Wednesday, December 25, 2013

ကျပ်ဘီလီယံချီရှိနေသော အခွန်ကြွေးကျန်များ အကျေမဆောင်က အရေးယူမည်ဟုဆို .....................................

သီဟကိုကို

တစ်ဦးချင်းအနေဖြင့် နိုင်ငံတော်သို့ ပေးသွင်းရမည့် အခွန်ကြွေးကျန် ကျပ်ငွေဘီလီယံနှင့်ချီကာရှိနေပြီး ယင်းတို့ကို လက်ရှိ ၂၀၁၃-၂၀၁၄ ဘဏ္ဍာနှစ်အတွင်း အပြီးသတ်ကောက်ခံသွားမည်ဖြစ်ကြောင်း ပြည်တွင်းအခွန်များဦးစီးဌာန၊ နေပြည်တော်ရုံးမှ ညွှန်ကြားရေးမှူး ဦးထွန်းသန်းက မဇ္ဈိမသို့ ပြောသည်။

မဇ္ဈိမက အခွန်ကြွေးကျန်များနှင့် စပ်လျဉ်းကာ ဒီဇင်ဘာ ၁၉ ရက်တွင် မေးမြန်းခြင်းအပေါ် ဦးထွန်းသန်း က အထက်ပါကဲ့သို့ပြောကြားခဲ့ခြင်းဖြစ်ပြီး တစ်ဦးချင်း၏ အခွန်ကြွေးကျန်များမှာ တစ်ဦးတည်းပိုင် စီးပွား ရေးလုပ်ငန်းများ၏ ယခင်ခေတ် အဆက်ဆက်မှ ကြွေးကျန်များဖြစ်ပြီး ၀င်ငွေခွန်၊ ကုန်သွယ်ခွန်နှင့် အမြတ်ခွန်တို့ဖြစ်ကြောင်း ယင်းကဆက်လက်ပြောကြားသည်။

ဦးထွန်းသန်းက “အခွန်ပေးဆောင်ဖို့ ကျန်ရှိနေတဲ့ အခွန်ထမ်းတွေအနေနဲ့ ကြွေးကျန်တွေကို ၂၀၁၄ မတ်လ ၃၁ ထိ ပေးသွင်းဖို့ ကျန်ရှိနေရင် အခွန်ဆိုင်ရာ ဥပဒေတွေအတိုင်း အရေးယူဆောင်ရွက်သွား မယ်” ဟု ပြောကြားသည်။

အခွန်ကြွေးကျန်များကိစ္စနှင့် စပ်လျဉ်းကာ ရန်ကုန်တိုင်းဒေသကြီး၊ ပြည်တွင်းအခွန်များဦးစီးဌာနသို့ ထပ် မံမေးမြန်းရာတွင် ဒီဇင်ဘာ ၁၃ ရက်အထိ စာရင်းအရ ရန်ကုန်တိုင်းဒေသကြီးတစ်ခုတည်း၌ပင် အခွန် ကြွေးကျန် ကျပ်ငွေ ၆၇ ဘီလီယံအထိရှိနေကြောင်း ယင်းဌာနမှ ညွှန်ကြားရေးမှူးဦးကျော်ကျော်က မဇ္ဈိမသို့ ပြန်လည်ဖြေကြားခဲ့သည်။

အခွန်ကြွေးကျန်များကို သတ်မှတ်ကာလအတွင်း ပေးသွင်းရန်ကျန်ရှိသည့် လုပ်ငန်းများ၊ ပုဂိ်္ဂုလ်များကို အခွန်ဥပဒေများအရ ကျန်ငွေ၏တစ်ဆအား ငွေဒဏ်အဖြစ်ဒဏ်ရိုက်နိုင်ပြီး ပိုင်ဆိုင်မှုပစ္စည်းများအား ၀ရမ်းကပ်ကာ လေလံတင်ရောင်းချသည်အထိ အရေးယူနိုင်သည်ဟု ပြည်တွင်းအခွန်များဦးစီးဌာန၏ တာဝန်ရှိသူများက ပြောကြားသည်။

အခွန်များ ကျပ်ငွေဘီလီယံနှင့်ချီကာ မပေးဆောင်ဘဲ ကျန်ရှိနေခြင်းသည် အခွန်စည်းကြပ်ပုံနည်းစနစ် အပြင်ဘဏ်အသုံးပြုမှု နည်းပါးသေးခြင်းကြောင့်လည်း ဖြစ်ကြောင်း စီးပွားရေးလေ့လာသုံးသပ်သူ ဦးလှမောင်က ပြောကြားသည်။

ဘဏ္ဍာရေးဝန်ကြီးဌာန၏ ထုတ်ပြန်ချက်အရ မြန်မာ့လူဦးရေ၏ တစ်ရာခိုင်နှုန်းသည်သာ အခွန်ပေး ဆောင်မှုရှိသေးပြီး ကျွမ်းကျင်သူများ၏အဆိုအရ နိုင်ငံGDP တွင် အခွန်၏ ပါဝင်မှုသည် သုံးရာခိုင်နှုန်း ၀န်းကျင်သာရှိနေကာ ဖွံ့ဖြိုးဆဲနိုင်ငံများ၏ စံနှင့်နှိုင်းလျှင်ပင် နည်းပါးလွန်းနေသေးသည်ဟုဆိုသည်။

Reactions:

0 ကွန်မန့်ရေးရန်:

Post a Comment