တိုင်းပြည်၏ အမြင့်ဆုံး အာဏာကို ကျင့်သုံးလိုက်သည့် လွှတ်တော်အား သုံးသပ်ခြင်း

Inbox

x

တိုင်းပြည်၏ အမြင့်ဆုံး အာဏာကို ကျင့်သုံးလိုက်သည့် လွှတ်တော်အား သုံးသပ်ခြင်း
Written by အောင်ထူး(ရှေ့နေ)         Saturday, 08 September 2012 14:46
တိုင်းပြည်၏ အမြင့်ဆုံးနေရာတွင်ရှိသော ဖွဲ့စည်းပုံအခြေခံဥပဒေဆိုင်ရာ
ခုံရုံးတရားသူကြီးများအား ကန်ထုတ်လိုက်ခြင်းဖြင့် မြန်မာနိုင်ငံ၏
လွှတ်တော်ဟူသော အဖွဲ့အစည်းသည် ဗြိတိသျှပါလီမန် တံခိုးထွားစဉ်ကပင်
ကျင့်သုံးခြင်းမပြုခဲ့သည့် လူကို ခွေးဖြစ်အောင် လုပ်နိုင်လောက်သည်အထိ
အမြင့်ဆုံးသောအာဏာကို ကျင့်သုံးပြလိုက်ပါပြီ။ ယင်းနှင့်စပ်လျှဉ်း၍
စက်တင်ဘာလ (၆)ရက်နေ့ည၌ ဘီဘီစီ အင်တာဗျူးတွင် စာရေးသူ၏ ဖြေကြားချက်ကို
ဤလင့်ခ်တွင် နားဆင်နှင့်ပါသည်။
https://docs.google.com/open?id=0BzC8VZhwp11ANW5UMFlrVDd2dEk

၂၀၀၈ ဖွဲ့စည်းပုံကို မပြင်ဘဲ ဖွဲ့စည်းပုံအခြေခံဥပဒေဆိုင်ရာခုံရုံး
တရားသူကြီးအားလုံးကို ဖြုတ်ထုတ်လိုက်ပြီ ဖြစ်သဖြင့် နောက်အသစ်ခန့်ထားမည့်
တရားသူကြီးများသည် လွှတ်တော်အား လုံးဝပင်ရိုးကျိုးရပါတော့မည်။ ဤဖြစ်ရပ်မှာ
လက်ရှိ အမြင့်ဆုံးအခြား တရားရုံးကြီးဖြစ်သည့် တရားလွှတ်တော်ချုပ်ကို
ပါရိုက်ခတ်သွားပြီး ၄င်း၏ဦးခေါင်းကိုပါ ချိုးနှိမ်လိုက်သကဲ့သို့
ဖြစ်သွားပါပြီ။ လူထုအတွက် အားကိုးတိုင်တန်းရမည့် လွတ်လပ်၊ ဘက်မလိုက်၊
ထက်မြက်သည့် တရားစီရင်ရေးစနစ် ပေါ်ပေါက်လာရေး ဆိုသည်မှာ ရေပေါ်တွင်
အရုပ်ရေးသည့် အဆင့်ဖြစ်သွားပါပြီ။

လူထုကိုယ်စားလည်များနှင့် ဖွဲ့စည်းထားသည့် လွှတ်တော်၊ လူထုနှင့်
နီးစပ်သည့်လွှတ်တော်က ယင်းသို့အမြင့်ဆုံးအာဏာကို ကျင့်သုံးခြင်းမှာ
မကောင်းဘူးလားဟူ၍ စောဒကတက်စရာရှိသည်။ သို့ရာတွင် ကြိုတင်မဲများဖြင့်
နေရာယူထားကြသော လူထု ကိုယ်စားလှယ် အစစ်အမှန်မဟုတ်သူများမှာ အများစုကြီး
ဖြစ်နေသည့်အပြင် စစ်ဗိုလ်တမတ်သားပါ ပါဝင်နေသော လွှတ်တော် ဖြစ်နေသည့် ပကတိ
လက်တွေ့အခြေအနေကို မမေ့စေလို။ လူထုကိုယ်စားလှယ်
စစ်စစ်မှန်မှန်များနှင့်ပင် ဖွဲ့စည်းထားစေဦးတော့
တရားစီရင်ရေးမဏ္ဍိုင်အနေဖြင့် လွတ်လပ်စွာ သီးခြားရပ်တည်ကာ Judicial Review
ဟုခေါ်သော ပြန်လည်သုံးသပ်သည့် အခွင့်အာဏာကို သုံးစွဲလျှက်
ဥပဒေပြုလွှတ်တော်နှင့် အစိုးရအား ဖွဲ့စည်းပုံအခြေခံဥပဒေနှင့်
အခြားဥပဒေများရှုဒေါင့်မှ ကြပ်မတ်လည်ပတ်စေသည့် ဒီမိုကရေစီနိုင်ငံများ၏
အစဉ်အလာကိုပါ ပြန်လည်စဉ်းစားဖို့ လိုပါမည်။ ယခု ဤအခြေခံကို
လက်ရှိလွှတ်တော်က ငြင်းပယ်လိုက်ပါပြီ။

အစိုးရအဖွဲ့ဝင် ၀န်ကြီးများ၏ ကိုယ်ပိုင်ပစ္စည်းစာရင်းကောက်ယူရေး
ဥပဒေကြမ်းတင်သွင်းရန်ကြိုးပမ်းသည့် အမျိုးသား ဒီမိုကရေစီ အဖွဲ့ချုပ်
လွှတ်တော်ကိုယ်စားလှယ်များကို အသိအမှတ်ပြုရပါမည်။ သို့ရာတွင်
ယင်းကြိုးပမ်းမှုကို လူများစု မဲဟူသည်အား အသုံးပြုကာ အသာကလေး
ရိုက်ချလိုက်ခဲ့ပြီကို သုံးသပ်သင့်ပါသည်။ လူထုအတွက် စစ်စစ်မှန်မှန်
အကျိုးရှိမည့် ဥပဒေများ ဤအတုအယောင် လွှတ်တော်ကြီးမှ ပေါ်ထွက်လာရန်
မဖြစ်နိုင်ပါ။ သို့ရာတွင် လူထုက စစ်မှန်စွာရွေးချယ် တင်မြှောက်ခြင်း
ခံထားရသည်ဟု လက်ခံထားကြသော အမတ်အချို့မှာပင် လွှတ်တော်ကို
အကောင်းမြင်လွန်းနေကြဆဲ ဖြစ်ကြောင်းတွေ့ရသည်။ လူဟူသည်မှာ
မိမိတာဝန်ယူဆောင်ရွက်နေသော အလုပ်အပေါ် တန်ဘိုးထား လေ့ရှိကြသဖြင့်
အကောင်းမြင်ခွင့်ရှိပါသည်။ သို့ရာတွင် မည်သည့်အတွက် ယင်းသို့
အကောင်းမြင်နေသည်ကိုမူ လူထုကို ရှင်းပြသင့်သည်။

စာရေးသူအနေဖြင့်မူ လွှတ်တော်၏ပကတိအနေအထားကို အောက်ပါအတိုင်းသုံးသပ်ပါသည်။

(၁) ယင်းလွှတ်တော်သည် ၂၀၀၈ ဖွဲ့စည်းပုံ၏ မည်သည့် ကြောရိုး
တစ်ခုတစ်လေကိုမျှ ပြင်နိုင်ခြင်းမရှိသေးပါ။ အရေးမပါသည့်
ပုဒ်မအချို့လောက်ကို ပြင်ခွင့်ပေးပြီး ၂၀၁၅ ရွေးကောက်ပွဲအထိ
အချိန်ဆွဲထားမည့် အလားအလာကိုသာ တွေ့နေသည်။

(၂) စစ်အာဏာရှင်စနစ်ကို ပံ့ပိုးပေးသည့် ဖေါက်ပြန်ဖိနှိပ်သည့်
တည်ဆဲအုပ်ချုပ်ရေး ယန္တယားများအား ပြင်ဆင်ဖွဲ့စည်းရေး အတွက် မည်သည့်
ဥပဒေတစ်ခုတစ်လေကိုမျှ မပြဌာန်းနိုင်သေးပါ။

(၃) ၁၉၆၂ ခုနှစ် စစ်အာဏာသိမ်းပြီး နောက်ပိုင်းမှစ၍ ယခုအချိန်
တည်ရှိနေဆဲဖြစ်ပြီး လူ့အခွင့်အရေးအခြေခံကို ရုပ်သိမ်းထားသည့် အဓိကကျသော
မတရားဥပဒေကြီးများအနက် တစ်ခုတစ်လေကိုမျှ ရုပ်သိမ်းနိုင်ခြင်း မရှိသေးပါ။

