ပညာရေး အယူအဆများ(၁-၂)-မင်းခက်ရဲ

To: lubo601@gmail.com

by မင်းခက်ရဲ (Min Khet Ye) on Sunday, August 21, 2011 at 6:44pm ·

Discipline

            စာသင်ခန်းအတွင်း ကျောင်းသားတွေကို ထိန်းချုပ်ထားတဲ့ အရာတစ်ခုက Discipline ပါပဲ။ Discipline ရဲ့ အဓိပါယ် က စည်းမျဉ်းနဲ့ အမိန့်တစ်ချို့ရဲ့ လက်အောက်မှာနေစေခြင်းပါပဲ။ အဘိဓါန်မှာ ကြည့်ရင်တော့ Discipline ကို စည်းမျဥ်းစည်းကမ်း အဖြစ်သာမကဘူး၊ ပညာရပ်နယ်ပယ်အဖြစ်ပါ အဓိပါယ်သတ်မှတ်ပေးထားတာကိုတွေ့ရမယ်။ ဒီနှစ်ခုရဲ့ အဓိပါယ်က ပညာရေးနယ်ပယ်မှာ ကွာလှတာမဟုတ်ဘူး။ ဒဿနပညာရှင် မီရှယ်ဖူးကိုးက ပညာရပ်နယ်ပယ်တစ်ခုပေါ် ပေါက်လာတဲ့အခါ အဲဒီပညာရပ်နယ်ပယ်ကနေ လူထုရဲ့ အသိပညာနဲ့ အမှန်အမှားတွေအပေါ် ထိန်းချုပ်မှု ရှိတယ်လို့တောင်ဆိုပါတယ်။ ကျောင်းတွေမှာလည်း ဒီလိုပါပဲ။ ပညာရပ်တွေဖြစ်တဲ့ သချာင်္၊ပထဝီ၊သမိုင်း စတဲ့ ပညာရပ်(discipline)တွေထဲမှာ သူတို့ကိုသင်တော့မယ်ဆိုရင် သတ်မှတ်ထားတဲ့ စည်းမျဉ်းတွေ၊ သတ်မှတ်ထား တဲ့လုပ်ထုံလုပ်နည်းတွေအပေါ် နာခံပေးရတာတွေပါဝင်နေတယ်။ ကျောင်းသားတစ်ယောက်ဟာ အဲဒီလိုနာခံမှသာလျင် ပညာရပ်က အောင်မြင်မှု၊ကျဆုံးမှု ကို အဆုံးအဖြစ်ပေးမှာဖြစ်တယ်။ ဒါကြောင့် ကျောင်းနေခြင်းနဲ့ ပညာရေးဖြစ်စဉ်ထဲမှာ စည်းမျဉ်းစည်းကမ်းက သိသိသာသာ ဖြစ်စေ၊ မသိမသာဖြစ်စေ စိမ့်ဝင်ပျံ့နှံ့နေတာကို တွေ့ရမယ်။   

                                    

