ကျွန်တော်..ဒီပို့စ်လေးကို မရေးချင်ပါဘူး..
ဒါပေမဲ့..လှုံဆော်အားကို..မခံနိုင်တဲ့အဆုံးရေးချဖြစ်ပါတယ်..
ရေးလို့အဆုံးသတ်ပြန်တော့..ဆိုက်မှာတင်သင့်..မတင်သင့်..
အတွင်းစိတ်မှာ..အတော်တိုက်ပွဲဝင်ရပြန်ပါတယ်..
တကယ်တော့..သိပ်လည်းအဆန်းတကြယ်ကြီးတော့မဟုတ်ပါ..။
ကျွန်တော်ကို ဒီပို့စ်လေးကိုရေးဖြစ်ဖို့..ဖန်တီးပေးနေတာက..နှစ်ချက်ရှိပါတယ်
(၁) ကျွန်တော်နေတဲ့လမ်းနဲ့ နှစ်လမ်းကျော်က..အိမ်တစ်အိမ်ပါ
ရထားဆိုက်ချိန်ဆိုရင်..အဲဒီအိမ်ကို အရွယ်ကောင်းမိန်းကလေးတစ်ချို့
ရောက်လာတတ်ကြပါတယ်..မိန်းမဖေါ်ပါတာလည်းရှိ..မပါတာလည်းရှိ..
နာရီအတော်ကြာလို့..ပြန်ကြပြီဆိုရင် ဆိုက္ကားပေါ်တွဲတင်ရလောက်အောင်
ပင်ပန်းနွယ်းလျစွာဖြင့်….။
(၂) နောက်တစ်ချက်က..ကျွန်တော်ကျောင်းနေဖက် သူငယ်ချင်းဆရာဝန်မ..ခင်မေတင့်..
သူမနဲ့ကျွန်တော်က..မနက်ပိုင်းလက်ဘက်ရည်ဆိုင်မှာဆုံနေကျပါ..
သူ့လူနာတွေအပေါ် မကြေနပ်တာမှန်သမျှ..မနက်တိုင်း ရင်ဖွင့်ပါတော့တယ်
ကျွန်တော်က အမာန်မဲခံနေရသလိုပါ..အထူးသဖြင့်abortion..ကိစ္စ..။
ကြာတော့..အမျိုးသမီးတွေမှာ..မလိုချင်ပဲရတဲ့..ဒီဆုလဒ်ဆိုတာကြီးက
ခေါင်းထဲကကို..မထွက်တော့ပါဘူး..
ကျွန်တော်ငယ်စဉ်..ဖတ်ဖူးတဲ့..
ဆရာငြိမ်းကျော် ရဲ့..“ အပြာရောင်သစ်ခွ၏ သမိုင်းအစ..” ၀တ္ထုရှည်တစ်ပုဒ်လည်းရှိပါတယ်..
ချစ်သူကတာဝန်မယူတဲ့..သမီးရဲ့ကိုယ်ဝန်ကို..ဖခင်တစ်ယောက်က..ဖျက်ဆီးမပစ်ဖို့
အကာအကွယ်ပေးခဲ့တဲ့ ဇာတ်လမ်းပါ..။
အမျိုးသမီးတွေမှာ.ဒီမလိုချင်တဲ့ဆုလဒ်ဆိုတာမှာ..အကြောင်းအချက်များစွာရှိပါတယ်
မိမိမချစ်မနှစ်သက်ပါပဲ အလိုမတူ ရခဲ့ရတာ..
မိမိချစ်သူနဲ့..ကာယကံမြာက်ရခဲ့ရပြီးမှ..သစ္စာမဲ့ခြင်းခံရတာ..
အိမ်ထောင်သည်ဖြစ်ပါလျက်..သတိကင်းမဲ့မှုကြောင့်ရလာတာ..။
မီဒီယာတွေမှာ..မွေးစကလေးလေးတွေရဲ့ ရုပ်အလောင်းလေးတွေကို
ဟိုနေရာတွေ့..ဒီနေရာတွေ့ဆိုတဲ့သတင်းတွေ..ခပ်စိပ်စိပ် ဖတ်လာပါတယ်
စွန့်ပစ်သူဖက်က..မှန်လေသလား..ရက်စက်လေသလား..။
ဒါဆိုရင် တစ်မျိုးတွေးကြည့်ကြရအောင်..
ကိုယ်ဝန်နုစ..ဖျက်ချကြတာနဲ့..မွေးပြီးမှ စွန့်ပစ်တာ..ဘယ်ဟာပိုဆိုးပါသလဲ
ဥပဒေနဲ့ကတော့နှစ်ခုစလုံး..ညှိနေတာပါ..ပြင်ပလောကကြီးထဲရောက်မှ
စွန့်ပစ်တာကတော့..ပိုရက်စက်လေသလား..။
မလိုချင်ပဲမွေးရပြန်တော့ရော..
ကလေးကိုယ်တိုင်က “ ငါဟာ..သူတို့မလိုချင်ပဲ..ရထားတဲ့ကလေး..” လို့သိရင်ရော..
ကလေးဘ၀ရဲ့ စိတ်တွင်းဒါဏ်ရာ..။
ကျွန်တော်အိမ်နားမှာ..ပိုလီယိုဆန်ဆန်..လူပျိုပေါက်လေးတစ်ယောက်ရှိပါတယ်
သူ့အမေက..ကျွန်တော်နဲ့ အဒေါ်လိုခင်နေတော့ ပြောပြဖူးတယ်
အဲဒီကလေးကို..ကိုယ်ဝန်ဘ၀ ဖျက်ချခဲ့ဖူးတယ်..
မပျက်တော့..ခုလိုဖြစ်တာထင်ပါရဲ့တဲ့..စိတ်မကောင်းဖြစ်နေပါတယ်
ကောင်လေးကလည်းဒါကိုသိတယ်..တစ်ခါတလေ..ပွင့်အံထွက်လာတာပါပဲ…။
မလိုချင်ပဲရတဲ့ဆုလဒ်အတွက်..ပြည့်တန်ဆာမလေးတွေက..အဖေါ်ဆောင်ကြတယ်
ခုရက်မှာ..သူတို့ဆီမှာအဖေါ်ဆောင်တာတွေ့ရင် ရဲကဥပဒေမဲ့ဖမ်းဆီးနေတာလဲ ဖတ်နေရတယ်
ပြည့်တန်ဆာ..ဥပဒေပြဌာန်းဖို့ လွှတ်တော်မှာ အမျိုးသမီးအမတ်တစ်ယောက်က
အဆိုတင်ပြန်တော့..သူတော်ကောင်းကြီးတွေက..မီဒီယာမှာ..ကန့်ကွက်ကြလိုက်တာ
မိုးမွန်လို့ပါ..။
အဲဒီမိန်းကလေးတွေက..ဒီအလုပ်ကို တစ်သက်လုံးလုပ်စားချင်ကြမှာတဲ့လား
ဥပဒေလည်း ပြဌာန်းမပေး..အလုပ်အကိုင်အခွင့်အလန်းလည်းမဖေါ်နိုင်
အလုပ်ရှင် အလုပ်သမားဥပဒေ ကိုကိုင်တဲ့လူကြီးမင်းတွေက အလုပ်ရှင်ဖက်သားတွေ..
စက်ချုပ်သမလေးတစ်ယောက်က..တောကမိဘတွေဆီငွေပြန်ပို့ဖို့အခက်တွေ့နေရပြီ
ပြည့်တန်ဆာ နိမ်နင်းရေးဆိုတာကရော..ရနိုင်မှာတဲ့လား..ပျောက်မှာတဲ့လား
လူတွေ..ပညာရှိရှိတွေးစေချင်တယ်..သတ္တိရှိရှိတွေးစေချင်တယ်ဗျာ..။
0 ကွန်မန့်ရေးရန်:
Post a Comment