Tuesday, September 4, 2012

မြန်မာပြည်ရောက် ချယ်ရီ မီနီမှာ ကျောက်ဂွမ်းပါမပါ နှင့် ကာကွယ်ရန်



https://fbcdn-sphotos-f-a.akamaihd.net/hphotos-ak-snc6/200458_340016162756685_586630143_n.jpg
လက်တလော ချယ်ရီရဲ့ သတင်းဆိုးကြောင့် မြန်မာပြည် ချယ်ရီကားဈေး ကွက်ကို ထိခိုက်သွားပါတယ်။

နဂိုကတည်းက လူပြောများတဲ့ ချယ်ရီမီနီ ပြန်လည်သိမ်းဆည်းရတဲ့ သတင်းကြောင့် ချယ်ရီဆို သတိထားနေကြပါပြီ။ ဘရာဇီး၊ ဥရုဂွေး၊ ချီလီ၊ အာဂျင်တီးနား၊ စင်ကာပူ စတဲ့ နိုင်ငံများကို တင်သွင်းတဲ့ Chery ရဲ့  ကား brand တစ်မျိုးကို ပြန်လည် ခေါ်ယူစေတာဖြစ်ပါတယ်။ အမျိုးအစားကတော့ Chery Tiggo ဖြစ်ပါတယ်။ ပါဂျဲရိုးတို့လို SUV ကားကြီးအမျိုးအစား ဖြစ်ပါ တယ်။ ချယ်ရီမီနီမဟုတ်ပါဘူး။ အစီးရေကတော့ ၁၈၈၇၅ စီး ဖြစ်ပါတယ်။

ဂရိတ်ဝေါတို့လို တရုတ်နာမည်ကြီးကားကုမ္မဏီက သြစတေးလျမှာ နာမည်ပျက်ပြီးနောက် ချယ်ရီက နောက်ဆက်တွဲ ဖြစ်ပါတယ်။ သိမ်းဆည်း ရတဲ့အကြောင်းအရင်းက ကားအစိတ်အပိုင်းများမှာ ကျောက်ဂွမ်း ပါဝင် မှုကြောင့် ဖြစ်ပါတယ်။

ကျောက်ဂွမ်း (Asbestos) ကို အကြမ်းဖျင်း အရင်သိအောင်မိတ်ဆက်ရပါအုံးမယ်။ Asbestos ကတော်တော်ကို အသုံးများတဲ့ ကျောက်တစ်မျိုး ဖြစ်ပါတယ်။ ကျောက်ဆိုလို့ တန်ဖိုးတဲ့ ကျောက်များကိုပဲ ကျောက်လို့ခေါ်ဆိုခြင်းမဟုတ်ပါ။ လမ်းပေါ်မှာ ခင်းတာ ကျောက်တုံးလို့ ခေါ်သလို သတ္တု Asbestos ကိုလည်း ကျောက်ဂွမ်းလို့ပဲ ခေါ်ပါတယ်။ အိမ်သုံး-ဖာနစ်ရှာတွေများ ပိုများပါတယ်။ ပိုက်တွေမှာလည်း သုံးပါတယ်။ List အတိုင်းသာဆိုရင် - လျှပ်စစ်ပစ္စည်း၊ သံပစ္စည်း၊ မော်တော်ယာဉ်အစိတ်အပိုင်း၊ မီးငြိမ်းသတ် ပစ္စည်း အစရှိသဖြင့် အပူဒဏ်ခံရမယ့် နေရာတွေမှာ အသုံးများပါတယ်။

အဓိက ရည်ရွယ်ချက်ကိုက အပူဒဏ်ခံစေဖို့ဖြစ်ပါတယ်။ ဒီတော့ မော်တော် ယာဉ်တွေလည်း မဖြစ်မနေသုံးခဲ့ကြပါတယ်။ အဓိကအသုံးပြု တဲ့နေရာ ကတော့ ပုံမှာပြထားတဲ့အတိုင်း တကယ့် အပူဒဏ်အကြီး ကြီးခံရမယ့် အစိတ်အပိုင်းမှာ အသုံးပြုထားပါတယ်။ ဘရိတ်၊ Gasket လို့ခေါ်တဲ့ လေ လုံပိတ်၊ မီးမကူး ကြားခံ ပစ္စည်း၊ အပူကာ၊ ဗားကွင်း၊ အပိတ်၊ ကလပ်၊ လိုင်နာ အပူခံ၊ အစရှိသဖြင့် နေရာစုံအသုံးပြုပါတယ်။

ဒီတော့ ဖြစ်လာတဲ့အကျိုးဆက်က ဒီလိုပါ အပူဒဏ်ဆက်တိုက်ခံရတဲ့ ယင်းကျောက်ဂွမ်းများက မီးလောင်ပြီးတော့ အငွေ့ထွက်ပါတယ်။ ယင်းထွက် လာတဲ့အငွေ့ကို ရှုရှိုက်နေရတဲ့အခါ ရေရှည်ဟာ အဆုပ်ကင်ဆာ တစ်မျိုးဖြစ် ပါတယ်။ တကယ်ကြားရခဲတဲ့ အဆုပ်ကင်ဆာ တစ်မျိုးဖြစ်တဲ့ mesothelioma အမျိုးအစား ဖြစ်ပါတယ်။ ဒီထက်မက အခြား ကျန်းမာရေး ပြဿနာ များစွာလည်း ရှိနေပါသေးတယ်။ ရောဂါက အချိန်ခဏတာ ရှုရှိုက်သူများအတွက်တော့ မသိသာပါဘူး။ သို့ပေမယ့် နှစ်လရှည်ကြာ ရှုရှိုက်မိရင်တော့ ကြိမ်းသေ ရောဂါလဏ္ခနာ ပြမှာ ဖြစ်ပါတယ်။

ဒါကြောင့် ၁၉၈၀ နောင်းပိုင်း ကမ္ဘာတစ်လွှားမှာ မော်တော်ယာဉ် အစိတ်အပိုင်းများတွင် ကျောက်ဂွမ်းအသုံးပြုခြင်းအား နည်းဥပဒေအမျိုးမျိုးနဲ့ တားဆီးခဲ့ပါတယ်။ သေချာတာကတော့ အမေရိကန်မှာ မသုံးတော့ပါ ဘူး။ ပြီးတော့ ဖွံ့ဖြိုးပြီးနိုင်ငံများရှိ စက်ရုံအများစုမှာ အသုံးမပြုတော့ပါဘူး။ သို့ပေမယ့် အကန့်အသတ်နဲ့ ခွင့်ပြုပြီး အသုံးပြုခြင်းကိုတော့ တရုတ်ပြည်မှာ ပြုလုပ်ဆဲ ဖြစ်တယ်လို့ သိရပါတယ်။

အခုတော့ ချယ်ရီ ပြဿနာတက်ပါပြီ။ ဒီတော့ ချယ်ရီ မီနီမှာ ကျောက်ဂွမ်း သုံးမသုံး စဉ်းစားစရာ တွေဖြစ်လာပါတယ်။ မီနီကို အဓိက ပို့တဲ့နိုင်ငံများ ကတော့ အီရန်၊ ဖိလစ်ပိုင်၊ စင်္ကာပူ၊ တောင်အာဖရိက၊ ထိုင်း၊ ချီလီ၊ ဗီယက်နမ်၊ ပါကစ္စတန်၊ သီရိလင်္ကာ တို့ ဖြစ်ပါတယ်။ မြန်မာပြည်ပို့ တယ်ဆိုတာ ယင်းနိုင်ငံများကို ပို့တာထက် အစီးရေ နည်းနေ ပါသေးတယ်။ ဒီတော့ အဲဒီမှာ စင်္ကာပူတို့လို နိုင်ငံကြီးပါဝင်နေပါတယ်။ Gitto SUV တုန်းက စင်္ကာပူ၊ ချီလီ တို့ recall ပြန်လုပ်ခိုင်းပါတယ်။ ချယ်ရီ မီနီလည်း သူတို့ဆီမှာ ရှိနေပါတယ်။ ဒီတော့ ချယ်ရီ မီနီမှာ ကျောက်ဂွမ်းမပါဘူးလားလို့ စိတ်ဖြေချင်စရာ ဖြစ်လာပါတယ်။

