ရုံးပိတ်ရက်မှာ Pizza လုပ်စားကြရအောင်

ဒီတစ်ပတ် နားရက်မှာ ပီဇာစားချင်တာနဲ့ ပီဇာလုပ်စားဖို့  စိတ်ဆုံးဖြတ်ချက်ချလိုက်တယ်။ စိတ်ဆုံးဖြတ်ချက်ချတယ် ဆိုတဲ့ နေရာလေးမှာ သေချာအောင် ပြောရရင်တော့ အစားအသောက်ကောင်းကောင်းလေးတွေဆို ချက်လိုက်၊မြည်းလိုက်နဲ့ လူက ဝိတ်တက်လာမှန်းမသိ တက်နေလိုက်တာ ကိုယ့်ကိုယ်ကို သတိထားမိချိန်မှာတော့ အောင်မလေး ငါအတော်လေးဝနေပြီးပါလားဆိုပြီး သိချိန်မှာ နောက်ကျနေပြီး။ အတော်လေးကို ဝနေပြီ။
ဒီတော့လဲ ဝိတ်လျှော့ရတော့မှာပေါ့။ သူများတွေလို အစားလျှော့စားတာတို့ ဘာတို့တော့ မလုပ်ပါဘူး။ အဓိက ဝါသနာကိုက စားတာဆိုတော့ စာနေအုံးမှာပဲ။ ဗိုက်ပြည့်အောင်ကို တစ်ဝကြီး စားနေအုံးမှာပဲ။
ညစာမစားပဲလဲ မနေပါဘူး။ ဒါပေမဲ့ ညစာတွေကို ထမင်း၊ခေါက်ဆွဲ၊ပေါင်မုန့်၊Pasta စတာတွေကို အကုန်လက်ရှောင်ပြီး အသီးအရွက်သုတ်တွေကိုသာ တစ်မျိုးပြီးတစ်မျိုးစားနေရတာပေါ့။
ဒီနေ့တော့ မစားတာပဲ ကြာလို့လားမသိတော့ပါဘူး။ စားချင်သောက်ချင်စိတ်လေးက ထိန်းမရအောင်ဖြစ်လာတာ။
 လျှာလေးက အရသာခံချင်လာတာနဲ့ပဲ စိတ်ကလဲ မနေနိုင်တော့ဘူး။ မျက်စေ့မှိတ်ပြီး ပီဇာလုပ်စားဖို့ကို ဆုံးဖြတ်လိုက်တယ်။ ဝယ်ပြီးစားတာထက် ကိုယ်တိုင်လုပ်စားရတာကို ပိုနှစ်သက်လို့ မေလဲ လုပ်စားရင်း သူငယ်ချင်းတို့လဲ ကိုယ်တိုင်လုပ်စားနိုင်အောင် ပီဇာလုပ်နည်းလေး မျှဝေလိုက်မယ်နော်။
Pizza dough လုပ်ရန်
၁။ တစေး( dry yeast) စားပွဲတင်ဇွန်း တစ်ဇွန်း
၂။သကြား စားပွဲတင်ဇွန်း တစ်ဇွန်း
၃။ဆား စားပွဲတင်ဇွန်း တစ်ဝက်
၎။သံလွင်ဆီ စားပွဲတင်ဇွန်း ၂ ဇွန်း (မရှိလျှင် အခြားဆီအစားထိုးသုံး၍ ရနိုင်ပါသည်)
၅။ရေနွေးနွေး တစ်ခွက် (250ml)
၆။ဂျုံမှုန့် ၂ ခွက် (ထမင်းပေါင်းအိုးတွင် ပါလာသည့် ဆန်ချိန်ခွက်နှင့် ချိန်တွယ်နိုင်ပါသည်၊ရေလဲ ထိုနည်းတူစွာ)

ပြုလုပ်ပုံ အဆင့်ဆင့်
အဆင့် ၁
ပန်းကန်လုံးတစ်လုံးတွင် ရေနွေးနွေး၊တစေး၊သကြားတို့ကို အပေါ်မျက်နှာပြင် အမြုပ်ထွက်လာသည်အထိ ထည့်မွှေလိုက်ပါ။
အဆင့်၂
ဂျုံ၊ဆား၊ဆီ၊ရောမွှေထားသော တစေးရေ တို့ကို ဇလုံကြီးထဲသို့ ထည့်၍ ဂျုံများ စေးပိုင်လာသည်အထိ နယ်ရပါတော့မည်။ ဂျုံနယ်သည့် နေရာမှာ စေးနေသည့် ဂျုံတွေအရှေ့ကယူပြီး အလယ်ကိုဆွဲခေါက်ရှေ့တွန်းလိုက် ၊ပြီး အရှေ့က အစကို ဆွဲယူလိုက်၊ဘေးက အစကိုဆွဲယူလိုက် အလယ်ကို ဆွဲခေါက်လိုက် ၊နံပြားမလုပ်ခင် ဂျုံထိုးတာကို မြင်ဖူးပါလိမ့်မယ်။ လုပ်နည်းအတူတူပါပဲ။
ဂျုံနယ်ချိန် လက်တွေစေးကပ်လာရင်တောရေနည်းနည်း စွတ်ပေးတာမျိုး၊ဆီလေးနည်းနည်း ကိုင်ပေးတာမျိုး လုပ်ပေးနိုင်ပါတယ်။


အဆင့်၃။
ဂျုံလေးတွေ ချောမွေ့ပြီး စေးကပ်လာပြီးဆိုလျှင် နယ်ထားသည့် ဂျုံတွေကို ဂျုံလုံးကြီးအတိုင်းထားပြီး သန့်စင်သည့် နောက်ထပ်ဇလုံကြီးထဲ ပြောင်းထည့် ရေစွတ်ပြီး ပြန်လည်ညှစ်ထားတာရေစိုဝတ်သန့်လေးနဲ့ အုပ်ထားပြီး အနည်းဆုံး ၂၅ မိနစ်လောက် နွေးနွေးထွေးထွေး ထားရပါမယ်။ ရေခဲသေတ္တာထဲ မထားမိပါစေနဲ့။ အခန်းအပူချိန်လောက်ဆိုရင်လဲ ရပါတယ်။ ဂျုံလုံးကြီးက ပွတ်လာမှာဖြစ်သောကြောင့် ဂျုံထည့်ရန် ဇလုံကြီးကြီး လိုအပ်ပါသည်.

ဒါဆိုရင်တော့ ပီဇာလုပ်ဖို့ ဂျုံရပြီနော်။
ပီဇာစလုပ်တော့မယ်နော်။ ဟီးးး အခုမှ ပီဇာက စပြီးလုပ်မှာ။ စောစောက ဂျုံနယ်တာပဲ ရှိသေးတယ်။

ပါဝင်သော ပစ္စည်းများ
၁။ Pizza dough
၂။ခရမ်းချဉ်သီးဆော့ (စူပါမားကက်များတွေ ဝယ်ယူ၍ရနိုင်ပါသည်)

၃။ mozzarella cheese

၎။ မိမိနှစ်သက်သည်များ ပါဝင်ထည့်နိုင်ပါပြီ။ (သံလွင်သီး၊ကြက်သွန်အကွင်းလိုက် လှီးထားသော၊ခရမ်းချဉ်သီး ၊ငရုပ်ချိုပွကြီးများ၊salami ၊ham ၊နာနတ်သီး၊မှို ၊ထောပတ်သီးစသည်ဖြစ်......)
ပြုလုပ်ပုံ အဆင့်ဆင့်
၁။ နယ်ထားပြီးသော dough များကို ဒလိမ့်တုံးနှင့် ပြားနေအောင် လိမ့်လိုက်ပါ။ ဂျုံတွေ မကပ်အောင်တော့ ဂျုံမုန့် အနည်းငယ်စီ ဖြူးပေးရပါလိမ့်မည်။ မေကတော့ ပါးပါးလေး ဖြစ်တဲ့ အထိ လိမ့်တယ်။ ဒါမှ ဂျုံပါဝင်မှုနုန်းနည်းမှာ။ ဂျုံထူတဲ့ Pizza hut က လုပ်တဲ့ ပီဇာထူထူကြီးတွေကိုလဲ စားရတာ မကြိုက်ဘူး။
၂။ဂျုံပြားရပြီးဆို ခရမ်းချဉ်သီးဆော့တွေကို အပေါ်က သုတ်လိမ်းရပါမည်။

