ဇွန် ၁၀ ရက်နေ့မှ စတင်ရွာသွန်းလာသောမိုးသည် ယနေ့ ဇွန် ၁၄ ရက်နေ့ထိ ဆက်တိုက်ရွာသွန်းနေသောကြောင့် ဒေသခံများ သွားလာ ရေး နှင့်ကျောင်းသွားသော ကလေးများစွာအတွက် ပို၍အခက်ခဲဖြစ်စေကြောင်း စံပြရွာသားတဦးပြောသည်။
“ထမင်းချက်စားလို့လဲမရဘူး။ ကျမတို့အိပ်တဲ့ဘက်လဲ မိုးပက်တော့ အိပ်လို့လဲမရဘူး။ မိုးကအ ဆက်မပျက်ရွာတော့ စိုးရိမ်လာတယ်။ အိမ်သာ သွားဖို့ လဲအရမ်းခက်တယ်။ လေတိုက်လာရင်လဲ အရမ်းကြောက်မိတယ် အိမ်ကမခိုင် ဘူးလေ။ ကလေးတွေကို ကျောင်းပို့ရတာလဲ မလွယ် ဘူး” ဟု ဒေသခံ တဦးကချင်သတင်းဌာနသို့ပြောသည်။
အောင်မြင်သာ စံပြကျေးရွာတွင် အိမ်ခြေ ၃၂၇ ကျော်ရှိပြီး ယခု အသစ်ပြောင်းရွှေ့တည်ဆောက်ထားသော စံပြကျေးရွာသစ်သည် တောင်များ ဝိုင်းရံထားသည့်နေရာတွင် ရှိ၍ ယခုလိုမိုးများအဆက်မပြတ်ရွာပြီး လေပြင်းများလည်းတိုက်ခတ်လာလျင် ပို၍ စိုးရိမ် ပူပန် နေရ ကြောင်း စံပြ ကျေးရွာမှ ဦးတူးခေါင် ပြောသည်။
၂၀၀၆ ခုနှစ် ဇူလိုင်လတွင်လည်း မိုးများအဆက်မပျက်ရွာသွန်းမှုကြောင့် မြစ်ရေများကြီးပြီး မြေပြို၊တောင်ပြိုမှုများဖြစ်ပွားခဲ့သည်။
မြစ်ကြီးနားမြောက်ဘက် ၂၇ မိုင်အကွာတွင်ရှိသော မေခ-မလိခ မြစ်ဆုံပေါ်တွင် ရေအားလျှပ်စစ် မီဂါဝပ် ၆ဝဝ၀ ထုတ်လွှတ်နိုင်မည့် ရေကာ တာ စီမံကိန်းကြောင့် ဧရာဝတီမြစ် အရှေ့ဘက်နှင့် အနောက်ဘက်ရှိ တန်ဖဲ၊ မဇွပ်၊ ဒေါင်ပန်၊ ဇတူးဇွပ်၊ မလိယန် စသည့် ကျေး ရွာ များ အား ၂၀၁၀ မေလမှ စတင် ပြောင်းရွှေ့ခဲ့ရသည်။
၎င်းမြစ်ဆုံရေကာတာ တည်ဆောက်မှုကြောင့် စီးပွားရေး၊ လူမှုရေးနှင့် သဘာဝပတ်ဝန်းကျင် ဆိုးကျိုးများဖြစ်စေသည့် အန္တရာယ်များ အ ပေါ် မြန်မာပြည်သူလူထု၏ စိုးရိမ်ပူပန် ကန့်ကွက်သံများထွက်ပေါ်လာချိန် မြန်မာနိုင်ငံအစိုးရမှ လွန်ခဲ့သည့်နှစ် စက်တင်ဘာလတွင် မြစ်ဆုံ ရေကာ တာကို ဆိုင်းငံ့လိုက်ကြောင်း ကြေညာခဲ့သည်။
သို့သော် စီမံကိန်းဆောက်လုပ်နေစဉ် ပြောင်းရွှေ့ပေးခဲ့သော အောင်မြင်သာစံပြရွာမှဒေသခံများသည် မိမိနေရပ်ရင်းသို့ ပြန်လည်နေ ထိုင် ခွင့် မရှိပဲ အာဏာပိုင်များ ပိတ်ပင်ထားကြောင်း ဒေသခံများပြောသည်။
စီမံကိန်းကြောင့် ဆုံးရှုံးသွားသော ဒေသခံများ၏ နေအိမ်၊ လယ်ယာမြေ၊ အသီးအနှံစိုက်ခင်း နှစ်ရှည်ပင်များအတွက် လျော်ကြေးနှင့် နစ် နာ ကြေးများ အပြည့်အ၀မရရှိသောကြောင့် ဒေသခံများ စားဝတ်နေရေးအခက်တွေ့နေသည်သာမက ၄င်းတို့ ဆောက်လုပ်ပေး ထား သော နေ အိမ်များလည်း ခိုင်ခံ့ခြင်းမရှိသောကြောင့် ယမန်နှစ် မိုးရာသီ လေပြင်းကျချိန်တွင် နေအိမ်တချို့ပျက်စီးသွားခဲ့ရကြောင်း ဒေသခံ များမှ သိရ သည်။
0 ကွန်မန့်ရေးရန်:
Post a Comment