မေမေ့ စာစုလေးများ

Inbox

x

moe moe	10:11 AM (13 minutes ago)
to mrsorcerer, gtumyowin, hydegroup

မေမေ့ စာစုလေးများ

(၁)

မေမေရဲ့ ကြမ်းတမ်းတဲ့ လက်ဖဝါးနှစ်ခုကြားမှာ ငါတို့ရဲ့ ပျော်ရွှင်တဲ့ကလေးဘဝရှိတယ်။
မေမေရဲ့ ပါးပြင် အရစ်ကြောင်းတွေကြားမှာ ငါတို့ရဲ့ ကြီးပြင်းရှင်သန်တဲ့ ခြေရာတွေရှိတယ်။
မေမေရဲ့ ငွေရောင်ဆံနွယ်တွေကြားမှာ ငါတို့အတွက် စိုးရိမ်ပူပန်ခြင်းတွေရှိတယ်။
မေမေရဲ့ပြုံးရွှင်တဲ့ အပြုံးချိုချိုကြားမှာ ငါတို့အတွက် ခွင့်လွှတ်နားလည်ခြင်းတွေရှိတယ်။

(၂)

သမီးရဲ့ကြီးပြင်းရှင်သန်မှုက မေမေ့နဖူးပေါ်က ကန့်လန်ဖြတ်အရစ်ကြောင်းတွေပါ။ သမီးရဲ့ဖူးပွင့်မှုက မေမေ့မျက်ခုံးနှစ်ခုကြားက တောင်လိုက်အရစ်ကြောင်းတွေပါ။ သမီးရဲ့ပျော်ရွှင်မှုက မေမေ့မျက်စပ်ထောင့်က ဖြာစင်းနေတဲ့အရစ်ကြောင်းတွေပါ။ သမီးရဲ့အောင်မြင်မှုက မေမေ့ပါးပြင်ပေါ်က ပါးချိုင့်လေးပါ။ မေမေ.. ပင်ပန်းပါပြီ.. ကျေးဇူးတင်ပါတယ် မေမေ... 

(၃)

သာမန်ရိုးရှင်းပေမယ့် ထူထည်းတဲ့ချစ်ခြင်းတရားတွေက သူတို့နဲ့ သင့်ရင်ထဲကိန်းဝပ်ခဲ့တယ်။
သင့် တစ်ဘဝစာလောက် အဖော်ပြုခဲ့တယ်... 

သင် ငယ်ငယ်တုန်းက ဇွန်း၊ ခက်ရင်းတွေကိုင်တတ်ဖို့ သူတို့အချိန်ပေးပြီး သင်ပေးခဲ့တယ်။
ဘယ်လို အင်္ကျီဝတ်တယ်၊ ဘယ်လို ကြယ်သီးတပ်တယ်၊
ဘယ်လို ဖိနပ်စီးတယ်၊ ဘယ်လို မျက်နှာသစ်တယ်၊
ဘယ်လို ခေါင်းဖြီးတယ်၊ ဘယ်လို နှပ်ချီးသုတ်တယ်၊ ဘယ်လို အိမ်သာတက်တယ်... 
ဘယ်လို လူပီသအောင်လုပ်မယ်... ဒါတွေကို သူတို့သင်ပေးခဲ့တယ်။

မှတ်မိပါသေးရဲ့လား...? 
ပထမဆုံးသီချင်းတစ်ပုဒ်ကို သင်ဆိုတတ်ဖို့ သူတို့ ဘယ်လိုအထပ်ထပ် ကျင့်ပေးခဲ့တယ်ဆိုတာ.. သားသားက.. မီးမီးက... ဘယ်ကလာပြီး ဘယ်လိုဖြစ်လာသလဲဆိုတာ.. "ဘာကြောင့်"တွေ အတင်းအဓမ္မမေးခဲ့ဖူးကြမယ်။

ဒါကြောင့်.... ဒါကြောင့် တစ်ချိန်ချိန်မှာ သူတို့အိုမင်းသွားတဲ့အခါ၊
တစ်ခုခုကို သူတို့ချက်ချင်း သတိမရတတ်တဲ့အခါ၊
အကြောင်းအရာ ရှေ့နောက်မညီညွတ် စကားတွေပြောမိတဲ့အခါ၊
ပောပြီးသားကို ထပ်တလဲလဲ အကြိမ်ကြိမ် သူတို့ပြန်ပြောမိတဲ့အခါ သူတို့ကို အပြစ်မတင်ပါနဲ့..

အင်္ကျီကြယ်သီးတွေတပ်ဖို့ သူတို့မေ့သွားတဲ့အခါ၊ ဖိနပ်စီးဖို့ မေ့သွားတဲ့အခါ၊
အစာစားနေရင်း ထမင်းဟင်းတွေ အင်္ကျီပေါ်ဖိတ်စင်ပေကျံတဲ့အခါ၊ လက်ကတုန်ကယင်နဲ့ ခေါင်းဖြီးနိုင်အောင် သူတို့ကြိုးစားတဲ့အခါ သူတို့ကို မလောပါနဲ့..
သင်တဖြည်းဖြည်း ကြီးပြင်းလာတဲ့နည်းတူ သူတို့ တဖြည်းဖြည်း အိုမင်းသွားလို့ပါ။
သူတို့မျက်စိရှေ့မှာ သင်ရှိနေရင် သူတို့ရင်မှာ နွေးထွေးရတယ်။

တကယ်လို့ တစ်နေ့နေ့မှာ
သူတို့ မားမားမရပ်နိုင်တော့တဲ့အခါ၊ လှမ်းတဲ့ခြေလှမ်းတွေ ယိုင်ယိမ်းလာတဲ့အခါ

ကျေးဇူးပြုပြီး.... သူတို့လက်ကို တင်းတင်းဆုပ်ကိုင်လို့ သင်ငယ်ငယ်တုန်းက လမ်းလျှောက်သင်စလို သူတို့နဲ့အတူ ဖြေးဖြေးညင်သာ လျှောက်လှမ်းအဖော်ပြုပါ။

သာမန်ရိုးရှင်းပေမယ့် ထူထည်းတဲ့ချစ်ခြင်းတရားတွေက သူတို့နဲ့ သင့်ရင်ထဲကိန်းဝပ်နေပြီး သင့်တစ်သက်တာ အတူဖြတ်သန်းပါစေ.... 

(၄)

ငယ်ရွယ်စဉ်မှာ မိဘတွေရဲ့စကားကို တဗျစ်တောက်တောက်နိုင်လွန်းတယ်လို့ ထင်ခဲ့တယ်။ တစ်နေ့မှာ.. ကျောင်းဖတ်စာအုပ်ကိုဖွင့်တော့ စာအုပ်ကြားမှာ စာရွက်လေးတစ်ရွက် ညှပ်နေတာကိုတွေ့တယ်။ စာမှာရေးထားတာက...

"သမီး... မေမေ အသက်ကြီးပြီ။ တီဗီကြည့်တဲ့အချိန် ဘယ်လိုင်းကိုကြည့်နေမှန်း မမှတ်မိဘူး။ ပြောချင်တဲ့စကားတစ်ခွန်းကိုလည်း ထပ်တလဲလဲ ပြောနေမိတတ်တယ်။ ဒီလိုမေးမိတဲ့အခါ.. ဒီလိုပြောမိတဲ့အခါ စိတ်ရှည်သည်းခံပေးပါ သမီး သမီးငယ်ငယ်တုန်းက ဘာမှနားမလည်လို့ မေမေကို ထပ်ခါတလဲလဲမေးတဲ့အခါ မေမေ စိတ်ရှည်လက်ရှည် ပြောပြ၊ သင်ပြပေးခဲ့ဖူးသလိုပေါ့...." 

အဲဒီနေ့က ကျောင်းတက်နေရင်း ကျွန်မမျက်ရည်တွေ အတားအဆီးမဲ့ စီးဆင်းခဲ့တယ်။

(၅)

ကမောက်ကမနိုင်တဲ့ ဒီလိုအသက်အရွယ်မှာရောက်နေတော့....

မိဘကို စပြီး ဂရုစိုက်တတ်ပေမယ့် ဂရုစိုက်စကားကို ပြောမထွက်ခဲ့ဘူး။

မိဘနား အမြဲအဖော်လုပ်ချင်ပေမယ့် တီဗီရှေ့၊ ကွန်ပြူတာရှေ့ကနေ မခွာရက်နိုင်ခဲ့ဘူး။

မိဘက ကိုယ်နဲ့စကားပြောချင်တာကို သိပေမယ့် သူတို့ပြောတဲ့စကားကို ဘယ်လိုဝင်ဆက်ပြောရမှန်း မသိခဲ့ဘူး။

မိဘတွေ အိုမင်းလာတာကို သိပေမယ့် သူတို့ရဲ့ခေတ်နောက်ကျတာကို သည်းမခံနိုင်ခဲ့ဘူး။ စိတ်ထဲမှာ အစဉ်အမြဲ အားတုံ့အားနာဖြစ်မိပေမယ့် သူတို့ကို အမြဲတမ်း အထီးကျန်အဖော်မဲ့စေခဲ့တယ်။

(၆)

အိမ်ဆိုတာ ဘာလဲ?

အိမ်ဆိုတာ... စိတ်နှလုံးထဲက ဆင်းရဲဒုက္ခ၊ အခက်အခဲတွေကို အရည်ပျော်ကျစေတဲ့ နွေးထွေးတဲ့ နေရောင်ခြည်ဖြစ်တယ်။

ညအမှောင် လမ်းမှားနေသူတစ်ယောက်ကို လမ်းတွေ့အောင် ထွန်းညှိအလင်းပြတဲ့ မီးအိမ်တစ်လုံးဖြစ်တယ်။

လူလူချင်းကြားထဲက အတင်းအဖျင်းတွေကို ရှောင်လွှဲပေးတဲ့ ကြည်လင်တဲ့ ရေအိုင်တစ်အိုင်ဖြစ်တယ်။

ညစ်ထေးရှုပ်ထွေးတဲ့ စိတ်နှလုံးအစုံကို တိုက်ဖျက်ပေးတဲ့ အေးချမ်းတဲ့လေပြေဖြစ်တယ်။

မောပန်းနွမ်းလျတဲ့ စိတ်ဝိညာဉ်ကို နားခိုခွင့်ပေးတဲ့ နွေးထွေးတဲ့ ရင်ဘတ်တစ်စုံဖြစ်တယ်။

တကယ်လို့ မောပန်းပြီဆို .. အိမ်ပြန်ဖို့ မမေ့ပါနဲ့...

(၇)

တကယ်လို့ တစ်စုံတစ်ယောက်ကြောင့် ပေးဆပ်ခြင်းကို သင် မသင်ယူနိုင်ခဲ့ရင် သင်ပျော်ရွှင်ကြည်နူးခဲ့ဖူးတယ်လို့ ကျေးဇူးပြုပြီး မပြောလိုက်ပါနဲ့...

နိုင်းနိုင်းစနေ ဘာသာပြန်သည်။

--
Be Happy,
          Moe Moe.

Posted in: