ဧပြီ ၃၀ - တနင်္လာနေ့ သတင်းများ

တနင်္လာနေ့ သတင်းများ

ဧပြီ ၃၀

မိုးမခက စုစည်းသည်

 

ဦးရွှေမန်း - ဟေ့လူကြီး အကောင်းတွေပဲ ရွေးပြောနော်း)

ကိုကိုဘန် - စိတ်ချပါကွာ၊ စိုးရိမ်မနေပါနဲ့၊ ဟီးဟီး)

ဆထုံး သတ်ဖြတ်မှု စွပ်စွဲချက် KIO ငြင်းဆို

နေမျိုး | တနင်္လာနေ့၊ ဧပြီလ ၃၀ မဇ္ဈိမ

လယ်/ဆည်ဝန်ကြီး လွှတ်တော်အမတ်များကို တောင်းပန်

မျိုးသန့် | တနင်္လာနေ့၊ ဧပြီလ ၃၀ မဇ္ဈိမ

ဦးသိန်းစိန်နှင့် ဒေါ်စုအား မစ္စတာဘန်ကီမွန်း ချီးကျူး

မဇ္ဈိမသတင်းဌာန | တနင်္လာနေ့၊ ဧပြီလ ၃၀ မဇ္ဈိမ

ဦးအောင်သောင်း ငြိမ်းချမ်းရေး အဖွဲ့သစ်မှာ မပါဝင်တော့ကြောင်း ပြော

မင်းသက်၊ ဖနိဒါ | တနင်္လာနေ့၊ ဧပြီလ ၃၀ မဇ္ဈိမ

နိုင်ငံရေးပြဿနာ မဖြစ်လို၍ ကျမ်းကျိန်စာသားကို NLD လိုက်လျော ကျိန်ဆိုမည်

ဖနိဒါ၊ ကိုပေါက် | တနင်္လာနေ့၊ ဧပြီလ ၃၀ မဇ္ဈိမ

NLD ပါတီ လွှတ်တော်တက်ရန် ဆုံးဖြတ်ချက်ချ

2012-04-30 RFA

NLD ဆုံးဖြတ်ချက် ၈၈ ကျောင်းသားများ ကြိုဆို

2012-04-30 RFA

ပိတ်ဆို့မှုတွေ ဖယ်ရှားပေးဖို့ ဘန်ကီမွန်းတောင်းဆို

2012-04-30 RFA

အနာဂတ်အတွက် ပရဟိတဆေးပညာရှင်များ

ကျော်သူ (နာရေးကူညီမှုအသင်း - ရန်ကုန်)

ဧပြီ ၃၀၊ ၂၀၁၂ မိုးမခ

ဆွေးနွေးပွဲ ပြန်စရန် KIO ကမ်းလှမ်း

By featured, သန်းထိုက်ဦး on April 30, ဧရာဝတီ

ငြိမ်း အဖွဲ့သစ်ကို ဒု သမ္မတ ဦးဆောင်မည်

By featured, ခင်ဦးသာ on April 30, ဧရာဝတီ

ကိုဖြိုးဝေအောင် အရေးပေါ် ဆေးကုသရန် လိုအပ်

By featured, ဇာနည်မာန် on April 30, ဧရာဝတီ

ဒေါ်အောင်ဆန်းစုကြည် ကျမ်းကျိန်မည်

By featured, အောင်သက်ဝိုင်း on April 30, ဧရာဝတီ

ဂျာမန် စီးပွားရေးလုပ်ငန်းများ မြန်မာပြည် လာမည်

By featured, ဧရာဝတီ on April 30, ဧရာဝတီ

သမ္မတ၏ လက်ဆောင်အဖြစ် မွန်ပြည်သစ်ပါတီဝင် ၂ ဦးကို ပြန်လွှတ်

ဟံသာ - Yangon Press International သတင်းဌာန

ဧပြီ ၃၀၊ ၂၀၁၂ မိုးမခ

ရွှေဂတ်စ်မှ ရရှိမယ့် အကျိုးရလဒ်များ

By ဦးသန်းလွင်ထွန်း VOA

================================

 

ဆထုံး သတ်ဖြတ်မှု စွပ်စွဲချက် KIO ငြင်းဆို

နေမျိုး | တနင်္လာနေ့၊ ဧပြီလ ၃၀ မဇ္ဈိမ

နယူးဒေလီ (မဇ္ဈိမ) ။ ။ ဝိုင်းမော်မြို့နယ်ရှိ ဆဒုံးမြို့နယ်ခွဲ အထွေထွေ အုပ်ချုပ်ရေးမှုး အပါအဝင် ဝန်ထမ်းလေးဦး သတ်ဖြတ်မှုမှာ ၎င်းတို့နှင့် မသက်ဆိုင်ကြောင်း ကချင်လွတ်လပ်ရေးအဖွဲ့ KIO မှ ငြင်းဆိုလိုက်ပြီး အဆိုပါ ကိစ္စနှင့် ပတ်သက်၍ စုံစမ်းလျက်ရှိကြောင်း ပြောသည်။

‘ဧပြီလ ၂၈ ရက်နေ့ နံနက် ၁ နာရီခွဲခန့်တွင် KIA လက်နက်ကိုင်အဖွဲ့က သေနတ်ဖြင့် ပစ်ခတ်သတ်ဖြတ်ခဲ့သဖြင့်’ ဝန်ထမ်းလေးဦး သေဆုံးပြီး သုံးဦး ပျောက်ဆုံးနေကြောင်း ဧပြီလ ၂၉ ရက်နေ့ထုတ် နိုင်ငံပိုင် မြန်မာ့အလင်း သတင်းစာပါ ရေးသားချက်အား KIO ပြောခွင့်ရပုဂ္ဂိုလ် ဦးလနန် က တုန့်ပြန် ပြောဆိုလိုက်ခြင်း ဖြစ်သည်။

“မြန်မာအစိုးရက အဲဒီလိုပဲ အမြဲစွပ်စွဲတယ်။ ဘာဖြစ်လိုက်ဖြစ်လိုက် KIA ပဲ။ ဘယ်သူလုပ် တယ်ဆိုတာ မသိရသေးဘူး။ ကျနော်တို့ တပ်မဟာကို အဲဒီကိစ္စ စုံစမ်းဖို့ ညွှန်ကြားထားတယ်။ ကျနော်တို့ KIA က လုပ်တယ်ဆိုတာ မဟုတ်ဘူးဗျ။ ကျနော်တို့ အမိန့်ပေးထားတာ မရှိဘူး” ဟု မဇ္ဈိမကို ပြောသည်။

“အုပ်ချုပ်ရေး ဦးစီးမှုးအပါအဝင် လေးယောက်ကို သတ်သွားတယ်။ ကျန်တဲ့လူတွေကတော့ ဒဏ်ရာရတယ်။ ဒါပေမယ့် ကျနော်ထင်တာတော့ အုပ်ချုပ်ရေးမှုးတွေက မှားတဲ့အချက်လေးတွေ ရှိမယ်။ ဒီဘက်နယ်ရောက်လာတဲ့ အချို့ အစိုးရ ဝန်ထမ်းတွေဟာ မောက်မာတာတွေ ရှိတယ်။ စီးပွားရေးကိစ္စတွေလည်း ပါနိုင်တယ်” ဟု ဆထုံး ဒေသခံ အမျိုးသား တဦးက မဇ္ဈိမကို ပြောသည်။

ဝိုင်းမော်ဒေသမှ KIA ဌာနချုပ်ရှိရာ လိုင်ဇာဘက်သို့ ကုန်တင်ကားများ ကူးသန်းရာတွင် ဆထုံးဒေသအား ဖြတ်သန်းရ၍ မြို့နယ်ထွေ/အုပ်မှူးမှာ သြဇာရှိလှကြောင်း အဆိုပါ ဒေသခံက ပြောသည်။

ဧပြီလ ၂၉ ရက်နေ့က မန္တလေး-မြစ်ကြီးနား အမှတ် ၃၃ အဆန်ရထား မိုင်းကွဲမှုမှာလည်း KIA မှ မိုင်းထောင် ဖောက်ခွဲမှုဖြစ်ကြောင်း မြန်မာ့အလင်း သတင်းစာက စွပ်စွဲထားသည်။

၂၀၁၁ ခုနှစ် ဧပြီလအတွင်း KIA ထိန်းချုပ်ရာ နယ်မြေများအတွင်း အစိုးရတပ်များနှင့် တိုက်ပွဲပေါင်း ၁၃၀ နီးပါး ဖြစ်ပွားခဲ့ သည်။

ယခုအခါ KIA ဌာနချုပ်တည်ရှိရာ လိုက်ဇာအနီးသို့ မြန်မာအစိုးရတပ်များ အင်အားတိုးချဲ့ ချဉ်းကပ်လာနေပြီး စုစုပေါင်း အစိုးရတပ်အင်အား ၂,၀၀၀ ခန့် ရှိလာပြီ ဖြစ်ကြောင်း ဦးလနန်က မဇ္စျိမကို ပြောသည်။

လယ်/ဆည်ဝန်ကြီး လွှတ်တော်အမတ်များကို တောင်းပန်

မျိုးသန့် | တနင်္လာနေ့၊ ဧပြီလ ၃၀ မဇ္ဈိမ

ချင်းမိုင် (မဇ္ဈိမ) ။ ။ လယ်ယာစိုက်ပျိုးရေးနှင့် ဆည်မြောင်းဝန်ကြီး ဦးမြင့်လှိုင်က Hot News ဂျာနယ်တွင်ဖေါ်ပြခဲ့သော လွှတ်တော်နှင့် လွှတ်တော် အမတ်များနှင့် ပတ်သက်သည့် သူ၏ စကားအသုံးအနှုန်းများအတွက် ခွင့်လွှတ်ပေးပါရန် တနင်္လာနေ့ ပြည်ထောင်စုလွှတ်တော်တွင် တောင်းပန်လိုက်သည်။

“ကျနော့်အပေါ် လွှတ်တော်နှင့်လွှတ်တော် ကိုယ်စားလှယ်တော်ကြီးများ၏ ဂုဏ်သိက္ခာ ထိခိုက်စေရန်လို့ အထင်အမြင် လွဲမှားမှုရှိနေကြပါသော ကိုယ်စားလှယ်တော်ကြီးများ အားလုံးတို့အားလည်း ဤမြေတွင် အသီးသီးမွေးဖွားခဲ့ကြပြီး တမြေတည်းအတူနေ၊ တရေတည်းအတူသောက်၊ တလှေတည်း အတူခရီးသွား သံသရာခရီးမှာ အတူခရီးသွားနေကြ တဲ့ ခရီးသွားဖော် ညီကိုများအဖြစ် မေတ္တာရှေ့ထားပြီးတော့မှ ကျနော့်အပေါ် ခွင့်လွှတ်နားလည်ပေးပါရန် အနူးအညွှတ်တောင်းပန်ပါကြောင်း” ဟု ပြောသွားသည်။

ဝန်ကြီး၏ Hot News ဂျာနယ်သို့ ဖြေကြားရာတွင် သုံးနှုန်းခဲ့သည့် အသုံးအနှုန်းများနှင့် ပတ်သက်၍ ပြည်ထောင်စု လွှတ်တော် လွှတ်တော်အခွင့်အရေး ပူးပေါင်းကော်မတီ၏ သဘောထားမှတ်ချက်ကို တနင်္လာနေ့လွှတ်တော်တွင် အစီရင်ခံခဲ့ပြီးနောက် ဤကဲ့သို့ ပြန်လည်တောင်းပန်လိုက်ခြင်းဖြစ်သည်။

ကော်မတီ၏ အစီရင်ခံစာအရ ဝန်ကြီးက “လွှတ်တော်ကိုယ်စားလှယ်ဆိုပြီးတော့ ရောက်လာတဲ့လူဟာ စာမှမတတ်ဘဲ၊ ၁ဝ တန်းမှ မအောင်ဘဲနဲ့။ လွှတ်တော်ကိုယ်စားလှယ်ဆို လာထိုင်တော့ သူများထဆို မတ်တပ်ထနေတယ်။ သူများ ခလုတ်နှိပ်ဆို နှိပ်တယ်။ သူ့မှာ ဘာမှ မရှိဘဲ ဘာတွေ ပြောနေသလဲ၊ သူနားမလည်ဘူး ရမ်းသာလုပ်နေရတယ်” ဟု ပြောကြားခဲ့သည်ဟု အစီရင်ခံစာတွင် ဖေါ်ပြသည်။

ယင်းအပြင် လွှတ်တော်နှင့် ပတ်သက်၍လည်း “ဥပဒေပြုမယ့် လွှတ်တော်တို့ ဘာတို့ကလည်း တည့်တည့်မတ်မတ်လှော်ရမယ်၊ ဥပဒေဟာ ကမောက်ကမဖြစ်အောင် လုပ်နေတယ်” ဟု၍ ဂျာနယ်သို့ ဖြေကြားခဲ့သည်ကို တွေ့ရှိရသည် ဟုလည်း ဖေါ်ပြထားသည်။

“Hot News ဂျာနယ်၌ စာရေးသူ ‘မမ’ နှင့် ပြည်ထောင်စုဝန်ကြီးတို့၏ ဆွေးနွေးချက်တွင် ဖေါ်ပြပါရှိသော အထက်ပါ အချက်အလက်များမှာ လွှတ်တော်တရပ်လုံးနှင့် လွှတ်တော်ကိုယ်စားလှယ်များ အားလုံးကို ပြည်သူလူထုမှ အထင်အမြင် လွဲမှားစေရန် အယုံအကြည်ကင်းမဲ့စေရန် ဂုဏ်သိက္ခာ ကျဆင်းစေနိုင်ကြောင်း လေ့လာသုံးသပ်ရရှိပါ သည်” ဟု လွှတ်တော်အခွင့်အရေး ပူးပေါင်း ကော်မတီ၏ အစီရင်ခံစာတွင် သုံးသပ်ထားသည်။

ထိုအခြေအနေများကြောင့် ဝန်ကြီးဦးမြင့်လှိုင်သည် လွှတ်တော်ကိုယ်စားလှယ်များကို တောင်းပန်စေသင့်သည်ဟုလည်း တနင်္လာနေ့ ပြည်ထောင်စုလွှတ်တော်သို့ တင်ပြအစီရင်ခံခဲ့ပြီးနောက် ဦးမြင့်လှိုင်က လွှတ်တော်အမတ်များသို့တောင်းပန်ခဲ့ခြင်း ဖြစ်သည်။

ဦးမြင့်လှိုင်က သူပြောကြားခဲ့သည့် ‘လွှတ်တော်အမတ်များ ၁ဝ တန်းမအောင်’ ဟူသည့်စကားရပ်နှင့် ပတ်သက်၍ ဧပြီလ ၂၇ ရက်နေ့တွင် လွှတ်တော်အခွင့်အရေး ကော်မတီသို့ ရှင်းလင်းတင်ပြရာတွင် “ကျနော့်ရဲ့ စေတနာမှန်က တကယ့်စေတနာပါ။ ကိုယ်စားလှယ်တော်ကြီးတွေထဲမှာ ခိုင်ခိုင်ခန့်ခန့်ရှိမှ အလားအလာတွေ ကောင်းမယ်။ ဒါကတော့ ရိုးရိုးသားသား ကျနော် တင်ပြခြင်းဖြစ်ပါတယ်။ ကျနော်တို့တွေသည် ခိုင်ခိုင်ခန့်ခန့် လုပ်ထားတဲ့ ကာလမှာ တချို့ ဒီလိုလေးတွေ ရှိနိုင်တယ်ဆိုတာကို ယေဘုယျဆန်ဆန် ပြောခဲ့ခြင်းဖြစ်ပါတယ်။ မည်သူ တယောက်ကိုမျှ နစ်နာစေလို တဲ့ ဆန္ဒ လုံးဝ မပါ ပါဘူးခင်ဗျာ” ဟု ဖြေရှင်းချက် ပေးထားသည်ကိုလည်း အစီရင်ခံစာတွင် ဖေါ်ပြထားသည်။

ဝန်ကြီးဦးမြင့်လှိုင်နှင့် တွေ့ဆုံမေးမြန်းမှုများကို Hot News ဂျာနယ်တွင် မတ်လ ၂၃ ရက်နေ့က ဖေါ်ပြပါရှိလာရမှ လွှတ်တော်အမတ်များက ဝန်ကြီး၏ ပြောဆိုမှုများကို ပြင်းထန်စွာ ရှုတ်ချကြောင်းနှင့် ဝန်ချ တောင်းပန်ခြင်း ပြုလုပ်ပေး ပါရန် ဧပြီလ ၁ဝ ရက်နေ့တွင် ကြေညာချက် ထုတ်ပြန်ခဲ့သည်။

ယင်းနောက် ပြည်ထောင်စုလွှတ်တော် နာယကထံသို့ တင်ပြခဲ့ပြီး နာယက က လွှတ်တော်အခွင့်အရေး ပူးပေါင်းကော်မတီကို အစီရင်ခံစာ တင်သွင်းစေခဲ့ခြင်း ဖြစ်သည်။

ဦးသိန်းစိန်နှင့် ဒေါ်စုအား မစ္စတာဘန်ကီမွန်း ချီးကျူး

မဇ္ဈိမသတင်းဌာန | တနင်္လာနေ့၊ ဧပြီလ ၃၀ မဇ္ဈိမ

နယူးဒေလီ (မဇ္ဈိမ) ။ ။ သမ္မတ ဦးသိန်းစိန်နှင့် ဒေါ်အောင်ဆန်းစုကြည်တို့အား အရည်အချင်း ပြည့်ဝသောနိုင်ငံ့ခေါင်းဆောင်များအဖြစ် မြန်မာနိုင်ငံကို ရောက်ရှိနေသည့် ကုလသမဂ္ဂ အတွင်းရေးမှူးချုပ် မစ္စတာဘန်ကီမွန်း က တနင်္လာနေ့တွင် ချီးကျူးပြောဆိုလိုက်သည်။

နေပြည်တော်ရှိ ပြည်ထောင်စုလွှတ်တော်အစည်းအဝေး၌ နေ့လည် ၁၂ နာရီခန့်က တက်ရောက် မိန့်ခွန်းပြောကြားခဲ့စဉ် ထိုသို့ ထည့်သွင်း ပြောဆိုလိုက်ခြင်း ဖြစ်သည်။

“သမ္မတ ဦးသိန်းစိန်နဲ့ ဒေါ်အောင်ဆန်းစုကြည်တို့ဟာ နိုင်ငံတော်အကျိုးအတွက် နိုင်ငံရေးကို ကျော်လွှားနိုင်တဲ့ ကိုယ့်ကိုယ်ကို ယုံကြည်မှုနှင့် နိုင်ငံ့ခေါင်းဆောင် အရည်အချင်း ပြည့်ဝမှုကို ဖော်ဆောင်ပြသနိုင်ခဲ့သည်”ဟု အတွင်းရေးမှူးချုပ်က ပြောဆိုသွားသည်။

ထို့ပြင် မြန်မာနိုင်ငံအပေါ် နိုင်ငံအချို့မှ အရေးယူ ပိတ်ဆို့မှုများအား ပိုမိုလျှော့ပေါ့ ပိုမိုဖွင့်ပေးကြရန် တိုက်တွန်းတောင်းဆိုလိုက်သည်။

“ဒီကနေ့ ကျနော်က အပြည်ပြည်ဆိုင်ရာ အသိုင်းအဝန်းကို ပိတ်ဆို့မှုအပေါင်းကို ဖယ်ရှားခြင်း၊ လျှော့ပေါ့ခြင်း၊ ဆိုင်းငံ့ခြင်းတို့ကို ပိုမိုဆောင်ရွက်ကြပါရန် တောင်းဆိုလိုပါတယ်” ဟု မစ္စတာဘန်ကီမွန်း က ပြောသည်။

