မုန့်ပုံပြင်

By Shwe Ei 

  တစ်ခါကဂျုံမုန့်တိုင်းပြည်ကြီး ၌စိုးစံ၍နေသော ပေါင်မုန့်ဘုရင်ကြီးနှင့် ကိတ်မုန့်မိဖုရားကြီး၌ ပေါက်စီအမည်ရှိ သားတော်တစ်ပါးရှိသတတ်။
          ပေါက်စီမင်းသားလေး၏ ငယ်ကျွန်မှာမုန့်ကြာစိဖြစ် ၍မင်းသားလေးကိုချစ်ခင်ပြီးသစ္စာရှိသည်ဟု ဟူလို။ ပေါက်စီမင်းသားလေးအရွယ်ရောက်လျှင်ပေါင်မုန့်ဘုရင်ကြီးက ကဲသားတော်ပေါက် ပညာသင်ယူရန်အချိန်သင့် နေပြီ ဟုပြောရာ ခမည်းတော်နှင့်မယ်တော်တို့နှင့်ခွဲ၍သားတော်ပေါက် ဘယ်မှမသွားပါရစေနှင့်ဘုရား ဟုတင်လျှောက်တော်မူလေသတတ်။ ထိုအခါပေါက်စီ ဖခမည်းတော်ပေါင်မုန့်မှ မရဘူးသားတော် သားတော်သည်ခမည်းတော်၏ အရာကိုဆက်ခံရမည်။ မုန့်ကိုလက်ကအုပ်ချုပ်သည်။ လက်ကို စိတ်ကအုပ်ချုပ်သည်။ စိတ်ကိုဥာဏ်ကအုပ်ချုပ်သည်။ ဥာဏ်ကိုပညာကအုပ်ချုပ်သည်။ သို့ဖြစ်၍ ပညာစုံမှပြန်လာရမည် အမိန့်တော်…..
          သို့ဖြစ်၍ပေါက်စီမင်းသားလေးသည်ငယ်ကျွန်မုန့်ြ
ကာစိနှင့်အတူ တက္ကသိုလ်သို့ပညာသင်ရန်ထွက်ခဲ့ လေ၏။
          သို့နှင့်တက္ကသိုလ်ပြည်မှဒိသာပါမောက္ခဆရာကြီးအီကြာကွေးထံတွင်ပညာသင်ယူလေတော့သည်။
          ဘုရင့်သားဆိုမေမဲ့ငါဆီမှာပညာသင်ရင်တော့ငါ့တပည့်ဖြစ်သွားပြီပေါ့ ထိုသို့ဖြင့် ပေါက်စီမင်းသားလေး သည်မုန့်ကောင်းမုန့်မြတ်တို့ တပ်အပ်သော အဋ္ဌာရသ ၁၈ ရပ်သောပညာတို့ကိုကြိုးစားသင်ယူလေသတတ်။
          မင်းသားလေး၏လေ့ကျင့်ပုံများမှာဆိုရင် မြားအချောင်းတစ်ရာမှာတစ်ချောင်းတော့ထိအောင်ပစ်ရမယ် တယ်ငါကွ ခကွေးယပင့်စသတ်ချစ် ချစ်ချစ်  ၀ အပေါင်းတစ် တစ် နှစ်အပေါင်းနှစ်
          ဤကဲ့သို့စာပေကျမ်းဂန်ကြီးများကိုကြိုးစားသင်ယူသည့်အပြင်ပေါက်စီမင်းသားလေး သည်ဆရာကြီး အီကြာကွေး၏မိသားစုအလုပ်များကိုလည်းကူညီ၍လုပ်ကိုင်ပေးသည်။
          ထို့ကြောင့်ဆရာကြီးအီကြာကွေးနှင့် ဆရာကြီးကတော်ဒေါ်ပလာတာတုိ့သည်ပေါက်စီမင်သားလေး အားအရေးပေးလျက်ရှိသည်။ ထိုသို့လုပ်ကိုင်ဆောင်ရွက်သည်ကို ဆရာကြီးအီကြာကွေးနှင့် ဆရာကြီးကတော်ဒေါ်ပလာတာတို့၏ သမီးချောလေးဆနွင်းမကင်းဒေ၀ီကမြင်သွား ကာ မိန်းကလေးတို့၏ က္ကနြေ္ဒအတိုင်း ခုတွေ့ခုချစ်သွားတော့သည်။ ထိုအကြောင်းကိုဆရာကြီးအီကြာကွေးသိရှိသွားကာ ပေါက်စီမင်းသားလေးကိုခေါ်ယူမေးမြန်းတော့လေသည်။
          ငါ့သမီးကိုတကယ်ချစ်ရဲ့လား။ ပုံပြောနေတာလားကွ။
          မှန်ပါ့ပုံပြော အဲကယ်ချစ်တာပါဗျ
