ဧရာမ တိရိစ္ဆာန်များ....................

Posted by: Ko Myo on Wednesday, June 25, 2014 Categories: ထူးဆန်းထွေလာ

ref;xcitefun
-------------------------------------------------
ကိုမျိုး (lwanmapyay.blogspot.com)

Rate this posting:

Read More

မန်မာပြည်မှာ မိုဘိုင်းဘဏ်စနစ် သုံးနိုင်တော့မည်ဟု ဗဟိုဘဏ်ပြောကြား.............

25 June 2014 17:54(+0630) (လွန်ခဲ့သော 8 နာရီ ခန့်က)

 မြန်မာနိုင်ငံမှာ မိုင်ဘိုင်းဘဏ်စနစ်နဲ့ အီလက်ထရောနစ် ငွေကြေးစနစ်ကို တချိန်ကျရင် အသုံးပြုနိုင်မှာ ဖြစ်တယ်လို့ ပြည်ထောင်စု မြန်မာနိုင်ငံတော် ဗဟိုဘဏ်က ဒီကနေ့ လွှတ်တော်မှာ လာရောက် ရှင်းလင်းပြောကြားလိုက်ပါတယ်။

ဒီကနေ့ ဇွန်လ ၂၅ ရက်နေ့ ကျင်းပတဲ့ ပြည်ထောင်စု လွှတ်တော် အစည်းအဝေးမှာ ဗဟိုဘဏ်ဒုဥက္ကဌ ဦးဆက်အောင်က နိုင်ငံခြားဘဏ်ခွဲတွေ ဖွင့်ခွင့်ပေးမယ့် ကိစ္စနဲ့ ပြည်တွင်း ဘဏ်တွေ ဖွံ့ဖြိုးတိုးတက်အောင် လုပ်ပေးမယ့် အစီအစဉ်တွေ ရှင်းလင်းပြောဆိုခဲ့ ပါတယ်။
ဒီလိုပြောဆိုသွားရာမှာ နောက်ပိုင်းကျရင် စားသုံးသူတွေက ငွေကို အထပ်လိုပ် ကိုင်စရာ မလိုဘဲ မိုင်ဘိုင်းဘဏ်စနစ်၊ အီလက်ထရောနစ်ငွေကြေးစနစ်တွေကို လုပ်ဆောင်မှာဖြစ်လို့ တက္ကစီ အငှားမော်တော် ယာဉ်စီးတဲ့အခါမှာဖြစ်စေ လက်လီဝယ်ယူစားသုံးတဲ့အခါမှာဖြစ်စေ အဲဒီ့ စနစ်တွေနဲ့ အသုံးပြုသွားနိုင်မှာ ဖြစ်တယ်လို့ ပြောဆိုခဲ့ပါတယ်။

ဒါပေမယ့် မြန်မာဘဏ်တွေရဲ့ ပကတိအခြေအနေအရ ဒီစနစ်တွေကို အသုံးပြုနိုင်ဖို့က များစွာအလှမ်း ဝေးနေသေးတယ်လို့ ကမ္ဘောဇဘဏ် ဒုတိယဥကဌ ဦးသန်းလွင်က ဒီဗွီဘီကို အခုလိုပြောပါတယ်။
“သူ့အိပ်မက်ပေါ့။ သူ့အိပ်မက်ကတော့ ကမ္ဘာကြီး ပြောင်းသွားပြီလို့ မက်တယ်။ ဒါပေမယ့် အဲဒါက မြန်မာပြည်အတွက် စောလွန်းတယ်လေ။ မြန်မာတွေက ငွေသား ကိုင်ဆောင်သုံးစွဲတယ် အရသာ တွေ့နေတာဗျ။ ဘယ်လိုမှ မလွယ်ဘူး။ အဲဒါက အနောက်နိုင်ငံမှာဆိုရင်တော့ ဟုတ်တာပေါ့။ ”

မိုဘိုင်းဘဏ်စနစ်ကို အသုံးပြုနိုင်ဖို့ဆိုရင် မိုဘိုင်းဆက်သွယ်ရေးစနစ်တွေ ကောင်းမွန်ဖို့လိုတဲ့ အပြင် လိုအပ်တဲ့ နည်းပညာဆိုင်ရာဥပဒေတွေလည်း ထွက်ရှိဖို့ ကျန်ရှိနေသေးတဲ့အကြောင်း သူက အခုလို ဆက်လက်ပြောပါတယ်။
“ကျွမ်းကျင်တဲ့ ၀န်ထမ်းတွေ လုပ်နိုင်စွမ်းတွေ မရှိသေးဘူး။ အဲဒါတွေ ခိုင်မာပြီဆိုမှ ခုနပြောတဲ့ မိုဘိုင်း ဘဏ်စနစ် ကောင်းတာပေါ့။ လောလောဆယ် စနစ်တွေကလည်း အမျိုးမျိုး ဖြစ်နေတယ်။ စီဒီအန်အေတို့ ဒဗလျူစီဒီအန်အေတို့ ဂျီအက်စ်အမ်တို့ မှိုလို ပွနေတာပဲ။ တခုနဲ့တခု ချိတ်ဆက်ဖို့ သိပ်ခက်တယ်။ နောက် ဥပဒေလည်း လုပ်ရမယ် ဥပဒေလည်း မရှိသေးဘူး။ ဥပဒေပိုင်းကလည်း အများကြီး နောက်ကျနေပြီ။ အဲဒီလို စိတ်ကူးယဉ်ဖို့တော့ မကောင်းဘူးလေ။ အကုန်လုံးက လုပ်စရာတွေက အများကြီး တော်တော်လေး နောက်ကျနေတယ်။”

အလားတူ သမ၀ါယမဘဏ်ရဲ့ အုပ်ချုပ်မှုဒါရိုက်တာ ဦးဖေမြင့်ကလည်း ပြည်တွင်းမှာ အီလက်ထရောနစ်ငွေကြေးစနစ် ပေါ်ပေါက်လာရင်တောင် သမရိုးကျအသုံးပြုနေတဲ့ ငွေသား ကိုင်ဆောင်မှုစနစ်ကတော့ ပျောက်ကွယ်သွားဖို့က မရှိနိုင်သေးဘူးလို့ အခုလို သုံးသပ်ပြောပါတယ်။

“ငွေသားသုံးစွဲမှုစနစ် ယဉ်ကျေးမှုကတော့ ရှိနေဦးမယ်လေ။ ဂျပန်မှာလည်း ရှိတယ်။ ကိုရီးယားမှာလည်း တော်တော်များများက ငွေသား သုံးတုန်းပဲ။ တော်တော်များများမှာ သုံးတုန်းပဲ။ ဒါပေမယ့် ဘဏ်မှာ အထုတ်ကြီးတွေကတော့ ပျောက်ရင် ပျောက်သွားနိုင်မယ်။ နေ့စဉ်သုံးတဲ့ အသေးအဖွဲ့လေးကတော့ ရှိနေဦးမယ်။ ဥပမာ – လက်ဖက်ရည်သွးသောက်တာတို့ ဘာတို့ပေါ့။”

မိုဘိုင်းဘဏ်စနစ်ကို အသုံးပြုဖို့အတွက် သမ၀ါယမဘဏ် အပါအ၀င် ဘဏ်တချို့က နိုင်ငံတော် ဗဟိုဘဏ်ထံ အဆိုတင်သွင်းထားရှိပြီးဖြစ်ပေမယ့် လက်တွေ့မှာ အသုံးချနိုင်တဲ့အဆင့်တော့ မရောက်သေးပါဘူး။

By သိုက်ဇင် (ဒီဗွီဘီ)

ပည်ထောင်စု လွှတ်တော် အစည်းအဝေးတွင် ဗဟိုဘဏ်ဒုဥက္ကဌ ဦးဆက်အောင် ဖြေကြားနေစဉ်

Read More

ထိုင်း ရောက် မြန်မာ အလုပ်သမား တွေနဲ့ မိုဘိုင်းဖုန်း လူမှု ကွန်ရက် သုံးစွဲမှု............

[ သတင်း-ဆောင်းပါး ]

ထိုင်း စစ်တပ်က အာဏာ သိမ်းပြီးတဲ့ ကာလမှာ ထိုင်းနိုင်ငံမှာ ရှိတဲ့ တရားမဝင် အလုပ်သမား တွေကို ဖမ်းဆီး
နေရပ်ပြန်ပို့နေတာကတော့ နေ့စဉ်လိုလို ပါ။ အနယ်နယ် အရပ်ရပ်က တရား မဝင်အလုပ်သမားတွေရှိရာ နေ
ရာတွေမှာ ရှောင်တခွင် ဝင်ရောက် စစ်ဆေးတာတွေနဲ့ အဖမ်းအဆီး တွေကလည်း ဆက်တိုက် ဆိုသလို ရှိနေ
တာပါဘဲ။


ဒါတွေကို မြန်မာအလုပ်သမားတွေကတော့ မြန်မာချင်း စည်းလုံးညီညွတ်စွာနဲ့ မိုဘိုင်းဖုန်းကို အသုံးပြုပြီးအင်
တာနက် အွန်လိုင်း ဖေ့စ်ဘုတ် Line ( လိုင်း ) စတဲ့ လူမှုကွန်ရက်တွေ ကနေ တယောက်ကို တယောက် သ
တင်းပေးကာ ရှောင်ရှားနေ နိုင်ကြတယ်လို့ သိရပါတယ်။ ဒါတွေက ဒီအချိန်မှာ သူတို့အတွက် မရှိမဖြစ်အသုံး
ဝင်လာတာ ဖြစ်ပါတယ်။

“ ဒီအချိန်မှာ ကျတော်တို့ မစည်းရုံးရင် ဘယ်ဖြစ်မလဲ။ ဘယ်မှာ ဘာရှိတယ်။ ဘယ်နေရာ မှာ ရဲဝင်တယ်။ အဲ
လိုမျိုး တယောက်နဲ့ တယောက် သိနေ ရမယ်လေ။ ဒီနေ့ မလာကြနဲ့ ရဲဝင်နေတယ်။ သိတဲ့ တယောက် က
ပြောလာရင် ကျတော်တို့ မသွား တော့ဘူး။ အဲလိုမှ မလုပ်ဘူး၊ မပြော ကြဘူး ဆိုရင် သွားပြီပေါ့။ အားလုံး
ထောင်ထဲ ရောက်ကုန်မှာ" ဆိုပြီး မြန်မာ အလုပ်သမား ခေါင်းဆောင် တဦးက ဧရာဝတီကို ရှင်းပြပါတယ်။

ထိုင်းနိုင်ငံရောက် မြန်မာအလုပ်သမားအများစုမှာ လက်ကိုင်ဖုန်း၊ အိတ်ဆောင် လက်တော့ ကွန်ပြူတာတွေ
နဲ့ အသားကြနေပြီသား ဖြစ်ကြပါတယ်။


အခုလို အဖမ်းအဆီးများတဲ့ ကာလမှာ အဓိက နေ့စဉ်ကြုံတွေ့နေတဲ့ ပြဿနာကတော့ သွားရေး လာရေး ပဲ ဖြစ်
ပါတယ်။ တရားဝင် အလုပ်သမား လက်မှတ် ရှိသည်ဖြစ်စေ အလုပ်လုပ်ရမယ့် နေရာက သတ်မှတ် ထားတဲ့
နေရာမှာသာ လုပ်ကိုင်ခွင့် ရှိတာပါ။


အဲလိုမျိုး အလုပ်တွေကလည်း များသောအားဖြင့် အိမ်ဖော်အလုပ်နဲ့ ခြံအလုပ်တွေပဲ ဖြစ်ပါတယ်။ အဲဒီ မှာ နေ၊
အဲဒီမှာ စား ဆိုတဲ့သဘောပေါ့။

ဒါပေမယ့် မြန်မာအလုပ်သမားတွေကတော့ ဝင်ငွေပိုရတဲ့ အပြင်က ဆောက်လုပ်ရေး လုပ်ငန်းအပြင် တခြား
နေ့စားအလုပ်မျိုးတွေ လုပ်ကြ တာပါ။ ဒီလို လုပ်ကြတဲ့အခါလည်း သူတို့ရဲ့ လုံခြုံရေးကို အင်တာနက်၊ လူမှု ကွန်ရက်တွေနဲ့ သတင်းမေးပြီး မှ  သွားသင့် မသွား သင့်ကို ဆုံးဖြတ်ကြတယ်။


ထိုင်း ရောက် မြန်မာအလုပ်သမားတွေကတော့ အင်တာနက် လူမှုကွန်ရက်တွေ၊ မိုဘိုင်းဖုန်းတွေနဲ့ လက်
ကိုင် ကွန်ပျူတာတွေကို အကျိုး ရှိရှိ သုံးရင်း မလိုလားအပ်တဲ့ ဖမ်းဆီးခံရမယ့် ဘဝတွေ ကိုကျော်လွှားနေနိုင်
တာကတော့ လက်တွေ့ပါ။

ငြိမ်းဇော် ~

The Irrawaddy's Blog by အိမ့်သံစဉ်

Read More

INVITE ဖြစ်နေသော သူများအတွက် VIBER မှာ မဖြစ်ရအောင်..................

- on 4:08 PM - No comments

ပထမဆုံး viber ဖွင့်လိုက်ပါ
အောက်ဆုံးက messade ပုံနဲ့(+) အပေါင်းကိုနှိပ်လိုက်ပါ
အပေါ်ကပုံလည်းကြည့်နိုင်ပါတယ်

ဒုတိယ ထွက်လာတာသောပုံမှာ အပေါ်ဆုံးက
search box ထဲမှာ မိမိပြောချင်သော phone
no ရေးရပါမယ် အောက်ကမှာ Add phone no
နှိပ်ပေးပါ internet တော့ ဖွင့်ထားရမယ်နော်
ဥပမာ။  ။09256027722 ကို contact ထဲ ထည့်
မထားပါနဲ့ search box ထဲမှာ 09256027722
ထည့်လိုက်ပါ အောက်မှ ပေါ်လာပါလိမ့်မယ့်
Add +959256027722 နှိပ်လိုက်ပါ ဒါဆို
invite မဖြစ်တော့ပါဘူး

မိတ်ဆွေတို့ခင်ဗျာ

www.kaungkalayprogram.blogspot.com
knowledge3

အဆင်ပြေပါစေ လေ့လာသူ

Read More

♪ ဖောက်ထွင်းခဲ့သည့် အိမ်ရှိ ကွန်ပျူတာတွင် Facebook သုံးခဲ့သော ဖောက်ထွင်းရေးသမား ဖမ်းဆီးခံရ ♫ ............

မင်နက်ဆိုတာပြည်နယ်တွင် နေထိုင်သူ အသက် ၂၆ နှစ်အရွယ် အမျိုးသားတစ်ဦးသည် ၎င်း ဖောက်ထွင်း ခဲ့သည့် အိမ်တွင် Facebook အသုံးပြုပြီး log out မလုပ်ခဲ့သောကြောင့် ရဲအဖွဲ့၏ ဖမ်းဆီးခြင်းကို ခံခဲ့ရကြောင်း သိရသည်။ နီကိုလပ်စ်ဝစ်ခ်ျ ဟုခေါ်သည့် ဖောက်ထွင်းရေးသမားသည် ဇွန်လ ၁၉ ရက်က စိန့်ပေါလ်တောင် ဘက်ရှိ နေအိမ်တစ်အိမ်တွင် ဖောက်ထွင်းမှုတစ်ရပ် ပြုလုပ်ခဲ့ပြီး ၎င်းနေအိမ်ရှိ ကွန်ပျူတာတွင် Facebook အသုံးပြုခဲ့ကြောင်း၊ သို့သော်လည်း log out ပြုလုပ်ရန် မေ့လျော့သွားခဲ့ကြောင်း အာဏာပိုင်များ က ပြောကြားခဲ့သည်။ ထို့နောက်တွင် အိမ်ပိုင်ရှင် ဂျိမ်းစ်ဝုဒ်က ၎င်း၏အိမ် ဖောက်ထွင်းခံရကြောင်းကို သတိပြု မိပြီး နေအိမ်မှ ငွေသားများအပြင် အကြွေးဝယ်ကတ်များနှင့် နာရီတစ်လုံး ပျောက်ဆုံးခဲ့ကာ ဂျင်းဘောင်းဘီ တစ်စုံ၊ ခါးပတ်တစ်ခုနှင့် Nike တင်းနစ်ဖိနပ်အချို့ကို တွေ့ရှိခဲ့ကြောင်း၊ ၎င်းအပြင် ကွန်ပျူတာ၌ Facebook page တစ်ခု ဖွင့်ထားသည်ကို သတိပြုမိပြီးနောက် ရဲများထံ အကြောင်းကြားခဲ့ခြင်း ဖြစ်ကြောင်း သိရသည်။

မစ္စတာဝုဒ်က ဝစ်ခ်ျသည် သူခိုးတစ်ယောက်ဖြစ်ကြောင်း ကြေညာခဲ့ပြီး ၎င်း၏ ဖုန်းနံပါတ် ကို ဝေမျှကာ အချက်အလက်များကို တောင်းဆိုခဲ့သည်။ ညနေပိုင်းတွင် မစ္စတာဝုဒ်သည် ဝစ်ခ်ျထံမှ message တစ်စောင်ကိုရရှိခဲ့ပြီး အိမ်တွင် ကျန်ခဲ့သည့် ပစ္စည်းများကို ပြန်ပေးရန် အတွက် ချိန်းဆိုခဲ့ကာ ဖောက် ထွင်းရေးသမားက ကျန်ခဲ့သည့် ပစ္စည်းများကို ပြန်လာယူချိန်တွင် ၉၁၁ ကို ဖုန်းဆက်ပြီး ဖမ်းဆီးခဲ့ခြင်း ဖြစ်သည်။ ရဲများက ဝစ်ခ်ျကို ဖမ်းဆီးချိန်တွင် ၎င်းသည် မိမိ၏ နာရီကို ဝတ်ဆင်ထားကြောင်းနှင့် အဆိုပါ ဖောက်ထွင်းရေးသမားသည် ကမ္ဘာပေါ်တွင် အတုံးဆုံး ဒုစရိုက်သမား ဖြစ်ကြောင်း မစ္စတာဝုဒ်က ပြောကြားခဲ့သည်။     ဝစ်ခ်ျသည် အဆိုပါ ဖောက်ထွင်းမှုကြောင့် ထောင်ဒဏ် ၁၀ နှစ်အပြင် ဒဏ်ကြေး ဒေါ်လာ ၂၀,၀၀၀ ပြစ်ဒဏ်ချမှတ်ခံရမည့် အရေးနှင့် ရင်ဆိုင်နေရသည်။

Ref: DailyMail

Internet Journal

Read More

အဓမ္မပြုကျင့်မှု ရပ်တန့်ရေး ချင်း အမျိူးသမီး ၁၃၀ ကျော် ဆန္ဒထုတ်ဖော် .............

နန်းဆိုင်နွမ်

အစိုးရ စစ်သားများက အမျိုးသမီးများအား အဓမ္မပြုကျင့်မှုများ ရပ်တန့်ရန် ရည်ရွယ်ပြီး ချင်းပြည်နယ် မတူပီမြို့၌ ချင်းအမျိုးသမီး ၁၃၀ ကျော်သည် ယမန်နေ့က ပထမဆုံးအကြိမ် လမ်းလျှောက် ဆန္ဒထုတ်ဖော်ခဲ့သည်ဟု သိရသည်။

“ပထမအကြိမ် တင်တုန်းက မတူပီ ရဲစခန်းက ခွင့်မပြုပြီး။ နောက်တခါ ပြန်တင်တော့မှ ခွင့်ပြုတယ်။ တင်ထားတဲ့ လမ်းအတိုင်း တော့ လမ်းမလျှောက်ပါနဲ့။ လမ်းပိတ်မှာ စိုးလို့ ပြောပါတယ်။ ဒါပေမယ့် ကျမတို့ကတော့ တင်ထားတဲ့ လမ်းအတိုင်းပဲ လျှောက်ပါတယ်။ အမျိုးသမီးတွေ နစ်နာနေတာတွေကို ဆန္ဒထုတ်ဖော်တာပါ”ဟု ဆန္ဒ ထုတ်ဖော်ရာတွင် ပါဝင်သည့် ချင်းအမျိုးသမီး အဖွဲ့အစည်းမှ အထွေထွေအတွင်းရေးမှူး ဒေါ်အယ်လီက ဧရာဝတီကို ပြောသည်။

မတူပီမြို့နယ် ရေဇွာမြို့နယ်ခွဲတွင် ဇွန် ၁၀ ရက်က အစိုးရ ခြေလျင် တပ်ရင်း(ခလရ) ၂၆၉ မှ တပ်သား မျိုးသူရကျော်က ဒေသခံ အမျိုးသမီး တဦးကို အဓမ္မပြုကျင့်ရန် ကြံစည်ခဲ့မှုတခု ဖြစ်ပွားခဲ့သေးကြောင်းလည်း သိရသည်။

ဒေါ်အယ်လီက“မတူပီမြို့နယ် အတွင်းမှာ တပ်မတော်သားတွေ ဒေသခံ အမျိုးသမီးကို အဓမ္မ္မကျင့်တာ ၆ ဦး ရှိပြီ။ နောက်ဆုံး ဖြစ် သွားတာ ဇွန် ၁၀ ရက်က ဖြစ်သွားတဲ့ ကိစ္စမှာတော့ တပ်သားကို ရဲစခန်းက ဖမ်းထားတယ်။ ဒါပေမယ့် ဘယ်လို ဆက်လုပ်လည်း ဆိုတာ ကျမတို့ မသိရပါဘူး”ဟု ပြောပြသည်။

မတူပီမြို့နယ်တွင် ကလေးသူငယ်များနှင့် အမျိုးသမီးများ အခွင့်အရေးကို ချိုးဖောက်ခံနေရသဖြင့် ဆန္ဒထုတ်ဖော် လမ်းလျှောက်ခဲ့ပြီး ဒေသခံ ပြည်သူများကို အမျိုးသမီး အခွင့်အရေးနှင့် ပတ်သက်၍ ပညာပေး ဟောပြောပွဲ ပြုလုပ်ခဲ့သည်ဟုလည်း ၎င်းက ပြော ဆိုသည်။

ချင်းပြည်နယ်ရှိ အမျိုးသမီး အများစုသည့် အမျိုးသမီး အခွင့်အရေးနှင့် ပတ်သက်သည့် အကြောင်းအရာများကို သိရှိနားလည်မှု မရှိ ကြောင်း၊ ပညာရေးပိုင်းတွင်လည်း အလွန်နိမ့်ကျ နေကြောင်း၊ အမျိုးသမီး အခွင့်အရေးဆိုင်ရာ ပညာပေးမှုများကို ပိုမိုမြှင့်တင် ပေး ရန် လိုအပ်နေကြောင်း သိရသည်။

၂၀၁၀ ပြည့်နစ် နောက်ပိုင်းမှစပြီး အစိုးရ စစ်တပ်များသည် ချင်းပြည်နယ် အတွင်းသို့ တပ်စခန်းများ လာရောက် နေရာချသဖြင့် ဒေသခံ အမျိုးသမီးများ၏ လုံခြုံမှုမှာ စိုးရိမ်မှုများ ရှိလာကြောင်း၊ လယ်ယာမြေများသို့ သွားရောက် လုပ်ကိုင်ရန် အတွက် ကြောက်ရွံ့စိုးရိမ်မှုများရှိလာကြောင်း ဒေသခံ အမျိူးသမီးများက ပြောသည်။

မြန်မာနိုင်ငံသည် ၁၉၉၇ ခုနှစ်တွင် ကုလသမဂ္ဂ၏ အမျိုးသမီးများအား နည်းမျိုးစုံဖြင့် ခွဲခြားဆက်ဆံမှု ပပျောက်ရေး သဘောတူ စာချုပ်(CEDAW) တွင် လက်မှတ် ရေးထိုးထားသော်လည်း အမျိုးသမီး အခွင့်အရေး ကာကွယ်ပေးခြင်းနှင့် ပတ်သက်ပြီး ဆောင်ရွက်မှုများသည် ထိရောက်မှု မရှိကြောင်း အမျိုးသမီး အခွင့်အရေး လှုပ်ရှားသူများက ဝေဖန် ပြောဆိုလျက် ရှိသည်။

ယခုနှစ် ဇန်နဝါရီလက ထုတ်ပြန်ခဲ့သော ထိုင်းနိုင်ငံ အခြေစိုက် အမျိုးသမီးများ အဖွဲ့ချုပ် (မြန်မာနိုင်ငံ) WLB အစီရင်ခံစာ၌ ၂၀၁၀ ရွေးကောက်ပွဲ ကာလ နောက်ပိုင်း ပြုပြင်ပြောင်းလဲ နေချိန်တွင် မြန်မာ့တပ်မတော်၏ အဓမ္မ ပြုကျင့်ခြင်း ခံခဲ့ရသော အမျိုးသမီး အမှုပေါင်း ၁၀ဝ ရှိကြောင်း၊ တိုင်းရင်းသား ဒေသ အတွင်းရှိ အမျိုးသမီးများ အပေါ် လိင်ပိုင်းဆိုင်ရာ အကြမ်းဖက်မှုများကို စစ်ဗျူဟာ တခု ကဲ့သို့ အသုံးပြုနေမှုကို ရပ်တန့်စေလိုကြောင်း ဖော်ပြထားသည်။

ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းကလည်း မြန်မာနိုင်ငံ အတွင်း စစ်ဖြစ်ပွားရာ ဒေသများနှင့် ဆက်စပ် ဒေသများတွင် ဖြစ်ပေါ်နေသည့် လူ့အခွင့်အရေး ချိုးဖောက်မှုများနှင့် အမျိုးသမီးများ အပေါ် လိင်ပိုင်းဆိုင်ရာ အကြမ်းဖက်မှုများကို စုံစမ်း စစ်ဆေး အရေးယူပေးရန် မြန်မာ အစိုးရကို တောင်းဆိုခဲ့သည်။

Posted by Koko Zaw

Read More

"ဒီအရေးအခင်းမှာ ဦးအံ့မောင်ကတော့ တရားခံပဲ".........................

Tuesday, June 24, 2014

.

 

သန္တိသုခအရေးနဲ့ ၀န်ကြီး ဦးဆန်းဆင့် ဖြုတ်ခံရမှု အပေါ် ဦးဝီရသူရဲ့ အမြင်ကို ဧရာဝတီ မြန်မာပိုင်း ပင်မ စာမျက်နှာမှာ တနင်္လာနေ့က တင်ခဲ့ပါတယ်။ မဖတ်ရသေးသူများအတွက် ပြန်လည် ကောက်နုတ် ဖော်ပြလိုက်ပါတယ်။
  

ပီနန် ဆရာတော်ကြီး ဦးပညာဝံသ နှင့် နိုင်ငံတော် သံဃမဟာနာယကအဖွဲ့တို့ အကြား ပိုင်ဆိုင်မှု အငြင်းပွား လျက် ရှိသော  မဟာသန္တိသုခ ကျောင်းတော်ကြီးကို ဇွန်လ ၁၀ ရက်နေ့၊ ညပိုင်းတွင် ရန်ကုန်တိုင်း သာသနာ ရေး ဦးစီးဌာနနှင့် မြန်မာနိုင်ငံရဲတပ်ဖွဲ့တို့က ၀င်ရောက်စီးနင်းချိတ်ပိတ်ခဲ့ပြီး သာသနာ ညှိုးနွမ်းစေမှုဖြင့် ကျောင်းတိုက် တွင် နေထိုင် သော ပီနန် ဆရာတော် ဦးပညာဝံသ၏ တပည့်ရင်း သံဃာတော် ၅ ပါး ကို  ဖမ်းဆီး လူဝတ်လဲခဲ့သည်။
ဇွန် ၂၀ ရက်နေ့တွင် တာမွေမြို့နယ် တရားရုံးတွင် အမှုစစ်ဆေးခဲ့ပြီး ဖမ်းဆီးခံ ဆရာတော်များကို အာမခံဖြင့် ပြန်လွှတ်ပေးခဲ့သည်။ ယင်းနောက် ဦးဆန်းဆင့် ရုတ်တရက် ဖမ်းဆီးခံရခြင်း၊ ၀န်ကြီးရာထူး ဖြုတ်ခံရခြင်း၊ ဦးအံ့မောင်ကို ခေါ်ယူမေးမြန်းခြင်းဆိုသော နောက်ဆက်တွဲဖြစ်တွဲ ဖြစ်ရပ် အများအပြား  ပေါ်ပေါက်လျက်ရှိရာ ဧရာဝတီအကြီးတန်းသတင်းထောက် စနေလင်းက မန္တလေး မစိုးရိမ် တိုက်သစ် ဆရာတော် ဦးဝီရသူ၏  အမြင်များ မေးမြန်း ထားပါသည်။

မေး။     ။ အခုလို သန္တိသုခကျောင်းတိုက်က သံဃာ ၅ ပါးကို ဖမ်းဆီး တရားရုံးတင်ခဲ့တာနဲ့ပတ်သက်လို့ ဆရာတော်အမြင် သိချင်ပါတယ်။

ဖြေ။     ။ အဓိက ပြောရမှာက အာဏာရှင်လက်ထက်တုန်းက သံဃာတော်တွေကို နှိပ်ကွပ်ဖို့ ရေးဆွဲခဲ့တဲ့ မတရားသော ညွှန်ကြားလွှာ တွေရှိတယ်။ အဲဒီညွှန်ကြားလွှာတွေက အခုချိန်ထိ အသက်ဝင်နေတုန်းပဲ။ နိုင်ငံတော် သံဃမဟာနာယက အဖွဲ့ဝင် ဆရာတော် တပါးပါးက မကျေနပ်ဘူးဆိုရင် အဲဒီညွှန်ကြားလွှာနဲ့ လုပ်ပိုင်ခွင့်ရှိတယ်။ အဲတော့ သန္တိသုခ အရေးတော် ပုံမှာ ဒီညွှန်ကြားလွှာကို ကိုင်ပြီးတော့ အခုလို အရေးယူတာဖြစ်တယ်။ တကယ်တမ်းမှာ အစိုးရက အရေး ယူခိုင်းတာ မဟုတ်ဘူး။ နိုင်ငံတော် သံဃမဟာနာယက က ညွှန်ကြားချက်အတိုင်း အရေးယူလိုက်တာ။ အဲဒီ ၂၀/၉၀ ညွှန်ကြားချက်မှာ ဗိုလ်ချုပ်ကြီး စောမောင် ကိုယ်တိုင် လက်မှတ်ထိုးပြီး ထုတ်ပြန်ထားတဲ့ ဥပဒေဖြစ်တယ်။ အဲဒီဥပဒေထဲမှာ တိုင်းဒေသကြီး၊ သာသနာရေးအဖွဲ့က တရားလိုလုပ်ပြီးတော့ တရားစွဲရမယ်လို့ ပါတယ်။ အဲဒီ ဥပဒေကြီးနဲ့ ကိုင်လိုက်တာ။

မေး။     ။ အရေးယူခံနေရတဲ့ ဆရာတော်တွေဆိုရင် သင်္ကန်းဝတ်ကြီးနဲ့ တရားရင်ဆိုင်ရမယ့် အနေအထားဖြစ်နေတယ်။

ဖြေ။     ။ မှန်ပါတယ်။ နိုင်ငံတော် သံဃမဟာနာယကအဖွဲ့ကသာ ဒီအမှုကို ပြန်ရုပ်သိမ်းလိုက်မယ်ဆိုရင် တရားလို လုပ်ထားတဲ့ တိုင်းဒေသကြီးအဖွဲ့က ချက်ချင်း သင်္ကန်းဝတ်ပေးဖို့ စီစဉ်နေတယ်။ သို့သော် နိုင်ငံတော် သံဃ မဟာနာယက အဖွဲ့က ဆရာ တော်တွေက ဒီလိုသာ ပြန်ရုပ်သိမ်းလိုက်ရင် နောက်အမှုတွေမှာလည်း ဒီလိုပြန်ရုတ်သိမ်းနေရမှာပဲ။ အဲဒီတော့ သူတို့ဘက် က မရုပ်သိမ်းနိုင်ဘူး။ သို့သော် တရားရုံးရဲ့ ဆုံးဖြတ်ချက်ကို သူတို့တွေက ကန့်ကွက်ဖို့မရှိပါဘူး။ တရားရုံးရဲ့ ဆုံးဖြတ်ချက် အတိုင်း သဘောတူပါတယ်လို့ ဆရာတော်ကြီးတွေက ထပ်မံညွှန်ကြားထားတဲ့အတွက်ကြောင့် အခုတိုင်းဒေသကြီးအစိုးရ နဲ့ တရားရေး ဌာနနဲ့ ညှိပြီးတော့ အာမခံရအောင် လုပ်ပေးလိုက်တယ်။

မေး။     ။ ဒီဖြစ်စဉ်တခုလုံးမှာ မဟနရဲ့ ၀င်ရောက်စွက်ဖက်မှုက ဘယ်လောက်အတိုင်းအတာထိ ရှိမလဲ။ ကျောင်းသိမ်း တဲ့ကိစ္စ ရော၊ အရေးယူတဲ့ကိစ္စမှာရောပေါ့။

ဖြေ။     ။ ၀င်ရောက်စွက်ဖက်မှုတော့ မဟုတ်တော့ဘူး။ သူ့ရဲ့နယ်ပယ်ဖြစ်နေတာကိုး။ တကယ်တမ်းကျတော့ နည်းလမ်း မကျသော အရေးယူမှုလို ဖြစ်နေတယ်။ သံဃာကို အင်အားသုံးပြီးတော့ ဖယ်ရှားတာ၊ ဖမ်းဆီးတာပေါ့။ အဓိက ဒီအရေးအခင်းမှာ ဦးအံ့မောင်ကတော့ တရားခံပဲ။ သူက နှစ်ပေါင်းများစွာလည်း ဒီနေရာမှာ အလုပ် လုပ်လာတဲ့သူ၊
သန္တိသုခနဲ့ပတ်သက်ပြီးတော့ တော်တော်လေးလည်း မက်လောက်အောင် ရထားတဲ့သူ။ လက်လွတ်သွားမယ် ဆိုရင်လည်း ဆုံးရှုံးမှာတွေက အများကြီးလေ။ ပြီးတော့ စာရင်းစစ်တွေ ၀င်ရင်လည်း သူ့ကိုထိမှာ။ အဲဒီတော့ လုံးဝ အထိမခံဘဲ ဆရာတော် တွေကို ကြိုးကိုင်ခြယ်လှယ်ရင်းနဲ့ တအားကိုကြီးသွားတာ။

မေး။     ။ သာသနာရေး ၀န်ကြီး ဦးဆန်းဆင့် တာဝန်က ရပ်စဲခြင်းခံရတဲ့အပြင် အရေးယူခြင်းလည်းခံရတယ်ဆိုတော့ အဲဒီအပေါ်မှာ ဘယ်လိုသုံးသပ်မလဲ။

ဖြေ။     ။ ဦးဇင်းတို့ ပစ်တာက ဦးအံ့မောင်၊ သို့သော် ဦးအံ့မောင်က လူလည်ဆိုတော့ သူတော်ကောင်းကို အကာအကွယ် ယူနိုင်တာပေါ့။ သူ့ကိုမထိဘဲနဲ့ သူက ဆွဲပြီးခေါ်လိုက်တဲ့ ဦးဆန်းဆင့်ကို ထိသွားတယ်။

မေး။     ။ သမ္မတက သာသနာရေးနဲ့ပတ်သက်လို့ ၀န်ကြီးတပါးကို ဒီလိုအရေးယူတယ်ဆိုတာက နိုင်ငံရေးအရ ထိုးကျွေး ကစားတဲ့ နိုင်ငံရေးကစားကွက် သဘောမျိုးရော မဖြစ်နိုင်ဘူးလား။

ဖြေ။     ။ ဦးဇင်းတို့ကတော့ အဲဒီလိုမမြင်ဘူး။ ဘာ့ကြောင့်လဲ ဆိုတော့ ၀န်ကြီးက ၀န်ထမ်းကောင်း၊ ဧရာဝတီတိုင်းမှာလုပ်တုန်းကလည်း ပြည်သူလူထုရဲ့ထောက်ခံမှုကို ရတယ်။ သာသနာရေးဌာနမှာလည်း သံဃာတွေရဲ့ထောက်ခံမှုကိုရတယ်။ တကယ် ထိုးကျွေးမယ်ဆိုရင်တော့ ၀န်ထမ်းဆိုးကို ထိုးကျွေးမှာပေါ့။ ၀န်ထမ်းကောင်းကို ထိုးမကျွေးပါဘူး။

မေး။     ။ ဒါဆိုရင် ဦးဆန်းဆင့်ကို တာဝန်မှရပ်စဲတဲ့ နောက်ကွယ်မှာ ဘယ်လိုအကြောင်းတွေ ရှိမယ်ထင်လဲ။

ဖြေ။     ။ ဒီဥစ္စာက ဦးအံ့မောင်ကို နိုင်အောင် မထိန်းနိုင်လို့ပဲ။ ဦးအံ့မောင်ရဲ့အစီအမံတွေနဲ့ နည်းလမ်းမမှန်မကန် ဆောင်ရွက်မှု တွေ မှာ တာဝန်ခံပြီးအရေးယူခံရတယ်လို့ မြင်တယ်။

