကာ မျက်နှာကို မမှတ်မိနိုင် စေရန် အက်စစ်လောင်း ဖျက်ဆီး ခဲ့မှု စနေနေ့က ထပ်မံဖြစ်ပွားခဲ့သည်။

ဥတ္တရာပရာဒေ့ရ်ှပြည်နယ်၊ ဘာရိုင်လီမြို့အနီးမှ အစ်ထ်ပူရရွာတွင် ပြန်လည်တွေ့ရှိခဲ့သည့် သေဆုံးသူ အမျိုး
သမီးရုပ် အလောင်းမှာ အသက် (၂၂) နှစ်ခန့်ရှိသည်ဟု ယူဆရပြီး သေဆုံးသူ၏ မျက်နှာကိုအက်စစ်၊ ဓာတ်
ဆီများဖြင့် လောင်းပက်ထားမှုကြောင့် မည်သူမည်ဝါ ဖြစ်ကြောင်း မဖော်ထုတ်နိုင်ရန် ဖျက်ဆီး ထားကြောင်း
ထင်ရှားသည်။

တနင်္လာနေ့တွင် ထုတ်ပြန်ခဲ့သော ဆေးဘက်ဆိုင်ရာ စစ်ဆေးချက်များအရ သေဆုံးသူအမျိုးသမီးအား အုပ်စု
လိုက်စော်ကားပြီး အက်စစ်များ အတင်း အကျပ်သောက်ခိုင်းကာ လည်ပင်းညှစ် သတ်ခံ ခဲ့ရခြင်းဖြစ်ကြောင်း
သိရသည်။

ယခုအမှုဖြစ်ပွားသည့် နေရာမှာ ပြီးခဲ့သည့် အပတ်အတွင်း ၀မ်းကွဲညီအစ်မနှစ်ဦး အုပ်စုလိုက်အဓမ္မပြုကျင့်ခံရ
ပြီး သစ်ပင်တွင် ချိတ်ဆွဲသတ်ဖြတ်ခံရသည့်ရွာနှင့် မိုင် ၆၀ ကွာဝေးသည့် တစ်ပြည်နယ်တည်းတွင်ရှိသည်။

ထိုဖြစ်ရပ်ကြောင့် တနင်္လာနေ့တွင် ဥတ္တရာပရာဒေ့ရ်ှပြည်နယ်မြို့တော် လပ်က်နောင်း၌ ပြည်နယ် ၀န်ကြီးချုပ်
ရုံးရှေ့၌ ပြည်သူများက ၀ိုင်းဝန်း ဆန္ဒပြခဲ့ကြပြီး ပြည်နယ်အတွင်း မိန်းကလေးငယ်များနှင့် အမျိုးသမီးများအား တိုက်ခိုက်မှုနှင့် လိင်ပိုင်း စော်ကားမှုများ တိုးပွားလာခြင်းကို ချက်ချင်း အရေးယူ ဆောင်ရွက်ရန် တောင်းဆိုခဲ့
သည်။

ဝန်ကြီးချုပ်ရုံးရှေ့ ဆန္ဒပြသူများကို ရဲတပ်ဖွဲ့က မီးသတ်ပိုက်များဖြင့် ထိုးပက်ကာ လူစုခွဲခဲ့သည်။

ပြည်နယ်ဝန်ကြီးချုပ် အခီလက်ရ်ှယာဒတ်က ထို အဓမ္မမှု ဖြစ်စဉ်များကို ဗဟိုအစိုးရ အဆင့် စုံစမ်းစစ်ဆေး မှု
များ ပြုလုပ်သွားမည်ဟု အာမခံထားသော်လည်း ဆန္ဒပြသူများဘက်က ပြည်နယ်အာဏာပိုင်များနှင့် ရဲများ၏ တာဝန်ပေါ့လျော့မှုများနှင့် အမျိုးသမီးထုအပေါ်လုံခြုံရေးစောင့်ရှောက်မှုအားနည်းခြင်းများကို ရှုတ်ချနေသည်။

Ref : DailyMail

7DAY DAILY

Read More

၁၇ ဦးထိခိုက်ခဲ့သော ကျောင်း ပြိုကျမှု ပြင်ဆင်ရေး အစိုးရ ဘတ်ဂျက် မပေး ...................

ကောင်းမြတ်မင်း

ပဲခူးတိုင်း၊ ပုတီးကုန်းမြို့နယ် အခြေခံပညာ အထက်တန်းကျောင်းတွင် ကျောင်းသား ကျောင်းသူ ၁၇ ဦး ထိခိုက် စေခဲ့သော ကျောင်းဝန်ရန်တာပြိုကျမှုတရပ် ဇွန်လ ၂ ရက်နေ့ကဖြစ်ပွားခဲ့ပြီး ယင်းပြိုကျကျောင်း ပြင်ဆင်ရေး အစိုးရက ဘတ်ဂျက်ချ မပေးသဖြင့် အခက်အခဲများကြုံတွေ့နေရကြောင်း သိရှိရသည်။

ပုတီးကုန်း အခြေခံပညာအထက်တန်းကျောင်းသည် ၁၉၅၂ နှစ်ကတည်းက စတင်သော အသုံးပြုခဲ့သော သက်တမ်း ရင့် အဆောက်အအုံ ဖြစ်ပြီး အစိုးရထံမှ ကျောင်းပြုပြင်ရန် ကျောင်းဘတ်ဂျက် အလုံအလောက် မရရှိခဲ့ကြောင်း၊ ဘတ်ဂျက် လိုအပ်မှု အခြေအနေကြောင့် ကျောင်းဆောင် စစ်ဆေး ပြုပြင် ပြင်ဆင်နိုင်ခဲ့ခြင်း မရှိခဲ့၍ ပြိုကျမှုဖြစ် ပွားခဲ့ခြင်း ဖြစ်ကြောင်း ပုတီးကုန်းအခြေခံပညာအထက်တန်းကျောင်း၊ ကျောင်းအကျိူးတော်ဆောင်တဦးက ပြော သည်။

ပြိုကျကျောင်းဝရန်တာ ပြုပြင်ရန် အစိုးရ ထောက်ပံသည့် ကျောင်းပညာရေး ဘတ်ဂျက် မရှိသဖြင့် ကျောင်း အကျိူးတော် ဆောင်များ၊ အလှုရှင်များ ကူညီငွေဖြင့် အမြန်ဆုံး ပြန်လည် ပြုပြင်နိုင်ရေး ကြိုးပမ်းနေရကြောင်း၊ လတ်တလော ၀ရန်တာ ပြိုကျသော ကျောင်းခန်းတချို့ကို ပိတ်ထားလိုက်ပြီး ကျောင်းသားကျောင်းသူများကို ကျောင်းခန်းမကြီးထဲသို့ ပြောင်းရွှေ့ ပညာသင်ကြားနေရကြောင်း သိရှိရသည်။

“၈ တန်း နဲ့ ၉ တန်း ၂ ခန်းက ကျောင်းသား ၂၅၀ ကျော်ကို ကျောင်းခန်းမထဲ ပြောင်းထားတယ်။ ၀ရန်တာပြိုကျတဲ့ အခန်းတွေကို အကုန်သော့ခတ် ထားလိုက်ပြီ။ အရေးပေါ် ပြင်ဆင်ဖို့ လိုအပ် နေတယ်။ အမြန်ဆုံး ပြင်ဆင်နိုင်အောင် ကျောင်းအကျိုးတော်ဆောင် အဖွဲ့နဲ့ တိုင်ပင်ထားတယ်” ဟု သဲကုန်းမြို့နယ် လက်ထောက် ပညာရေးမှူး ဦးအေးလွင် က ဧရာဝတီက ပြောသည်။

