Friday, December 27, 2013

ဦးရွှေမန်း သမ္မတဖြစ်နည်း နိဿရည်း ..............................

Friday, December 27, 2013
~



ဦးရွှေမန်း 
သမ္မတဖြစ်ရေး ခေါင်းကိုက်နေသလား။
၂၀၁၅ အလွန်မှာ
သမ္မတ ဖြစ်လာနိုင်မလား။
ဖြစ်လာနိုင်ပါတယ်။  ထောက်ခံမှု အများအပြား ရမယ့်အပြင် နတ်သား နတ်သမီးတွေကတောင် ထောက်ခံကြလိမ့်မယ် တဲ့။ 
 


 


ဒီလို ထောက်ခံမှုရဖို့က သိပ်မခက်ပါဘူး။ ဒီအကြောင်း ဒီနေ့ထုတ် အောင်ဇေယျတု ဂျာနယ်မှာ ရေးထားပါတယ်။
ဒီဂျာနယ်က မောင်သွေးချွန် အယ်ဒီတာချုပ်လုပ်တဲ့ ၉၆၉ဂျာနယ် ဖြစ်ပါတယ်။

သူရဦးရွှေမန်းက
အနောက်နိုင်ငံခရီးစဉ်တစ်ခုမှာ '၉၆၉'လှုပ်ရှားသူတွေကို ဖမ်းမယ်ဆီးမယ်လို့ ကြိမ်းဝါးထားတဲ့အတွက် ရတနာသုံးပါးကို ပြစ်မှားထားသူ ဖြစ်ပါတယ်။
၉၆၉ ရတနာသုံးပါးကို တရားဝင် တောင်းပန်ပြီး အမျိုး ဘာသာ သာသနာ အတွက် တကယ် ဆောင်ရွက်မယ် ဆိုရင် လူသာမက နတ်တွေကပါ မဲပေးပါလိမ့်မယ်

လို့ အယ်ဒီတာချုပ်က ရေးပါတယ်။

သာသနာပြုအဓိဋ္ဌာန်မရှိသူဟာ ဒီနိုင်ငံနဲ့ မထိုက်တန်ဘူး
၂၀၁၅ ရွေးကောက်ပွဲအတွက် အချက်ပေးခေါင်းလောင်းသံ

ဆိုတဲ့ ဆောင်းပါးမှာ အဲဒီလို ရေးထားတာပါ။

ဒီရေးသားချက် မှန်ကန်ရင်တော့  ... ဆောရီး ပြောလိုက်တာနဲ့  ဦးရွှေမန်းကြီး သမ္မတဖြစ်လာမယ့်သဘောရှိပါတယ်။

ဆောင်းပါးမှာ သူရဦးရွှေမန်းအကြောင်း တခြား ရေးသားချက် မပါပေမယ့် ဒေါ်အောင်ဆန်းစုကြည်အကြောင်းကိုတော့ ခပ်များများ ရေးထားတာ တွေ့ရမှာပါ။

ဒေါ်အောင်ဆန်းစုကြည်က
လွှတ်တော်ထဲရောက်သွားတော့လည်း ထူးခြားထင်ရှားတဲ့ ဆောင်ရွက်ချက်တွေ ဘာတစ်ခုမှ လုပ်ပြမသွားခဲ့ပါဘူး။ ပြည်ခိုင်ဖြိုးပါတီနဲ့ ပရောပရီ လုပ်ခဲ့ပြီး စစ်တပ်ကို ညိုမြလုပ်ခဲ့တာကလွဲရင် ပြည်သူလူထုအတွက် ဘာတစ်ခုမှ မဆောင်ရွက်နိုင်ခဲ့ပါဘူး
လို့ ရေးပါတယ်။

ဦးရွှေမန်း၊ ဒေါ်အောင်ဆန်းစုကြည်တို့က ၂၀၁၅ မှာ သမ္မတအဖြစ်  တာဝန်ယူလိုကြောင်း ပြောဆိုထားသူများပါ။

လက်ရှိသမ္မတရာထူး ယူထားသူ ဦးသိန်းစိန်ဖြစ်ပါတယ်။ ၂၀၁၅ အလွန်မှာ ဒီရာထူးကို ဦးသိန်းစိန်ကပဲ ဆက်ယူရဖွယ် ရှိတယ်လို့ သုံးသပ်သူတွေလည်း မနည်းပါဘူး။
ဦးသိန်းစိန်ကြီးကို မောင်သွေးချွန်က မည်သို့ ယူဆပါသလဲ။

လူပုဂ္ဂိုလ်အားဖြင့်တော့ လက်ရှိ
သမ္မတကြီး ဦးသိန်းစိန် မဆိုးရှာပါဘူး။ အောင်မှတ်လောက်တော့ ပေးနိုင်ပါတယ်
တဲ့။

ရွေးကောက်ပွဲမှာ NLD  နိုင်ရင် မြန်မာပြည်အနာဂတ်ဟာ ဘာသာခြားတွေလက်ထဲ ၀ကွက်အပ်လိုက်သလို ဖြစ်သွားမယ်၊
ကြံ့ခိုင်ရေးပါတီကို မဲပေးဖို့ ဆိုတာကလည်း  သည်မင်း သည်စိုး သည်သူခိုးနှင့် သည်မိုး သည်လေ သည်လူတွေ ဆိုတဲ့ စကား ရှိနေတယ် လို့ ဆိုတယ်။

သူ့ဆောင်းပါးရဲ့ လိုရင်းက ၉၆၉ ဘက်မှာသာ ရပ်တည်ရင် ဘယ်ပါတီ ဘယ်ခေါင်းဆောင်မဆို အများပြည်သူရဲ့ထောက်ခံမှုကို ရမယ် ဆိုတဲ့ သဘောပါပဲ။
ဒီအတိုင်းသာ ဆိုရင် နိုင်ငံရေးသမားတွေဟာ ၉၆၉ ကို ဝေဖန်ရေး လုပ်ရဲတော့ဘူး ထင်ပါရဲ့။

ဒီဂျာနယ်မှာ ... စစ်မရောက်ခင် မြားကုန်နေတဲ့ ဒေါက်တာသန်းထွဋ်အောင်သို့ (မွဲချင်တဲ့ခွေး ပြာပုံမတိုးမိစေဖို့) ... ဆိုတဲ့ ခေါင်းစဉ်တပ် ဆောင်းပါးရှည်ကိုလည်း မောင်သွေးချွန်က ရေးထားပါသေးတယ်။

စိတ်ဝင်စားသူများအတွက် လက်တို့လိုက်ပါတယ်။



Reactions:

0 ကွန်မန့်ရေးရန်:

Post a Comment