~
သန်းထိုက်ဦး ရေးသားသည်)
(ဓာတ်ပုံ - www.desktopedia.com)
ရှမ်းပြည် တပ်မတော် တောင်ပိုင်း ( SSA-S ) တပ်ဖွဲ့ဝင်များသည် အစိုးရနှင့် အပစ်အခတ်ရပ်စဲရေး စာချုပ် လက်မှတ်ထိုးပြီးနောက်ပိုင်း တိုက်ပွဲပေါင်း အကြိမ်၂၀ ကျော် ဖြစ်ပွားခဲ့ကြောင်း သိရသည်။
ပြီးခဲ့သည့်နှစ် ဒီဇင်ဘာလဆန်းပိုင်းမှ စတင်၍ SSA-S နှင့် အစိုးရအကြား အပစ်အခတ် ရပ်စဲရေးကို ပြည် ထောင်စု အဆင့် လက်မှတ်ထိုးခဲ့ခြင်း ဖြစ်သည်။
“ကျနော်တို့နဲ့ ဆိုရင်တော့ ၂၂ ကြိမ် ဖြစ်သွားပြီ တိုက်ပွဲက အပစ်အခတ်ရပ်စဲရေး သဘောတူညီချက်တွေ လက်မှတ်ရေးထိုးပြီး နောက် ပိုင်း ဖြစ်တာပါ” ဟု SSA-S မှ ပြောခွင့်ရ ပုဂ္ဂိုလ် ဗိုလ်မှူး စိုင်းလောင်ဆိုင်းက ဧရာဝတီသို့ ပြောသည်။
ယခုလ ၁၇ ရက်နှင့် ၁၉ ရက်နေ့က မိုင်းကိုင်မြို့၊ သီပေါမြို့နယ်တို့တွင် တိုက်ခဲ့ကြသေးသည်ဟု ဆိုသည်။
အစိုးရက ထိုးစစ်ဆင်ခြင်း မဟုတ်ကြောင်း၊ အစိုးရ၏ နယ်မြေခံတပ်များက အပစ်အခတ်ရပ်စဲရေး သ ဘောတူညီချက် အတိုင်း လိုက်နာဆောင်ရွက်ခြင်း မရှိသောကြောင့် ဖြစ်ကြောင်း ဗိုလ်မှူး စိုင်းလောင်ဆိုင်းက ရှင်းပြသည်။
“သူတို့က တောရွာကို လာမယ်ဆိုရင် ကျနော်တို့ကို အကြောင်းကြား အသိပေးပါမယ် ဆိုပြီတော့ ပြောထား ကြတယ်၊ သူတို့က စစ် ကြောင်း ထွက်လာပြီဆိုရင် ကျနော်တို့ကို အကြောင်း မကြားဘူး၊ တောထဲမှာ တိုးမိရင် တိုက်ပွဲဖြစ်ကြတယ်” ဟု ၎င်းက ဆိုသည်။
လတ် တလော ထိခိုက်ဒဏ်ရာ ရရှိမှု အခြေအနေကို မသိရဟု ဆိုသည်။
တိုက်ပွဲများနှင့် ပတ်သက်၍ သက် ဆိုင်ရာ နယ်မြေမှ တာဝန်ရှိသူများနှင့် အစိုးရ၏ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီထံ စာပေးပို့ ခဲ့ ပြီး တစုံတရာ အကြောင်း ပြန်ကြားချက် မရရှိသေးဟု ဆိုသည်။
“အပစ်အခတ်တွေ ရှိနေသေးတယ် ဆိုရင်တော့ ယုံကြည်မှုကို ဘယ်လိုလုပ် သွား တည်ဆောက်နိုင်မှာလဲ၊ ကြာလာရင် မလိုလားတဲ့ ပြဿနာတွေ ဖြစ်လာပြီးတော့ ငြိမ်းချမ်းရေး ကိစ္စတွေကို ထိပါးလာနိုင်တယ် လို့ မြင်တယ်” ဟု ဗိုလ်မှူး စိုင်းလောင်ဆိုင်းက ပြောသည်။
မေလ ၁၉ ရက်နေ့က ရှမ်းပြည်နယ် အရှေ့ပိုင်း ကျိုင်းတုံမြို့တွင် ပြည်ထောင်စုအဆင့်
နောက်ဆုံး တွေ့ဆုံခဲ့ကြသည်။ ထို တွေ့ဆုံဆွေးနွေးပွဲမှ ရရှိသော သဘောတူညီချက် ၁၂ ချက်ကို အစိုးရဘက်မှ ဒု တပ်မတော် ကာ ကွယ် ရေး ဦးစီးချုပ် ဗိုလ်ချုပ်ကြီး စိုးဝင်း၊ ရထားပို့ဆောင်ရေး ၀န်ကြီး ဦးအောင်မင်း၊ SSA-S ဘက်မှ ဒု ဗိုလ်ချုပ်ကြီး ယွက်စစ်၊ ဗိုလ်မှူးချုပ် ဘောင်ခေးတို့က လက်မှတ်ရေးထိုးခဲ့ကြသည်။
0 ကွန်မန့်ရေးရန်:
Post a Comment