သံလွင်မြစ် ရွာသစ်ရေကာတာ စီမံကိန်း တည်ဆောက်ခြင်းမှာ ပွင့်လင်းမြင်သာမှုမရှိ

စောဇင်ညီ | သောကြာနေ့၊ မတ်လ ၁၅ ရက် ၂၀၁၃ ခုနှစ်

ကယားပြည်နယ် သံလွင်မြစ်ရှိ ရွာသစ် ရေကာတာအား တရုတ်ကုမ္ပဏီမှ တည်ဆောက်နေခြင်းမှာ ပွင့်လင်းမြင်သာမှု မရှိပဲ သတ္တုတမျိုးမျိုး တူး ဖော် ထုတ်လုပ်နေကြောင်း ကရင်နီ အမျိူးသားတိုးတက်ရေးပါတီ (ကေအန်ပီပီ) မှ ပြည်သူ့ဆက်ဆံရေးရုံးမှ ဗိုလ်ကြီး ဖုန်းနိုင်က ပြောဆို လိုက်သည်။

၎င်းက “ကျွန်တော်တို့ မြေဆီလွှာတွေကို ကားကြီးတွေနဲ့ သယ်သွားတာတွေ တွေ့တယ်။” ဟု ပြောသည်။

အဆိုပါရွာသစ်ရေကာတာသို့ ကေအန်ပီပီ အနေဖြင့် သွားရောက်လေ့လာရန် အစိုးရအား ခွင့်ပြုချက် တောင်းခံခဲ့သော်လည်း အစိုးရဘက်မှ ခွင့်မပြု ခဲ့ကြောင်း ဗိုလ်ကြီးဖုန်းနိုင်က ရှင်းပြခဲ့သည်။

အစိုးရနှင့် အပစ်အခတ် ရပ်စဲရန် သဘောတူ လက်မှတ်ထိုးထားသည့် အချက်ခြောက်ချက်တွင် ကယားပြည်နယ်ရှိ ရွာသစ် စီမံကိန်း အပါအ၀င် စီမံကိန်းကြီးများကို ပြည်သူနှင့် လူမှု အဖွဲ့အစည်းများအား လေ့ လာခွင့်ပြုရန် ပွင့်လင်းမြင်သာမှုရှိရန်အတွက် အသိပေးသွားရန် သဘော တူခဲ့သည်ဟု ကေအန်ပီပီ ဘက်မှ သိရှိရသည်။

ထိုသို့ သဘောတူထားသော်လည်း အစိုးရမှ လူမှု အဖွဲ့အစည်းများနှင့် လူထုမှ ထိုရေကာတာသို့ သွားရောက်လေ့လာခြင်းအား ပိတ်ပင်မှုများ ယနေ့အချိန်အထိ ရှိကြောင်း ဒေသခံများက ပြောသည်။

“ကျွန်မတို့ ဒေသခံတွေကို စစ်တပ်က ပေးမ၀င်ဘူး။ ရေကာတာဆောက်လုပ်တဲ့ ဒေသတခုလုံး အစိုးရက စစ်တပ် အင်အားနဲ့ ပိတ်ဆို့ထား တယ်” ဟုကယန်းအ မျိူးသမီးများ ကွန်ယက်မှ အထွေထွေ အတွင်းရေး မှူး မအယ်ဗလင်းက ဆိုသည်။

၎င်းရေကာတာ စီမံကိန်းအား တရုတ် ဒါးတန်းကုမ္ပဏီ (Datang Corporation) နှင့် ဦးပိုင်လီမိတက်တို့မှ မြန်မာအစိုးရ အကူအညီဖြင့် လုပ် ကိုင်နေသည်ပြီး ရေကာတာ ဆောက်လုပ်ရန် မြေတိုင်းတာမှုများကို လှိူ့ဝှက်စွာ ပြုလုပ်နေသည် ဟု လေ့လာသူများက ပြောသည်။

“သံလွင်မြစ် အောက်ပိုင်းမှာ ရွှေထွက်တဲ့ နေရာတွေက အများကြီးဘဲ။ အဲဒီရေကာတာ တည်ဆောက်တဲ့ နေရာက အဓိကရွှေကြောဖြစ်တယ် လို့ ကျွန်မတို့ အဘိုးတွေ လက်ထက်ကတည်းက ကြားဖူးတယ်” ဟု ဖားဆောင်းမြို့နယ်မှဒေသခံ အမျိူးသမီးတဦးက ဆိုသည်။

သံလွင်မြစ်ကြောအတွင်း ရွှေတူးဖော်သည့် လုပ်ငန်းများ အများအပြားရှိပြီး ရွာသစ် ရေကာတာ အနီးရှိ မော်ချီးရွာတွင် ဦးပိုင်လီမိတက်မှ နေ၍ မြေဆီလွှာအားသန့်စင်ရာ ခဲမဖြူ ဓါတ်၆၀ရာခိုင်နှုန်း ပါဝင်သော ဓါတ်သတ္တုများအား ထုတ်လုပ်လျှက်ရှိကြောင်း ကယားပြည်နယ်ဒေသခံ သ တင်းထောက်ဟောင်း တဦးက ပြောသည်။

၎င်းက“မော်ချီးမှာ ခဲမဖြူတွေထွက်တယ်။ ဒါကြောင့်အနီးမှာရှိတဲ့ ရွာသစ်ရေကာတာက မြေတွေကို သယ်သွားတာလည်းဖြစ်နိုင်တယ်။” ဟု ဆို သည်။

သံလွင်ချစ်သူများအဖွဲ့မှ ဒေသခံတဦးက “ရေကာတာ တည်ဆောက်ရင် ကျွန်မတို့ ဒေသက ရွာတွေ အများကြီးရေမြှပ်နိုင်တယ်။ လောပိတ ကြောင့်လဲ ကျွန်မတို့ ကရင်နီ ပြည်နယ်မှာ ခါးသီးလှတဲ့ ခံစားမှုတွေ ခံစားခဲ့ပြီးပါပြီ။ ဒီရေကာတာ သာဆောက်ပြီးရင် ရေကာတာ အထက်ပိုင်း က စိုက်ပျိုးမြေတွေ လူနေအိမ်တွေ အများကြီး ရေလွှမ်းမိုး သွားနိုင်ပါတယ်” ဟု သူ့အမြင်ကို ပြောပြခဲ့သည်။

ကယားပြည်နယ် အတွင်းရှိ သံလွင်မြစ်ပေါ်တွင် ၂၀၁၀ ခုနှစ်က မြန်မာအစိုးရနှင့် တရုတ်ကုမ္ပဏီ တခုဖြစ်သည့် ဒါးတန်းကော်ပိုရေးရှင်းတို့ နား လည်မှု စာချုပ်အရ မဂ္ဂါဝပ် ၆၀၀ ထုတ်လုပ်ပေးနိုင်သည့် ဆည်တခု၊ သံလွင်မြစ်လက်တက်ဖြစ်သော ပွန်ချောင်းနှင့် သဘက်ချောင်းတို့တွင် မဂ္ဂါဝပ် ၁၃၀နှင့် ၁၁၀ ပါရှိသော ဆည်အပါအ၀င် စုစုပေါင်း ဆည် ၃ ခု တည်ဆောက်ရန် ပါဝင်ကြောင်း သံလွင်ချစ်သူများ အဖွဲ့မှ သိရှိရ သည်။

သို့ရာတွင် အဆိုပါ ရွာသစ်ရေကာတာ စီမံကိန်းမှ လျှပ်စစ်ဓါတ်အား မဂ္ဂါဝပ်၆၀၀ ထုတ်လုပ်ခဲ့သည်ဟု အစိုးရ ဘက်မှ ထုတ်ပြန်သော်လည်း တရုတ်ဘက်မှ မဂ္ဂါဝပ်၄၀၀၀ ထုတ်လုပ်သွားရန် ပြုလုပ်နေကြောင်း သံလွင်ချစ်သူများအဖွဲ့က ၎င်းတို့တွေ့ရှိချက်ကို ရှင်းပြခဲ့သည်။

သံလွင်ချစ်သူအဖွဲ့မှ ဒေသခံတဦးက “ကျွန်မတို့ ရေကာတာ စီမံကိန်းအပေါ် အရမ်းစိုးရိမ်နေပါတယ်။ ရေကာတာ စီမံကိန်းဒေသမှာ စစ်တပ် ထပ်တိုးချဲ့မှာကိုလဲ ထိတ်လန့်နေပါတယ်။ အဲဒီ ရေကာတာ တွေရှိတာ တောင်ကျွန်မတို့ဒေသမှာ မီးမရသေးပါဘူး” ဟု ပြောသည်။

Posted by ကိုကို

Posted in: နိုင်ငံရေး