ပြည်ခိုင်ဖြိုးပါတီ အထွေထွေအတွင်းရေးမှူး ဦးဌေးဦး
မိုးကျရွှေကိုယ် ဆိုတာ လွှတ်တော်ထဲမှာမှ ရှိတာ မဟုတ်ပါဘူး၊ ပြည်ခိုင်ဖြိုးပါတီထဲမှာလည်း ရှိပါတယ် တဲ့။
ရမည်းသင်းမြို့က ပါတီဝင်တဦး ဆိုသူ ပေးပို့လာတဲ့ စာကို ဖော်ပြပေးလိုက်ပါတယ်။
ကျွန်တော်က ရမည်းသင်း ပြည်ခိုင်ဖြိုးပါတီဝင် တစ်ဦးပါခင်ဗျာ …. အခုကျွန်တော်တို့ မတရားသဖြင့် အထုတ်ပယ်ခံခဲ့ရပါတယ် …. ဒီသတင်းအတွက် အထက် ကိုတင်ထားပေမဲ့လဲ ဘာမှ တုန့်ပြန်မှုမရှိလို့ အခုလို ထည့်ပေးဖို့ ပေးပို့ရခြင်းဖြစ်ပါတယ်ခင်ဗျာ … ဒီသီတင်းသည် လုံးဝ မှန်ကန်ပါကြောင် အာမခံပါတယ်ခင်ဗျာ
ကျွန်တော်နဲ့အတူ တော်တေ်ာများများ ခံခဲ့ရတာပါခင်ဗျာ
ဒီသတင်းလေးကို ထည့်ပေးစေချင်ပါတယ်
လေးစားလျက်
သီလ၀မောင်
ရမည်းသင်းမြို့နယ် ပြည်ခိုင်ဖြိုးပါတီ ပြိုကွဲပြီ
ရမည်းသင်းမြို့နယ် ပြည်ခိုင်ဖြိုးပါတီသည် ၄-၆-၂၀၁၂ တွင် မြို့နယ် မျက်နှာစုံညီ ရွှေးချယ် တင်မြောက်ပွဲအပြီး မြို့နယ်ကော်မတီဝင်များမှ စ၍ ရပ်/ကျေး စည်းကော်မတီ အထိ စိတ်ဝမ်းကွဲမှုများ ဖြစ်ပေါ် နေကြောင်း သိရှိရပါသည်။
ထိုသို့ ဖြစ်ရခြင်းအကြောင်းအရင်းမှာ တိုင်းဒေသကြီး လွှတ်တော် ကိုယ်စားလှယ်တစ်ဦး၏ သွေးခွဲ စည်းရုံးမှုမှ စတင်သည် ဟု ဆိုပါသည်။
ထို လွှတ်တော်ကိုယ်စာလှယ်ကြီးမှာ တစည ပါတီမှ ထွက်၍ ၂၀၁၀ ရွေးကောက်ပွဲနီးမှ ပြည်ခိုင်ဖြိုး ပါတီသို့ ၀င်ရောက်၍ လွှတ်တော်အမတ် အဖြစ် အရွေးခံခဲ့ခြင်းဖြစ်သည်။
ယခင်အချိန်များမှာ ပြည်ခိုင်ဖြိုးပါတီနှင့် လုံးဝ ဆက်စပ်ခြင်းမရှိခဲ့ပါ၊ တိုင်းဒေသကြီး လွှတ်တော် အမတ်ဖြစ်ပြီး နောက် မြို့နယ်ပြည်ခိုင်ဖြိုးပါတီအား လက်ရှိအတွင်းရေးမှူးနှင့် အတူပေါင်း၍ ကြိုးကိုင်ခြယ်လှယ်ခဲ့ရာ ၄င်းတို့၏ သြဇာ မခံသော ကော်မတီဝင် အများစုအား ဖယ်ထုတ်ရန် ကြိုးစားခဲ့ပါသည်။
ရပ်ကွက်/ကျေးရွာ အုပ်စု အုပ်ချုပ်ရေးမှူးရွေးချယ်ပွဲတွင် ၄င်းသည် နာယကအဖြစ်ပါဝင်မည်ဖြစ်၍ အုပ်ချုပ်ရေးမှူးဖြစ်လိုသော ရပ်/ကျေး စည်းရုံးရေးမှူးများအား ၄-၆-၂၀၁၂ ရက်နေ့တွင် ကျင်းပမည့် မြို့နယ် ကော်မတီရွေးချယ်ပွဲတွင် လက်ရှိမြို့နယ် ကော်မတီမှ နာမည်ကို (အက္ခရာ) နှင့်ပြော၍ မဲမပေးကြရန် ၄င်း၏ လူယုံများနှင့်ရော ဖုန်းနှင့်ပါ စည်းရုံး ခဲ့သည်ဟု ဆိုပါသည်။
၎-၆-၂၀၁၂ ရက်နေ့ မြို့နယ် ကော်မတီရွေးချယ်ပွဲတွင် ၄င်းစီမံထားသည့်အတိုင်း ကော်မတီဝင်အဟောင်းများ မဲမရ၍ ပြန်ခဲ့ပြီး အသစ်များသာ မဲအများဆုံးနှင့် တက်လာပါသည်။
အသစ်တက်လာသော သူများမှာလည်း ရွေးချယ်ပွဲနီးမှ စည်းရုံးရေးမှူးဖြစ်ပြီး မြို့နယ်တက်လာသူများ ဖြစ်ကြပါသည်။ ယခင်က ပါတီရုံးသို့ တစ်ကြိမ်တစ်ခါမှ မရောက်ဘူးသလို ရပ်/ကျေးတွင်လည်း ထင်ပေါ်မှုမရှိပါ။ ပါတီအတွက်လည်း မည်သည့်လုပ်ငန်းတာဝန်ကိုမှ ထမ်းဆောင်ခဲ့ဖူးခြင်းလုံးဝ(လုံးဝ) မရှိခဲ့ပါ။
လက်ရှိ ပါတီတွင် ကျန်ခဲ့သော ကော်မတီဝင် အဟောင်းများမှာ ပြစ်ချက် တစ်စုံတစ်ရာမရှိဘဲ အသင်းဖွဲ့သည့် အချိန်မှစ၍ ၄-၆-၂၀၁၂ အထိ ပါတီအတွက် အင်တိုက်အားတိုက် ကြိုးစား ပါဝင်ခဲ့သော ပုဂ္ဂိုလ်များ ဖြစ်ပါသည်။
သို့ဖြစ်ပါ၍ တစည တစ်ဖြစ်လဲ မန္တလေးတိုင်းဒေသကြီး လွတ်တော် ကိုယ်စားလှယ်ကြီး၏ ပါတီအပေါ် ကြိုးကိုင်ခြယ်လှယ်သွေးခွဲမှုကြောင့် မြို့နယ်မှစ၍ အောက်ခြေအထိ အက်ကြောင်းများ ဖြစ်ပေါ်လာပြီ ဖြစ်ပါသည်။
ထိုအဖြစ်မျိုးများ ရပ်/ကျေး များတွင်ရှိခဲ့သောကြောင့် ကြားဖြတ်ရွေးကောက်ပွဲတွင်လည်း ခွက်ခွက် လန်အောင် ရှုံးခဲ့ပါသည်။ ၄င်း ကိုယ်စားလှယ်ကြီး ပါတီ အချင်းချင်းတွင်သာမက ပါတီတွင်း၌လည်း ထိုသို့ ပြုမူဆောင်ရွက်၍ နိုင်ငံရေး လူမှု့စည်းပွားတိုးတက်ရေးထက် မိမိကိုယ်ကို နေရာရရှိရေး အတွက် မိမိအလို မလိုက်သူများ မိမိစည်းရုံး၍ မရသော သူများအား ထုတ်ပစ်ခဲ့ပါသည်။
0 ကွန်မန့်ရေးရန်:
Post a Comment