မြန်မာနိုင်ငံသို့ သုံးရက်ကြာခရီးအဖြစ် တနင်္ဂနွေနေ့က ရောက်ရှိလာခဲ့သော မစ္စတာဘန်ကီမွန်းက “ပြုပြင်ပြောင်းလဲမှုရဲ့ အကောင်းဆုံးအားပေးမှုက ထောက်ပံ့မှုမှာ ရင်းနှီးမြှုပ်နှံခြင်းပဲ ဖြစ်ပါတယ်။ တချိန်တည်းမှာပဲ လွှတ်တော်ဟာ အကူအညီ ထောက်ပံ့ခြင်းကို ဖြစ်စေတဲ့ အခြေအနေများ ဖန်တီးရမှာ ဖြစ်ပါတယ်” ဟု ပြည်ထောင်စုလွှတ်တော် မိန့်ခွန်းတွင် ဆက်လက် ပြောကြားသွားသည်။

သမ္မတဦးသိန်းစိန်နှင့် ပြည်သူ့လွှတ်တော်ဥက္ကဋ္ဌ သူရဦးရွှေမန်းတို့နှင့် မနက်ပိုင်းတွင် သီးခြားစီ တွေ့ဆုံခဲ့ပြီးနောက်ပြည်ထောင်စုလွှတ်တော်သို့ တက်ရောက်မိန့်ခွန်း မြွက်ကြားခဲ့ခြင်း ဖြစ်သည်။

အမျိုးသား ပြန်လည်ရင်ကြားစေ့ရေးအား အပြည့်အဝ ဖော်ဆောင်နိုင်ရန်အတွက် တိုးတက်ရန် လိုနေသေးသည်များ လည်း ထောက်ပြပြောဆိုသွားခဲ့သေးသည်။

“ဥပမာ ရွှေ့ပြောင်းခံရသော လူထုများ၊ တိုင်းရင်းသားလူမျိုးစုနှင့် နိုင်ငံရေးအဖွဲ့များအတွက် လုံခြုံရေး အာမခံခြင်းနှင့်နိုင်ငံရေး အကျဉ်းသားများ လွှတ်ပေးခြင်းတို့ ဖြစ်ပါတယ်” ဟု မစ္စတာဘန်ကီမွန်း က ဆိုသည်။

လက်နက်ကိုင် တိုင်းရင်းသားအဖွဲ့များ အစိုးရနှင့် အပစ်အခတ်ရပ်စဲရေး လက်မှတ်ရေးထိုးနိုင်ခဲ့သော်လည်း ကျန်ရှိနေသေးသည့် ကချင်လွတ်လပ်ရေးအဖွဲ့နှင့် သဘောတူညီမှုမရသေးသည့်အပေါ်တွင်လည်း “ငြိမ်းချမ်းရေးနဲ့ ဖွံ့ဖြိုးရေးကို ဖော်ဆောင်စေမယ့် အပစ်အခတ်ရပ်စဲမှုနှင့် နိုင်ငံရေးနဲ့ သက်ဆိုင်တဲ့ သဘောတူညီချက် အခွင့်အလမ်းကို ကချင်လူမျိုးစုတွေ မဆုံးရှုံးသင့်ပါ” ဟု ထောက်ပြ ပြောဆိုသွားခဲ့သည်။

လူသားချင်းစာနာသည့် အကူအညီများ ပေးအပ်ရန်အတွက် ကချင်ပြည်နယ်တွင်း ကုလသမဂ္ဂအဖွဲ့အစည်းများ သွားလာခွင့်ပြုသည့်အပေါ်လည်း မစ္စတာဘန်ကီမွန်းက မြန်မာအစိုးရကို အသိအမှတ်ပြုပေးခဲ့သည်။

မြန်မာနိုင်ငံ၏ ရှေ့ခရီးတွင် နိုင်ငံတကာမျက်နှာစာ၌ မှတ်ကျောက်ကြီးနှစ်ခု ရှိနေပြီး ၎င်းတို့မှာ ၂ဝ၁၄ ခုနှစ်အတွင်း အာဆီယံ ဥက္ကဋ္ဌတာဝန် လွှဲပြောင်းယူခြင်းနှင့် ၂ဝ၁၅ ခုနှစ်အတွင်း အထွေထွေ ရွေးကောက်ပွဲ ကျင်းပခြင်းတို့ဖြစ်သည်ဟု ဆိုသည်။

၂ဝ၁၄ ခုနှစ်တွင် နှစ်ပေါင်း ၃၁ အတွင်း မြန်မာနိုင်ငံတွင် ပထမဆုံးအကြိမ် သန်းခေါင်စာရင်း ကောက်ခံရေး အတွက်လည်း ကုလသမဂ္ဂ အဖွဲ့အစည်းများအနေနှင့် ပူးပေါင်း ပါဝင်ကူညီရန် အတွင်းရေးမှူးချုပ်က တနင်္လာနေ့တွင်ပင် သဘောတူ လက်မှတ်ရေးထိုးသွားခဲ့သည်။

မြန်မာ့လူဦးရေ ခန့်မှန်းချက်များမှာ နိုင်ငံတကာအဖွဲ့အစည်းများအကြား တခုနှင့်တခု တူညီမှု မရှိခဲ့ကြပေ။ ကမ္ဘာ့ဘဏ် ကိန်းဂဏန်းအရ ၄၈ သန်းဟု ခန့်မှန်းပြီး အာရှဖွဲ့ဖြိုးရေးဘဏ်က သန်း ၆၀ ဟု ခန်ပမှန်းက နိုင်ငံတကာ ငွေကြေးရန်ပုံငွေ အဖွဲ့ကြီးကမူ ၆၄ သန်းဟု မြန်မာနိုင်ငံ လူဦးရေအား ခန့်မှန်းထားကြသည်။

ကုလသမဂ္ဂ အတွင်းရေးမှူးချုပ်အနေဖြင့် မြန်မာနိုင်ငံတွင် ဘိန်းစိုက်ပျိုးမှုများရှိရာ ရှမ်းပြည်နယ်သို့လည်း သွားရောက်ကြည့်ရှု လေ့လာဦးမည် ဖြစ်သည်။ ကုလသမဂ္ဂ HIV/AIDS အစီအစဉ်၏ အဆိုအရ မြန်မာနိုင်ငံသည် အာဖကန်နစ္စတန် ပြီးလျှင် ကမ္ဘာပေါ်တွင် ဘိန်းထုတ်လုပ်မှု အများဆုံးနိုင်ငံဖြစ်ကာ မူးယစ်ဆေးသုံးစွဲသူ ပိုမိုများပြားလာလျက်ရှိပြီး အာရှတိုက်တွင် HIV ကူးစက်မှု တတိယအများဆုံးနိုင်ငံအဖြစ် တည်ရှိနေသည်။

ဦးအောင်သောင်း ငြိမ်းချမ်းရေး အဖွဲ့သစ်မှာ မပါဝင်တော့ကြောင်း ပြော

မင်းသက်၊ ဖနိဒါ | တနင်္လာနေ့၊ ဧပြီလ ၃၀ မဇ္ဈိမ

ချင်းမိုင်(မဇ္ဈိမ) ။ ။ အစိုးရ၏ ပြည်ထောင်စုအဆင့် ငြိမ်းချမ်းရေး ဖော်ဆောင်ရေးအဖွဲ့သစ် ပြန်လည် ဖွဲ့စည်းရာတွင် ကြံ့ခိုင်ဖွံ့ဖြိုးရေးပါတီ အတွင်းရေးမှူး ၁ ဦးအောင်သောင်း ပါဝင်တော့မည် မဟုတ်ကြောင်း ကာယကံရှင်က တနလာင်္နေ့ တွင် ပြောကြားလိုက်သည်။

“ပြန်ပြီးတော့ ဖွဲ့မယ်ဆိုတာ ဟုတ်တယ်။ ဒါပေမယ့် ကျနော် မပါတော့ဘူးလို့ပဲ ပြောချင်ပါတယ်။ ကျနော်က အသက်အရွယ်အရရော၊ မိသားစု ကျန်းမာရေးအရပါ အခုလို ဆုံးဖြတ်လိုက်တာပါ”ဟု ပြည်ထောင်စုလွှတ်တော် အစည်းအဝေး မစတင်မီ သတင်းထောက်များ၏ မေးမြန်းချက်ကို ဦးအောင်သောင်း က ဖြေကြားလိုက်ခြင်း ဖြစ်သည်။

အစိုးရအနေဖြင့် လက်နက်ကိုင် အဖွဲ့အစည်းပေါင်း ၁၁ ဖွဲ့မှ ၁ဝ ဖွဲ့နှင့် အပစ်အခတ် ရပ်စဲရေး သဘောတူလက်မှတ်ရေးထိုးထားပြီး ဖြစ်သော်လည်း ကချင်လွတ်လပ်ရေး တပ်မတော် KIA တပ်ဖွဲ့နှင့်သာ အပစ်အခတ် ရပ်စဲရေး သဘောတူညီမှု မရသေးကြောင်းနှင့် တိုက်ပွဲများ ဆက်လက် ဖြစ်ပွားနေဆဲ ဖြစ်သည်ဟု ဦးအောင်သောင်းကပြောသည်။

“KIA က ပန်ဝါဒေသကို တိုက်မယ်လို့ လုပ်နေတာကို အစိုးရဘက်က သိလို့ စစ်တပ်က ကြိုစောင့်ပြီး ပစ်ကြခတ်ကြဖြစ်ပါတယ်။ ဒါတွေကို ကျနော်တို့လည်း မဖြစ်ချင်တော့ပေမယ့် ဆွေးနွေးမယ့် နေရာတွေ ချိန်းဆိုမှုက ပြဿနာ ရှိနေပါတယ်။ သူတို့ ချိန်းတဲ့နေရာကို သွားဖို့ကျပြန်တော့လည်း အန္တရာယ်ရှိပါတယ်။ ဒါကြောင့် အခက်အခဲ ရှိနေပါတယ်။ ကျနော်ကတော့ သူတို့နဲ့ ပုဂ္ဂိုလ်ရေး ရင်းနှီးပြီးသားပါ”ဟု ဦးအောင်သောင်း က ပြောဆိုသွားသည်။

ပြည်ထောင်စုအဆင့် ငြိမ်းချမ်းရေး ဖော်ဆောင်ရေးအဖွဲ့ နှစ်ခုရှိရာ ရထားဝန်ကြီး ဦးအောင်မင်း ဦးဆောင်သော အဖွဲ့နှင့် ပြည်သူ့လွှတ်တော် ကိုယ်စားလှယ် ဦးအောင်သောင်း ဦးဆောင်သော အဖွဲ့တို့ ရှိနေသည်။

ဦးအောင်သောင်း ဦးဆောင်သော အစိုးရငြိမ်းချမ်းရေး ဖော်ဆောင်ရေးအဖွဲ့နှင့် KIO တို့ တရုတ်နိုင်ငံ ရွှေလီမြို့တွင် သုံးကြိမ်တိုင်ဆွေးနွေးခဲ့စဉ် စစ်ရေးအရှိန်များ ထိန်းသိမ်းသွားရန်နှင့် ပြဿနာ ဖြစ်ပွားနေသည့် ဒေသများတွင်နှစ်ဖက်ညှိနှိုင်း လုပ်ဆောင်သွားရန် သဘောတူညီခဲ့သော်လည်း ယခုထိ အကောင်အထည်ဖော်သည့် တုံ့ပြန်မှု မတွေ့ရသေးကြောင်း KIO က ဆိုသည်။

ပြန်လည်ဖွဲ့စည်းမည့် အစိုးရ ငြိမ်းချမ်းရေး အဖွဲ့သစ်တွင် ဒု-သမ္မတ တဦးလည်း ပါဝင်လာမည် ဖြစ်ပြီး လွှတ်တော် ကိုယ်စားလှယ်များ၊ အစိုးရအဖွဲ့ ဝန်ကြီးများ၊ နယ်မြေခံ တပ်ရင်းတပ်ဖွဲ့ ဌာနချုပ်မှ တပ်မတော်သားများ ပါဝင်မည်ဖြစ်ကြောင်း ဧပြီလ ၂၉ ရက်က မီးရထားဝန်ကြီး ဦးအောင်မင်းက သတင်းထောက်များအား ပြောဆိုခဲ့သည်။

လိုင်ဇာဌာနချုပ်ကို သိမ်းပိုက်ရန် မရှိကြောင်း သမ္မတ ဦးသိန်းစိန်က ပြောဆိုထားပြီး ဖြစ်ကြောင်း ဦးအော်မင်း က ပြောဆိုခဲ့သည်။

အဆိုပါ ငြိမ်းချမ်းရေးအဖွဲ့သစ် ဖွဲ့စည်းမှုနှင့် ပတ်သက်၍ မသိရှိရသေးကြောင်း KIO က ပြောသည်။ ထို့ပြင် ဝန်ကြီး ဦးအောင်မင်း၏ ပြောဆိုချက်နှင့် ကချင်ပြည်နယ် လိုင်ဇာဌာနချုပ် အနီးတဝိုက် အစိုးရ စစ်တပ်ဖွဲ့၏ လှုပ်ရှားနေမှုများနှင့် ကွဲလွဲမှုများ ရှိနေကြောင်း KIO ပြောရေးဆိုခွင့်ရှိသူ ဦးလနန်က ပြောသည်။

“ဒါပေမယ့် စစ်တပ်က လုပ်နေတာက လိုင်ဇာကို ချေမှုန်းဖို့ လုပ်နေတယ်။ ဒါကြောင့် ဦးအောင်မင်း ပြောတာက သိလျက်နဲ့ လိမ်ညာပြီးပြောတာလား။ နိုင်ငံတကာ မျက်နှာ ရအောင်လုပ်တာပဲ၊ ဘန်ကီမွန်း ရောက်နေလို့ ပြောတာဘဲ။ ဒါပေမယ့် ဒီမှာက စစ်တပ်ကနေပြီးတော့ အကုန်လုံး အဆင်သင့်လုပ်ထားပြီ။ သူတို့က လက်နက်ကြီးနဲ့ ဦးစားပေး ပစ်နေတယ်။ ဒါကြောင့်မလို့ ဦးအောင်မင်းပြောတာက လှအောင်ပြောတာပဲ”ဟု မဇ္ဈိမကို ပြောသည်။

လက်နက်ကြီးနှင့် ပစ်ခတ်ရန် ပြင်ဆင်ထားသဖြင့် လိုင်ဇာမြို့မှ ၇ မိုင်အကွာရှိ ဒေါ့ဖုန်းယန်မြို့နယ်ခွဲ လဂျားယန်ကျေးရွာ အခြေစိုက်ထားသည့် တပ်ဖွဲ့၊ ရဲ၊ စရဖ တပ်ဖွဲ့များကို ဧပြီလ ၂၆ ရက်နေ့က ရုပ်သိမ်းသွားပြီ ဖြစ်ကြောင်း ဦးလနန်ကပြောသည်။

ဧပြီလကုန်ပိုင်းအတွင်း ဒေါ့ဖုန်းယန်မြို့နယ်ခွဲ ခမ်းဂိုင်တောင်မှ အစိုးရ၏ ၁ဝ၅ မမ လက်နက်ကြီးနှင့် ပတ်ခတ်ခဲ့သဖြင့် KIO နယ်မြေ လိုင်ဇာမြို့မှ ၄ မိုက်အကွာ ကားနှင့် ၁ဝ မိနစ်ခန့်အကြာရောက်သည့် လဝါးယန်ကျေးရွာတွင် ကျရောက် ခဲ့သည်ဟု ဆိုသည်။

ထို့ပြင် မြစ်ကြီးနား-ဗန်းမော်ကားလမ်းပေါ်ရှိ ဂန်ဒေါင်ယန်ကျေးရွာမှ လက်နက်ကြီးဖြင့် လိုင်ဇာမြို့ကို ပစ်ခတ်ရန် မမီသဖြင့် ထိုမှ နီးစပ်သည့် အင်ပွန်ကျေးရွာဘက် သယ်ဆောင်ထားမှုများ ရှိသလို၊ လိုင်ဇာမြို့မှ ၁ဝ မိုင်ခန့်အကွာရှိ ရှဒါန်ပါဒေသဆိုသည့် ရာဘာခြံတွင်လည်း လက်နက်ကြီးဖြင့် ပစ်ခတ်မှုများ ရှိသည်ဟု သိရသည်။

အစိုးရဘက်မှ ၈၁ မမ၊ ၁၂ဝ မမ၊ ၁ဝ၅ မမ လက်နက်ကြီးများနှင့် ပစ်ခတ်နေပြီး နေ့စဉ်ဆိုသလို တိုက်ပွဲများ ဖြစ်ပွားနေပြီး လိုင်ဇာဌာနချုပ်ကို သိမ်းမည်ဟု သတင်းများ ထွက်ပေါ်နေခြင်းကြောင့် KIA ဗဟိုကလည်း အောက်ခြေ တပ်သားများကို ညွန်ကြားထားပြီး ဖြစ်၍ တိုက်ပွဲများမှု ပိုမိုများပြားလာနိုင်သည်ဟု ဦးလနန်က ပြောသည်။

ဧပြီလအတွင်း အစိုးရတပ်ဖွဲ့နှင့် KIA တပ်ဖွဲ့များအကြား တိုက်ပွဲပေါင်း ၁၃ဝ ကြိမ် ရှိသွားပြီ ဖြစ်ကြောင်း သိရသည်။

နိုင်ငံရေးပြဿနာ မဖြစ်လို၍ ကျမ်းကျိန်စာသားကို NLD လိုက်လျော ကျိန်ဆိုမည်

ဖနိဒါ၊ ကိုပေါက် | တနင်္လာနေ့၊ ဧပြီလ ၃၀ မဇ္ဈိမ

ချင်းမိုင်၊ နယူးဒေလီ (မဇ္ဈိမ) ။ ။ လွှတ်တော်ကိုယ်စားလှယ်များ ကျမ်းသစ္စာကျိန်ဆိုချက် စာသား ပြင်ဆင်ပေးရန် တင်ပြထားသော်လည်း အမျိုးသားဒီမိုကရေစီအဖွဲ့ချုပ် NLD မှ အလျှော့ပေး လိုက်လျော၍ လက်ရှိ အခြေခံဥပဒေပါ အတိုင်း ဆောလျင်စွာ ကျမ်းသစ္စာ ကျိန်ဆိုကြမည် ဖြစ်ကြောင်း ပါတီဥက္ကဋ္ဌ ဒေါ်အောင်ဆန်းစုကြည် က ပြောသည်။

ကြားဖြတ်ရွေးကောက်ပွဲတွင် ပါတီအား မဲပေးလိုက်ကြည်သည့် ပြည်သူ့ဆန္ဒနှင့် လွှတ်တော်တွင်း မဟာမိတ်များ၏ ဆန္ဒအား လိုက်လျောသည့်အနေဖြင့် တနင်္လာနေ့ က ဆုံးဖြတ်လိုက်ခြင်းဖြစ်ကြောင်း ဥက္ကဋ္ဌ က သတင်းထောက်များ အား ပြောဆိုလိုက်သည်။