ဘာသာရပ်တစ်ခုကို ကျွမ်းကျင်ချင်လေ ကျောင်းသားတစ်ယောက်ဟာ ဘာသာရပ်ရဲ့ စည်းမျဉ်းတွေကို နာခံရလေပါပဲ။ ဒါဆိုရင် ပညာရပ်လေ့လာခြင်း၊ကျောင်းတတ်ခြင်းဟာ ကျောင်းသားအနေနဲ့ စည်းမျဥ်းများရဲ့ ထိန်ချုပ်မှုအောက်ကို ၀င်နေတာမျုိးဖြစ်နေသလားလို့တောင်စဉ်းစားစရာရှိလာတယ်။ ပညာရေးအယူအဆတွေကနေ ပြောနေတာက စည်းမျဉ်းစည်းကမ်း(Discipline)ဟာ ကျောင်းနေခြင်းမှာ တစ်ခုထဲ သူ့ချည်းသက်သက် စဉ်းစားလို့မရဘူး ဆိုတာပဲ။ စည်းမျဉ်းစည်းကမ်းဟာ အခြားအယူအဆတွေနဲ့ ယှက်နွယ်ပြီစဉ်းစားမှသာ သူ့အပေါ်နားလည်လာနိုင်တဲ့ အယူအဆတစ်ခုဖြစ်တယ်။ ပညာရပ်တစ်ခုကိုလေ့လာဖို့ရာ ပညာရပ်ရဲ့ စည်းမျဉ်း(rule)ကို နာခံတာဟာ ပြဿနာမရှိလှ ပေမယ့်၊ သင်ယူမှုအတွက် စာသင်ခန်းထဲမှာ ချမှတ်ထားတဲ့ စည်းမျဉ်းတွေကို မလွဲမသွေလိုက်နာရမယ် ဆိုတဲ့ ပြဿနမျုိးမှာ စည်းမျဥ်းစည်းကမ်းအယူအဆဟာ တခြားအယူအဆတွေနဲ့ ယှက်နွယ်ပြီး မစဉ်းစားဘဲနဲ့ မရဘူး။ ဥပမာ စာသင်ခန်းထဲမှာ ကျောင်းသားက စကားများလို့မရဘူးဆိုပါစုိ့။ ဒီစည်းမျဉ်းက စာသင်ခန်းရဲ့ အစီအစဉ်ကို   ကောင်းကောင်းမွန်မွန် ထိန်းသိမ်းထားဖို့ဖြစ်တယ်။ ဒီစည်းမျဥ်းကို ချိုးဖောက်ရင် ဆရာမက အပြစ်ပေးမှာပဲ။ ဒါကို ကျွန်တော်တို့ မြန်မာပြည်က ကျောင်းတွေမှာ လွန်လွန်ကျူးကျူးထိန်းသိမ်းထားတဲ့ စည်းကမ်းတစ်ခုပဲ။ စကားများတဲ့ ကျောင်းသားကို ခုံပေါ်တတ် မတ်တပ်ရပ်ပြီအပြစ်ပေးမယ်၊ ရိုက်မယ်၊ တစ်ခါတစ်ရံ ကြမ်းတမ်းတဲ့ဆရာမမျုိးနဲ့တွေ့ရင် ကလေးတွေကို ဖင်ချွတ်ရိုက်တာမျုိးအထိလုပ်မယ်။ ကျွန်တော်တို့ငယ်ငယ်ကဆို ဖင်ချွတ်ရိုက်တာမျုိးအထိ ကြုံခဲ့ဖူးတယ်။ ကြုံလို့ စကားချပ်အနေနဲ့ ပြောရရင် ကလေးတွေကို အရှက်ခွဲ ပြစ်ရမယ်ဆိုတဲ့ အသိဟာ ဒီဆရာတွေ ဘယ်လို အင်စတီကျူးရှင်းကနေရလာသလဲ စဉ်းစားစရာပဲ။

 ပြန်ဆက်ရရင် ဒီနေရာမှာ စည်းမျဉ်းစည်းကမ်းဟာ ဆရာမ၊ ဆရာမရဲ့လုပ်ပိုင်ခွင့်၊ အပြစ်ပေးမှုရဲ့ အတိုင်းအတာ ဆိုတဲ့ အယူအဆတွေနဲ့ ဆက်စပ်လာတယ်။ စာသင်ခန်းထဲမှာ ဆရာမက အာဏာရှင်ပဲ။  အပြစ်ရှိခြင်း၊မရှိခြင်းကို သူကြိုက်သလို ဆုံးဖြစ်ချက်ချနိုင်တယ်။အပြင်လောကမှာ တရာဥပဒေ၊တရားသူကြီးတွေနဲ့ စီရင်ချက်ချတာမျုိး မဟုတ်ဘူး။ ဒါကြောင့် စာသင်ခန်းထဲမှာ စည်းမျဉ်းစည်ကမ်းတွေကို ထိန်းသိမ်းဖို့ ဆရာမကို အကြွင်းမဲ့ လုပ်ပိုင်ခွင့်ပေးထားတာဟာ ပြဿနာတစ်ရပ်ဖြစ်နေပြန်ရော။ ဒါက စည်းမျဉ်းစည်းကမ်းကို ဆရာမ၊ လုပ်ပိုင်ခွင့် ဆက်စပ်စဉ်စားတာပါ။ စာသင်ခန်းထဲမှာ ကလေးတွေဟာ စကားမပြောရဘူး၊တိတ်တိတ်နေရမယ်ဆိုတာဟာ ဘယ်လောက်အထိ တိတ်တိတ်နေရမလဲ လို့မေးရမယ်။ ကျောင်းစည်းကမ်းတွေနဲ့ ဘယ်လိုပဲထိန်းချုပ် ထိန်းချုပ် ဆရာမဟာ ကျောင်းတစ်ယောက်စာသင်ခန်းထဲမှာ ဘယ်လောက် အထိစည်းမျဉ်းစည်းကမ်းကို ချိုးဖောက်သလဲလို့ စီရင်ချက်ချနိုင်တဲ့ တစ်ဦးတည်းသော တရားသူကြီးဖြစ်နေတာဟာ မသင့်တော်ဘူး။   