ပုတီးကုန်း အထက်တန်းကျောင်း ပြိုကျသည့် အပေါ်ထပ် ကျောင်းဆောင် ၀ရန်တာ ပြင်ဆင်ရန် အင်ဂျင်နီယာများ၏ တွက်ချက်မှုအရ ငွေကျပ် ငါးသိန်းခန့် ကုန်ကျမည် ဖြစ်ပြီး၊ ပုတီးကုန်းမြို့ ရတနာရုံ ဘုန်းတော်ကြီးကျောင်းမှ ဆရာတော် ဦးဆန္ဒာဝရမှ အလှုငွေ ကျပ် တသိန်းကို ထည့်ဝင် ထားကြောင်းနှင့် လိုအပ် နေသည့် အလှူငွေများကို ကျောင်းအကျိုးတော်ဆောင် အဖွဲ့မှ ရန်ပုံငွေ ရှာဖွေပြီး ပြုပြင် ဆောက်လုပ်သွားမည်ဟု ပုတီးကုန်းမြို့ အုပ်ချုပ်ရေးမှူး ဦးသန့်ဇင်က ဧရာဝတီကို ပြောသည်။

ပြိုကျခဲ့သော ကျောင်းဝရန်တာကို လာရောက်စစ်ဆေးခဲ့သည့် တပ်မ ၆၆ လက်အောက်ခံ အင်ဂျင်နီယာတပ်မှ အင်ဂျင်နီယာ အရာခံ ဗိုလ်တဦးကမူ ကျောင်းဆောင်သည် နှစ်ပေါင်း ၆၀ ကျော် ကြာမြင့်ပြီဖြစ်၍ ဆက်လက် အသုံး မပြုသင့်တော့ ဟု ပြောဆိုသည်။

“အုတ်ညှပ်တိုက်တွေရဲ့ သက်တမ်းက နှစ် ၃၀ ၊ RC တိုက်တွေရဲ့ သက်တမ်းက နှစ် ၅၀ အခု ကျောင်းဆောင်ကြီးက အသုံးပြုဖို့ မသင့်တော်ဘူး။ နှစ် ၆၀ ကျော်နေပြီ၊ ကလေးတွေ အတွက် စိုးရိမ်ရတယ်” ဟု အဆိုပါ အရာခံဗိုလ်က ပြောသည်။

ကျောင်းဝရန်တာပြိုကျမှုကြောင့် ကျောင်းသား၊ ကျောင်းသူ ၁၇ ဦး ထိခိုက်ဒဏ်ရာ ရရှိခဲ့ရာ ၉ ဦးမှာ အတွင်းလူနာ အဖြစ် ကုသမှု ခံယူနေရဆဲဖြစ်ကြောင်း၊ ကျန် ၈ ဦးမှာ စိုးရိမ်ရသည့် အခြေအနေ မရှိသည့် အတွက် ဆေးရုံဆင်းခွင့် ပြုလိုက်ပြီ ဖြစ်ကြောင်း သိရသည်။

“အကုန်လုံး နီးပါး ဓါတ်မှန် ရိုက်ပေးထားတယ်။ သဲပုံချစ် ဆိုတဲ့ ကလေးကတော့ ခါးအောက်ပိုင်း ထိသွားလို့ ရန်ကုန်ဆေးရုံကို ပို့လိုက်ရတယ်။ မိဘတွေရဲ့ ဆန္ဒအရ ပို့လိုက်တာပါ၊ ကျန်ခဲ့တဲ့ ကလေးတွေထဲမှာ ၈ ယောက် ကတော့ ဆေးရုံ ဆင်းခွင့် မပေးသေးဘူး၊၂၄ နာရီ စောင့်ကြည့် ရအုံးမယ်၊ ကျန်တဲ့ ကလေးတွေက အပေါ်ယံလောက် ဖြစ်တာ ဆိုတော့ ဆင်းခိုင်း လိုက်တယ် ” ဟု ပုတီးကုန်းမြို့နယ် ပြည်သူ ဆေးရုံကြီးမှ ဒေါက်တာသန့်ဇော်မောင်က ဧရာဝတီကို ပြောသည်။

ကျောင်းဆောင်ပြိုကျမှုကြောင့် ဒဏ်ရာရရှိခဲ့သူ ကျောင်းသူတဦးက “ သမီးတို့က ကျောင်းစဖွင့်တဲ့နေ့ ဆိုတော့ ခုံနေရာ လုဖို့ အခန်းဝမှာ စောင့်နေတုန်း ဝုန်း ဆိုပြီး ပြိုကျတာ အောက်ထပ်ကို ကျပြီးတော့ လက်အရမ်း နာတယ်။ လမ်းတောင် မလျှောက်နိုင်ဘူး။ ဖေဖေက ချီပြီး ဆေးရုံကို လိုက်ပို့ပေးတာ ” ဟု ပြောသည်။

