Monday, March 17, 2014

မီးထလောင်နိုင်တဲ့ ကား ၉ သိန်းနီးပါး ဟွန်ဒါကားကုမ္ပဏီ ပြန်သိမ်း ..........................

Sunday, March 16, 2014 18:44(+0630) (လွန်ခဲ့သော 11 နာရီ ခန့်က)


ဟွန်ဒါမော်တော်ကုမ္ပဏီဟာ မီးထလောင်နိုင်တဲ့ အော်ဒဲ့စီမော်ဒယ်လ်မီနီဗန် အမျိုးအစား ကားစီးရေ ကိုးသိန်း နီးပါးကို ပြန်သိမ်းနေတယ်လို့ အမေရိကန် အမျိုးသား ယဉ်ကြောဘေးကင်းရေး စီမံကွပ်ကဲမှုဌာန NHTSA က ကားပြန်ရုပ်သိမ်းမှုဆိုင်ရာ အကြောင်းကြားစာမှာ မတ်လ ၁၄ ရက်နေ့က ဖော်ပြပါတယ်။

အလာဘားမားပြည်နယ်မှာ ၂၀၀၅ ခုနှစ်ကနေ ၂၀၁၀ ခုနှစ်ကြား ထုတ်လုပ်ခဲ့တဲ့ အော်ဒဲ့စီ မီနီဗန်တွေမှာ ပါတဲ့ လောင်စာပန့် အစိတ်အပိုင်းက အက်ကွဲနိုင်ပြီး လောင်စာယုိုစိမ့်နိုင်တာ ကြောင့် မီးလောင်မယ့်ဘေး တိုးလာလို့ ခုလို ပြန်သိမ်းတာလို့ ဟွန်ဒါက မတ်လ ၁၃ ရက်နေ့က ကြေညာခဲ့တာပါ။

လောလောဆယ်ထိတော့ ဒီပြဿနာနဲ့ ပတ်သက်ပြီး ဘယ်လိုမီးလောင်မှုနဲ့ ဒဏ်ရာရမှုမှ အစီရင်ခံတာ မရှိသေးဘူးလို့လည်း ကုမ္ပဏီက ပြောပါတယ်။ သက်ဆိုင်ရာ ပြင်ဆင်ရေး အစိတ်အပိုင်းတွေက နွေရာသီထိ မရနိုင်သေးဘူးလို့လည်း ဟွန်ဒါက ပြောပါတယ်။ ဒီကြားထဲမှာတော့ ဟွန်ဒါကုမ္ပဏီက ဧပြီလက စပြီး အကြောင်းကြားတဲ့ ဖောက်သည်တွေကို ကြားဖြတ် အရံပစ္စည်းတွေ ပံ့ပိုးပေးမယ်လို့ ဆိုပါတယ်။

အက်ကွဲဖို့ ဖြစ်နိုင်ချေတွေကို စုံစမ်းစစ်ဆေးရာမှာ လောင်စာပန့်ရဲ့အဖုံးကို ကားဆေးရာမှာ သုံးတဲ့ ဓာတုပစည်းတွေထဲက အက်ဆစ်တွေ ဓာတ်မြေသြဇာထဲမှာ သုံးတဲ့ pH အဆင့်နည်းတဲ့ ပစ္စည်းတွေနဲ့ ဖုန်ထိန်းချုပ်ရေး ပစ္စည်းတွေ အပါအ၀င် ဓာတုပစ္စည်းအတော်များများနဲ့ စမ်းသပ်ခဲ့တယ်လို့ ဟွန်ဒါက ပြောပါတယ်။

လောင်စာပန့်ရဲ့ ပုံစံတွေကို ဂျပန်ကုမ္ပဏီ ဒန်ဆိုက အမေရိကန်နုိုင်ငံထဲမှာ ထုတ်လုပ်ခဲ့တာလို့ ဟွန်ဒါက ဆိုပါတယ်။ အလာဘားမားပြည်နယ် လင်ကွန်းမြို့စက်ရုံကနေ ၂၀၀၄ ဇွန် ၂၃ ကနေ ၂၀၁၀ စက်တင်ဘာ ၄ ရက်နေ့ကြားက ထုတ်လုပ်ခဲ့တဲ့ ဗန်ကားတွေကို ပြန်သိမ်းတာလို့ ဟွန်ဒါက ပြောပါတယ်။

By ဒီဗွီဘီ

0 ကွန်မန့်ရေးရန်:

Post a Comment