ဂုဏ်ယူဖွယ်ရာ ရွှေမြန်မာ

          အခုဆိုရင် ကျွန်တော်တို့ မြန်မာပြည်ကြီးဟာ ပြောင်းလဲလာတဲ့နိုင်ငံရေးအခြေအနေအရ ကမ္ဘာ့မျက်နှာစာမှာ နိုင်ငံတကာရဲ့ စိတ်ဝင်စားမှုအခံရဆုံး တိုင်းပြည်အဖြစ် ရပ်တည်နိုင်ခဲ့ပါတယ်။ နှစ်ပေါင်းများစွာ ကမ္ဘာ့မျက်နှာစာကနေ ငုပ်လျှိုးနေတဲ့တိုင်းပြည်ဟာ နေ့ချင်းညချင်း ကမ္ဘာက စောင့်ကြည့်ရလောက်အောင် လှုပ်ခတ်သွားစေနိုင်တဲ့အတွက် များစွာ ဂုဏ်ယူမိပါတယ်။
          ပြည်သူအတွင်းမှာ စီးပွားရေးချွတ်ချုံကျ၊ ပညာရေးက အောက်ခြေအဆင့်ကိုရောက်၊ ကျန်းမာရေးကလဲ ကိုယ့်ဆေးကိုယ်ဝယ်သောက်နေရတဲ့ထိ နိမ့်ကျပျက်စီးနေရာက ``တစ်မျိုးသားလုံး စိတ်ဓာတ်နှင့်အကျင့်စာရိတ္တမြင့်မားရေး´´ဆိုတဲ့ ဦးတည်ချက်ကြီးအတိုင်း တအိအိနဲ့ ရွေ့လျားနေတာ ဂုဏ်ယူစရာပါ။ ဘာဖြစ်လို့လဲဆိုတော့ ခန္တီတရား လက်ကိုင်ထားပြီး လာလာသမျှ နိုင်ငံခြားသားကို ၀ဲကမ်းလုပ်နေရကတည်းက တမျိုးလုံး စိတ်ဓာတ်မြင့်မားလို့ပေါ့။ အခုဆိုရင် ဘယ်လောက်ထိ စိတ်ဓာတ်တွေ မြင့်မားလဲဆိုရင် ယဉ်ကျေးမှုမြို့တော်ဖြစ်တဲ့ မန္တလေးမြို့ကိုတောင် တရုတ်မြို့ဖြစ်စေတဲ့အထိ သဘောကောင်းခဲ့ကြတာကလား။ ဒါကြောင့် ကမ္ဘာမှာ သဘောအကောင်းဆုံးတိုင်းပြည်အဖြစ် ဂုဏ်ယူမိပါတယ်။
          အမျိုးဂုဏ် ဇာတိဂုဏ်မြင့်မားရေးနှင့် ယဉ်ကျေးမှုအမွေအနှစ်များ အမျိုးသားရေးလက္ခဏာများ မပျောက်ပျက်အောင် ထိန်းသိမ်းစောင့်ရှောက်ရေးတဲ့။
          လာပြန်ပြီး နောက်ကြွေးကြော်သံ။ မြန်မာနိုင်ငံသမိုင်းတလျှောက်မှာ အမျိုးဂုဏ်ဇာတိဂုဏ်မြင့်မားစေလောက်တဲ့ ပုဂ္ဂိုလ်ချွန်တွေ အများကြီး ပေါ်ထွက်ခဲ့ပါတယ်။ အာရှမှာပထမဆုံးနဲ့ နှစ်အကြာဆုံး ကုလသမဂ္ဂအတွင်းရေးမှူးချုပ်ဦးသန့်၊ နယ်ချဲ့ရန်ကို စွမ်းစွမ်းတမံတွန်းလှန်ပြီးတော့ အင်အားကြီးတဲ့တပ်မတော်ကြီးကို အသက်သုံးဆယ်မပြည့်ခင်မှာ ဖွဲ့စည်းနိုင်ခဲ့တဲ့ ဗိုလ်အောင်ဆန်း၊ ဒီပုဂ္ဂိုလ်တွေဟာ သမိုင်းမှာ မေ့မရနိုင်လောက်အောင်၊ အစားမထိုးနိုင်လောက်အောင် ကြီးကျယ်ထင်ရှားတဲ့ ပုဂ္ဂိုလ်ထူးတွေ ဖြစ်ပါတယ်။
           သို့သော် သူတို့အကြောင်းကို ဘယ်ကျောင်း ဘယ်စာသင်ခန်းတွေမှာ ဂုဏ်ယူဖွယ်ရာ တခမ်းတနား သင်ကြားပေးခဲ့သလဲ။ ဦးသန့်ကို မနာလိုစိတ်နဲ့ သမိုင်းကနေ ဖျောက်ခဲ့တာ ကြာပါပြီ။ နယ်ချဲ့ကို ရွပ်ရွပ်ချွံချွံ တွန်းလှန်ပြီး အင်္ဂလိပ်ကို ရင်ဘောင်တန်း တော်လှန်ခဲ့တဲ့ ဗိုလ်ချုပ်အောင်ဆန်းအကြောင်း ဘယ်လောက်တောင် အကျယ်တ၀ံ့ သင်ကြားပေးပြီး စိတ်ဓာတ်ကို မြှင့်တင်ပေးခဲ့သလဲ။ ကိုယ့်အတ္တအတွက် သမိုင်းမှန်ကို ညှိုးမှိန်အောင် လုပ်ခဲ့တာချည်းပါ။ စစ်အာဏာရှင်အဆက်ဆက် တပ်မတော်ဖခင်ရဲ့ အုတ်ဂူကို ဘယ်သူကများ အလေးပြုခဲ့ပါသလဲ။
အခုတော့ တိုင်းပြည်ရဲ့ အရေးကြီးဆုံးဌာနကြီးဖြစ်တဲ့ သမ္မတရုံးဝန်ကြီးကိုယ်တိုင်က ထုတ်ဖော်ပြောကြားလိုက်တယ်လေ။
          ``တပည့်တော်တို့က တရုတ်ကိုလဲ ကြောက်ရတယ်ဘုရား၊ သူတို့နဲ့ ရန်တုမဖြစ်ရဲဘူး။ သူတို့ကျေးဇူးလေးတွေကိုလဲ သိရမယ်´´ တဲ့။
          လူသာသေရင်သေသွားမယ်။ ဦးအောင်မင်းအတွက် ဒီစကားက သမိုင်းတွင်စေမယ့် တကယ့်သမိုင်းဝင်စကားပါပဲ။ သာမန်ပြည်သူလေးတစ်ယောက်ဖြစ်တဲ့ မသွဲ့သွဲ့ဝင်း ကတောင် ကြောက်စရာမလိုဘူးလို့ ဖျောင်းဖျပြောရလောက်အောင် ၀န်ကြီးမင်း သွေးကြောင်နေသလားမသိ။
          ဒီစကားတစ်ခွန်းက အမျိုးဂုဏ်ဇာတိဂုဏ်မြင့်မားရေးဆိုတဲ့ ဦးတည်ချက်ကို တစ်ချက်တည်းနဲ့ ရိုက်ချိုးပစ်လိုက်တာပါပဲ။ ကျေးဇူးဆပ်ရလွန်းလို့လဲ တိုင်းပြည်တစ်ခုလုံး ကုန်တော့မယ်လေ။ မြို့ကိုလဲရောင်းတယ်၊ တောကိုလဲ ရောင်းတယ်၊ မြစ်ကိုလဲ ရောင်းတယ်၊ တောင်ကိုလဲ ရောင်းတယ်။
ရှေးဘုရင်မင်းများလက်ထက်တုန်းကတောင် တန်ခိုးသေးငယ်တဲ့ မင်းငယ်တွေ နယ်စားတွေ မြို့စားတွေက ကြောက်ရင် သမီးကညာရှိရင် သမီးကညာဆက်တယ်၊ သမီးမရှိရင် နှမတော်တွေဆက်တယ်။ ဘယ်မင်းကမှ တိုင်းပြည်သယံဇာတတွေ ထိုးမပေးပါဘူး။ အခုကျမှပဲ တိုင်းပြည်သယံဇာတကိုပါ ထိုးပေးနေတဲ့အတွက် မြန်မာသမိုင်းမှာ အိမ်နီးချင်းနိုင်ငံကို ကြောက်လို့ သယံဇာတတွေ ထိုးပေးနေတဲ့ မင်းဆက်အဖြစ် သမိုင်းစံချိန်တင်နိုင်ခဲ့တာကိုတော့ ဂုဏ်ယူစရာပါ။ ပိုစိတ်ချသွားရအောင်နဲ့ ရှေးဟောင်းယဉ်ကျေးမှုထိမ်းတဲ့အနေနဲ့ သမီးရှိရင်သမီး နှမရှိရင် နှမပါ ပေးသင့်တယ်လို့ ထင်ပါတယ်။ ဒါဆိုရင်တော့ ပိုပြီး ပြောင်မြောက်တဲ့ သမိုင်းကို ရေးထိုးနိုင်ပါလိမ့်မယ်။
          ယဉ်ကျေးမှုအမွေအနှစ်များ အမျိုးသားရေးလက္ခဏာများ မပျောက်ပျက်အောင် ထိန်းသိမ်းစောင့်ရှောက်ရေး ဆိုတာကိုလဲ အစိုးရက လျစ်လျူရှုလို့ ပြည်သူတွေက တာဝန်သိသိနဲ့ ထိန်သိမ်းပေးတာ ကျေးဇူးတောင် တင်ရမယ့် ကိစ္စပါ။ ဘာဖြစ်လို့လဲဆိုတော့ လယ်တီဆရာတော်ဆိုတာ တကယ့်ကို ကမ္ဘာသိ ကမ္ဘာကျော်၊ ကမ္ဘာ့ပညာရှင်တွေက လေးစားရတဲ့ ဆရာတော်ကြီးတစ်ပါးပါ။ ဒီလိုဆရာတော်မျိုး နောက်ထပ်ပေါ်ထွန်းဖို့ဆိုတာ မလွယ်ပါဘူး။ ပေါ်ချင်မှလဲ ပေါ်လာပါတော့မယ်။ ဒါကြောင့် လယ်တီဆရာတော်ဆိုတာ အမျိုးသားရေးလက္ခဏာတစ်ရပ်ဖြစ်ပါတယ်။ ဒီဆရာတော်နဲ့ ပတ်သက်တဲ့ သမိုင်းဝင်နေရာတွေဟာ ဘာနဲ့မှ တန်ဖိုးဖြတ်လို့ မရနိုင်ပါဘူး။ ဘာသာရေးအမြင်နဲ့ပဲ ကြည့်ကြည့်၊ ယဉ်ကျေးမှုရှုထောင့်ကပဲ ကြည့်ကြည့် အလေးထားရမယ့် ကိစ္စဖြစ်ပါတယ်။ ဒါကို တာဝန်သိတဲ့ ရဟန်းသံဃာတော်တွေက ကာကွယ်ခဲ့တယ်။ သူတို့ ကြွေးကြော်သံအသက်ဝင်အောင် အသက်သွင်းပေးပါလားလို့ ကျေးဇူးမတင်တဲ့အပြင် မီးနဲ့ ရှို့တယ်။ မြန်မာသမိုင်းအဆက်ဆက်မှာ ဗုဒ္ဓဘာသာအစိုးရက ဗုဒ္ဓဘာသာရဟန်းများကို မီးရှို့တဲ့မင်းဆက်အဖြစ် သမိုင်းမှတ်တမ်းဝင်စေခဲ့ပါတယ်။
          ကမ္ဘာ့သမိုင်းအဆက်ဆက်မှာလဲ ကိုယ်ကိုးကွယ်တဲ့ဘာသာကို ကိုယ်ပြန်စော်ကားသော တစ်ဦးတည်းသော အစိုးရအဖြစ် ကမ္ဘာ့စံချိန် တင်နိုင်ခဲ့ပါတယ်။
          မြန်မာနိုင်ငံ၏ စီးပွားရေးတစ်ရပ်လုံးကို ဖန်တီးနိုင်မှုစွမ်းအားသည် နိုင်ငံတော်နှင့် တိုင်းရင်းသားပြည်သူတို့၏ လက်ဝယ်တွင် ရှိရေး´´ဆိုတာလေးကိုလဲ သတိရမိပါတယ်။ ဒါပေမယ့် သုံးနှစ်စာ စားဖို့ပေးပြီး တစ်သက်လုံး လုပ်စားစရာ မြေသိမ်းခံရရှာတဲ့အပြင် အိမ်ပါ ပြောင်းပေးရမယ့် ပြည်သူတွေ ကိုယ့်အကျိုးစီးပွား ကာကွယ်ရာမှာတောင် တရုတ်မျက်နှာကြည့်ပြီး ရက်စက်စွာ နှိမ်နင်းခဲ့တာကလဲ ကမ္ဘာပေါ်မှာ စစ်တပ်နှင့် နိုင်ငံခြားသား အကျိုးအမြတ်အတွက် စားစရာမရှိတဲ့ ပြည်သူကို ပြန်နှိမ်နင်းတဲ့ တစ်ဦးတည်းသော အစိုးရအဖြစ် စံချိန်သစ်တင်နိုင်ခဲ့ပါတယ်။
          ဒါတွေ အားလုံးကို ချုံကြည့်လိုက်ရင် သမိုင်းမှတ်တမ်းများစွာအတွက် များစွာ ဂုဏ်ယူမိပါကြောင်း

Posted in: သရော်စာ