ဒီမိုကရေစီရဲ့ ကောင်းကျိုးတခုတော့ လက်တွေ့ ခံစားလိုက်ရပါပြီ

Inbox

x

Lu Bo	9:43 AM (36 minutes ago)
to mrsorcerer

---------- Forwarded message ----------
From: Blogger <no-reply@blogger.com>
Date: 2012/4/30
Subject: [လူဗိုလ်ဟူသည် ...] ဒီမိုကရေစီရဲ့ ကောင်းကျိုးတခုတော့ လက်တွေ့ ခံစားလိုက်ရပါပြီ
To: lubo601@gmail.com

by Lwin Aung Soe on Monday, April 30, 2012 at 1:05pm

ပြည်ပသို့ အိမ်အကူအဖြစ် စေလွှတ်ပါက ထိရောက်စွာ အရေးယူမည် ဆိုတဲ့ ဆောင်းပါးကို The Voice weekly မှာ ဖတ်ရတော့ သိပ်ကို ဝမ်းသာသွားပါတယ်။ မြန်မာတွေဟာ အိမ်ဖော် အဆင့်အတန်း မဟုတ်ဘူး ဆိုတာကို ပြသနိုင်လိုက်တဲ့ နိုင်ငံဂုဏ်ပါပဲ။ နိုင်ငံခြားတိုင်းပြည်တွေမှာ မြန်မာအလုပ်သမားတွေအပေါ် လူ့အခွင့်အရေး ချိုးဖောက်ခံနေရတာမျိုး မဖြစ်ရအောင် ကြိုတင်ကာကွယ်ပေးတဲ့ သဘောလည်း ဖြစ်သွားပါတယ်။

အခြားတဘက်မှာ ဖြစ်လာတဲ့ကောင်းကျိုးကတော့ ပြည်တွင်းမှာ အလုပ်အကိုင်သစ်တွေ ဖန်တီးပေးဖို့ အခြေအနေကောင်းတွေ ရှိလာနိုင်တာ ဖြစ်ပါတယ်။ ပြည်တွင်းမှာသာ စံချိန်မီ အလုပ်တွေ လုပ်နိုင်ရင် နိုင်ငံခြား ဆိုတာ အလည်အပတ်သွားဖို့၊ တချို့ စာသင်ဖို့လောက်သာ ဖြစ်သွားမှာပါ။  

ပြည်ပနိုင်ငံတွေမှာ အိမ်အကူအဖြစ် အလုပ်လာမလုပ်ကြဖို့၊ အထူးသဖြင့် လူ့အခွင့်အရေးကို ချိုးဖောက်တာကို လစ်လျူရှုထားတဲ့ မလေးရှားနိုင်ငံမှာ လာရောက် အလုပ်မလုပ်ကြဖို့ သတိပေး နှိုးဆော်ပေးသူတွေကို ကျေးဇူးတင်ရပါတယ်။ ကိုယ့်ထမင်းကိုယ်စားပြီး Activist အနေနဲ့ တက်တက်ကြွကြွ လှုပ်ရှားသူတွေဟာ သူတို့မှာ ရှိထား၊ သိထားတဲ့ အတွေ့အကြုံတွေအရ ပြည်ပမှာ မြန်မာအမျိုးသမီးတွေ အနှိမ်ခံရမှာ၊ လူ့အခွင့်အရေး ချိုးဖောက်ခံရမှာကို မဖြစ်စေလိုတာကြောင့် အမြော်အမြင်ရှိရှိ သတိပေး နှိုးဆော်ရင်း ကန့်ကွက်နေခဲ့ကြတာ ဖြစ်ပါတယ်။

ကန့်ကွက်သံတွေ အတော်ပဲ ကျယ်လောင်လာနေခဲ့တဲ့ နောက်ဆုံးမှာတော့ The Voice weekly မှာ ဖတ်ရတဲ့အတိုင်း အလုပ်သမားဝန်ကြီးဌာနက အရာထမ်းတဦးရဲ့ ပြောကြားချက် ထွက်ပေါ်လာပါတယ်။ အမှန်တော့ ဥပဒေ ရှိနေပြီး ဖြစ်ပါတယ်။ ဥပဒေကို ဖောက်ဖျက်သူတွေဟာ ထိရောက်စွာ အရေးယူခံရမယ့် အကြောင်း အတိအလင်း ထပ်မံ သတိပေးလိုက်တဲ့ သဘောပါပဲ။

အင်တာနက် မသုံးတဲ့သူ၊ သုံးပေမယ့် မသိလိုက်သူ၊ ပြည်တွင်းထုတ် ဂျာနယ်တွေကို မဖတ်ဖြစ်ခဲ့တဲ့သူတွေ အဖို့မှာတော့ တဆင့်ပြန်ပြောသူတွေသာ မရှိခဲ့ရင် မလေးရှားမှာ အိမ်ဖော်လုပ်ရလို့ ကြုံရတဲ့ ဒုက္ခဆိုးတွေကို သိကြမှာ မဟုတ်ပါဘူး။

ပညာပေးရေးအပိုင်းမှာလည်း အရင်ကတည်းက အားနည်းနေခဲ့ရပါတယ်။ ရုတ်တရက် ထပြီး နှိုးဆော် တိုက်တွန်း ပညာပေးကြတာတောင် အစိုးရဘက်ကသာ ကြားဝင်မကူရင် ထိရောက်ဖို့ ရှိနိုင်မှာ မဟုတ်ပါဘူး။ အစိုးရဘက်က အလေးအနက်ထားပြီး ဥပဒေနဲ့ ထိရောက်စွာ အရေးယူဖို့ သတိပေးလာတော့ ပွဲစားတွေကိုပါ တခါတည်း ထိန်းချုပ်နိုင်မယ့်သဘော ရှိသွားတယ်လို့ ယူဆပါတယ်။

ကိုယ့်နိုင်ငံအကြောင်း၊ ကိုယ့်လူမျိုးတွေစရိုက်အကြောင်း အသိဆုံးဖြစ်နေကြတာကြောင့် ဥပဒေ လက်တလုံးခြား လုပ်လာမှာတွေ ရှိနိုင်သေးတယ်လို့ ဆိုရမလားပါပဲ။ စတုတ္ထမဏ္ဍိုင်ရဲ့ စောင့်ကြည့်မှုက အရေးပါလာပါပြီ။ ပြည်ပကို အိမ်အကူ ပို့မယ့်ကိစ္စမှာ အောင်မြင်သွားရင် လူကုန်ကူးတာတွေကိုပါ တဆက်တည်း အောင်မြင်လာနိုင်ဖို့ ရှိမှာပါ။ တကယ်တော့ အစိုးရနဲ့ ပြည်သူ လက်တွဲ ပူးပေါင်း လုပ်ဆောင်နိုင်သမျှ တိုင်းပြည်ကို ပျက်စီးစေမယ့် အဖျက် အန္တရာယ်မှန်သမျှ တားဆီး ဖယ်ရှားနိုင်မှာ အသေအချာပါပဲ။

အရင်တုန်းက စစ်အာဏာရှင်ခေတ်ဆိုတော့ အုပ်ချုပ်သူ အာဏာပိုင်တွေနဲ့ ပြည်သူတွေဟာ လက်တွဲပူးပေါင်းဖို့ သိပ်အဆင်မပြေခဲ့ကြပါဘူး။ ဒီကနေ့ ခေတ်ကာလကတော့ ဒီမိုကရေစီ အသွင်ကူးပြောင်းလာချိန်ဖြစ်လို့ အစိုးရနဲ့ ပြည်သူတွေမှာ အပြန်အလှန် အကျိုးပြု မှီခိုအားထားကြတဲ့ ဆက်ဆံရေးပုံစံသစ် ဖြစ်လာပါတယ်။ အစိုးရဟာ ပြည်သူတွေရဲ့ ကောင်းကျိုးတွေကို အခက်အခဲတွေကြားက ဖြစ်နိုင်သမျှ စီမံပေးသလို တချိန်တည်းမှာ ပြည်သူတွေရဲ့ ထိန်းကျောင်းတည့်မတ်ပေးတာကိုလည်း အမြော်အမြင်ရှိရှိ ခံယူကျင့်သုံးလာပါတယ်။ ဒီမိုကရေစီရဲ့ ကောင်းကျိူးတခုလို့ ဆိုနိုင်ပါတယ်။

လွင်အောင်စိုး

မေလ ၁ ရက် ၂ဝ၁၂ ခုနှစ်

ကိုးကား - The Voice weekly (စာမျက်နှာ ၁၃) ပြည်ပသို့ အိမ်အကူအဖြစ် စေလွှတ်ပါက ထိရောက်စွာ အရေးယူမည်

ဆက်စပ်သတင်းများ - မလေးရှားရောက် နိုင်ငံခြားသား အိမ်ဖော်များ၏ ရင်နင့်ဖွယ် ဘဝဖြစ်ရပ်မှန်များ

.........

Posted in: