၂၃.၅.၂၀၁၃ ရက်နေ့ ညနေပိုင်းတွင် ပုဇွန်တောင်မြို့နယ်၊ ဟိုတယ်တစ်ခု၏ မြေအောက်ခန်းရှိ မီးခံသေတ္တာ အတွင်းမှ အမေရိကန်ဒေါ်လာ ၁၅၂၀ ၊ မြန်မာငွေ ၁၃၈၂၄၅ ကျပ်တို့ ပျောက်ဆုံးနေခဲ့ တယ်လို့ သိရပါတယ်။
အဆိုပါ ပျောက်ဆုံးမှု ကို ဟိုတယ်ရှိ CCTV မှတ်တမ်းများအရ ညစောင့် ၀န်ထမ်းဖြစ်သူ အောင်ကိုကို၏ မသင်္ကာဖွယ် လှုပ်ရှားမှုများ တွေ့ရှိကြောင်း ဟိုတယ်တာဝန်ရှိသူ တစ်ဦးမှ ပုဇွန်တောင်မြို့မ ရဲစခန်းသို့ လာရောက်တိုင်တန်းသဖြင့် ပုဇွန်တောင်မြို့မရဲစခန်း (ပ)၁၀၁/၂၀၁၃ ၊ပုဒ်မ ၃၈၁ ဖြင့်အမှုဖွင့် စုံစမ်းခဲ့ပါတယ်။
အဆိုပါမသင်္ကာသူ အောင်ကိုကို(ဘ)ဦးနေ၀င်း အား အသေးစိတ် စစ်ဆေးခဲ့ရာ ဟိုတယ်မှ ပျောက်ဆုံးသွားသည့် ဒေါ်လာနှင့်မြန်မာငွေများကို ခိုးယူခဲ့ပြီး ကျောက်တံတားမြို့နယ်၊ မဟာဗန္ဓုလ ပန်းခြံအနီးတွင် ကုလားတစ်ဦးထံ ဒေါ်လာငွေ ၁ ဒေါ်လာလျှင် ၉၁၀ ကျပ်နှုန်းဖြင့် ရောင်းချခဲ့ရာ
ငွေကျပ် ၁၃၈၀၀၀၀ိ/- ရရှိခဲ့ကြောင်း ထွက်ဆိုခဲ့ပါတယ်။
အဆိုပါရရှိငွေဖြင့် ရွှေဘုံသာလမ်းရှိ ရွှေဆိုင်မှ ရွှေချိန် (၁)ကျပ်သား ရွှေတုံးတစ်တုံး ၀ယ်ယူခဲ့ကြောင်း၊ ကျန်ငွေများကို သုံးစွဲခဲ့ရာ ငွေကျပ် ၃သိန်းသာ ကျန်ရှိတော့ကြောင်း စစ်ဆေးပေါ်ပေါက်ခဲ့၍ ပုဇွန်တောင်မြို့မ ရဲစခန်းမှ သက်သေခံပစ္စည်း များသိမ်းဆည်းကာ အောင်ကိုကိုအား ဖမ်းဆီးအရေးယူ ထားရှိကြောင်း ရန်ကုန်တိုင်း ဒေသကြီး ရဲတပ်ဖွဲ့ မှ သတင်းထုတ်ပြန်ထားပါတယ်။
သစ်ထူးလွင်
0 ကွန်မန့်ရေးရန်:
Post a Comment