ကျောင်းဝရန်တာကို ပြုပြင်နိုင်ရေး မသေချာသေးသည့်အတွက် ကျောင်းသားမိဘများမှာ မိမိတို့၏ သားသမီးများ ကျောင်းထားနိုင်ရေး စိုးရိမ်ပူပန်လျက်ရှိကြောင်း သိရှိရသည်။

“အခုလို အန္တရာယ် ရှိတဲ့ အခြေအနေမျိုးမှာ ကျောင်းဆက်ထားဖို့ တော်တော် စိုးရိမ်မိတယ်။ ဒီကျောင်းက ပြင်သင့် နေပါပြီ။ အန်တီတို့ ငယ်ငယ်ကတည်းက တက်ခဲ့တဲ့ကျောင်း မပြင်ဘဲ သင်နေတော့ စိုးရိမ်ရတာပေါ့။ ကလေးတွေ အားလုံး အတွက် ကျောင်းကြီး ပြန်ပြင်သင့် နေပါပြီ” ဟု ကျောင်းသား တဦး၏ မိခင် ဒေါ်စန်းစန်းဌေးက ပြောသည်။

Posted by Koko Zaw

Read More

လူချင်းတိုက်မိခဲ့သည်ကို မကျေနပ်သဖြင့် စကားများရန်ဖြစ်ပြီး ၀က်အူလှည့်ဖြင့် ထိုး၍ သေဆုံး ...............

3 June 2014 18:48(+0630)

ရန်ကုန်၊ ဇွန် ၃

၂.၆.၂၀၁၄ ရက်နေ့ ၁၄၀၀ အချိန်ခန့်တွင် လှိုင်သာယာမြို့နယ်၊ (၂၀)ရပ်ကွက်၊ ဗိုလ်ရန်နိုင်လမ်းရှိ စားသောက်ဆိုင်တွင် လှိုင်သာယာမြို့နယ်နေ ရခိုင်(ခ)ကျော်အောင်သန်းမှာ သူငယ်ချင်း(၂)ဦးနှင့်အတူ အရက်သောက်နေခဲ့ကြောင်း၊ ထိုစဉ် ငလွင်(ခ)ကိုသန်းလွင်ရောက်ရှိ လာခဲ့ရာ ၁၀၀၀ အချိန်ခန့်က (၂၀)ရပ်ကွက်ရှိနာရေးတစ်ခု၌ မုန့်ဟင်းခါးအိုး သယ်ရာတွင် ၎င်းတို့(၂)ဦး တိုက်မိခဲ့သည့်ကိစ္စအား ရခိုင်(ခ)ကျော်အောင်သန်းမှ မကျေမနပ်ဖြစ်ကာ ငလွင်(ခ)သန်းလွင်ကို ဘီယာ ပုလင်းနှင့် ရိုက်မည်ပြုသဖြင့် စကားများခဲ့ကြကြောင်း၊ ထိုသို့စကားများစဉ် ဆိုင်ရှင်ဖြစ်သူမှ ဖျန်ဖြေပေးခဲ့၍ ငလွင်(ခ)ကိုသန်းလွင်မှာ ဆိုင်အတွင်းမှ ပြန်ထွက်သွားခဲ့ရာ ရွှေလမင်းလမ်းသို့အရောက်၌ ရခိုင်(ခ) ကျော်အောင်သန်းမှာ နောက်မှလိုက်သွားပြီး အရိုး၊ အသွား(၁၀)လက်မခန့်ရှိ ၀က်အူလှည့်ဖြင့် ထိုးခဲ့ကြောင်း၊ ထိုသို့ပြုလုပ်ခဲ့သဖြင့် ငလွင်(ခ)ကိုသန်းလွင်မှာ နောက်ကျောထိုးသွင်းဒဏ်ရာ(၁)ချက်ရရှိခဲ့ပြီး လှိုင်သာယာဆေးရုံသို့ပို့အပ်စဉ် သေဆုံးသွားခဲ့ကြောင်းကို သေဆုံးသူ၏ညီဖြစ်သူ ကိုမျိုးအောင်မှ တိုင်တန်းလာခဲ့ကြောင်းသိရှိရပါသည်။

တိုင်တန်းချက်အရ သောင်ကြီးနယ်မြေရဲစခန်း(ပ)၃၇၆/၂၀၁၄၊ ပြစ်မှုပုဒ်မ ၃၀၂ ဖြင့် အမှုဖွင့်လှစ်ပြီး ပြစ်မှုကျူးလွန်သူ ရခိုင်(ခ)ကျော်အောင်သန်း၊ (၄၀)နှစ်၊ (ဘ)ဦးအောင်သိန်းညွန့်၊ လှိုင်သာယာမြို့နယ်နေသူအား ဖမ်းဆီးရမိရေးဆောင်ရွက်လျက်ရှိကြောင်း သတင်းရရှိပါသည်။

Yangon Police

Read More

မြန်မာ-ဘင်္ဂလာဒေခ်ျ့တင်းမာမူ လျှော့ကျသွားပြီဟု ဘင်္ဂလာဒေခ်ျ့နိုင်ငံခြားရေးဝန်ကြီးပြောကြား .............

နိရဉ္စရာ

မြန်မာ-ဘင်္ဂလာဒေခ်ျ့ နယ်စပ် တင်းမာမူ လျှော့ကျသွားပြီ ဖြစ်ကြောင်း ဘင်္ဂလာဒေခ်ျ့ နိုင်ငံခြားရေး ၀န်ကြီး AH Mahmood Ali ပြောသည်။

ယမန်နေ့က ဒက္ကားမြို့ရှိ ဟိုတည် တစ်ခုဖြစ်သော Ruposhi Bangla တွင် ပြုလုပ်သော အခမ်းအနား တစ်ခုတွင် သူက ထိုကဲ့သို့ ထုတ်ဖေါ်ပြောကြားလိုက်ခြင်း ဖြစ်သည်။

“ တင်းမာမူကတော့ လျှော့ကျသွားပြီး၊ နယ်စပ်မှာ နဂိုပုံမှန်ကို ပြန်ရောက်ဖို့ကျနော်တို့ ကြိုးစားနေပါတယ်” ဟု အခမ်းအနားအပြီးတွင် သတင်းထောက်များသို့ သူက ပြောဆိုသည်။

ယင်းပြင် မြန်မာနှင့် ဘင်္ဂလာဒေခ်ျ့မှာ အိမ်နီးချင်း မိတ်ဆွေများ ဖြစ်ကြပြီး အခုအခါ နှစ်နိုင်ငံအကြားအရေးပါတဲ့ ပြောင်းလဲမူများနှင့် အတူ နှစ်နိုင်ငံဆက်ဆံရေးအောက်တွက် နေရာများစွာမှာ အတူတကွ ပူပေါင်း ဆောင်ရွက်နေကြောင်း သူက ပြောကြားသည်။

ယင်းပြင် ဘင်္ဂလာဒေခ်ျ- တရုတ်- အိန္ဒိယ-မြန်မာ တို့ ပါဝင်သည့် (BCIM) စီးပွားရေး ပူးပေါင်းဆောင်ရွက်ရေးအဖွဲ့နှင့် BIMSTEC တွင်လည်း မြန်မာနိုင်ငံမှာ အဖွဲ့ဝင်နိုင်ငံတစ်ခုပြီး ဒေသတွင်း ပူးပေါင်းဆောင်ရွက်နေကြောင်း သူက ဆိုသည်။

ကျနော်တို့အနေဖြင့် မြန်မာနှင့် ပူးပေါင်းဆောင်ရွက်ရေးကို မြင့်တင်နေကြောင်း၊ ခင်ဗျားတို့လည်း ဒါကို လိုလားပါလိမ့်မယ်ဟု သူက သတင်းထောက်များတွေ့ဆုံစဉ် ထိုသို့ ပြောဆိုသည်။

ဇွန်လ (၉) ရက်နေ့တွင် ဘင်္ဂလာဒေခ်ျ့ နယ်ခြားစောင့်တပ်ဖွဲ့ ( BGB) အကြီးအကဲ ညွှန်ချုပ် မြန်မာနိုင်ငံသို့ သွားရောက်မည် ဖြစ်ပြီး နယ်စပ် ရေးရာ ကိစ္စများကို ဆွေးနွေးမည်ဟု သူက ဆိုသည်။

ယင်းပြင် ဇွန်လ (၁၉) ရက်နေ့တွင် နှစ်နိုင်ငံ နိုင်ငံခြားရေးဝန်ကြီးဌာလက်အောက်တွင် ဖွဲ့စည်းထားသော နိုင်ငံခြားရေးရုံးအဆင့် ညှိနိုင်းရေးအဖွဲ့ဝင်များသည်လည်း ဒက္ကားမြို့တွင် တွေ့ဆုံပြီး ဆွေးနွေးကြမည်ဟု သိရသည်။

မြန်မာနှင့် ဘင်္ဂလာဒေခ်ျ့တို့အကြား နယ်စပ်တွင် တင်းမာမူ ဖြစ်ပေါ်ခဲ့ပြီး မေလ (၃၀) ရက်နေ့က အပြန်အလှန် ပစ်ခတ်မူများ ပေါ်ပေါက်ခဲ့သည်။ ယင်းနောက်ပိုင်းတွင် တင်းမာမူ လျှော့ကျရေး သံတမန်နည်းအရ ဖြေရှင်းရန်ကြိုးစားလာကြခြင်း ဖြစ်သည်။

Read More

ရွှေဈေးကျနေ၍ ဝယ်ယူစုဆောင်းခြင်း မပြုသင့်ဟု ရွှေလုပ်ငန်းရှင်များပြော ............

3 June 2014 18:52(+0630)

 လတ်တလော ကမ္ဘာ့ ရွှေဈေးကွက်တွင် ဈေးကျနေသဖြင့် ရွှေဝယ်စုသူများ ယခုနှစ်အတွင်း ဝယ်ယူ စုဆောင်းခြင်း မပြုသင့်ကြောင်း ရွှေလုပ်ငန်းရှင်များက ပြောသည်။

ပြီးခဲ့သည့် မတ်လလယ်မှ စကာ ကမ္ဘာ့ရွှေဈေး ကျနေသည့် အတွက် ၂၀၁၃ ဒီဇင်ဘာ ၃၁ ရက်တွင် ဖြစ်ခဲ့သော တစ်အောင်စလျှင် ၁,၁၈၄ ဒေါ်လာအထိ ရောက်ရှိသွားနိုင်ကြောင်း စီးပွားရေး ခန့်မှန်းချက်များ တွင်လည်း ရေးသား ဖော်ပြထားသည်။

‘‘လောလောဆယ်မှာ ကမ္ဘာ့ဈေးက အကျပိုင်းထဲမှာပဲဖြစ်နေတော့ မြန်မာ့ ရွှေဈေးကလည်း အကျဘက်ဖြစ်နေတာပေါ့။ ဈေးတွေကတော့ အကျဘက်မှာပဲ ဦးတည်နေလို့ ဆက်ကျနိုင်သေးတယ်’’ဟု ရန်ကုန်တိုင်းရွှေလုပ်ငန်းရှင်များအသင်းမှ ဦးဝင်းမြင့်က ပြောသည်။

ထို့ကြောင့် ပြီးခဲ့သည့် နှစ်ကုန်ကတည်းက ဈေးအကျရောက် ရှိ၍ ဝယ်ယူစုဆောင်းထားသူများ အရှုံးဖြင့်သာ ရင်ဆိုင်နေကြရသည်။

ရွှေဈေးနှုန်းများ ဆက်တိုက် ကျဆင်းနေချိန်တွင် ဝယ်ယူသူများမရှိဘဲ ပြန်ထုတ်သူများသော ဈေးကွက်တစ်ခုအဖြစ်ရှိနေကြောင်း အပိုင်းဈေးကွက်မှ ကုန်သည်များ က ဆိုသည်။

ကမ္ဘာ့ ရွှေဈေးနှုန်း တစ်အောင်စလျှင် ၁,၂၅၀ ဒေါ်လာ အောက်ကျဆင်းပါက ဝယ်ယူရန် မသင့်ဟု ဈေးကွက်ကျွမ်းကျင်သူများက ဆိုထားချိန်တွင် တစ်အောင်စလျှင် ၁,၂၄၄ ဒေါ်လာထိ ဈေးနှုန်းများကျဆင်းသွားပြီဖြစ်သည်။

ကမ္ဘာ့ဈေးပေါ်တွင် မူတည်၍ ဈေးနှုန်းပြောင်းလဲမှုဖြစ်နေသော ပြည်တွင်းရွှေဈေးနှုန်းများမှာ အခေါက်ရွှေတစ်ကျပ်သားလျှင် ၆၄၇,၀၀၀ ကျပ်အထိ ဈေးနှုန်းများ ကျဆင်းနေပြီဖြစ်သည်။

ရွှေဆိုင်များတွင်လည်း အပိုင်းနှင့် ဖျက်စဈေးကွက်တို့တွင် ဝယ်လိုအားများ ကျဆင်းနေပြီး အထည်ဈေးကွက်များတွင်သာ ဝယ်လိုအားကောင်းနေကြောင်း ရွှေဆိုင်လုပ်ငန်းရှင်များက ဆို သည်။

Author: သိမ့်သိမ့်စိုး
7DAY DAILY

 ရွှေအရောင်းအ၀ယ်ပြုလုပ်နေစဉ် (ဓာတ်ပုံ − ကျော်ဇင်သန်း)

Read More

တာမွေမြို့နယ်တွင် ယာဉ် (၅)စီးဆင့်ကဲတိုက်မိ.....................

3 June 2014 18:41(+0630)

 ရန်ကုန်၊ ဇွန် ၃

 ၃.၆.၂၀၁၄ရက်နေ့ ၀၉၂၀အချိန် တာမွေမြို့နယ်၊ လေးထောင့်ကန် လမ်းအတိုင်း တာမွေမြို့နယ်ဘက်မှ သင်္ဃန်းကျွန်းမြို့နယ်ဘက်သို့ ပဲခူးမြို့နယ်နေ ယာဉ်မောင်း အောင်ကိုဝင်း မောင်းနှင်လာသော ၄ခ/--- နစ်ဆန်းဒီဇယ်၊(၈၈)သန်မြန်သူ ယာဉ်လိုင်းခရီးသည်တင် ယာဉ်သည် မင်းရဲကျော်စွာ ဂုံးတံတားအတက် အရောက်တွင် အရှိန်မထိန်းနိုင်ဘဲ ၎င်း၏ရှေ့မှ မောင်းနှင်သော ၃ဂ/--- ဆူဇူးကီး ပစ်ကပ်ယာဉ်အား တိုက်မိခဲ့ပါသည်။

၃ဂ/---ဆူဇူးကီးပစ်ကပ်ယာဉ်သည် အတိုက်ခံရသည့်အရှိန်ဖြင့် ၎င်း၏ရှေ့မှမောင်းနှင်သော AA---ဆူဇူးကီးဝက်(စ်)ဂွန်ယာဉ် လည်းကောင်း၊ AA---ဆူဇူးကီးဝက်(စ်)ဂွန်ယာဉ်မှ ၇ဃ/----မတ်တူး
ဆလွန်း ယာဉ်အားလည်းကောင်း၊ ၇ဃ/----မတ်တူးဆလွန်းယာဉ်မှ BB---အေဒီဗင်ယာဉ်အားလည်းကောင်း ဆင့်ကဲဆင့်ကဲ တိုက်မိ ခဲ့ကြပါသည်။

ယင်းကဲ့သို့ ယာဉ်မဆင်မခြင်မောင်းနှင်သူ ယာဉ်မောင်းအောင်ကိုဝင်းအား တာမွေမြို့မရဲစခန်း ယာဉ်(ပ)၂၇/၂၀၁၄၊ ပြစ်မှုပုဒ်မ ၂၇၉ဖြင့် အမှုဖွင့်အရေးယူ ဆောင်ရွက်လျက်ရှိကြောင်း သတင်းရရှိပါသည်။

Yangon Police

Read More