ဘန်ကောက် သုဝဏ္ဏ ဘုမ္မိ နိုင်ငံတကာ လေဆိပ်။ ဓာတ်ပုံ- Pattayadailynews.com
ဇွန်လ
၂၄ ရက်နေ့က ထိုင်းနိုင်ငံ ဘန်ကောက်မြို့ရှိ သုဝဏ္ဏဘုမ္မိ နိုင်ငံတကာ
လေဆိပ်တွင် ရေဒါစနစ် ချွတ်ယွင်းမှုကြောင့် နိုင်ငံတကာမှ ပျံသန်းလာသော လေယာဉ်
အစီး ၅၀ လောက်လောက် လေယာဉ်ကွင်းကို ဆင်းသက်လို့ မရဖြစ်ခဲ့ရပါတယ်။ရေဒါရဲ့ မျက်နှာပြင်ဟာ မည်းမှောင်သွားပြီး စနစ်တခု ပျက်ယွင်းသွားတာကြောင့်လို့ သိရပါတယ်။
ထိုင်း ဘုရင့် ရေတပ်မတော် ဦးစီးချုပ် Rear Admiral Pangpol Sirisangchai က သူတို့ဆီ သတင်းပို့ ချက်ရောက်လာတာနဲ့ နိုင်ငံတကာ ဆင်းသက်လာတဲ့ လေယာဉ်တွေကို တချို့ကို အချိန်ရွှေ့ဆိုင်း၊ တချို့ကို ကွင်းချိန်းပြီး ဆင်းသက်စေခဲ့တယ်လို့ ပြောပါတယ်။
ထိုင်းနိုင်ငံ မြောက်ပိုင်းရှိ ချင်းမိုင် လေဆိပ်နှင့် ဖူခက် လေဆိပ်တို့ကို လွဲပြောင်း ဆင်းသက်ခဲ့ရပြီး တခြား လေဆိပ်များဖြစ်တဲ့ မလေးရှားနိုင်ငံ ကွာလာလမ်ပူ လေဆိပ်နှင့် ကမ္ဘောဒီးယားနိုင်ငံ ဆိမ်းရစ်လေဆိပ်တွေ ကိုလည်း လွဲပြောင်းဆင်းသက် စေခဲ့ရပါတယ်။
ဒီလို ဆင်းသက်ခဲ့ရကြောင်းကို ထိုင်းနိုင်ငံ လေကြောင်းအရာရှိများက ဇွန်လ ၂၅ ရက်နေ့တွင် သတင်း ထုတ်ပြန် ကြေငြာခဲ့ပါတယ်။
အရှေ့တောင် အာရှတွင် အထင်ကရ လေဆိပ်ကြီး တစ်ခုဖြစ်တဲ့ သုဝဏ္ဏဘုမ္မိလေဆိပ် မှာ တပ်ဆင်ထားတဲ့
လေယာဉ် အဆင်းအတက် ထိန်းချုပ် အချက်ပြ စနစ်ပါဝင်တဲ့ ရေဒါ စက်မှာ ရေဒါ စနစ် ပျက်စီးသွားချိန် စုစုပေါင်း ၃ နာရီ လောက် ကြာမြင့်ခဲ့တယ်လို့ ဆိုပါတယ်။
ဒါကြောင့် လေယာဉ်တွေ ဘေးကင်းစွာနဲ့ ဆင်းသက်လို့ မရတဲ့ အခြေအနေ ဖြစ်ပေါ်စေခဲ့ပါတယ်။ ရေဒါ ပျက်စီး မှု အပေါ် စုံစမ်း စစ်ဆေးသွားမယ်လို့ ထိုင်းနိုင်ငံ ပို့ဆောင်ရေးဝန်ကြီး ချာယူပွန်က ပြောကြားခဲ့ပါတယ်။
ယခုအချိန်မှာတော့ ရေဒါ ချွတ်ယွင်းမှုကို လေကြောင်း အင်ဂျင်နီယာများ ပြင်ဆင်ခဲ့ပြီး နိုင်ငံတကာ လေဆိပ်ဖြစ် တဲ့ သုဝဏ္ဏ ဘုမ္မိ လေဆိပ်ကို လေယာဉ်များ ပုံမှန် ဆင်းသက်နိုင်ခဲ့ပါပြီတဲ့။
သုဝဏ္ဏဘုမ္မိ လေဆိပ်တွင် အကြမ်းဖက်သမားများရဲ့ ခြိမ်း ခြောက်မှု အန္တရယ်မှ ကာကွယ်နိုင်ရန်အတွက် အဆင့်မြင့် ရေဒါ စနစ် တွေကို တပ်ဆင်းထားပါကြောင်း ထိုင်းအာဏာပိုင်တွေက ပြောကြားခဲ့ပါတယ်။
သုဝဏ္ဏဘုမ္မိ ဘန်ကောက် အပြည်ပြည်ဆိုင်ရာ လေဆိပ်ကြီးကို ၂၀၀၆ ခုနှစ်က ဖွင့်လှစ်ခဲ့တာဖြစ်ပြီး အာရှ ပစ္ဆိဖိတ် ဒေသ တွင်းမှာ အစည်ကားဆုံး လေဆိပ် ၅ ခုထဲက တခုလည်းဖြစ်ပါတယ်။ ၂၀၁၁ ခုနှစ် အတွင်း မှာတော့ ခရီးသည်ပေါင်း ၄၇.၂ သန်းကို ၀န်ဆောင်မှု လုပ်ခဲ့ကြောင်း သိရပါတယ်။
0 ကွန်မန့်ရေးရန်:
Post a Comment