တရုတ်ပိုင် ခဲသတ္တုတူးဖော်ရေး ကုမ္ပဏီကြောင့် ဒေသခံ ဓနုတိုင်းရင်းသားများ ဒုက္ခရောက်မည်ကို စိုးရိမ်နေ
၂၀၁၂ ခုနှစ် ဇူလိုင် ၉ ရက်
ရှမ်းပြည်နယ် (တောင်ပိုင်း)
ကလောမြို့နယ် ဘော်ဆိုင်းကျေးရွာအုပ်စု အတွင်း၌ တရုတ်လူမျိုးပိုင်
ခဲသတ္တုသန့်စင်စက်ရုံ တည်ဆောက်ခြင်းနှင့် ခဲသတ္တုထုတ်လုပ်နေခြင်းကြောင့်
ဒေသခံ ဓနုတိုင်းရင်းသားများ ဒုက္ခရောက်မည်ကို စိုးရိမ်နေကြသည်ဟု သိရသည်။
ခဲသတ္တုသန့်စင် စက်ရုံသည်
ကလောမြို့နယ် ဘော်ဆိုင်းကျေးရွာအုပ်စုရှိ ရွာဟောင်းကျေးရွာပိုင်
ရွာဟောင်းကျေးရွာနှင့် စီစက် ကျေးရွာ အကြားတွင် တည်ဆောက်နေခဲ့ခြင်းဖြစ်သည်။
အဆိုပါ ဘော်ဆိုင်း ကျေးရွာအုပ်စုရှိ ပုန်းတပ်ကျေးရွာ နယ်နိမိတ် အတွင်း
၌လည်း သဘာဝသယံဇာတများ ထုတ်ယူနေခြင်းဖြစ်သည်ဟု သိရသည်။
ကျေးရွာအတွင်း လောင်စာဆီနှင့်
ယမ်းသိုလှောင်ထားခြင်းအပြင် မိုင်းဖောက်ခွဲရာတွင်လည်း ရွာနှင့်
အလွန်နီးကပ်နေကြောင်း၊ စွန့်ပစ်မြေစာ များကိုလည်း ဒေသခံ ခြံမြေများတွင်
စုပုံထားကြောင်း၊ သောက်သုံးရေကန်မှ ရေများကိုလည်း လုပ်ငန်းအတွက်
စည်းကမ်းမဲ့စွာ အသုံးပြုနေကြောင်း၊ စွန့်ပစ်ရေများကိုလည်း ဥပဒေနှင့်အညီ
စွန့်ပစ်ခြင်း မရှိသောကြောင့် ဇော်ဂျီမြစ်အတွင်းသို့ စီးဝင်မှုများ
ဖြစ်ပေါ်နေပြီး ဒေသခံများ ခဲဆိပ်သင့်သည့် လက္ခဏာတချို့ တွေ့နေရကြောင်း၊
ပြီးခဲ့သည့် မေလ နှင့် ဇွန်လအတွင်း ကုမ္ပဏီတွင် မီးလောင်မှု (၂)
ကြိမ်ဖြစ်ပွားခဲ့ကြောင်း၊ စမ်းသပ်တူးဖော်ခွင့်ကို မြေစာရင်းဦးစီးဌာနက
သတ်မှတ်ပေးခဲ့သော်လည်း ဒေသခံ ကျေးရွာသားများ၏ သဘောတူညီမှု
ရယူခဲ့ခြင်းမရှိခြင်း၊ လူမှုရေးပြဿာနာ တချို့ ဖြစ်ပွားနေခြင်း တို့ကြောင့်
ဥယျာဉ်ခြံမြေ နှင့် လူမှုဘ၀ ဆုံးရှုံးနိုင်သဖြင့် ရပ်ဆိုင်းသည်အထိ
ဖြစ်စေလိုကြောင်း ဒေသခံ ဓနုတိုင်းရင်းသားများက ပြောသည်။
၂၀၁၂ ခုနှစ် ဇွန်လတွင်
ရှမ်းပြည်နယ် သစ်တောနှင့်သတ္တုဝန်ကြီးဌာန ၀န်ကြီး ဦးစိုင်းအိုက်ပေါင်း
(သိန်နီမြို့နယ် မဲဆန္ဒနယ် အမှတ် ၂ လွှတ်တော် ကိုယ်စားလှယ်၊
ရှမ်းတိုင်းရင်းသားများ ဒီမိုကရက်တစ်ပါတီ) ထံ လိပ်မူ၍ အဆိုပါ စက်ရုံမှ
ထွက်ရှိလာသော ခဲဆိပ် ဓာတ်ငွေ့ကြိတ်ခွဲရာမှ ထွက်ရှိလာသော
ရေဆိုးရေညစ်များနှင့် ကြိတ်ခွဲပြီး ထွက်ရှိလာမည့် စွန့်ပစ်ပစ္စည်းများမှာ
ဒေသခံ ဓနု တိုင်းရင်းသား အများစု ပိုင်ဆိုင်သော အသက်အန္တရာယ်နှင့်
စိုက်ပျိုးမြေဥယျာဉ်ခြံမြေများ ပျက်စီးဆုံးရှုံးနိုင်သဖြင့် သတ္တုကြိတ်ခွဲ
သန့်စင်စက်ရုံအား အရေးယူ တားမြစ်ပိတ်ပင်ပေးပါရန် ဒေသခံကျေးရွာ လူထုမှ
လက်မှတ်ရေးထိုး အသနားခံစာ တင်ပြတိုင်ကြား ခဲ့သော်လည်း ယနေ့အထိ
ပြည်နယ်အစိုးရအဖွဲ့၊ ကလောမြို့နယ် အထွေထွေ အုပ်ချုပ်ရေးဦးစီးဌာနက
အရေးတယူဆောင်ရွက် ပေးခြင်းမရှိကြောင်း၊ ၂၀၁၂ ခုနှစ် ဇူလိုင် ၇ ရက်တွင်
ဘော်ဆိုင်းကျေးရွာအုပ်စု ကျေးရွာအုပ်ချုပ်ရေးအဖွဲ့  ဥက္ကဋ္ဌ ထံ ပုန်းတပ်
ကျေးရွာ ရွာသူရွာသားများ ၏ စုပေါင်းသဘောတူ လက်မှတ်ရေးထိုး၍ သဘာဝ သယံဇာတများ
ထုတ်ယူခြင်းမပြုလုပ်ရန် သက်ဆိုင်သည့်ကုမ္ပဏီများအား
မေတ္တာရပ်ခံပေးရန်ကိုလည်း တစုံတရာ ညှိနှိုင်းဆောင်ရွက်ပေးခြင်း မရှိကြောင်း
ဒေသခံများက ပြောသည်။
၂၀၁၂ ခုနှစ် ဇွန်လ ၂၂ ရက်တွင်
သတ္တုသန့်စင်စက်ရုံ တည်ဆောင်ခြင်းကြောင့် ကျေးရွာလူထုများ ကျန်းမာရေးနှင့်
စိုက်ပျိုး ဥယျာဉ်များ ပျက်စီးဆုံးရှုံးမှုများ ကြုံတွေ့နိုင်သဖြင့်
အမျိုးသားဒီမိုကရေစီအဖွဲ့ ချုပ်ထံ ကူညီတားမြစ်ပေးရန် ကျေးရွာလူထု
လက်မှတ်ရေးထိုး၍ တိုင်ကြားထားကြောင်း သိရပြီး ကလောမြို့နယ်
ပြည်သူ့လွှတ်တော်အမတ် ဒေါက်တာ ဒေါ်သန်းငွေက လွှတ်တော် အစည်းအဝေးတွင် တင်ပြရန်
စီစဉ်နေသည်ဟု ဒေသခံများက ပြောသည်။
တရုတ်လူမျိုးပိုင်
ထိပ်တန်းကြယ်ဆယ်ခုထုတ်လုပ်မှုကုမ္ပဏီလီမိတက် (Top Ten Star Production Co.,
Ltd) ၏ ခဲသတ္တုသန့်စင် အကြီးစားထုတ်လုပ်မှုလုပ်ငန်းသည်
ဘော်ဆိုင်းကျေးရွာအုပ်စု အုပ်ချုပ်ရေးမှူး ဦးအေးကျော်ဝင်း နှင့်ပူးပေါင်း၍
ဒေသခံ ခြံမြေများကို ဈေးနှိမ် ၀ယ်ယူခဲ့ခြင်း၊ ခြိမ်းခြောက်
ဝယ်ယူခဲ့ခြင်းများ ရှိကြောင်း ဒေသခံများက ပြောသည်။ ဘူမိဗေဒလေ့လာရေးနှင့်
ဓာတ်သတ္တု ရှာဖွေရေးဦးစီးဌာန (ဘဓရ) မှ ဦးစီးအရာရှိ ဦးစိုးလွင် သည်လည်း
ကုမ္ပဏီနှင့် အကျိုးတူပူးပေါင်း ဆောင်ရွက်နေသည်ဟုလည်း ပြောဆိုခဲ့သည်။
ထိပ်တန်းကြယ်ဆယ်ခု ထုတ်လုပ်မှု
ကုမ္ပဏီလီမိတက် (Top Ten Star Production Co., Ltd) ကုမ္ပဏီပိုင်ရှင်သည်
မူဆယ်မြို့မှ ဒေါ်လီလီမြင့် ဆိုသူဖြစ်ပြီး ၎င်း၏ အမျိုးသားမှာ F.R.C
ကဒ်ကိုင်ဆောင်ထားသည့် တရုတ်လူမျိုး တစ်ဦးဖြစ်ကြေင်း သိရသည်။ ကုမ္ပဏီတွင်
တရုတ်နိုင်ငံသား အလုပ်သမား (၃၀) ခန့် ရှိပြီး တရုတ်နိုင်ငံသားများသည်
တရားမ၀င် လာရောက် အလုပ် လုပ်ကိုင်သည့် အလုပ်သမားများဟု ယူဆရကြောင်းလည်း
ဒေသခံများက ပြောသည်။
သတင်း၊ ဓာတ်ပုံ ကိုညီဇော်ပေးပို့သည်...။
ထိပ်တန်းကြယ်ဆယ်ခုထုတ်လုပ်မှုကု
ခဲသတ္တုသန့် စင် အကြီးစားထုတ်လုပ်မှုလုပ်ငန်း (ဘော်ဆိုင်း)
ဥယျာဉ်ခြံမြေအား ဖြတ်၍ ကားလမ်းဖောက်
လုပ်ငန်းခွင် သတိထားပါ။
လုပ်ငန်းခွင် တစိတ်တပိုင်း
လုပ်ငန်းခွင်ရှိ စက်ပစ္စည်းများ
တရုတ်စကားပြန်အဖွဲ့ နှင့် ယာဉ်မောင်း
ကျေးရွာလူထုနှင့် အင်န်အယ်လ်ဒီ တွေ့ ဆုံဆွေးနွေးနေစဉ်
0 ကွန်မန့်ရေးရန်:
Post a Comment