မဟာရောရုဝ
ဓူမေဟိ ပ၀ိသိတွာန၊ သေဒမာနာ ဒယာဝဟံ။
မဟာရ၀ံ ရ၀န္တေတ္ထ၊ ၀ုစ္စတေ ဓူမရောရုဝေါ။
တာပနငရဲ
ဇလိတေ အယသူလမှိ၊ နိစ္စလံ နိသီဒါပိတေ။
တာပေတိ ပါပကေ ပါဏေ၊ တာပနောတိ ပ၀ုစ္စတေ။
ဤငရဲကား
မီးတောက်မီးလျှံမဟုတ်ဘဲ မီးခိုးတွေ တစ်ငရဲလုံး လွှမ်းဖုံးနေ၏။
ငရဲသို့ကျရောက်သူတို့ကို မီးခိုးတွေက အတွင်းအပြင် အတင်းဝင်၍
နှူးနှပ်ကြလေတော့၏။ ငရဲသူ ငရဲသားတို့မှာ ဘာမျှမတတ်နိုင်ကြတော့ဘဲ သနားစဖွယ်
အားငယ်စွာ အော်နေကြရရှာလေတော့သည်။ ဤငရဲကို “ဓူမရောရုဝငရဲ”ဟုလည်းခေါ်၏။
မဟာရ၀ံ ရ၀န္တေတ္ထ၊ ၀ုစ္စတေ ဓူမရောရုဝေါ။
ဧတ္ထ နိရယေ၊ ကံကြမ္မာရင်း ဖန်လာညှဉ်းက မကွင်းနိုင်အောင် အတင်းဆောင်လျက် သွင်းလှောင်ပိတ်ဆီး ဤမည်သော ငရဲကြီး၌။ ဓူမေဟိ၊ တစ်ငရဲလုံး လွှမ်းအုပ်ဖုံးလျက် တရုန်းရုန်းတိုး မီးအခိုးတို့သည်။ ပ၀ိသိတွာန၊ ဒွါရ ၉-သွယ် အပေါက်ငယ်မှ ဘယ်ဝယ်မကြွင်း ချင်းနင်းဝင်ရောက်ကြကုန်လျက်။ သေဒမာနာ၊ အတင်းအကျပ် နှူးနှပ်အပ်သည့် များလတ်ဘိတောင်း ငရဲသားအပေါင်းတို့သည်။ ဒယာဝဟံ၊ အားငယ်ပါးငယ် အများကယ်အောင် သနားဖွယ်ကိုဆောင်သော။ မဟာသရ၀ံ၊ ကယ်ပါယူပါ တစာစာနှင့် ကြမ္မာထိန်သီး အသံကြီးကို။ ရ၀န္တိ၊ သံကုန်လှစ်၍ ဟစ်အော်ကြရှာလေကုန်၏။ သော နိရယော၊ သို့ကလိုကံ မကုန်ပြန်လျှင် ဖန်ဖန်အော်ရိုး။ ထိုငရဲအိုးကို။ ဓူမရောရုဝေါ၊ ဓူမရောရုဝငရဲဟူ၍။ ပ၀ုစ္စတေ။ ဗျုပ္ပတ်အလိုက် ရုပ်ဓာတ်ကိုက်အောင် သမိုက်အပ်လေတော့သတည်း။
“တာပန” ဟူသောပါဠိသည် “ပူလောင်စေတတ်”
ဟူသော အနက်ကိုပြ၏။ ထိုငရဲသို့ ကျရောက်လာသော သတ္တ၀ါများကို
ထန်းလုံးလောက်ကြီးမား၍ မီးလျှံထသော သံတံကျင်း၌ မလူပ်နိုင်အောင်
စိုက်ထားပြီးလျှင် ထိုထန်းလုံးလောက်ရှိသော တံကျင်မှ ထွက်သော မီးအလျှံတို့က
အမြဲပူလောင်စေသည်။
တာပေတိ ပါပကေ ပါဏေ၊ တာပနောတိ ပ၀ုစ္စတေ။
ယောနိရယော၊ ကံကြမ္မာရင်း ဖန်လာညှင်းက မကွင်းနိုင်အောင် အတင်းဆောင်လျက် သွင်းလှောင်ပိတ်ဆီး အကြင်သို့သော ငရဲကြီးသည်။ ဇလိတေ၊ ရဲရဲညိလောင် ပြောင်တလက်လက် အရောင်ထွက်၍နေသော။ အယသူလမှိ၊ ထန်းလုံးပင်စည် ပမာထင်သည့် သံလျှင်အတိပြီး တံကျင်ကြီး၌။ နိစ္စလံ နိသီဒါပိတေ၊ မယိမ်းမယိုင် ထိုင်စေအပ်ကုန်လျက်။ ပါပကေ ပါဏေ၊ အယုတ်တမာ သတ္တ၀ါအများ ငရဲသားတို့ကို။ တာပေတိ၊ ကိုယ်လုံးရဲရဲ မီးလျှံစွဲ၍ အမြဲပုံသေ ပူလောင်စေ၏။ သော နိရယော၊ သို့ကလိုကံ မကုန်ပြန်လျှင် ဖန်ဖန်လောင်ရိုး ထိုငရဲအိုးကို။ တာပနောတိ၊ တာပနငရဲဟူ၍။ ပ၀ုစ္စတေ၊ ဗျုပ္ပတ်အလိုက် ရုပ်ဓာတ်ကိုက်အောင် သမိုက်အပ်လေတော့သည်။
အရှင်ဇနကာဘိဝံသ ကိုယ်ကျင့်အဘိဓမ္မာစာအုပ်မှ ထုတ်နူတ်ဖော်ပြပေးထားပါသည်။
0 ကွန်မန့်ရေးရန်:
Post a Comment