P
ကမ္ဘာ့ဘဏ်နဲ့ အာရှ ဖွံ့ဖြိုးရေးဘဏ်ကို မြန်မာနိုင်ငံက ပေးဖို့ကျန်နေတဲ့ အကြွေးတွေ ပြန်ဆပ်နိုင်ဖို့အတွက် ဂျပန်အစိုးရက ကာလတိုချေးငွေ အမေရိကန် ဒေါ်လာ သန်း ၉ ရာ ထုတ်ချေးဖို့ ပြင်ဆင်နေတယ်လို့ ကျိုဒို သတင်းဌာနက ဖော်ပြလိုက်ပါတယ်။
မြန်မာနိုင်ငံကို ချေးငွေအသစ်တွေ ထုတ်ပေးဖို့ ပြင်ဆင်တဲ့အနေနဲ့ ကမ္ဘာ့ဘဏ်နဲ့ အာရှ ဖွံ့ဖြိုးရေးဘဏ် ရုံးခွဲတွေ ရန်ကုန်မြို့မှာ မနေ့က ဖွင့်လှစ်လိုက်ပြီး နောက်မှာ ဂျပန်က ငွေထုတ်ချေးမယ့် သတင်း ထွက်ပေါ်လာတာပါ။
စည်းမျဉ်း စည်းကမ်းတွေ အရ မြန်မာ အစိုးရ အနေနဲ့ နောက်ထပ် ချေးငွေ
အသစ် ရဖို့အတွက် ကြွေးကျန်တွေကို အရင်ဆုံး ပြန်ဆပ်ဖို့ လိုအပ်နေ ပါတယ်။
အခုလို ဂျပန်အစိုးရက ဒေါ်လာ သန်း ၉ ရာ ထုတ်ပေးမယ် ဆိုတဲ့
အတွက် မြန်မာအပေါ် ချမှတ်ထားတဲ့ လက်ကျန် ပိတ်ဆို့ အရေးယူမှု တွေကို အမေရိကန် ပြည်ထောင်စုက ပြန်ရုတ်သိမ်းပေးတာနဲ့ တပြိုင်နက် ကမ္ဘာ့ဘဏ်နဲ့ အာရှ ဖွံ့ဖြိုးရေးဘဏ်ကနေ ချေးငွေအသစ်တွေ ရဖို့ လမ်းပွင့်သွားပြီ ဖြစ်ပါတယ်။
မြန်မာနိုင်ငံဟာ ကမ္ဘာ့ဘဏ်ကို အမေရိကန်ဒေါ်လာ သန်း ၄ ရာ နဲ့ အာရှ ဖွံ့ဖြိုးရေးဘဏ်ကို ဒေါ်လာ သန်း ၅ ရာ အကြွေး ပြန်ဆပ်ဖို့ ရှိနေပါတယ်။
အမေရိကန် ပြည်ထောင်စုဟာ ကမ္ဘာ့ဘဏ်နဲ့ အာရှ ဖွံ့ဖြိုးရေးဘဏ်မှာ အစုရှယ်ယာ အများဆုံး ပါဝင်တဲ့ နိုင်ငံ ဖြစ်ပါတယ်။
RFA Burmese
0 ကွန်မန့်ရေးရန်:
Post a Comment