ဦးသိန်းစိန်ခေါင်းကိုက်နေရတဲ့ ကြံ့ဖွံ့ပါတီ

Inbox

x

demonprince13	5:22 PM (40 minutes ago)
to mrsorcerer

လက်ရှိ အစိုးရသစ်ကို ကျောထောက်နောက်ခံ ပြုထားတဲ့ ကြံ့ဖွံ့ပါတီမှ ၀န်ကြီးများနှင့် အတွင်းရေးမှူးများကြောင့် သမ္မတ ဦးသိန်းစိန်တစ်ယောက် ခေါင်းကိုက်နေရကြောင်း အစိုးရရုံးနှင့် နီးစပ်သူများထံမှ သိရပါတယ်။ Clean Government ဟု ကြွေးကြော်နေသော်ငြားလည်း လက်ရှိ အစိုးရအဖွဲ့အတွင်း ကြံ့ဖွံ့ အစိုးရ၀န်ကြီးများ ဖြစ်ကြတဲ့ အမှတ် (၁) လျှပ်စစ် စွမ်းအား ၀န်ကြီးဌာန ပြည်ထောင်စု ၀န်ကြီး ဗိုလ်မှူးကြီးဟောင်း ဇော်မင်းနဲ့ လယ်ယာစိုက်ပျိုးရေး ၀န်ကြီးဌာန ပြည်ထောင်စု ၀န်ကြီး ဗိုလ်ချုပ်ဟောင်း မြင့်လှိုင်တို့ဟာ အဂတိလိုက်စားမှု၊ လာဘ်ပေးလာဘ်ယူ ပြုလုပ်နေကြကြောင်း သိရှိရပါတယ်။


သူတို့နှစ်ယောက်ထက် ဆိုးတဲ့သူကတော့ ယခင်စက်မှု (၁) ၀န်ကြီးဟောင်း ယခု ကြံ့ဖွံ့ အတွင်းရေးမှူး တောင်သာ လွှတ်တော် ကိုယ်စားလှယ် ဦးအောင်သောင်းဟာ အဂတိ လိုက်စားမှု ကမ်းကုန်အောင် လုပ်ခဲ့တယ်လို့ သိရပါတယ်။ ဦးအောင်သောင်း ပွဲစားခ သန်းနဲ့ချီပြီး ကော်မရှင်ယူဆောက်ခဲ့တဲ့ စက်မှု ၁ စက်ရုံများအနက် တ၀က်လောက်က အရှုံးပေါ်နေလို့ ၀န်ကြီးဌာနနှစ်ခုပေါင်းလိုက်ရပေမဲ့ ဦးအောင်သောင်း လူလည်ကြီးကတော့ ချမ်းသာပြီးရင်း ချမ်းသာနေတယ်လို့ ပြောနေကြပါတယ်။ သမ္မတ ဦးသိန်းစိန်အား ဗိုလ်ချုပ်မှူးကြီး သန်းရွှေက ၀န်ကြီးတွေကို ရွေးချယ်ဖို့ စိတ်ကြိုက်ရွေးချယ်ခွင့် ပေးခဲ့ရာ ၀န်ကြီး ဦးအောင်သောင်းအား ဆက်လက် တာဝန် ပေးဖို့ မနှစ်သက်တဲ့ အတွက် ဖယ်ရှားခဲ့ခြင်း ဖြစ်ပါတယ်။ ကြံ့ဖွံ့ပါတီမှာ သုံးဖွဲ့ကွဲလျက် ရှိနေကြောင်း သတင်းရရှိပါတယ်။ အဲဒီသုံးဖွဲ့ကတော့ ယခင်ဝန်ကြီးဟောင်း ထိုင်ခုံပျောက် လွှတ်တော်အမတ်တွေရယ်က တအုပ်စု၊ ယခင်တုန်းကလည်းဝန်ကြီး၊ ယခုလည်း ၀န်ကြီးလုပ်နေတဲ့ ကြံ့ဖွံ့အစိုးရအဖွဲ့ဝင်တွေက တအုပ်စု၊ အစိုးရသစ်တက်လာမှ ကြံ့ဖွံ့ပါတီကိုရောက်လာတဲ့ ၀န်ကြီးများနှင့် ပြည်နယ်ဝန်ကြီးချုပ် (ဒုဗိုလ်ချုပ်ကြီးဟောင်း)တွေက တအုပ်စုဆိုပြီး သုံးဖွဲ့ ရှိပါတယ်။ ဦးအောင်သောင်းကတော့ ၀န်ကြီးဟောင်း ထိုင်ခုံပျောက် လွှတ်တော်အမတ်တွေ အုပ်စု ဖြစ်ပါတယ်။

ဦးအောင်သောင်းတို့ အငြိမ်းစားဝန်ကြီးများက လွှတ်တော်ထဲမှာ နေရာလည်းမရ ဌာနလည်းမရှိ ဖြစ်နေတော့ ယခင်ကြံ့ခိုင်ရေးအသင်းထဲက သူတို့တပည့်တွေကို ပြန်အသုံးချပြီး ကျန်အုပ်စုနှစ်စုကို တိုက်ခိုက်နေတဲ့အတွက် ကြံ့ခိုင်ရေးပါတီအတွင်းမှာ အုပ်စုလိုက်တိုက်ပွဲကြီးတွေ ပြင်းထန်နေကြောင်း သိရပါတယ်။ လက်ရှိကြံ့ဖွံ့အစိုးရအဖွဲ့ထဲက ၀န်ကြီးတွေကို တိုင်စာပစ်စာတွေပလူပျံနေတာဟာ ဦးအောင်သောင်းလို လက်သက်မွေးထားတဲ့ ကြံ့ဖွံ့ပါတီထဲက နေရာမရခဲ့တဲ့ အလုပ်အမှုဆောင်တွေက လုပ်တာကြောင့် ပြင်းထန်နေရတယ်လို့ သိရပါတယ်။ ပါတီထဲမှာ ဦးအောင်သောင်းကို လူလည်ကြီးလို့ခေါ်ကြကြောင်း သိရပါတယ်။ ခမီးခမက်တော်သူ ယခင် ဒုတိယ တပ်မတော် ကာကွယ်ရေး ဦးစီးချုပ် ဖြစ်ခဲ့တဲ့ ဒုတိယ ဗိုလ်ချုပ်မှူးကြီး မောင်အေးရဲ့ အရှိန်အ၀ါကြောင့် သမ္မတကြီးကလည်း ဦးအောင်သောင်းကို နေရာပြန်ပေးရန် လိုအပ်နေတာမို့ လွှတ်တော်အတွင်း ပဋိပက္ခများကြောင့် နေရာထားပေးရန် အခက်ကြုံတွေ့ နေရပါတယ်။

ဒါကြောင့် ဦးအောင်သောင်းအား လွှတ်တော် အတွင်းမှာ ဆက်ထားမယ် ဆိုရင် ပြဿနာ ရှိလာနိုင်တာမို့ ငြိမ်းချမ်းရေး အဖွဲ့ ခေါင်းဆောင် အဖြစ် ပြင်ပတာဝန်ပေးပြီး ပထုတ်ဖို့ စီစဉ်ရပါတော့တယ်။ လူလည်ကြီးကတော့ ငြိမ်းချမ်းရေးအဖွဲ့ ခေါင်းဆောင် ရာထူးကိုရယူပြီး စစ်တပ်ကိုပါ လွှမ်းမိုးမှုယူနေလို့ စစ်တပ်ကလည်း သူ့ကို သဘောကျ နှစ်သက်ခြင်း မရှိကြောင်း သိရပါတယ်။ ငြိမ်းချမ်းရေးကိစ္စမှာလည်း KIO နဲ့ဆွေးနွေးနေတာ အဆင်မပြေသေးသလိုဘဲ “၀” UWSA အဖွဲ့ကလည်းသူ့ကို မယုံကြည်ဘူးလို့ သိရပါတယ်။ ဦးအောင်သောင်း ခေါင်းဆောင်တဲ့ အဖွဲ့ဝင်တွေကို သမ္မတက စိတ်မချလို့ KIO နဲ့ ရွှေလီ ဆွေးနွေးပွဲမှာ ပြည်ထောင်စု ၀န်ကြီး ဗိုလ်ချုပ်ဟောင်း အောင်ကြည်အား ထပ်မံ ထည့်ခိုင်းရပါသေးတယ်။

ငြိမ်းချမ်းရေး အဖွဲ့ ခေါင်းဆောင် နောက်တစ်ဦး ဖြစ်တဲ့ ပြည်ထောင်စု ၀န်ကြီး ဗိုလ်ချုပ်ဟောင်း အောင်မင်းကို ယခင်က ဦးအောင်သောင်း လက်အောက်ထဲသို့ ထည့်သွင်းခဲ့ပေမဲ့ အစိုးရ အဖွဲ့အတွင်း တာဝန်ရှိသူများက ထိုသို့ တာဝန်ပေးရန် မသင့်တော်ကြောင်း၊ ဝေဖန်မှုကြောင့် ပြန်လည် ဆွဲထုတ်ခဲ့ရပါတယ်။ သမ္မတ ဦးသိန်းစိန်ဟာ ကြံ့ဖွံ့ပါတီခေါင်းဆောင် ဦးရွှေမန်းနှင့် လည်းကောင်း၊ အထွေထွေ အတွင်းရေးမှူး ဦးဌေးဦးနှင့် လည်းကောင်း၊ ကြံ့ဖွံ့ ပါတီထဲမှ ပါတီဝင်အချင်းချင်း တိုင်စာပစ်စာများ တက်ရောက်လာခဲ့တဲ့ ကိစ္စများ အပေါ် အကြေအလည် ဆွေးနွေးနေရပါတယ်။ နောက်ဆုံး ဦးရွှေမန်းက ကြံ့ဖွံ့ ပါတီဝင်များ အဂတိ လိုက်စားမှု သက်သေ ထင်ရှားတွေ့ခဲ့ရင် အရေးယူတော့မယ်လို့ ကြေညာလိုက်ရတဲ့အထိ ဖြစ်ခဲ့ရပါကြောင်း တင်ပြလိုက်ပါတယ်။

--

          

 မာဃလုလင်

      
  (http://margaluelin.blogspot.com/)

Posted in: