Saturday, June 28, 2014

“ရိုမန်ဖွတ်တို့ရဲ့ ၄၃၆ ကမ္ဘာ” .....................

၂၀၁၄ ခုနှစ်ထုတ် “ရိုမန်းဘော့ထ်တို့ရဲ့ကမ္ဘာ” အပြာစာအုပ်ကတော့ ပတ်စာခွါ၊ ဖျာလိပ်သွားပါပြီ။ စာအုပ်ရေးသူရော ထုတ်လုပ်ဖြန့်ချိသူတွေပါ ပြည်ထဲရေးဌာနက ခြေရာခံ လိုက်နေကြပြီ...ဆိုပါတယ်။
အသက် (၁၈) နှစ်အောက် လူငယ်လူရွယ်တွေကို လမ်းမှားရောက်စေနိုင်တာရယ်၊ (၁၈) နှစ်အထက် လူကြီးတွေအတွက် ဒီစာအုပ်ဟာ အကြောင်းပြချက် တစ်ခု ဖြစ်လာနိုင်တာရယ်... နဲ့ အထူးသဖြင့် အပြာဝါသနာရှင်အတော်များများ ပီဒီအက်ဖ်ဖိုင်အသီးသီး ဒေါင်းလုတ်ဆွဲပြီးကုန်တာရယ်... ကို ထောက်ဆကြည့်တော့ ပြည်ထဲရေးက ဒီစာအုပ်ကို ပိတ်ဖို့၊ သိမ်းဖို့၊ ထိန်းဖို့ လုပ်တာဟာ သင့်တင့်မျှတတဲ့ ကိစ္စလို့ ယူဆရမှာ ဖြစ်ပါတယ်...။

-----------------------------------------------------
“ရိုမန်းဘော့ထ်တို့ရဲ့ကမ္ဘာ” အပြာစာအုပ်အပြီးမှာ အခုတစ်ခါ အလှည့်ကျလာတာကတော့ ၂၀၀၈ ခုနှစ်ထုတ် “ရိုမန်ဖွတ်တို့ရဲ့ကမ္ဘာ” အစိမ်းစာအုပ်ပါပဲ။ စာအုပ်ထုတ်ဝေဖြန့်ချိသူတွေထဲက တစ်ချို့ သမ္မတဖြစ်တဲ့သူ ဖြစ်၊ လွှတ်တော်ဥက္ကဋ္ဌ ဖြစ်တဲ့သူဖြစ်... နေကြပြီး မူလစာရေးသူကတော့ သူ့အိမ်မှာ အေးအေးဆေးဆေး စာဖတ်နေတယ်....လို့ ဆိုပါတယ်။
မည်သို့ပင်ဆိုစေကာမူ “ရိုမန်ဖွတ်တို့ရဲ့ကမ္ဘာ” စာအုပ်ဟာလည်း ပြည်သူလူထုအတွက် အလွန်အင်မတန် အန္တရာယ်ကြီးမားတဲ့ စာအုပ်တစ်အုပ်ပါပဲ။ ၄င်းစာအုပ် ပိုဒ်ရေ ၄၃၆ အရ ယူနီဖောင်းဝတ်အုပ်စုတစ်စုက ပြည်သူပြည်သား၊ အရွယ်သုံးပါးကို ဥပဒေနဲ့အညီ မုဒိန်းကျင့်ဖို့ ခွင့်ပြုထားတာမျိုး၊ အဲဒီကဆက်နွယ်ပြီး တစ်ချိန်တည်းမှာ “ဖယောင်းတိုင်ထွန်း၊ တစ်နပ်လျှော့စား၊ နွားနို့သောက်၊ ပါးရိုက်၊ ကျည်ဆန်၊ သုံးသိန်း၊ နှစ်ထောင်၊ ဘဘပြောင်” အစိုးရ ဖင်ခေါင်းကျယ်သမျှ ပြည်သူက ထမင်းကျွေးပြီး ခံကြရမယ်ဆိုတာမျိုး။
၂၀၁၄ ခုနှစ်ထုတ် “ရိုမန်ဘော့ထ်တို့ရဲ့ ကမ္ဘာ” ဟာ လူပေါင်းအယောက် ၆၀၀၀ ကို လမ်းမှားရောက်စေနိုင်တယ်ဆိုရင် “ရိုမန်ဖွတ်တို့ရဲ့ကမ္ဘာ” က အသက် (၁၈) နှစ် အထက်ရော၊ အောက်ပါ၊ ယောက်ျားရော မိန်းမပါ၊ လူပေါင်း သန်း (၆၀) ကို ချောက်ထဲ တွန်းချဖို့ လမ်းကြောင်းပေးထားတဲ့စာအုပ်ပါပဲ။
ဆိုတော့ကာ... “ရိုမန်ဖွတ်တို့ရဲ့ကမ္ဘာ” စာအုပ်ကိုလည်း အများပြည်သူအကျိုး ရှေးရှုပြီးသကာလ သိမ်းကြရတော့မှာပါ။ သို့သော်... ပထမတစ်အုပ်နဲ့ မတူတဲ့အချက်က “ရိုမန်ဘော့ထ်တို့ရဲ့ ကမ္ဘာ” ကို ပြည်ထဲရေးက သိမ်းယူခဲ့တာဖြစ်ပေမယ့် အခုတစ်ခါ “ရိုမန်ဖွတ်တို့ရဲ့ကမ္ဘာ” ကိုတော့ ကျွန်တော်တို့ ပြည်သူလူထုကပဲ အလိုက်တသိ၊ ကိုယ့်အသိစိတ်နဲ့ကိုယ် အနာဂတ်အန္တရာယ်ကို ကြိုတွေးပြီး သိမ်းယူကြရမှာ ဖြစ်ပါတယ်...။
-----------------------------------------------------
“ရဟန်းရှင်လူ၊ မိဘပြည်သူများခင်ဗျား....
မိမိတို့အစိုးရဟာဆိုရင် ရဟန်းရှင်လူ၊ မိဘပြည်သူတို့ ဆန္ဒရှိခဲ့ကြတဲ့အတိုင်း မုဒိန်းကျင့်နေရတာ ဖြစ်ပါတယ်၊ မိမိတို့မှာ လုံးလုံးအပြစ်မရှိပါဘူး” ဆိုပြီး “ဦးလေးပြောင်၏ ဖတ်စာများ” ကဏ္ဍ နောက်တစ်ပတ် အမ်အာတီဗီဖိုးမှာ လွှင့်မလာခင်၊ (နောက်ထပ်ရက်ပေါင်း ၂၀ ကျော်မရောက်ခင်) ကျွန်တော်တို့ကအရင် ၄င်းစာအုပ်အစိမ်းကို သိမ်းယူဖို့ ပြင်ဆင်ကြရမှာ ဖြစ်ပါတယ်။ နီးစပ်ရာ NLD ရိုးနဲ့ ၄၃၆ ပြင်ဆင်ရေးဌာနတွေမှာ ကိုယ့်နာမည်၊ မှတ်ပုံတင်နံပါတ်နဲ့ လက်မှတ်ထိုးပြီး ဆန္ဒပြုကြဖို့ပါပဲ။
ရဟန်းရှင်လူ၊ မိဘပြည်သူများခင်ဗျား...
Let’s shag ‘em off!
You might also like:

Reactions:

0 ကွန်မန့်ရေးရန်:

Post a Comment