မေး။     ။  အမျိုးဘာသာ သာသနာ ထိန်းသိမ်းစောင့်ရှောက်ရေး အစည်းအဝေး ( မဘသ ) မှာ သန္တိသုခအရေးနဲ့ ဆွေးနွေး တာမျိုး ရော ရှိလား။

ဖြေ။     ။ မဘသရဲ့ အဖွဲ့ကြီးက အမျိုးသားရေး တခုထဲကိုလုပ်ဖို့ ဖွဲ့စည်း ထားတာ။ အချင်းချင်း အငြင်းပွားတဲ့ ကိစ္စတွေကို လုံးဝလုပ်မှာမဟုတ်ဘူး။ အဲဒါကြောင့် မဘသအနေနဲ့ သန္တိသုခကိစ္စမှာ ကြေညာချက်မျိုး မထွက်လာတာပေါ့။ မဘသ အမည်နဲ့လုပ်မယ်ဆိုရင်တော့ ကန့်ကွက်မယ်။

• ဧရာဝတီ Facebook / ဧရာဝတီ Twitter

.

Read More

အစွန်းရောက် သူပုန်အုပ်စု ISIS က လိင်ကိစ္စအတွက် သမီးဆက်သရန် ပြည်သူများထံ တောင်းဆို..................

24 June 2014 05:06(+0630)

  အီရတ်နှင့် ဆီးရီးယားတို့တွင် လတ်တလော အပြင်းအထန် သူပုန်ထနေသော စွန်နီဘာသာရေး အစွန်းရောက်အုပ်စု ISIS က မိသားစုများအား သမီးဆက်သရန် တောင်းဆိုကြောင်း The Daily Mirror မှ ဖော်ပြသည်။ ၎င်းတို့ဆင်နွှဲနေသော ဘာသာရေး စစ်ပွဲတွင် အမျိုးသမီးများလည်း မဖြစ်မနေ ပါဝင်ရမည်ဖြစ်ပြီး စစ်သွေးကြွတို့နှင့် လိင်ဆက်ဆံခြင်းဖြင့် ၀ိညာဉ်အား သန့်စင်ကြရန် တောင်းဆို ထားသည်။

အစွန်းရောက်တို့ သိမ်းပိုက်ထားသည့် မိုစူးလ်နှင့် တိကရစ်မြို့များတွင် တွေ့ရသော လက်ကမ်းစာစောင်များ၌ ဘုရာသခင်၏အလိုတော်ကို ချိုးဖောက်သူများ ရိုတ်နှက်နှိပ်စက်ခြင်း၊ သတ်ပစ်ခြင်း ခံရမည်ဖြစ်ကြောင်းလည်း ရေးသားထားသည်။

ဆော်ဒီနိုင်ငံမှ ဘာသာရေးခေါင်းဆောင်တဦး ပေးထားသော အစ္စလာမ်ဘာသာရေးဆိုင်ရာ စည်းမျည်းစီရင်ထုံး(fatwa) တခုအရ ISIS စစ်သွေးကြွများအား ဆီးရီးယားအမျိုးသမီးများအပေါ် အဓမပြုကျင့်ခွင့်ပေးထားသည်။

“ဒါဟာ အစ္စလာမ်ဘာသာရဲ့အဆုံးအမတွေအားလုံးနဲ့ ဆန့်ကျင်ဖီလာဖြစ်ပါတယ်၊ သူတို့(စစ်သွေးကြွများ)က မိန်းမတွေအပေါ် ဒီလိုမဒိန်းပြုကျင့်တာကို လိင်ဂျီဟတ်တမျိုးလို့ ထင်နေတယ်၊ မဟုတ်ပါဘူး။ ဒါဟာ စစ်ရာဇ၀တ်မှုပါ” လို့ ဘဂ္ဂဒက်တက္ကသိုလ်မှ လက်ချာဆရာ နာဆာကတ်တောက ပြောသည်။

Ref ; TNP

News Watch(စောင့်ကြည့်သတင်းဂျာနယ်)

Read More

LPG ဓါတ်ငွေ့ဈေး သုံးဆကျော်တက်သွား ..................

24 June 2014 04:40(+0630)

  ပြီးခဲ့တဲ့ တစ်လကျော်က တစ်ပိဿာကို ကျပ် ၂၀ဝ၀ ပေးရတဲ့ အိမ်သုံး LPG ဓါတ်ငွေ့ကို အခု တစ်ပိသာ ကျပ် ၇၀ဝ၀ ပေးမှ ဝယ်လို့ရတဲ့ အတွက် သုံးဆကျော် ဈေးတက်သွား ပါတယ်။

၁၀ ပိသာလောက် ဆံ့တဲ့ ဂက်စ်အိုး တစ်ခုကို အပြည့်ဝယ်ထည့်ဖို့ ၇ သောင်းကျော် ကုန်ကျမှာ ဖြစ်တဲ့ အတွက် အရင်က ဝယ်နေကျ အတိုင်း တစ်အိုးအပြည့် မဝယ်နိုင် တော့ဘူးလို့ အိမ်ရှင်မ တစ်ယောက်က ပြောပါတယ်။

တချို့ကတော့ ဈေးပြန်ကျနိုးမျှော်လင့်တဲ့ အတွက် အနည်း အပါးပဲ ဝယ်ထည့်တော့တယ်လို့ ပြောပါတယ်။

မြန်မာ နိုင်ငံမှာ LPG ဓါတ်ငွေ့ ထွက်ရှိပေမဲ့ တစ်နိုင်ငံလုံး အလုံ အလောက် သုံးနိုင်တဲ့ အထိတော့ မထွက်ဘူးလို့ မြန်မာ့ ရေနံနဲ့ သဘာဝ ဓါတ်ငွေ့ လုပ်ငန်း ရေနံ ရှာဖွေရေးနဲ့ ဖွံ့ဖြိုးရေးဌာနက ဘူမိဗေဒ အရာရှိချုပ် ဦးဉာဏ်ထွန်းက ပြောပါတယ်။

LPG ဓါတ်ငွေ့ ကို ကမ်းလွန် ရေနံ တူးဖော်ရာက ရရှိတဲ့ သဘာဝ ဓါတ်ငွေ့တွေကနေ ထုတ်ယူနိုင်ခြင်း မရှိဘဲ မြန်မာ နိုင်ငံ အလယ်ပိုင်း ဒေသတချို့နဲ့ ဧရာဝတီတိုင်း ကနေ ထွက်ရှိတဲ့ သဘာဝ ဓါတ်ငွေ့ ကနေ သာ ထုတ်ယူနိုင်တယ်လို့လည်း သူက ပြောပါတယ်။

