Wednesday, June 11, 2014

ဗီယက်နမ် ဘဏ်သူဌေး၊ အခွန်ရှောင်မှု၊ အလွဲသုံးစားမှုထောင်အနှစ်၃၀ကျ (9-June-2014)..........



ဗီယက်နမ် ဘဏ်သူဌေး၊ အခွန်ရှောင်မှု၊ အလွဲသုံးစားမှုထောင်အနှစ်၃၀ကျ   (9-June-2014)
မိုးမခအထောက်တော် (စင်္ကာပူ)၊ ဇွန် ၁၁၊ ၂၀၁၄
 
ဗီယက်နမ်နီုင်ငံ ACB ဘဏ် စတင်တည်ထောင်ခဲ့သူ ငုရင်ဒုကင် Nguyen Duc Kien (၅၀နှစ်)ကို အခွန်ရှောင်မှု၊ တရားမဝင်ကုန်သွယ်မှု၊ အလွဲသုံးစားမှု၊ ဥပဒေလက်တလုံးခြားလုပ်မှု ..တွေနဲ့ ထောင်ဒဏ်အနှစ်၃၀ ချလိုက်ပါတယ်။ ဘဏ်ရဲ့ စီအီးအို အကြီးကဲလုပ်သူ လီဇွမ်ဟိုင် Ly Xuan Hai ကိုလည်း ထောင်ဒဏ် ၉နှစ်ချလိုက်ပါတယ်။ ဘဏ်ဒါရိုက်တာ နဲ့ ဘဏ်ငွေစာရင်းကိုင် တို့ကိုတော့ ထောင်ဒဏ် ၅နှစ် ချလိုက်ပါတယ်။ ဒဏ်ငွေ ဒေါ်လာသန်းနဲ့ချီပြီး ချမှတ်လိုက်ပါတယ်။
ငုရင်ဒုကင် ရဲ့ ဇနီးသည်နဲ့ သမီးကိုလည်း ရာဇဝတ်မှုနဲ့ စုံစမ်းလျှက်ရှိပါတယ်။
ယခင် ဗီယက်နမ်အစိုးရ ရင်းနှီးမြှတ်နှံမှုဝန်ကြီးဖြစ်သူ အသက်၇၅နှစ်အရွယ်ရှိတဲ့ ထရမ်စွမ်ဂီ ကိုတော့ အသက်ကြီး၊ကျန်းမာရေးကြောင့် တရားရုံမလာနိုင်ပါ။ တရားစီရင်မဲ့နေ့ကို ရွှေ့လိုက်ပါတယ်။ သူဟာ အစိုးရဝန်ကြီးအဖြစ်မှ အငြိမ်စားယူပြီး ၂၀၀၈မှ ACB ဘဏ်ရဲ့ဥက္ကဌအဖြစ် တာဝန်ယူခဲ့သူဖြစ်ပါတယ်။
ဗီယက်နမ် ဘဏ်ဥပဒေအရ၊ ဘဏ်မှာအပ်နှံငွေများကို ဗဟိုဘဏ်သတ်မှတ်ထားတဲ့ အတိုးနှုန်း ၁၄% ရှိပါတယ်။ ACB ဘဏ်က  ပြည်သူလူထုငွေများ၊ အခြားဒေသဆိုင်ရာ ဘဏ်အငယ်လေးများထံမ တရားမဝင်လုပ်ဆောင်မှုများစွာနဲ့ ဒေါ်လာသန်းပေါင်းများစွာ အမြတ်ထုတ်ယူခြင်းဖြစ်ပါတယ်။ ငုရင်ဒုကင် ကိုယ်တိုင် ရွှေအရောင်းဝယ်များ၊ တရားမဝင်ကုန်သွယ်မှုများ စတဲ့ အလွဲသုံးစား၊ ဥပဒေမဲ့ စီးပွားရှာခြင်းများစွာအတွက် ထောင်ဒဏ်ပေးခံရခြင်းဖြစ်ပါတယ်။
တိုင်းပြည်ကို ပြုပြင်ပြောင်းလဲနေတဲ့ ဗီယက်နမ်အာဏာပိုင်များဟာ စီးပွားရေးခရိုနီများ၊ အစိုးရအရာရှိဟောင်းကြီးများရဲ့ အခွန်ရှောင်မှု၊ ဥပဒေအလွဲသုံစားလုပ်မှုများကို ဖမ်းဆီး၊ ဒဏ်ငွေချ၊ ထောင်ဒဏ်ချမှတ်ခြင်းများ ဆောင်ရွက်လေ့ရှိပါတယ်။ ဥပဒေစိုးမိုးမှုကို ဗီယက်နမ်အစိုးရက အထူးလုပ်ဆောင်ပေးပါတယ်။ ဗီယက်နမ်နိုင်ငံတွင်းမှာ အလုပ်လက်မဲ့မရှိသလောက် ဖြစ်ပြီး၊ အိမ်မြေခြံဈေးနှုန်းများကို ဈေးမတက်ဖို့ အစိုးရက ကောင်းမွန်စွာထိမ်းချုပ်ထားပါတယ်။ လုပ်ငန်းငယ်များကိုလဲ အစိုးရအားပေးမှုနဲ့ တိုးတက်စေပါတယ်။ ဗီယက်နမ်လုပ်ငန်းရှင် အမြောက်အများ မြန်မာနိုင်ငံကိုလာရောက် ရင်းနှီးမြှတ်နှံလုပ်ကိုင်လျှက်ရှိပါတယ်။ အလုပ်သမားများရဲ့ ပျမ်းမျှဝင်ငွေ တစ်နှစ်ဒေါ်လာ၄၀၀၀ (တစ်လ ဒေါ်လာ၃၀၀) ရရှိကြပြီး၊ ရရှိတဲ့လစာနဲ့ စားဝတ်နေစရိတ်များ လူတန်းစေ့နေနိုင်ပါတယ်။ လူတိုင်းလဲ မိုဘိုင်းဖုန်း ဈေးချိုစွာအသုံးပြုနိုင်ပြီး၊ ဆင်းရဲမွဲတေမှုကို ၁၅နှစ်အတွင် ပပျောက်သွားအောင် ပြုပြင်ပြောင်းလဲနိုင်ခဲ့ပါတယ်။ အစိုးရရဲ့ အားနည်းချက်များ ရှိပေမဲ့ ဗီယက်နမ်လူမျိုးများဟာ ကမ္ဘာ့အပျော်ရွှင်ဆုံးနိုင်ငံ Happy Planet ဒုတိယရရှိတဲ့ နိုင်ငံဖြစ်ပါတယ်။
Photo: ဗီယက်နမ်ရဲအမှုထမ်းများနှင့်တရားရုံးအမိန့်နာခံနေစဉ် 9-June-2014)

0 ကွန်မန့်ရေးရန်:

Post a Comment