 နောက်တစ်ချက်က စာသင်ခန်းထဲမှာ တိတ်တိတ်နေခိုင်းတာဟာ ကလေးတွေကောင်းကောင်းသင်ယူနိုင်ဖို့ ဆိုတဲ့ အကြောင်းပြချက်ကရှိနေသေးတယ်။ စကားမပြောဖို့ ဆရာမက စည်းမျဥ်းစည်းကမ်းကို အကြွင်းမဲထိန်းသိမ်းတာ၊ နောက်ကောင်းကောင်း သင်ယူနိုင်ဖို့ စကားမပြောရအောင် စည်းမျဉ်စည်းကမ်းနဲ့ ထိန်းချုပ်တာ နှစ်ခုစလုံးက အနည်းဆုံးအနေနဲ့ ကျောင်းသားကို အမိန့်နာခံတတ်တဲ့ ၊မေးခွန်းမထုတ်တတ်တဲ့ကျောင်းသားတစ်ယောက် ဖြစ်အောင်သာ ပျုိးထောင်ပေးမှာ ဖြစ်ပြီး ကိုယ့်ကိုယ်ကိုယ် ပိုင်းစိုးတဲ့ သင်ယူသူတစ်ယောက် ဖြစ်လာအောင်လုပ်ပေးမှာ မဟုတ်ဘူး။ ဒါဟာ ပညာရေး ရည်၇ွယ်ချက်နဲ့ ကိုက်ညီရဲ့လားလို့ မေးခွန်းထုတ်ရမယ်။ ဒီတော့ စည်းမျဥ်းစည်းကမ်းဆိုတာကို ပညာရေးရည်ရွယ်ချက်နဲ့ ဆက်စပ် စဉ်းစာရပြန်ရော။ နောက်တစ်ချက်က ကျောင်းတတ်ချိန်ယူဖို့ရာ စည်းကမ်းချမှတ်တာပြဿနာ မရှိပေမယ့်၊ ကျောင်းဝတ်စုံ အဖြစ်ဘယ်အရာကို ဝတ်ရမယ်လို့ စည်းကမ်းချမှတ်တာ ပြဿနာရှိနေတယ်။ အကြောင်းက ယနေ့ကမ္ဘာလောကကြီးထဲ ကျောင်းဝတ်စုံ မဝတ်ဘဲ အောင်မြင်နေတဲ့ ကျောင်းတွေ အများကြီးရှိတယ်။ အဆိုးဝါးဆုံးက အဲဒီလို ပြဿနာရှိနေတဲ့ စည်းမျဉ်းစည်းကမ်းတွေကို ချိုးဖောက်မိလိုက်ရင် အပြစ်ပေးခြင်းက နောက်ကနေကပ်လိုက်လာတာပဲ။ ကလေးတွေရဲ့ သင်ယူမှုနဲ့ မဆိုင်တဲ့ ယူနီဖောင်း ဝတ်ခြင်းလို စည်းကမ်းကို ချိုးဖောက်မိတဲ့ ပြဿမျုိးက အပြစ်ပေးခြင်းကို ပညာရေးဟာ အဖန်ဖန်သုံးသပ်ရမယ်။ ပြီးတော့ တက္ကသိုလ်အဆင့်တွေမှာ ကျောင်းဝတ်စုံဝတ်ခိုင်းတဲ့ စည်းမျဉ်းစည်းကမ်းတွေကိုလည်း သုံးသပ်သင့်တယ်။ ကျောင်းသားတွေကို အမိန့်နာခံပြီး၊မေးခွန်းမထုတ်တတ်တဲ့ ကျောင်းသားလေးတွေဖြစ်အောင်မွေထုတ်ပေးမှာလား ၊ကိုယ့်ကိုယ်ကိုယ် ပိုင်စိုးမှုရှိတဲ့ ကျောင်းသားတွေကိုမွေးထုတ်ပေးမှာလားဆိုတာကို အမြဲဆင်ခြင်စဉ်းစားသင့်တယ် လို့ထင်တယ်။

Education

            ပညာရေး(education)ဆိုတဲ့ ဝေါဟာရအကြောင်းပြောရင် ထုံးစံအတိုင်း လက်တင် အရင်းအမြစ်ကို ပြန်လိုက်ပြတာမျုိးတွေကို ကြုံရပါမယ် ။လက်တင်ဝေါဟာရ အရဆိုရင်တော့ ပညာရေးဆိုတာ educere လို့ခေါ်တဲ့  လမ်းညွန်ခြင်း ဒါမှမဟုတ် လေ့ကျင့်ခြင်း နဲ့ educare လို့ခေါ်တဲ့ လေ့ကျင့်ခြင်း (၀ါ) ပြုစုပျုိးထောင်ခြင်း ဆိုတဲ့ အဓိပါယ်နှစ်ခု ရှိတယ်။ ဒါပေမယ့် ယနေ့ခေတ်ပြိုင်ကာလမှာ ပညာရေးဆိုတာ ဘယ်လိုအရာလဲ လို့ ပြောဆိုဆွေးနွေးတဲ့ အခါ ဘယ်သူမှ ဝေါဟာရ အရင်းအမြစ်ကို လိုက်ပြီး မရှင်းလင်းကြတော့ပါဘူး။ လက်တင်အရင်းအမြစ်မှာကိုက ပြဿနာရှိနေတာပါ။ လွယ်လွယ်ကူကူ ပြောရရင် တစ်ချို့လူငယ်တွေဟာ သူတို့နေထိုင်တဲ့ ပတ်ဝန်းကျင်ကြောင့် “ပညာရေးဟာ အလကားပါ၊ ဘွဲ့ရတော့ ဘာလုပ်ရမှာလဲ” လို့ ပညာရေး အပေါ်မှားမှားယွင်းယွင်း ယူတတ်ကြတယ်။ ဒါဟာ ပညာရေးကို လေ့ကျင်သင် ကြားရေး(training)နဲ့ မှားယွင်းနေတာပါပဲ။ လက်တင်ဝေါဟာရ အရင်းအမြစ်မှာကိုက ပညာရေးကို လေ့ကျင်သင်ကြားရေး အဖြစ် မှတ်ယူခဲ့တာ မျုိးတွေ့ရမှာပါ။                                                                                                                                  

ဘွဲ့ရပြီးဘာလုပ်ရလဲ ၊ပညာရေးဟာ အလကားပါဆိုတဲ့ စကားဟာ အဓိပါယ်အမျုိးမျုိးထွက်နိုင်ပါတယ်။ ဒီအထဲကမှ ပြောစရာတစ်ခုက ပညာရေးဟာ သူရဲ့ ဘ၀အခြေအနေကိုတိုးတက်အောင်မလုပ်ပေးနိုင်တာ ဒါမှမဟုတ် အလုပ်အကိုင် ကောင်းကောင်းမရနိုင်တာမျုိးရယ်လို့တွေးပြီးလည်း ပြောနိုင်ပါတယ်။ ဒီလိုတွေးပြီးပြောတာဆိုရင်တော့ ပညာရေး(education)နဲ့ လေ့ကျင့်သင်ကြားမှု(training) နှစ်ခုကို ရောယှက်နေတာလို့ပဲ ပြောချင်ပါတယ်။ လေ့ကျင့်သင်ကြားမှုတွေကသာလျင် လက်တွေ့ကြတဲ့ အလုပ်အကိုင်း အတွက် တိုက်ရိုက်ပေးအပ်ကြတာပါ ၊ပညာရေးက အဲဒီလို တိုက်ရိုက်ပေးအပ်လိမ်မယ်လို့ မမျှော်လင့်နိုင်ပါဘူး။

ပညာရေးဆိုတာဘာလဲ?

            ခေတ်ပြိုင်ပညာရေးဒဿနပညာရှင် ပီတာကတော့ ပညာရေးအယူအဆမှာ ရှိနေတဲ့ စံတွေကို ပိုင်းခြားသတ်မှတ် ပြပါတယ်။ ပထမစံအရ ပညာရေးဟာ တန်ဖိုးထားအပ်တဲ့ အရာတွေ ဆက်လက်ဖြစ်ပေါ်နေဖို့ အသုံးပြုခြင်းလို့ဆိုပါတယ်။ ဒါကို လေ့ကျင့်သင်ကြားရေးနဲ့ ယှဉ်ကြည့်မှ ကွဲပြားမှာပါ။ လေ့ကျင့်သင်ကြားရေးက လက်တွေ့အသုံးကျပြီး အလုပ်အကိုင်ပေးနိုင်တယ်။ ပြင်ပတန်ဖိုးရှိနေတာကို အထင်အရှားတွေ့ရမယ်။ ပညာရေးကတော့ အတွင်းတန်ဖိုးကို ပိုဦးစားပေးတယ်။ အလုပ်အကိုင်ရရှိခြင်းဟာ ပညာရေးကြောင့်ထက် ပညာရေးရဲ့ အပြင်ဘက်မှာ ရှိနေတဲ့ စီးပွားရေး ၊လူမှုရေး ၊နိုင်ငံရေး အခြေအနေကြောင့်သာလျင်ဖြစ်တယ်။ ပညာရေးမှာတွေ့ရတဲ့ တန်ဖိုးစံကို အတွင်းတန်ဖိုးလို့ ပီတာက ရှင်းပါတယ်။ ဥပမာ ကျွန်တော်က စာပေဝေဖန်ရေးအက်ဆေးတစ်ခုကို ရေးသားနေမယ်ဆိုပါစို့။ အဲဒီလိုရေးသားနေတာဟာ ပညာရေးရဲ့ တန်ဖိုးကြောင့်သာလျင်ရေးသားနိုင်တာဖြစ်တယ်။အဲဒီစာပေဝေဖန်ရေး ကြောင့် အလုပ်အကိုင်ရရှိရေး၊မရရှိရေး ဟာ ပညာရေးရဲ့ တန်ဖိုးစံထဲမှာရှိမနေပါဘူး။ တန်ဖိုးထားအပ်တဲ့ အရာတွေ ဆက်လက်ဖြစ်ပေါ်နေဖို့ရာ အသုံးပြုခြင်းကို ပညာရေးရဲ့ တန်ဖိုးစံ အဖြစ်ခက်ခက်ခဲခဲ ဖော်ပြပါတယ်။        

               ပီတာဖော်ပြတဲ့ ပညာရေးရဲ့ ဒုတိယတန်ဖိုးစံကတော့ “အသိပညာ တရားကိုယ်ကို လေ့လာစူးစမ်းခြင်း”ပါပဲ။ ဒဿနပညာကနေ နှိုက်နှိုက်ချွတ်ချွတ်စဉ်းစားမယ်ဆိုရင်တော့ ပညာရေးရဲ့ အထက်ပါတန်ဖိုးစံဟာ ပြဿနာရှိနေတယ်။ အဆောက်အအုံလွန်ဝါဒီ မီရှယ်ဖူးကိုး(Foucault)ရဲ့ အယူအဆတစ်ခု ရှိပါတယ်။ အသိပညာနဲ့ ပါဝါဟာ အပြန်အလှန်ဆက် စပ်နေတယ် ဆိုတဲ့ အယူအဆပါ။ အသိပညာ ဆိုတာ ပါဝါကနေ ကင်းလွတ်ပြီး သီခြားရှိနေတာ မျုိးမဟုတ်တော့ကာ ပညာရေးရဲ့ တန်ဖိုးစံ အဖြစ် အသိပညာကိုလေ့လာစူးစမ်းခြင်း သက်သက်သာဆိုရင် အသိပညာဟာ သီးခြားရှိနေတဲ့ အရာ၊ အသိပညာဟာ ပါဝါနဲ့ ကင်းပြီးဖြစ်နေတဲ့ အရာလို့ ယူလိုက်ရရောက်ပါတယ်။ ဒါပေမယ့် ပီတာကိုယ်တိုင်ကလည်း အသိပညာသက်သက်ကို စူးစမ်းရှာဖွေမှုကို ပြောချင်ပုံမရပါဘူး ။တနည်းအားဖြင့် သူပြောချင်တဲ့ အပိုင်းက အသိပညာဟာ လက်တွေ့ လူအဖွဲ့အစည်းထဲမှာ ဘယ်လို အလုပ်လုပ်လည်ပတ်နေသလဲကို ပြောတာမျိုး မဟုတ်ဘူး။ အသိပညာနဲ့ မတူတဲ့ အပိုင်းကို ပညာရေးကစူးစမ်းတာ မဟုတ်ဘူးလို့သာ ဆိုလိုတာ။  ပီတာ့ အလိုအရ ပညာရေးတန်ဖိုးစံတစ်ခုက “အသိပညာကို ရှာဖွေစူးစမ်းတာသာ ဖြစ်ပြီး ကျွမ်းကျင်မှုကို လေ့ကျင့်ပေးတာမဟုတ်ဘူး”ဆိုတဲ့သဘောပဲ ။ အတိအကျ ပြောရရင်တော့  ကျွမ်းကျင်မှုကို ပေးတာထက် သာလွန်တဲ့ အသိပညာကို ရှာဖွေခြင်းပဲ။ ကျွမ်းကျင်မှုဆိုတာ အသိပညာတစ်စုံတစ်ရာကို ရရှိလာဖို့အတွက်   အခြေခံစည်းမျဉ်းတွေမြောက်မြားစွာထဲက မထင်မရှာ အရာလေးတစ်ခုပဲ။               

                 ပညာရေးဖြစ်စဉ်ထဲမှာ ဘယ်အရာကို သင်ယူရမလဲ၊ သင်ယူခြင်းဖြစ်စဉ်ထဲမှာ ဘာကိုရအောင်ယူမလဲဆိုတာ ပါဝင်တယ်။ဘယ်အရာကို သင်ယူရမလဲဆိုတာကို ကြည့်ပြီး ပညာရေးစနစ်ကောင်း မကောင်းဆုံး ဖြတ်ကြတာဖြစ်တယ်။ဒီနေရာမှာ ပညာရေးစနစ်လို့သုံးရတာ အကြောင်းရှိပါတယ်။ အကြောင်းက ဘယ်အရာကို သင်မလဲဆိုတာ စီမံအကောင်အထည်ဖော်ရတာဖြစ်တဲ့ အတွက် ပညာရေးထက်စာရင် ပညာရေးစနစ်ဆိုတဲ့ အသုံးအနှုန်းထဲ ၀င်ရောက်သွားပြီ ဖြစ်တဲ့ အတွက်ပါပဲ။ ဥပမာ စာပေကို သင်ကြားတဲ့ နေရာမှာ လူမျိုးတစ်မျုိးရဲ့ စာပေကိုသာ တစ်ခုတည်းသော စာကောင်းပေးကောင်းလို့သတ်မှတ်ပြီး သင်နေတာ၊ ခေတ်နောက်ကျနေတဲ့ အယူအဆ အတွေးအခေါ်တွေကို သင်နေတာမျုိးဆိုရင် ပညာရေးကောင်း လို့မသတ် မှတ်နိုင်ဘူး။ သင်ယူမှုဖြစ်စဉ်ထဲမှာ ဘာကိုရအောင် ယူမလဲဆိုတဲ့ အပိုင်းကတော့ ပညာရေးရဲ့ရည်ရွယ်ချက်နဲ့ ပိုပြီး ယှက်နွယ် နေတဲ့ အစိတ်အပိုင်းပါပဲ။           

           အလုပ်အကိုင်ရရှိရေး၊ ဂုဏ်သိက္ခာရရှိရေးတွေဟာ ပညာရေးရဲ့ ရည်ရွယ်ချက်ထဲမှာ ပါကောင်းပါနိုင်တယ်။ ဒါပေမယ့် ပညာရေးရဲ့ အတွင်းတန်ဖိုးတော့ မဟုတ်ဘူး။ အလုပ်အကိုင်အခွင့်အလမ်းအတွက်လေ့ကျင့် ပျိုးထောင်တဲ့ ပညာရေး(vocational education)မှာ ဘ၀တိုးတက်ရေးနဲ့ အလုပ်အကိုင် ရရှိရေးစံတွေ ရှိလိမ့်မယ်။ ဒါပေမယ့် ဒါကို ပညာရေး ဆိုတာ အတွက် တစ်ခုလုံးခြုံငုံ ကြည့်လိုက်လို့မရဘူး။ ဆိုလိုချင်တာက တကယ်လို့များ လူတစ်ယောက်က ဒီပညာရေးကတော့ဖြင့်၊ ဟိုပညာရေးကတော့ ဖြင့် ဘာအလုပ်အကိုင်မှ မရရှိတဲ့ အတွက် မကောင်းဘူး ရယ်လို့ ဆိုရင် ဒါဟာ ပညာရေးရဲ့ တန်ဖိုးစံတွေကို လျစ်လျူရှုပြီး ပြင်ပက အခြင်းအရာတွေကိုသာ ပညာရေးအဖြစ် မြင်နေတာ သိသာတယ်။ ဒီနေရာမှာ ဆိုသင့်တာက ပညာရေးက ဘာဖြစ်တယ် ဆိုတာထက် ၊ပညာရေးစနစ်ကတော့ဖြင့် ဘာဖြစ်တယ် လို့သာလျင်ဆိုသင့်တယ်။ စနစ် လို့ဆိုတော့ကာ ပညာရေးကို အင်စတီကျုးရှင်းတစ်ခုအတွင်း ဖန်တီးတည်ဆောက်နေတဲ့ သူတွေရဲ့ လုပ်ဆောင်မှုတွေပါပါဝင်နေတယ် လို့မြင်နိုင်တယ်။

                                                                                                ပညာရေးအယူအဆ(၂)

Aims of Education

            ပညာရေးရည်ရွယ်ချက်ဆိုတာ ရည်ရွယ်ချက်လို့ဆိုထားတဲ့ အပိုင်းပဲ၊ ပညာရေးဟာ ဘာအတွက်ရည်ရွယ် ထားသလဲ ဆိုတာကို ပြောတာဖြစ်တယ်။ လူ့အဖွဲ့အစည်းတစ်ခုဟာ အကျိုးအမြတ်အမျိုးမျုိးကို အခြေခံတဲ့ အုပ်စုပေါင်းများစွာရောယှက်နေတာ။ အစိုးရ၊ ၊နိုင်ငံသားတွေ၊ လူမျိုးတွေ၊ နိုင်ငံတော် အဖွဲ့အစည်းတွေ၊ စီးပွားရေးလုပ်ငန်းတွေ၊ ကလေးတွေ၊ ပညာရေးနဲ့ ဆိုင်သူတွေ စတဲ့ ကွဲပြားခြားနားတဲ့အုပ်စုတွေဟာ ပညာရေးအပေါ်ကို လွှမ်းမိုးထားတာ။ ရည်ရွယ်ချက်ကို ဒီလို အုပ်စုအမျိုးမျုိးအတွက် ချမှတ်တဲ့အခါ ပဠိပက္ခအခြေအနေအတွင်းက ဖြစ်ချင်ဖြစ်နေမယ်၊ ဒါမှမဟုတ် လူအများစု သဘောတူလောက်တဲ့ အခြေအနေ အတွင်းက လုပ်ဆောင်တာ ဖြစ်ချင်ဖြစ်နေမယ်။ သဘောတူညီညွတ်မှုကို ပိုကဲပြီးလုပ်မယ်ဆိုရင် လူအများစုအတွက်လုပ်ကိုင်ခြင်းက ပညာရေးရဲ့ ရည်ရွယ်ချက်အပေါ် လွှမ်းမိုးထားနိုင်မယ်။ အများသဘောတူညီညွတ်မှုနည်းမယ်ဆိုရင် ပညာရေးရဲ့ ရည်ရွယ်ချက် အပေါ် အာဏာရှိတဲ့ လူအုပ်စုတစ်စုကနေသာလျင် တိုက်ရိုက်ပြဌာန်းလုပ်ဆောင်မှုများလိမ့်မယ်။ အာဏာရှိတဲ့ လူအုပ်စု တစ်စုဆိုတာ အစိုးရလည်းဖြစ်နိုင်သလို ၊ပညာရေးနဲ့ တိုက်ရိုက်သက်ဆိုင်တဲ့ ဆရာလိုလူတွေလည်းဖြစ်နိုင်တယ်။          

                  ပညာရေးမှာ ရည်ရွယ်ချက်တစ်ခုထက် ပိုပြီးရှိနိုင်တယ် ၊၊ဒါပေမယ့် ဆန့်ကျင်ဘက်ရည်ရွယ်ချက်တွေကို     အတူ တွဲထားဖို့တော့ မဖြစ်နိုင်ဘူး။ ဥပမာ၊ နိုင်ငံတော်ကို မေးခွန်းမထုတ်ဘဲ အမိန့်နာခံတဲ့ နိုင်ငံသားတွေကို မွေးထုတ်ဖို့ ရည်ရွယ်ချက်နဲ့ ကြုံတွေ့လာတဲ့ အဆိုပြုချက်မှန်သမျှကို မေးခွန်းထုတ်နိုင်လောက်အောင် လွတ်လပ်တဲ့ စိတ်ထားရှိတဲ့ နိုင်ငံသားတွေကို မွေးထုတ်ဖို့ ရည်ရွယ်ချက်နှစ်ခုကိုတော့ အပြိုင်ထားလို့ မရဘူး။ ဒါပေမယ့် အဲလောက် ဆန့်ကျင်ဘက်ကြီး မဟုတ်ပေမယ့် အတိုင်းအတာတစ်ခုအထိ တစ်ခုနဲ့တစ်ခု မဆီလျော်ဖြစ်နေတဲ့ ရည်ရွယ်ချက်နှစ်ခုကိုတော့တွဲထားကောင်း ထားနိုင်တယ်။ တွဲထားလိုက်ရင်လည်းသူတို့နှစ်ခုဟာ လိပ်ခဲတည်းလည်းနဲ့ ရပ်တည်နေရမှာ ဖြစ်တယ်။            ရည်ရွယ်ချက်တွေ ကို လေ့လာကြည့်ရင် ရည်ရွယ်ချက်တစ်ခုကို အောင်အောင်မြင်မြင် ရရှိဖို့ အတွက် အခြားတစ်ခုခုကို စတေးလိုက်ရတာမျုိး အထိတောင်ရှိတတ်တယ်။ ပညာရေးရည်ရွယ်ချက် အမျုိးမျိုးကို ဖော်ဆောင်တော့မယ်လို့ သက်ဆိုင်ရာပြည်သူအမျုိးမျုိးနဲ့ သဘောတူညီပြီးတဲ့ နောက်မှာ ရည်ရွယ်ချက်တစ်ခုချင်းစီကို ဟန်ချက်ညီ လုပ်ဆောင်ပေးဖို့ လိုအပ်တယ်။               

                   ပညာရေးရည်ရွယ်ချက်တွေကို အမျုိးအစားအမျုိးခွဲခြားကြည့်နိုင်တဲ့ နည်းတွေအများကြီးပါပဲ။ ဒီအထဲကတစ်ခုက တသီးပုဂ္ဂလ၊ လစ်ဘရယ်ကောင်းကျိုး၊ အတွင်းတန်ဖိုး ဆိုတာကို အဓိထားပြီး ရည်ရွယ်တယ်။ နောက်ထပ် တစ်ခုက တစ်သီးပုဂ္ဂလလူသားအတွက်ကြည့်သလို၊ လူထုတစ်ရပ်လုံးအဖြစ်လည်းရှုမြင်တယ်။ အသုံးတန်ဖိုးရှိရမှာ ဖြစ်သလို၊ အတွင်းတန်ဖိုး လည်းရှိရမယ်လို့ယူပြန်တယ်။ ပထမအစဉ်အလာကို “လစ်ဘရယ်”လို့ခေါ်ပြီး ၊ဒုတိယအရာကိုတော့ “လက်တွေ့အသုံးကျ”အစဉ်အလာလို့သတ်မှတ်တယ်။ လက်တွေ့အသုံးကျအမြင်မှာ အလုပ်အကိုင်နဲ့ဆိုင်ရာ၊ လူ့အဖွဲ့ အစည်း ဆိုင်ရာ၊ ပုဂ္ဂလိကဆိုင်ရာဆိုပြီး သုံးပိုင်းပါဝင်တယ်။ ဒီသုံးခုကို ဆီလျော်အောင် ပူပေါင်းဆောင်ရွက်ဖို့ ကြိုးစား တယ်။ ဥပမာ လူတစ်ယောက်ကို ကိုယ့်ကိုယ်ကိုယ် ပိုင်စိုးမှုရှိတဲ့သူဖြစ်လာအောင် ပညာရေးရဲ့ အတွင်းတန်ဖိုး အခြေခံအရ ပညာသင်ပေးချိန်မှာပဲ၊ တဖက်မှာလည်း လူအဖွဲ့အစည်းအတွက် အကျိုးရှိမယ့် နိုင်ငံသားတစ်ယောက်ဖြစ်အောင် သင်နိုင်တယ်။                                                                                                                               

                     ပညာရေးရဲ့အဓိကရည်ရွယ်ချက်တွေ ချမှတ်ပုံကို ဒဿနဆိုင်ရာ ရှုထောင့်ကနေကြည့်ရှုနိုင်တယ်။ ကြည်ရှုနိုင်တဲ့ လမ်းကြောင်းသုံးခုရှိတယ်။                                                                                        

                 ဇယားတစ်ရဲ့ အဓိကပညာရေးရည်၇ွယ်ချက်က-လူ့အဖွဲ့အစည်းရဲ့လိုအပ်ချက်တွေ၊ တစ်သီးပုဂ္ဂလလူသားရဲ့ လိုအပ်ချက်တွေ အပေါ်အဓိကထားတယ်။      (ပုံတွင်ကြည့်ပါ... ဇယား(၁))    

              ဇယား (၂) ကတော့ ပြင်ပတန်ဖိုးအပေါ်မှိခိုနေရတဲ့လက်တွေ့အသုံးကျမှု နဲ့ အတွင်းတန်ဖိုးနှစ်ခုအပေါ်အဓိက ရည်၇ွယ်ချက်ထားတာဖြစ်တယ်။    (ပုံတွင်ကြည့်ပါ... ဇယား(၂))

           ဇယား (၃) ကတော့ လစ်ဘရယ်ပညာရေးရည်ရွယ်ချက်နဲ့ အလုပ်အကိုင် ပညာရေးရည်ရွယ်ချက်နှစ်ခုကို ရှင်တွဲပြ ထားတာဖြစ်တယ်။          (ပုံတွင်ကြည့်ပါ... ဇယား(၃))

           ရည်ရွယ်ချက်တွေဟာ တစ်ခုနဲ့တစ်ခုထပ်နေတာကို တွေ့ရမယ်။ လူမှုရေး၊လက်တွေ့အသုံးကျအမြင်နဲ့ အလုပ်အကိုင်တွေက အတွင်းတန်ဖိုး၊တစ်သီးပုဂ္ဂလနဲ့ လစ်ဘရယ်တို့ ထက်ရည်ရွယ်ချက်များနေတယ်။ ဘယ်ရည်ရွယ်ချက်ကတော့ ဘယ်ရည်ရွယ်ချက်နဲ့ တွဲထားလို့ မရဘူးဆိုတာ မရှိဘူး။ ရည်ရွယ်ချက်တစ်ခုချင်းစီဟာ လစ်ဘရယ်၊တသီးပုဂ္ဂလ စတဲ့ ခံယူချက်တစ်ခုတည်းမှာပဲ အသေရှိတယ် လို့ မမှတ်ယူနိုင်ဘူး။                                

             တကယ်တော့ ပညာရေးစနစ်တစ်ခုမှာ ရည်ရွယ်ချက်ဆိုတာကတော့ ရှိကြစမြဲပါ။ ဒါပေမယ့် ရည်ရွယ်ချက်ဆိုတာကို ပွင့်ပွင့်လင်းလင်းပြောမထားပဲ သိမ်မွေ့စွာ ယှက်နွယ်ထားတာပါ။ ပညာရေးတစ်ခုရဲ့ ရည်ရွယ်ချက် ကို တရားဝင် စာရွက်စာတမ်းတွေ ၊ကြေငြာတွေထဲမှာ ဖော်ပြပေမယ့် ကျွန်တော်တို့ တကယ့်ရည်ရွယ်ချက်ကို တွေ့ရမှာ မဟုတ်ပါဘူး။ စာရွက်စာတမ်းထဲက ပညာရေးရည်ရွယ်ချက်ဟာ ဘာမှလုပ်လို့မရပါဘူး။ တကယ့်ပညာရေးရည်ရွယ်ချက် ကို သင်ရိုးညွှန်တမ်းတွေ၊သင်ကြားပုံတွေ၊ သူတို့ရဲ့ စည်းမျဉ်းစည်းကမ်းတွေ၊ ကျောင်းသားတစ်ယောက်အပေါ် အကဲဖြတ်ပုံတွေကနေပဲ ရှာတွေ့နိုင်မှာ ဖြစ်တယ်။

  မင်းခက်ရဲ

ဇယား (၁)

ဇယား (၂)

ဇယား (၃)

--
Posted By Blogger to လူဗိုလ်ဟူသည် ... at 4/24/2012 11:27:00 PM

Posted in: