အမေရိကန်ကို မြောက်ကိုရီယားက ဒုံးကျည်ဖြင့် ခြိမ်းခြောက် *

Inbox

x

The Irrawaddy's Blog

မြောက်ကိုရီယားနိုင်ငံက သူတို့မှာ အမေရိကန်ပြည်ထောင်စု ကုန်းတွင်းပိုင်းအထိ ပစ်ခတ်နိုင်တဲ့ မဟာဗျူဟာမြောက် ဒုံးကျဉ်တွေ ပိုင်ဆိုင်ထားတယ်လို့ ယမန်နေ့ အောက်တိုဘာလ ၉ ရက်နေ့ က ပြောလိုက်ပါတယ်တဲ့။
ကိုရီယား ဗဟို သတင်းအေဂျင်စီရဲ့ သတင်းလွှာတခုမှာ အမျိုးသား ကာကွယ်ရေး ကော်မရှင် ရဲ့ ပြောရေးဆိုခွင့်ရှိသူက ပြောဆိုထားတာမှာ
“မဟာဗျူဟာမြောက် ဒုံးကျဉ်တွေဟာ ပစ်မှတ်ထဲမှာ ကိုရီယားကျွန်းဆွယ်ပေါ်က အမေရိကန် စစ် အခြေစိုက် စခန်းတွေကိုသာမက ဂျပန်၊ ဂူအမ် (အမေရိကန်ပိုင်ကျွန်း)နဲ့ အမေရိကန် ပြည်ထောင်စု ကုန်းတွင်းပိုင်းထိ ရောက်တယ်” လို့ ပြောထားတာကို AFP သတင်းတပုဒ်မှာ ဖော်ပြထားပါတယ်။
အောက်တိုဘာလ ၇ ရက်နေ့က တောင်ကိုရီယားနိုင်ငံက မြောက်ကိုရီယားတနိုင်ငံလုံးထိကိုပါ လွှမ်းခြုံနိုင် တဲ့ သူတို့ရဲ့ မစ် ဇိုင်း ဒုံးကျဉ် ပစ်မှတ်အကွာအဝေးဟာ ယခင်ထက်၂ ဆထက်ပိုတဲ့ ပစ်မှတ်ကို ပစ်နိုင်ရေး အမေရိကန်နဲ့ သဘောတူမှု တခုကို ကြေညာခဲ့ပါတယ်။
အဲဒီသဘောတူမှုက တောင်ကိုရီယားအနေနဲ့ အခု လက်ရှိ ကီလိုမီတာ ၃၀၀ အကွာအဝေး တာဝေးပစ် ဒုံးကျည်စနစ်ကို ကီ လို ၈၀၀ အထိ အဆင့်မြှင့်မယ့် ကိစ္စပါ။
အဲဒီလို ဒုံးကျည်ဆိုင်ရာ သဘောတူညီမှုအ သစ်ပြီးခဲ့တဲ့ တနင်္ဂနွေနေ့က ထုတ်ပြန် လိုက်တာကြောင့် အခုလို မြောက်ကိုရီယားဘက်က တုန့်ပြန်ချက်ထွက်ပေါ်လာတာဖြစ်တယ်လို့ တောင်ကိုရီယားပညာရှင် တချို့က သုံးသပ်နေကြတယ် ဆိုပါတယ်။

မြောက်ကိုရီယားကတော့ Taepodong2 လို့ အမည်ရတဲ့ တာဝေးပစ် ဒုံကျည်ပိုင်ဆိုင်တယ်လို့ လူသိ များပေမယ့် စမ်းသပ်မှု တကြိမ်မှ အောင်မြင်တာ မရှိသေးပါဘူး။ လွန်ခဲ့တဲ့ ဧပြီလတုန်းကလည်း အာကာသ ပတ်လမ်းထဲကို ဂြိုလ်တုတခု လွှတ် တင် ဖို့ ဒုံကျည်တခု ပစ်လွှတ်ခဲ့တာလည်း အောင်မြင်မှု မရှိခဲ့ပါဘူး။
အဲဒီတုန်းကလည်း ၃ ဆင့်ကွဲ တာပိုဒေါင် ၂ တာဝေး ပစ် ဒုံးကျည်ပစ်လွှတ်ခဲ့မှုအတွက် အမေရိကန်နဲ့ ကုလသမဂ္ဂတို့ကလည်း အပြင်းအထန် ကန့်ကွက် ရှုံ့ချခဲ့ကြပါတယ်။
ကိုရီယား သံတမန်အကယ်ဒမီက ပါမောက္ခ ယမ်ဒတ်မင်းက “ဒါဟာ လေလုံးထွား ခြောက်လှန့် လိုက်တာ
ဖြစ်နိုင်ပါတယ်။ အမေရိကန် ပြည်ထောင်စု မြေပေါ်ထိ ရောက်လောက်တဲ့ ဒုံးကျည်စမ်းသပ်အောင်မြင်မှု ရှိခဲ့တဲ့ အထောက်အထား မရှိဘူး” လို့ ဆိုပါတယ်။
မြောက်ကိုရီယားစစ်တပ်ဟာလည်း မြောက်ကိုရီယားလူထုလို စားစရာ ရိက္ခာပြတ်လပ် လျှော့ချမှုတွေ ရှိနေတာ၊ စားဝတ် နေရေး ကစဥ့်ကလျား ဖြစ်နေတာတွေကြောင့် ခေါင်းဆောင်သစ် ကင်ဂျုံအမ်ရဲ့နောက် မှာ လူထု ထောက်ခံမှု ရဖို့ စစ်သွေး၊ စစ်မာန် တက်ကြွအောင် ရည်ရွယ်တာလည်း ဖြစ်နိုင်ပါလိမ့်မယ်လို့ သူက ဆက်ပြောထားပါသေးတယ်။
တဖက်မှာလည်း အမေရိကန်စစ်သား ၂၈၅၀၀ ဟာ တောင်ကိုရီယားနိုင်ငံမှာ အခြေစိုက်နေကြပြီး မည်သည့် အနုမြူ တိုက်ခိုက်မှုတွေကိုမဆို ထီးရိပ်မိုးကာကွယ်ပေးဖို့ အာမခံထားတာကြောင့် တောင် ကိုရီယား ကလည်း ဒုံးကျည်ကန့်သတ်မှုတွေကို လက်ခံတာဖြစ်ပါတယ်။
တောင်ကိုရီယားရဲ့ ကီလိုမီတာ ၃၀၀ ပစ်လွှတ်နိုင်တဲ့ ဒုံးကျည်တွေကို အလွန်ဆုံး ကီလို ၅၀၀ ထိသာ ကန့်သတ်ထားတဲ့ သဘောတူညီမှုကို ၂၀၀၁ ခုနှစ်ကတည်းက အမေရိကန်ပြည်ထောင်စုနဲ့ လက်မှတ်ရေး ထိုး ခဲ့တာဖြစ်ပါတယ်။
အနုမြူ လက်နက်ပိုင်ဆိုင်ဖို့ ရည်မှန်းချက်ထားတဲ့ မြောက်ကိုရီယားရဲ့ သူတို့ပိုင် ဒုံးကျည်အစီအစဉ်
ကြောင့် တောင်ကိုရီယားဟာ သူတို့ရဲ့ ဒုံးကျည်ကန့်သတ်ခံရမှုကို ချဲ့ထွင်နိုင်ရေး အချိန်တော်တော်
ကြာ အငြင်းပွားနေခဲ့တာလည်းဖြစ်ပါတယ်။
ပြီးခဲ့ တဲ့ ဧပြီလက မြောက်ကိုရီယားရဲ့ ဒုံးကျည်စမ်းသပ်မှု လုပ်ပြီးနောက်မှ စေ့စပ်ညှိနှိုင်းမှု အသစ်တွေ ရှိလာခဲ့တာပါ။
တောင်ကိုရီယား ကာကွယ်ရေး တက္ကသိုလ်မှ ဘတ်ဆောင်ဂျူးက
“တနင်္ဂနွေနေ့က ကြေညာချက်ဟာ မြောက်ကိုရီယားကို အကြီးအကျယ်တုန်လှုပ်သွားတယ် ထင်တယ်”လို့ ဆိုပါတယ်။
တောင်ကိုရီယားအနေနဲ့ ဒုံးကျည်ဆိုင်ရာ တာဝေး ချဲ့ထွင်ပစ်နိုင်ရေးဟာ လိုအပ်လာမယ်ဆိုရင် လက်ဦးမှု ရယူတဲ့ ဗျူဟာ အရ မြောက်ကိုရီယယားရဲ့ ဘယ်လို ဒုံးကျည်မျိုးကို မဆို တန်ပြန်နိုင်ဖို့ ဖြစ်မှာပါလို့ သူက ဆက်ပြောသွားပါတယ်။


--
Posted By အောင်မျိုးကျော်

Posted in: တိုက်ပွဲသတင်း