ဤငရဲကြီးရှစ်ထပ်မှ နောက်၌ ဘင်ပုပ်ငရဲစသော ဒုဿဒငရဲများဝယ် ဆင်းရဲပုံတွေ များစွာရှိသေး၏။ ထို့ပြင် ဒု၊ သ၊ န၊ သောဟု ဟစ်အော်ကြသော သူဋ္ဌေးသား ၄ယောက်တို့၏ ကျက်ရာ “လောဟကုမ္ဘီ” သံရည်အိုးငရဲကား ရာဇဂြိုဟ်ပြည်၏အနီး အောက်မှာပင်ရှိ၏။ ရာဇဂြိုဟ်ပြည်အနီးက တပေါဒါမြစ်ခေါ်သော လောဟကုမ္ဘီငရဲ ၂-ခုစပ်ကြားမှ စီးတက်လာသော မြစ်ပင်တည်း။
ထို့ကြောင့် ငရဲငယ်တွေ လူ့ပြည်အနီးမှာပင် များစွာရှိလေသည်။ ငရဲ၌ခံနေရသော ဒုက္ခအမျိုးမျိုးကား “ယာဝဉ္စိဒံ ဘိက္ခဝေ န သုကရာ အက္ခာ နေန ပါပုဏိတုံ၊ ယာဝ ဒုက္ခာ နိရယာ” နှင့်အညီ နှစ်လရှည်စွာ ဘုရားရှင်ဟောပြတော်မူသော်လည်း ကုန်နိုင်ဖွယ် မရှိဘူးတဲ့။
(ဘိက္ခဝေ၊
ဘိက္ခုတို့။ ယာဝဉ္စိဒံ၊ ငရဲ၌ ဆင်းရဲသလောက်။ အက္ခာနေန၊ ဟောပြတော်မူသဖြင့်။
ပါပုဏိတုံ၊ အပြီးရောက်ခြင်းငှာ။ န သုကရာ၊ မလွယ်ကုန်။ နိရယာ၊ ငရဲတို့သည်။
ယာဝ၊ အလွန်အကဲသာလျှင်။ ဒုက္ခာ၊ ဆင်းရဲစေတတ် ဆင်းရဲရာ အရပ်ပေတည်း။)
ဤငရဲဒုက္ခကို
အဖန်ဖန်စဉ်းစားမိသူသည် မိမိပြုမိသော အကုသိုလ်အတွက် နောင်တတစ်ဖန်
မပူပန်တော့ဘဲ အသစ် အကုသိုလ်မဖြစ်အောင်သာ သတိထား၍ ကုသိုလ်တရားကို
ပွားများအားထုတ် သင့်ပြီ။ ရှေးတုန်းက ဤ ဒေ၀ဒူတသုတ္တန်ကို ဆရာထံသင်ယူသော
ရဟန်းတော်လေးတစ်ပါးသည် “အရှင်ဘုရား... တပည့်တော်ကို စာမချသေးဘဲ ကမ္မဋ္ဌာန်းကိုသာ ပေးတော်မူပါဘုရား”ဟု
ဆရာထံ ကမ္မဋ္ဌာန်းတောင်း၍ တရားအားထုတ်လေရာ မကြာမီ သောတာပန် ဖြစ်ပြီးနောက်
ကျမ်းစာကို ထပ်၍သင်ယူသတဲ့။ ဤ ဒေ၀ဒူတသုတ္တန်၏ အဆုံး၌ တရားကိုအားထုတ်၍
ရဟန္တာဖြစ်သော ပုဂ္ဂိုလ်မြတ်တို့မှာ မရေမတွက်နိုင်အောင် ရှိခဲ့ဖူးပြီ။
ဘုရားရှင်အဆူဆူလည်း ဤ ဒေ၀ဒူတသုတ္တန်ကို ဟောတော်မူမြဲပင် ဖြစ်ပါလေသတဲ့။
အရှင်ဇနကာဘိဝံသ ကိုယ်ကျင့်အဘိဓမ္မာစာအုပ်မှ ထုတ်နူတ်ဖော်ပြပေးထားပါသည်။
0 ကွန်မန့်ရေးရန်:
Post a Comment