သို့ပေမယ့် ကျောက်ဂွမ်းပါမပါဆိုတာကတော့ သက်ဆိုင်ရာ အစိုးရက တာဝန်ယူ စစ်ဆေးပေးသင့်ပါတယ်။ တကယ်ပါမပါကတော့ မြန်မာပြည် ဆိပ်ကမ်းကပ်လာတဲ့ မီနီတိုင်းကို လိုက်ကြည့်မှ သိမယ်ထင်ပါတယ်။ လက်ရှိလည်း မီနီနဲ့ တက္ကစီဆွဲနေသူပေါင်း မြောက်များစွာ ရှိပါတယ်။ သူတို့အားလုံးရဲ့ ကျန်းမာရေး အသက်အန္တရာယ်အပြင် လိုက်ပါစီးနင်းသူများ ရဲ့  အသက်အန္တရာယ်နဲ့လည်း နီးစပ်နေလို့ ဖြစ်ပါတယ်။ နိုင်ငံခြားမှာဆိုရင် အခွန်အခကြီးလို့ ကားတစ်စီးကို ကြာကြာမစီးပါဘူး။ မြန်မာပြည်မှာတော့ ကားတစ်စီးဆိုရင် နှစ်အတော်ကြာ ခိုင်းစားမှ တွက်ချေကိုက်တဲ့ အနေအထားမှာ ရှိပါတယ်။ ယခုလို နေ့စဉ် လုပ်ကိုင်စားသောက်နေ တဲ့ နိုင်ငံသားတွေရဲ့ ကျန်းမာရေးအတွက် ချယ်ရီမှာ ကျောက်ဂွမ်းပါမပါဟာ စိုးရိမ်စရာ ဂရက်တစ်ခုဖြစ် ရိုက်ခတ်နေပါတယ်။

ဒီတော့ ပါမပါ ကိုယ်တိုင် စစ်ဆေးတာ အကောင်းဆုံး ဖြစ်ပါတယ်။ ပုံမှာ ပြထားတဲ့ အစိတ်အပိုင်းများကိုပဲ အဓိက စစ်ဆေးပေးရပါ မယ်။ ကျောက်ဂွမ်းအသုံးပြုထားတဲ့ အစိတ်ပိုင်းများကို ဝပ်ရှော့မှာ သွားရောက်စစ်ဆေး နိုင်ပါတယ်။

ကျောက်ဂွမ်းဟာ အဖြူတစ်မျိုးတည်းမဟုတ်ပါဘူး။ ကားမှာအသုံးများတာက အညိုရောင်ကျောက်ဂွမ်း ဖြစ်ပါတယ်။ Gasket မှာဆိုရင်လည်း သေချာ ထွင်းထားတဲ့ ကျောက်ဂွမ်းအဝိုင်းကို မြင်တွေ့ရပါမယ်။ သို့ပေမယ့် တကယ် ကျောက်ဂွမ်းဟုတ်မဟုတ် စစ်ဆေးမှုကိုတော့ စာရေးသူလည်း ဝပ်ရှော့မှာ လုပ်ကိုင်သူ၊ သတ္တုအမျိုးအစား အသေးစိတ်နားလည်သူ မဟုတ်တဲ့အတွက် တပ်အပ်မပြောရဲပါဘူး။ သေချာလည်း မလေ့လာရသေး ပါဘူး။ တကယ် သိတတ် နားလည်သူများရဲ့ အကူအညီ ကို တောင်းပြီး ကျောက်ဂွမ်းပါတဲ့အစိတ်အပိုင်းများကို အစားထိုးတပ်ဆင်တာ အကောင်းဆုံး ဖြစ်ပါတယ်။ ကျန်းမာရေးနဲ့ ငွေအကုန် အကျ နှစ်ခုထဲက တစ်ခုတော့ ရွေးရ မှာ ဖြစ်ပါတယ်။ ငွေအကုန်မခံနိုင် ရင်တော့ ကျောက်ဂွမ်း နဲ့နဲ့ ဆက်လက် လုပ်ကိုင်နေရပါမယ်။

ဒီတော့ စာဖတ်သူများလည်း မိမိစီးတဲ့ ကားမှာ ကျောက်ဂွမ်းပါမပါ စစ်ဆေးပြီး ကျောက်ဂွမ်းမသုံးတဲ့ စပယ်ယာ အစိတ်အပိုင်းများအား အစားထိုးအသုံးပြုရန် တိုက်တွန်းလိုက်ရပါတယ်။
----
အောင်ခမ်း (TSJ Tech Team)
http://techspacejournal.blogspot.com/2012/09/blog-post_8518.html

0 ကွန်မန့်ရေးရန်:

Post a Comment