အီးမေးလ်ထဲက ပုံပြင်တိုလေးများ

(၁)
သူ့ကို သူလက်ထပ်ခွင့်တောင်းတော့ သူစကားတစ်ခွန်းပဲပြောတယ်။ "ငါ့ကို ယုံပါ"

သူ့အတွက် သူပထမဆုံးသမီးလေးမွေးပေးတော့ သူစကားတစ်ခွန်းပြောတယ်။ "နင် ပင်ပန်းပြီ"

သူတို့သမီး မင်္ဂလာဆောင်တဲ့နေ့က သူ့ကို သူဖက်ပြီး စကားတစ်ခွန်းပြောတယ်။ "ငါ ရှိသေးတယ်"

သူဖျားနာကြောင်း သူကြားတော့ သူ့ဘေးနား သူချက်ချင်းရောက်လာပြီး စကားတစ်ခွန်းကို သူထပ်တလဲလဲပြောတယ်။ "ငါ ဒီမှာ"
လောကကြီးထဲကနေ သူထွက်သွားတော့မယ့်တခဏ သူ့နဖူးကို သူနမ်းပြီးပြောတယ်။ "ငါ့ကို စောင့်ပါ"
ဒီတစ်သက် သူ့ကို ချစ်တယ်လို့ သူ မပြောခဲ့ဖူးဘူး။ ဒါပေမယ့် အချစ်က သူတို့အနားမခွဲမခွာရှိခဲ့တယ်။

ဒီလောကမှာ ရင်ထဲကစကားကို ထုတ်ဖော်မပြောပြတတ်တဲ့ လူတွေရှိတယ်။ ထုတ်ဖော်မပြောတိုင်း သူတို့မှာ ချစ်ခြင်းမေတ္တာမရှိတာမဟုတ်ပါဘူး။

(၂)
အဖေဖြစ်သူကားဆေးတော့ သားက ကျောက်ခဲနဲ့ ကားတံခါးကိုခြစ်ကစားတယ်။ ဒါကို အဖေကတွေ့တော့ ဒေါသထွက်ပြီး တုတ်နဲ့ သားလက်ကို ရိုက်လိုက်တယ်။ အဲဒီနောက် သားဆေးရုံရောက်သွားတယ်။ ဆေးစစ်ချက်မှာ သားလက်ချောင်းရိုး အက်သွားတာတွေ့တယ်။ အဖေကိုတွေ့တော့ သားကပြောတယ်... "ဖေဖေ.. မစိုးရိမ်ပါနဲ့ သားလက်က ပြန်ကောင်းလာမှာပါ"တဲ့။ ဒါကို အဖေကြားတော့ ကိုယ့်ကိုယ်ကို ဒေါသဖြစ်မိတယ်။ အိမ်ပြန်ရောက်လို့ ကားကိုရိုက်ခွဲဖို့လုပ်တော့ ကားတံခါးမှာ သားရေးထားတဲ့စာကို သူတွေ့တယ်။ "ဖေဖေကို ချစ်တယ်"တဲ့။

တချို့ကိစ္စက သေသေချာချာတွေ့မြင်ပြီးမှ ဆုံးဖြတ်ချက်ချတာ ပိုကောင်းတယ်။

(၃)
မျက်မမြင် မိန်းကလေးတစ်ယောက်မှာ ချစ်သူကလွဲလို့ ဘာမှမရှိခဲ့ဘူး။ ချစ်သူက "တကယ်လို့ နင်မျက်လုံးတွေ ပြန်မြင်လာရင် ငါ့ကိုလက်ထပ်နိုင်မလား"လို့မေးတော့ ကောင်မလေးက ခေါင်းညိတ်တယ်။ အဲဒီလိုနဲ့ မျက်လုံးအစားထိုးကုသမှုကြောင့် မိန်းကလေးမျက်စိပြန်မြင်လာခဲ့တယ်။ ဒါပေမယ့် သူ့ချစ်သူက မျက်မမြင်ဆိုတာကို သူသိသွားခဲ့တယ်။ ချစ်သူက သူ့ဆီလက်ထပ်ခွင့်တောင်းတော့ မျက်မမြင်ဆိုပြီး သူငြင်းဆန်ခဲ့တယ်။ နောက်ဆုံးမှာ ချစ်သူက သူ့ကိုစကားတစ်ခွန်းပြောခဲ့တယ်။

"ငါ့မျက်စိတွေကို ဂရုစိုက်ပေးပါ"တဲ့။

(၄)
မိန်းကလေးရေချိုးခန်း မီးလောင်တော့ အထဲမှာရေချိုးနေသူတွေ ပျားပန်းခတ်ပြီး အပြင်ကို အဝတ်ဗလာနဲ့ ထွက်ပြေးလာခဲ့ကြတယ်။ အသက်ကြီးပိုင်းတစ်ယောက်က "အမြန်ဖုံးလိုက်ပါ"လို့ အော်ဟစ်သတိပေးတယ်။ မိန်းကလေးရဲ့ခန္ဓာကိုယ်မှာ အရှက်နေရာက သုံးနေရာရှိတော့ ဘာကိုဖုံးလို့ ဘာကိုကွယ်ရမှန်းမသိ ပြာယာခတ်နေခဲ့တယ်။ ဒီအချိန်မှာ အသက်ကြီးပိုင်တစ်ယောက်က "မျက်နှာကိုဖုံးပါ.. အောက်ပိုင်းက အတူတူတွေပဲ"လို့ အော်ဟစ်သတိပေးတယ်။

ထူးခြားတဲ့အခြေအနေမှာ အရာရာကိုဆုပ်ကိုင်နိုင်ဖို့ဆိုတာ ခက်တယ်။ အဓိက,က အရေးပါ၊ အရေးကြီးတဲ့အချက်ကို ဆုပ်ကိုင်နိုင်ဖို့ပါပဲ။

(၅)
အမေအိုကို မကျွေးမမွေးနိုင်တော့တဲ့သားက အမေကို တောထဲမှာစွန့်ပစ်ဖို့ ဆုံးဖြတ်လိုက်တယ်။ တစ်ညနေမှာ သားက အမေကိုကျောပိုးပြီး တောထဲလျှောက်သွားကြည့်မယ်ဆိုတော့ အမေက ခက်ခက်ခဲခဲနဲ့ သားကျောပေါ်တက်လိုက်ခဲ့တယ်။ တောနက်နက်ထဲရောက်မှ အမေကိုပစ်မယ်လို့ သားကတွေးပြီး တောထဲဝင်ခဲ့တယ်။ အဲဒီမှာ အမေကိုသူငှဲ့ကြည့်တော့ အမေဟာ သူကျောပေါ်ကနေပြီး လမ်းတလျောက် ပဲစေ့တွေပစ်ချနေတာကို သူတွေ့လိုက်တယ်။

"အမေဘာလို့ ပဲစေ့တွေ ကျဲနေသလဲ"လို့ သူစိတ်တိုတိုနဲ့မေးတော့ အမေက "ခဏနေ သားပြန်ရင် သားလမ်းမှားမှာစိုးလို့ပါ"လို့ ပြန်ဖြေတယ်။

မိဘတွေဟာ အိုမင်းသည်ဖြစ်စေ၊ ဆင်းရဲသည်ဖြစ်စေ သူတို့ရဲ့ချစ်ခြင်းက သင့်အပါးတစ်သက်လုံး မခွဲမခွာရှိနေခဲ့ပါတယ်။


သူငယ်ချင်းတစ်ယောက် ပေးပို့လာတဲ့ အီးမေးလ်ထဲက ပုံပြင်တချို့ပါ။ ဘာသာပြန် မျှဝေပါတယ်..

Posted in: