ဒေါ်အောင်ဆန်းစုကြည်ကို UNAIDS သံတမန် ခန်

လင်းသန်

အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် ကို HIV/AIDS ရောဂါခံစားနေရသူများ အပါ် ခွဲခြား ဆက်ဆံမှုများပပျောက် ရေး ကမ္ဘာလုံးဆိုင်ရာ UNAIDS သံတမန်တဦးအဖြစ် ခန့်အပ် တာဝန်ပေးလိုက်ကြောင်း ကုလသမဂ္ဂ HIV/AIDS တိုက်ဖျက်ရေး အဖွဲ့ (UNAIDS) က ယမန်နေ့က ထုတ်ပြန်ကြေညာသည်။

UNAIDS အမှုဆောင် ဒါရိုက်တာ Mr. Michel Sidibe က ဒေါ်အောင်ဆန်းစုကြည်နှင့် နေပြည်တော်ရှိ နှင်းဆီနီ နေအိမ်တွင် မကြာသေး မီက တွေ့ဆုံခဲ့အပြီး အဆိုပါ တာဝန်ပေးမှုကို လက်ခံခဲ့ကာ ကုလသမဂ္ဂအေဂျင်စီကို ဂုဏ်ပြုခြင်းဖြစ်သည်ဟု ပြောကြောင်း အေပီ သတင်း တပုဒ် တွင် ဖော်ပြသည်။

ထိုကဲ့ကို UNAIDS ၏ တာဝန်ပေးမှုနှင့် ပတ်သက်၍ လူ့အဖွဲ့အစည်းအတွင်း ကျဉ်ဖယ်ခံနေရပြီး နေ့စဉ် ရုန်းကန်နေရသူများ၊ ၄င်းတို့၏ ဂုဏ် သိက္ခာနှင့် အခြေခံ လူ့အခွင့်အရေးများကို ထိန်းသိမ်းကာကွယ်ရန် ရွေးချယ်ခံရခြင်းအပေါ် ဂုဏ်ယူကြောင်း ဒေါ်အောင်ဆန်းစုကြည် က UNAIDS ၏ ထုတ်ပြန်ကြေညာချက်တွင် ပြောထားသည်။ လူ့အဖွဲ့အစည်းအတွင်း အသံထုတ် ပြောဆိုနိုင်ခြင်း မရှိသူများအတွက် ၄င်းတို့ကိုယ်စား ပြောဆိုရသည့်သူလည်း ဖြစ်လိုကြောင်း ဒေါ်အောင်ဆန်းစုကြည်က ဆိုသည်။

HIV/AIDS ရောဂါ ခံစားနေရသူများအပေါ် ခွဲခြားဆက်ဆံမှု ပပျောက်ရေးအတွက် UNAIDS အဖွဲ့၏ ကမ္ဘာတ၀န်း လှုံ့ဆော်စည်းရုံးသူ သံ တမန် အဖြစ် ဒေါ်အောင်ဆန်းစုကြည်က လက်ခံလုပ်ဆောင်ပေးသည့်အတွက် ဂုဏ်ယူပါကြောင်း Mr. Michel Sidibe က ပြောသည်။

“မြို့ငယ်၊ ရွာငယ်တွေမှသည် မြို့ကြီးပြကြီးတွေအထိ၊ အာဖရိကတိုက်မှသည် အာရှတိုက်အထိလူတွေ ကဒေါ်အောင်ဆန်းစုကြည်အ ကြောင်း ပဲ ပြောနေကြတယ်။ သူ့ကို လေးစားစံထားကြတယ်” လို့ သူက ဆက်ပြောသည်။

ခွဲခြားဆက်ဆံမှု၊ စိုးရိမ်ထိတ်လန့်မှုများကို ရင်ဆိုင်ပြောဆိုသည့်နေရာတွင် လူ့အသိုင်းအ၀ိုင်း၏ နေရာတိုင်း၌ ကမ္ဘာ့ ခေါင်းဆောင်များထဲမှ စံန မူနာကောင်းတဦးဖြစ်သည့် ဒေါ်အောင်ဆန်းစုကြည်ကြောင့် စိတ်ခွန်အား တက်ကြွမှုများ ဖြစ်စေမည်ဟု ယုံကြည်မျှော်လင့်ကြောင်း လည်း Mr. Michel Sidibe က ဆိုသည်။

Posted by ကိုကို :

Posted in: နိုင်ငံရေး