Sunday, April 22, 2012

မြန်မာ လက်ထပ် ထိမ်းမြားခြင်း

မြန်မာ လက်ထပ် ထိမ်းမြားခြင်း

မင်္ဂလာမောင်နှံ
ယောက်ျားလေး တစ်ယောက်နှင့် မိန်းကလေး တစ်ယောက် အချိန်တန် အရွယ်ရောက်၍ လူလား မြောက်သောအခါတွင် အိမ်ထောင် ပြုကြသည်မှာ လောကဓမ္မတာ တစ်ခုပင် ဖြစ်သည်။ ထိုသို့ အရွယ်ရောက်သော ယောက်ျား တစ်ယောက်နှင့် အရွယ်ရောက်သော မိန်းကလေး တစ်ယောက် အိမ်ထောင် ပြုသည်ကို မြန်မာတို့က ထိမ်းမြား မင်္ဂလာဆောင်သည်ဟု ခေါ်ဝေါ် သမုတ်ကြ လေ့ရှိသည်။ ထိုအခါ မျိုးများတွင်လည်း မင်္ဂလာ အခမ်းအနားများကို ကျင်းပ လေ့ရှိကြသည်။
မာတိကာ
1 မြန်မာ့ရိုးရာ ထိမ်းမြားမင်္ဂလာ အခမ်းအနားများ
2 မင်္ဂလာဆွမ်းကပ်ခြင်း
3 ရုံးတက်လက်ထပ်ခြင်း
4 ညစာစားပွဲများ
5 ထိမ်းမြား မင်္ဂလာ (၁၀)ပါး
6 နာမည်ကြီးမင်္ဂလာဆောင်ခန်းမများ
6.1 TRADERS Hotel
6.2 Sedona Hotel
6.3 Parkroyal Hotel
6.4 Innya Lake
6.5 YUZANA GARDEN HOTEL
6.6 Central Hotel
6.7 မဟာသန္တိသုခ
6.8 နှင်းဆီကုန်း ဘိုးဘွားရိပ်သာ
7 ကိုးကား
မြန်မာ့ရိုးရာ ထိမ်းမြားမင်္ဂလာ အခမ်းအနားများ
မြန်မာနိုင်ငံကား ရှေးနှစ်ပေါင်း များစွာ ကတည်းကပင် တစ်လင်တစ်မယား စနစ်ကို ကျင့်သုံးခဲ့သော နိုင်ငံဖြစ်သည်။ ထို့အတွက် မြန်မာ့ လူမှုနယ်ပါယ်တွင် ထိမ်းမြား မင်္ဂလာဆောင်ခြင်း ကိစ္စနှင့် ပတ်သတ်၍ “တစ်သက်မှာ တစ်မင်္ဂလာ” ဟူသော စကားတစ်ခုသည် အထူးပင် ရေပန်းစား ခဲ့လေသည်။ အဆိုပါ စကားကို မြန်မာ အမျိုးသားများ အနေဖြင့် ဥပက္ခာပြု မထားကြသည့်တိုင် မြန်မာ အမျိုးသမီးများကမူ ထိုစကားအပေါ် အထူးသဖြင့် ပို၍ အလေးထားကြ ဟန်ရှိသည်။ ထို့အတွက်လည်း အမျိုးသမီးများ အနေဖြင့် မင်္ဂလာအခမ်းအနား ကျင်းပခြင်းကို အမျိုးသားများထက် ပို၍ နှစ်ခြိုက် ကြခြင်းလည်း ဖြစ်ပုံရသည်။
မင်္ဂလာ အခမ်းအနား ကျင်းပ ရာတွင်လည်း အမျိုးသမီးများက အမျိုးသားများထက် ပို၍ ပြင်ဆင် ခြယ်သ ကြလေ့ရှိသည်။ သို့ရာတွင် ၄င်းတို့၏ ၀တ်စား ဆင်ယင် ပုံများကတော့ ရှေးမြန်မာ့ ရိုးရာများ အတိုင်းပင် ဖြစ်သည်။ မြန်မာဘုရင်များ လက်ထက်က နန်းတွင်းသူများ ၀တ်သည့် ပုံစံအတိုင်းပင် ဖြစ်သည်။ တင်ပါး အထိဖုံးသော ခါးထောင် အင်္ကျီနှင့် ထိုင်မသိမ်း ပင်ဖြစ်သည်။ အရောင်အသွေး ၊ ပိတ်စ အမျိုးအစားနှင့် ခေတ်အလျောက် ဒီဇိုင်း အနည်းငယ် ပြောင်းလဲမှု ရှိသည့်တိုင် အခြေခံပုံစံ ကတော့ ဆိုခဲ့ပြီးသလို ရှေးမြန်မာ နန်းတွင်းသူတွေ အတိုင်းပင်ဖြစ်သည်။ အလားတူပင် မြန်မာ အမျိုးသားများ မှာလည်း မင်္ဂလာ အခမ်းအနားတွင် ရိုးရာ အ၀တ် အထည်များ ကိုသာ ၀တ်ဆင် ကြသည်။ မင်္ဂလာဆောင်မည့် အမျိုးသား (သတို့သား) အတွက် အဓိကျသည့် ၀တ်စုံမှာ ခေါင်းပေါင်း ၊ ကော်လံကတုံး ရှပ်အင်္ကျီ အဖြူ ၊ တိုက်ပုံ နှင့် သာမန် လုံချည်များထက် နှစ်ဆနီးပါးမျှ ပို၍ရှည် လျားသော (တောင်ရှည်) ပုဆိုးတို့ ဖြစ်သည်။ ထိုဝတ်စုံနှင့် လိုက်ဖက် ညီအောင်လည်း သတို့သားမှာ ကတ္တီပါ (သို့မဟုတ်) သားရေ ညှပ်ဖိနပ်ကိုသာ စီးနင်းကြလေ့ ရှိသည်။

ဘိသိက်ဆရာ
အခမ်းအနား အများအပြားတွင် အခမ်းအနားမှုး (Master of Ceremony) ရှိလေ့ ရှိကြသည့် အတိုင်း မြန်မာ့ မင်္ဂလာ အခမ်းအနားများတွင် လည်းအခမ်းအနားမှုး လုပ်သူများပါရှိ လေ့ရှိကြသည်။ ထိုသူကို မြန်မာမှု အခေါ်အဝေါ်အရ ဘိသိက်ဆရာ ဟုခေါ်လေ့ရှိသည်။ ထိုဘိသိက်ဆရာက မင်္ဂလာ အခမ်းအနား တစ်ခုလုံးကို ဦးဆောင် ကျင်းပပေးရသလို မင်္ဂလာ သတို့သားနှင့် သတို့သမီး အပါအ၀င် နှစ်ဖက်သော မိဘဆွေမျိုး အသိုင်းအ၀ိုင်းအား ချီးမွမ်းခန်း နှင့် မင်္ဂလာ သတို့သားနှင့် သတို့သမီးတို့ ရွှေလက်မြဲမြဲ တွဲနိုင်ပါစေကြောင်း ဆုတောင်းခန်း တစ်ခုပါရှိသည့် ကဗျာရှည် တစ်ပိုဒ်ကို အထူး ရေးသားကာ ဖတ်ကြားပေးရသည်။ ဤသို့ ဖတ်ကြားပေးခြင်းကို ဘိသက် မြောက်ခြင်းဟု ခေါ်သည်။ သြဘာ စာဖတ်သည်ဟုလည်း သုံးနှုန်းကြသည်။ သို့ရာတွင် အဆိုပါ ဘိသိက်ဆရာမှာ မင်္ဂလာ အခမ်းအနား တစ်ခုလုံးကို ဦးဆောင် ကျင်းပ ပေးရသူဖြစ်သည့်တိုင် အခမ်းအနား ထွက်ရာတွင် မင်္ဂလာမောင်နှံရှေ့မှ ဦးဆောင် ခွင့်ရသူမဟုတ်ပေ။ မင်္ဂလာမောင်နှံရှေ့မှ ဦးဆောင် ထွက်ခွင့် ရသူမှာတော့ ပန်းကြဲသည့် မိန်းမပျိုသာဖြစ်သည်။ ထိုမိန်းမပျိုက မင်္ဂလာမောင်နှံ ရှေ့မှ ဦးဆောင်ကာ မင်္ဂလာ မောင်နှံလာမည့် လမ်းတစ်လျှောက် (စတိသဘော) ပန်းကြဲ ပေးရခြင်းဖြစ်သည်။ ထိုသို့ ပန်းကြဲခြင်းမှာ မြန်မာ့ရိုးရာ ရှေးရိုး အစဉ်အလာ တစ်ရပ် ဖြစ်ပြီး မင်္ဂလာမောင်နှံ၏ ဘ၀ခရီး တစ်လျှောက် ပန်းခင်းသော လမ်းတွင် လျှောက်ရ ပါစေကြောင်း အတိတ်နိမိတ်ကို ဆောင်ကျဉ်းခြင်းဖြစ်သည်။
အဆိုပါ ပန်းကြဲသော မိန်းမပျို၏ နောက်တွင် မင်္ဂလာမောင်နှံက နေရာယူကြရသည်။ ၄င်းတို့၏ နောက်တွင်မှ သတို့သား ၊ သတို့သမီး အရံများ ၊ မင်္ဂလာမောင်နှံ၏ နှစ်ဘက်သော မိဘများက တန်းစီလိုက်ပါကာ အခမ်းအနား ထွက်ကြရသည်။ (သို့ရာတွင် အချို့သော မင်္ဂလာဆောင်များ တွင်မူ ပန်းကြဲသည့် မိန်းမပျိုနှင့် မင်္ဂလာ မောင်နှံကြားတွင် မင်္ဂလာလက်စွပ် ဗန်းကိုင်များ ၊ မင်္ဂလာ ပန်းကုံးကိုင်များကို တတ်နိုင်လျှင် တတ်နိုင်သလို ထည့်သွင်း ကြလျက်ရှိသည်။)
မင်္ဂလာဆွမ်းကပ်ခြင်း

မင်္ဂလာ အခမ်းအနားသို့ ကြွရောက်လာသော ပရိတ်သတ်များမှာ သတို့သားနှင့် သတို့သမီး ၊ နှစ်ဖက်သော အသိုင်းအ၀ိုင်းမှ ဆွေမျိုးများ ၊ မိတ်ဆွေ သင်္ဂဟများနှင့် ၄င်းတို့၏ မိဘများ၏ မိတ်ဆွေ သင်္ဂဟများ ၊ အိမ်နီးချင်းများသာ ဖြစ်လေ့ရှိကြသည်။ သို့ရာတွင် ထိုသို့ မင်္ဂလာ အခမ်းအနားသို့ တက်ရောက် လာကြသူများမှာ မင်္ဂလာ မောင်နှံအတွက် လက်ဆောင်များ ကိုယ်စီ ပါးလေ့ရှိကြသည်။ ဤသည်ကို မြန်မာမှု နယ်ပယ်တွင် မင်္ဂလာလက်ဖွဲ့ သည်ဟု ပြောစမှတ်ပြုလေ့ ရှိကြသည်။ အိမ်ထောင်တစ်ခုကို စတင် တည်ထောင်မည့်သူ နှစ်ဦးအား မိမိတို့ တတ်နိုင် သလောက် ၀ိုင်းဝန်း ထောက်ပံ့ကြသည့် သဘောဖြစ်သည်။ ထိုကဲ့သို့သော မင်္ဂလာ အခမ်းအနားတစ်ခု၏ ကြာမြင့်ချိန်သည် တစ်နာရီခွဲမှ သုံးနာရီ အထိကြာ မြင့်လေ့ရှိသည်။ သို့ရာတွင် မင်္ဂလာ အခမ်းအနား ပြီးသည့်တိုင် သတို့သားနှင့် သတို့သမီးတို့၏ လုပ်ငန်းစဉ်များမှာ မပြီးဆုံးသေးပေ။ အိမ်ပြန်ပြီး ဘုရားရှိခိုး ကြရသည်။ နှစ်ဖက်သော မိဘများကို ကန်တော့ကြရသည်။ ပြီးမှ မိမိတို့ နေထိုင်မည့် အိမ်(သို့မဟုတ်) အခန်းကို ၀င်ကြရသည်။ ဤနေရာတွင် မြန်မာတို့၏ ချစ်စရာ လူမှု ဓလေ့တစ်ခုကို တွေ့နိုင်သည်။ အခန်းတွင်း ၀င်မည့် မင်္ဂလာမည့် မောင်နှံကို ရွှေကြိုး ၊ ငွေကြိုး များတား၍ ခဲဘိုးတောင်း ကြခြင်းပင်။ ခြိမ်းခြောက်ခြင်း ၊ အနုကြမ်းစီးခြင်း ကဲ့သို့ မဟုတ်ပဲ အပျော်သဘော လာဘ်တောင်း ခြင်းဖြစ်သည်။ သို့ရာတွင် အထက်ပါ ကဲ့သို့သော မင်္ဂလာဆောင်မှု မျိုးမဟုတ်သော ဓလေ့မျိုးကိုလည်း မြန်မာမှု နယ်ပယ်တွင် ရှိနေသေးပါသည်။ ထိုအရာများကား မင်္ဂလာ ဆွမ်းကပ်ခြင်းနှင့် ရုံးတက် လက်မှတ်ထိုးခြင်း တို့ဖြစ်သည်။
မင်္ဂလာဆွမ်းကပ်ခြင်း
သံဃာတော် များအား ပင့်ဖိတ်ကာ ဆွမ်းနှင့်တကွ လှူဘွယ်ဝတ္ထု အစုစုတို့ကို လှူးဒါန်း ဆက်ကပ်ခြင်း ဖြစ်သည်။ ဗုဒ္ဓအလိုကျ လက်ထပ်နည်း ဖြစ်ပြီး ဧည့်ပရိတ်သတ် များလည်း ဖိတ်ကြားကျွေးမွေး နိုင်သည်။ များသောအားဖြင့် သီးသန့်မင်္ဂလာ အခမ်းအနား ကျင်းပသည် ဖြစ်စေ ၊ မကျင်းပသည်ဖြစ်စေ မင်္ဂလာဦးအလှူ အဖြစ်ကျင်းပလေ့ရှိကြသည်။
ရုံးတက်လက်ထပ်ခြင်း

ဥပဒေအရ လက်ထပ်သည့် လက်ထပ်နည်း ဖြစ်သည်။ တရားရုံး တစ်ခုခုတွင် ဂျူဒီလူကြီးရှေ့တွင် ကျမ်းသစ္စာ ကျိန်ဆိုပြီး လက်ထပ် စာချူပ်ပေါ်တွင် သတိုးသားရော သတိုးသမီးပါ လက်မှတ် ရေးထိုးကာ လက်ထပ်ရသည့် နည်းဖြစ်သည်။ တရားရုံးတွင် လက်ထပ်ခြင်း ဖြစ်သဖြင့် ဧည့်ပရိတ်သတ် အမြောက်အမြားကို ဖိတ်ကြား၍ မရသကဲ့သို့ အသိသက်သေဖြစ် လက်မှတ် ထိုးပေးရမည့်သူ နှစ်ဦးလည်း ရှိရသည်။ သို့မှသာ လက်ထပ် စာချုပ်ပေါ်တွင် လက်မှတ် ရေးထိုးခွင့် ရှိပြီး ဥပဒေအရ မှတ်ပုံတင်ခွင့် ရရှိမည်ဖြစ်သည်။ ယခုကာလတွင် ငွေကြေး တတ်နိုင်သူရော ၊ မတတ်နိုင်သူများပါ ရုံးတက် လက်မှတ်ထိုးသည့် အလုပ်ကို အိမ်ထောင်မှု၏ အခန်းကဏ္ဍ တစ်ရပ်အဖြစ် ပြုလုပ်လာကြောင်း တွေ့ရသည်။ ဥပဒေအရ တရားဝင်အောင် ပြုလုပ်သည့် သဘောဖြစ်သည်။ များသောအားဖြင့် မင်္ဂလာအခမ်းအနား မကျင်းပမီ တရာရုံးသို့ သွား၍ လက်မှတ် ထိုးကြလေ့ရှိသည်။
ညစာစားပွဲများ

မြန်မာ့ရိုးရာ ဓလေ့မဟုတ်ဘဲ အနောက်တိုင်း ယဉ်ကျေးမှုကူးစက်မှု တစ်ရပ်သာဖြစ်၍ ရန်ကုန်နှင့် မန္တလေးကဲ့သို့ မြို့ကြီးများရှိ ငွေကြေး တတ်နိုင်သူများသာ ကျင်းပလေ့ရှိသော အခမ်းအနားဖြစ်သည်။ မြန်မာ့ ဓလေ့မဟုတ်သဖြင့် သတ်မှတ်ပုံစံ မရှိသလို သတ်မှတ် ထားသော အ၀တ်အစားများလည်း သီးသန့်ရှိမနေပါ။ ပေါ့ပေါ့ ပါးပါး အ၀တ်အစားများကိုသာ ၀တ်ဆင်လေ့ ရှိသလို မိတ်ဆွေ အပေါင်းအသင်းများနှင့် သီးသန့် ပျော်ပါးသည့် ပွဲမျိုးသာဖြစ်သည်။
မည်သို့ပင် ကျင်းပ ကြသည်ဖြစ်စေ မြန်မာလူမျိုးတို့ အနေဖြင့် ထိမ်းမြား မင်္ဂလာဆောင် ကျဉ်းမှုကို ၀ါတွင်းကာလ တစ်လျှောက်တွင် ကျင်းပကြလေ့မရှိချေ၊ အဆိုပါ ၀ါတွင်းကာလမှာ မြန်မာ ပြက္ခဒိန်အရ ၀ါဆို-၀ါခေါင် နှင့်တော်သလင်း ဟူသော သုံးလတာကာလ ဖြစ်ပြီး အင်္ဂလိပ် ပြက္ခဒိန်အရ ဇူလိုင်လ လယ်ပိုင်းမှ အောက်တိုဘာ လ လယ်ပိုင်းခန့် အထိဖြစ်သည်။ အဆိုပါ ကာလကို ထိမ်းမြားမင်္ဂလာ မပြုအပ်သော ကာလအဖြစ် ရှေးအစဉ်အဆက် ကတည်းက ယူဆ သတ်မှတ်ခဲ့ကြသည်။
ထိမ်းမြား မင်္ဂလာ (၁၀)ပါး
မြန်မာ့ ဓလေ့ ထုံးတမ်းအရ ထိမ်းမြား မင်္ဂလာ (၁၀)ပါး ရှိပါသည်။
သတို့သား၊ သတို့သမီးနှစ်ဦးလုံးကို လူလည်ခေါင်တွင် ကန်တော့ခံမထွက်ပဲ မိမိအိမ်မှာပင် လွတ်လပ်စွာနေလျှင် ဖိတ်ထားသောပရိတ်သတ်များ စားသောက်ပြီး ပြန်သွားကြမှ သတိုးသမီး အိပ်ခန်းရှိ ကြိမ်တန်း၊ ကြိုးတန်း၌ သတိုးသား ပုဆိုး၊ ပုဝါ လှန်း၍ တင်ကာထိမ်းမြားခြင်းကို ပုဆိုးတန်းတင် ထိမ်းမြားခြင်း ဟုခေါ်သည်။
ထမင်း သိုမဟုတ် မုန့်တစ်ခုခု ကို သတို့သား၊ သတို့သမီးတို့က လက်စုံစားစေ ထိမ်းမြားခြင်းကို လက်စုံစား ထိမ်းမြားခြင်း ဟုခေါ်သည်။ (ယခု လင်မယားအရာ မြောက်ပြီးမှသာ ပြုလုပ်လေ့ ရှိသည်။)
သတို့သား ၀တ်ဆင်သော လက်စွပ်ကို သတို့သမီးအား ၀တ်ဆင်ပေးခြင်း၊ သတို့သမီး ၀တ်ထားသော လက်စွပ်ကို သတို့သားအား ၀တ်ဆင်ပေးခြင်း၊ အချင်းချင်းလဲလှယ်၍ ထိမ်းမြားခြင်းကို လက်စွပ်လဲ၍ ထိမ်းမြားခြင်း ဟုခေါ်သည်။
