ယောင်္ကျားအင်္ဂါသန့်ရှင်းရေး ဂရုမစိုက်လျှင်ဖြတ်ပစ်ရနိုင်

Hlaing Myint and Zawminmaung Zawminmaung shared Aureum Online Media's photo.

ယောင်္ကျားအင်္ဂါသန့်ရှင်းရေး ဂရုမစိုက်လျှင်ဖြတ်ပစ်ရနိုင်သည်

PH 7 သည် ရေဖြစ်ပါသည်။ ဓာတုဗေဒနည်းအရ PH 7 အောက်ကျသွားလျှင် အက်စစ်ဟုခေါ်ပါသည်။ PH 7 အထက်ရောက်သွားလျှင် အယ်ကာလီဟုခေါ်ပါသည်။ မိန်းမကိုယ်ကို ဆေးသည့် PH 5 များ မြို့ပေါ်တွင် အတော်ရောင်းနေရပါပြီ။ ယောက်ျားကိုယ်ဆေးသည့် အရည်သီးသန့် မပေါ်သေးပါ။ မောင်ဥသြ ဖော်ရောင်းလျှင် အတော်စီးပွားဖြစ်မည်ထင်ပါသည်။ မောင်ဥသြသည် ဒေသကောလိပ်၌ Chemical Technology ယူခဲ့သောကြောင့် ဆပ်ပြာကောင်းကောင်းချက်တတ်ပါသည်။ ဆပ်ပြာသည် အယ်ကာလီဖြစ်ပါသည်။ ဒဲ့ပြောရသော် ယောက်ျားကိုယ်ကို ဆပ်ပြာဖြင့် အနည်းဆုံး တစ်နေ့တစ်ခါ ကောင်းကောင်းဆေးရပါမည်။ ယောက်ျားကိုယ် ဆိုသည်မှာယောက်ျား၏ လိင်အင်္ဂါကို ဆိုလိုပါသည်။ လိင်အင်္ဂါထဲမှ လိင်တံကို သန့်ရှင်းစေရန် ဆပ်ပြာဖြင့် သေချာစွာ ဆေးကြောရပါမည်။ မောင်ဥသြတို့ မြန်မာလူမျိုးများသည် တစ်နေ့တစ်ခါ ရေချိုးသော်လည်း တစ်နေ့တစ်ခါ လိင်အင်္ဂါကိုကျကျနန ဆေးကြောခဲပါသည်။

ယောက်ျား အင်္ဂါတွင် နှစ်ပိုင်းရှိပါသည်။ ပထမတစ်ပိုင်းမှာ '' လိင်တံ'' ဖြစ်၍ ဒုတိယတစ်ပိုင်းမှာ ''ထိပ်ဖူး''ဟူ၍ရှိပါသည်။ လိင်တံ အရင်းတွင် လူပျိုပေါက်ပြီးပါက အမွေးအမျှင်များရှိပါသည်။ မွတ်စလင် လူမျိုးများသည် ထိုအမွေးအမှင်များကို ရိတ်ထားပါသည်။ မောင်ဥသြတို့မြန်မာလူမျိုးများ သည် အရှက်အကြောက်ကြောင့် အောက်ခံဘောင်းဘီဝတ်၍လည်းကောင်း၊ ရေလဲပုဆိုးဝတ်၍လည်းကောင်း
ရေချိုးကြပါသည်။ ဤသို့ဆိုလျှင် လိင်အင်္ဂါကို ဆပ်ပြာဖြင့် သေချာမဆေးကြောနိုင်တော့ပါ။ ထို့ကြောင့် ဖြစ်နိုင် လျှင်ရေချိုးခန်းအကာအကွယ်ဖြင့် ရေလဲပိုင်းမပါဘဲချိုးတာ အကောင်းဆုံးဖြစ်ပါ သည်။စကားမစပ် ညစ်ပတ်သည့် အကြောင်းများကိုပြောကြရအောင်၊ မောင်ဥသြတို့ ခန္ဓာကိုယ်ဒွါရပေါက်များမှ ထွက်သော 'ချေး'များမှာ နားမှထွက်လျှင်''နားဖာချေး''၊ နှာခေါင်းမှ ထွက်လျှင်'နှပ်ချေး'' စအိုမှထွက်လျှင်တော့ ''မစင်''(သို့မဟုတ်) ''ချေး''ဟုခေါ်ကြသည်။လိင်တံဖူးနှင့် အရေပြားကြားမှထွက်သည့်ချေးသည် အဖြူဖတ်များဖြစ်ပါသည်။ အလွန်နံပါသည်။ ဆေးဝေါဟာရအရထိုချေးကို Smegma ဟုခေါ်ပါ သည်။

ထို Smegma သည် လိင်တံကင်ဆာ ( Ca-penis ) ဖြစ်စေပါသည်။ အဲဒီ မောင်ဥသြဆိုသည့်သူက အပိုတွေ သိပ်ပြောသည်ဟု မထင်လိုက်ပါနှင့်။ ပြဿနာပေါ်မှာစိုး၍ ပြောရခြင်းဖြစ်ပါသည်။ ဘာပြဿနာလဲ။ လိင်တံကင်ဆာ ဖြစ်၍ ဖြတ်ပစ်ရလျှင် ပုရိသယောက်ျား ဘဝ လုံးလုံးကြီး ဆုံးရှုံးရမှာ စိုးသောကြောင့် စေတနာ သန့်သန့်ဖြင့် ပြောနေခြင်းဖြစ်ပါသည်။ အချို့သူများတွင် ထိပ်ဖူး ငုံထားသည့် အရေပြားများ အပေါက်သေးသေးတစ်ပေါက်သာ ပါဝင်ပါသည်။ ကလေးငယ်များတွင် ထိပ်ဖူးလေး ဖောင်းလာပြီးမှ ဆီးထွက်ပါသည်။ လူကြီးများတွင် ထိုမျှမဆိုးသော်လည်း ထိပ်ဖူးကို ဖုံးနေသည့် အရေပြား Fore-Skin ကိုထိပ်ဖူးအရင်းထိ လှန်၍မရသည်များရှိပါသည်။ ထိုအခြေအနေမျိုးတွင် ဆေးဝေါဟာရအရ Circumcision ခေါ် လိင်တံ၏ ထိပ်ဖူးကို ငုံထားသော အရေပြားကိုလှီးဖြတ်ပစ်ရပါမည်။ မွတ်စလင်နှင့် ဂျူးတို့သည် ကလေးများကို ရက် ၄ဝ ခန့်၌ Circumcision လုပ်ပေးပါသည်။ ကျန်းမာရေး ရှုထောင့်အရ သင့်မြတ်သည့်ကိစ္စ ဖြစ်ပါသည်။

Phimosis ခေါ်အရေပြား Fore-Skin ကို ထိပ်ဖူးအဆုံးအထိ မလှန်နိုင်သူများသည် မိန်းမကိုယ် အပေါက်ဝကျင်းသည့် အမျိုးသမီးနှင့် ဆက်ဆံမိသည့်အခါ လန်ထွက်သွားသော်လည်း ပြန်လှန်၍ မရတော့ပါ။ တအားနာပါသည်။ ဤသည်ကို Paraphimosis ခေါ်ပါသည်။ ဆရာဝန်ထံ တန်းပြရပါမည်။ အန္တရာယ်ရှိပါသည်။ Paraphimosis ခေါ် လိင်တံ အရှေ့ပိုင်းအရေပြား Fore-Skin ကို ဖြတ်ထားခြင်းဖြင့် သန့်စင်အောင် ဆေးကြောရလွယ်ပါသည်။ ငယ်ငယ်ကတည်းက Circumcisio လုပ်ထားသော မွတ်စလင်နှင့် ဂျူးတို့၌ လိင်တံကင်ဆာရောဂါ ဖြစ်ပွားမှုနှုန်းသည် ၁ဝရာခိုင်နှုန်းအောက်သာ ရှိပါသည်။ အချုပ်အားဖြင့်ဆိုသော် ယောက်ျားအင်္ဂါ သန့်ရှင်းရေးကို ရေတစ်ခါချိုးတိုင်းဆပ်ပြာဖြင့် သေချာစွာ ဆေးကြောသင့်ပါသည်။ Circumcisio လုပ်ထားခြင်းဖြင့် ဆေးကြောရ ပိုမိုလွယ်ကူကြောင်းအသိပေးလိုက်ရပါသည်။
စာဖတ်သူအပေါင်း ဆန္ဒနှင့် ဘဝတစ်ထပ်တည်း ကျပါစေ။
By မောင်ဥသြ (ဆေး -၁)

• Share

Posted in: ကျန်းမာရေး