ဘဏ်တွင် Savings Deposit Account နည်းတူ ငွေသားအပ်နိုင်ပြီး အထောက်အထားအဖြစ် Saving Passbook ကို ထုတ်ပေးခြင်းအစား ဘဏ်လုပ်ငန်းဆောင်ရွက်မှုအခြေအနေကို စာရင်းပိုင်ရှင်၏ Email သို့ eStatement ပေးပို့သော ဝန်ဆောင်မှုဖြစ်သည့် eSavings Account ဝန်ဆောင်မှုကို စတင်လိုက်ကြောင်း သတင်းရရှိသည်။
အဆိုပါ အစီအစဉ်ကို သမဝါယမဘဏ်မှ စတင်ဆောင်ရွက်လိုက်ခြင်းဖြစ်သည်။ “အရင်တုန်းက Saving အကောင့်ရှိပါတယ်။ အခုကျတော့ eSaving ဖွင့်တဲ့အခါ စာအုပ်မရဘူး။ ဘဏ်ကနေ အီးမေးလ်အကောင့်နဲ့ တစ်ဆင့် သွားမှာဖြစ်ပါတယ်။ မိုဘိုင်းဘဏ်စနစ်နဲ့ ဆက်စပ်လည်းရတယ်။ MPU ကတ်နဲ့ ချိတ်ဆက်လည်းရ တယ်။ eAlert ကတော့ အီးမေးလ်ပို့ပြီး ဘဏ်အသုံးပြုသူကို သတိပေးမှာပါ။ ဒါကိုသုံးတာက အသုံးပြုသူက ဘဏ်ကိုလာစရာမလိုဘဲနဲ့ အိမ်မှာထိုင်ပြီး ကြည့်နိုင်တဲ့သဘော ဖြစ်သွားတာ။ အရင် Saving ဖွင့်ပြီးသား လူတွေလည်း ဒီ eSaving ကို ပြောင်းလို့ရပါတယ်။ သက်ဆိုင်ရာဘဏ်တွေမှာ ဒီနေ့ကစပြီး ဘဏ်ခွဲအားလုံး မှာ eSaving ဖွင့်လို့ရပါပြီ” ဟု သမဝါယမဘဏ်၏ မန်နေဂျင်းဒါရိုက်တာ ဦးဖေမြင့်က ပြောသည်။
အသုံးပြုသူ၏ အီးမေးလ်ဖြင့် ချိတ်ဆက်ထားမည်ဖြစ်ကာ အကောင့်ပျောက်ပျက်သွားပါက ဘဏ်သို့ သွားရောက်ကာ မှတ်ပုံတင်နှင့် အီးမေးလ်အသစ်တစ်ခုသို့မဟုတ် အခြားအီးမေးလ် တစ်ခုနှင့် ပြန်လည် ချိတ်ဆက်နိုင်မည်ဖြစ်ကြောင်း သိရသည်။ “Customer ကို စာအုပ်ထုတ်မပေးတော့ဘူး။ Customer သည် သူ့ငွေပမာဏကို သူကြည့်ဖို့ကို အီးမေးလ်ထဲ လစဉ်ပို့ပေးနေမယ်။ ငွေသွင်း၊ ငွေထုတ်တွေကို သူ့အီးမေးလ် ကို eAlert အနေနဲ့ပို့ပေးနေမယ်။ ဒါကို ငွေသွင်း ချင်ရင်ဘဏ်ကို ငွေသွင်းရမယ်။ ငွေထုတ်ချင်ရင် သတ်မှတ်နည်းလမ်းတွေနဲ့ ငွေထုတ်ခွင့်ပေးထားတယ်” ဟု သမဝါယမဘဏ်၏ ဒုတိယ အထွေထွေ မန်နေဂျာ ဦးဇေယျာကျော်က ပြောသည်။ ဘဏ်ကောင်တာတွင် မှတ်ပုံတင်ပြ၍ ငွေထုတ်နိုင်မည်ဖြစ်ပြီး eSaving အကောင့်ထဲမှ ငွေထုတ်ခွင့်ကို Current အကောင့်နှင့် ပေးချေထုတ်ခွင့်လည်းရှိကြောင်း သိရသည်။
ဘဏ်အသုံးပြုသူ၏ အီးမေးလ်သို့ eStatement ပေးပို့ခြင်းဖြင့် ဘဏ်သို့လာရောက်ရန် မလိုဘဲ ဆောင်ရွက် မှုအားလုံး၏ စာရင်းရေးသွင်းချက်များကို အချိန်နှင့်တစ်ပြေးညီ အသေးစိတ် မြင်တွေ့ရမည်ဖြစ်ကြောင်း သိရသည်။ စက္ကူသုံးစွဲမှုကိုလျှော့ချရေး၊ စာရင်းပိုင်ရှင်အနေဖြင့် စာအုပ်အထောက်အထားများ သိမ်းဆည်း မှု လျှော့ချနိုင်စေရန်၊ ဘဏ်နှင့်ဆက်သွယ်ဆောင်ရွက်သူများအနေဖြင့် မိမိတို့၏ Statement များကို ကိုယ်ပိုင်အီးမေးလ်မှတစ်ဆင့် အချိန်မှန် စစ်ဆေးနိုင်စေရန် ရည်ရွယ်ချက်များနှင့် ဆောင်ရွက်ခြင်းဖြစ် သည်ဟု သမဝါယမဘဏ်မှ တာဝန်ရှိသူများကဆိုသည်။ “စာအုပ်မလို ၊ ဘဏ်ကိုလည်း သွားစရာမလိုဘဲ Saving Account ဖွင့်ထားတဲ့အတိုင်း အီးမေးလ်ထဲကတစ်ဆင့် လုပ်နိုင်တယ်ဆိုတော့အချိန်ကုန် လူပင်ပန်းသက်သာတာပေါ့။ ဒါပေမယ့် အီးမေးလ်လုံခြုံရေးကိုတော့ ပိုဂရုစိုက်ဖို့ လိုမယ်ထင်ပါတယ်” ဟု ကုမ္ပဏီဝန်ထမ်းတစ်ဦးက ပြောသည်။
eSaving သုံးစွဲခြင်းကြောင့် ဘဏ်စာအုပ်သယ်ယူကိုင်ဆောင်ရန် မလိုခြင်း၊ Transaction ဖြစ်ပေါ်တိုင်း မိမိငွေလက်ကျန်ကို အလိုလျောက် သိရှိနိုင်ခြင်း၊ eStatement ကို ကမ္ဘာပေါ်ရှိ နေရာအားလုံးမှ ကြည့်ရှုနိုင်ခြင်း၊ ဘဏ်သို့လာရောက်ကာ ဘဏ်စာအုပ်တွင် Update ပြုလုပ်ရန်မလိုခြင်း၊ eStatement မှာ အွန်လိုင်းမှတစ်ဆင့် ပေးပို့ခြင်းဖြစ်၍ အချိန်ကုန်သက်သာမည်ဖြစ်ပြီး အချိန်နှင့် တပြေးညီလည်း အချက်အလက်များကို အလွယ်တကူရယူနိုင်ခြင်း စသည့် အကျိုးကျေးဇူးများ ရရှိမည်ဟုလည်း သိရသည်။
ထွန်းထွန်း
Interent Journal
0 ကွန်မန့်ရေးရန်:
Post a Comment