          ဒါဆိုယူစေ။
          ဤကဲ့သို့ခက်ခက်ခဲခဲတောင်းယူရပြီးလျှင်မုန့်ကြိုးလိမ်နယ်စားကြီးကကြီးမှုး၍ ပေါက်စီမင်းသားနှင့် ဆနွင်းမကင်းဒေ၀ီတို့ကိုထိမ်းမြားပေးလိုက်တော့သတည်း။
          ထို့နောက်မိဘနှစ်ဖြာကန်တော့ကြရာ အီကြာကွေးဆရာကြီးမှ
          အိမ်းငါ့တပည့်တော်ပါပေတယ်။ ငါ့ဆီကယူလို့ရသမျှအကုန်ယူနိုင်ပေရဲ့ ဟုချီးမွမ်းစကားကိုဆိုသတတ်။
ဒီလိုနဲ့ပေါက်စီမင်းသားနဲ့ဆနွင်းမကင်းဒေ၀ီတို့ဟာငယ်ကျွန်မုန့်ကြာစိနဲ့အတူ  တိုင်းပြည်ကိုပြန်လာ လေတော့သည်။
          ထိုအခါတောလမ်းတနေရာတွင်မုန့်ဖတ်ထုပ်ဘီလူးမနှင့်တွေ့ကြလေတော့သည်။ မုန့်ဖတ်မဘီလူးမသည် သူ့နယ်ပယ်ကိုကျူးကျော်လာသောမည်သည့်မုန့်မဆိုစားနေကြဖြစ်ပေသည်။ မုန့်ဖတ်ထုပ်ဘီလူးမ၏ကျွေးကျော် သံကြီးမှာဆိုရင်
ဟယ် သယ်… ငါ့နယ်အားကျူးကျော်တဲ့အတွက်ငါစားရန်မုန့်တစ်ခုထားခဲ့ ဟူသတတ်။
ဆနွင်းမကင်းကြိုက်သော မုန့်ဖတ်ထုပ်ဘီလူးမသည် ဆနွင်းမကင်းဒေ၀ီအားထားခဲ့ရမည်ဟု တောင်းဆိုသော စကားကိုပေါက်စီမင်းသားက  ငြင်းဆိုလေသည်။ ထိုအခါ မုန့်ဖတ်ထုပ်ဘီလူးမသည် ဆနွင်းမကင်းဒေ၀ီအား အတင်းလုယူဖမ်းဆီးလေသည်။ ထိုသို့မိမိမယားကိုလုသောအခါပေါက်စီမင်းသားသည် ခံပြင်းသည်ဖြစ်၍
ကဲလာလော့ ရော့မုန့်ဗိုင်းတောင့်မြားနဲ့ခွင်းလိုက်မယ် ခုချက်ခြင်းသေ
မြားမှန်ခံရသောမုန့်ဖတ်ထုပ်ဘီလူးမသည် မြီု့တွင်းသို့ဝင်ကာခေါပြင်စည်ကြီးကိုတီးခတ်ရင်းလဲကျသေဆုံးသွား သည် ဟူလို။ ဗတ် ဗတ် ဗတ်
          ခေါပြင်စည်ကြီး၏အသံမှာဂျုံမုန့်တိုင်းပြည်အတွင်းဆူညံစွာ ရိုက်ခတ်မြည်ဟီးသွား၏။ ထိုအခါပေါင်မုန့် ဘုရင်ကြီးသည် ဘာသံပါလိမ့်လိုက်ရှာကြစမ်းအမတ်တို့ဟု အမိန့်ပေးရာ ကောက်လှိုင်းတီအမတ်ကြီး နှင့် စစ်သူကြီး စလူမုန့်တို့သည်အသံလာဂာနေရာကိုလိုက်လံရှာဖွေကြသည်။ လမ်းခရီးတစ်နေရာတွင်ပေါက်စီ မင်းသားနှင့်အမတ်တို့တွေ့ဆုံကြသည်။ အဖြစ်အပျက်ကိုသိရလျှင်အမတ်တို့က ပေါက်စီမင်းသား ကိုနန်းတော်သို့ ခေါ်ဆောင်သွားလေသတတ်။
          ပေါင်မုန့်ဘုရင်ကြီးရှေ့ရောက်သော် ပေါင်မုန့်ဘုရင်ကြီးမှ သားတော်သည်ခမည်းတော်၏ခွင့်ပြုချက် မရှိဘဲလက်ထပ်ခဲ့ပြီး ဘီလူးမနှင့်ရန်ဖြစ်ခဲ့သည်။ ထိုရန်ကိုပညာနှင့်မဖြေရှင်းဘဲ လက်တုံပြန်၍ မြားနှင့်ခွင်းသော ကြောင့်ဘီလူးမသေခဲ့ပြီ။ မသေမီခေါပြင်စည်ကို မုန့်ဖတ်ထုပ်ဘီလူးမတီးခတ်ခဲံ့သည်။ ခေါပြင်စည်သေဆုံးပြီး နောက်တီးခတ်သူ သေလျှင်ထိုသူအားသတ်သောသူပါသေစေရမည်ဖြစ်၍ သားတော်အားသတ်စေ။
          အမိန့်တော်အရမုန့်လက်ကောက်အာဏာပါးကွက်သားသည် ပေါက်စီမင်းသားအားမုန့်ဟင်းခါးဖတ် နှောင်ကြိုးတည်းကာ မုန့်စိမ်းပေါင်းတောင်ပေါ်မှတွန်းချသတ်လေသည်။ ပေါက်စီမင်းသားသည်တောင်အောက်ရှိ မုန့်လက်ဆောင်းချောင်းထဲသို့ကျခဲ့သော်လည်း ပေါက်စီမင်းသား၏ဘုန်းတန်ခိုးကြောင့် မုန့်စလင်းတောင့် နတ်သားက အလျှင်အမြန်ဆယ်ယူသော်မူနိုင်သဖြင့်အသက်မသေဟု ဟူလို။ ထိုအခါ မုန့်စလင်းတောင့် နတ်သားက
          သင့်ကိုကျွန်ုပ်သည်ရေထဲမှရေပေါ်သို့ဆောင်ယူကယ်တင်ခဲ့သည်ဖြစ်၍ ယ္ခုမှစ၍ သင်သည်ပေါက်စီဘ၀ မှမုန့်လုံးရေပေါ်ဘ၀သို့ရောက်စေ- ထိုအဖြစ်ကိုဘယ်သူမှမပြောရ ဟု မုန့်စလင်းတောင့် နတ်သားကမြွက်ကြားသတတ်။
          မုန့်လုံးရေပေါ်ဖြစ်သွားသောပေါက်စီမင်းသားလေးသည်ဆနွင်းမကင်းဒေ၀ီအားလွမ်းဆွတ်သဖြင့် ဆနွင်းမကင်းဒေ၀ီရှိရာသို့ပြန်လာခဲ့သည်။ ထိုအခါဆနွင်းမကင်းဒေ၀ီက သူ့မောင်တော်ပေါက်စီမဟုတ်ကြောင်း ငြင်းဆိုသည့်အတွက် ပေါက်စီမင်းသားလေးသည်အမှန်အတိုင်းဖွင့်ပြလိုက်ရာ လက်တွေ့ပါပြမိသဖြင့် ဗိုက်ပေါက်၍ သေဆုံးသွားလေသတတ်။ ထိုအခါမှ ထန်းလျက်မထွက်ဘဲကြက်သားစများထွက်လာ၍ ဆနွင်းမကင်းဒေ၀ီသည်ယုံပြီးလျှင် သူ့ကြောင့်မောင်တော်ပေါက်သေရသည်ဟုဆိုကာ အုန်းနို့မြစ်ထဲ ခုန်ဆင်း၍သေသည်။ ငယ်ကျွန်မုန့် ကြာစိလည်းထန်းလျက်ရည်ကန်ထဲသို့ ခုန်၍အရှင့်အတွက်အသက် စွန့်သည်။
          ထိုအကြောင်းကိုကြားသိရသော ပေါင်မုန့်ဘုရင်ကြီးသည် သူတို့သုံးဦးအားသယ်ဆောင်ပြီးလျှင် ဆေးဆရာကြီးနံပြားထံပြလေသည်။ ထိုသို့ဖြင့်ဆေးဆရာကြီးနံပြားကပညာစွမ်းဖြင့်ကုသလေတော့သည်။ ဆေးဆရာကတော် စမူဇာ ကပါအားဖြည့်ရာ ပေါက်စီမင်းသား  ဆနွင်းမကင်းဒေ၀ီ နှင့် မုန့်ကြာစိတို့အသက်ချမ်းသာရ သတတ်။
 စာကြွင်းးမုန့်ကြာစိသည်ထန်းလျက်ရည်ကန်ထဲတွင်သတ်သေပြီးထန်းလျက်ရည် ကိုကြိုက်သဖြင့်ယနေ့တိုင် ထန်းလျက်ရည်ကန်ထဲ ရေစိမ်လျှက်ရှိသည်။
          ထို့နောက်ပေါင်မုန့်ဘုရင်ကြီးသည်သားတော်။ ချွေးမတော်နှင့် ငယ်ကျွန်တို့အားနန်းတော်သို့ ခေါ်ဆောင်သွားလေ၏။ ထို့နောက်ပေါက်စီမင်းသားအားထီးနန်းလွဲအပ်လေတော့သည်။ ထိုအခါမှစ၍ ပေါက်စီဘုရင်လေးနှင့် ဆနွင်းမကင်းဒေ၀ီတို့သည် ဂျုံမုန့်တိုင်းပြည်ကြီးတွင်ပျော်ရွင်စွာ မုန့်ကျင့်တရား အပါးပါးနှင့် စိုးစံကြလေသတည်း။

--

Posted in: ဟာသ