သတင်းတိုများ

Inbox

x

လင်းဇော်ထက်	1:33 AM (7 minutes ago)
to mrsorcerer

မြန်မာနိုင်ငံသို့ လေကြောင်းလိုင်းများမှ ခရီးသွားဝင်ရောက်မှုသည် ယခုအခါ တစ်ရက်လျှင် ပျမ်းမျှဦးရေ ၁၅၀၀ အထိရောက်ရှိလာသည်ဟု သတင်းရရှိပါသည်။  မြန်မာနိုင်ငံသို့ ကမ္ဘာလှည့်ခရီးသွားများ ရောက်ရှိမှုသည် လျင်မြန်စွာဖွံ့ဖြိုးလာနေပြီး ယခင်နှစ်များက လေကြောင်းလိုင်းဖြင့် ခရီးသွားရောက်ရှိမှုသည် တစ်ရက်လျှင် ပျမ်းမျှဦးရေ ၆၀၀ မှ ၇၀၀ ကြားသာရှိခဲ့ရာမှ ယခုအခါ ဦးရေ ၁၅၀၀ အထိ တိုးမြင့်လာကြောင်း ဟိုတယ်နှင့်ခရီးသွားလာရေးလုပ်ငန်းဝန်ကြီးဌာန ပြည်ထောင်စုဝန်ကြီးဦးတင့်ဆန်းက ၂၀၁၂ ခုနှစ် မေလဒုတိယပတ်အတွင်းက စင်ကာပူနိုင်ငံမှ စီးပွားရေးလုပ်ငန်းရှင်အဖွဲ့နှင့်တွေ့ဆုံရာတွင် ပြောကြားခဲ့သည်။  မြန်မာနိုင်ငံတွင် နိုင်ငံတကာမှ ခရီးသွားများဝင်ရောက်ရာ၌ ရန်ကုန်ဝင်ပေါက်၊ နေပြည်တော်၊ မန္တလေးနှင့် ညောင်ဦးဝင်ပေါက်၊ နယ်စပ်ဝင်ပေါက်တို့မှ ၀င်ရောက်ပြီး လေဆိပ်ဝင်ပေါက်များသည် ရန်ကုန်၊ နေပြည်တော်၊ မန္တလေး၊ ညောင်ဦးတို့တွင် တည်ရှိနေကြသည်။  ၂၀၁၁ ခုနှစ်တစ်နှစ်တာအတွင်း ရန်ကုန်ဝင်ပေါက်မှ ခရီးသွားဦးရေ ၃၆၄၇၄၃ ဦးဝင်ရောက်ခဲ့ပြီး နေပြည်တော်၊ မန္တလေးနှင့် ညောင်ဦးဝင်ပေါက်တို့မှ ခရီးသွားဦးရေစုစုပေါင်း ၂၆၄၃၃ ဦးဝင်ရောက်ခဲ့သည်ဟု ဟိုတယ်နှင့် ခရီးသွားလာရေးလုပ်ငန်းဝန်ကြီးဌာနမှ သိရှိရသည်။
----------------------------------------------------------------------------------------------------------------------------------------------------------------------------------------------------------------
ရန်ကုန်ဆိပ်ကမ်းရွာသစ်ချောင်းမှ စဥ့်အိုးတန်းအထိ ကမ်းနားဒေသတစ်လျှောက်အား နိုင်ငံတကာအဆင့်မီ ပြည်တွင်းခရီးသွားဆိပ်ကမ်းများအဖြစ် ပြုပြင်ပြောင်းလဲတည်ဆောက်သွားမည်ဖြစ်ကြောင်း မြန်မာ့ဆိပ်ကမ်းအာဏာပိုင်မှ ထုတ်ပြန်သောသတင်းအချက်အလက်များအရ သိရှိရသည်။  သို့ဖြစ်၍ ရန်ကုန်ဆိပ်ကမ်း ရွာသစ်ချောင်းမှ စဥ့်အိုးတန်းအထိ ကမ်းနားဒေသတစ်လျှောက်အား မြစ်ဝကျွန်းပေါ်ဒေသနှင့် ရန်ကုန်တစ်ဖက်ကမ်းရှိ ခရီးသွားများ သွားလာမှုအဆင်ပြေစေရေးနှင့် ကုန်စည်စီးဆင်းမှုချောမွေ့စေရေးအတွက် မြစ်ဝကျွန်းပေါ်နှင့် အညာဒေသသွား ရေယာဉ်များ၊ ကူးတို့ရေယာဉ်များ၊ ပုဂ္ဂလိကရေယာဉ်များ၊ ပြည်တွင်းရေကြောင်းပို့ဆောင်ရေးမှရေယာဉ်များ၊ ကမ်းရိုးတန်းသွားစက်လှေအသင်းမှ ရေယာဉ်များ ဆိုက်ကပ်ရန် တံတားနေရာများအဖြစ် ဆက်လက်ထားရှိမည်ဖြစ်သည်ဟု သိရသည်။  ''အခုရန်ကုန်ဆိပ်ကမ်းရွာသစ်ချောင်းကနေ စဥ့်အိုးတန်းအထိ ကမ်းနားဒေသတစ်ခုလုံးက ဆိပ်ခံတံတားတွေကို ဖျက်သိမ်းသွားမှာ မဟုတ်ပါဘူး။ ခေတ်မီလှပတဲ့ အဆောက်အဦတွေပါဝင်တဲ့နိုင်ငံတကာအဆင့်မီ ပြည်တွင်းခရီးသွား ဆိပ်ကမ်းတည်ဆောက်သွားမှာပါ''ဟု မြန်မာ့ဆိပ်ကမ်းအာဏာပိုင်မှ တာဝန်ရှိသူတစ်ဦးက ပြောပြခဲ့သည်။
--------------------------------------------------------------------------------------------------------------------------------------------------------------------------------------------------------------
၂၀၁၄ ခုနှစ်တွင် စီမံကိန်လုပ်ငန်းများ ပြီးစီးရန် လျာထားသည့် ကုလားတန်မြစ်ကြောင်းဘက်စုံသုံး ဖြတ်သန်းသယ်ယူပို့ဆောင်ရေးစီမံကိန်းလုပ်ငန်းများမှာ ၂၀၁၆ ခုနှစ်တွင်မှ ပြီးဆုံးနိုင်တော့မည်ဟု သတင်းရရှိသည်။  ယင်းသို့ စီမံကိန်းပြီးစီးမည့် ကာလရွေ့ဆိုင်းသွားရခြင်းမှာ ကုလားတန်မြစ်ကြောင်းဘက်စုံသုံး ဖြတ်သန်းသယ်ယူပို့ဆောင်ရေးစီမံကိန်းတွင် လုပ်ငန်းစဉ်တစ်ခုဖြစ်သည့် ပလက်ဝမှ ကလက်ဝ အထိ ရေလမ်းကြောင်းပြုပြင်မည့်အစား မော်တော်ကားလမ်းဖောက်လုပ်ရန် ပြောင်းလဲစီစဉ်လိုက်ခြင်းကြောင့်ဖြစ်ကြောင်း သိရသည်။  ''အိန္ဒိယဘက်က မူလအဆိုပြုထားတဲ့ ပလက်ဝ ကနေ ကလက်ဝ အထိ ရေလမ်းကြောင်းပြုပြင်မယ့်အစား သဘာဝပတ်ဝန်းကျင်ထိခိုက်မှု အနည်းဆုံးဖြစ်အောင် မော်တော်ကားလမ်း ဖောက်လုပ်သွားမှာဖြစ်ပါတယ်။ ဒါကြောင့်မို့ လမ်းပိုင်း လုပ်ငန်းတွေ ဆောင်ရွက်ရမှာဖြစ်လို့ စီမံကိန်းအပြီးသတ်ကာလက နောက်ကို ရွေ့ဆိုင်းသွားရတာဖြစ်ပါတယ်''ဟု ကုလားတန်စီမံကိန်းလုပ်ငန်းအထောက်အကူပြုကော်မတီ ဥက္ကဋ္ဌဦးကျော်မြင့်က ပြောကြားခဲ့သည်။
---------------------------------------------------------------------------------------------------------------------------------------------------------------------------------------------------------------
အမေရိကန်နိုင်ငံ၏ မြန်မာနိုင်ငံအပေါ်တွင် စီးပွားရေးပိတ်ဆို့မှုကို ဆိုင်းငံ့လိုက်သောကြောင့် အမေရိကန် စီးပွားရေးလုပ်ငန်းရှင်များ၊ ဘဏ်လုပ်ငန်းအပါအ၀င် ငွေကြေးဝန်ဆောင်မှုလုပ်ငန်းများ၌ ရင်းနှီးမြှုပ်နှံရန် စတင်ဆောင်ရွက်နေပြီဟု သိရှိရသည်။  ''အခုအမေရိကန်က စီးပွားရေးပိတ်ဆို့မှုကို တစ်နှစ်ဆိုင်းငံ့တယ်လို့ ပြောပေမယ့် လွတ်လွတ်လပ်လပ် လုပ်လို့ရတဲ့ အနေအထားတစ်ခုကို ရောက်သွားပါပြီ။ ဒေါ်လာလွှဲပြောင်းမှုတွေအားလုံးကို ဘာပြဿနာမှ မရှိဘဲ အကုန်လုပ်လို့ရသွားတဲ့သဘောပါ။ LC (Letter of Credit) လည်း ဖွင့်လို့ရပါပြီ။ လောလောဆယ် ပြည်တွင်းမှာရှိနေတဲ့ AD (Authorized Dealer) လို လိုင်စင်ရဘဏ်တွေက နိုင်ငံခြားဘဏ်လုပ်ငန်းတွေနဲ့ ချိတ်ဆက်ပြီးတော့ လွတ်လွတ်လပ်လပ် လုပ်လို့ ရနေပြီ။ အခုတလောပဲ လုပ် ငန်းသုံးခုလောက်လာပြီး ဆွေးနွေးကြတယ်။ အဲဒီအထဲမှာ ဘီလျံနာတွေလည်းပါတယ်။ ပြီးတော့ အမေရိကန်စီးပွားရေးကိုယ်စားလှယ်အဖွဲ့တွေလည်း လာတော့မယ်။ သူတို့အားလုံး ၀င်ချလာပြီဆိုတော့ ဘဏ်လုပ်ငန်းတွေ ငွေကြေးဝန်ဆောင်မှုလုပ်ငန်းတွေက မူဝါဒ မှန်ကန်စွာချမှတ်ပြီးလုပ်မယ်ဆိုရင် မြန်မာနိုင်ငံမှာရှိတဲ့ ဘဏ်လုပ်ငန်းတွေရော ၀န်ဆောင်မှုလုပ်ငန်းတွေ တော်တော်များများ အရှိန်အဟုန်နဲ့ တိုးတက်သွားနိုင်ပါတယ်''ဟု ကမ္ဘောဇဘဏ် ဒုတိယ ဥက္ကဋ္ဌ ဦးသန်းလွင်က ပြောပြခဲ့သည်။
--------------------------------------------------------------------------------------------------------------------------------------------------------------------------------------------------------------------
မြန်မာနိုင်ငံတွင် အိမ်ခြံမြေဈေးနှုန်းများ အဆမတန်မြင့်တက်နေမှုက ပြည်ပရင်းနှီးမြှုပ်နှံမှုကို အဟန့်အတား ဖြစ်စေကြောင်း စီးပွားရေးပညာရှင်များက သုံးသပ်ကြသည်။  ထို့ပြင် လာမည့်သြဂုတ်လတွင် သက်တမ်းပြည့်မည့် ၁၅ ရာခိုင်နှုန်း အခွန်စနစ်ဆက်လက်ကျင့်သုံးခြင်း ရှိ၊ မရှိ အပေါ်တွင် မူတည်ပြီး အိမ်ခြံမြေ ဈေးကွက်အပြောင်းအလဲ ထပ်မံဖြစ်ပေါ်လာနိုင်ကြောင်းလည်း သုံးသပ်မှုများရှိနေသည်။  ''အိမ်ခြံမြေပိုင်ဆိုင်မှုနဲ့ ပတ်သက်လို့ရှိရင် အစိုးရအနေနဲ့ အခွန်ကောက်သင့်တယ်လုိ့မြင်တယ်။ ဥပမာ အိမ်ခြံမြေပိုင်ဆိုင်မှုနဲ့ပတ်သက်ပြီး အိမ်တစ်လုံးပိုင်တဲ့အနေအထားကနေ နောက်ထပ်အိမ်တစ်လုံး ဖြစ်လာပြီဆိုရင် ဒီအပေါ်မှာ အခွန်တိုးပြီး ကောက်သင့်တယ်။ နောက်ပြီး တန်ဖိုးအရလည်း property tax ကို ကောက်သင့်တယ်လို့မြင်တယ်။ အဲဒါဆို အိမ်ခြံမြေဈေးကွက်မှာ အမြတ်ရလိုမှုနဲ့ ၀င်ရောက်မြှုပ်နှံတာမျိုးကို ကာကွယ်ပြီးသား ဖြစ်သွားမယ်''ဟု စီးပွားရေးပညာရှင် ပါမောက္ခဦးမော်သန်းက ပြောကြားခဲ့သည်။
-------------------------------------------------------------------------------------------------------------------------------------------------------------------------------------------------------------------------
နိုင်ငံခြားရင်းနှီးမြှုပ်နှံမှု ဥပဒေသစ် ပြဋ္ဌာန်းနိုင်ခြင်း မရှိသေး၍ မြန်မာနိုင်ငံသို့ လာရောက်ရင်းနှီးမြှုပ်နှံရန် စိတ်ဝင်စားသည့်စီးပွားရေးလုပ်ငန်းရှင်များမှာ ရင်းနှီးမြှုပ်နှံမှုအပိုင်းနှင့် ပတ်သက်၍ ဆွေးနွေးမေးမြန်းမှုများသာ များပြားနေပြီး ၀င်ရောက်ရင်းနှီးမြှုပ်နှံမှုမှာ နည်းပါးနေသေးကြောင်း သိရသည်။ မြန်မာနိုင်ငံသို့ လာရောက်ကြသည့် ပြည်ပမှစီးပွားရေးလုပ်ငန်း ရှင်များကို နိုင်ငံခြားရင်းနှီးမြှုပ်နှံမှုဥပဒေသစ် မထွက်ရှိသေးသဖြင့် နိုင်ငံခြားရင်းနှီးမြှုပ်နှံမှုနှင့်စပ်လျဉ်းသည့် အမိန့်ကြော်ငြာစာများဖြင့်သာ ရှင်းလင်းဆွေးနွေးမှုပြုနေရကြောင်း သိရှိရသည်။  ''နိုင်ငံခြားရင်းနှီးမြှုပ်နှံမှုနဲ့ ပတ်သက်ပြီး နိုင်ငံအတော်များများ လာကြတယ်။ ဒါပေမယ့် လာကြည့်တဲ့ သဘောပဲရှိသေးတယ်။ ဘာမှလုပ်လို့မရသေးဘူး။ မြန်မာလုပ်ငန်းရှင်တွေဘက်ကလည်း ဘာမှလုပ်လို့ မရသလို နိုင်ငံခြားရင်းနှီးမြှုပ်နှံသူတွေဘက်ကလည်း ဘာမှလုပ်လို့ မရဘူး။ နိုင်ငံခြားရင်းနှီးမြှုပ်နှံမှုဥပဒေ မရှိဘဲလုပ်ရင် အမှားအယွင်းတွေ အများကြီးဖြစ်နိုင်တဲ့အတွက် ဘယ်သူမှ စိတ်မ၀င်စားဘူး။ ကြည့်သွားတာပဲရှိတယ်။ အထူးသဖြင့် ခိုင်မာတဲ့ စီးပွားရေးအဖွဲ့အစည်းဖြစ်လေ ဥပဒေကို ပိုကြည့်လေပဲ''ဟု မြန်မာနိုင်ငံ ကဏန်းလုပ်ငန်းရှင်များအသင်းဥက္ကဋ္ဌက ဆိုသည်။ EMG
---------------------------------------------------------------------------------------------------------------------------------------------------------------------------------------------------------------------------

Posted in: