Monday, July 7, 2014

မစားသင့်တဲ့ တရုပ်နိုင်ငံထုတ် အစားအစာ (၅)မျိုး....................



Posted by: Ko Myo on Sunday, July 06, 2014 Categories:


တရုပ်နိုင်ငံထုတ် စားသောက်ကုန် ပစ္စည်းတွေဟာ ကျန်းမာရေးနှင့် ညီညွတ်မှု မရှိတာကြောင့် စားသုံးဖို့  မသင့်တဲ့အတွက် ကမ္ဘာ့နိုင်ငံအသီးသီးက သတင်းစာ-ဂျာနယ်-ရေဒီယို-တီဗွီ-အင်တာ နက် စသဖြင့် သတင်းမီဒီယာတွေ ကတဆင့် လွန်ခဲ့တဲ့နှစ်အတော် များများကတည်းကစပြီး ကျန်းမာရေး အသိပေးလှုံ့ ဆော်နေကြရပါတယ်။ 

မယ်လမင်းဓာတ်ပါသော နို့ ထွက်ပစ္စည်းများမှအစ ပျားရည်အဆုံး လူကိုသေစေတဲ့ အဆိပ်အတောက် တွေ ပါဝင်နေကြတာကြောင့် တချို့ နိုင်ငံတွေမှာဆိုရင်၊ တရုပ်ပြည်ထုတ်ပစ္စည်းများ တင်သွင်းလာမှုကို ပိတ်ပင် ထားကြပါတယ်။ သို့ သော် တရုပ်ပြည်၏ နယ်နမိတ်ကုန်စည် လမ်းကြောင်းကတဆင့် စိမ့်ဝင် လာ လျှက်ရှိပြီး၊ ထုပ်ပိုးပစ္စည်းလှပ၍ဆွဲဆောင်မှု၊ ဈေးနှုန်းချိုသာမှု တို့ ကြောင့်လည်း လူထုလက်ဝယ် ရောက်ရှိနေကြတုန်းပါဘဲ။ ကျန်းမာရေးကို အထူးကြပ်မတ်တဲ့ အမေရိကန်ပြည်ထောင်စုမှာတောင် တရုပ် ပစ္စည်းတွေ လှိမ့်ဝင်လာလျက်ရှိပြီး၊ သတင်းမီဒီ ယာတွေကတဆင့် လူထုကို ထိထိရောက်ရောက် လွှမ်းမိုး ပိတ်ပင်နိုင်ခြင်းမရှိသေးဘူး လို့ ဆိုပါတယ်။ အမေရိကန်နိုင်ငံရှိ အစားအသောက် နှင့် ဆေးဝါးကွပ်ကဲရေး ဗဟို(ခေါ်) FDA ကလည်း လက်ရှိ အမေရိကန်သို့  ၀င်ရောက်ပြီးဖြစ်တဲ့ တရုပ်ပြည် အစားအစာများ၏ ၂.၃ ရာခိုင်ပစ္စည်းမျှကိုသာ ထိန်းချုပ် စစ်ဆေးနိုင်ပါသေးတယ်။ အဲဒီစစ်ဆေးတွေ့ ရှိထဲကမှ၊ အောက်ပါ အစားအစာ(၅)မျိုးကို (လုံးဝ) စားသုံးဖို့ မသင့်ကြောင်း FDA က ထိပ်တန်းသတင်းအဖြစ် ကြေငြာခဲ့ ပါကြောင်း ၂၀၁၃ ခုနှစ်၊ သြဂုတ် လ ၆ ရက်နေ့  ထုတ် Epoch Times မှာ ဖော်ပြသွားခဲ့ပါတယ်။

(၁) တီလားပီးယားငါး။


ယနေ့ အမေရိကန်ပြည်ထောင်စုမှာ တီလားပီးယားငါး စားသုံးမှုမြင့်မားလျက်ရှိပြီး၊ သူတို့ နိုင်ငံအတွက် သွင်းကုန်အဖြစ် ၀ယ်ယူရတဲ့ တီလားပီးယားငါးတွေ၏ ၈၀-ရာခိုင်နှုန်းမှာ တရုပ်ပြည်ကဖြစ်ပါတယ်။ နှစ်စဉ် တရုပ်ပြည်က ပေါင်ချိန် ၃၈၂.၂၀ သန်း ၀ယ်ယူ လေ့ရှိပါတယ်။ လွန်ခဲ့တဲ့နှစ်က တရုပ်ပြည် တီလားပီးယား ငါးမွေးမြူရေးရွာမှ လယ်သမားတစ်ဦး၏ သမီးငယ်တစ်ဦးဟာ အသက် (၇)နှစ်အရွယ်က စပြီး အရွယ်မတိုင်မီ ရာသီသွေး ပေါ်လာခဲ့ပါတယ်။ အဲဒီဖြစ်ရပ်ဟာ ကန်ထဲရှိ ငါးများကို ကြီးထွားအသား တိုးအောင် antibiotics တစ်မျိုးဖြစ်တဲ့ ဟိုမုန်းဆေးဝါးတွေကို ငါးစာနှင့် အတူရောကျွေးခဲ့ တာကြောင့်၊ ထိုငါးတွေကို နေ့ စဉ်စား သောက်လေ့ရှိတဲ့ ကလေးမလေးမှာ ဓမ္မတာရာသီ စောစောလာရခြင်းဖြစ်ပါ တယ်။ ဒါကြောင့်လည်း တရုပ်ပြည် ငါးမွေးမြူရေးသမားများက သူတို့ မွေးကန်မှ ထွက်ရှိတဲ့ ငါးတွေကို ကလေးငယ်များကို မကျွေးကြတော့ပါဘူးတဲ့။

(၂) ငါးကြီးဆီထုတ်တဲ့ Cod (ခေါ်) ပင်လယ်ငါးကြီးများ။

အမေရိကန်နိုင်ငံရဲ့  ပင်လယ်ငါးကြီး စားသောက်မှု၏ ၅၁-ရာခိုင်နှုန်းကိုလည်း တရုပ်ပြည်ကဘဲ တင်သွင်း လာလေ့ရှိပြီး၊ နှစ်စဉ် ပေါင်ချိန်အားဖြင့် ၇၀.၇၀ သန်း ပမာဏရှိတဲ့ ပင်လယ်ငါးကြီးတွေကို တရုပ်ပြည်က ၀ယ်ယူလေ့ရှိပါတယ်။ တရုပ်ပြည်မှာ ပင်လယ်ငါးကြီးတွေကို တီလားပီးယား ငါးတွေလိုဘဲ မွေးမြူကျွေးမွေး လေ့ရှိတာကြောင့် မစားသင့်ပါဘူးတဲ့။

(၃) ပန်းသီးဖျော်ရည်များ။

တရုပ်ပြည်ကနေ လမ်းခရီးရှည်ကို ဖြတ်သန်းပြီး ရောက်ရှိလာရတာကြောင့် တရုပ်ပြည်မှ တင်သွင်းလာ တဲ့ ပန်းသီးဖျော်ရည်တွေဟာ မလတ်ဆတ်ကြတော့ဘဲ အရသာဓာတ် ပြယ်နေကြပါပြီ်။ ယနေ့  အမေရိကန်၏ သစ်သီးဖျော်ရည်ဈေးကွက် ၅၀-ရာခိုင်နှုန်းဟာ တရုပ်ပြည်ထုတ်ပစ္စည်း များဖြစ်ကြပြီး၊ နှစ်စဉ် ပန်းသီးဖျော်ရည် ဂါလံပေါင်း ၃၇၆ သန်း ၀ယ်ယူနေရပါတယ်။ ပန်းသီးဖျော်ရည်သာမက၊ တရုပ်ပြည်ထွက် သစ်သီးဝလံ - ဟင်းသီးဟင်းရွက် - သစ်သီးခြောက်တွေ အားလုံးဟာ လမ်းခရီးရှည် ကိုဖြတ်သန်းလာ၍ မလတ်ဆတ်တော့ခြင်း၊ တာရှည်ခံအောင် ဓာတုဆေးဝါးတွေ ဆေးထိုးအသုံးပြုခြင်း တို့ ကြောင့် မစားသင့်ပါဘူးတဲ့။ ဒါ့ပြင် စစ်တမ်းများအရ၊ တရုပ်ပြည်ဟာ ကမ္ဘာ့အကြီးမားဆုံး ပိုးသတ် ဆေးဝါးအသုံးပြုတဲ့ နိုင်ငံတစ်ခုဖြစ်တယ်လို့ ဆိုပါတယ်။

(၄) မှိုများ။

ရေမြေသဘာဝ ရာသီဥတု နှင့် တရုပ်ရိုးရာ အစဉ်အလာများအရ၊ တရုပ်ပြည်ထွက်မှိုဟာ အရသာ လည်းရှိ၊ ကျန်းမာရေးနဲ့ လည်း ညီညွတ်စေပါတယ်။ ဒါကြောင့်လည်း အမေရိကန်နိုင်ငံရဲ့  မှိုဟင်းလျာ စားသောက်မှု၏ ၃၄-ရာခိုင်နှုန်းကို တရုပ်ပြည်ကဘဲ တင်သွင်းလာလေ့ရှိပြီး၊ နှစ်စဉ် ပေါင်ချိန်အားဖြင့် ၆၂.၉၀ သန်း မှာယူနေကြရပါတယ်။ တရုပ်ပြည်မှာ နိုင်ငံခြားပို့ ကုန်ဖြစ်တဲ့ မှိုတွေကို တာရှည်ခံအောင် ဓာတုပစ္စည်းတွေသုံးရခြင်း၊ မှိုကို စည်သွပ်ဗူးအဖြစ် ပြုပြင်ပြောင်း လဲထုပ်ပိုးရြ ခင်း၊ ဝေးလံခေါင်သီတဲ့ အရပ်သို့  တင်ပို့ ရခြင်း၊ စတာတွေကြောင့် စားသုံးသူလက်ထဲ ရောက်တဲ့အခါ အဆိပ်သင့်စေပါတော့ တယ်။

(၅) ကြက်သွန်ဖြူ။

ကြက်သွန်ဖြူဟာ ဟင်းလျာအားလုံးနီးပါးအတွက် မရှိမဖြစ် ဟင်းခတ်အမွှေးအကြိုင်ဖြစ် တာကြောင့် လည်း တရုပ်ပြည်ထွက် ကြက်သွန်ဖြူ ပေါင်ချိန် ၂၁၆.၅၀ သန်းကို အမေရိကန်က နှစ်စဉ် ၀ယ်ယူလေ့ ရှိပြီး၊ အမေရိကန်ပြည်ထောင်စု တစ်ခုလုံးရဲ့  ကြက်သွန်ဖြူစားသုံးမှု ၃၁-ရာခိုင်နှုန်းဟာ တရုပ်ပြည်ကဖြစ် ပါတယ်။ တရုပ်မှ တင်သွင်းလာတဲ့ ပစ္စည်းပါကင်တွေပေါ်မှာ “organic product @အော်ဂဲနစ် ထွက်ကုန် ပစ္စည်းသီးသန့် ” လို့  တံဆိပ် ကပ်ထားသော်လဲ၊ FDA မှ ဓာတ်ခွဲ စစ်ဆေးကြည့်တဲ့အခါ၊ အော်ဂဲနစ် ပစ္စည်း (လုံးဝ) မဟုတ်ဘဲ၊ ကျန်းမာရေးအတွက် အဆိပ်ဖြစ်စေတဲ့ inorganic များသာဖြစ်ပါတယ်တဲ့။
++++++++++++++++++++++

the South China Morning Post(ခေါ်) တောင်တရုပ်ပြည်ထုတ် နံမည်ကြီး သတင်းစာအရ၊ တရုပ်နိုင်ငံ ၏ ၇၀-ရာခိုင်နှုန်းသော မြစ်-ချောင်း-ကန်ရေများမှာ ဓာတုစက်ရုံတွေနှင့် အထည်အလိပ် ဆိုးဆေး စက်ရုံတွေက ထွက်ရှိလာတဲ့ အဆိပ်သင့်ပစ္စည်းတွေ ပါဝင်နေကြောင်း ဖော်ပြထားပါတယ်။ တရုပ်ပြည်ရဲ့  လက်ရှိလူဦးရေ နည်းပါးဆုံးဖြစ်တဲ့ Zhejiang ခရိုင်မှာတောင် ရေထု ညစ်ညမ်းနေတာကြောင့် ထိုခရိုင်နေ ပြည်သူတွေ ရေဆင်းမကူးရဲကြပါဘူးတဲ့။ ဘေဂျင်းမြို့  မှာလည်း အချိန်တိုင်းလိုလို လေထုညစ် ညမ်းမှုတွေ ရှိနေတယ်လို့  ဘေးဂျင်းရှိ အမေရိကန် နိုင်ငံသံရုံးမှ ပြောပါတယ်။ ဒါတင်မကသေးပါဘူး…တရုပ်ပြည်မှာ လူဦးရေထူ ထပ်ပြီး လေ-ရေ-မြေ အားလုံး ညစ်ညမ်းနေတာကြောင့် တရုပ်နိုင်ငံထွက် ရေနေ/ကုန်းနေ သတ္တ၀ါများ-သီးနှံများအားလုံးကို မစားသုံးသင့်ပါကြောင်း FDA ထပ်လောင်း အကြံပြု ထားပါတယ်။

(ဆောင်းပါးရှင်...ပေါက်ပေါက်.. .မျှဝေသည်)

(ကိုးကား… By Diana Zhang, Epoch Times | August 6, 2013)
--
promise.pauk
------------------------------------------------
ကိုမျိုး (lwanmapyay.blogspot.com)

Reactions:

0 ကွန်မန့်ရေးရန်:

Post a Comment