သတို့သားက သတို့သမီးအိမ်သို့ လာသည့်အခါ သတို့သမီး၏ မိဘများက အ၀တ်ပုဆိုးအသစ် လဲလှယ်ဝတ်ပေးခြင်းကို အ၀တ်ပေး၍ ထိမ်းမြားခြင်း ဟုခေါ်သည်။
သတို့သမီးလက်ယာလက်ကို ဖြန့်ထား၍ သတို့သားလက်ယာဘက်ကို အပေါ်တင်စေကာ ဘိသိက်ဆရာက ဖြစ်စေ၊ လူကြီးတစ်ဦးဦးကဖြစ်စေ ရွှေနှင့်ငွေ ဂဟေ ဆက်ထားသကဲ့သို တူနှစ်ကို တစ်စိတ်တစ်ဝမ်းထည်းဟု ပရိသတ်အလယ်တွင် ထိမ်းမြားခြင်းကို လက်ထပ်ထိမ်းမြားခြင်း ဟုခေါ်သည်။
ဖြန့်လျှင်နှစ်ဦးစလုံး ဦးခေါင်းဆံ့လောက် လေးတောင်ခန့်ရှိသော ရွှေဆွဲကြိုး ပန်းကုံသဖွယ်ပြုလုပ်၍ သတို့သား၊ သတို့သမီး နှစ်ဦးစလုံး တစ်ခါတည်း စွပ်၍ ထိမ်းမြားခြင်းကို ဒါလီဖွဲ့၍ ထိမ်းမြားခြင်း ဟုခေါ်သည်။
အလျှား (၆) တောင်၊ အနံ (၂)တောင် ရှိသော သတို့သမီးခြုံသော စုလျှားတဘက်အား သတို့သား၊ သတို့သမီးနှစ်ဦးအား ရစ်ပတ်ထိမ်းမြားခြင်းကို စုလျှားရစ်ပတ် ထိမ်းမြားခြင်း ဟုခေါ်သည်။
သတို့သားက သတို့သမီးအား ပန်းကုံးစွပ်ပေးသဖြင့်၊ သတို့သမီးက သတို့သားအား ပန်းကုံးစွပ်ပေးသဖြင့် ထိမ်းမြားခြင်းကို ပန်းကုံစွပ်၍ ထိမ်းမြားခြင်း ဟုခေါ်သည်။
ရွှေဖလား၊ ငွေဖလား၊ ဖန်ခွက် စသည်တို့ ရေတစ်ဝက်ထည့်၍ သပြေပန်း၊ နေဇာမြက်များ ထည့်ပြီး သတို့သား၊ သတို့သမီး တို့၏ လက်ယာလက်များကို ချထားစေ၍ ရေကြည်လင်အေးမြ၍ မကွဲတပြား တသားတည်းနေ သတို့သား၊ သတို့သမီးတို့ ရိုးမြေကျ ရာသက်ပန်တည်ပါစေ ဟုဆို၍ လက်ချထိမ်းမြား ခြင်းကို ရေခွက်၌ လက်ချ၍ ထိမ်းမြားခြင်း ဟုခေါ်သည်။
ရွှေခွက်၊ငွေခွက်၊ဖန်ခွက် စသည့် န၀ရတ် ကိုးပါး၊ နံသာမျိုးငါးပါး သွေး၍ (သို့မဟုတ်) ရေမွှေးများထည့်၍ သတို့သား၊ သတို့သမီးတို့၏ ထိပ်၌ သပြေပန်းခက်ဖြင့် ပက်ဖြန်း၍ လက်ထပ်ထိမ်းမြားခြင်းကို ဦးထိပ်၌ ရေစင်သွန်း၍ ထိမ်းမြားခြင်း ဟုခေါ်သည်။
နာမည်ကြီးမင်္ဂလာဆောင်ခန်းမများ
ရန်ကုန်မြို့ရှိ မင်္ဂလာခန်းမများသည် မင်္ဂလာဧည့်ခံပွဲများ အတွက် အစီအစဉ်များကို မည်သို့ စီစဉ်ထားရှိသည်၊ မည်ရွေ့မည်မျှ ဈေးနှုန်းရှိသည်တုိ့ကို မင်္ဂလာမောင် မယ်များသိရှိနိုင်ရန်အတွက် တင်ပြပါသည်။
TRADERS Hotel
ထရိတ်ဒါးစ်ဟိုတယ်တွင် မင်္ဂလာအခမ်းအနားအစီအစဉ် အတွက် Bliss ၊ Promises ၊ External ၊ Forever ဟူ၍ Wedding Package လေးမျိုးခွဲထား သည်။ Bliss Package အတွက် လူတစ်ဦးလျှင် အမေရိကန်ဒေါ်လာ ၅ ဒေါ်လာနှုန်းဖြင့် ဧည့်သည်ဦးရေ အနည်းဆုံး ၅၅ဝ ဦးတက်ရောက်ရ မည်ဖြစ်ပြီး မုန့် ၃ မျိုး၊ ရေခဲမုန့်၊ ကော်ဖီနှင့် လက်ဖက်ရည်တုိ့ပါဝင် မည်ဖြစ်သည်။ Promises Package အတွက် လူတစ်ဦးလျှင် အမေ ရိကန်ဒေါ်လာ ၆ ဒေါ်လာနှုန်းဖြင့် ဧည့်သည် ၄၅ဝ ဦး အနည်းဆုံးတက် ရောက်ရမည်ဖြစ်ပြီး မုန့် ၄ မျိုး၊ ရေခဲမုန့်၊ ကော်ဖီနှင့် လက်ဖက်ရည် ပါဝင်မည်ဖြစ်သည်။ External Package အတွက် ဧည့်သည်ဦးရေ ၃၅ဝ အနည်းဆုံးဖြစ်ရမည်ဖြစ်ပြီး တစ်ဦးလျှင် အမေရိကန်ဒေါ်လာ ၇ ဒသမ ၅ ဒေါ်လာနှုန်းဖြင့် မုန့် ၅ မျိုး၊ ရေခဲမုန့်၊ ကော်ဖီနှင့် လက်ဖက် ရည်တို့ပါဝင်သည်။ Forever Package အတွက် လူတစ်ဦးလျှင် အမေရိကန်ဒေါ်လာ ၈ ဒသမ ၅ နှုန်းဖြင့် ဧည့်သည်ဦးရေ အနည်းဆုံး ၂၅ဝ ဦးဖြစ်ရမည်ဖြစ်ပြီး မုန့် ၅ မျိုး၊ ရေခဲမုန့်၊ ကော်ဖီနှင့် လက်ဖက်ရည် ပါဝင်သည်။ ဝန်ဆောင်မှုများအနေဖြင့် 'မြန်မာ'မင်္ဂလာခန်းမကြီးသုံးစွဲခွင့်၊ နောက်ခံစာတမ်းပြင်ဆင်ပေးခြင်း၊ အဝတ်လဲခန်း၊ မင်္ဂလာစင်မြင့် အခင်းအကျင်း၊ ကော်ဇောနီခင်း ထားသော မင်္ဂလာလျှောက်လမ်းမ၊ အခမ်းအနားမှူးအတွက် မိုက်ခရိုဖုန်း သုံးစွဲခွင့်၊ နောက်ခံတေးဂီတ၊ ဆလိုက်မီး၊ မင်္ဂလာကိတ်၊ ပန်းအလှ ဆင်ခြင်း၊ Bliss Package မှလွဲ၍ ကျန် Package သုံးခုအတွက် ရေခဲ ပန်းပုဖြင့် အလှဆင်ခြင်းနှင့် သတ် မှတ်ထားသော Package အမျိုး အစားများပေါ်လိုက်၍ နံနက်စာ ဘူဖေးအပါအဝင်တစ်ညတာတည်းခို ခွင့်များပါဝင်ကြသည်။