အဲဒီ ဓါတ်ငွေ့ကို ဂက်စ် တာဘိုင်တွေ လည်ပတ်ဖို့နဲ့ LPG ဓါတ်ငွေ့ ဖြန့်ဖြူးနိုင်ဖို့ သုံးရတယ်လို့ ဦးဉာဏ်ထွန်းက ပြောပါတယ်။

မြန်မာ နိုင်ငံမှာ လူအများ ဝယ်ယူ သုံးစွဲနေတဲ့ LPG ဓါတ်ငွေ့ တွေကို ထိုင်းနိုင်ငံ နယ်စပ်ကနေ မြန်မာ နိုင်ငံကို တရားမဝင် တင်သွင်းနေတာ ဖြစ်ပါတယ်။

ထိုင်းနိုင်ငံမှာ စစ်တပ်က အာဏာသိမ်း ပြီးတဲ့နောက် ထိုင်းပြည်သူတွေ သုံးဖို့ ဈေးပေါပေါနဲ့ ရောင်းချပေးနေတဲ့ LPG gas တရားမဝင် ရောင်းချမှုကို ထိုင်း စစ်အစိုးရက တင်းကျပ်လိုက်တဲ့ အတွက် မြန်မာ နိုင်ငံမှာ အခုလို ဈေးတွေ တက်လာတာ ဖြစ်ပါတယ်။

ဘီဘီစီ (မြန်မာပိုင်း)

မီးဖိုသုံး LPD ဂက်စ် တစ်အိုးကို ၁၀ ပိဿာလောက်ဆံ့

Read More

ပါကစ္စတန်အမျိုးသမီးတစ်ဦး အဓမ္မပြုကျင့်ခံရပြီး သစ်ပင်၌ ဆွဲကြိုးချ အသတ်ခံရ ...................

Posted by: Ko Myo on Sunday, June 22, 2014 Categories: မှုခင်းသတင်း

Photo - STRINGER/REUTERS

ပါကစ္စတန်နိုင်ငံတွင် အသက်(၂၁)နှစ်အရွယ် အမျိုးသမီးတစ်ဦး အဓမ္မပြုကျင့်ခံရပြီး သစ်ပင်၌ ဆွဲကြိုးချ အသတ်ခံရသည်ဟု ပါကစ္စတန်ရဲတပ်ဖွဲ့က ပြောသည်။ ယင်းအမှုမှာ ပြီးခဲ့သည့်လတွင် ပါကစ္စတန်နိုင်ငံ၏ အိမ်နီးချင်း အိန္ဒိယနိုင်ငံ၌ ဖြစ်ပွားခဲ့သော အဓမ္မပြုကျင့်၍ လူသတ်သည့်အမှုများနှင့် ဆင်တူနေသည်။

အသတ်ခံရသူအမျိုးသမီးငယ်၏ချစ်သူ မူဟာမက်ဆာကွစ်က အဓမ္မပြုကျင့်၍ သတ်ခဲ့ကြောင်း ဝန်ခံခဲ့ပြီး တရားခံကို ရဲစခန်းတွင် ဖမ်းချုပ်ထားသည်ဟု ရဲတပ်ဖွဲ့က ပြောသည်။ ဆာကွစ်သည် ချစ်သူမိန်း ကလေး အား ၎င်း၏ မိတ်ဆွေနှစ်ဦးနှင့် လိင်ဆက်ဆံရန် အတင်းအကျပ် တိုက်တွန်းခဲ့ရာ မိန်းကလေးက ငြင်းဆန် ခဲ့၍ အဓမ္မပြုကျင့်ပြီး လည်ပင်းညှစ်သတ်ကာ သစ်ပင်တွင် ချိတ်ဆွဲထားခဲ့သည်ဟု ဝန်ခံခဲ့ကြောင်း ရဲတပ်ဖွဲ့ က ပြောသည်။

ထိုသို့ အဓမ္ပပြုကျင့်ပြီး အသတ်ခံရမှုမှာ ကြာသပတေးနေ့ညက ပန်ဂျက်ဒေသ လေယာခရိုင်၌ ဖြစ်ပွားခဲ့ပြီး သောကြာနေ့ နံနက်တွင် ရဲတပ်ဖွဲ့က သတင်းရရှိခြင်းဖြစ်သည်။

‘‘အမျိုးသမီးက အဓမ္မပြုကျင့်ခံရပြီး လည်ပင်းညှစ်သတ်ခံရတာပါ။ အဲဒီနောက်မှာ သူ့အလောင်းကို ကိုယ့် ကိုယ်ကိုယ် သတ်သေသလိုမျိုး သစ်ပင်မှာ ဆွဲကြိုးချထားခဲ့တာပါ။ ဒါပေမဲ့ သစ်ကိုင်းက နိမ့်နိမ့်ကလေး။ အလောင်းက ထိုင်လျက်အနေအထားနဲ့ မြေကြီးနဲ့လည်း ထိနေတယ်’’ဟု ယင်းဒေသရှိ အကြီးတန်းရဲ အရာရှိတစ်ဦးက အေအက်ဖ်ပီသတင်းဌာနသို့ ပြောသည်။

သေဆုံးသူ အမျိုးသမီးငယ်မှာ မျက်မမြင်မိဘနှစ်ပါးနှင့် မောင်နှမခုနစ်ဦးကို လယ်ယာလုပ်ကိုင်၍ ရှာဖွေကျွေးမွေးနေသော မိသားစု၏ သမီးအကြီးဆုံး ဖြစ်သည်။ ယင်းအမျိုးသမီးနှင့် မူဟာမက် ဆာကွစ် တို့မှာ ချစ်သူသက်တမ်း ခြောက်လကြာပြီဖြစ်ပြီး လက်ထပ်ရန် ရည်ရွယ်ထားသူများဖြစ်သည်။ ဆာကွစ် သည် အပြစ်ဝန်ခံခဲ့ပြီဖြစ်၍ ၎င်း၏ မိတ်ဆွေနှစ်ဦးကို ရဲတပ်ဖွဲ့က ရှာဖွေစုံစမ်းနေဆဲဖြစ်သည်။

7Day Daily

No.417 Sunday, June 22, 2014 

-------------------------------------------------
ကိုမျိုး (lwanmapyay.blogspot.com)

Read More