၂၀၁၃ ခုနှစ် သင်္ကြန်ကာလ မကြာမီရောက်ရှိလာတော့မည်ဖြစ်ရာ
သင်္ကြန်မဏ္ဍပ်ဆောင်လုပ်မှုများ၊ သင်္ကြန် အတွက် စီစဉ်မှုများ ပြုလုပ်နေပြီး
ယခုနှစ်သင်္ကြန်တွင်း လည်ပတ်ရန် စင်းလုံးငှားရမ်းမှု မရှိသလောက် နည်းပါးပြီး
မဏ္ဍပ်တွင် ရေပက်ကစားမည့်သူ အရေအတွက်မှာလည်း လက်ရှိအချိန်အထိ
နည်းပါးလျက် ရှိသည်ဟု စုံစမ်းသိရှိရပါသည်။
ယခုနှစ် ရန်ကုန်သင်္ကြန်အတွက် ရေကစားမဏ္ဍပ်အကြီး (ပေ ၁၀၀နှင့် အထက်)အနေဖြင့်
ကန်တော်ကြီး ကန်ပတ်လမ်းတွင် မဏ္ဍပ် ၁၇ ခု၊ ပြည်လမ်းတွင် မဏ္ဍပ်နှစ်ခု၊
ကမ္ဘာအေးစေတီလမ်းပေါ်တွင် ၁၀ ခု၊ ပါရမီလမ်းပေါ်တွင် သုံးခု၊ ဆရာစံလမ်းအနီး
တစ်ခုတို့လည်း ပါဝင်ကြောင်း၊ ဘုရင့်နောင်လမ်းပေါ်တွင်
ငါးခု၊သုဝဏ္ဏအားကစားကွင်းအနီး တစ်ခုစသည်ဖြင့် ရေကစားမဏ္ဍပ်အခု ၄၀ ခန့်
ဆောက်လုပ် ခွင့် ပြု ခဲ့ကြောင်း ရန်ကုန်မြို့တော် စည်ပင်သာယာရေး ကော်မတီမှ
သိရသည်။ ယခုနှစ်သင်္ကြန်တွင် ကန်တော် ကြီးပတ်လမ်း၌ မဏ္ဍပ် ဆောက်လုပ်လိုသူဦးရေ
များပြားခဲ့ပြီး ဆောက်လုပ်ခွင့် လျောက်ထားသူ ၉၀ ဦးခန့် ရှိခဲ့သော်လည်း
မဏ္ဍပ်နေရာ ၁၇ ခုသာ ခွင့်ပြုခဲ့ကြောင်း ရန်ကုန်တိုင်းဒေသကြီး အစိုးရအဖွဲ့၊
မဏ္ဍပ်နေရာ ချထားပေးရေး ဆပ်ကော်မတီမှ သိရသည်။
ကန်တော်ကြီး ကန်ပတ်လမ်းတွင် ဆောက်လုပ်နေသည့် ရေကစားမဏ္ဍပ်တစ်ခုကို တွေ့ရစဉ် (ဓာတ်ပုံ - အောင်မျိုးသန့်)
ရန်ကုန်သင်္ကြန်အတွက် မဏ္ဍပ်ဆောက်လုပ်ခွင့်များကို မတ်လကုန်ပိုင်းတွင်
ခွင့်ပြုပေးခဲ့ပြီး ဧပြီလ ဆန်းပိုင်း မှ စတင်၍မဏ္ဍပ်များ စတင်ဆောက်လုပ်ခဲ့ရာ
အတော်များများ ပြီးစီးနေပြီ ဖြစ်ကြောင်း၊ မဏ္ဍပ်များ တွင် ရေကစားလက်မှတ်
ဈေးနှုန်းများအနေဖြင့် ကန်တော်ကြီးပတ်လမ်းတွင် မဏ္ဍပ်တစ်ခုလျင်
သင်္ကြန်ရက်အပြည့် ကျပ် ၃၀၀၀၀၊ ၃၅၀၀၀၊ ၄၀၀၀၀ စသည်ဖြင့် သတ်မှတ်ထားရာ
ယခင်နှစ်နှင့် ယှဉ်ပါက ဈေးနှုန်းအပြောင်းအလဲ မရှိသော်လည်း
လက်မှတ်ဝယ်ယူသူဦးရေ နည်းပါးနေသည်ဟု မဏ္ဍပ် အချို့ထံမှ သိရသည်။
ကမ္ထာအေးစေတီလမ်းပေါ်တွင်မူ ရေကစားလက်မှတ်ခ နှုန်းထားများအနေဖြင့် ကျပ် ၅၀၀၀၀၊
၅၅၀၀၀ စသည်ဖြင့် သတ်မှတ်ထားသည်။
ယခုနှစ် ရန်ကုန်သင်္ကြန်အတွက် လိုက်နာရမည့် စည်းကမ်းချက် ၂၇ ချက်ကို
ထုတ်ပြန်ထားပြီး စည်းကမ်း ပိုင်းအရလည်း ပိုမိုတင်းကျပ်ထားကြောင်း၊စည်းကမ်း
ပိုမိုတင်းကျပ်သော အချက်အနေဖြင့် ယခင်နှစ် ကကဲ့သို့ မဏ္ဍပ်တာဝန်ခံနှစ်ဦးသာ
ထားရှိရမည် မဟုတ်ဘဲ မဏ္ဍပ်ပိုင်ရှင်၊ မဏ္ဍပ်တာဝန်ခံနှင့် ဒုတာဝန်ခံ၊ မဏ္ဍပ်
စည်းကမ်းထိန်းသိမ်းရေးနှင့် ရေပက်ခံယာဉ်များ ထိန်းသိမ်းရေး တာဝန်ခံနှင့်
ဒုတာဝန်ခံဟူ၍ ငါးဦး ထားရှိရမည်ဖြစ်ကြောင်းနှင့် ၎င်းတို့၏ ဖုန်းနံပါတ်များကို
မဏ္ဍပ်များ၏ ဗီနိုင်းများပေါ်တွင် ရိုက်နှိပ်ဖော်ပြ ထားရန်လည်း သင်္ကြန်မဏ္ဍပ်
စည်းကမ်းထိန်းသိမ်းရေး ကော်မတီမှ ထုတ်ပြန်ထားသည်။
ထို့ပြင် အာမခံ စပေါ်ငွေများလည်း မြင့်တက်ခဲ့ပြီး ယခင်နှစ်က မည်သည့်
မဏ္ဍပ်မဆို တစ်လုံးလျင် စပေါ်ငွေ ကျပ် သိန်း ၃၀ မှ ယခုနှစ်တွင် မဏ္ဍပ်အကြီးကို
ကျပ် ၇၅ သိန်းနှင့် မဏ္ဍပ်အလတ်ကို ကျပ် ၄၅ သိန်းသို့ တိုးမြှင့်ခဲ့ပြီး
ရေဆက်သွယ်ခ နှုန်းထားများလည်း တိုးမြှင့်ခဲ့သည်။ ရေဆက်သွယ်ခများ အနေဖြင့်
ယခင်နှစ်က ကန်တော်ကြီးနှင့် အင်းလျားကန်တို့မှ ရေသွယ်ယူပါက အချင်း သုံးလက်မ
ပိုက်လိုင်း တစ်လိုင်းလျင်ကျပ် ၂၂၀၀၀၀ မှ ယခုနှစ်တွင် ကျပ် ၃၀၀၀၀၀၊
ရန်ကုန်မြို့တော် စည်ပင် သာယာပိုင် ရေပိုက်လိုင်းများမှ အချင်းတစ်လက်မနှင့်
တစ်လက်မခွဲ တစ်လိုင်းလျင် ယခင်နှစ် ကျပ် ၈၀၀၀၀ မှ ယခုနှစ်ကျပ် ၁၀၀၀၀၀ သို့
လည်းကောင်း၊ အချင်းနှစ်လက်မ ပိုက်တစ်လိုင်းလျင် ယခင်နှစ်ကျပ် ၁၂၀၀၀၀ မှ
ယခုနှစ် ကျပ် ၁၅၀၀၀၀ အထိ တိုးမြှင့်ခဲ့သည်။
ကန်တော်ကြီး ကန်ပတ်လမ်းတွင် ဆောက်လုပ်နေသည့် ရေကစားမဏ္ဍပ်တစ်ခုကို တွေ့ရစဉ် (ဓာတ်ပုံ - အောင်မျိုးသန့်)
''ဒီနှစ်တော့ လက်မှတ်ရောင်းရတဲ့ ပမာဏ နည်းတယ်။ လက်မှတ်ဈေးနှုန်းက
အရင်နှစ် ဈေးနှုန်း အတိုင်း ပဲ ဖြစ်ပေမယ့် ကောလာဟလတွေ ရှိတဲ့အတွက်
လက်မှတ်ဝယ်တာ နည်းတယ်လို့ ထင်မိပါတယ်။ ဒီနှစ်က သင်္ကြန်မဏ္ဍပ်ဆောက်တာ အာမခံ
စပေါ်ငွေ၊ ရေဆက်သွယ်ခတွေ အပါအ၀င် ကုန်ကျစရိတ် အရင်နှစ် ထက် ပိုများတယ်။
ဒါပေမယ့် လက်မှတ်ခကို တင်လို့မရဘူး။ သင်္ကြန်ရက် အကုန်လုံးကို ကျပ် ၃၅၀၀၀
နဲ့ပဲ ရောင်းနေရတယ်''ဟု ကန်တော်ကြီး ပတ်လမ်းရှိ Caribbean Paradise မှ
တာဝန်ခံဖြစ်သူ ကိုချစ်ညီစိုး က ပြောသည်။
ဒီနှစ်က သင်္ကြန်မဏ္ဍပ်ဆောက်တာ အာမခံ စပေါ်ငွေ၊ ရေဆက်သွယ်ခတွေ အပါအ၀င်
ကုန်ကျစရိတ် အရင်နှစ်ထက် ပိုများတယ်။ ဒါပေမယ့် လက်မှတ်ခကို တင်လို့မရဘူး။
သင်္ကြန်ရက် အကုန်လုံးကို ကျပ် ၃၅၀၀၀နဲ့ပဲ
ရောင်းနေရတယ် . . .
|
သို့သော် ရေကစားမဏ္ဍပ် လက်မှတ်များအား သင်္ကြန်အနီးနားကပ်သည့် ဧပြီလ ၁၀ ရက်၊
၁၁ ရက်နေ့ စသည့် နေ့များတွင် သိသာစွာ ရောင်းချရပြီး လက်ရှိလက်မှတ်ရောင်းချမှုကို ခန့်မှန်း၍ မရနိုင်သေးကြောင်း လည်း
ကန်တော်ကြီးပတ်လမ်းရှိ Apoidea ရေကစားမဏ္ဍပ် တာဝန်ရှိသူ တစ်ဦးက ပြောသည်။
မဏ္ဍပ် အချို့ကမူ ရေကစားမဏ္ဍပ်လက်မှတ်များကို သင်္ကြန်ရက်အကုန်လုံးကို
ယခင်သတ်မှတ်သည့် ကျပ်လေးသောင်းအစား ကျပ်သုံးသောင်းဖြင့် လျော့၍
ပရိုမိုးရှင်း လုပ်လာကြသည်။
ထို့ပြင် ယခုနှစ် သင်္ကြန်တွင် မဏ္ဍပ်များအား ကုမ္ပဏီများမှ စပွန်ဆာပေးရန်
ကမ်းလှမ်းမှုများ သိသာစွာ နည်းပါးခဲ့သလို စပွန်ဆာပေးရန် သင်္ကြန်မဏ္ဍပ်များမှ
ကမ်းလှမ်းသော်လည်း စိတ်ဝင်စားသည့် ကုမ္ပဏီများ နည်းပါးလျက်ရှိကြောင်း၊
ထို့အတွက် သင်္ကြန်မဏ္ဍပ်အများစု စပွန်ဆာရရှိရန် ခက်ခဲသည့်
အခြေအနေဖြစ် ခဲ့ကြောင်း မဏ္ဍပ်အချို့ထံမှ သိရသည်။
''ဒီနှစ် စပွန်ဆာကြေးက ကျပ် သိန်း ၁၀၀ နဲ့ ၂၀၀ ကြား ရှိတယ်။ ဒါပေမယ့်
စပွန်ဆာပေးချင်တဲ့သူ အရမ်းနည်းတယ်။ ကျွန်တော်တို့ မဏ္ဍပ်ကတော့ ကုမ္ပဏီတစ်ခုနဲ့
စာချုပ် ချုပ်ထားလို့ရတာ။ ဒါပေမယ့် ကျွန်တော်တို့တောင်းတာ ကျပ်သိန်း ၂၀၀
ဒါပေမယ့် ကျပ်သိန်း ၁၀၀ ကျော် လောက်ပဲရတယ်''ဟု ကန်တော်ကြီးပတ်လမ်းရှိ My X
မဏ္ဍပ်တစ်ခုမှ တာဝန်ရှိသူ တစ်ဦးက ပြောသည်။
သို့သော် သင်္ကြန်ကာလတွင် အက်စစ်ရေဖြင့် ပက်မည်ဆိုသည့် သတင်းများ၊
အုပ်စုဖွဲ့ ရမ်းကားမှု များ ဖြစ် လာနိုင်သည့် အစရှိသော ကောလာဟလသတင်းများသည်
သင်္ကြန်မရောက်ခင် ရက်ပိုင်းအလိုတွင် ရန်ကုန်နှင့် အခြားမြို့ကြီး
အတော်များများတွင် ပျံ့နှံ့နေသည်။
အဆိုပါ သတင်းပျံ့နှံ့မှုကား မကြာမီက မိတ္ထီလာနှင့် ပဲခူးတိုင်းဒေသကြီး
(အနောက်ခြမ်း) မြို့များတွင် ဖြစ် ပွားခဲ့သော ပဋိပက္ခများ၏ နောက်ဆက်တွဲ
ဂယက်ပင်ဖြစ်သည်။ ယင်းဂယက်များကြောင့် သင်္ကြန်တွင် လူငယ်အချို့ မဏ္ဍပ်ထိုင်မည့်
အစီအစဉ်များ ဖျက်သိမ်းခဲ့ပြီး အချို့မှာမူ ပုံမှန်အတိုင်း မဏ္ဍပ်ထိုင်ရန်ပင်
စီစဉ်မှုများ ရှိနေသည်ဟု သိရသည်။
တာမွေမြို့နယ်တွင် နေထိုင်သူ အသက် ၂၄ နှစ်အရွယ် ကိုခိုင်မင်းဇင်က
''မနှစ်ကတော့ မဏ္ဍပ် ထိုင်ဖြစ်သေးတယ်။ ဒီနှစ် ကောလာဟလတွေ ကြားတာနဲ့ အိမ်ကလည်း
အပြင် ရေကစားမဏ္ဍပ်ကြီးတွေမှာ ကစားဖို့ ခွင့်မပြုဘူး။ ဒီနှစ်ကို
ရပ်ကွက်ထဲမှာလောက်ပဲ ရေကစားရတော့မယ်။ လူစည်ကား တဲ့ နေရာတွေ ကိုတော့
မသွားဖြစ်တော့ပါဘူး''ဟု ပြောသည်။
''ကောလာဟလတွေကိုတော့ ကြားမိပါတယ်။ ဒါပေမယ့် ဒီနှစ်ကို မဏ္ဍပ်ထိုင်ဖို့
စီစဉ်ထားတယ်။ မနှစ်ကတော့ ကားနဲ့လည်တယ်။ သူငယ်ချင်းကလည်း
လက်မှတ်ဝယ်ထားပြီးပြီဆိုတော့ အတူတူထိုင်ဖြစ် ပါမယ်။ ကျွန်တော့်အထင်ကတော့
ရန်ကုန်သင်္ကြန်က ဒီနှစ်တော့ သိပ်မစည်ဘူးလို့ ထင်တယ်။ အခြေ အနေတွေက
သိပ်မကောင်းဘူး''ဟု သာကေတမြို့နယ်မှ အသက် ၂၅ နှစ်အရွယ် ကိုစစ်နိုင်က
ပြောသည်။
ယခုနှစ် သင်္ကြန်ကာလအတွင်း ရေပက်ခံကား ငှားရမ်းမှု မရှိသလောက်
နည်းပါးနေကြောင်း ၊ပြည်တွင်း ဘုရားဖူး ခရီးစဉ်များအတွက်သာ ငှားရမ်းမှုများ
ရှိနေကြောင်းနှင့် ကားအငှားဝန်ဆောင်မှု လုပ်ငန်းများမှ စုံစမ်းသိရှိရသည်။
''ပြီးခဲ့တဲ့နှစ်ကဆိုရင် သင်္ကြန်မတိုင်ခင် တစ်လအလိုလောက်ကတည်းက
ကားငှားနေရတာ။ ဒီနှစ်မှာ ကား အငှားဈေးကွက်က မရှိသလောက်ကို နည်းပါတယ်။
ဘာအကြောင်းကြောင့် ဒီနှစ်မှာ သင်္ကြန်ကား အငှားဈေးကွက်မရှိတာလဲဆိုတာ
သေချာမပြောနိုင်ပေမယ့် ဖြစ်ပွားခဲ့တဲ့ ပဋိပက္ခတွေရယ်၊ လတ် တလော ဖြစ်ပေါ်နေတဲ့
ကောလာဟလတွေရယ်ကြောင့်လို့ ထင်တယ်''ဟု 'ချို' ကားအငှားဝန်ဆောင်မှု လုပ်ငန်းမှ
တာဝန်ရှိသူတစ်ဦးက ပြောသည်။
မကြာမီ ကျရောက်မည့် သင်္ကြန်ပွဲတော်အား အခွင့်ကောင်းယူ၍ ပဋိပက္ခ
ဖြစ်စဉ်နှင့် ဆူပူအုံကြွမှုများကို ဖန်တီးလိုသူများ၏ အဓိက ဦးတည်ရာ
ပစ်မှတ်ဖြစ်လာနိုင်ကြောင်း ကောလာဟလ သတင်းများ ပျံ့လွင့်မှု များကြောင့်
ရေကစားပွဲတော်တွင် ပါဝင်ဆင်နွဲမည့်သူ အများစု၏ စိုးရိမ်စိတ်များနှင့်အတူ
သက်ဆိုင်ရာ တာဝန်ရှိသူများ၏ လုံခြုံရေး အခြေအနေအရပ်ရပ်ကို တိုးမြှင့်ချထား
လုပ်ဆောင်မှုများလည်း ရှိနေသည်။
ရန်ကုန် သင်္ကြန်ပွဲတော်အတွက် ကောလာဟလ ဖြစ်စဉ်များကြောင့် အများစု
စိုးရိမ်ပူပန်မှု များ ဖြစ်ပေါ်နေသော်လည်း ယခုနှစ် ရန်ကုန်သင်္ကြန်ပွဲ တော်အတွက်
စိတ်ချအေးချမ်းရမည့် လုံခြုံရေး အစီအစဉ်များ ပြုလုပ်ထားမည့်အပြင်
သင်္ကြန်မဏ္ဍပ်များ၏ လုံခြုံရေးကိုလည်း အထူးဂရုပြုရန်
ညွှန်ကြားထားခဲ့ပြီးဖြစ်ကြောင်း ရန်ကုန်တိုင်းဒေသကြီး လုံခြုံရေးနှင့်
နယ်စပ်ရေးရာ ၀န်ကြီးဗိုလ်မှူးကြီး တင်ဝင်းက ဧပြီလ ၂ ရက်နေ့ ညနေပိုင်း
သတင်းမီဒီယာများနှင့် တွေ့ဆုံစဉ် ပြောသည်။
အထူးသဖြင့် ရေကစားမဏ္ဍပ် အများဆုံးရှိမည့် ကန်တော်ကြီးပတ်လမ်းအတွက်
လုံခြုံရေး အစီအစဉ်များကို ရန်ကုန်တိုင်းဒေသကြီးအတွင်းရှိ မင်္ဂလာတောင်ညွန့်
မြို့နယ်တွင် မြို့နယ်ငါးမြို့နယ်မှ ရဲတပ်ဖွဲ့အင်အားကို အသုံးပြု၍
လုံခြုံရေး ဆောင်ရွက်သွားမည်ဖြစ်ကြောင်း အရှေ့ပိုင်းခရိုင် ရဲတပ်ဖွဲ့မှူး
ဒုတိယ ရဲမှူးကြီးမြင့်အေးက Eleven Media Group သို့ ပြောသည်။
ဒုတိယရဲမှူးကြီး မြင့်အေးက ''အက်စစ်နဲ့ ပတ်သက်တဲ့ သတင်းတွေက
ကောလာဟလအနေနဲ့ သိထား ပါတယ်။ ဒါပေမယ့် မဖြစ်လာနိုင်ဘူးလို့လည်း
မပြောနိုင်ဘူး။ ဖြစ်လာမယ်ဆိုရင် ကာကွယ်မှု၊ ကုသရေး အတွက် ကြိုပြီး
ဆောင်ရွက်ထားပြီးပါပြီ''ဟု ပြောကြားခဲ့သည်။
ယင်းသို့ အစိုးရပိုင်းနှင့်အတူ သင်္ကြန်မဏ္ဍပ်များဘက်မှလည်း
လုံခြုံရေးပိုင်းတွင် တိုးမြှင့်စီစဉ်ထားခြင်းကို ''မဏ္ဍပ်လက်မှတ်တွေက
ပုံမှန်ရောင်းနေရတယ်။ သင်္ကြန်ရက်နီးလာတော့ ပိုရောင်းလာရပါ တယ်။
ကောလာဟလတွေကြောင့် မဏ္ဍပ်မထိုင်တော့ဘူးလို့ ပြောတဲ့သူငယ်ချင်းတွေတောင်
ရက်နီး လာတော့ သင်္ကြန်ပိုးကြောင့် လက်မှတ်တွေ လာဝယ်နေကြပါတယ်။ ဒီနှစ်တော့
မဏ္ဍပ်လုံခြုံရေး ပိုင်းဆိုင် ရာတွေ အရင်နှစ်ထက် တိုးပြီး လုပ်ထားပါတယ်။
တကယ့်သင်္ကြန်ရက် ရောက်ရင်တော့ သင်္ကြန်ပိုးနဲ့အတူ စည်ကားလာတာပါပဲ''ဟု
ကန်တော်ကြီးပတ်လမ်းရှိ My X မဏ္ဍပ်မှ မစုလှိုင်ဖြိုးက ပြောသည်။
ပြီးခဲ့သည့် ၂၀၁၀ ခုနှစ် သင်္ကြန် အကြတ်နေ့က ကန်တော်ကြီး ကန်ပတ်လမ်းရှိ
X2O ရေကစားမဏ္ဍပ်တွင် ဗုံးပေါက်ကွဲမှု ဖြစ်ပွားခဲ့သော်လည်း နောက်နေ့
သင်္ကြန်အတက်နေ့၌ ကန်တော်ကြီး ပတ်လမ်း တွင် ရေကစားသူများ ပုံမှန်ရှိခဲ့သည်ကို
တွေ့မြင်ခဲ့ရသည်။
ယခုနှစ် ရန်ကုန်မြို့တွင် ယာဉ်ကြောပိတ်ဆို့မှုများ
ပိုမိုဖြစ်ပွားလာသည့်အတွက် သင်္ကြန်တွင်လည်း ယာဉ်ကြောပိတ်ဆို့မှုများ
ပိုမိုဖြစ်ပွားနိုင်သည်ဟုလည်း သုံးသပ်နေကြသည်။ ကန်တော်ကြီး ကန်ပတ်လမ်း အား
ယခုနှစ်သင်္ကြန်တွင် ယခင်နှစ်အတိုင်း တစ်လမ်းမောင်းစနစ် သတ်မှတ်ခဲ့ပြီး
ဦးထောင်ဘိုအ၀ိုင်း အတိုင်း ကန်ပတ်လမ်းမှတစ်ဆင့် မင်္ဂလာဈေးစက်ရုံလမ်းဘက်သို့
တစ်လမ်းမောင်းစနစ်ဖြင့် ၀င်ရောက် ရမည်ဖြစ်သည်။ ကမ္ဘာအေးစေတီလမ်းကိုမူ
နှစ်လမ်းမောင်း ခွင့်ပြုပေးမည်ဖြစ်ကြောင်းနှင့် ပြည်လမ်း၊ ပါရမီလမ်း၊
ဆရာစံလမ်းများအား ပုံမှန်အတိုင်း ခွင့်ပြုပေးမည်ဖြစ်ကြောင်း
ထုတ်ပြန်ထားသည်။
သို့သော် ရေကစားမဏ္ဍပ်ထိုင်ရန် မတတ်နိုင်သူများအနေဖြင့်လည်း
သက်ဆိုင်ရာရပ်ကွက်များ မြို့နယ်များ အတွင်း၌မူ လှည့်လည်ရေပက်ခံမည့်သူများ
ရှိနေသလို ရေကစားမဏ္ဍပ်များ တည်ရှိရာ နေရာများသို့ လှည်လည်ကာ လမ်းလျောက်
ဆင်နွှဲသူများလည်း အများအပြား ရှိနေမည်ဖြစ်သည်။
ရန်ကုန်မြို့အပြင် မြန်မာနိုင်ငံ တစ်ဝှမ်းလုံး သင်္ကြန်ရေပွဲတော်တွင်
ပါဝင်ဆင်နွှဲကြသူများမှာ အရေအတွက် အားဖြင့်သော်မနည်း၊ ကောလာဟလ သတင်းများသည်
ထွက်ပေါ်နေသော်လည်း တစ်နှစ်လျင် တစ်ကြိမ် သာ ကြုံရသည့် သင်္ကြန်ကို
အလွဲမခံနိုင်ကြသူများလည်း ရှိပေသည်။
ယခုနှစ် သင်္ကြန်အချိန်အခါ ပျော်ပွဲရွှင်ပွဲများနှင့် ပတ်သက်၍ အုပ်ထိန်းသူ
မိဘများကလည်း စိုးရိမ်မှုများ ရှိနေကြကြောင်း သိရသည်။ ''ကျွန်မတို့ ငယ်ငယ်က
ကြုံခဲ့ရတဲ့ သင်္ကြန်ဆိုတာက ရေကစား ကြပြီး ပျော် ရွင်မှုတွေနဲ့ပဲ နှစ်သစ်ကို
ကြိုတဲ့ သင်္ကြန်ပါ။ ကိုယ့်သားသမီးတွေရဲ့ ဒီဘက်ခေတ်မှာကတော့ သင်္ကြန်ကို
ပုံစံအမျိုးမျိုးနဲ့ ဖြတ်သန်းနေကြတယ်။ ဒီနှစ်ကတော့ ထွက်ပေါ်လာ တဲ့
ကောလာ ဟလတွေရယ် ၊ ဖြစ်ခဲ့တဲ့ ဖြစ်စဉ်တွေရယ် အားလုံးကို ပြန်ကြည့်ရင်
စိုးရိမ်ပါတယ်။ ဘာမှ မဖြစ်ရင် တော်သေးတယ်။ တစ်ခုခုဖြစ်ခဲ့ရင် ကျွန်မတို့ရဲ့
သားသမီးတွေပဲ နစ်နာကြရမှာ။ ပျော်ရွှင်မှုဆိုတာ အတိုင်းအတာနဲ့
စဉ်းစားပြီးတော့ ပျော်သင့်တယ်''ဟု အလုံမြို့နယ်မှ ဒေါ်ညွန့်က ပြောသည်။
''ကျွန်တော်တို့မြို့မှာလည်း ကောလာဟလတွေ
ထွက်ပါတယ်။ အဲဒီအတွက်
သင်္ကြန်တွင်းကို ပြဿနာ အသေးလေးတွေကနေ အကြီးကြီးတွေ ဖြစ်မလာအောင်
ဂရုတစိုက်ရမယ့် အခြေအနေမှာ ရှိပါတယ်။ အခု ကြိုတင်အစီအမံတွေအနေနဲ့
သက်ဆိုင်ရာ တာဝန်ရှိသူတွေနဲ့ လုံခြုံရေးပိုင်းဆိုင်ရာတွေ တင်းတင်း
ကျပ်ကျပ်လုပ်ဖို့ ညှိနှိုင်းထားပါတယ်။ သင်္ကြန်တွင်း ကိုယ့်အိမ်မှာပဲ
အတတ်နိုင်ဆုံး
နေကြဖို့ အစ္စလာမ် ဘာသာဝင်တွေကိုလည်း မေတ္တာရပ်ခံထားပါတယ်''ဟု
ပြည်မြို့ဘာသာရေး အဓိကရုဏ်း တားဆီးရေး ကွန်ရက်မှ ကိုကြည်စိုးဦးက ဆိုသည်။
အင်းလျားကန်ဘေးရှိ ရေကစားမဏ္ဍပ်တစ်ခုကို ဧပြီလ ၆ ရက်နေ့က တွေ့ရစဉ် (ဓာတ်ပုံ - ဉာဏ်ဝင်းရှိန်)
ပြီးခဲ့သည့်နှစ်က ရန်ကုန်မြို့ ကန်တော်ကြီးပတ်လမ်းတွင်မဏ္ဍပ် ၂၀ ခု
အပါအ၀င် မဏ္ဍပ်အကြီး ၄၀ နှင့် မဏ္ဍပ်အသေးများ စုစုပေါင်း ၁၀၀ ကျော် ရှိခဲ့သည်ဟု
သိရသည်။
From....Eleven