“အလျှော့ပေးတယ်လို့ မြင်ချင်ရင်လည်း မြင်နိုင်ပါတယ်။ ကျမတို့ ပြည်သူ့ဆန္ဒကို အလျှော့ပေးတယ်။ မဟာမိတ်တွေရဲ့ ဆန္ဒကို ကျမတို့ အလျှော့ပေးတယ်။ ကြားဖြတ်ရွေးကောက်ပွဲမှာ အောင်နိုင်ထားတဲ့ အဖွဲ့ချုပ်မို့လို့ သဘောထားကြီးဖို့ ဆိုတာလည်း အင်မတန်မှ လိုပါတယ်။ အဲဒါကြောင့် ကျမတို့အနေနဲ့ လိုက်လျောမယ်။ လွှတ်တော်တက်တဲ့ကိစ္စကို အမြန်ဆုံးလုပ်လိုက်မယ်” ဟု ဗဟိုအလုပ်အမှုဆောင် အစည်းအဝေးအပြီး သတင်းစာ ရှင်းလင်းပွဲတွင်ဒေါ်အောင်ဆန်းစုကြည်က ပြောဆိုလိုက်သည်။

အခြေခံ ဥပေဒပါ လွှတ်တော် ကိုယ်စားလှယ်များ ကျမ်းသစ္စာဆိုချက် စာသားတွင် အခြေခံဥပဒေကို ‘ထိန်းသိမ်း ကာကွယ်စောင့်ရှောက်’ မည်ဟူသည့် အသုံးအနှုန်းအစား ‘လေးစားလိုက်နာ’ မည်ဟူသည့် အသုံးအနှုန်း ပြင်ဆင်ပေးရန် ကြိုးပမ်းအကြံပြုချက်အား အလျှော့ပေးလိုက်ခြင်း ဖြစ်သည်။

တနင်္ဂနွေနေ့တွင် ရခိုင်တိုင်းရင်းသားများ တိုးတက်ရေးပါတီ RNDP ဥက္ကဋ္ဌ အမျိုးသားလွှတ်တော် ဒေါက်တာအေးမောင်နှင့် အတူ လွှတ်တော်ကိုယ်စားလှယ် ၁၈ ဦးတို့က ဒေါ်အောင်ဆန်းစုကြည်၏ နေအိမ်တွင် လာရောက်တွေ့ဆုံ၍ NLD လွှတ်တော် တက်ရောက်ရန် မေတ္တာရပ်ခံခဲ့ပြီး နောက်တရက်တွင် ယခုကဲ့သို့ ဆုံးဖြတ်လိုက်ခြင်းလည်း ဖြစ်သည်။

NLD လွှတ်တော်ကိုယ်စားလှယ်များ ကျမ်းသစ္စာကျိန်ဆိုရန်အတွက် မေလ ၁ ရက်နေ့တွင် နေပြည်တော်သို့ သွားရောက်ကြမည်ဖြစ်ပြီး ပါတီဥက္ကဋ္ဌလည်း မေလ ၂ ရက်နေ့တွင် သွားရောက်ကျိန်ဆို သစ္စာပြုမည်ဖြစ်သည်။

ပါတီပြန်လည်မှတ်ပုံတင်ရန်အတွက် ၂ဝ၁ဝ နိုင်ငံရေးပါတီများမှတ်ပုံတင်ခြင်းဥပဒေပါ စာသားအချို့အား ပြင်ဆင်ပေးရန်တောင်းဆိုစဉ်က အဆိုပါ ကျမ်းကျိန်စာသားအရေးအား “ကိုင်တွယ်ဖို့ ကျမအနေနဲ့ လစ်ဟင်းခဲ့ပါတယ်။ အဲတော့ ဒါကို ကျမ တာဝန်ယူတယ်။ ကျမရဲ့ လစ်ဟင်းချက်တခုကြောင့်မို့လို့ ပြည်သူရဲ့ဆန္ဒနဲ့ ကျမတို့ရဲ့မဟာမိတ်ဆွေဆန္ဒကို ထိပါးတယ်ဆိုရင် ကျမ လုံးဝ မဖြစ်စေချင်ဘူး” ဟု ဥက္ကဋ္ဌ က ပြောသည်။

ယခု ကျမ်းကျိန်စာသား ပြင်ရေးကိစ္စမှာ ဥပဒေရေးရာကိစ္စတရပ်အဖြစ်သာ ကိုင်တွယ်နေခြင်းဖြစ်၍ နိုင်ငံရေးပြဿနာရပ် အဖြစ် မရောက်စေလို၍ လိုက်လျောခဲ့ခြင်းလည်း ဖြစ်သည်ဟုဆိုသည်။

“ဟိုဘက်ဒီဘက် ပူးပေါင်းဆောင်ရွက်ခြင်းအားဖြင့်၊ အပေးအယူ လုပ်ခြင်းအားဖြင့် ပြဿနာတွေကို ကျော်လွှားနိုင်တယ် ဆိုတာလည်း ကျမတို့ လက်တွေ့ကျကျ ဒီအချိန်မှာ ပြဖို့လိုတယ်” ဟု ဒေါ်အောင်ဆန်းစုကြည် က ပြောကြားသွားသည်။

သို့သော် ကြားဖြတ် ရွေးကောက်ပွဲတွင် ပြည်သူလူထုအား ကတိပေးခဲ့သည့် တရားဥပဒေ စိုးမိုးရေး၊ ပြည်တွင်း ငြိမ်းချမ်းရေးနှင့် အခြေခံဥပဒေ ပြင်ဆင်ရေးကိစ္စရပ်များအား ပြင်ဆင်မှုမရှိကြောင်း ပါတီပြောခွင့်ရ ဦးအုန်းကြိုင် က မဇ္ဈိမကို ပြောသည်။

“မြန်မာနိုင်ငံရဲ့ နိုင်ငံရေးပြဿနာတွေကို ပြေပြေလည်လည် တဖက်နဲ့တဖက် ဖြေရှင်းတာ အကောင်းဆုံးဘဲလို့ ယူဆတဲ့အလျောက် လွှတ်တော်ကို တက်မယ်လို့ အဖွဲ့ချုပ်က ဆုံးဖြတ်လိုက်တာပါ။ NLD အဖွဲ့ချုပ်ရဲ့ ရပ်တည်ချက်ကပြင်ဆင်မှု မရှိပါဘူး။ ဒါပေမယ့် ဒီကျမ်းကျိန်ရာမှာတော့ သူတို့ ဆန္ဒအတိုင်း ကျမ်းကျိန်လိုက်မှာ ဖြစ်ပါတယ်” ဟု ဦးအုန်းကြိုင်က ပြောသည်။

ဧပြီလ ၂၅ ရက်နေ့ကလည်း ကျန်းကျိန် ကတိသစ္စာပြုချက် စကားရပ် ပြုပြင်ရေးအတွက် ကြံ့ခိုင်ဖွံ့ဖြိုးရေးပါတီမှ ဦးဆောင် ဖြေရှင်းပေးရန် လွှတ်တော်တက်ရောက်နေသော နိုင်ငံရေးပါတီ ၁၆ ခုတို့က ကြံ့ခိုင်ရေးပါတီ ဒု-ဥက္ကဋ္ဌ ဦးသူရရွှေမန်းထံ မေတ္တာရပ်ခံခဲ့သေးသည်။

NLD ပါတီ လွှတ်တော်တက်ရန် ဆုံးဖြတ်ချက်ချ

2012-04-30 RFA

ယခုကျင်းပနေတဲ့ ပထမအကြိမ် ပြည်သူ့လွှတ်တော် တတိယအကြိမ် ပုံမှန်အစည်းအဝေးကို ကြားဖြတ် ရွေးကောက်ပွဲမှာ အနိုင်ရရှိထားတဲ့ အမျိုးသားဒီမိုကရေစီ အဖွဲ့ချုပ်က လွှတ်တော် ကိုယ်စားလှယ်တွေ တက်ရောက်မယ်လို့ NLD က ဒီကနေ့ ကြေညာလိုက်ပါတယ်။

လွှတ်တော်ကိုယ်စားလှယ် အများစုရဲ့သဘောတူညီချက်နဲ့ အခုလို ဆုံးဖြတ်တာလို့ ဆိုပါတယ်။

လူထုဆန္ဒကို လိုက်လျောလိုက်တဲ့အပြင် လွှတ်တော်တွင်းရှိ တိုင်းရင်းသားပါတီတွေက RNDP ရခိုင်အမျိုးသား တိုးတက်ရေးပါတီ ဥက္ကဋ္ဌ ဒေါက်တာအေးမောင်ကို စေလွှတ်ပြီး လွှတ်တော်မှာ ပါဝင်တက်ရောက်ဖို့ တိုက်တွန်းတာကို တန်ဖိုးထား လေးစားတဲ့အနေနဲ့ ဆုံးဖြတ်လိုက်တာလို့ ဒေါ်အောင်ဆန်းစုကြည်က သတင်းစာရှင်းလင်းပွဲမှာ အခုလို ပြောပြောကြားပါတယ်။

"တိုင်းရင်းသားပါတီတွေနဲ့ တသီးပုဂ္ဂလ ကိုယ်စားလှယ်တွေပေါ့နော်၊ တစညလည်းပါတယ်။ တခြားပါတီတွေလည်းပါတယ်။ အားလုံးကနေပြီးတော့ ကျွန်မတို့ကို လွှတ်တော်ထဲကို တက်စေချင်ပါတယ်။ လွှတ်တော်ထဲမှာမှ အတူတူ အလုပ်လုပ်ပြီး ပြောင်းလဲစေချင်ပါတယ် ဆိုပြီးတော့ မေတ္တာရပ်ခံပါတယ်။ နောက်ပြီးတော့ ပြည်သူ့လွှတ်တော် ဥက္ကဋ္ဌ သူရ ဦးရွှေမန်းကို ပေးထားတဲ့ စာကလည်း တိုင်းရင်းသားပါတီတွေနဲ့ တခြားတသီးပုဂ္ဂလပါတီ အားလုံးပေါင်း လက်မှတ်ထိုးထားတာက ၁၆ ပေါ့။ တင်ထားတဲ့ စာကလည်း အင်မတန်မှ ပူးပေါင်းဆောင်ရွက်ချင်တဲ့ သဘောနဲ့ ကျွန်မတို့ လွှတ်တော်အတွင်းမှာ တိုင်းရင်းသားပါတီတွေနဲ့ အမျိုးသားဒီမိုကရေစီ အဖွဲ့ချုပ်နဲ့အတူ ပြောင်းသင့်တဲ့ကိစ္စတွေ ပြောင်းဖို့၊ အထူးသဖြင့် ကျွန်မတို့ လိုချင်နေတဲ့ ကျမ်းကျိန်စာသားတွေကို ပြောင်းဖို့ကို ဝိုင်းဝန်းပြီး မေတ္တာရပ်ခံတာပါတယ်။ အားလုံးကို သုံးသပ်ပြီးတော့ သဘောထားကြီးကြီးနဲ့ ကျွန်မတို့ အနေနဲ့ လိုက်လျောသင့်တယ်လို့ ထင်တယ်။"

NLD ပြည်သူ့လွှတ်တော် ကိုယ်စားလှယ်တွေဟာ ၂၀၀၈ ဖွဲ့စည်းပုံ အခြေခံဥပဒေ ပုဒ်မ- ၁၂၅ (က) ဇယား (၄) မှာ ဖော်ပြထားတဲ့အတိုင်း ကျမ်းသစ္စာကျိန်ဆိုကြမှာ ဖြစ်ပေမဲ့ မူလရပ်တည်ချက်ဖြစ်တဲ့ ဖွဲ့စည်းပုံ အခြေခံဥပဒေကို လေးစားလိုက်နာပါမည် ဆိုတဲ့သဘောထားကိုတော့ ပြောင်းလဲမှာ မဟုတ်တဲ့အကြောင်းလည်း ကြေညာချက်မှာ ဖော်ပြထားပါတယ်။

NLD ပါတီက ကြေညာချက် ထုတ်ပြန်လိုက်ချိန်မှာ NLD ကိုယ်စားလှယ်တွေ လွှတ်တော်တက်နိုင်ဖို့ အစီအစဉ်အရ ဒီကနေ့ ပြီးဆုံးပြီဖြစ်တဲ့ လွှတ်တော်ကို ပြည်သူ့လွှတ်တော်နဲ့ အမျိုးသား လွှတ်တော် ဥက္ကဋ္ဌ ၂ ဦး သီးသန့် ဆွေးနွေးပြီးနောက် လွှတ်တော် အစည်းအဝေးကို မေလ ၂ ရက်နေ့မှာ ပြောင်းရွှေ့ ကျင်းပမယ့် အကြောင်း ကြေညာခဲ့ပါတယ်။

NLD ပါတီရဲ့ လွှတ်တော်တက်ရန် ဆုံးဖြတ်ချက်ချလိုက်တာနဲ့ ပတ်သက်ပြီး သတင်းထောက်များကို ဒေါ်အောင်ဆန်းစုကြည် ပြောဆိုခဲ့တာကို ဒေါ်စမ်းစမ်းတင်က တင်ပြပါမယ်။

တင်ပြချက်။ အသံဖိုင်ယူရန်။

NLD ပါတီရဲ့ ဆုံးဖြတ်ချက်အပေါ်သုံးသပ်သူတွေရဲ့ အမြင်ကို ဦးဇော်မိုးကျော်က စုစည်းတင်ပြပါမယ်။

စုစည်းတင်ပြချက်။ အသံဖိုင်ယူရန်။

NLD ဆုံးဖြတ်ချက် ၈၈ ကျောင်းသားများ ကြိုဆို

2012-04-30 RFA

NLD ပါတီက ရွေးကောက်ခံ ကိုယ်စားလှယ်တွေ မကြာခင်မှာ ကျမ်းသစ္စာကျိန်ပြီး လွှတ်တော်တက်ဖို့ ဆုံးဖြတ်လိုက်တဲ့ ကိစ္စကို ၈၈မျိုးဆက် ကျောင်းသားများအဖွဲ့က ကြိုဆိုလိုက်ပါတယ်။

ပွင့်လင်းလူ့အဖွဲ့အစည်းတွေ ပေါ်ပေါက်ရေးအတွက် ရှမ်းပြည်နယ်ကို ရောက်ရှိနေတုန်း ၈၈ ကျောင်းသားခေါင်းဆောင် ကိုမင်းကိုနိုင်က ပြောကြားလိုက်တာပါ။

NLD ပါတီ ဥက္ကဋ္ဌ ဒေါ်အောင်ဆန်းစုကြည်ရဲ့ အခုလို ဆုံးဖြတ်ချက်ဟာ အမျိုးသား ပြန်လည်သင့်မြတ်ရေး ဖြစ်စဉ်မှာ အပြန်အလှန် လိုက်လျောမှုကို ဖော်ပြလိုက်သလို NLD ကို မဲထည့်ခဲ့ကြတဲ့ မဲဆန္ဒရှင် ပြည်သူတွေရဲ့ စိုးရိမ်မှုကိုလည်း ဖြေရှင်းပေးရာ ရောက်တယ်လို့ ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်က ပြောပါတယ်။

ရွေးကောက်ပွဲမှာ အနိုင်ရပြီးနောက်ပိုင်း လွှတ်တော် ကိုယ်စားလှယ်တွေရဲ့ ကျမ်းကျိန်လွှာပါ စာသားထဲမှာ ဖွဲ့စည်းပုံအခြေခံ ဥပဒေကို ကာကွယ်စောင့်ရှောက်ပါမည်ဆိုတဲ့ စာသားအစား လေးစား လိုက်နာပါမည် ဆိုတဲ့စာသားကို ပြင်ဆင်ပေးဖို့ NLD ပါတီက တောင်းဆိုရာက ဧပြီလ(၂၃) ရက်နေ့က လွှတ်တော်ကို မတက်ရောက်နိုင်ပဲ ဖြစ်ခဲ့ရတာပါ။

ပိတ်ဆို့မှုတွေ ဖယ်ရှားပေးဖို့ ဘန်ကီမွန်းတောင်းဆို

2012-04-30 RFA

မြန်မာနိုင်ငံက ပြုပြင်ပြောင်းလဲမှုတွေကို အားပေးထောက်ခံတဲ့အနေနဲ့ မြန်မာအပေါ် ပိတ်ဆို့ အရေးယူမှုတွေကို အခုထက်ပိုပြီး ဖယ်ရှား လျှော့ချပေးဖို့ ကုလသမဂ္ဂ အတွင်းရေးမှူးချုပ် မစ္စတာဘန်ကီမွန်းက နိုင်ငံတကာကို ဒီကနေ့ တိုက်တွန်းလိုက်ပါတယ်။

နိုင်ငံတကာ အသိုင်းအဝိုင်းအနေနဲ့ မြန်မာနိုင်ငံအပေါ် ပိတ်ဆို့ အရေးယူထားတာတွေကို ရုပ်သိမ်းဖို့၊ ရပ်ဆိုင်းဖို့ ဒါမှမဟုတ် ကုန်သွယ်ရေး ပိတ်ပင်မှုတွေအပေါ် လျှော့ပေါ့ပေးဖို့ လိုအပ်တယ်လို့ နေပြည်တော် ပြည်ထောင်စု လွှတ်တော်မှာ မိန့်ခွန်းပြောကြားရာမှာ မစ္စတာ ဘန်ကီမွန်းက အခုလို ထည့်သွင်းပြောဆိုခဲ့တာ ဖြစ်တယ်လို့ ပြည်သူ့လွှတ်တော် ကိုယ်စားလှယ် ဒေါ်နန်းဝါနုက ပြောပါတယ်။

မြန်မာနိုင်ငံမှာ နိုင်ငံခြား ရင်းနှီးမြှုပ်နှံမှုတွေ လာရောက် ရင်းနှီးမြှုပ်နှံကြဖို့ကိုလည်း မစ္စတာဘန်ကီမွန်းက တိုက်တွန်းပြောဆိုခဲ့ပါတယ်။

ဒါ့အပြင် ကျမ်းကျိန်စာသား ပြင်ဆင်ပေးရေးကိစ္စနဲ့ ပတ်သက်လို့ အစိုးရနဲ့ မပြေမလည် ဖြစ်နေတာတွေကို အဆုံးသတ်ပြီး ဒေါ်အောင်ဆန်းစုကြည် ဦးဆောင်တဲ့ အမျိုးသား ဒီမိုကရေစီ အဖွဲ့ချုပ်က လွှတ်တော်တက်ရောက်ဖို့ ဆုံးဖြတ်လိုက်တဲ့အပေါ် ကြိုဆိုကြောင်း၊ သမ္မတ ဦးသိန်းစိန်နဲ့ ဒေါ်အောင်ဆန်းစုကြည်တို့ဟာ တိုင်းပြည် အကျိုးစီးပွားအတွက် ပူးပေါင်း ဆောင်ရွက်နေတာကို တွေ့မြင်ရတဲ့အတွက် ဂုဏ်ယူကြောင်း မစ္စတာဘန်ကီမွန်းက ပြောကြားခဲ့ပါတယ်။

မစ္စတာ ဘန်ကီမွန်းဟာ မနက်ဖြန် ဒေါ်အောင်ဆန်းစုကြည်ရဲ့ နေအိမ်မှာ သွားရောက် တွေ့ဆုံဖို့ရှိပြီး နိုင်ငံရေးပါတီတွေနဲ့လည်း ဆီဒိုနားဟိုတယ်မှာ တွေ့ဆုံဖို့ စီစဉ်ထားပါတယ်။

လွှတ်တော်မှာ မစ္စတာဘန်ကီမွန်း ပြောကြားခဲ့တဲ့ မိန့်ခွန်းနဲ့ ပတ်သက်ပြီး ပြည်သူ့လွှတ်တော် ကိုယ်စားလှယ် ဒေါ်နန်းဝါနုကို ကိုကျော်ကျော်အောင်က ဆက်သွယ်မေးမြန်းထားပါတယ်။

ဆက်သွယ်မေးမြန်းချက်။ အသံဖိုင်ယူရန်။

အနာဂတ်အတွက် ပရဟိတဆေးပညာရှင်များ

ကျော်သူ (နာရေးကူညီမှုအသင်း - ရန်ကုန်)

ဧပြီ ၃၀၊ ၂၀၁၂ မိုးမခ

“ပညာရေးဖြင့် ခေတ်မှီဖွံ့ဖြိုးတိုးတက်သော နိုင်ငံတော်သစ်တည်ဆောက်အံ့” ဟူသည့်ဆောင်ပုဒ်အား ပညာရေးဝန်ကြီးဋ္ဌာနမှ ထုတ်ပြန်ထား သည်နှင့်အညီ ပညာရေးကဏ္ဍသည် အရေးပါသော အဓိကကျသောကဏ္ဍတစ်ရပ်ဖြစ်သည်။ အောင်မြင်တိုးတက်ပြီး ဖွံ့ဖြိုးသည့်နိုင်ငံဖြစ်ဖို့ ပညာရေးကဏ္ဍသည် အရေးကြီးသော အခန်းကဏ္ဍတစ်ရပ်အဖြစ် ပါဝင်လျှက်ရှိပေသည်။ ထို့အပြင် နိုင်ငံတော်သမ္မတကြီး ဦးသိန်းစိန်မှလည်း လွှတ်တော်အစည်းအဝေးတွင် ပြည်သူ/သားအားလုံးတို့အား “သေနတ်အစား တိုင်းရင်းသားလူငယ်တွေ လက်ပ်တော့ကိုင်နိုင်ကြပါစေ” ဟူ၍ ပညာရေးကဏ္ဍအား ပညာရေးအသုံးစာရိတ်များတိုးမြင့်မည်ဟု တရားဝင်ပြောကြားခဲ့သည်။

ပညာသင်ကြားမှု အခန်းကဏ္ဍများတွင် ဆေးပညာရပ်သည် အရေးပါသောအခန်းကဏ္ဍတစ်ခု ဖြစ်သည်။ အဘယ်ကြောင့်ဆို နိုင်ငံတော် သစ်ထူထောင်ရာတွင် အများပြည်သူတို့၏ လူ့စွမ်းအားအရင်းအမြစ်အား တိုးမြှင့်နိုင်ရန်အတွက် လူသားတို့သည် ကျန်းမာသန်စွမ်းဖို့ အဓိက ဖြစ်သည်။ ကျန်းမာသန်စွမ်းပါမှ မိမိတတ်မြောက်ထားသော အင်ဂျင်နီယာပညာရပ်၊ ဗိသုကာပညာရပ်၊ စက်မှုလက်မှုပညာရပ် စသည့် ထူးချွန်ထက်မြက်သော ပညာရပ်များအား အသုံးချပေးဆပ်မှုများ ပြုလုပ်နိုင်မည်ဖြစ်သည်။ ကျန်းမာရေးသည် လာဘ်တစ်ပါးဟူသော စ ကားရပ်လည်းရှိခဲ့သည်။ ထို့ကြောင့် နာရေးကူညီမှုအသင်း(ရန်ကုန်) အနေဖြင့် နိုင်ငံတော်သစ်ထူထောင်ရာတွင် အဓိကလိုအပ်မှုတစ်ခုဖြစ် သော ကျန်းမာရေးကဏ္ဍနှင့် ပညာရေးကဏ္ဍနှစ်ခုအား မြင့်တင်ရန်ရည်ရွယ်ချက်ဖြင့် ပထမဦးစွာ ဆေးပညာရပ်အား သင်ကြားနေသော ဆရာဝန်လောင်းများအတွက် ပထမဦးဆုံး အစီအစဉ်တစ်ခုပြုလုပ်ခဲ့သည်။ ယင်းအစီအစဉ်မှာ ဆေးပညာရေးထူးချွန်ဆု (Medical Student Scholarships) ပေးမည့်အစီအစဉ်ပင် ဖြစ်သည်။ ယင်းကဲ့သို့ ဆေးပညာ ရေးထူးချွန်ဆု (Medical Student Scholarships) အား တက္ကသိုလ် ဝင်တန်းအား ကိုယ့်ဒူးကိုယ်ချွန် ကြိုးစားအောင်မြင်ခဲ့ပြီး ဆေးတက္ကသိုလ်သို့ တက်ရောက်ချိန်တွင်လည်း ကိုယ့်ဒူးကိုယ်ချွန်ဖြင့် ပညာရေး အား အပတ်တကုတ်ကြိုးစားလျှက် မိဘဆွေမျိုးများအား တစ်ဖက်တစ်လမ်းမှ ကူညီပံ့ပိုးနေကြသော ဆေးတက္ကသိုလ်ကျောင်းသား/သူများ အား နှစ်စဉ်နှစ်တိုင်း တစ်နှစ်တစ်တန်း အောင်မြင်နေသ၍ နာရေးကူညီမှုအသင်း (ရန်ကုန်) မှ ဆေးပညာရေးထူးချွန်ဆုကို ဘွဲ့ရသည်အထိ ဂုဏ်ပြုချီးမြှင့်သွားမည်ဖြစ်သည်။

ထိုသို့ ဆေးပညာရေး ထူးချွန်ဆုကို ယခု ၂၀၁၂ ခုနှစ် ပထမအကြိမ် ဂုဏ်ပြုချီးမြှင့်ပွဲတွင် ရန်ကုန်ဆေးတက္ကသိုလ် (၂)၊ မကွေးဆေးတက္က သိုလ်များသို့ တက်ရောက်နေကြသော ကျောင်းသား/သူ (၁၁) ဦးတို့အား ချီးမြှင့်ပေးခဲ့သည်။ ရန်ကုန်ဆေးတက္ကသိုလ် (၂) တွင် ဆေးပညာ သင်ကြားနေသော ကျောင်းသား/သူများအား ဂုဏ်ပြုချီးမြှင့်ငွေ တစ်သိန်းခွဲနှင့် မကွေးဆေးတက္ကသိုလ်တွင် ဆေးပညာသင်ကြားနေသော ကျောင်းသား/သူများအား ဂုဏ်ပြုချီးမြှင့်ငွေ နှစ်သိန်းကျပ်တို့အား ပထမနှစ်ဝက်အတွက် ပညာသင်ဂုဏ်ပြုချီးမြှင့်ငွေအဖြစ် ပေးအပ်ဂုဏ်ပြုခဲ့ သည်။

ထပ်မံ၍လည်း ဘုန်းတော်ကြီးသင်ပညာရေးကျောင်း (ဘ/က)၊ ပရဟိတစာသင်ကျောင်းများတွင် ပညာသင်ကြားပေးနေသော ဆရာ/မများအတွက်လည်း ဂုဏ်ပြုလစာငွေများအား ချီးမြှင့်ပေးရန် ဆောင်ရွက်နေပြီဖြစ်သည်။ ဘ/ကကျောင်းများနှင့် ပရဟိတစာသင်ကျောင်းများ တွင် ပညာသင်ကြားပေး လျှက်ရှိသော ဆရာ/မများသည် ပရဟိတပညာရေးကျောင်းများမှ ချီးမြှင့်ပေးသော ပညာဒါနအလှူငွေ (လစာ)များသည်လည်း မိမိတို့ဘဝရပ်တည်ရေးအတွက် နည်းပါးနေခြင်းတို့ကြောင့် ပြင်ပအချိန်များတွင် ကျူရှင်များ၊ ဝိုင်းများသင်ကြားမှုဖြင့် ရပ် တည်မှုကို ရှာဖွေနေရသည့်အတွက် ဘ/ကကျောင်းများ၊ ပရဟိတ စာသင်ကျောင်းများတွင် ကလေးသူငယ်များအား ပညာသင်ကြားရာတွင် နောက်ဆံတင်းခြင်း၊ ပညာရေး အား ပြည့်ဝစွာမသင်ကြားပေးနိုင်ခြင်းတို့ဖြစ်ပေါ်နေသောကြောင့် ယခုကဲ့သို့ နာရေးကူညီမှုအသင်း (ရန်ကုန်)မှ နောင်တိုင်းပြည်၏ အနာဂတ်လူငယ်များအတွက် အဓိကကျသော ပညာရေးကဏ္ဍအား မြှင့်တင်ပေးလိုသောဆန္ဒဖြင့်လည်းကောင်း၊ ပညာသင်ကြားနေ သော ဆရာ/မများအတွက်လည်း ပညာသင်ဂုဏ်ပြု ငွေများချီးမြှင့်ပေးလိုခြင်းကြောင့်လည်းကောင်း၊ မြန်မာပြည်အရပ်ရပ်ရှိ ပညာဒါန ပရဟိတကျောင်းများမှ ပညာသင်ကြားပေးနေသော ဆရာ/မများအား စိစစ်၍ ဂုဏ်ပြုငွေများ ချီးမြှင့်သွားမည်ဖြစ်ပါသည်။

ထိုသို့ ဆေးပညာရေးထူးချွန်ဆု (Medical Student Scholarships) ရရှိကြသည့် ဆေးကျောင်းသူ/ သားများအား နာရေးကူညီမှု အသင်း (ရန်ကုန်) အနေဖြင့် ချုပ်ချယ်ကန့်သတ်မှုများမပြုလုပ်ပဲ မိမိတို့တတ်မြောက်လာကြမည့် ဆေးပညာဒေါက်တာဘွဲ့များဖြင့် ပရဟိတစိတ်ဓါတ် အခြေခံပြီး မိဘပြည်သူအပေါင်းတို့အား အလုပ်အကျွေးပြုကြပါရန်နှင့် မိမိတို့တာဝန်ကျရာ နေရာဒေသများတွင်လည်း အများပြည်သူတို့၏ ကျန်းမာရေးအတွက် အစွမ်းကုန်ကုသပေးနိုင်ရန် တိုက်တွန်းနှိုးဆော်မှုကို ပြုလုပ်ခဲ့ပါသည်။

မြန်မာနိုင်ငံတွင် အာမခံချက်ရှိသည့် ပညာရေးကဏ္ဍတစ်ရပ်ဖြစ်လာရန်အတွက်လည်းကောင်း၊ အများပြည်သူ ကျန်းမာရေးအတွက် အုတ် မြစ်ခိုင်မာသော ဆေးပညာရပ်အား တည်ဆောက်နိုင်ရေး၊ ပရဟိတစိတ်ဓါတ်ရှိသော ဆေးပညာရှင်များပေါ်ပေါက်လာရေးတို့အတွက် ကျွန် တော်တို့ နာရေးကူညီမှုအသင်း (ရန်ကုန်) နှင့် အတူ ပြည်တွင်း/ပ အလှူရှင်များအားလုံးမှ ဝိုင်းဝန်းကြိုးစားပံ့ပိုးပေးသွားကြမည် ဖြစ်တော့ သည်။

ဆွေးနွေးပွဲ ပြန်စရန် KIO ကမ်းလှမ်း

By featured, သန်းထိုက်ဦး on April 30, ဧရာဝတီ

ကချင် လွတ်လပ်ရေးအဖွဲ့ (KIO) နှင့် မြန်မာ အစိုးရတပ်များအကြား စစ်ရေးတင်းမာနေစဉ် အပစ်အခတ် ရပ်စဲရေးအတွက် ထပ်မံ တွေ့ဆုံဆွေးနွေးရန် KIO ဘက်က ပြန်လည် ကမ်းလှမ်းလိုက်သည်။

နှစ်ဖက် ကိုယ်စားလှယ်များ သွားရောက်နိုင်မည့် ကချင်ပြည်နယ် လွယ်ဂျယ်မြို့နယ်ခွဲရှိ ပရန်ငေါန်ကျေးရွာတွင် တွေ့ဆုံရန် အစိုးရ ပြည်ထောင်စုအဆင့် ငြိမ်းချမ်းရေး ဖော်ဆောင်ရေးအဖွဲ့ ခေါင်းဆောင်တဦးဖြစ်သည့် ဦးအောင်သောင်းထံ စာရေးပို့လိုက်ကြောင်း KIO တွဲဖက် အတွင်းရေးမှူး ဦးလနန်က ဧရာဝတီသို့ ပြောသည်။

ယခုလ ၂၀ ရက်နေ့ကလည်း အစိုးရက မြစ်ကြီးနားမြို့ပေါ်နှင့် ဗန်မော်မြို့နယ်တို့တွင် တွေ့ဆုံဆွေးနွေးရန် ကမ်းလှမ်းထားပြီး KIO ဘက်က စစ်ရေး တင်းမာနေချိန် အတောအတွင်း ထိုနေရာများ၌ တွေ့ဆုံးဆွေးနွေးရန် အဆင်မပြေနိုင်ကြောင်း ပြန်လည်အကြောင်းကြားခဲ့သည်ဟု ၎င်းက ဆိုသည်။

“စစ်ရေးအရှိန်က ပြင်းထန်နေတဲ့အချိန်မှာ အဲဒီမှာ သွားပြီတော့ ဆွေးနွေးဖို့ မဖြစ်နိုင်ဘူးလို့ အကြောင်းပြန်ထားတယ်။ သူတို့ ပြည်တွင်းတနေရာမှာ ပြောဆိုထားတဲ့အတွက်ကြောင့်မို့ ကျနော်တို့ဘက်က အဆိုပြုထားတဲ့ လွယ်ဂျယ်မြို့နယ်အထဲက ပရန်ငေါန်ကျေးရွာကို ရွေးချယ်လိုက်တယ်” ဟု ဦးလနန်က ဆက်ပြောသည်။

အစိုးရအနေဖြင့် လက်ခံတွေ့ဆုံမည်ဆိုပါက KIO ဘက်က အဓိက နှစ်ဖက်တင်းမာနေသော စစ်ရေးကိစ္စများကို ဆွေးနွေးရန် စီစဉ်ထားကြောင်း ၎င်းက ဆိုသည်။ သို့သော် KIO ဘက်က ကမ်းလှမ်းထားသည့် စာနှင့်ပတ်သက်၍ အစိုးရ ငြိမ်းချမ်းရေးအဖွဲ့က ယနေ့အထိ အကြောင်း ပြန်ကြားခြင်း မရှိသေးပေ။

စစ်ရေးတင်းမာမှုကြောင့် KIO နှင့် အစိုးရတပ်အကြား တိုက်ပွဲများ ဆက်တိုက်ဖြစ်ပွားနေပြီး ဧပြီလဆန်းပိုင်းမှ ယနေ့အထိ ကချင်ပြည်နယ်အတွင်း တိုက်ပွဲပေါင်း အကြိမ် ၁၃၀ ခန့် ရှိ်ပြီဖြစ်ကြောင်း ဦးလနန်က ပြောသည်။

လတ်တလော တိုက်ပွဲများသည် လိုင်ဇာဌာနချုပ် ဒေသအတွင်း ဖြစ်ပွားလျက်ရှိပြီး အစိုးရတပ်များကလည်း အဝေးပစ် ၁၂၀ နှင့် ၈၀ မမ လက်နက်ကြီးများ အသုံးပြု၍ ၀ိုင်းထားကြောင်း၊ KIO ဘက်ကလည်း ပြင်ဆင်မှုများ ပြုလုပ်ထားကြောင်း ၎င်းက ဆိုသည်။

ဧပြီ ၂၈ ရက်နေ့က ကချင်ပြည်နယ် ပန်ဝါဒေသတွင် KIO နှင့် ဦးဇခုန်တိန်ယိန်း ခေါင်းဆောင်သော ကချင်ပြည်သစ် တပ်မတော် (NDAK) တပ်ဖွဲ့ဝင်တချို့နှင့် တိုက်ပွဲများ ဖြစ်ပွားခဲ့ကြောင်း သိရသည်။ NDAK သည် စစ်အစိုးရ၏ နယ်ခြားစောင့်တပ်ဖွဲ့ ဖွဲ့စည်းရေးကို လက်ခံထားသော အဖွဲ့ဖြစ်သည်။

ပြည်ထောင်စု ငြိမ်းချမ်းရေး ဖော်ဆောင်ရေးအဖွဲ့ ခေါင်းဆောင်တဦးဖြစ်သည့် မီးရထားဝန်ကြီး ဦးအောင်မင်းကမူ KIO လိုင်ဇာဌာနချုပ်ကို သိမ်းပိုက်ရန် လုံးဝ အစီအစဉ်မရှိကြောင်း ယမန်နေ့က နေပြည်တော်၌ သတင်းထောက်များနှင့် တွေ့ဆုံစဉ် ပြောကြားခဲ့သည်။

ယနေ့ထုတ် အစိုးရသတင်းစာများတွင် မန္တလေး-မြစ်ကြီးနား ပြေးဆွဲသည့် အထူး အိပ်စင်ရထား ယမန်နေ့ နံနက်ပိုင်းက အတွဲ ၈ တွဲ လမ်းချော်၍ လူ ၂ ဦး ထိခိုက်ရရှိသည့် မိုင်းခွဲမှုသည် ကချင်လွတ်လပ်ရေး တပ်မတော် (KIA) လက်ချက်ဖြစ်ကြောင်း ဖော်ပြထားသည်။ ယင်းကိစ္စနှင့် ပတ်သက်၍ KIA က ၎င်းတို့ တပ်ဖွဲ့ဝင်များ၏ လက်ချက်မဟုတ်ကြောင်း ငြင်းဆိုသည်။

KIO သည် ၁၉၉၄ ခုနှစ်တွင် အစိုးရနှင့် အပစ်အခတ်ရပ်စဲရေး လက်မှတ်ထိုးထားသည့် တိုင်းရင်းသား လက်နက်ကိုင် အဖွဲ့ဖြစ်ပြီး ၂၀၁၁ ခုနှစ် ဇွန်လတွင် တိုက်ပွဲများ ပြန်လည် ဖြစ်ပွားခဲ့ပြီးနောက် အပစ်အခတ် ရပ်စဲရေးလည်း ပျက်ပြားခဲ့သည်။

ယင်း တိုက်ပွဲများကြောင့် အစိုးရနှင့် KIO ကြား ငြိမ်းချမ်းရေး ပြန်လည် တည်ဆောက်ရန် ၂၀၁၁ ခုနှစ် နိုဝင်ဘာလမှ စတင်၍ ၂၀ ၁၂ ခုနှစ် မတ်လ အကြား ၃ ကြိမ်ခန့် တွေ့ဆုံခဲ့ကြသော်လည်း ရေရာသည့် သဘောတူညီချက် တစုံတရာ မရရှိသေးဘဲ ရှိနေသည်။

ငြိမ်း အဖွဲ့သစ်ကို ဒု သမ္မတ ဦးဆောင်မည်

By featured, ခင်ဦးသာ on April 30, ဧရာဝတီ

တိုင်းရင်းသားလက်နက်ကိုင် အဖွဲ့များနှင့် ငြိမ်းချမ်းရေး ဆောင်ရွက်နေသည့် ပြည်ထောင်စုငြိမ်းချမ်းရေး အဖွဲ့ကို ဒု သမ္မတ တဦး က ဦးဆောင်၍ အသစ်ပြန်လည် ဖွဲ့စည်းသွားမည်ဟု သိရသည်။

ဇန်န၀ါရီလက ကရင်ပြည်နယ်၊ ဘားအံမြို့ ဆွေးနွေးပွဲ ကာလအတွင်း တွေ့ရသော မီးရထားဝန်ကြီး ဦးအောင်မင်းနှင့် KNU စစ်ဦးစီးချုပ် ဗိုလ်ချုပ်ကြီး မူတူးဆေးဖိုး (ဓာတ်ပုံ - ဧရာဝတီ)

