အဆိုပါ လမ်းမှာ မရကျွန်းနှင့် ဂုံးရှိန် ကျေးရွာ အကြားတွင် တည်ရှိသော လမ်းဖြစ်ပြီး ဂုံးရှိန် အထက်တန်းကျောင်းမှ ဒေသခံ ကျောင်းသူ ကျောင်းသားများ ကျောင်းသွား ကျောင်းပြန် အသုံးပြုနေသော လမ်းဖြစ်သည်။ ကျေးရွာသားများမှ ၎င်းလမ်းကို ကိုယ်ထူကိုယ်ထ စနစ် ဖြင့် တည်ဆောက် ထားခဲ့သည်။
“ အဲဒီလမ်းက ကိုရီးယား ဒေ၀ူးနဲ့ အိန္ဒိယ ကုမ္ပဏီကားတွေ အသုံးပြုပစ်တဲ့ အတွက် သွားလာလို့ မရအောင်ပျက်စီးသွားပါတယ်။ ဒီ လမ်းကို ပြုပြင်ပေးဖို့ ဒေသခံ ကျေးရွာသားတွေက စာရေးပြီး အထက်ကို တင်ပြပါတယ်။ ဒါပေမယ့် ပြန်လည် ပြုပြင်ပေးတာ မရှိတဲ့ အတွက် ဇူလိူင်လ ၉ ရက်နေ့က ကျောင်းသား ၁၀၀ ကျော်က ပိုစတာတွေကိုယ်စီ ကိုင်ပြီး ဆန္ဒပြခဲ့ကြ ပါတယ်” ဟု ကျောင်းသား မိဘ တစ်ဦးက ပြောသည်။
ကျောင်းသားများမှာ လိပ်မမော် ရွာမ၊ လိပ်ခမော် ရွာဟောင်း၊ မရကျွန်း၊ ဂုံးရှိန်၊ ပြင်ရှည် ကျေးရွာများမှ ဖြစ်ကြသည်။
ကျောင်းသားများ ဆန္ဒပြမူ ဖြစ်ပွားပြီးနောက် ခရိုင်တာဝန်ရှိသူများက အဆိုပါ လမ်းကို ပြုပြင်ပေးမည်ဟု ကတိပေးခဲ့သော်လည်း ဆန္ဒပြသူ ကျောင်းသားများ၏ မိဘများကို ခံဝန်ကတိ လက်မှတ်များ ရေးထိုးရမည်ဟု ခြိမ်းခြောက်ခဲ့ကြောင်း သိရသည်။
“ ဆန္ဒပြကျောင်းသားတွေက သူတို့ဟာ သူတို့ ကျောင်းသွားလို့ မရတာကြောင့် ဆန္ဒပြခဲ့ကြတာ ဖြစ်ပါတယ်။ ကျောင်းသားမိဘတွေနဲ့တော့ မဆိုင်ပါဘူး။ ကျောင်းသားမိဘတွေကို အစပိုင်းမှာ ခြိမ်းခြောက်ခဲ့ပေမယ့် နောက်ပိုင်းမှာ ဘာ မှတော့ မလုပ်ခဲ့ဘူး။ အခုတော့ လမ်းကို ပြန် လည်ပြီး ကွန်ကရစ် လမ်းခင်းပေးနေပါတယ်” ဟု ဆိုသည်။
ပျက်စီးသွားသောလမ်းကို ဒေ၀ူးမှ အခုအခါ တည်ဆောက်နေပြီး ကွန်ကရစ် ခင်းနေမူမှာ ပြီးစီးလုနီးပါး ဖြစ်နေသော်လည်း အိန္ဒိယ Punj Lloy ကုမ္ပဏီက တာဝန်ယူ တည်ဆောက်ပေးမည့် လမ်းပိုင်းမှာ ယခုအချိန်ထိ ပြန်လည် တည်ဆောက်ပေးခြင်း မရှိသေးကြောင်း သိရသည်။
0 ကွန်မန့်ရေးရန်:
Post a Comment