Thursday, February 20, 2014

မျက်နှာပေါ်ကအရေးကြောင်းများကို ရိုးရှင်းလွယ်ကူစွာဖယ်ရှားနည်း =====================================



အသက် ၃၅နှစ်နဲ့ အထက် ရောက်လာပြီဆိုမှဖြင့် သဘာဝတရားကြီးကပေးလာတဲ့ မျက်နှာပေါ်က အရေးအကြောင်းတွေကို မလွှဲ မသွေ လက်ခံကြရမှာပါဘဲ။ အဲဒီအရေးအကြောင်းတွေကို လျော့ပါးသက်သာအောင်လုပ်ပေးနိုင်တဲ့ အလှကုန်ပစ္စည်းတွေရှိကြ သလို၊ သဘာဝနည်းနဲ့  အိမ်မှာ မိမိဖာသာပြုပြင်တဲ့ ဆေးမြီးတိုနည်းလေးတွေလည်းအများကြီးပါ။ ဒီနည်းလေးကတော့ လုပ်ရတာ အင်မတန်မှလွယ်ကူပြီး၊ အသုံးပြုရမယ့်ပစ္စည်းလေးတွေကလည်း လက်တကမ်းမှာအလွယ်တကူ ၀ယ်ယူရနိုင်လို့  ပြုလုပ်ကြည့် စေချင်ပါတယ်။

အသုံးပြုရမည့်ပစ္စည်းများ။ အဆီမထုတ်ထားတဲ့ဒိန်ချဉ်(လ္ဘက်ရည်သောက်ခွက် ၁/၄ပုံ )၊ ချေထားတဲ့ ဌက်ပျောသီးမှည့်မှည့် (လ္ဘက်ရည်သောက်ခွက် ၁-၀က်)၊ ပျားရည် (လ္ဘက်ရည်ဇွန်း ၁-ဇွန်း) တို့ ဖြစ်ပါတယ်။

အဆင့်(၁) ဌက်ပျောသီးကို အခွံနွှာပြီးနောက် အနှစ်အသားကိုကြိတ်ချေပါ(သို့ မဟုတ်)ကျေသွားအောင် ဇွန်းဖြင့်နာနာ ခေါက်ပါ။ (ဌက်ပျောသီးက မှည့်လေကောင်းလေပါ)

အဆင့်(၂) ပြီးရင် ဒိန်ချဉ်နဲ့ ပျားရည်ရောထဲ့ပြီးနောက်၊ အရောအနှောတွေ သမအောင် ဇွန်းဖြင့်နာနာနယ်ပေးပါ။

အဆင့်(၃) အဲဒီအရောအနှောတွေကို သန့် စင်တဲ့လက်ဖြင့်နှိုက်ယူကာ မျက်နှာအနှံ့ ညီနေအောင် လိမ်းပေးပါ။

အဆင့်(၄) အသားထဲစိမ့်ဝင်သွားအောင် ၁၅-မိနစ်လောက်ထားပါ။

အဆင့်(၅) ရေအေးအေးနဲ့ မျက်နှာသန့် စင်ပေးပါ။

မှတ်ချက်။ အကယ်၍ အရေးအကြောင်းအတွန့် တွေ အရမ်းများတဲ့ အသက် ၅၀ကျော်များအတွက်၊ စောစောကနည်းအတိုင်း ပြုလုပ်ပေးပြီး၊ ၁၅-မိနစ်လောက် အသားထဲစိမ့်ဝင်အောင်ထားနေစဉ်မှာ အ၀တ်ပါးပါးသန့် သန့် ကို ရေနွေးစိမ်ညှစ်ပြီးတော့ မျက်နှာပေါ်အုပ်ထားပေးနိုင်ရင် ပိုသင့်တော်ပါတယ်။ (ဆိုလိုတာကတော့ အ၀တ်မှာစွတ်ထားတဲ့ ရေနွေးငွေ့ တွေက မျက်နှာချွေး ပေါက်ကို ပွင့်စေချင်လို့ ပါ)

အမျိုးသမီးတွေသာမက၊ အမျိုးသားတွေအတွက်လည်း အကျိုးရှိစေပါတယ်။

လှသထက်ပို၍လှနိုင်ကြပါစေရှင်။

ပျိုမေတို့သိစေဖို့ မှ ပြန်လည်မျှဝေပါသည်။

Credit to Promise Pauk

(ပေါက်ပေါက်..မျှဝေသည်)

အမျိုးသမီးတိုင်း ဗဟုသုတတိုးစေဖို့ ဒီ Page ကို Like လုပ်ထားနိုင်ကြပါတယ်။
www.facebook.com/pages/ပျိုမေတို့သိစေဖို့/201439940048607

0 ကွန်မန့်ရေးရန်:

Post a Comment