“ငြိမ်းချမ်းရေးအဖွဲ့သစ်ကို ဒု သမ္မတ တဦး က ဦးဆောင်သွားမှာပါ၊ ၀န်ကြီးတွေလည်းပါမယ်၊ အဖွဲ့ဝင်တွေ အမည်ကို တရား

ဝင်ကြေညာသွားဖို့ ရှိပါတယ်၊ မကြာမီဖွဲ့စည်းသွားမှာပါ”ဟု မီးရထားဝန်ကြီး ဦးအောင်မင်း၏ ပြောခွင့်ရသူ ဦးစိုးမိုးအောင် က ဧရာဝတီ ကို ပြောသည်။

ဒု သမ္မတ နှစ်ဦးအနက် စစ်တပ်ကိုယ်စားလှယ်အဖြစ် တင်မြှောက်ထားသူ ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီ(ကြံ့ခိုင် ရေး ပါတီ) ကိုယ်စားလှယ် ဦးတင်အောင်မြင့်ဦးနှင့် ကြံ့ခိုင်ရေးပါတီမှ ရှမ်းပြည်နယ်ကိုယ်စားလှယ်အဖြစ် ရွေးကောက်တင်မြှောက် ခံရသူ ဒေါက်တာ စိုင်းမောက်ခမ်းတို့ နှစ်ဦး ရှိသော်လည်း အတိအကျ ပြောဆိုခြင်း မရှိပေ။

အသစ်ဖွဲ့စည်းမည့် ငြိမ်းချမ်းရေးအဖွဲ့၌ ဒု သမ္မတ နှင့်အစိုးရအဖွဲ့ဝန်ကြီးများ အပြင် လွှတ်တော်ကိုယ်စားလှယ်များ၊ စစ်တပ် အရာရှိ များ၊ ပြည်နယ်၊ တိုင်း ၀န်ကြီးချုပ်များလည်း ပါဝင်မည် ဖြစ်ကြောင်း သိရသည်။

ထိုသို့ ဖွဲ့စည်းရခြင်းမှာ လက်နက် ကိုင်တပ်ဖွဲ့များနှင့်ဆွေးနွေးရာ၌ အဖွဲ့တခုတည်းအနေဖြင့် ဆွေးနွေးလိုသည့်အတွက်ဟု ၀န်ကြီး ဦးအောင်မင်း က မီဒီယာများနှင့်နေပြည်တော်၌ ယမန်နေ့က တွေ့ဆုံရာတွင် ပြောဆိုခဲ့ခြင်းဖြစ်သည်။

လက်ရှိတွင် ဦးအောင်မင်းခေါင်းဆောင်သည့် ပြည်ထောင်စုအဆင့် ငြိမ်းချမ်းရေး ဖော်ဆောင်ရေးအဖွဲ့နှင့် ဦးအောင်သောင်း ဦးဆောင်သည့် ငြိမ်းချမ်းရေးအဖွဲ့ဟူ၍ နှစ်ဖွဲ့ရှိပြီး ယင်းအဖွဲ့များတွင် ၀န်ကြီးများ၊ ကြံ့ခိုင်ရေး ပါတီ၏ ထိပ်ပိုင်း ခေါင်းဆောင်များ၊ စစ်တပ် အရာ ရှိများ၊ စစ်တပ် အငြိမ်းစားပုဂ္ဂိုလ်များ၊ စီးပွားရေး လုပ်ငန်းရှင်များနှင့် NGO အဖွဲ့တချို့မှ ပုဂ္ဂိုလ်များဖြင့် ဦးသိန်းစိန် အစိုးရလက်ထက်၌ ဖွဲ့စည်းထားသည်။ အဖွဲ့သစ်၌ အဖွဲ့ဝင်ဟောင်းများ ပါမပါကိုမူ မသိရသေးပေ။

ဦးအောင်မင်း ကိုယ်စားလှယ်အဖွဲ့အနေဖြင့် အဖွဲ့အစည်းအများစုနှင့်ဆွေးနွေး၍ အပတ်အခတ်ရပ်စဲရေးသဘောတူညီမှု ရယူနိုင် ခဲ့ပြီး၊ ဦးအောင်သောင်း သည် KIA ၊ DKBA အဖွဲ့များနှင့် ဆွေးနွေးပွဲများ ပြုလုပ်ခဲ့သည်။ တိုင်းရင်းသား လက်နက်ကိုင် အဖွဲ့များသည် ၎င်းတို့ နှစ်ဦး အနက် သဘောထား ပျော့ပြောင်းသည့် ဦးအောင်မင်း ကို ပိုမို သဘောကျကြောင်း သိရသည်။

ပြည်ထောင်စုအဆင့် ငြိမ်းချမ်းရေးဖော်ဆောင်ရေးအဖွဲ့အား တခုတည်းအဖြစ်ထားရှိရေးကို တိုင်းရင်းသားလူမျိုးများ ဖက်ဒ ရယ် ကောင်စီ(NUFC) ကလည်း တောင်းဆိုခဲ့ကြောင်း၊ အဖွဲ့ နှစ်ဖွဲ့ ထားရှိသည့်အတွက် လုပ်ပိုင်ခွင့် အာဏာ ကွဲပြားမှုနှင့် ပတ်သက် ၍ ဦးအောင်မင်းကို မေးမြန်းခဲ့ကြောင်း UNFC ၏ အတွင်းရေးမှူး နိုင်ဟံသာ က ဧရာဝတီ ကို ပြောသည်။

“လုပ်ပိုင်ခွင့် အာဏာကတော့ အတူတူပါပဲ၊ လက်နက်ကိုင်တပ်တွေ များတာရယ်၊ နောက်တခုက နီးစပ်ရာ၊ နီးစပ်ရာတွေ ရှိတဲ့ အတွက် အဖွဲ့ခွဲ လုပ်တာလို့ ဦးအောင်မင်း က ဖြေဆိုခဲ့ပါတယ်၊ ဒု သမ္မတ တဦးပါမယ်ဆိုတော့ ဒေါက်တာ စိုင်းမောက်ခမ်း ဆိုရင် ပိုကောင်းပါလိမ့်မယ်”ဟု မွန်ပြည်သစ်ပါတီ၏ အတွင်းရေးမှူးလည်း ဖြစ်သူ နိုင်ဟံသာ က ဆိုသည်။

တိုင်းရင်းသားလက်နက်ကိုင် အဖွဲ့ ၁၁ ဖွဲ့ ရှိသည့်အနက် ၁၀ ဖွဲ့နှင့်ငြိမ်းချမ်းရေးဆွေးနွေးမှု လုပ်ဆောင်ပြီးကြောင်း၊ ကချင်ပြည် လွတ်မြောက်ရေး တပ်မတော်(KIA) တဖွဲ့သာ ကျန်ရှိတော့ကြောင်း ဦးအောင်မင်းက သတင်းထောက်များကို ပြောဆိုခဲ့သည်။

ကရင်အမျိုးသား အစည်းအရုံးအစည်းအရုံး(KNU) အပါအ၀င် မွန်၊ ရခိုင်၊ ချင်း၊ ကရင်နီ၊ ရှမ်း စသည့် တိုင်းရင်းသား လက်နက် ကိုင် တပ်ဖွဲ့ ၁၀ ဖွဲ့နှင့်ငြိမ်းချမ်းရေးဆွေးနွေးမှု ပဏာမအဆင့် ပြီးစီးထားပြီး ဖြစ်သည်။

ဦးအောင်သောင်း ခေါင်းဆောင်သော ငြိမ်းချမ်းရေးအဖွဲ့ နှင့် KIA အဖွဲ့ တို့သည် တရုတ်နိုင်ငံ၊ ရွှေလီမြို့၌ သုံးကြိမ်တိုင်ဆွေးနွေး ခဲ့သော်လည်း အောင်မြင်မှုမရရှိသေးဘဲ တိုက်ပွဲငယ်များ နေ့စဉ် ဖြစ်ပွားနေပြီး KIA ဗဟိုဌာနများ အခြေစိုက်ရာ ပန်ဝါ၊ လိုင်ဇာ စသည့် ဒေသတို့ကိုလည်း အစိုးရစစ်တပ်မှ ၀န်းရံထားကာ စစ်ရေးတင်းမာမှုများရှိနေကြောင်း KIA ပြောခွင့်ရသူ ဦးလာနန် က ဧရာဝတီ ကို ပြောသည်။

“အစိုးရဘက်က စစ်အင်အားတိုးချဲ့လာတဲ့အတွက် ကျနော်တို့ဘက်ကလည်းပဲ စစ်ရေး တပ်လှန့်မှု လုပ်ထားတယ်”ဟု ဦးလာ နန် က ဆိုသည်။ ငြိမ်းချမ်းရေး ထပ်မံဆွေးနွေးရန် အစိုးရထံ ကမ်းလှမ်းထားကြောင်းလည်း ၎င်းက ဆက်ပြောသည်။

သမ္မတ ဦးသိန်းစိန်ကမူ KIA တပ်များအား ထိုးစစ်ဆင်ခြင်း၊ စတင်တိုက်ခိုက်ခြင်းတို့ကို မလုပ်ဆောင်ရန်ပြောဆို၍ ငြိမ်းချမ်းရေး ဖော်ဆောင်နေသည့်တိုင် စစ်တပ်က ထိုးစစ်ဆင် တိုက်ခိုက်နေခြင်းကို သံသယဖြစ်မိကြောင်း နိုင်ဟံသာ က ဆိုသည်။

၎င်းက“တဘက်က နိုင်ငံရေးအရ စိတ်ဓာတ် စစ်ဆင်ရေးလုပ်နေပြီး တဘက်က တိုက်ခိုက်နေတာဟာ စစ်ရေးအရ အသာစီး ရအောင် လုပ်နေတယ်လို့ ယူဆပါတယ်”ဟု ဆိုသည်။

ငြိမ်းချမ်းရေးအဖွဲ့အား ပြောင်းလဲပြင်ဆင် ဖွဲ့စည်းသကဲ့သို့ အစိုးရအဖွဲ့တွင်လည်း သဘောထားတင်းမာသည့် ၀န်ကြီးတချို့အပြောင်း အလဲလုပ်မည်ဟု သတင်းများထွက်ပေါ်နေခြင်းနှင့်ပတ်သက်၍ ယမန်နေ့က သတင်းစာရှင်းလင်းပွဲ၌ သတင်းထောက်များက မေးမြန်းရာ ဒီမိုကရေစီ သဘောတရား၌ အပြောင်းအလဲများ လုပ်ဆောင်လေ့ရှိကြောင်း စက်မှုဝန်ကြီး ဦးစိုးသိန်းက ဖြေ ဆိုခဲ့သည်။

လက်ရှိအစိုးရအဖွဲ့၌ သဘောထားတင်းမာသည်ဟု လူသိများသည့် ပြန်ကြားရေးနှင့် ယဉ်ကျေးမှု ၀န်ကြီး ဦးကျော်ဆန်း၊ အမှတ် (၁) လျှပ်စစ်ဝန်ကြီး ဦးဇော်မင်း၊ အားကစားနှင့် ဟိုတယ်ဝန်ကြီး ဦးတင့်ဆန်းနှင့် စီးပွား ကူသန်း ၀န်ကြီး ဦးဝင်မြင့်တို့ဖြစ်ကြောင်း သတင်းများ ထွက်ပေါ်လျက် ရှိသည်။

အဆိုပါ သတင်းစာရှင်းလင်းပွဲသို့ ဦးအောင်မင်း၊ ဦးစိုးသိန်း နှင့် လူဝင်မှုကြီးကြပ်ရေး ၀န်ကြီး ဦးခင်ရီတို့ တက်ရောက်ကြသည်။

ကိုဖြိုးဝေအောင် အရေးပေါ် ဆေးကုသရန် လိုအပ်

By featured, ဇာနည်မာန် on April 30, ဧရာဝတီ

၂၀၁၀ ပြည့်နှစ် သင်္ကြန်ကာလ ရန်ကုန်မြို့ရှိ X2O သင်္ကြန်မဏ္ဍပ် ဗုံးကွဲမှုတွင် သံသယဖြင့် ဖမ်းဆီးခံထားရသည့် ကိုဖြိုးဝေအောင်သည် နာမကျန်းဖြစ်နေသောကြောင့် ဆေးကုသရန် အရေးတကြီး လိုအပ်နေကြောင်း သူ၏ မိသားစုက ပြောသည်။

၂၀၁၀ သင်္ကြန် အကြတ်နေ့က ဗုံးပေါက်ကွဲပြီး နောက်တရက် သင်္ကြန်အတက်နေ့တွင် ခြောက်သွေ့စွာ ရေကစားနေသည့် X2O မဏ္ဍပ်ကို မြင်တွေ့ရစဉ် (ဓာတ်ပုံ - ဧရာဝတီ)

“ခါးကျည်းပေါင်းတက် နေတာအပြင် အခုက အသည်းကြီးနေတယ်။ ပြီးတော့ အသည်းက အင်ဇိုင်းဓာတ်နှစ်ခုကလည်း တက်နေတယ်လို့ ပြောတယ်။ အဲဒါကြောင့် အခု ထိုင်ကို မထိုင်နိုင်ဘဲ မှောက်ခုံကြီးပဲ နေနေရတယ်။ အထူးကုနဲ့ ပြရမှာကို ကျမတို့ စာတွေ တင်ထားပေမယ့် အခုအထိ ထောင်ထဲကိုလည်း ဆရာဝန် ခေါ်မပြပေးဘူး၊ အပြင်ထွက် ဆေးကုခွင့်လည်း မပေးသေးဘူး။ ထောင်ပိုင်ကလည်း ဒီကိစ္စကို မပြောနိုင်ဘူးလို့ ပြောနေတယ်” ဟု ကိုဖြိုးဝေအောင်၏ ဇနီးဖြစ်သူ မဌေးဌေးက ပြောသည်။

ထိုသို့ဖြစ်နေသည်မှာ တလနီးပါးကြာပြီဖြစ်ပြီး ထောင်အာဏာပိုင်များထံ တင်ပြသော်လည်း ထောင်တွင်းဆရာဝန်နှင့်သာ ကုသပေးနေသောကြောင့် မိသားစုအနေဖြင့် ပြင်ပဆေးရုံတွင် အထူးကုဆရာဝန်များနှင့် ကုသလိုသည်ဟု သူကဆိုသည်။

“ပြီးခဲ့တဲ့ ၁၈ ရက်နေ့က အပြင်ဆေးရုံက ဆရာဝန်က အယ်လ်ထရာဆောင်း (Ultrasound) လာရိုက်တာမှာ ထောင်ဆေးရုံက အယ်လ်ထရာဆောင်းစက်က မကောင်းလို့ ဒီလူနာအတွက် အဖြေသေချာ မပေးနိုင်ဘူးဖြစ်နေတော့ ကုသမှု မှားမှာစိုးတယ်တဲ့။ အသည်းမှာ အနာလိုလို အကြိတ်လိုလိုတော့ တွေ့နေတယ်လို့ ဆရာဝန်က ပြောသွားတယ်တဲ့။ ပြီးတော့ အပြင်လုံးဝ ထုတ်လို့မရဘူးဆိုတာ ဒီလူနာလားလို့ ဆရာဝန်က မေးတယ်လို့ ကိုဖြိုးဝေအောင်က ပြောပြတယ်” ဟု ဇနီးဖြစ်သူက ပြောသည်။

ဧပြီ ၂၆ ရက်နေ့က ရုံးချိန်းထွက်ချိန်တွင်လည်း မကျန်းမာသောကြောင့် တရားသူကြီး၏ ခွင့်ပြုချက်ဖြင့် တခြားအခန်းတခုတွင် လှဲလျောင်းနေခဲ့ရသည်ဟု သိရသည်။

ကိုဖြိုးဝေအောင်၏ အမှုကို လာမည့် မေလ ၈ ရက်နေ့တွင် အပြီးသတ် စီရင်ချက်ချမည်ဟု သိရကြောင်း၊ ဆေးကုသခွင့်မရဘဲ အမှုစီရင်ချက်ချ၍ နယ်ဝေးထောင်များသို့ ပို့လိုက်မည်ကို စိုးရိမ်ကြောင်း ဇနီးဖြစ်သူက ပြောသည်။

လူ ၁၀ ဦးကျော် သေဆုံး၍ ၁၀၀ ကျော် ထိခိုက်ဒဏ်ရာရခဲ့သော X2O သင်္ကြန်မဏ္ဍပ် ဗုံးပေါက်ကွဲမှုတွင် ပါဝင်သည်ဆိုသည့် သံသယဖြင့် အင်ဂျင်နီယာတဦးဖြစ်သူ ကိုဖြိုးဝေအောင်ကို ထိန်းသိမ်းထားခဲ့ပြီး အင်းစိန်ထောင်တွင်း တရားရုံးတွင် လူသေစေမှု၊ ဖောက်ခွဲမှု စသည့် ပုဒ်မများဖြင့် တရားစွဲဆိုထားသည်။

ဒေါ်အောင်ဆန်းစုကြည် ကျမ်းကျိန်မည်

By featured, အောင်သက်ဝိုင်း on April 30, ဧရာဝတီ

အမျိုးသား ဒီမိုကရေစီ အဖွဲ့ချုပ် (NLD)ဥက္ကဋ္ဌ ဒေါ်အောင်ဆန်း စုကြည် က ပြည်သူများ၏ ဆန္ဒနှင့် တိုင်းရင်းသား မဟာမိတ်ပါတီများ၏ မေတ္တာရပ်ခံချက်အား အလေးထားသောအားဖြင့် ကျမ်းကျိန်လွှာကို ပြင်ဆင်ပေးခြင်း မရှိသော်လည်း လွှတ်တော် ကိုယ်စားလှယ် အဖြစ် မေ၂ ရက်နေ့တွင် ကျမ်းကျိန်သွားမည်ဖြစ်ကြောင်း ယနေ့ပြောဆိုလိုက်သည်။

ရန်ကုန်မြို့ NLD ရုံးချုပ်၌ ယနေ့ ကျင်းပသော သတင်းစာရှင်းလင်းပွဲတွင် ရှင်းလင်း ပြောကြားနေသော ဒေါ်အောင်ဆန်းစုကြည် (ဓာတ်ပုံ - Reuters)

ရန်ကုန်မြို့ရှိ NLD ရုံးချုပ်တွင် ကျင်းပသော ဗဟိုအလုပ်အမှုဆောင်အဖွဲ့၏ အစည်းအဝေးအပြီး ပြုလုပ်သည့် သတင်းစာရှင်းလင်းပွဲတွင် ထိုသို့ ပြောဆိုလိုက်ခြင်း ဖြစ်သည်။

“အစတုန်းကတော့ ကာကွယ်စောင့်ရှောက်မယ့်စကားလုံးကို လက်မခံဘူး၊ အခုဘာကြောင့် လက်ခံလဲဆိုတော့ လက်ခံရတဲ့အကြောင်း အရင်းက အကြမ်းဖျင်းကတော့ နံပါတ်တစ် ပြည်သူလူထုရဲ့ ဆန္ဒ၊ ကျမတို့ကို မဲဆန္ဒရှင်များက မဲပေးခဲ့တဲ့ ပြည်သူလူထု က ကျမတို့ လွှတ်တော်ထဲရောက်သွားတာကို အင်မတန်မှမြင်ချင်ကြတယ်။ ကျမတို့ရဲ့ မဟာမိတ်တွေဖြစ်တဲ့ တိုင်းရင်းသားတွေက လည်း အင်မတန်မှကို လိုလိုလားလားနဲ့ လွှတ်တော်ထဲကနေ အတူတကွ ပြောင်းလဲဖို့ လုပ်ဆောင်ချင်ပါတယ်ဆိုပြီးတော့ ပြော ထားတဲ့ မေတ္တာရပ်ခံချက်ကိုလည်း အလေးထားတယ်”ဟု ဒေါ်အောင်ဆန်းစုကြည်က ပြောသည်။

သမ္မတ ဦးသိန်းစိန်နှင့်တွေ့ဆုံခဲ့စဉ် ရွေးကောက်ပွဲဥပဒေနှင့် နိုင်ငံရေးပါတီဥပဒေများ ပြင်ဆင်ရန် ပြောဆိုသည့်အခါ ကျမ်းကျိန်လွှာ ကိစ္စကို လစ်ဟင်းသွားခဲ့ကြောင်း၊ ယင်းသို့ လစ်ဟင်းမှုကို မိမိ တာဝန်ယူကြောင်း၊ လစ်ဟင်းမှုကြောင့် ပြည်သူများ၏ဆန္ဒနှင့်

တိုင်းရင်းသား မဟာမိတ်ပါတီများ၏ ဆန္ဒကို မထိပါးလိုကြောင်းလည်း ဒေါ်အောင်ဆန်းစုကြည်က ရှင်းပြသည်။

“ကျမတို့ ရွေးကောက်ပွဲဥပဒေနဲ့ ပါတီမှတ်ပုံတင်ဥပဒေပြင်ဆင်ဖို့ ဆွေးနွေးတုန်းက သမ္မတကြီးကနေ လိုက်လျောခဲ့တာကိုလည်း မမေ့ပါဘူး။ ပါတီမှတ်ပုံတင် ဥပဒေနဲ့ ရွေးကောက်ပွဲဥပဒေတွေမှာ စာသားတွေပြင်ဖို့ပြောတုန်းက တချိန်တည်းမှာ ဇယားထဲမှာပါတဲ့ ကျမ်းကျိန်စာသားကိစ္စကို ကိုင်တွယ်ဖို့ ကျမအနေနဲ့ လစ်ဟင်းခဲ့ပါတယ်။ ဒါကို ကျမတာဝန်ယူတယ်”ဟု ဒေါ်အောင်ဆန်းစုကြည်က ပြောသည်။

ဖွဲ့စည်းပုံအခြေခံဥပဒေတွင် လစ်ဟာချက်များစွာရှိနေပြီး အဓိပ္ပာယ်ဖွင့်ဆိုချက်များသည် ရှေ့နောက် မဆီလျော်ကြောင်း၊ ယင်း မဆီလျော်မှုများနှင့် ကျမ်းကျိန်လွှာ ပြင်ဆင်ရေးကို တိုင်းရင်းသား မဟာမိတ်ပါတီများနှင့် ပူးပေါင်းဆောင်ရွက်သွားမည်ဟုလည်း ၎င်းက ဆိုသည်။

ဒေါ်အောင်ဆန်းစုကြည်က“ထောက်ပြချင်ပါတယ်။ ဖွဲ့စည်းပုံအခြေခံဥပဒေထဲမှာ တခုနဲ့တခုမဆီလျှော်တဲ့စကားလုံးတွေ အများကြီး ရှိပါတယ်။ ဖွဲ့စည်းပုံအခြေခံ ဥပဒေရဲ့စာကိုယ်ထဲမှာ သုံးထားတဲ့ အသုံးအနှုန်းတွေနဲ့ ဇယားထဲမှာ သုံးထားတဲ့ အသုံးအနှုန်းတွေ မတူပါဘူး။ နောက်ပြီးတော့ ဖွဲ့စည်းပုံအခြေခံဥပဒေနဲ့ ပတ်သက်လို့ လွှတ်တော်ကိုယ်စားလှယ်များ သုံးရတဲ့စကားလုံးနဲ့ သမ္မတကြီး ကျမ်းကျိန်တဲ့အခါမှာ သုံးရ တဲ့စကားလုံးတွေကလည်း မတူပါဘူး။ အဲဒါကြောင့်မို့လို့ ဥပဒေစိုးမိုးရေး သဘောတရားအရ ဥပဒေရဲ့ လုပ်ထုံး လုပ်နည်းအရ ပြင်ဆင် စရာတွေအများကြီးရှိတယ်ဆိုတာ ဥပဒေရှုထောင့်ကနေပြီးတော့ လေးလေးနက်နက်ပြောချင်ပါတယ်”ဟု ပြောဆို သည်။

NLD သည် ကျမ်းကျိန်လွှာကိစ္စကို နိုင်ငံရေးပြဿနာအဖြစ် တွန်းမပို့ဘဲ ဥပဒေပိုင်းဆိုင်ရာပြဿနာ အဖြစ်သာ ကိုင်တွယ်ရှုမြင်ကြောင်း၊ ထို့အပြင် နိုင်ငံရေးသဘောထားကြီးစွာဖြင့် အပေးအယူလုပ်ခြင်းကိုလည်း လက်တွေ့ပြသသည့် အနေနှင့် ယခုကဲ့သို့ ကျမ်း ကျိန်လွှာကိစ္စကို အလျှော့ပေးခြင်းဖြစ်ကြောင်းလည်း ဒေါ်အောင်ဆန်းစုကြည်က ပြောသည်။

“နိုင်ငံရေးပြဿနာဖြစ်အောင် လုပ်နေတာမဟုတ်ဘူး။ ဥပဒေကိစ္စ တခုအနေနဲ့ ကိုင်တွယ်နေတာ ။ ဒါကြောင့်မို့လို့ ကျမတို့အနေနဲ့ကတော့ တင်းမာပြီးတော့ နိုင်ငံရေးပြဿနာဖြစ်အောင် မလုပ်စေချင်လို့ ဒီနေရာမှာ လိုက်လျောမယ်ဆိုပြီးတော့ ဆုံးဖြတ်လိုက်တာ ပါ။ တချို့က ဒါကိုအလျှော့ပေးတယ်လို့ မမြင်ဘူးလားဆိုတော့ အလျှော့ပေးတယ်လို့ မြင်ရင်လည်းမြင်နိုင်ပါတယ်။ ပြည်သူ့ဆန္ဒ ကို လည်း အလျှော့ပေးတယ်။ ကျမတို့ မဟာမိတ်တွေရဲ့ဆန္ဒကို ကျမတို့အလျှော့ ပေးတယ်။ ကျမတို့က တကယ်ပဲ ပြေလည်အောင် လုပ်ပြီးတော့ ပူးပေါင်းဆောင်ရွက်ချင်တဲ့ ဆန္ဒရှိတယ်ဆိုတာကိုလည်းပဲ လက်တွေ့ကျကျ ပြောဖို့လိုပါတယ်”ဟု ဒေါ်အောင်ဆန်းစုကြည် က ဆိုသည်။

လွှတ်တော်အစည်းအဝေးများ ပြီးဆုံးပြီဖြစ်သော်လည်း လွှတ်တော်က ဒေါ်အောင်ဆန်းစုကြည်နှင့် NLD အမတ်များ ကျမ်းကျိန်နိုင် ရေး အဆင်ပြေရန် ဆောင်ရွက်ပေးမည်ဖြစ်ပြီး မေ၂ ရက်နေ့တွင် ကျမ်းကျိန်မည်ဟု သိရှိရသည်။

NLD အမတ်နှင့် ပြန်ကြားရေးတာဝန်ခံ ဦးအုန်းကြိုင်ကလည်း“မေလ၂ ရက်နေ့ ဒေါ်အောင်ဆန်းစုကြည်အပါအ၀င် NLD အမတ်တွေ အားလုံး ကျမ်းကျိန်ကြပါမယ်”ဟု ပြောသည်။

ကျမ်းကျိန်လွှာတွင် ဖွဲ့စည်းပုံအခြေခံဥပဒေကို “ထိန်းသိမ်း ကာကွယ် စောင့်ရှောက်ပါမည်”ဆိုသော အသုံးအနှုန်းအစား“လေးစား လိုက်နာ ပါမည်”ဟူသော စကားဖြင့် အစားထိုးပြောင်းလဲပေးရန် ဒေါ်အောင်ဆန်းစုကြည် နှင့် NLD က သက်ဆိုင်ရာသို့ တင်ပြ တောင်းဆို ထားသည်။

ဧပြီ ၁ ရက် ကြားဖြတ်ရွေးကောက်ပွဲ၌ မဲဆန္ဒနယ် ၄၅ နေရာ ရှိရာ NLD က ၄၄ နေရာ ၀င်ရောက်ယှဉ်ပြိုင်ပြီး ၄၃ နေရာ မဲ အပြတ် အသတ်ဖြင့် အနိုင် ရရှိခဲ့သည်။

ဂျာမန် စီးပွားရေးလုပ်ငန်းများ မြန်မာပြည် လာမည်

By featured, ဧရာဝတီ on April 30, ဧရာဝတီ

မြန်မာနိုင်ငံတွင် ဂျာမနီနိုင်ငံမှ စီးပွားရေးလုပ်ငန်းများ ရင်းနှီးမြှုပ်နှံကြရန်နှင့် မြန်မာ့စီးပွားရေး ဖွံ့ဖြိုးရေးအတွက် ပူးပေါင်းဆောင်ရွက်ရန် အသင့်ရှိနေပြီဖြစ်ကြောင်း ဂျာမနီနိုင်ငံခြားရေးဝန်ကြီး Mr. Guido Westerwelle က ပြောကြားသည်။

တက္ကသိုလ်ရိပ်သာလမ်း နေအိမ်တွင် ပြုလုပ်သော သတင်းစာရှင်းလင်းပွဲ၌ တွေ့ရသည့် ဂျာမန်နိုင်ငံခြားရေးဝန်ကြီး Mr. Guido Westerwelle နှင့် ဒေါ်အောင်ဆန်းစုကြည် (ဓာတ်ပုံ - အောင်သက်ဝိုင်း / ဧရာဝတီ)

အမျိုးသားဒီမိုကရေစီ အဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည်နှင့် တက္ကသိုလ်ရိပ်သာလမ်းနေအိမ်တွင် ယမန်နေ့ ညနေပိုင်းက တွေ့ဆုံအပြီး ကျင်းပသော သတင်းစာရှင်းလင်းပွဲ၌ ၄င်းက အထက်ပါအတိုင်း ပြောကြားခြင်းဖြစ်သည်။

“ဥရောပသမဂ္ဂအနေနဲ့ စီးပွားရေးပိတ်ဆို့မှုတွေ ဆိုင်းငံ့လိုက်တာက ဒီမိုကရေစီအရေး ပြုပြင်ဖို့၊ တရားဥပဒေ စိုးမိုးမှုတွေရှိလာဖို့ တွန်းအားပေးတာပါပဲ။ နိုင်ငံတကာ စီးပွားရေး အသိုင်းဝိုင်းရဲ့ တစိတ်တဒေသဖြစ်တဲ့ ဂျာမနီ စီးပွားရေး အသိုင်းအ၀ိုင်း အနေနဲ့ မြန်မာနိုင်ငံမှာ ရင်းနှီးမြှုပ်နှံဖို့နဲ့ ပူးပေါင်းဆောင်ရွက်ဖို့ အဆင့်သင့်ဖြစ်နေပါပြီ” ဟု Mr. Guido Westerwelle က ပြောသည်။

ဒေါ်အောင်ဆန်းစုကြည်ကမူ ဂျာမနီ စီးပွားရေး အသိုင်းအ၀ိုင်းသာမက နိုင်ငံတကာ အသိုင်းအ၀ိုင်းအနေနှင့် မြန်မာနိုင်ငံတွင် ရင်းနှီးမြှုပ်နှံမည်ဆိုပါက အဓိက အချက်နှစ်ချက်ကို လေ့လာရမည်ဟု ဆိုသည်။

“မြန်မာနိုင်ငံမှာ ရင်းနှီးမြှုပ်နှံချင်တဲ့ နိုင်ငံတကာ စီးပွားရေး အသိုင်းအ၀ိုင်းအနေနဲ့ အချက်နှစ်ချက်ကို ကြည့်သင့်တယ်လို့ ထင်ပါတယ်။ ပထမအချက်ကတော့ ရင်းနှီးမြှုပ်နှံမှု ဥပဒေပါပဲ။ လွှတ်တော်ကနေ ရင်းနှီးမြှုပ်နှံမှုဥပဒေ အတည်ပြုလိုက်ပြီလို့ သိရပါတယ်။ ဒါပေမယ့် အဲဒီအထဲမှာ ဘာတွေပါလဲဆိုတာ ကျမတို့ အတိအကျ မသိသေးပါဘူး။ ရင်းနှီးမြှုပ်နှံမှု ဥပဒေတင် မဟုတ်ဘဲ ဥပဒေစိုးမိုးမှု ဘယ်လောက်ရှိသလဲ ဆိုတာကိုလည်း နိုင်ငံတကာ စီးပွားရေးအသိုင်းအ၀ိုင်းအနေနဲ့ လေ့လာကြည့်ဖို့လည်း အရေးကြီးပါတယ်။ ဥပဒေတွေက ရှိသာရှိပြီး အကောင်အထည် မဖော်နိုင်ဘူး၊ မသက်ရောက်နိုင်ဘူးဆိုရင် လွတ်လပ်တဲ့၊ တရားမျှတဲ့ တရားစီရင်ရေးစနစ် ဖြစ်လာမှာ မဟုတ်ပါဘူး။ ဖြစ်ဖို့လည်း အထောက်အကူ မပြုနိုင်ပါဘူး။ ဒါက နိုင်ငံခြားရင်းနှီးမြုပ်နှံမှုတွေနဲ့ ပတ်သက်လို့ ကျမတို့ရဲ့ ရပ်တည်ချက်ပါပဲ” ဟု ဒေါ်အောင်ဆန်းစုကြည်က ပြောသည်။

ထို့အပြင် ရင်းနှီးမြှုပ်နှံသူများ၏ မြန်မာပြည်သူများအတွက် အကျိုးဖြစ်ထွန်းစေမည့် ရင်းနှီးမြှုပ်နှံမှုများကို ကြိုဆိုကြောင်းလည်း ဆက်လက်ပြောသည်။

မြန်မာနိုင်ငံရှိ ဖြစ်ထွန်းနေသော ပြုပြင်ပြောင်းလဲမှုများကို ထောက်ခံသည့်အနေနှင့် လာရောက်ခြင်းဖြစ်ပြီး ယင်းပြုပြင်ပြောင်းလဲများ နောက်ကြောင်းပြန်မလှည့်ပါဆိုသော အာမခံချက် မရရှိသေးကြောင်း၊ သို့သော်လည်း ဂျာမနီအနေနှင့် မြန်မာပြည်သူများအတွက် အဆင့်သင့်ရှိနေပြီး ပညာရေး၊ ကျန်းမာရေး၊ ရေ၊ လျှပ်စစ်မီးအပါအ၀င် အခြေခံလိုအပ်ချက်နှင့် အဆောက်အအုံများကို ကူညီပေးသွားလိုကြောင်း ဂျာမန်နိုင်ငံခြားရေးဝန်ကြီးက ပြောသည်။

“စဉ်ဆက်မပြတ် ပြုပြင်ပြောင်းလဲမှုတွေ လုပ်ဆောင်ဖို့ တွန်းအားပေးတဲ့အနေနဲ့ လာရောက်လာလည်းဖြစ်တယ်။ ဒါပေမယ့် ဒီစဉ်ဆက်မပြတ် ပြုပြင်ပြောင်းလဲမှုတွေ ရှိပါမယ်လို့ အာမခံချက်မျိုးတော့ မရထားပေမယ့်လည်း မြန်မာပြည်သူတွေအတွက် ဂျာမနီက အဆင်သင့် ရှိနေကြောင်း ပြောချင်ပါတယ်။ တရားဥပဒေစိုးမိုးရေး၊ ဒီမိုကရေစီနဲ့ လွတ်လပ်ခွင့် ပြုပြင်ပြောင်းလဲရေး လုပ်ဆောင်နေသူတွေကို ကျနော်တို့ အပြည့်အ၀ ထောက်ခံပါတယ်။ မြန်မာပြည်သူတွေကို ကျနော်တို့ ဘယ်လိုကူညီနိုင်မလဲ ဆိုတာအပါအ၀င် မြန်မာနိုင်ငံနဲ့ပတ်သက်တဲ့ အရေးကိစ္စ တော်တော်များများကို ဒေါ်အောင်ဆန်းစုကြည်နဲ့ တွေ့ဆုံဆွေးနွေးခဲ့ပါတယ်။ ပညာရေး၊ ကျန်းမာရေးစောင့်ရှောက်မှု အပါအ၀င် ရေ၊ မီးလို အခြေခံလိုအပ်ချက်ရှိနေတဲ့ ပြည်သူတွေကို ကျနော်တို့အနေနဲ့ ကူညီသွားဖို့ရှိပါတယ်” ဟု Mr.Guido Westerwelle က ဆိုသည်။

ထို့အပြင် ဒေါ်အောင်ဆန်းစုကြည်ကို ဂျာမနီနိုင်ငံသို့ လာရောက်လည်ပတ်ရန်လည်း ဖိတ်ကြားလိုက်ပြီး ယင်းဖိတ်ကြားချက်အပေါ် ဒေါ်အောင်ဆန်းစုကြည်က အသိအမှတ်ပြုကြောင်း၊ အနာဂတ်တွင် ဂျာမနီနိုင်ငံသို့ လာရောက်မည်ဖြစ်ကြောင်း ပြန်လည်တုံ့ပြန်ပြောဆိုသည်။

ဂျာမနီနိုင်ငံခြားရေးဝန်ကြီး၊ အီတလီနိုင်ငံခြားရေးဝန်ကြီးနှင့် ဥရောသမဂ္ဂ နိုင်ငံခြားရေးရာ မူဝါဒအကြီးအကဲ ကက်သက်ရင်း အက်ရ်ှတန်တို့သည် ယခုဧပြီလ နှောင်းပိုင်းတွင် မြန်မာနိုင်ငံသို့ သီးခြားစီ လာရောက်ခဲ့ကြသည်။ ရန်ကုန်မြို့တွင် ဥရောပသမဂ္ဂရုံးကို ဧပြီလ ၂၈ ရက်နေ့က တရားဝင်ဖွင့်လှစ်လိုက်ပြီဖြစ်သည်။

သမ္မတ၏ လက်ဆောင်အဖြစ် မွန်ပြည်သစ်ပါတီဝင် ၂ ဦးကို ပြန်လွှတ်

ဟံသာ - Yangon Press International သတင်းဌာန

ဧပြီ ၃၀၊ ၂၀၁၂ မိုးမခ

ယနေ့ ပြန်လည်လွတ်မြောက်ပြီး မိခင်ပါတီထံ လွှဲပြောင်းပေးခြင်းခံရသူ နှစ်ဦးအနက်မှ နိုင်မျိုးသွေးကို မိသားစုနှင့် ယနေ့မွန်းလွဲပိုင်း တွေ့ရစဉ် (ဓာတ်ပုံများ - Yangon Press International)

မွန်ပြည်သစ်ပါတီမှ ကျန်ရှိနေသော နိုင်ငံရေး အကျဉ်းသားနှစ်ဦးကို အစိုးရမှ ယနေ့ နံနက်က လွှတ်ငြိမ်းချမ်းသာခွင့်ပေးပြီး နေ့လည်ပိုင်းတွင် မွန်ပြည်သစ်ပါတီထံ သို့ ပြန်လည်လွှဲ အပ်ပွဲကို မော်လမြိုင်မြို့ strand ဟိုတယ် တွင် ကျင်းပခဲ့သည်။

အဆိုပါ လွှဲ ပြောင်းပွဲသို့ အစိုးရဘက်မှ ပြည်ထောင်စု ငြိမ်းချမ်းရေး ဖော်ဆောင်ရေး အဖွဲ့ဝင် အမှတ် လျှပ်စစ် စွမ်း အားဝန်ကြီး ပြည်ထောင်စုဝန်ကြီး ဦးဇော်မင်း၊မွန်ပြည်နယ် ၀န်ကြီးချုပ် ဦးအုန်းမြင့်နှင့် မွန်ပြည်သစ်ပါတီ ဥက္ကဋ္ဌ နိုင်ထောမွန် နှင့်အဖွဲ့ဝင်များ ငြိမ်းချမ်းရေး အကျိုးဆောင်များ တက်ရောက်ခဲ့ကြသည်။

“မွန်ပြည်သစ်ပါတီက အင်မတန်လိုလားနေတဲ့ နိုင်ယက္ခနဲ့နိုင်မျိုးသွေး ကို မွန်ပြည်သစ်ဥက္ကဋ္ဌ လက်ထဲကိုလွှဲ အပ်လိုက်ပါပြီ၊ ဒါက သမ္မတကြီး ရဲ့လက်ဆောင်အဖြစ်ယူဆလို့ရပါတယ်”ဟု မွန်ပြည်နယ်ဝန်ကြီးချုပ်ဦးအုန်းမြင့် အခမ်းအနားတွင် အမှာစကားပြောကြားစဉ် ထည့်သွင်းပြောဆိုသွားသည်။

ယခုလွတ်မြောက်လာသော မွန်ပြည်သစ်ပါတီမှ နိုင်ယက္ခနှင့် နိုင်မျိုးသွေး (ထောင်မှတ်တမ်းတွင် “ထွေး” ဟု မှားယွင်းထည့်သွင်းခဲ့) မှာ ဖောက်ခွဲမှုဖြင့်စွပ်စွဲ ခံရပြီး ၂၀၀၃ ခုနှစ်တွင် စတင် ဖမ်းဆီး ထောင်ချခံခဲ့ရသည်။

ကြိုးမိန့်ပေးခံ ခဲ့ရာမှ အယူခံအောင်မြင်၍ တသက်တကျွန်းအဖြစ်သို့ လွှဲ ပြောင်းကျခံခဲ့ရာမှ ၉ နှစ်အကြာ သမ္မတ၏ လွတ်ငြိမ်းချမ်းသာခွင့် ဖြင့် လွတ်မြောက်လာခြင်းခြင်းဖြစ်သည်။

နိုင်ယက္ခမှာ မွန်ပြည်သစ်ပါတီ၏ ခရိုင်စည်းရုံးရေးတာဝန်ခံအဖြစ်လည်းကောင် နိုင်မျိုးသွေးမှာ စစ်ဘက်ဆိုင် ရာတွင် ဗိုလ်ကြီးအဆင့်အဖြစ်လည်းကောင်း တာဝန် ထမ်းဆောင် ခဲ့ကြသည်။

“ကျွန်တော်တို့ လွတ်တယ် ဆိုတာ ကြိုမသိခဲ့ဘူး ဒီမနက်မှ သိရတာပါ ၊ကျွန်တော့်ကို သာယာဝတီထောင်ကနေ အင်းစိန်ထောင်ကို ပြောင်းပေးတာ သုံးရက်ရှိပြီ၊ ဂျာနယ်တွေ ဖတ်ရကတည်းက လွတ်တော့မယ် ဆိုတာတော့ သိတယ်၊ ဘယ်တော့မှန်းတော့ သေချာ မသိတာပါ” ဟု နိုင်မျိုးသွေးက ဆိုသည်။

၎င်းတို့ကို ၀န်ကြီး ဦးဇော်မင်းက ဦးဆောင်သည့်အဖွဲ့က ခေါ်ဆောင်လာခြင်းဖြစ်ပြီး နေ့လယ် တနာရီဝန်းကျင်တွင် ရန်ကုန်မှ မော်လမြိုင်သို့ ရောက်ရှိလာခြင်းဖြစ်သည်။

မွန်ပြည်သစ်မှ နိုင်ငံရေး အကျဉ်းသားနှစ်ဦးကို လွှတ်ပေးရန် အတွက် ငြိမ်းချမ်းရေးအဆင့် စတင်ဆွေးနွေးစဉ်က မွန်ပြည်သစ်ပါတီဘက်က တောင်းဆိုခဲ့ကြပြီး ပြီးခဲ့သည့် ဧပြီ ၁၁ ရက်နေ့က စတုတ္ထအကြိမ် အစိုးရနှင့်မွန်ပြည်သစ် ပါတီ ဆွေးနွေးစဉ် အဆိုပါကိစ္စကို ထပ်မံ ဆွေးနွေးခဲ့ရာ အစိုးရဘက်က လွှတ်ပေးရန် သဘောတူညီချက်ရရှိခဲ့ပြိး ၁၉ ရက်အကြာတွင် ယခုကဲ့သို့လွှတ်ပေးခဲ့ခြင်းဖြစ်သည်။

ယခုကဲ့သို့ မွန်ပြည်သစ်မှ နိုင်ငံရေးအကျဉ်းသားများ လွတ်မြောက်လာခြင်းနှင့်ပတ်သက်၍ ဥက္ကဋ္ဌ နိုင်ထောမွန်က “အပစ်ခတ်ရပ်ပြီးနောက်ပိုင်း လွှတ်ပေးမယ် လွှတ်ပေးမယ်နဲ့ အတိအကျ အချိန်မပေးနိုင်ဘူး၊ ငြိမ်းချမ်းရေးဆွေးနွေးတယ် ဆိုတာ မသေချာဘူးဆိုရင် ယုံကြည်မှုကို တည်ဆောင်တဲ့အခါမှလည်း အခက် အခဲဖြစ်တယ် ဘာပဲဖြစ်ဖြစ် ဒီကိစ္စကို အခုလို လွှတ်ပေးမယ်လို့ ဆွေးနွေးပြီး ဆယ်ရက်အတွင်း ပြန်အပ်ပေးတာ ကျွန်တော်တို့ အနေနဲ့ ၀မ်းသာပါတယ်” ဟု ဆိုသည်။

ယနေ့ လွတ်မြောက်လာသည့် နိုင်ငံရေးအကျဉ်းသားနှစ်ဦးကို မွန်ပြည်သစ်အဖွဲ့ ၀င်များ၊ မွန်အမျိုးသား ဒီမိုကရေစီပါတီမှ အဖွဲ့ ၀င်များ ငြိမ်းချမ်းရေး အကျိုးဆောင်များက သောင်းသောင်းဖျဖျကြို ဆိုခဲ့ကြသည်။ ။

ရွှေဂတ်စ်မှ ရရှိမယ့် အကျိုးရလဒ်များ

By ဦးသန်းလွင်ထွန်း VOA

ဒီတပတ် မြန်မာ့ဒီမိုကရေစီရေးရာ ဆွေးနွေးခန်းမှာ မြန်မာနိုင်ငံအစိုးရအနေနဲ့ နိုင်ငံရဲ့  အနောက်ဖက်ခြမ်း ရွှေသဘာဝဓါတ်ငွေ့တွင်းက ထွက်ရှိတဲ့ သဘာဝဓါတ်ငွေ့ ရောင်းချရငွေတွေကို ပြည်နယ်နဲ့ဒေသ ဖွံ့ဖြိုးမှုအတွက် အဓိကအသုံးပြုဖို့ဆိုတဲ့ စီမံကိန်းတွေကို လုပ်ဆောင်ထားတာကို မတွေ့ရှိရသေးကြောင်း။ ဒီလို စီမံကိန်းကြီးတွေနဲ့ ပတ်သက်ရင် ပိုပြီးပွင့်လင်းမြင်သာတဲ့ တင်ပြမှုတွေ တိုင်ပင်နှီးနှောမှုတွေ လုပ်သင့်ကြောင်း နိုင်ငံတကာငွေကြေးအဖွဲ့အစည်းကြီးတွေဆီကို တင်ပြပြောဆိုခဲ့တယ်လို့ Shwe Gas Movement - ရွှေသဘာဝဓါတ်ငွေ့ လှုပ်ရှားမှုအဖွဲ့ရဲ့  တာဝန်ခံတဦးဖြစ်သူ ဦးဝင်းအောင် ကို ဦးသန်းလွင်ထွန်းက တွေ့ဆုံမေးမြန်း ဆွေးနွေးတင်ပြပါတယ်။

ဦးသန်လွင်ထွန်း ။ ။ ဦးဝင်းအောင်အနေနဲ့ အခု ထိုင်းနိုင်ငံ ချင်းမိုင်မှာအခြေစိုက်နေပြီး အခု လောလောဆယ် ဝါရှင်တန်မြို့ တော်ကို ရောက်နေတဲ့အကြောင်းလေးကို တချက်လောက် ရှင်းပြပါလား။

ဦးဝင်းအောင် ။ ။ အခု ကျနော် ဝါရှင်တန်ဒီစီကို လာရတဲ့အကြောင်းရင်းကတော့ ဒီမှာလုပ်တဲ့ အစည်းအဝေးတွေတချို့ မှာ အထူးသဖြင့် နိုင်ငံတကာငွေကြေးရန်ပုံငွေအဖွဲ့ အပါအဝင် ကမ္ဘာ့ဘဏ်တွေအနေနဲ့ မြန်မာနိုင်ငံအပေါ်မှာ သူုတို့အနေနဲ့ လှုပ်ရှားမှုတွေနဲ့ ရှေ့ ဆက်ပြီး လုပ်ဆောင်မယ့်ဟာတွေကို သူတို့ပြောတာဆိုတာရှိတယ်။ အဲဒီအပေါ်မှာ ရှောင်ရမယ့်ဟာတွေနဲ့ လောလောဆယ်ဖြစ်နေတဲ့ဟာတွေကို ကျနော်တို့ လာရောက်တင်ပြတာ ဖြစ်ပါတယ်။

ဦးသန်းလွင်ထွန်း ။ ။ အဲဒီတော့ သဘောကတော့ မြန်မာနိုင်ငံမှာဖြစ်နေတဲ့ ဒီမိုကရေစီရေး ရှေ့ ရှုတဲ့လုပ်ငန်းစဉ်တွေအပေါ် မူတည်ပြီးတော့ နိုင်ငံတကာငွေကြေးအဖွဲ့အစည်းတွေကလည်း မြန်မာနိုင်ငံအတွင်းမှာ ရင်းနှီးမြုပ်နှံမှုတွေလုပ်မယ်။ ထောက်ပံ့မှုတွေလုပ်လာမယ့် အနေအထားတွေရှိတယ်။ အဲဒီတော့ ဦးဝင်းအောင် တို့အဖွဲ့တွေကလည်း ဒီကိစ္စအပေါ်မှာ - ဗမာပြည်မှာ အလုပ်တွေလုပ်လာပြီဆိုရင် ဘာတွေဆောင်ရမယ်၊ ရှောင်ရမယ်ဆိုတာတွေကို လာပြီးအကြံပြုတယ်ဆိုတဲ့ သဘောပေါ့။

ဦးဝင်းအောင် ။ ။ ဟုတ်ကဲ့ပါ။

ဦးသန်းလွင်ထွန်း ။ ။ အဲဒီတော့ အဓိကအားဖြင့်တော့ ဦးဝင်းအောင်တို့အဖွဲ့က Shwe Gas Movement လို့ခေါ်တဲ့ ရွှေသဘာဝဓါတ်ငွေ့လုပ်ငန်း၊ ရခိုင်ပြည်နယ်ဖက်မှာ အခြေစိုက်တဲ့ သဘာဝဓါတ်ငွေ့လုပ်ငန်းနဲ့ ပတ်သက်ပြီးတော့ ပြည်သူလူထုကြားမှာ လှုပ်ရှားမှုလေးတွေကို အသိပညာပေးဆောင်ရွက်နေတဲ့အဖွဲ့ဆိုတော့။ အဲဒီ နိုင်ငံတကာ ရင်းနှီးမြုပ်နှံမှုတွေနဲ့ ရွှေသဘာဝဓါတ်ငွေ့ ပြည်တွင်းမှာလုပ်နေတဲ့ လုပ်ငန်းအခြေအနေတွေ ဘယ်လိုဆက်စပ်နေတယ်ဆိုတာကို နည်းနည်းရှင်းပြပေးပါ။

ဦးဝင်းအောင် ။ ။ ကျနော်တို့ နိုင်ငံမှာ အကုန်လုံးသိတဲ့အတိုင်း တိုင်းပြည်ရဲ့  သံယံဇာတအများက အိမ်နီးချင်းနိုင်ငံတွေအပါအဝင် တော်တော်များများ တင်ပို့ရောင်းချနေတာကို တွေ့ရတယ်။ ရွှေသဘာဝဓါတ်ငွေ့ဆိုရင်လည်း ၂၀၀၀ ဝန်းကျင်ကတည်းက တောင်ကိုရီးယားကုမ္မဏီ နဲ့ အိန္ဒိယကုမ္မဏီတို့ စတင်ပြီးလုပ်လာခဲ့တာဖြစ်တယ်။ အတိုင်းအတာတခုအဖြစ် သူတို့တည်ဆောက်ရေးလုပ်ငန်းတွေနဲ့ ထုတ်လုပ်တင်ပို့ရေး လုပ်ငန်းတွေ လုပ်ဆောင်နေတာကို ကျနော်တို့တွေ့တယ်။ ဆောက်လုပ်ရေးလုပ်ငန်းတွေပေါ့။ လာမယ့်နှစ် ၂၀၁၃ ဆိုရင် သူတို့အနေနဲ့ အဲဒီဟာတွေကို တင်သွင်းရောင်းချမယ်ဆိုတာကို ကျနော်တို့သိရတယ်။ အဲဒီ စီမံကိန်းတွေကို အကောင်အထည်ဖော်ကတည်းက ဒေသခံတွေအတွက် အင်မတန် စိုးရိမ်စရာတွေကို တွေ့ရတယ်။ အထူးသဖြင့်တော့ ဒေသခံတွေနဲ့ တိုင်ပင်တာမျိုးတွေမရှိသလို ဒေသခံတွေရဲ့  လယ်ယာမြေသိမ်းပိုက်မှုတွေကတော့ သူတို့ရဲ့  သက်မွေးဝမ်းကြောင်းတွေပါ ရေရှည်အတွက် ဆုံးသွားတဲ့အနေအထားကို အများကြီးတွေ့ရတယ်။ နောက်တခုက ဒီ စီမံကိန်းက အရှေ့ တောင်အာရှမှာ အကြီးမားဆုံး စီမံကိန်းတခုဖြစ်တယ်။ ကျနော်တို့နိုင်ငံအနေနဲ့ တိုင်းပြည်ရဲ့  ရှစ်ဆယ်ရာခိုင်နှုန်းလောက်က ~ မရှိခဲ့တဲ့အနေအထားတခုမှာတော့ ဒီလိုမျိုး ကိုယ့်တိုင်းပြည်ကထွက်တဲ့ သံယံဇာတပစ္စည်းတွေကို အိမ်နီးချင်းနိုင်ငံတွေကို ရောင်းစားတဲ့အနေအထားကို အင်မတန်ကို စိုးရိမ်တယ်။ နောက်တခုက ဒီလိုမျိုး ဒီမိုကရေစီကို ကျင့်သုံးနေတဲ့အစိုးရအနေနဲ့ ကိုယ့်တိုင်းပြည်သူတွေရဲ့  အဓိကအလေးထားရတဲ့ ကိုယ့်တိုင်းပြည်မှာ လိုအပ်တဲ့စွမ်းအင်တွေကို ဦးစားပေးသုံးပြီးမှ ကျန်တဲ့ဟာတွေကို တင်ပို့ရောင်းချတာမျိုးကို ဖြစ်သင့်တယ်လို့ထင်တယ်။

ဦးသန်းလွင်ထွန်း ။ ။ ဒီနေရာမှာ ကျနော် နားလည်းလိုက်တဲ့အချက်က ဘာလဲဆိုတော့ အထူးသဖြင့် ရခိုင်ပြည်နယ်မှာရှိနေတဲ့ သဘာဝဓါတ်ငွေ့သိုက်ဆိုတာက ကမ္ဘာပေါ်မှာ ဆဌမမြောက် အကြီးဆုံးသဘာဝဓါတ်ငွေ့သိုက်လို့ ပြောကြပါတယ်။ ဒီလို သဘာဝဓါတ်သိုက်ကနေ သဘာဝဓါတ်ငွေ့တွေ ထုတ်ဖော်ပြီး နိုင်ငံရပ်ခြားကိုရောင်းဖို့။ နိုင်ငံရပ်ခြားကို ရောင်းဖို့ဆိုတဲ့နေရာမှာ ဒါက တိုင်းပြည်ရဲ့  ဝင်ငွေတွေဖြစ်မလာနိုင်ဘူးလား။ တိုင်းပြည်ရဲ့  ဝင်ငွေဖြစ်လာမယ်ဆိုရင် ဒေသအတွင်း ဖွံ့ဖြိုးတိုးတက်မှု၊ အထူးသဖြင့် ရခိုင်ပြည်နယ်အတွင်းမှာရှိတဲ့ ဖွံ့ဖြိုးတိုးတက်မှုတွေအတွက် အလားအလာကောင်း မဟုတ်ဘူးလား။

ဦးဝင်းအောင် ။ ။ ဥပမာပြောရရင် ရတနာ ရဲတခွန်မှာထွက်တဲ့ သဘာဝဓါတ်ငွေ့၊ ထိုင်းနိုင်ငံကို ရောင်းလာခဲ့တာ သက်တမ်းတခုမှာ ၁၉၉၇-၉၈ ကတည်းက ပြီးခဲ့တဲ့နှစ်အထိ အမေရိကန်ဒေါ်လာပေါင်း သန်းထောင်ပေါင်းတစ်ဆယ်ကျော်လောက် အနည်းဆုံးလည်ပတ်ခဲ့တာကို တွေ့ရတယ်။ အဲဒီဟာရဲ့  တဝိုက်ကျော်ကလည်း ပြီးခဲ့တဲ့ နအဖစစ်အုပ်စုရဲ့  အိတ်ထဲကို တိုက်ရိုက်ရောက်တယ်လို့ ပြောလို့ရတယ်။ ဆိုတော့ အဲဒီကရတဲ့ အကျိုးအမြတ်တွေကို ကြည့်ရင် အကုန်လုံးသိတဲ့အတိုင်းပဲ အဲဒီဟာတွေဟာ တကယ့်တကယ် တိုင်းပြည်အတွက် လိုအပ်တဲ့ ကျန်းမာရေး၊ ပညာရေး၊ တခြားဖွံ့ဖြိုးရေးလုပ်ငန်းပိုင်းတွေမှာ လုံးလုံးလျားလျားကြီးသုံးတာမျိုးတွေ မတွေ့ရသေးဘူး။ အဓိက ပြဿနာကတော့ ကျနော်တို့နိုင်ငံမှာ ပွင့်လင်းမြင်သာတဲ့ ငွေကြေးစနစ်တွေ မရှိတာတွေ။ နောက်တခုက ဒေသခံတွေ နဲ့ သဘာဝပတ်ဝန်းကျင်တွေကို အကာအကွယ်ပေးနိုင်တဲ့ အဲဒီလိုမျိုး ယန္တရားတွေ မရှိသေးတဲ့အနေအထားတခုက အင်မတန်ကို ပြီးခဲ့တဲ့ဟာတွေကလည်း ဆုံးရှုံးခဲ့တာမျိုးတွေရှိတယ်။ အခုအနေအထားမှာလည်း စံချိန်စံနှုန်းမရှိသေးတာကတော့ လောလောဆယ်လုပ်နေတဲ့ စီမံကိန်းတွေကတော့ ဒေသခံတွေအတွက် ထိထိရောက်ရောက် အာမခံချက်ပေးနိုင်တဲ့ အကျိုးအမြတ်တွေကို မသိရသေးဘူး။

ဦးသန်းလွင်ထွန်း ။ ။ ရဲတခွန် စီမံကိန်းဆိုတာက တနင်္သာရီတိုင်းမှာရှိတဲ့ စီမံကိန်း ဒီ စီမံကိန်းမှာ လက်တွေ့အားဖြင့် ဝင်ငွေတွေရနေပြီ။ ထိုင်းနိုင်ငံကို ရောင်းစားလို့ရနေပြီဆိုပေမယ့် ဒေသတွင်းမှာ တိုးတက်မှုတစုံတရာ မတွေ့ခဲ့ရဘူးဆိုတဲ့ ဒီအချက်ကိုထောက်ပြပြီးတော့ ဦးဝင်းအောင်တို့က ရခိုင်ပြည်မှာ ရွှေသဘာဝဓါတ်ငွေ့တွေ ထွက်လာပြီဆိုရင်တောင်မှပဲ ရခိုင်ပြည်ထဲက ပြည်သူတွေအတွက် အကျိုးမရှိဘူးဆိုတဲ့သဘောပေါ့။ ဒါပေမဲ့လည်း အခြေအနေက နည်းနည်းပြောင်းလာပြီ မဟုတ်ဘူးလား။ အထူးသဖြင့် အခု မြန်မာနိုင်ငံရေးအခြေအနေအရ ပါလီမန်လွှတ်တော်အဖွဲ့အစည်းတွေ ရှိနေပြီ။ ရှိနေတဲ့အခါကြတော့ ရခိုင်ပြည်နယ်မှာလည်း ရခိုင်ပြည်နယ်အစိုးရ၊ ရခိုင်ပြည် လွှတ်တော်အဖွဲ့အစည်းတွေ ရှိနေပြီ။ ဒီအဖွဲ့အစည်းတွေက ဒေသတွင်း တိုးတက်မှုတွေအတွက် တစုံတရာ ထိထိရောက်ရောက် တိုက်တွန်းလာနိုင်တာတွေ၊ လုပ်လာနိုင်တာတွေ မရှိနိုင်ဘူးလား။

ဦးဝင်းအောင် ။ ။ ကျနော်တို့အနေနဲ့ အခုလိုမျိုး ပါလီမန်ဒီမိုကရေစီအစိုးရကို ကြိုဆိုပါတယ်။ နောက်တခုက ရခိုင်ဆိုရင်လည်း ရခိုင်တိုင်းရင်းသားပါတီတွေအနေနဲ့ တချို့ ဟာမျိုးတွေကြတော့ ဝေဖန်တာမျိုးတွေရှိတယ်။ ထောက်ပြတာတွေရှိတယ်။ ဒါပေမဲ့ အဲဒီဟာတွေက ပိုပြီးတော့ လက်တွေ့ကျတဲ့ အာမခံချက်တွေကို တောင်းဆိုတဲ့အနေအထားမှာတော့ အင်မတန် အလှမ်းဝေးနေသေးတယ်လို့ ကျနော်မြင်တယ်။ နောက်တခုက အခုလက်ရှိ အခြေခံဥပေဒအရလည်း article (၃၇) မှာ တိုင်းပြည်ကထွက်ရှိတဲ့ သံယံဇာတ မြေပေါ်ရေအောက် အကုန်လုံးကို ဗဟိုအစိုးရပဲ ချုပ်ကိုင်ထားတယ်ဆိုတော့ အဲဒီဟာတွေက အင်မတန်ကို အလှမ်းဝေးနေသေးတယ်လို့ ပြောရလိမ့်မယ်။ ရခိုင်ပြည်ကထွက်တဲ့ သံယံဇာတ၊ အထူးသဖြင့် သဘာဝဓါတ်ငွေ့တွေဆိုရင် အင်မတန်ကို တန်းဖိုးလည်းကြီးတယ်။ ငွေရေးကြေးရေးအရ။ ဒေသတွင်းမှာသုံးမယ်ဆိုရင်လည်း နှစ်ပေါင်းရာနဲ့ချီ သုံးလို့ရတယ်။ ရခိုင်ပြည်လူထုဟာဆိုရင်လည်း မြန်မာနိုင်ငံမှာ ဒုတိယအဆင်းရဲဆုံး လျှပ်စစ်စွမ်းအားမရှိဘဲ နေလာခဲ့တဲ့လူတွေထဲမှာပါတယ်။ အဲဒီ လူမျိုးတွေအနေနဲ့ ကိုယ်တို့ဆီကထွက်တဲ့ သံယံဇာတတွေကို ကိုယ်တို့တိုင်းပြည်၊ ပြည်နယ်မှာ သုံးခွင့်မရတာက အင်မတန် စော်ကားခံရတဲ့အနေအထားတခုလို့ ပြောပြချင်တယ်။

ဦးသန်းလွင်ထွန်း ။ ။ အဲဒီတော့ သဘောက ပြည်ထောင်စုလွှတ်တော်မှာ တက်နေတဲ့ ပြည်သူ့လွှတ်တော်၊ အမျိုးသားလွှတ်တော်မှာ တက်နေတဲ့ ရခိုင်ကိုယ်စားလှယ်တွေကို တိုက်တွန်းပေးလို့ရမယ်ဆိုလို့ရှိရင် တိတိကျကျ ဘာတွေတိုက်တွန်းပေးစေချင်လဲ။ အထူးသဖြင့် ရွှေသဘာဝဓါတ်ငွေ့လုပ်ငန်းနဲ့ ပတ်သက်လို့။

ဦးဝင်းအောင် ။ ။ အထူးသဖြင့်တော့ ရခိုင်တိုးတက်ရေးပါတီအပါအဝင် ပြည်သူလူထုတရပ်လုံးအနေနဲ့ ဒီ စီမံကိန်းအခြေအနေအကုန်လုံးကို အောက်ခြေကနေအဆုံးအထိ အတိုင်းအတာတခု အသိပေးသင့်တယ်လို့ ကျနော်မြင်တယ်။ ဥပမာအားဖြင့် ဒီ စီမံကိန်းကြီးက ဘယ်ဟာတွေပါမယ်။ ဘယ်လို စီမံကိန်းနဲ့ ပတ်သက်ပြီး အဆောက်အဦးတွေပါမယ်။ နောက် သဘာဝပတ်ဝန်းကျင်ဆိုင်ရာ ထိခိုက်မှုတွေ၊ လူနေမှု့ဆိုင်ရာ ထိခိုက်မှုတွေ ဘာတွေရှိလာမယ်။ ဒေသခံတွေရဲ့  ဓလေ့ထုံစံ အပါအဝင် ကျနော်တို့ရဲ့  အလေ့အထတွေကို သူတို့အနေနဲ့ အာမခံချက်တွေ ပေးနိုင်မယ်။ အဲဒီဟာတွေကအစ အကုန်လုံး သိသင့်တယ်လို့ မြင်တယ်။ နောက်တခု အရေးကြီးတာက ဒီ စီမံကိန်းရဲ့  အကုန်လုံးစပြီး လုပ်ကတည်းက contract လုပ်တဲ့အခါမှာ စာချုပ်ချုပ်တဲ့အခါမှာ တန်းဖိုး၊ ဒီ စီမံကိန်းက နှစ်စဉ်ရလာမယ့် ဝင်ငွေတွေကအစ အကုန်လုံးသိသင့်တယ်လို့ မြင်တယ်။ အဲဒီ စီမံကိန်းတခုလုံးရဲ့  အခြေအနေတွေကို မသိသေးသ၍တော့ ဟိုတစဒီတစ ကျနော်တို့အနေနဲ့ ထောက်ပြနေသ၍တော့ ကျနော်တို့ လိုအပ်တဲ့ လိုလားတဲ့ အတိုင်းအတာတခု ရမယ်လို့ မထင်ဘူး။

ဦးသန်းလွင်ထွန်း ။ ။ လောလောဆယ်ဆိုလို့ရှိရင်လည်း သဘာဝဓါတ်ငွေ့တွေက လာမယ့်နှစ်အတွင်းမှာ ထွက်လာမယ့် အနေအထားမျိုးတွေ ရှိနေပြီ။ ရှိနေပြီဆိုတော့ စီမံကိန်းကလည်း အတော်ခရီးရောက်နေပြီ။ ခရီးရောက်နေသမျှ စီမံကိန်း လက်ရှိအခြေအနေအထိ ဒေသအတွင်းမှာ ဘာတွေများ ပျက်စီးမှုတွေ မြင်ခဲ့ရသလဲ။ ဘာတွေများ ထိခိုက်မှုတွေ မြင်ခဲ့ရသလဲ။

ဦးဝင်းအောင် ။ ။ ဒီ စီမံကိန်းက ဘယ်လိုဆိုမလဲ။ ကျနော်တို့ အများဆုံးဖြစ်တာကတော့ လယ်ယာမြေ သိမ်းပိုက်ခံရမှု။ လူတွေက ဘိုးဘွားစဉ်ဆက် လုပ်ကိုင်စားသောက်လာခဲ့တဲ့ လယ်ယာမြေတွေ ဆုံးရှုံးသွားခဲ့တယ်။ သူတို့အနေနဲ့ သူတို့ပိုင်ခဲ့တဲ့ လယ်ယာမြေတွေအပေါ်မှာ နောက်တချိန်မှာ သူတို့အနေနဲ့ သာမန် အလုပ်သမားအနေနဲ့ လာလုပ်ရမယ့်အနေအထားတခုကို ရောက်နေတယ်။ နောက်တခုက သဘာဝပတ်ဝန်းကျင်ဆိုင်ရာ ဆုံးရှုံးမှုဆိုရင်လည်း ရခိုင်ကနေ မကွေးတိုင်း၊ မန္တလေးတိုင်း၊ ရှမ်းပြည်နယ်ကိုဖြတ်ပြီး တောက်လျှောက်ကြီး တောတောင်တွေကို ဖြတ်ပြီးတော့ သူတို့အနေနဲ့ ခုတ်ချင်တာခုတ်၊ ဖြတ်ချင်တာကိုဖြတ် သဘာဝပိုက်လိုင်း တရုတ်ပြည်ကိုသွားမယ့် ပိုက်လိုင်တလျှောက်မှာ သဘာဝပတ်ဝန်းကျင်ဆိုင်ရာ စည်းမျဉ်းစည်းကမ်း၊ ဥပဒေတွေက မရှိတဲ့အနေအထားမှာ အဲဒီဟာတွေက ကျနော်တို့အနေနဲ့ ဘာမှသိရတာလည်း မရှိဘူး။ နောက်တခုက ပြီးခဲ့တဲ့ နှစ်ကတည်းက လက်နက်ကိုင်ပဋိပက္ခ ဖြစ်နေတယ်ဟာတွေဆိုရင်လည်း အစိုးရရဲ့  စီမံကိန်းက တရုတ်အစိုးရ၊ မြန်မာအစိုးရအနေနဲ့ စီးပွားရေးအရ၊ နိုင်ငံရေးအရ အင်မတန် မဟာဗျူဟာမြောက်တဲ့ စီးပွားရေးတခုလို့ ပြောလို့ရတယ်။ အစိုးရအနေနဲ့ ဒီလို စီမံကိန်းတွေကို သူတို့အနေနဲ့ အကာအကွယ်လုပ်ဖို့အတွက် ပြီးခဲ့နှစ်က ဖြစ်ပွားခဲ့တဲ့ ပဋိပက္ခဖြစ်ခဲ့တဲ့ လက်နက်ကိုင်အဖွဲ့အစည်းတွေနဲ့ ရှမ်းပြည်နယ်မှာဖြစ်ဖြစ်၊ ရှမ်းပြည်နယ်မြောက်ပိုင်းမှာရှိတဲ့ ကချင်လက်နက်ကိုင်တွေနဲ့ ဖြစ်တာက သိသာထင်ရှားတယ်။ ဒီလိုမျိုး အရင်းအမြစ်တွေကို ရောင်းချပြီးတော့ သူတို့အနေနဲ့ အကာအကွယ်ယူတဲ့အနေအထားမှာ ဒေသခံတွေနဲ့ အစိုးရတပ်တွေ ဖြစ်တယ့်ဟာတွေက သိသာထင်ရှားတယ်လို့ ပြောလို့ရတယ်။

ဦးသန်းလွင်ထွန်း ။ ။ ဒီ စီမံကိန်းကနေ နောက်ပိုင်းမှာရလာနိုင်တဲ့ နှစ်စဉ်ဝင်ငွေ ဘယ်လောက်အထိ ခန့်မှန်းထားသလဲ။ အဲဒီတော့ ဒီလို နှစ်စဉ်ဝင်ငွေအပြင် အထူးသဖြင့် ရခိုင်ပြည်နယ်အနေနဲ့ ဘယ်လောက်အထိ အချိုးအစား ခံစားပိုင်ခွင့်ရှိတယ်လို့ ယူဆသလဲ။

ဦးဝင်းအောင် ။ ။ လောလောဆယ် စီမံကိန်းရဲ့  တန်းဖိုးကတော့ လောလောဆယ် တရုတ်နဲ့ချုပ်ထားတဲ့ စာချုပ်အရဆိုရင် နှစ်ပေါင်း (၂၅) နှစ်ကနေ နှစ်ပေါင်း (၃၀) အတွင်း။ လောလောဆယ် အစိုးရအနေနဲ့ မြန်မာအစိုးရအနေနဲ့ အမေရိကန်ဒေါ်လာ သန်းထောင်ပေါင်း ၂၉ သန်း ရရှိမှာဖြစ်တယ်။ အဲဒီဟာတွေက ထဲထဲဝင်ဝင်ကြီးကို ဒေသခံပြည်သူတွေအတွက်ဖြစ်ဖြစ်၊ ရခိုင်ပြည်သူတွေအတွက်ဖြစ်ဖြစ် ခွဲတမ်းချပေးတာ လုံးဝမတွေ့ရသေးဘူး။ အဲဒီ ဝင်ငွေတွေအပါအဝင် နောက်တခုက ကိုယ်တို့ဆီကထွက်တဲ့ သဘာဝဓါတ်ငွေ့ ခံစားပိုင်ခွင့်ဆိုရင်လည်း ဘာမှ အာမခံချက်မျိုးတွေ ပေးထားတာမျိုးတွေ ကျနော်တို့ မသိရသေးဘူး။

ဦးသန်းလွင်ထွန်း ။ ။ ဥပမာအားဖြင့် ဓါတ်ငွေ့တွေ ထွက်လာပြီဆိုလို့ရှိရင် တဖတ်ကလည်း ပိုက်သွယ်တန်းပြီးတော့ တရုတ်ပြည်ဖက်ကို ရောင်းတာတမျိုး။ ဒေသအတွင်းမှာ လျှပ်စစ်စွမ်းအားတို့ ဘာတို့အတွက် သုံးတာမျိုး စီမံကိန်းမျိုး မကြားမိဘူးလား၊ မရှိဘူးလား။

ဦးဝင်းအောင် ။ ။ အခုလောလောဆယ်တော့ စီမံကိန်းတွေ အကောင်အထည်ဖော်လာတာ နှစ်ပေါင်း တဆယ်နီးပါးလောက် ရှိလာပြီလို့ ပြောလို့ရတယ်။ ကျော်လည်းကျော်လာပြီ။ ဒေသဖွံ့ဖြိုးရေးအတွက် ကိုင်ပြီးတော့ မျှမျှတတကြီး ပြလို့ရအောင်ဆိုတဲ့ဟာမျိုးက လောလောဆယ်တော့ မတွေ့ရသေးဘူး။ ရေရှည်မှာဆိုရင် ဒီထက်ပိုပြီး အခြေအနေဆိုးမယ်။ အခြေအနေဆိုးမယ်ဆိုတာက လောလောဆယ် သူတို့လုပ်နေတဲ့ အနေအထားမှာ မတွေ့ရသေးဘူးဆိုရင် ဒီထက် အကျိုးမြတ်ရတဲ့ အနေအထားမှာ ကျနော်တို့အတွက် ပိုပြီးအလှမ်းဝေးနေမယ်လို့ ကျနော်အနေနဲ့ ထင်မြင်တယ်။

ဦးသန်းလွင်ထွန်း ။ ။ အဲဒီတော့ ဦးဝင်းအောင် တို့ လှုပ်ရှားနေတဲ့ လှုပ်ရှားမှုရဲ့  ရလဒ်အနေနဲ့။ အထူးသဖြင့် အမေရိကန်ပြည်ထောင်စု၊ အနောက်နိုင်ငံတို့၊ နိုင်ငံတကာငွေကြေးအဖွဲ့အစည်းတွေက ဘယ်လိုတုံ့ပြန်မှုတွေ ရှိသလဲ။

ဦးဝင်းအောင် ။ ။ သူတို့အနေနဲ့တော့ ဒီအခြေအနေ၊ အနေအထားတခုမှာ သူတို့ရဲ့  အကောင်းဆုံး စံချိန်စံနှုန်းတွေနဲ့ လိုက်ပြီးတော့ လုပ်လာနိုင်တဲ့အနေအထားတခုကို ကျနော်တို့အနေနဲ့ တွေ့ရတယ်။ ဒါပေမဲ့ သူတို့ဒီထက် ပိုပြီးထဲထဲဝင်ဝင် လေ့လာစမ်းစစ်ပြီးတော့ ဒေသခံတွေအပါအဝင် တိုင်ပင်ဆွေးနွေးမှုတွေကို အလေးပေးလုပ်သင့်တယ်လို့ ကျနော်တို့အနေနဲ့ မြင်တယ်။ လုပ်တဲ့နေရာတွေမှာလည်း သာမန်သူတို့နဲ့ လုပ်ကိုင်နေတဲ့ စစ်တပ်ကျောထောက်နောက်ခံ လူတစုနဲ့ ဆိုတာထက် ဒီ စီမံကိန်းမှာပါဝင်နိုင်တဲ့ တခြား ဒေသခံပြည်သူလူထုတွေ အကုန်လုံးနဲ့ ဆွေးနွေးတိုင်ပင်တာတွေ လေ့လာစမ်းစစ်တာတွေ။ ပိုပြီးထိရောက်တဲ့ ဆွေးနွေးမှုတွေနဲ့ ဒီထက်ပိုပြီး ကောင်းမွန်တဲ့ စံချိန်စံနှုန်းတွေကို ထားပြီးတော့ လုပ်တဲ့အနေအထားတခုကို ကျနော်တို့အနေနဲ့ လိုချင်တာပေါ့။

ဦးသန်းလွင်ထွန်း ။ ။ Shwe Gas Movement လို့ခေါ်တဲ့ ရွှေသဘာဝဓါတ်ငွေ့ လှုပ်ရှားမှုအဖွဲ့ရဲ့  တာဝန်ခံတဦးဖြစ်သူ ဦးဝင်းအောင် ကို တွေ့ဆုံမေးမြန်းခဲ့တာ ဖြစ်ပါတယ်။

Posted in: