ဂေါက်အဆစ်ရောင်ရောဂါ ကုသနည်းများ

By Good Health
ဂေါက်ရောဂါ ကုသနည်းတွေကို ပြည့်ပြည့်စုံစုံ သိပါရစေ ဆရာ။
ဂေါက်ရောဂါ ကြွနေတဲ့အခါမှာ အများအားဖြင့် တစ်ပတ်လောက်ကြာရင် သူ့ဘာသာ ပျောက်သွားတတ်ပါတယ်။ ကုသမှုပေးတာကတော့ အနာသက်သာအောင်ရယ်၊ မြန်မြန် ပြန်ကောင်းသွားအောင်လို့ပါ။ ကုသရင်လည်း ရောဂါဖြစ်ဖြစ်ချင်း မြန်မြန်ကုတာ အကောင်းဆုံးပါ။ အဲဒီလို မြန်မြန်ကုရင် ပိုပြီး မြန်မြန်ပျောက်ကင်းပါတယ်။ ရုတ်တရက် ဖြစ်သွားတဲ့ ဂေါက်ရောဂါကို ကုသတဲ့အခါ အနာသက်သာစေတဲ့ NSAIDs ခေါ်တဲ့ ဆေးတွေပေးပြီးတော့ ကုသပါတယ်။ လူနာ သက်သာလာတဲ့ အခါမှာတော့ ဆေးတွေကိုလျှော့ပြီး ပေးပါတယ်။ ဆေးတွေက ကောင်းတယ် ဆိုပေမယ့်လည်း ဘေးထွက်ဆိုးကျိုးတော့ ရှိတဲ့အတွက် လူနာသက်သာလာတာနဲ့ ဆေးပမာဏကို လျှော့ပြီးပေးပါတယ်။ နောက်ဒီဆေးတွေက နှလုံးအားနည်းတဲ့ လူတွေကို ပေးလို့ မရပါဘူး။ ကျောက်ကပ်ရောဂါ ရှိတဲ့သူတွေကို ပေးလို့မရဘူး။ နောက်ပြီး သွေးကျဲနေသူတွေကိုလည်း ပေးလို့မရပါဘူး။
Colchicine ဆိုတဲ့ ဆေးကို ဂေါက်ရောဂါလို့ တိတိကျကျ မပြောနိုင်တဲ့ အခြေအနေမှာ ပေးလိုက်လို့ အဆစ်ရောင်တာ ကျသွားတယ်၊ ရောဂါ သက်သာသွားတယ်ဆိုရင် ဂေါက်ရောဂါ သေချာတယ်လို့ ပြောလို့ရပါတယ်။ ဒီဆေးရဲ့ ကောင်းတဲ့ အကွက်တွေက ယူရစ်အက်စစ်ကို အနည်မထိုင်အောင် ကာကွယ်ပေးပါတယ်။ အဆစ်တွေမရောင်အောင် ကာကွယ်ပေးပါတယ်။ ဒီဆေးကို ဖြစ်ဖြစ်ချင်း ၁၀ နာရီ- ၁၁ နာရီအတွင်းမှာ ပေးနိုင်ခဲ့ရင် အတော်လေး ထိရောက်မှု ရှိပါတယ်။ တစ်ရက်၊ နှစ်ရက်အတွင်းမှာ ပျောက်ကင်းသွားနိုင်ပါတယ်။ ဒါပေမဲ့ ဘေးထွက်ဆိုးကျိုးလည်း ရှိတော့ရှိပါတယ်။ ဆေးက မူးတယ်၊ အန်တယ်၊ ဝမ်းသွားတယ်၊ အဲလိုတွေဖြစ်တယ်။ အဲဒီအဆင့်တွေ၊ အခြေအနေတွေ မဖြစ်ရင်လည်း ဆေးက မထိရောက်ဘူးလို့ ပြောရမလိုပါပဲ။ ရောဂါက မသက်သာဘဲ ဖြစ်တတ်ပါတယ်။ ဒီလို ဘေးထွက်ဆိုးကျိုးတွေ ဝင်လာမှသာ ရောဂါက သိသိသာသာ ပျောက်ကင်းသွားတာပါ။ အနာမသက်သာဘဲ မူးတာ၊ အန်တာတွေဖြစ်လာရင်လည်း ဆေးကို ရပ်လိုက်ရပါတယ်။
ဂေါက်ရောဂါ မကြာခဏ ပြန်မဖြစ်အောင်၊ ရောဂါ ပိုမဆိုးသွားအောင် ဘယ်လိုထိန်းလို့ ရပါသလဲ ဆရာ။
ရောဂါကြာရှည်ကုတဲ့ အခါမှာ ယူရစ်အက်စစ် အဆင့်ကို ထိန်းပေးရပါတယ်။ ယူရစ်အက်စစ် သိပ်များရင် ဂေါက်ဘုတွေ ဖြစ်လာနိုင်ပါတယ်။ ဂေါက်ရောဂါ မကြာခဏ ဖြစ်လာနိုင်ပါတယ်။ ဒီလိုထိန်းနိုင်ဖို့ ဆေးတွေ အမျိုးမျိုးနဲ့ ကုသရပါတယ်။ Uricosuric Agent ကတော့ သွေးထဲက ယူရစ်အက်စစ်တွေကို ကျောက်ကပ်ကနေ စွန့်ပစ်မှုများလာအောင် ဆေးတွေပေးပြီး ကုသနည်းပါ။ Uricosuric Agent ဆိုတဲ့ ဆေးကို ပေးရင်တော့ စပေးပေးချင်း နည်းနည်းကနေ တဖြည်းဖြည်းချင်းမှ တိုးပြီး ပေးရပါတယ်။ ဒီဆေးတွေက ကျောက်တည်တတ်လို့ပါ။ ကျောက်ကပ် မကောင်းရင်လည်း ဒီဆေးတွေကိုပေးလို့ မရပါဘူး။ ကျောက်ကပ်က အက်စစ်တွေကို ဆီးထဲစွန့်ပြီးတဲ့ အခါမှာ ပြန်စုပ်ယူတတ်ပါတယ်။ အဲဒီဆေးတွေက ကျောက်ကပ်က ပြန်စုပ်ယူတာကို ဟန့်တားတဲ့ လုပ်ဆောင်ချက်တွေကို လုပ်ပါတယ်။ Allopurinol ဆေးက သွေးထဲမှာဖြစ်ပေါ်နေတဲ့ ယူရစ်အက်စစ် ထုတ်လုပ်မှုကို ဟန့်တားစေပါတယ်။ Allopurinol ဆိုတဲ့ ဆေးက ကျောက်ကပ်ကို ဒုက္ခမပေးပါဘူး။ ဘေးထွက်ဆိုးကျိုးအနေနဲ့ အရေပြား နီမြန်းတာနဲ့ ယားယံတာလောက် ဖြစ်တတ်ပါတယ်။ Fenofibrate ဆိုတဲ့ သွေးတွင်းအဆီများရင် ပေးတဲ့ ဆေးကလည်း ယူရစ်အက်စစ်ကျအောင် လုပ်ပေးပါတယ်။ အခုနောက်ပိုင်းမှာ အမေရိကန် FDA က အတည်ပြုလိုက်တဲ့ Febuxostat ဆိုတဲ့ ဆေးက Allopurinol ဆေးထက် ပိုပြီး ထိရောက်မှုရှိတယ်လို့ သက်သေပြခဲ့ပါတယ်။ ဒါပေမဲ့ ဆရာတို့နိုင်ငံကိုတော့ မရောက်သေးပါဘူး။
ဒီဆေးဟာ ဂေါက်ရောဂါရှိသူတွေမှာ ဖြစ်တတ်တဲ့ ဂေါက်ဘု (Tophus) တွေကို လျော့ကျလာစေပါတယ်။ သေးလာစေပါတယ်။ Pegylated Uricase ဆိုတဲ့ဆေးက နှစ်ပတ်တစ်ခါ သွေးကြောထဲ ထိုးထည့်ရပါတယ်။ ဒီဆေးက ဆေးမတည့်တဲ့ တုန့်ပြန်မှုမျိုး ဖြစ်တတ်လို့ တခြားဆေးတွေကို ထိရောက်မှု မရှိဘူးဆိုမှ သုံးရပါတယ်။ ဒါပေမဲ့ ဒီဆေးတွေကို ရောဂါထနေတုန်းမှာ သွားပေးမိရင်တော့ ရောဂါက ပိုဆိုးသွားတတ်ပါတယ်။ ရောဂါကုသမှုကလည်း ပိုပြီး ကြာသွားပါတယ်။ ရောဂါထနေချိန်မှာ ယူရစ်အက်စစ်တွေ အများအပြား ကျသွားတာက အနည်ထိုင်နေတဲ့ ပုံဆောင်ခဲတွေကို ပိုမိုပြီး ကြာရှည်နေစေတယ်။ ရောဂါကျပြီး နှစ်ပတ်-သုံးပတ်လောက်ကြာမှ ရုတ်တရက် ထပ်မဖြစ်အောင် အဲဒီဆေးတွေ ပေးပါတယ်။ ရောဂါကျကျချင်းတော့ တန်းမပေးသင့်ပါဘူး။ ပိုဆိုးတတ်ပါတယ်။
ဂေါက်ရောဂါကို ဆေးကုသမှု ခံယူဖို့ အရေးကြီးပါသလား ဆရာ။
ဂေါက်ရောဂါကို ဆေးကုသမှု မခံယူရင် ရောဂါအခြေအနေ ပိုဆိုးတတ်ပါတယ်။ ဆေးကုရင် ရောဂါခဏခဏ ကြွတာ၊ ဂေါက်ဘုထွက်တာ၊ အဆစ်ပျက်စီးတာစတဲ့ နောက်ဆက်တွဲ ဆိုးကျိုးတွေမဖြစ်အောင် ကာကွယ်နိုင်ပါတယ်။ ဂေါက်ရောဂါရှိရင် ဆေးကုသမှုကို ပုံမှန်နဲ့ တစ်သက်လုံး ခံယူရမှာ ဖြစ်ပါတယ်။
ဂေါက်ရောဂါရှိသူတွေက အစားအသောက် ရှောင်ရတယ်လို့ ဆိုကြပါတယ်။ မှန်ပါသလား ဆရာ။
ဆရာတို့ မြန်မာလူမျိုးတွေက ရောဂါတစ်ခုခု ဖြစ်လာရင် အရင်ဆုံး မေးတတ်တာက “ဘယ်အစားအသောက်ကို ရှောင်ရမလဲဆရာ” ဆိုတာပဲ။ တကယ်က မြန်မာလူမျိုးအများစုက အာဟာရချို့တဲ့နေတာ များပါတယ်။ ရောဂါရှိလာရင် အစားရှောင်တာက အလေ့အထ တစ်ခုလို ဖြစ်နေပါတယ်။ ဂေါက်ရောဂါမှာလည်း ဒီအတိုင်းပါပဲ။ ကြားဖူးနားဝ ရှောင်ရမယ်ဆိုတဲ့ အစာတွေ ရှောင်ကြတယ်။ တကယ်တော့ အစားအသောက်ကို မလိုအပ်ဘဲ မရှောင်စေချင်ပါဘူး။ အကြမ်းအားဖြင့် အစာရှောင်ချင်တယ် ဆိုရင်တော့ (၁) အငန် (၂) အချို (၃) အဆီ စားသုံးတာကို ရှောင်ပေးပါ။ ယူရစ်အက်စစ် အနည်းအများဖြစ်ရတဲ့ အကြောင်းရင်း ၈၅ ရာခိုင်နှုန်းက ခန္ဓာကိုယ်ကြောင့်ဖြစ်ပြီး ၁၅ ရာခိုင်နှုန်းကပဲ အစားအသောက်နဲ့ ဆက်စပ်နေတာပါ။ အစားအသောက်ကို တအားရှောင်တာကြောင့် ယူရစ်အက်စစ် လျော့ကျနိုင်ခြေက အလွန်ဆုံး 1 mg% လောက်ပဲ ရှိပါတယ်။ ဒါကြောင့် အစားအသောက်က အဓိကကျတဲ့ အခန်းက မပါပါဘူး။ အတိုင်းအတာ တစ်ခုလောက်ပဲ အရေးပါပါတယ်။ အစာမှာပါတဲ့ ပျူရင်း (Purine) ဓာတ်က ယူရစ်အက်စစ်ကို မြင့်တက်စေတာကြောင့် ပျူရင်းဓာတ်များတဲ့ အစာတွေကို ရှောင်နိုင်ပါတယ်။
အဲဒါတွေက အတွင်းစာတွေ ဖြစ်တဲ့ ကလီစာ၊ ဦးနှောက်၊ တောငှက်ကလေးတွေ၊ ပင်လယ်စာ၊ ငါးသေတ္တာငါး၊ ကမာ၊ မှို၊ အရက် စတာတွေ ဖြစ်ပါတယ်။ ပျူရင်းဓာတ် အသင့်အတင့်ပါတဲ့ အစာတွေက ပဲပင်ပေါက်၊ ဟင်းနုနယ်၊ ကညွတ်၊ အနီရောင်အသား (အမဲသား)၊ ပဲနီလေး စတာတွေ ဖြစ်ကြပါတယ်။ ဟိုအရင်တုန်းက ဂေါက်အဆစ်ရောင်ရောဂါရှိရင် အစားအသောက်ရှောင်ဖို့ ပြောခဲ့ကြပေမယ့် အခုက သိပ်အရေးမပါတော့ပါဘူး။ အခုခေတ်မှာ ဆေးဝါးတွေနဲ့ သွေးထဲက ယူရစ်အက်စစ် ဓာတ်ကျသွားအောင် လုပ်နိုင်တဲ့အတွက် ဆေးကုသမှုက ပိုအရေးကြီးပါတယ်။ အစားအသောက်က ဒီလောက်အထိ အရေးကြီးတဲ့ ကဏ္ဍမှာ မပါတော့ပါဘူး။
ဂေါက်ရောဂါ ရှိသူတွေအနေနဲ့ အိမ်မှာ လုပ်သင့်တဲ့ နည်းလမ်းတွေရှိရင် ပြောပြပေးပါ ဆရာ။
ဂေါက်ရောဂါ ရှိသူတွေအနေနဲ့ အိမ်မှာ လုပ်သင့်တဲ့ နည်းလမ်းတွေကတော့- အနားပေးပါ။ ရောင်တဲ့ ခြေထောက်ကို မြှောက်ထားပြီး အနားပေးသင့်ပါတယ်။ ဂေါက်ရောဂါကြောင့် အဆစ်ရောင်တာ၊ နီတာ၊ ပူတာတွေ ဖြစ်လို့ ရေခဲအုပ်ရင် တစ်ခါတလေ ပိုဆိုးတတ်ပါတယ်။ ဘာဖြစ်လို့လဲ ဆိုတော့ ယူရစ်အက်စစ်က အေးတဲ့အဆစ်တွေမှာ ပုံဆောင်ခဲဖြစ်ပြီး အနည်ပိုကျနိုင်လို့ပါ။ ဒါကြောင့် ဂေါက်အဆစ်ရောင်တာကို ရေခဲ မအုပ်စေချင်ပါဘူး။ ကိုက်ခဲနေတဲ့ အတွက် အက်စပရင် သောက်တာကို ရှောင်ပါ။ အက်စပရင်ဟာ ကျောက်ကပ်က ယူရစ်အက်စစ် စွန့်ထုတ်တာကို ဟန့်တားတတ်တဲ့အတွက် ပိုဆိုးစေနိုင်လို့ပါ။
ဂေါက်အဆစ်ရောင်ရောဂါကို ကြာရှည်ခံစားနေရရင် ဘာတွေဆက် ဖြစ်လာနိုင်ပါသလဲ ဆရာ။
ဂေါက်ရောဂါ ကြာရှည်ခံစားရသူတွေမှာ ဂေါက်ဘု (Tophus) တွေက လက်တံတောင်၊ နားရွက်၊ ခြေထောက် အစရှိတဲ့ နေရာတွေမှာ ပေါ်လာတတ်ပါတယ်။ တချို့သူတွေမှာ ဂေါက်ဘုတွေကို ပုံပျက်ပန်းပျက် တွေ့ရတတ်ပါတယ်။ ဒီဂေါက်ဘုတွေက ပေါက်ထွက်လာရင် အနာဖြစ်ပြီး မြေဖြူခဲလို အမှုန်တွေ ထွက်လာတတ်ပါတယ်။ အဲဒီအခါ ခွဲစိတ်ကုသမှုခံယူဖို့ လိုအပ်လာပါတယ်။ တချို့လည်း အနာမပေါက်ဘဲ ကြီးမားတဲ့ ဘုကြီးဖြစ်လာပြီး နေထိုင်လှုပ်ရှားရတာ အခက်ကြုံပြီး ခွဲစိတ်ရတဲ့ အခြေအနေမျိုးလည်း ဖြစ်နိုင်ပါတယ်။ တကယ်တော့ ဂေါက်ဘုတွေကို ခွဲစိတ်ကုသမှု လုပ်ရတာ မလွယ်ပါဘူး။ ယူရစ်အက်စစ် ပုံဆောင်ခဲတွေက အရေပြားအောက်နား ကပ်နေတာကြောင့် အရေပြား ပါးပါးလေးပဲ ကျန်ပြီး ပြန်ချုပ်ရတာ အဆင်မပြေတတ်ပါဘူး။ အနာလည်း ကောင်းကောင်း မကျက်ချင်ပါဘူး။ နောက်တစ်ခုက အဆစ်တွေ စားတတ်တာပါ။ ခြေမအဆစ်တွေစားပြီး ပျက်စီးရင် ခြေမကို ခွဲစိတ်ကုသမှု လုပ်ရပါတယ်။

Posted in: ကျန်းမာရေး