Sedona Hotel
ဆီဒိုးနားဟိုတယ်တွင် မင်္ဂလာ ဆောင်မည့်သူများအတွက် Wedding Package မီနူးသုံးခုခွဲထားပြီး Menu ၁ တွင် မုန့်သုံးမျိုး၊ လက်ဖက် ရည် သို့မဟုတ် ကော်ဖီနှင့် ရေခဲမုန့် တို့ပါဝင်ပြီး လူတစ်ဦးလျှင် အမေရိကန်(၆)ဒေါ်လာ သတ်မှတ် ထားသည်။ Menu ၂ တွင် မုန့်လေး မျိုး၊ လက်ဖက်ရည် သို့မဟုတ် ကော်ဖီ နှင့် ရေခဲမုန့်တို့ပါဝင်ပြီး အမေရိကန်ဒေါ်လာ (၇)ဒေါ်လာ သတ်မှတ်ထားပြီး နြညက ၃ တွင် မုန့်ငါးမျိုး၊ လက်ဖက်ရည် သို့မဟုတ် ကော်ဖီနှစ်သက်ရာတစ်မျိုးမျိုးနှင့် ရေခဲမုန့်တို့ပါဝင်ပြီး အမေရိကန် ဒေါ်လာ(၈)ဒေါ်လာသတ်မှတ်ထား သည်။ ဧည့်သည်ဦးရေအနည်း အများပေါ်မူတည်၍ အခမ်းအနား အပြင်အဆင်ပုံစံကို ဆောင်ရွက်ပေး မည်ဖြစ်သည်ဟု သိရသည်။ အခမ်းအနားစီစဉ်မှုနှင့် ပတ် သက်၍ လူဦးရေ ၅ဝ ကနေ ၃ဝဝ အထိဆိုရင် ဒုတိယအထပ်မှာရှိတဲ့ မင်းတုန်းခန်းမမှာ စီစဉ်ပေးပါတယ်။ လူ ၄ဝဝ အထက်ဆိုရင်တော့ Ball room မှာ စီစဉ်ပေးပါတယ်။ ဝန်ဆောင်မှုကတော့ ကွာတာပေါ့။ ဝန်ဆောင်မှုအနေနဲ့လူ ၄ဝဝအထက် ဆိုရင် မင်္ဂလာအဝတ်လဲခန်းအသုံး ပြုခွင့်၊ မိတ်ကပ်ပြင်တဲ့အခန်း အသုံး ပြုခွင့်၊ နှစ်ထပ်ဆင့်မင်္ဂလာကိတ်မုန့်၊ နောက်ခံစာလုံးကို အင်္ဂလိပ် (ဒါမှ မဟုတ်) မြန်မာဘာသာနဲ့ ရေးပေး တာ၊ မင်္ဂလာစင်မြင့်ကို ကော်ဇောနီ ခင်းပေးတာမျိုးတွေ၊ ပန်းအလှပြင် ဆင်တာနဲ့ ပန်းအလှတိုင် ၄ တိုင် ပါမယ်။ တီးဝိုင်းတွေမပါရင် နောက်ခံမင်္ဂလာတီးလုံးထည့်သွင်းခွင့် တွေပါဝင်ပါမယ်။ လူ(၆ဝဝ)အထက် ဆိုရင် မင်္ဂလာဝတ်လဲခန်းအသုံးပြု ခွင့်၊ မိတ်ကပ်ပြင်တဲ့အခန်းအသုံးပြု ခွင့်တွေအပြင် လေးထပ်အဆင့် မင်္ဂလာကိတ်မုန့်၊ နောက်ခံစာလုံးကို မြန်မာ၊ အင်္ဂလိပ်၊ တရုတ်စတဲ့ ဘာသာစကားသုံးမျိုးနဲ့ ဖော်ပြပေး ပြီး ပန်းအလှပြင်ဆင်တာနဲ့ ပန်း အလှတိုင်(၈)တိုင်ပါဝင်ပါမယ်။ သတို့သားသတို့သမီးလျှောက်လမ်းနဲ့ မင်္ဂလာစင်မြင့်မှာ ကော်ဇောနီခင်း ပေးထားပါမယ်။ ဒါ့အပြင် မင်္ဂလာ အခမ်းအနားကို လာတဲ့ဧည့်သည် တွေအတွက် ကားခေါ်ပေးတဲ့စနစ် နဲ့ ရေခဲရုပ်တုတစ်ခုပါဝင်ပါမယ်။ မင်္ဂလာမောင်နှံအတွက် Spot Light နဲ့ ဆီဒိုးနားဟိုတယ် Studio suite မှာ နံနက်စာအပါအဝင် တစ်ညတာ တည်းခိုခွင့်ပေးပါမယ်။ လူဦးရေ ၁ဝဝဝ နဲ့ အထက်ဆိုရင် စောစော က အစီအစဉ်တွေအပြင် အဆင့် ငါးဆင့်ရှိတဲ့ကိတ်မုန့်၊ ပန်းအလှတိုင် ၁ဝ တိုင်၊ ရေခဲရုပ်တု ၂ ခု၊ မင်္ဂလာ မောင်နှံနှစ်ယောက်လျှောက်လာစဉ် မှာ မီးခိုးလွှတ်တာတွေပါဝင်မယ်။ ဒါ့အပြင် Executive Club suite မှာ နံနက်စာနှင့် ညစာအပါအဝင် တစ်ညတာ တည်းခိုခွင့်တွေရပါမယ် ဟု အဆိုပါ ဆီဒိုးနားဟိုတယ်မှ တာဝန်ရှိသူတစ်ဦးက ပြောကြား သည်။
Parkroyal Hotel
Parkroyal ဟိုတယ်၏ မင်္ဂလာဝန်ဆောင်မှုအစီအစဉ်များ အနေဖြင့် မုန့် ၃ မျိုး၊ လက်ဖက်ရည် သို့မဟုတ် ကော်ဖီ၊ ရေခဲမုန့်တို့ပါဝင် သော Sapphire Package အတွက် လူတစ်ဦးစာလျှင် အမေရိ ကန်ဒေါ်လာ ငါးဒေါ်လာ၊ မုန့် ၄ မျိုး၊ လက်ဖက်ရည် သို့မဟုတ် ကော်ဖီ၊ ရေခဲမုန့်ပါဝင်သွေျာကဘပ ဏခေုေါန အတွက် လူတစ်ဦးစာ လျှင် အမေရိကန်ဒေါ်လာ ၆ ဒေါ် လာ၊ မုန့် ၅ မျိုး၊ လက်ဖက်ရည် သို့ မဟုတ် ကော်ဖီ၊ ရေခဲမုန့်တို့ပါဝင် သော Diamond Package အတွက် လူတစ်ဦးစာလျှင် အမေရိ ကန်ဒေါ်လာ ၇ ဒေါ် သတ်မှတ် ထားကြောင်းသိရသည်။ ထို Package အပြင် Set Menu များဖြစ် သော Asian Set ၊ Chinese Set ၊ Myanmar Set ၊ Thai Set ၊ Western Set နှင့် Buffet Menu တို့အပြင် Cooktail Menu အစရှိ သော မီနူးများမှ စိတ်ကြိုက်ရွေးချယ် နိုင်ရန် စီစဉ်ထားသည်။ Parkroyal ဟိုတယ်မှ လူဦးရေ ၃ဝဝ အထက် မင်္ဂလာဧည့်ခံပွဲများအတွက် နောက် ခံစာသား အင်္ဂလိပ် သို့မဟုတ် မြန်မာ၊ ပန်းအလှပြင်ခြင်း၊ ရေခဲပန်း ပု၊ မင်္ဂလာကိတ်၊နံနက်စာအပါအဝင် တစ်ညတာတည်းခိုခွင့်နှင့် မင်္ဂလာ အပြင်အဆင်ကားနှင့် အကြို သို့မ ဟုတ် အပို့တို့ကို လက်ဖွဲ့အဖြစ် ပံ့ပိုး သွားမည်ဖြစ်သည်။ အထူးအစီအစဉ်အနေဖြင့် Ruby Package ၊ Diamond Package နှင့် ၄င်းအထက် Package များတွင် လူဦးရေ ၃ဝဝ အထက် ဧည့်ခံသောမင်္ဂလာမောင်နှံ များအတွက် ပျားရည်ဆမ်းခရီးလက် ဆောင်အနေဖြင့်နိုင်ငံတကာအဆင့် မီဟိုတယ်ကြီးများဖြစ်သည့် ပုဂံမြို့ရှိ Bagan Hotel River View ၊ ပုဂံ နှင့် ငွေဆောင်မြို့များရှိ Myanmar Treasure Resort Hotel များ တွင် မနက်စာအပါအဝင် နှစ်ည အိပ် သုံးရက်ခရီးကို တည်းခိုနိုင်ရန် စီစဉ်ပေးထားသည်။ အခြားဝန်ဆောင်မှုများအနေ ဖြင့် Packroyal ဟိုတယ်နှင့် အကျိုးတူပူးပေါင်းလျက်ရှိသော မင်္ဂလာဝတ်စုံဆိုင်များ၊ ဓာတ်ပုံနှင့် ဗီဒီယိုဆိုင်များ၊ ဖိနပ်ဆိုင်၊ ပန်းအလှ ပြင်ဆိုင်၊ မိတ်ကပ်၊ ဖိတ်စာကတ်ဆိုင် များ၊ မင်္ဂလာခန်းဝင်ပစ္စည်းဆိုင်များ တွင် ဝယ်ယူမည်ဆိုပါက အထူး လျော့ဈေးဖြင့် ရရှိနိုင်ရန် စီစဉ်ထား ရှိသည်။
Innya Lake
အင်းယားလိတ်ဟိုတယ်တွင် Wedding Package ၃ ခုခွဲခြား ထားပြီး Romantic Daisies Wedding Package အတွက် မင်္ဂလာခန်းမအသုံးပြုခွင့်၊ နောက် ခံစာသားအဖြစ် မြန်မာဘာသာ သို့မဟုတ် အင်္ဂလိပ်ဘာသာ သို့ မဟုတ် တရုတ်ဘာသာဖြင့် ဖော်ပြ ပေးခြင်း၊ အဝတ်လဲခန်းအသုံးပြုခွင့် ပေးခြင်း၊ ပန်းအလှပြင်ဆင်ပေးခြင်း။ မင်္ဂလာခန်းမအတွင်း မင်္ဂလာမောင်နှံ လျှောက်လမ်းနှင့် မင်္ဂလာစင်မြင့်တွင် ကော်ဇောနီခင်းပေးခြင်း၊ Spot Light ၊ နောက်ခံတီးလုံး၊ ပန်းအလှ တိုင်၊ ငါးထပ်ကိတ်တစ်လုံး၊ မုန့်သုံး မျိုး၊ လက်ဖက်ရည် သို့မဟုတ် ကော် ဖီ နှစ်သက်ရာတစ်မျိုးမျိုးနှင့် ရေခဲ မုန့်၊ မင်္ဂလာမောင်နှံအတွက် Deluxe Room တွင် နံနက်စာအပါ အဝင် တစ်ညတာတည်းခိုခွင့်ပါဝင် ပါသည်။ ထို့အပြင် တီးဝိုင်း၊ ဓာတ်ပုံ၊ မိတ်ကပ်၊ အခမ်းအနားမှူးနှင့် အခါ တော်ပေးအစီအစဉ်များထည့်သွင်း ဆောင်ရွက်လိုပါကလည်း ဆက် သွယ်ဆောင်ပေးကြောင်းသိရသည်။ အဆိုပါ Romantic Daisies Package အတွက် လူတစ်ဦးလျှင် အမေရိကန်ဒေါ်လာ ၅ ဒေါ်လာ ကုန်ကျမည်ဖြစ်ပြီး လူ ၃ဝဝ နှင့် အထက် တက်ရောက်ရန်စီစဉ်ထား ကြောင်း သိရသည်။ Passionate Tulips Package အတွက် လူ ၁ ဦးလျှင် အမေရိကန်ဒေါ်လာ ၆ ဒေါ်လာသတ်မှတ်ထားပြီး Romantic Package တွင်ပါဝင်သည့် အစီအစဉ်များအပြင် နှစ်သက်ရာ မုန့်လေးမျိုး၊ လက်ဖက်ရည် သို့မ ဟုတ် ကော်ဖီ၊ ရေခဲမုန့်၊ အထပ်ငါး ထပ်ပါသော ကိတ်မုန့်၊ VIP ပုဂ္ဂိုလ် များအတွက် စားပွဲနှင့် ပန်းအလှပြင် ဆင်မှု၊ မင်္ဂလာအပြင်အဆင်ကားဖြင့် မင်္ဂလာမောင်နှံအား အကြို သို့မ ဟုတ် အပို့အစီအစဉ်နှင့် မင်္ဂလာ သတို့သား၊ သတို့သမီးအတွက် မင်္ဂလာစပယ်ပန်းကုံးစီစဉ်ပေးခြင်း စသောအစီအစဉ်များပါဝင်သည်။ Eternal Roses Package အစီ အစဉ်တွင် အထက်တွင်ဖော်ပြပါ အစီအစဉ်များအပြင် အထပ်ငါးထပ် ပါသော မင်္ဂလာကိတ်၊ မင်္ဂလာကား ဖြင့် အကြိုအပို့အစီအစဉ်၊ ရှန်ပိန်နှင့် မင်္ဂလာစုံတွဲအတွက် Presidential Suite Room တွင် နံနက်စာဘူဖေး အပါအဝင် တစ်ညတာတည်းခိုခွင့်၊ Boat House တွင် ညစာစားခွင့် များပါဝင်ပါသည်။
YUZANA GARDEN HOTEL
ယုဇနဂါးဒင်းဟိုတယ်သည် ဝါကျွတ်ပွဲတော်မင်္ဂလာအခမ်းအနား များတွက် Elegant ၊ Classic Gold ၊ Royal Romance ဟူ၍ Wedding Package သုံးမျိုးခွဲထား ပြီး သြဂုတ်လ ၁၁ ရက်မှ အောက် တိုဘာ ၁၄ ရက်အတွင်း ကြိုတင် စာရင်းပေးသွင်းထားသူများအား ဧည့်ခံမည့်လူဦးရေပေါ်မူတည်၍ ဖိတ်စာကတ်များကို မင်္ဂလာလက်ဖွဲ့ အဖြစ် ပေးအပ်သွားမည်ဖြစ်သည်။ ခန်းမငှားရမ်းခအဖြစ် လူဦးရေ ၂ဝဝ မှ ၃၄ဝ အထိကို သုံးသိန်းကျပ်၊ လူဦး ရေ ၃၅ဝ မှ ၄၉ဝ အထိ ACES တေးဂီတဝိုင်းအပါအဝင် ကျပ်နှစ် သိန်း၊ လူဦးရေ ၅ဝဝ နှင့်အထက်ဆို ပါက တေးဂီတဝိုင်း၊ ငါးထပ်မင်္ဂလာ ကိတ် သို့မဟုတ် Guest Room တွင် တစ်ညတာတည်းခိုခွင့်များပါ ဝင်ပြီး ခန်းမကြေးပေးဆောင်ရန်မလို ကြောင်း သိရသည်။ ဝန်ဆောင်မှု အစီအစဉ်အရ Silver Elegant Package အတွက် လူတစ်ဦးလျှင် ၄၄ဝဝ ကျပ်နှုန်းသတ်မှတ်ထားပြီး မင်္ဂလာမောင်နှံအဝတ်လဲခန်းအသုံး ပြုခွင့်၊ လျှောက်လမ်းတွင်ကော်ဇော နီခင်းပေးခြင်း၊ မင်္ဂလာစင်မြင့်တွင် ပန်းအလှငါးအိုးထားပေးခြင်း၊ နောက်ခံစာသားရေးပေးခြင်း၊ မုန့်ငါး မျိုး၊ ကော်ဖီနှင့် ရေခဲမုန့်၊ လက်ဖက် ပွဲနှင့် စံပယ်ပန်းရေနွေးတို့ပါဝင် သည်။ ဃျူျေငခွသိူ ဏခေုေါန အတွက် အထက်ဖော်ပြပါဝန် ဆောင်မှုများအပြင် ပန်းအလှတိုင် ၆ တိုင်၊ မုန့် ၅ မျိုး၊ ကော်ဖီ၊ ရေခဲုမုန့်များပါဝင်ပြီးလူတစ်ဦးစာအတွက် ၅၈ဝဝ ကျပ်နှုန်းသတ်မှတ်ထား သည်။ Royal Romance Package တွင် ပန်းအလှငါးအိုး၊ ပန်း အလှတိုင် ၈ တိုင်၊ Deluxe Room တွင် နံနက်စာအပါအဝင် တစ်ည တာတည်းခိုခွင့်၊ ထောပတ်ထမင်းနှင့် ကြက်သားဟင်း သို့မဟုတ် ဆိတ် သားဟင်း၊ ဘာလချောင်ကြော်၊ လိမ္မော်ရည်၊ ရေခဲမုန့်၊ လက်ဖက်ပွဲ တို့ပါဝင်ပြီး လူတစ်ဦးစာအတွက် ၅၈ဝဝ ကျပ်နှုန်းသတ်မှတ်ထား သည်။ ထို့အပြင် အခမ်းအနားမှူး၊ ဓာတ်ပုံနှင့် ဗီဒီယိုရိုက်ကူးရေးအစီ အစဉ်များအတွက် ခေါ်ယူငှားရမ်း လိုပါက မင်္ဂလာမောင်နှံများအတွက် ကူညီ၍ဝန်ဆောင်မှုပေးလျက်ရှိ သည်ဟု သိရသည်။
Central Hotel
စင်ထရယ်ဟိုတယ်တွင် မင်္ဂလာအခမ်းအနားပြုလုပ်ကြမည့် မင်္ဂလာမောင်မယ်များအနေဖြင့် လူ ဦးရေ ၁ဝဝ အထိ ဧည့်ခံနိုင်သော Ruby House ခန်းမအတွက် ခန်းမ ကြေး ခြောက်သောင်းကျပ်သတ် မှတ်ထားပြီး စင်ထရယ်ဟိုတယ် ကျောက်စိမ်းခန်းမတွင် လူ ၁ဝဝ မှ ၂၅ဝ အထိ ခန်းမကြေးခုနစ်သောင်း ကျပ်၊ လူဦးရေ ၂၅ဝ မှ ၄၅ဝ အထိ ကျပ်ရှစ်သောင်း၊ လူဦးရေ ၄၅ဝ နှင့် အထက်ဆိုလျှင် ကိုးသောင်းကျပ် သတ်မှတ်ထားရှိကြောင်းသိရသည်။ ထို့အပြင် ပန်းအလှပန်းအိုးတစ်အိုး လျှင် ငွေကျပ်တစ်သောင်းနှစ်ထောင် နှုန်းနှင့် နောက်ခံအမည်စာတန်း အတွက် ငွေကျပ် ၁၅,ဝဝဝ မှ ၁၈,ဝဝဝ အထိ သတ်မှတ်ထားပြီး ဝန်ဆောင်မှုအနေဖြင့် လူဦးရေ ၂ဝဝ အထက်မှာယူပါက မင်္ဂလာကိတ် အပါအဝင် နံနက်စာအပါ မင်္ဂလာ မောင်နှံတစ်ညတာတည်းခိုခွင့်ပေး သွားမည်ဖြစ်သည်။ အစိုးရရုံးပိတ် ရက်မပါ တနင်္လာနေ့မှ သောကြာ နေ့အတွင်း ကျင်းပပြုလုပ်မည့် မင်္ဂလာဧည့်ခံပွဲများအား ခန်းမငှား ရမ်းခ ၃ဝ ရာခိုင်နှုန်းလျော့ပေးမည် ဖြစ်ပြီး မင်္ဂလာစင်မြင့်ရှိ ပန်းအလှ တိုင်နှင့် ဧည့်သည်စားပွဲများပေါ်ရှိ တစ်ပွင့်ထိုးပန်းအိုးများကို လက် ဆောင်အဖြစ် ပေးသွားမည်ဖြစ် သည်။ ဧည့်ခံကျွေးမွေးအစီအစဉ် အနေဖြင့် မုန့် ၄ မျိုး၊ ကော်ဖီနှင့် ရေခဲမုန့်ပါဝင်သော မီနူး Snack E အတွက် လူတစ်ဦးလျှင် ၃၄ဝဝ ကျပ် ကုန်ကျမည်ဖြစ်ပြီး မုန့် ၅ မျိုး၊ ကော်ဖီ၊ ရေခဲမုန့်ပါဝင်သော မီနူး ၄ ခုအတွက် လူတစ်ဦးစာလျှင် ၃၅ဝဝ ကျပ်ကုန်ကျမည်ဖြစ်ကြောင်းသိရ သည်။ ထို့အပြင် မင်္ဂလာအခမ်း အနား၌ ရေခဲမုန့်အပါအဝင် ထော ပတ်ထမင်း သို့မဟုတ် ဒံပေါက်ဖြင့် ဧည့်ခံလိုပါက လူတစ်ဦးစာလျှင် ကြက်သားဖြင့် ၄၅ဝဝ ကျပ်၊ ဆိတ် သားဖြင့် ၄၇ဝဝ ကျပ် ကျသင့် ကြောင်း သိရသည်။
မဟာသန္တိသုခ
မဟာသန္တိသုခကျောင်းတွင် လည်း မင်္ဂလာအခမ်းအနားများ လက်ခံကျင်းပပေးလျက်ရှိရာ လူဦး ရေ ၃ဝဝ ဆန့်သော ဧရာဝတီခန်းမ နှင့် လူဦးရေ ၁ဝဝ ဆန့်သော သံလွင်ခန်းမဟူ၍ နှစ်မျိုးခွဲခြားထား သည်။ ဧရာဝတီခန်းမအတွက် အလှူငွေ ကျပ်ခြောက်သောင်းနှင့် သံလွင်ခန်းမအတွက် အလှူငွေသုံး သောင်းကျပ်သတ်မှတ်ထားသည်။ အကျွေးအမွေးအစီအစဉ်နှင့်ပတ် သက်၍ ငွေကြေးဈေးနှုန်း သီးသန့် မသတ်မှတ်ထားဘဲ အပြင်ဈေးနှုန်း အတိုင်း စီစဉ်ပေးသည်ဟုသိရ သည်။ ထောပတ်ထမင်းကျွေးမည် ဆိုပါက လူတစ်ဦးစာလျှင် အဝစား ကျပ် ၂ဝဝဝ ကျော်ခန့်ရှိပြီး ကျောင်း တိုက်မှလက်ခံဆောင်ရွက်ပေးလျက် ရှိသည်။ လက်ဖက်ရည်၊ ကော်ဖီနှင့် မုန့်ကျွေးမွေးလိုပါကကိုယ့်အစီအစဉ် ဖြင့်ကိုယ် နှစ်သက်ရာကျွေးမွေးနိုင် သည်ဟုသိရသည်။ မင်္ဂလာနောက် ခံစာတမ်းအတွက် ရှစ်ထောင်ကျပ်၊ နောက်ခံတေးဂီတအတွက် ငါး ထောင်ကျပ်နှင့် ပန်းအလှပြင်ဆင် ခြင်းအတွက် ပန်းအလှအိုးတစ်အိုး လျှင် တစ်သောင်းရှစ်ကျပ်နှုန်းသတ် မှတ်ထားသည်။
နှင်းဆီကုန်း ဘိုးဘွားရိပ်သာ
နှင်းဆီကုန်းဘိုးဘွားရိပ်သာ ကလည်းမင်္ဂလာဆောင်မည့်မင်္ဂလာ မောင်နှံများအတွက် သီရိရတနာ ခန်းမ၌ မင်္ဂလာဧည့်ခံပွဲများ လက်ခံ ကျင်းပပေးလျက်ရှိရာ မင်္ဂလာမောင် နှံများအနေဖြင့် မင်္ဂလာခန်းမကြေး အတွက် နှင်းဆီကုန်းဘိုးဘွားရိပ်သာ ရာသက်ပန်အလှူရှင်အဖြစ် အလှူ ငွေကျပ်တစ်သိန်းခွဲလှူဒါန်းရမည်ဖြစ် သည်။ အကျွေးအမွေးအစီအစဉ် အနေဖြင့် ဒံပေါက်၊ ထောပတ် ထမင်း၊ ထမင်းဖြူ၊ ဟင်းနှစ်မျိုးနှင့် ရေခဲမုန့်အပါအဝင်ကြိုက်နှစ်သက် ရာဖြင့် ဧည့်ခံကျွေးမွေးနိုင်ပြီး ဒံပေါက်ထမင်းအတွက် လူတစ်ဦး စာလျှင် ဟင်းနှစ်မျိုးနှင့် ရေခဲမုန့် အပါအဝင် ၁၈ဝဝ ကျပ်၊ ထောပတ် ထမင်း၊ ထောပတ်ထမင်း၊ ဟင်းနှစ် မျိုးနှင့် ရေခဲမုန့်အပါအဝင် ၂၅ဝဝ ကျပ်နှုန်းဖြင့်သတ်မှတ်ထားသည်။ ထို့အပြင် မုန့်လေးမျိုး၊ ရေခဲမုန့်၊ ကော်ဖီအတွက် လူတစ်ဦးစာလျှင် ၁၈ဝဝ ကျပ် သတ်မှတ်ထားသည်။ နောက်ခံတေးဂီတဖွင့်လှစ်လိုပါက အလှူငွေ နှစ်ထောင်ကျပ်၊ နောက်ခံ စာသားအတွက် အလှူငွေငါးထောင် ကျပ်၊ ပန်းအလှလေးအိုးအတွက် အလှူငွေငါးထောင်ကျပ်နှင့် မင်္ဂလာ လျှောက်လမ်းကော်ဇောအတွက် သုံးထောင်ကျပ်နှုန်းသတ်မှတ်ထား သည်။ ထို့အပြင် ဓာတ်ပုံနှင့်ဗီဒီယို ဖြင့် မှတ်တမ်းတင်လိုပါက ဓာတ်ပုံ အတွက် ဖလင်နှစ်လိပ်စာလျှင် ကျပ် ငါးသောင်း၊ ဗီဒီယိုအတွက် ကျပ်ရှစ် သောင်းနှုန်းဖြင့် ရိုက်ကူးပေးလျှက်ရှိ ကြောင်းသိရသည်။ [3]
ကိုးကား
↑ ချမ်းညိမ်း
↑ လမ်းပြကြယ်
↑ ပေါ်ပြူ လာဂျာနယ်
ထပ်ဆင့်တင်ပြအပ်ပါသည်
ရဲလတ်

0 ကွန်မန့်ရေးရန်:

Post a Comment