Saturday, June 21, 2014

ကိုယ်အလေးချိန်ထိန်းဖို့အတွက် ဂရုပြုရန်လိုအပ်ချက်များ.........................

Posted by: Ko Myo on Friday, June 20, 2014 Categories:


လတ်တလော ကိုယ်စားမိနေတဲ့ အစားအစာတွေကို သတိထားကြည့်ပါ။

အထူးသဖြင့် သရေစာတွေကိုပါ။ တစ်နေ့ကို ၇၅ ကယ်လိုရီလောက် အပိုစားရင်တစ်နှစ်ကို ခြောက် ပေါင် တိုးပါလိမ့်မယ်။ ဒါကလည်းဘာမှမပါတဲ့ ဘီစကွတ်၊ ချောကလက်တစ်ထောင့်နဲ့တင် ရနိုင်ပါတယ်။ သည့်အပြင်အပိုအစာတွေနဲ့ဆိုပိုဆိုးတော့တာပေါ့။ ကရင်(မ်) တစ်ဇွန်းစာလောက်ဟာ စတော်ဘယ်ရီ တစ်ပေါင်ထက်ကို ကယ်လိုရီများပါတယ်။ ရိုးရိုးထောပတ်၊ ဖောဖောသီသီသုတ်လိုက်တာနဲ့ ကယ်လိုရီ နှစ်ဆကျော်တက်မှာ သေချာပါတယ်။

အဆီလျှော့စားပါ

ကိုယ်ခန္ဓာဟာစွမ်းအင်အတွက် ပရိုတင်းနဲ့ကာဗွန်ဟိုက်ဒရိတ်တွေအနေနဲ့ ကယ်လိုရီကို သိမ်းထားပါ တယ်။ အများစုဟာပါးစပ်ကိုအလိုလိုက်ပြီး လိုအပ်တာထက်ပိုပြီး စားတတ်ကြပါတယ်။ နို့နဲ့နို့ထွက် ပစ္စည်းတွေထဲက အဆီနည်းတဲ့အစာ၊ အဆီမပါတဲ့အသားချည်းသတ်သတ်နဲ့ ဟင်းချက်တဲ့အခါမှာ တော့ အဆီကိုနည်းနည်းလျှော့သုံးနိုင်ရင် ကိုယ်ခန္ဓာအလေးချိန်ကို ထိန်းနိုင်ကြမှာပါ။

ပရိုတင်းကို ပိုပြီးစားနိုင်ရင်ကောင်းပါလိမ့်မယ်။

ငါးနဲ့အဆီနည်းတဲ့ အစာတွေကိုစားပြီးကာဗွန်ဟိုက်ဒရိတ်ပမာဏကို လျှော့ချနိုင်ပါတယ်။ တချို့အချက် အလက်တွေအရ အဆီနည်းနည်း၊ ပရိုတင်းများများပါတဲ့ အစားအစာဟာ အဆီနည်းနည်း၊ ကာဗွန် ဟိုက်ဒရိတ်များများထက်ကို ကိုယ်အလေးချိန် လျှော့ချစေနိုင်ပါတယ်။ ပရိုတင်းဓာတ်ဟာ စားသောက် ချင်စိတ်ကို နည်းစေပါတယ်။ ဒါပေမဲ့သိပ်ပြီး အလွန်အကျွံမလုပ်ဖို့ လိုပါတယ်။ ကာဗွန်ဟိုက်ဒရိတ်ပေါ များတဲ့အစားအစာတွေဖြစ်တဲ့ အသီးအနှံနဲ့ အစေ့အဆန်တွေမှာလည်း ကိုယ်ခန္ဓာအတွက်လိုအပ်တဲ့ ဗီတာမင်သတ္တုဓာတ်တွေ ပါဝင်လို့ပါပဲ။

နည်းနည်းနဲ့များများစားဖို့ လိုပါတယ်။

တစွတ်စွတ်စားတတ်တဲ့ အကျင့်ရှိရင် ပုံမှန်စားနေတဲ့အစာကို နည်းနည်းနဲ့ခဏခဏစားဖို့ အရေးကြီးပါ တယ်။ ကိုယ့်အနီးအနားကတွေ့ကရာကို ကောက်ဝါးနေမယ့်အစား ကိုယ်စားမယ့်အစာကိုသာ ပိုပြီး ကျန်းမာအောင် ရွေးချယ်နိုင်မှာပါ။ မကြာသေးမီက လေ့လာချက်တွေက အစားအသောက်ကို ခဏ ခဏစားခြင်းအားဖြင့် အစာချေခြင်းနှင့် အစာစုပ်ခြင်းမှာ ကယ်လိုရီများများလောင်ကျွမ်းပြီး ကိုယ်ခန္ဓာ ရဲ့ဇီဝဖြစ်စဉ်ကို အားပေးပါတယ်။ နည်းနည်းနဲ့များများစားခြင်းဟာ ဒီလိုနည်းနဲ့ ကိုယ်အလေးချိန်ကို အကျိုးပြုနိုင်ပါလိမ့်မယ်။

စားချင်စိတ်ကိုလှုံ့ဆော်စေတဲ့ အချိန်နေရာကိုသိထားပါ။

ဘယ်နေရာ၊ ဘယ်လိုအချိန်မျိုးမှာ ဘီစကွတ်ဘူးကို လက်လှမ်းတတ်သလဲဆိုတာ သတိထားကြည့်ရင်း နဲ့ဒီလိုစိတ်ပေါ်လာတဲ့အခါ မစားမိအောင် ဘယ်နည်းတွေနဲ့ကိုယ့်အတွက် အဆင်ပြေနိုင်မလဲဆိုတာ စဉ်းစားထားဖို့ကောင်းပါတယ်။

အရက်ဖြတ်နိုင်ရင် အကောင်းဆုံးပါ။

အရက်နဲ့ကိုယ်အလေးချိန်ဟာ ဆက်သွယ်မှုရှိပါတယ်။ ခန္ဓာကိုယ်က အရက်ကိုကယ်လိုရီအနေနဲ့ မသိမ်း ထားနိုင်ပါဘူး။ လိုအပ်တဲ့စွမ်းအင်အတွက် တိုက်ရိုက်အသုံးချလိုက်ရတာပါ။ ဒီအတွက်သောက် သောက် စားစား သမားတွေမှာအစာကရတဲ့ ကယ်လိုရီဟာ အဆီအဖြစ်သိမ်းထားဖို့ သေချာသလောက် ပါပဲ။ နောက်ပြီးအရက်သောက်ခြင်းဟာ စားချင်စိတ်ကိုပိုကောင်းစေပြီး သတိကိုမေ့စေတဲ့အတွက် ဟိုတုန်းက မစားတော့ဘူးလို့ ဆုံးဖြတ်ထားတဲ့အဆီများများပါတာတွေကို ပိုပြီးစားမိလို့ဖြစ်ပါတယ်။

သေးသေးလေးတွေလုပ်ပြီး စားပါ။

အဓိကအားဖြင့် ကယ်လိုရီများတဲ့အစာတွေမှာ ဖြစ်ပါတယ်။ ကိုယ်စားမယ့်အစာကို သေးသေးလေးလုပ် ရင်အများကြီးဖြစ်နေတဲ့အတွက် သိပ်မစားဖြစ်တော့ပါဘူး။ ဗီဇာတစ်ဝက်လောက်နဲ့ တခြားဟင်းသီး ဟင်းရွက်ခပ်များများထည့်ထားတဲ့ တစ်ပန်းကန်ဆိုရင် အတော်များပြားတဲ့နံနက်စာဖြစ်နိုင်တာပေါ့။

စားပွဲမှာ အမြဲတမ်းထိုင်စားနိုင်ရင် ကောင်းပါတယ်။

ဘယ်လောက်ပဲ အလုပ်များတဲ့သူဖြစ်ဖြစ် ကိုယ်စားမယ့်အစာကို အာရုံထားနိုင်ဖို့ အချိန်နည်းနည်းတော့ ယူရပါလိမ့်မယ်။ တီဗွီရှေ့က သရေစာတွေ၊ လမ်းဘေးကအစားအစာတွေက ကိုယ်အလေးချိန်တိုးဖို့ ဖိတ်ခေါ်နေသလိုပါပဲ။

အစားမရှောင်နဲ့။

ဘယ်အစားအစာမဆို ရှောင်ဖို့မလိုပါဘူး။ နည်းနည်းတော့ လျှော့စားဖို့ပါပဲ။ သုတေသနတွေ့ရှိချက် တွေ က သူတို့ကြိုက်တဲ့အစာစားတဲ့သူတွေဟာ အစားရှောင်တဲ့သူတွေထက် ကိုယ်အလေးချိန်ကျပြီး ရှိပြီး အလေးချိန်ကိုလည်း အတော်ကြာထိန်းထားနိုင်တယ်လို့ ဆိုပါတယ်။

မနက်စာစားတဲ့အကျင့်လုပ်ပါ။

မနက်စာကို မစားတဲ့သူတွေဟာကျန်တဲ့တစ်နေ့လုံးမှာ သူများတွေထက်ပိုစားဖြစ်ပါတယ်။ ပြီးတော့ အဆီ ပါတဲ့အစာကိုပဲ ရွေးတတ်ကြပါတယ်။ ဒါ့ကြောင့်အကောင်းဆုံးက ညလယ်စာစားတတ်တဲ့ အကျင့်ရှိ သူတွေက အဲဒီအကျင့်ကို ဖျောက်နိုင်ရင်အကောင်းဆုံးဖြစ်သလို အတတ်နိုင်ဆုံး ညနေစာ၊ ညစာတွေ ကိုတောင်မှ လျှော့စားစေချင်ပါတယ်။ မနက်စာကောင်းကောင်းစားနိုင်တဲ့သူက အလေးချိန် ပိုထိန်းနိုင် တာကို ပတ်ဝန်းကျင်ကိုအကဲခတ်တာနဲ့ မြင်နိုင်ပါလိမ့်မယ်။ 


စံတော်ချိန်သတင်းစာ
ဇွန် (၆) ရက်၊ ၂၀၁၄ ခုနှစ်
-------------------------------------------------
ကိုမျိုး (lwanmapyay.blogspot.com)

0 ကွန်မန့်ရေးရန်:

Post a Comment