(၄) လူ့အခွင့်အရေးအခြေခံကို ဖေါ်ဆောင်ပေးမည့် မည်သည့်
ဥပဒေသစ်တစ်ခုတစ်လေကိုမျှ ပြဌာန်းနိုင်ခြင်းမရှိသေးပါ။ သတင်းမီဒီယာ
လွတ်လပ်ခွင့်ကို အာမခံမည့် ဥပဒေဆိုသည်မှာလဲ အသံသာကြားပြီး အဆံမရှိသည့်
အမြှောက်ပမာ ဖြစ်နေသည်။ ပြီးခဲ့သော နှစ်များအတွင်း လူ့အခွင့်အရေး
ချိုးဖေါက်ခံခဲ့ရသဖြင့် နစ်နာဆုံရှုံးခဲ့ရသည့် တိုင်းရင်းသားပေါင်းစုံ
လူထုကြီး၏ ဘ၀ကို ကုစားပေးရေး၊ လျော်ကြေးများရရှိရေး၊
ပြန်လည်ထူထောင်နိုင်ရေးတို့အတွက် မည်သည့်ဥပဒေ တစ်စုံတစ်ရာမျှ
ပြဌာန်းခြင်း မရှိသေးပါ။ ပြဌာန်းမည့် အလားအလာလည်း စိုးစဉ်းမျှ မတွေ့ရပါ။

(၅) အလုပ်သမားသမဂ္ဂများဖွဲ့စည်းခွင့်၊ ဆန္ဒပြခွင့်များပေးထားသည်ဟူသော
ဥပဒေမှာလည်း တစ်ဖက်မှလှည့်ပြီး ထိမ်းချုပ်ထားသည့် ဥပဒေသာ ဖြစ်နေသည်။
ဖျက်သိမ်းလိုက်သည့် "၁၉၂၆ ခုနှစ် အလုပ်သမားသမဂ္ဂဥပဒေမှာ" ယခု လွှတ်တော်က
အသစ်ပြဌာန်းလိုက်သော ဥပဒေထက် အဆတရာ ကောင်းမွန်ပါသည်။
လယ်သမားများအတွက်လည်း လယ်လုပ်သူ လယ်ပိုင်ခွင့်ရှိသည့် မည်သည့်ဥပဒေကိုမျှ
ပြဌာန်းမပေးသဖြင့် တပြည်လုံးအနှံ့ မြေယာကိစ္စများ ပြဿနာတက်လျှက်ရှိသည်။
ယခုလယ်သမားထု၏ မြေသိမ်းတိုက်ပွဲ တစ်စုံတစ်ရာ စတင်နေပြီကို
တွေ့မြင်နိုင်ပါသည်။

(၆) လာမည့် ၂၀၁၅ ခုနှစ်၊ ရွေးကောက်ပွဲ လွတ်လပ်မျှတစေရန်၊ ၂၀၁၀ ခုနှစ်က
အတွေ့အကြုံမျိုးကို ရှောင်ရှားနိုင်စေရန် လွတ်လပ်သည့်
ရွေးကောက်ပွဲကော်မရှင်တရပ် ပေါ်ထွန်းလာစေရေးအပါအ၀င် ရွေးကောက်ပွဲဆိုင်ရာ
ဥပဒေတစ်စုံလုံးကို အသစ်ပြဌာန်းရန်လိုပါမည်။ ယခုအချိန်အထိ ယင်းအတွက်
မည်သည့်လှုပ်ရှားမှု တစ်ခုတစ်လေကိုမျှ လွှတ်တော်အတွင်းတွင် မတွေ့ရပါ။
လူထုထံမှ အကြံဥာဏ်များ ရယူသံလည်း မကြားရပါ။

(ရ) တိုင်းပြည်မှ နည်းလမ်းအမျိုးမျိုးဖြင့် လက်ခံ၊ ရှာဖွေ၊
ရယူကာတပ်မတော်က အသုံးပြုနေသည့် ဘဏ္ဍာငွေကြေးများ အားလုံးကို
သိရှိနိုင်အောင်၊ ကြီးကြပ်စစ်ဆေးခွင့်ရအောင်၊ အလွဲသုံးမှုများတွေရှိပါက
အရေးယူခွင့်ရအောင် ဥပဒေ တစ်ခုတစ်လေကိုမျှပြဌာန်းခြင်း ပြဌာန်းရန်
လေ့လာဆွေးနွေးနေကြခြင်းများ တစ်စုံတစ်ရာမျှ မကြားရပါ။ ယင်းနှင့်
သက်ဆိုင်ရာ ဥပဒေပေါ်ထွက်မလာပါက မြန်မာနိုင်ငံသည် " အိပ်ပေါက်နှင့်
ဖားကောက်တဲ့ဘ၀" က တက်နိုင်မည်မဟုတ်။ အခြေခံလူထုများသည် ကြောမွဲနင်းပြား
ဆင်းရဲသားများဘ၀မှ မည်သည့်အခါတွင်မျှ တက်လာနိုင်မည်မဟုတ်ပါ။ လက်ရှိ
လွှတ်တော်က ပြဌာန်းပြီးခဲ့သမျှသော ဥပဒေများမှာ စနစ်ဟောင်းနှင့်
တည်ဆဲအုပ်ချုပ်ရေး ယန္တရားဟောင်းများ လည်ပတ်အောင် ပံ့ပိုးပေးသည့်
ဥပဒေများသာ ဖြစ်နေပါသည်။

အမှန်ဆိုရလျှင် ယင်း ဥပဒေများအား ယခင် နအဖ၊ န၀တ ခေတ်က လူ(၅၀)ခန့်မျှနှင့်
ပြဌာန်းနိုင်ခဲ့သော ဥပဒေများဖြစ်သည်။ ယခု လူတစ်ထောင်ခန့် အင်အားသုံးပြီး
ပြဌာန်းနေရသည့် အနေအထားမျိုးသာ ရှိနေသည်။ ယင်းသို့ဖြစ်လျှင် လွှတ်တော်
ဆိုသော အရာသည် လူထုအကျိုးစီးပွားအတွက် ရပ်တည်ဖေါ်ဆောင်နေသည်ဟု
မည်သို့ပြောနိုင်ပါအံ့နည်း။ နေ့စဉ် ကျပ်သိန်းထောင်နှင့်ချီကုန်ကာ
လွှတ်တော်အစည်းအဝေးများ ကျင်းပသည့် စားရိပ်၊ လွှတ်တော်အမတ်များအတွက် လစဉ်
ထောက်ပံ့ကြေးပေးရသည့် စားရိပ်များနှင့် လွှတ်တော်ကော်မတီများ
လှုပ်ရှားလည်ပတ်သည့် စားရိပ်များအားလုံးကိုပေါင်းလျှင် တိုင်းပြည်အပေါ်
မတန်တဆ ကြီးမားသည့် ၀န်ကြီးပိလျှက်ရှိသည်။ လူထုအတွက် အသုံးပြုရမည့်
ကျမ်းမာရေး၊ ပညာရေး၊ လူမှုရေး ဘတ်ဂျက်များမှ ကျခံသုံးစွဲနေရခြင်းသာ
အဖတ်တင်သည်။

ထပ်မံ ဆိုးဝါးသွားစေသည့်အချက်မှာ အချိုးကျကိုယ်စားပြု မဲပေးစနစ်ကို
အသုံးပြုသည့် ဥပဒေတစ်ရပ် ပေါ်ထွက်လာစေရန် လှုပ်ရှားမှုကိုတွေ့နေရခြင်း
ဖြစ်သည်။ စစ်မှန်သည့်ဒီမိုကရေစီ အခြေခံနှင့် လွတ်လပ်သည့်
တရားစီရင်ရေးစနစ်ကို မတည် ဆောက်နိုင်သေးဘဲ အချိုးကျကိုယ်စားပြု
မဲပေးစနစ်ကိုကျင့်သုံးကာ ရွေးကောက်ပွဲကျင်းပလျှင် နိုင်ငံရေးပါတီတိုင်းက
ရွေးကောက်ပွဲဝင်သူများသည် အနိမ့်ဆုံးသတ်မှတ်သည့် ဆန္ဒမဲအရေအတွက်ရရုံဖြင့်
လွှတ်တော်အမတ် ဖြစ်သွားပေတော့မည်။ ပါတီငယ်မှန်သမျှသည်လည်း လွှတ်တော်အတွင်း
နေရာများရကြပေတော့မည်။ ယင်းရွေးကောက်ပွဲ စနစ်အောက်တွင်
မည်မျှအားကောင်းသည့် ပါတီဖြစ်စေ လွှတ်တော်ကိုယ်စားလှယ် ဦးရေ ၅၀% အထက်
ကျော်ရန်ပင် မလွယ်တော့။ လွှတ်တော်ကိုယ်စားလှယ် ဦးရေ ၇၅ % ကျော်ရမှသာ ၂၀၀၈
အခြေခံဥပဒေ၏ ကြောရိုးများအား ပြင်ဆင်နိုင်မည့် ပြဌာန်းချက် ရှိသဖြင့်
၂၀၁၅ ရွေးကောက်ပွဲပြီးနောက်၂၀၀၈ ဖွဲ့စည်းပုံအခြေခံဥပဒေ၏ ကြောရိုးများအား
ပြင်နိုင်ရေးဟူသော မျှော်မှန်းချက်မှာ မိုးကောင်းကင်ပေါ်မှ သက်တန့်ကို
ဆုပ်ကိုင်ရန် ကြိုးပမ်းနေသူနှင့်သာ ပမာတူပါမည်။

သို့ဖြစ်၍ ယခုအချိန်၌ လွှတ်တော်အားကောင်းလာခြင်းသည်
တိုင်းပြည်အခြေအနေဆိုးလာစေမည့် သဘောဆောင်လျှက်ရှိသည်။ လွှတ်တော်သည် ၂၀၀၈
ဖွဲ့စည်းပုံအခြေခံဥပဒေထဲမှ ၄င်းတို့လိုချင်သောအပိုင်းကိုသာ လိုက်နာသည်။
မလိုခြင်သောအပိုင်းကို ပစ်ပယ်ထားလိုက်သည်။ ဤသည်မှာ
ဥပဒေစိုးမိုးရေးအခြေခံကို လုံးဝဆန့်ကျင် လိုက်ခြင်းပင် ဖြစ်သည်။ ၂၀၀၈
ဖွဲ့စည်းပုံ ပုဒ်မ ၃၂၄ ပါ " ဖွဲ့စည်းပုံအခြေခံဥပဒေဆိုင်ရာ
ခုံရုံး၏ဆုံးဖြတ်ချက်သည် အပြီးအပြတ် အတည်ဖြစ်သည်။" ဟူသော ပြဌာန်းချက်ကို
လွှတ်တော်သည် လုံးဝပင် မျက်ကွယ်ပြုလိုက်ပြီ။ နည်းနည်းကလေးမျှ ဂရုမထားတော့။
၎င်းတို့ပြဌာန်းအတည်ပြုထားသည့် ၂၀၀၈ ဖွဲ့စည်းပုံကိုမျှ မလိုက်နာလျှင်
ဥပဒေစိုးမိုးရေးဟူသော စကားလုံးကို အဘယ်ကြောင့် သုံးစွဲနေပါသနည်း။

လွှတ်တော်သည် လွတ်လပ်၊ ဘက်မလိုက် ထက်မြက်သည့် တရားစီရင်ရေး စနစ်အခြေခံတွင်
ဥပဒေစိုးမိုးရေးတည် ဆောက်ရမည့်အစဉ်အလာကို ဆန့်ကျင်လိုက်ပြီ။
ဖွဲ့စည်းပုံဆိုင်ရာခုံရုံးတွင် အသစ်ခန့်မည့် တရားသူကြီးများသည် လွှတ်တော်၏
နိုင်ငံရေးအာဏာကို မလွန်ဆန်ရဲတော့။ ပြည်ထောင်စု တည်ဆောက်ရာတွင်
ပြည်ထောင်စုအစိုးရနှင့် ပြည်နယ်အစိုးရများ အကြား၊ ပြည်နယ်အစိုးရ
အချင်းချင်းအကြား၊ တိုင်းပြည်အာဏာပိုင်အဆောက်အအုံများ အချင်းချင်းအကြား
ပေါ်ပေါက်သည့် ဖွဲ့စည်းပုံဆိုင်ရာပြဿနာများအားလုံးကို လွတ်လပ်၊ ဘက်မလိုက်
ထက်မြက်သည့် ဖွဲ့စည်းပုံဆိုင်ရာတရားရုံး၏ အဆုံးအဖြတ် ကို အပြီးသတ်
ခံယူနိုင်ကြမှသာ ပြည်ထောင်စုကြီးတည်ငြိမ်မည်။ ယခုယင်းအခြေခံအား ၂၀၀၈
ဖွဲ့စည်းပုံကိုသုံး၍ပင် ငြင်းပယ်လိုက်ပြီ။ သို့ဖြစ်၍ ၂၀၀၈
ဖွဲ့စည်းပုံအောက်တွင် လွတ်လပ်၊ ဘက်မလိုက် ထက်မြက်သည့် တရား စီရင်ရေးစနစ်
ပေါ်ပေါက်ရေးသည် ရွှေပြည်တော် မျှော်တိုင်းဝေးဖြစ်ခဲ့ပြီ။

၂၀၀၈ ဖွဲ့စည်းပုံ တည်ရှိနေသမျှကာလပတ်လုံး ဥပဒေစိုးမိုးရေး အခြေခံတွင်
ပြည်တွင်းစစ်ငြိမ်းသတ်ရေး၊ ပြည်တွင်းစစ်မဖြစ် အောင် တားဆီးရေး၊
ပြည်ထောင်စုတည်ငြိမ်ရေးကို မျှော်မှန်း၍ မရနိုင်တော့။
အတုအယောင်လွှတ်တော်သည် အားလုံး၏ အထက်တွင် အတိအလင်း နေရာယူလိုက်ပြီ။
ဖွဲ့စည်းပုံဆိုင်ရာ ခုံရုံးတရားသူကြီးများကို ဖြုတ်ချသည့် ဖြစ်စဉ်မှာလည်း
မြန်လွန်းအားကြီးနေသည်။ ခုံရုံးတရားသူကြီး အဖွဲ့များကိုယ်တိုင်
လာရောက်အစစ်မခံခဲ့ကြ။ ဥပဒေလုပ်ထုံးလုပ်နည်းများနှင့် အညီ စစ်ဆေးပေးရန်
ခုံရုံးက လွှတ်တော်သို့ စက်တင်ဘာလ(၅)ရက်နေ့တွင် ဥပဒေနှင့် အခြားသက်ဆိုင်ရာ
စာရွက်စာတမ်း အကိုးအကား အမြောက်အများ ပေးပို့ခဲ့သည်။ ပြည်သူ့လွှတ်တော်
စုံစမ်းစစ်ဆေးရေးအဖွဲ့က တစ်ဘက်သတ် ကြားနာစစ်ဆေးသည် ဟူသည်မှာ တရက်မျှသာ
ကြာခဲ့သည်။ ဤမျှများပြားသော ဥပဒေအကိုးအကားများကို ဖတ်ရှုလေ့လာခြင်း၊ ဤမျှ
အရေးကြီးလှသည့်ကိစ္စကို စစ်ဆေးခြင်းတို့ တစ်ရက်အတွင်း ပြီးသွားသည်မှာ
အတော်ပင် အံ့သြစရာကောင်းလှသည်။

ကြက်တကောင်သတ်သည်ကမှ ခက်ပါဦးမည်။ တိုင်းပြည်၏ အမြင့်ဆုံး
ဖွဲ့စည်းပုံဆိုင်ရာ ခုံရုံးတရားသူကြီး(၉)ဦးကို အရေးယူသည့်အမှုအား
ဆုံးဖြတ်ခြင်းမှာ လွယ်လိုက်သည့် ဖြစ်ခြင်း။ တစ်ရက်အတွင်း ပြီးသွားခဲ့သည်။
စက်တင်ဘာ(၆) ရက်နေ့တွင် အဖြေထွက်လာပြီး စုံစမ်းစစ်ဆေးရေးအဖွဲ့၏
တွေ့ရှိချက်ကို သမ္မတရုံးကို ပေးပို့သွားမည်ဟု လွှတ်တော် ကိုယ်စားလှယ်များက
ပြောကြသည်။ ထိုသို့ပြောကြသည့်ညနေမှာပင် သမ္မတရုံးညွှန်ကြားရေးမှူး
ဦးဇော်ဌေးအား ဘီဘီစီမှ မေးမြန်းရာ "ဖွဲ့စည်းပုံအရ ပို့လာရင် သမ္မတက
နုတ်ထွက်ခိုင်းရမယ်" ဟု ၄င်းက လွယ်လင့်တကူပင် ပြောဆိုခဲ့သည်။

သမ္မတရုံးညွှန်ကြားရေးမှူးက သမ္မတကိုယ်စား အဘယ်ကြောင့်
ဤသို့ချက်ချင်းပြောနိုင်သနည်း။ မူလကတည်းက စီစဉ် ခင်းကျင်းအကွက်ချထားခြင်း
မရှိပါက ဤသို့ တမူဟုတ်ချင်းပြောနိုင်ပါ့မလား။ လွှတ်တော်ဥက္ကဌ
သူရဦးရွှေမန်းနှင့် သမ္မတ ဦးသိန်းစိန်တို့အကြား ပဋိပက္ခဖြစ်နေသယောင်
အသွင်ဆောင်ပြီး (သမ္မတ အကြံပေး ဦးကိုကိုလှိုင်၏ စကားလုံးအရဆိုလျှင်)
ဇာတ်ထုတ်တစ်ထုတ်တည်း၌ သူ့နေရာနှင့်သူ တာဝန်ခွဲ ကပြနေကြသလား။
ဦးဇော်ဌေးပြောဆိုပြီး မရှေးမနှောင်းမှာပင် ခုံရုံး တရားသူကြီးများ
နုတ်ထွက်သွားကြပြီဖြစ်ကြောင်း သတင်းထွက်ပေါ်လာခဲ့သည်။ အံ့သြစရာ
ကောင်းလိုက်သည့် ဖြစ်ခြင်း။ အမ်ဂျီအိုဟု ခေါ်သည့် လွတ်လပ်သော
လူထုအသင်းအဖွဲ့တစ်ခုမှာ အလုပ်လုပ်နေသည့် ၀န်ထမ်းတစ်ဦးကိုပင် အလုပ်မှ
ထုတ်ပစ်ရေးမှာ အလွယ်တကူလုပ်၍မရပါ။ အစိုးရ၀န်ထမ်းတစ်ဦးကို ဖြုတ်ရေးမှာမူ
ပို၍ပင်ခက်ပါသည်။ တိုင်းပြည်၏ အမြင့်ဆုံး ဖွဲ့စည်းပုံဆိုင်ရာ
ခုံရုံးတရားသူကြီး(၉)ဦးကို အရေးယူသည့်ကိစ္စမှာ အခက်တကာ့အခက်ဆုံး
ဖြစ်ရပါမည်။

နိုင်ငံအတော်များများ၌ တရားသူကြီးများ၏ ရာထူးနေရာတည်မြဲမှုကို
ဖွဲ့စည်းပုံအရပင် အာမခံချက်ပေးရပါသည်။ ၂၀၀၈ ဖွဲ့စည်းပုံအောက်တွင်
ခုံရုံးတရားသူကြီး(၉)ဦးကို အရေးယူလိုက်သည့်ကိစ္စမှာ
တုန်လှုပ်ဖွယ်ကောင်းလောက်အောင်ပင် လွယ်ကူလွန်းလှသည်။
ဒီမိုကရေစီနိုင်ငံကြီးများတွင်ဆိုက ယင်းကိစ္စမှာ တစ်ပြည်လုံး
ဟိုးလေးတစ်ကျော်ဖြစ်၊ ပွက်ပွက်ညံ သွားပါမည်။ မြန်မာနိုင်ငံ၌မူ ကရော်ကမယ်
နိုင်လွန်းလှသည်။ ခုံရုံးတရားသူကြီးများ၏ ဂုဏ်သိက္ခာမှာ ရစရာမရှိလောက်
အောင်ပင် ကျဆင်းသွားခဲ့သည်။ ဤအချက်က ၂၀၀၈ ဖွဲ့စည်းပုံအောက်၌
တရားစီရင်ရေးမဏ္ဍိုင်၏ မခိုင်မြဲမှုကို အတိအလင်း သက်သေ ပြလိုက်ခြင်းပင်။

ရန်ကုန်တိုင်းဝန်ကြီးချုပ်ဟောင်း ဦးမြင့်ဆွေအား ဒုသမ္မတနေရာ ရာထားပြီးမှ
၎င်း၏သား သြစတြေးလျ နိုင်ငံသားခံယူ ထားသည်ဟူ၍ သတင်းထွက်ပေါ်လာပြီးနောက်
၎င်းရာထားချက်ကို ပယ်ချခဲ့သည်။ ၂၀၀၈ ဖွဲ့စည်းပုံအရ သမ္မတ၏
အရည်အချင်းများတွင် ဇနီး၊ ခင်ပွန်း၊ သားသမီး တစ်ဦးဦးသည် တိုင်းတစ်ပါး၏
နိုင်ငံသားမဖြစ်စေရဟူသော ပြဌာန်းချက် ပါရှိသည်။ ဦးမြင့်ဆွေ
ပယ်ချခံလိုက်ရသော ဖြစ်ရပ်ကိုထောက်ပြပြီး ဒီမိုကရေစီရေး လှုပ်ရှားတက်ကြွသူ
ပုဂ္ဂိုလ် တစ်ဦးက "တစ်ကောင်ကျွေးပြီး ဘုရင်မကို စားလိုက်ပြီ" ဟု
သုံးသပ်ခဲ့ဖူးသည်။ ဆိုလိုသည်မှာ ၂၀၀၈ ဖွဲ့စည်းပုံ တည်ရှိနေသမျှ
ဒေါ်အောင်ဆန်းစုကြည်သည် မည်သည့်အခါတွင်မျှ သမ္မတမဖြစ်နိုင်တော့။
ယခုဖြစ်ရပ်တွင်မူ " ဖွဲ့စည်းပုံခရုံး တရားသူကြီး(၉)ဦးကို စတေးပြီး
တစ်ပြည်လုံးကိုပင် စားလိုက်ပြီ" ဟု ပြောရပါတော့မည်။

တစ်ပြည်လုံးလူထုက အားကိုးလျှောက်လှမ်းရမည့် ဥပဒေစိုးမိုးရေးမဏ္ဍိုင်ကြီး
တည်ဆောက်ရေးမှာ အိပ်မက်မျှသာ ဖြစ်သွားသောကြောင့်ပင်။
ဝမ်းနည်းစရာအကောင်းဆုံးမှာ ဤမျှအရေးကြီးလှသော အရေးယူမှုကြီးအတွင်း
လွှတ်တော်ပြင်ပရှိ နိုင်ငံရေးအင်အားစုများ၊ တိုင်းရင်းသား
အဖွဲ့အစည်းကြီးများ၊ လူထုများ၏ အခန်းကဏ္ဍ လုံးဝပျောက်နေခြင်းဖြစ်သည်။ သမ္မတ
ကလည်း တစ်စုံတစ်ရာ အကျယ်တ၀င့်လူထုကို ရှင်းပြခြင်းမရှိ။
လွှတ်တော်အမတ်များကလည်း လူထုထံမှ သဘောထားများ တောင်းခံရယူခြင်းမပြု။
ဖွဲ့စည်းပုံအခြေခံဥပဒေဆိုင်ရာ လေ့လာဆွေးနွေးပွဲများ၊ သဘောထားအမြင်
ထုတ်ဖေါ်ပွဲများ အင်တိုက်အားတိုက်ကျင်းပသည့် အသံများမကြားရ၊
ယင်းသို့ကျင်းပနိုင်စေရန် လူထုပါဝင်ခွင့်ရရန် တိုင်းပြည်က
စီစဉ်ဆောင်ရွက်နေသည်များ မတွေ့မြင်ရ။ ဤသည်မှာ ဒီမိုကရေစီကို
လျှောက်လှမ်းနေခြင်း ဟုတ်ပါရဲ့လား။ နေပြည်တော်တွင်
ဖွဲ့စည်းပုံခုံရုံးတရားသူကြီးများအား ဖြုတ်ထုတ်ရုံသာမက
တရားစီရင်ရေးမဏ္ဍိုင်ကြီး တစ်ခုလုံးကို ချနင်းနေသည့်အချိန်၌ ရန်ကုန်တွင်
ဟိုပွဲ သည်ပွဲများနှင့် စည်ကားနေအောင် ၀န်ကြီးများက
အားပေးဆင်နွှဲလျှက်ရှိသည်။ သီပေါဘုရင်ခေတ် မန္တလေးနန်းတွင်း
လူသတ်ပွဲကြီးကျင်းပနေစဉ် နန်းပြင်၌ ပျော်ပွဲရွှင်ပွဲများ
ဆင်နွှဲထားစေခဲ့သည့် ဖြစ်ရပ်ကို သတိရမိပါသည်။

အင်္ဂလိပ်ဘာသာဖြင့် ဆောင်းပါးကို အောက်ပါလင့်တွင် ဖတ်ရှုနိုင်ပါသည်။
http://blueskyforest.blogspot.se/2012/09/blog-post.html

အောင်ထူး (ရှေ့နေ)

--

[image: Inline image 1]http://www.facebook.com/groups/Myanma.ArunThit.Org/

*★* 。 • ˚ ˚ ˛ ˚ ˛ •*
*•。★.★ 。* 。
° 。 ° ˛˚˛ * _Π_____*。*˚
˚ ˛ •˛•˚ */______/~＼。˚ ˚ ˛
˚ ˛ •˛• ˚ ｜ 田田 ｜門｜ ˚*
**

Posted in: ဆောင်းပါး