၃။ ခရမ်းချဉ်သီးဆော့ပေါ်က mozzarella cheese လေး ထပ်ဖြူးလိုက်ရင် ပီဇာအကြမ်းထည်ရပါပြီး။ (တစ်ခါတစ်လေ အဲ့ဒီအတိုင်းပဲ စားဖြစ်တယ်။)
၎။ အဆင့်(၄)တွင် မိမိပါဝင် ထည့်လိုသည့် ရသာများကို အပေါ်မှာ ဖြူးပေးပြီးလျှင် အဆင့်သင့်ပီဇာရပါပြီ။
၅။ ပြီးရင်တော့ ဖုတ်ရတော့မယ်နော်.။ Ovenကို 200'c အပူပေးပြီး ၁၅ -၂၀ မိနစ် မီးဖုတ်ရပါလိမ့်မည်။ Oven မရှိလျှင်တော့ မုန့်ဖုတ်ဖိုနှင့်သော်လည်းကောင်း၊အပေါ်မီးအောက်မီးနှင့်သော်လည်းကောင်း ဖုတ်ရပါမည်။
ကဲ အဆင်သင့် စားသုံးနိုင်သည့် အရသာရှိရှိ ပီဇာလေး စားသုံးနိုင်ပါပြီရှင်။
salami ပီဇာ

ခရမ်းချဉ်မီးနဲ့ မှိုပီဇာ

ခရမ်းချဉ်သီးပီဇာ။ ဒါလေးကိုတော့ ခရမ်းချဉ်သီးကို Oven ထဲက ထုတ်ပြီးမှ အပေါ်က တင်တာပါ။ ထောပတ်သီးကိုလဲ ထိုနည်းလည်းကောင်းပါပဲ။

မေကတော့ စားချင်တဲ့ ပီဇာလေးလဲ စားရအောင် အများကြီးလဲ မစားမိအောင် အသီးအရွက်သုတ်လေးနဲ့ စားတယ်။ ပီဇာကို ငရုတ်သီးမုန့်လေး နည်းနည်းဖြူစားရတာကိုကြိုက်တယ်။

ပီဇာနဲ့ စားသုံးဖို့ အခြားလိုက်ဖက်တာ တစ်ခုရှိသေးတယ်။ စာဆိုတောင် ရှိသေးတယ်။
ပီဇာနဲ့ ဘီယာ
ရသာကို လျှာပေါ်တင်ပြီလျှင်
ထိုအရသာကို သင်တစ်သက်မမေ့နိုင်တော့ပါတဲ့။
ဘီယာကြိုက်တဲ့ ကိုကိုတွေ ထားခဲ့တဲ့ အပြောလေး ဖြစ်ပုံရပါတယ်။
ဒီနေ့တော့ ဒီလောက်ပဲနော်။ နက်ဖြန်ဘာချက်စားရမှာလဲ တွေးလိုက်အုံးမယ်။ မနက်ဖြန်မှ တစ်ခါ ပြန်လည်ဆုံတွေ့ကြတာပေါ့။



..... (¯`v´¯)♥

.......•.¸.•´

....¸.•´

... (

☻/

/▌♥♥

/ \ ♥♥ မေသဇင်








Posted in: စားကြမယ်ဟေ့ ကောင်းကောင်း