ဗြိတိန်ပေါင် ၉.၇ သန်း ထီပေါက်သော်လည်း အမှိုက်ကောက် သမား ဘဝ ပြန်ရောက်သူ..............................

ဗြိတိန်ပေါင် ၉.၇ သန်း ထီပေါက်သော်လည်း အမှိုက်ကောက်သမား ဘဝ ပြန်ရောက်သူသက္ကရာဇ် ၂၀၀၂
ခုနှစ် တုန်းကပါ။ ဗြိတိန်နိုင်ငံက Michael Carroll လို့ အမည်ရတဲ့ အမှိုက်ကောက်သမား တစ်ဦးဟာ ဗြိ
တိန်ပေါင် ၉.၇ သန်းတန် ထီဆုကြီး ပေါက်ခဲ့ ပါတယ်။ အမေရိကန်ဒေါ်လာနဲ့ တွက်ရင် ၁၄.၃ သန်း ဖြစ်ပါ
တယ်။

သို့ပေမယ့် ၂၀၁၀ ခုနှစ်မှာ အမှိုက်ကောက်သမားဘဝ ပြန်ရောက် သွားပါတယ်။ ဖြစ်ပုံက ဒီလိုပါ။ ထီပေါက်
ပြီး ရတဲ့ငွေတွေနဲ့ ၈ နှစ်ပတ်လုံး ဘာအလုပ်မှ မလုပ်ပါဘူး။ တစ်ပတ်ကို ပျမ်းမျှအားဖြင့် ကန်ဒေါ်လာ ၁သိန်း
ခွဲနီးပါး သုံးစွဲ ပါတယ်။ ဈေးအကြီးဆုံး ကားများ ဝယ်စီး ပါတယ်။ အိမ်ကောင်းမှာ နေ ပါတယ်။ မူးယစ်ဆေး
ဝါး သုံးစွဲပါတယ်။ မိန်းမ အပျော်အပါး လိုက်စား ပါတယ်။

နောက်တော့ အကြွေးတွေ တင်ပြီး တစ်ခုပြီး တစ်ခု ပြန်လည် ရောင်းချလိုက်ရာမှာ ၂၀၁၀ ခုနှစ်ရောက်တော့
အမှိုက်ကောက်သမား အလုပ်ကို ပြန်လုပ်ဖို့ အလုပ်သမား ဝန်ကြီးဌာနကို မှတ်ပုံ တင်ပြန်လျှောက် ပါတယ်။
အခုတော့ အမိုက်ကောက် သမား ဘဝနဲ့ပဲ ဆင်းရဲပင်ပန်းစွာ လုပ်ကိုင်လျက် ရှိပါတယ်။ ပြည်ဗာရာက သူဌေး
သား ပုံပြင်တစ်ပုဒ် လိုပဲ အပြင်မှာ တကယ် ဖြစ်ခဲ့ တာလေး ဖြစ်ပါတယ်။

သင်ခန်းစာ - လက်ထဲမှာ ငွေရှိပြီး အကျိုးရှိရှိ အသုံးမချတတ်သူဟာ ပိုက်ဆံကို မီးရှို့ ပြီး မီးလှုံနေသူနဲ့ အတူ
တူပါပဲ။ တစ်ခဏတာအတွက် အနွေးဓာတ်ပေးသော် ငြားလည်း...

အောင်ခမ်း ( ရိုးရာလေး )

By ရိုးရာလေး

Read more: ဆိုင်မွန်စာကြည့်ဆိုဒ်: ဗြိတိန်ပေါင် ၉.၇ သန်း ထီပေါက်သော်လည်း အမှိုက်ကောက် သမား ဘဝ ပြန်ရောက်သူ http://www.simon-vlog.com/2013/12/blog-post_1537.html#ixzz2oiOzl2Nz
Under Creative Commons License: Attribution
Follow us: @SimonRau on Twitter | OnlineReading on Facebook

Read More

နယ်စပ်တွင် မြန်မာတပ် လူပ်ရှားမူ အာသံရိုင်ဖယ် စီစစ်မည်............................

Friday, December 27, 2013

နိရဉ္စရာ

မိုးရေးမြို့နှင့် ကပ်ရပ် တည်ရှိသော မြန်မာ- အိန္ဒိယ နယ်စပ်တွင် မြန်မာဘက်က တပ်အင်အားများ အကြီးအကျယ် ဖြည့်တင်းနေသည်ဆိုသော သတင်းဟုတ် မဟုတ်ကို စစ်ဆေးရန် အာသံရိုင်ဖယ်အား ညွှန်ကြားထားသည်ဟု The Economic Time တွင် ယနေ့ သတင်း ဖေါ်ပြသည်။

အင်ဖါးမြို့တွင် သတင်းထောက်များနှင့် တွေ့ဆုံစဉ် မူနီပူရ် Manipur ပြည်နယ် ပြည်ထဲရေးဝန်ကြီး Gaikhangam က တောင်ပိုင်း အာသံရိုင်ဖယ် အကြီးအကဲမှ ၎င်းအခြေအနေနှင့် ပတ်သက်ပြီး ပြည်နယ် အစိုးရသို့ များမကြာမှီ စာပေးပို့မည် ဖြစ်ပြီး ယင်းစာအား ဗဟို အစိုးရသို့လည်း မိတ္တူ ပေးပို့မည်ဟု ပြောဆိုသည်။

မြန်မာ စစ်တပ် အာဏာပိုင်များသည် မိုးရေးမြို့ အနီးရှိ နယ်စပ်တွင် အိန္ဒိယဘက်မှ Integrated Check Post – ICP- (စစ်ဆေးရေးဂိတ်) တည်ဆောက်နေသည့် နေရာမှာ မြန်မာပိုင် နယ်မြေဖြစ်ကြောင်း ပြောဆိုထားပြီး ကန့်ကွက်ထားသည်ဟု သတင်းတွင် ဖေါ်ပြသည်။

၎င်းဆောက်လုပ်နေသော နေရာသည် မိုးရေးမြိုနှင့် မြန်မာ နယ်စပ်အကြားတွင် တည်ရှိပြီး မြန်မာဘက်ကမှ အိန္ဒိယသို့ အဓိက သွင်းကုန်များကို စစ်ဆေးသော ဂိတ်ဖြစ်သည်ဟု ဆိုသည်။

ယခု မြန်မာ စစ်တပ် အာဏာပိုင်များက ICP စစ်ဆေးရေးဂိတ် တည်ဆောက်ခြင်းကို ကန့်ကွက်ခြင်းမှာ မြန်မာဘက်က တည်ဆောက်နေသော ခြံစည်းရိုးကို မူနီပူရ် အစိုးရနှင့် အိန္ဒိယ ဗဟိုအစိုးရ အာဏာပိုင်များက ကန့်ကွက်ပြီးနောက် ပေါ်ပေါက်လာခြင်း ဖြစ်သည်ဟု ဆိုသည်။

မြန်မာဘက်က ခြံစည်းရိုးကာရံရာတွင် မူနီပူရ် ပြည်နယ်ထဲမှ မြေအစိတ်အပိုင်း အချို့ပါဝင်သည်ဟု ဆိုကာ အိန္ဒိဘက်က ကန့်ကွက်ထားကြောင်း သိရသည်။

အိန္ဒိယ ဗဟို အစိုးရသည် ခြံစည်းရိုးကာရံမူ အငြင်းပွားနှင့် ပတ်သက်ပြီး မြန်မာ အစိုးရနှင့် တွေ့ဆုံ ဖြေရှင်းရန် အကြိမ်ကြိမ် ချဉ်းကပ် ကြိုးစားနေသည်ဟု ဆိုသည်။

နောက်ထပ် သတင်း တပုဒ်တွင် ယခု ICP စစ်ဆေးရေး ဂိတ် တည်ဆောက်နေသော နေရာမှာ အိန္ဒိယ-မြန်မာနယ်စပ် နယ်ခြားမှတ်တိုင် BP (Border piller) – ၇၇ နဲ့ ၈၇ ကြားတွင် ဖြစ်ပြီး နှစ်နိုင်ငံ နယ်နိမိတ် အပြီးပြတ် သတ်မှတ်မှု မရှိသေးသဖြင့် ယခုကဲ့သို့ ဆောက်လုပ်နေမူကို မြန်မာဘက်က အကြိမ်ကြိမ် ကန့်ကွက်ထားသော်လည်း အိန္ဒိယက ဆက်လက် တည်ဆောက်နေသည်ဟု ဖေါ်ပြသည်။

ယခုကဲ့သော အငြင်းပွားရာနေရာတွင် အိန္ဒိယဘက်က ICP အတွက် အဆောက်အဦး ဆောက်လုပ်ရန် ဆောင်ရွက်နေသဖြင့် ထောင်ချီရှီသော တမူးမြို့ခံများနှင့် အရပ်ဘက် လူမူ အဖွဲ့အစည်းများမှ ပူးပေါင်းပြီး တမူးမြို့ နန်းဖာလုံဈေးကနေ မြို့လယ်ထိ ယနေ့နံနက်က လမ်းလျှောက် ဆန္ဒပြခဲ့ကြသည်ဟု သိရသည်။

Posted by Koko Zaw

Read More

သားအမိနှစ်ဦး လည်လှီးအသတ်ခံရမှု တရားခံဖော်ထုတ်နိုင်ရန် ရဲက ပြည်သူကို အကူအညီတောင်းခံ ...................

Friday, December 27, 2013

ဇော်ဇော်ထွေး

မင်္ဂလာဒုံမြို့နယ်တွင် ဖြစ်ပွားခဲ့သည့် သားအမိနှစ်ဦးလည်လှီးအသတ်ခံရမှုတွင် ပြစ်မှုကျူးလွန်သူကို ဖော်ထုတ်နိုင်ရန် လူသတ်မှုဖြစ်ပွားခဲ့ပြီး တစ်လကျော်အချိန် တွင် ရန်ကုန်တိုင်းရဲတပ်ဖွဲ့က ပြည်သူကို ဒီဇင်ဘာ ၂၃ ရက်၌ အကူအညီတောင်းခံလိုက်သည်။

နိုဝင်ဘာ ၁၉ နံနက် ၁ နာရီခန့်က ဖြစ်ပွားခဲ့သော အဆိုပါလူသတ်မှုတွင် မွန်လေးဟူသည့် အမျိုးသား တစ်ဦးကို ရဲတပ်ဖွဲ့က သံသယရှိထားပြီး ၎င်းကိုတွေ့ရှိပါက ဆက်သွယ်အကြောင်းကြားပေးခြင်းဖြင့် ကူညီပေးရန် မေတ္တာရပ်ခံထားခြင်းလည်း ဖြစ်သည်။

“လူသတ်မှုမှာ သံသယရှိနေတဲ့ မွန်လေးဆိုတာ ဘောဂလမ်း၊ ဘောဂဘုန်းကြီးကျောင်းမှ ကိုရင်ဝတ်ပြီး နေသွားခဲ့တဲ့သူပါ၊ သူအခု ပုန်းရှောင်နေတဲ့နေရာကို သိရင်တော့ ကျွန်တော်တို့လည်း ကူညီဖော်ထုတ် ပေးသွားမှာပါ” ဟု လူသတ်မှုဖြစ်ပွားခဲ့သည့် ပလရ ရပ်ကွက်မှ ရပ်ကွက်အုပ်ချုပ်ရေးမှူး သက်ဇော်မင်းက ပြောသည်။

အဆိုပါ လူသတ်မှုသည် မင်္ဂလာဒုံမြို့နယ် ပလရရပ်ကွက်အတွင်းရှိ ဘောဂ(၂)လမ်းတွင် တန်ဆောင်မုန်းလ သူခိုးကြီးညက ဖြစ်ပွားခဲ့ခြင်း ဖြစ်သည်။ ယင်းလမ်းအတွင်းရှိ ဂျိုးဖြူရေပိုက်လိုင်းအနီးတွင် အမျိုးသမီးတစ်ဦး လဲနေသည်ကို ရပ်ကွက်အတွင်းရှိ ကလေးများမှ စတင်တွေ့ရှိပြီး သက်ဆိုင်ရာ ရပ်ကွက်အုပ် ချုပ်ရေးပိုင်းမှ သူများထံသို့ အကြောင်းကြားပေးခဲ့ခြင်း လည်း ဖြစ်သည်။

ထို့နောက် ရပ်ကွက်အုပ်ချုပ်ရေးပိုင်း တာဝန်ရှိသူများနှင့် ရဲများက စစ်ဆေးရာတွင် ယင်းလမ်းတွင် နေ ထိုင်သည့် အမျိုးသမီးတစ်ဦးကို သေဆုံးလျက်တွေ့ရှိခဲ့ရ ခြင်းဖြစ်သည်။ ယင်းအပြင် တာဝန်ရှိသူများက အမျိုးသမီးနေထိုင်ရာ အိမ်အတွင်းသို့ သွားရောက်စစ်ဆေးရာတွင်လည်း ၎င်း၏သမီးငယ်ဖြစ်သူကို ခြင်ထောင်အတွင်းတွင် လည်ပင်းပြတ်ရှဒဏ်ရာဖြင့် အသတ်ခံထားရသည်ကိုပါ တွေ့ရှိခဲ့သည်။

ယင်းဖြစ်စဉ်တွင် သေဆုံးသူသည် မမြတ်မြတ်စန်း (၃၆)နှစ်ဆိုသူဖြစ်ပြီး ၎င်းကို နေအိမ်ရှေ့ ၀ဲဘက် မျက်စောင်းထိုးဂျိုးဖြူပိုက်လုံးဘေး လမ်းပေါ်တွင် လည်ပင်းပြတ်ရှဒဏ်ရာ တစ်ချက်၊ မေးစေ့ပြတ်ရှ ဒဏ်ရာတစ်ချက်တို့ဖြင့် သေဆုံးခဲ့သည်ဟု ရဲတပ်ဖွဲ့က အတည်ပြုခဲ့သည်။

ထို့ပြင် ယင်း၏ သမီးဖြစ်သူ မနှင်းဝေ (၉) နှစ်၊ စတုတ္ထတန်းကျောင်းသူကိုလည်း နေအိမ်ရှိ ခြင်ထောင် အတွင်း အိပ်ရာပေါ်တွင် လည်ပင်းပြတ်ရှဒဏ်ရာဖြင့် သေဆုံးနေလျက် တွေ့ရှိခဲ့ခြင်းလည်း ဖြစ်သည်။

အဆိုပါ လူသတ်မှုကို မင်္ဂလာဒုံမြို့နယ် ရဲစခန်းက (ပ)၇၂၄/၂၀၁၃၊ ပြစ်မှုပုဒ်မ ၃၀၂ ဖြင့် တရားခံ ဖမ်းဆီး ရမိရေး စုံစမ်းဖော်ထုတ်နေသော အမှုလည်း ဖြစ်သည်။

ယင်းလူသတ်မှုကို ကျူးလွန်ခဲ့သူသည် အသက် (၂၅)နှစ်ရှိ မွန်လေး၊ (ဘ)ဦးအုန်း ရွှေ၊ ၁၀/မဒန (နိုင်) ၁၁၀၃၇၄ ဖြစ်သည်ဟု ရန်ကုန်တိုင်း ရဲတပ်ဖွဲ့က ထုတ်ပြန်ထား သည်။

၎င်းသည် မွန်ပြည်နယ်၊ မုဒုံမြို့ ကော့ ပရံကျေးရွာနေသူဖြစ်ကြောင်းနှင့် ၎င်းင်းနှင့် ပတ်သက်၍ ဖုန်း ၀၁-၂၃၀၀၇၄၇ (ကွပ် ကဲမှုခန်းမ)၊ ၀၉-၅၂၄၀၁၁၂ (ရဲမှူး ဦးစီး)၊ ၀၉-၈၆၀၂၃၆၃ (ရဲမှူး၊ မှုခင်း)၊ ၀၉- ၈၆၀၂၃၈၆ (မြောက်ပိုင်းခရိုင် ရဲတပ်ဖွဲ့ မှူးရုံး)၊ ၀၁-၆၃၅၁၄၈ (မင်္ဂလာဒုံမြို့နယ် ရဲတပ်ဖွဲ့မှူးရုံး)၊ ၀၁-၆၃၅၀၇၄ (မင်္ဂလာဒုံမြို့နယ် ရဲစခန်း)တို့ကို ဆက်သွယ်ပြီး ကူညီသတင်းပေးကြရန် အကူအညီ တောင်းခံထားခြင်းဖြစ်သည်။

Posted by Koko Zaw

Read More

မလေးရှားက မြန်မာအလုပ်သမားအရေး စိုးရိမ်စရာ မရှိတော့ဟု ဆို ..........................

Friday, December 27, 2013

မလေးရှားမှာ အန္တရာယ်အခက်အခဲတွေရင်ဆိုင်နေရတဲ့  မြန်မာအလုပ်သမားတွေရဲ့ ကိစ္စ  မြန်မာ အစိုးရ 
နိုင်ငံခြားရေး ဌာနက တာဝန်ရှိသူတွေနဲ့ သက်ဆိုင်ရာ အလုပ်သမား အေဂျင်စီက လူတွေ ဘယ်လို ကူညီပေးနေတယ် ဆိုတာကို သမ္မတရုံး ညွှန်ကြားရေးမှူး ဦးဇော်ဋ္ဌေးရဲ့ ဖေ့စ်ဘုတ်က တဆင့် အခုလို သတင်းထုတ်ပြန်ထားပါတယ်။ 

မလေးရှား နိုင်ငံ ကွာလာလမ်ပူ မြို့တွင် ပြီးခဲ့သည့် ဇွန်လဆန်း ၃ ရက်က မြန်မာ အလုပ်သမား တဦး ၏ ရုပ် အလောင်း ကို မလေးရှား ရဲ တပ်ဖွဲ့ဝင်များ စစ်ဆေးနေစဉ် (ဓာတ်ပုံ – Straits Times)

မလေးရှားရှိ မြန်မာသံရုံးမှ မြန်မာအလုပ်သမားဆိုင်ရာသံအရာရှိ ဦးစိုးဝင်း၊ မြန်မာ သံရုံး အရာရှိ(၁)ဦး၊ (မြန်မာအလုပ်သမားများကို စေလွှတ်လိုက်သော) မလေးရှားအလုပ်သမားအေဂျင်စီတာဝန်ရှိသူများသည် ယနေ့ နံနက်ပိုင်းတွင် ကွာလာ လမ်ပူမှ ဆာရာဝပ်ပြည်နယ်သို့ လေကြောင်းခရီးဖြင့် ထွက်ခွါခဲ့ကြောင်း၊ 

မြန်မာ အလုပ်သမားများ ကူညီရေးအဖွဲ့သည် ဆာရာဝပ်ပြည်နယ် မြို့တော် ကူချင်းသို့ ယနေ့ နေ့လည် ပိုင်းတွင် ရောက်ရှိခဲ့ပြီး မနက်ဖြန် နေ့လည် ၁၂ နာရီ လေယာဉ်ဖြင့် စက်ရုံတည်ရှိရာသို့ ဆက်လက် ထွက်ခွါမည် ဖြစ်ကြောင်း၊ 

ကူချင်းမှ စက်ရုံသို့ မော်တော်ကားဖြင့် ၁၄ နာရီ ခရီးရှိပြီး လမ်းခရီး စိတ်ချရမှု မရှိခြင်းကြောင့် မနက်ဖြန်မှ ဆက်လက် ထွက်ခွါရန် ဖြစ်ကြောင်း၊ မလေးရှားရှိ မြန်မာသံရုံးကလည်း မလေးရှား အစိုးရသို့ အဆိုပါ

ဖြစ်စဉ်အား အသိပေး၍ ကာကွယ်စောင့်ရှောက်မှု အမြန်ဆုံးပေးရန် တောင်းဆို ထားပြီး သက်ဆိုင်ရာ အစိုးရတာဝန်ရှိသူများက လုံခြုံရေးဆောင်ရွက်ပေးထားသဖြင့် မြန်မာ အလုပ်သမားများ၏ အခြေအနေမှာ စိုးရိမ်စရာ မရှိတော့ကြောင်း၊ 

မြန်မာအလုပ်သမားများ၏ အခြေအနေမှာလက်ရှိအချိန်တွင် အေးဆေးတည်ငြိမ်နေပြီ ဖြစ်ကြောင်း၊ 

မြန်မာအလုပ်သမားများထံသို့ မြန်မာအလုပ်သမားအေဂျင်စီမှ တာဝန်ရှိသူအချို့ ရောက်ရှိနေပြီ ဖြစ်ပြီး စက်ရုံ တာဝန်ရှိသူများနှင့် မြန်မာအလုပ်သမားများ၏ အခွင့်အရေး၊ လုံခြုံမှုကို ညှိနှိုင်းလျက် ရှိကြောင်း၊ 

နောက်ထပ် မြန်မာအလုပ်သမားအေဂျင်စီ(၂)ခုမှ တာဝန်ရှိသူများ မြန်မာနိုင်ငံမှ ယနေ့ လေကြောင်းခရီး

ဖြင့် မလေးရှားသို့ လိုက်ပါသွားကြပြီ ဖြစ်ကြောင်း၊ 

မလေးရှားရောက် မြန်မာ(စစ်ကိုင်းတိုင်းဒေသကြီးမှ)ဇနီးမောင်နှံ(၂)ဦးက မြန်မာအလုပ်သမားများအတွက် ဆန်များ လာရောက်လှူဒါန်းပေးအပ်ထားပြီး ဖြစ်၍ အစားအသောက် အခက်အခဲ ပြေလည်နေပြီ ဖြစ်

ကြောင်း၊ 

မြန်မာနိုင်ငံသံရုံးမှ အလုပ်သမားအရာရှိနှင့် သံရုံးတာဝန်ရှိသူများသည် မြန်မာအလုပ်သမားအေဂျင်စီ၊ မလေးအလုပ်သမားအေဂျင်စီ၊ စက်ရုံတာဝန်ရှိသူများ၊ မလေးရှားအစိုးရမှ သက်ဆိုင်ရာ စသည်တို့ ပါဝင်

သော အလုပ်ရှင်(အလုပ်သမားအေဂျင်စီပါဝင်)-အလုပ်သမား-(၂နိုင်ငံ)အစိုးရ (၃)ပွင့်ဆိုင် တွေ့ဆုံပြီး အလုပ်သမားအခွင့်အရေးဆိုင်ရာ ဥပဒေ၊ စည်းမျဉ်းစည်းကမ်းများနှင့်အညီ မြန်မာအလုပ်သမားများ၏ အခက်အခဲများ၊ လုံခြုံဘေးကင်းမှု၊ ရေရှည်အာမခံချက် စသည်တို့ကို ဖြည့်ဆည်းဆောင်ရွက်ပေးနိုင်ရန် 

ဆောင် ရွက်သွားမည် ဖြစ်ကြောင်း သိရှိရပါသည်။ 

အထက်က အတိုင်း အစိုးရအရာရှိတဦးက သတင်းထုတ်ပြန်ထားသော်လည်း မလေးရှားက လာတဲ့ တချို့ သတင်းတွေမှာ ယနေ့ ညနေပိုင်းအထိ ထိရောက်တဲ့ ကူညီမှုမျိုး အစိုးရပိုင်းဆီက မရသေးဘဲ စိုးရိမ်နေရဆဲ

ဖြစ်တယ်လို့ ကာယကံ ရှင်တချို့က ပြောနေကြပါတယ်။  

ဒါပေမယ့် ဧရာဝတီကတော့ သီးခြား အတည်ပြုလို့ မရသေးပါဘူး။ 

အိမ့်သံစဉ် ~

• ဧရာဝတီ Facebook / ဧရာဝတီ Twitter 
•  

Read More

ဒေါ်အောင်ဆန်းစုကြည် လုံခြုံရေးအဖွဲ့ ဖွဲ့စည်း .....................

Saturday, December 28, 2013

ရွှေအောင်

အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်ရဲ့ လုံခြုံရေးအတွက် အဖွဲ့ချုပ်ဗဟို အလုပ်အမှုဆောင်အဖွဲ့က လုံခြုံရေးအထောက်အကူပြုအဖွဲ့ ဖွဲ့စည်းပြီး တာဝန်ပေးလိုက်ပါတယ်။

မိတ္တီလာအမတ် တပ်မတော်အရာရှိဟောင်း ဦးဝင်းထိန် ခေါင်းဆောင်တဲ့ အဖွဲ့ကို ပါတီဥက္ကဋ္ဌရဲ့ လုံခြုံရေးအဖွဲ့ ဖွဲ့စည်းတာဝန်ယူဖို့ ဒီဇင်ဘာ ၂၆ ရက်က ပြုလုပ်တဲ့ ဗဟိုအလုပ်အမှုဆောင် အစည်းအဝေးက ဆုံးဖြတ်လိုက်တာပါ။

ပါတီခေါင်းဆောင် ဒေါ်အောင်ဆန်းစုကြည်ဟာ မကြာသေးခင်ကမှ ခြေထောက်ခွဲစိတ် ကုသမှုခံယူထားတာဖြစ်ပြီး သူ့ရဲ့ လုံခြုံရေးအခြေအနေ စိုးရိမ်ရတယ်ဆိုတဲ့ သတင်းတွေကတော့ ကြားသိရခြင်း မရှိပါဘူး။

အဖွဲ့ချုပ်ဗဟိုအလုပ်အမှုဆောင် ဦးဝင်းမြင့်ကတော့ ဥက္ကဋ္ဌလုပ်ငန်းတွေ အထောက်အကူပြုနိုင်ဖို့ အဓိက ရည်ရွယ်ဖွဲ့လိုက်တာဖြစ်ပြီး သုတေသနအဖွဲ့ ဖွဲစည်းဖို့ ရှိတယ်လို့ ပြောပါတယ်။

ဥက္ကဋ္ဌလုံခြုံရေး အဖွဲ့ခေါင်းဆောင်အဖြစ် တာဝန်ပေးခံရတဲ့ ဦးဝင်းထိန်ကတော့ လုံခြုံရေးအတွက် သူလုပ်မယ့် အစီအစဉ်ကို ခုလို ပြောပါတယ်။

“ခါတိုင်းလိုပဲ ဒေါ်အောင်ဆန်းစုကြည်နားက အနီးကပ်လုံခြုံရေးတွေရယ်၊ နောက်ပြီးတော့ တနေရာကနေ တနေရာသွားမယ်ဆိုရင် ဒေသဆိုင်ရာ လူငယ်တွေ၊ လူကြီးတွေနဲ့ တွဲပြီး အလုပ်လုပ်ရမှာပါ။ နောက်တချက်က ဒေါ်အောင်ဆန်းစုကြည်က လွှတ်တော်ကိုယ်စားလှယ် ဖြစ်နေတဲ့အတွက် သက်ဆိုင်ရာ သတင်းတပ်ဖွဲ့တို့၊ ရဲတို့ကလည်း တာဝန်ယူပြီးလုပ်တော့ သူတို့နဲ့လည်း ညှိနှိုင်းပြီး ဆောင်ရွက်ရမှာပေါ့။ ဒေါ်အောင်ဆန်းစုကြည်ရဲ့ လုံခြုံရေးကို အစိုးရဘက်က အခမ်းအနားတွေဆိုရင် လာပြီး ကူညီပါတယ်။ ခရီသွားတယ်ဆိုရင်လည်း သက်ဆိုင်ရာ ဒေသတွေက မသိမသာ တာဝန်ယူပေးတဲ့ ကဏ္ဍတွေ ရှိတယ်။ ဒါပေမယ့် ကျနော်တို့ လူငယ် လုံခြုံရေး ခေါင်းဆောင်ပါသွားတဲ့ ကလေးတွေနဲ့ သူတို့နဲ့ အဆက်အသွယ်ရှိ ပြီးတော့ ဘယ်လိုလုပ်ရမယ်ဆိုတာတွေကို အမြဲတမ်းညှိနှိုင်းပြီး ဆောင်ရွက်တာ ရှိပါတယ်။ ကျနော်တို့က အစိုးရဘက်ကို ဒေါ်စု လုံခြုံရေးအတွက် သတ်သတ်မှတ်မှတ် လုပ်ပေးပါလို့ မတောင်းဆိုဘူး။ ဒါပေမယ့် သူသွားလေရာ ဒေသတိုင်းမှာ ရှိတဲ့ ရဲတို့၊ အက်စ်ဘီတို့ ထောက်လှမ်းရေးရှိရင်လည်း ထောက်လှမ်းရေးတွေက ၀ိုင်းဝန်းကူညီပြီးတော့ ကျနော်တို့နဲ့ လက်တွဲ ဆောင်ရွက်တဲ့ သာဓကတွေ အများကြီး ရှိခဲ့ပါတယ်။”

ပါတီခေါင်းဆောင် ဒေါ်အောင်ဆန်းစုကြည်ရဲ့ လုံခြုံရေးကို ၁၉၈၈-၈၉ ကာလက သုံးရောင်ခြယ်လူငယ်တွေက တာဝန်ယူခဲ့ပြီး၊ ၁၉၉၅-၉၆ လောက်ကစပြီး သုံးရောင်ခြယ် လူငယ်အဖွဲ့နဲ့ အန်အယ်လ်ဒီလူငယ်တို့ ပူးပေါင်း တာဝန်ယူခဲ့ကြပါတယ်။ အခု ၂၀၁၀ နောက်ပိုင်းမှာတော့ အန်အယ်လ်ဒီ လူငယ်တွေကပဲ တာဝန်ယူ လုပ်ဆောင်နေကြတာ ဖြစ်ပါတယ်။

ယခင်စစ်အစိုးရလက်ထက် ၂၀၀၃ ခုနှစ်မေလက စစ်ကိုင်းတိုင်း ရွှေဘိုခရိုင် ဒီပဲယင်းမှာ ဒေါ်အောင်ဆန်းစုကြည်ရဲ့ ယာဉ်တန်း အကြမ်းဖက် တိုက်ခိုက်ခံခဲ့ရဖူးပြီး သမ္မတ ဦးသိန်းစိန် လက်ထက်မှာတော့ အန္တရာယ် ကြီးကြီးမားမား ကြုံတွေ့ခဲ့ရတာ မရှိခဲ့ပါဘူး။

Posted by Koko Zaw

Read More