Sunday, April 29, 2012

ဘုရားကျောင်းပြင်ရန်ဟုဆိုကာ ရွာသားလေးဦးအား KIO မှခေါ်ဆောင်သွား

5:26 PM  Latha Mobile 0945 000 1727  No comments


  • By ya wai
  • Postado Saturday, April 28, 2012 at 10:14 PM
ယမန်နေ့ နေ့လည် ၂ နာရီခန့်က မိုးကောင်းမြို့နယ် လွဲလော်ကျေးရွာ အရှေ့တောင်ဘက် ငါးမိုင်အကွာရှိတောထဲတွင် ထင်းခုတ်နေသော ရွာသားလေးဦးကို ဘုရားကျောင်းပြုပြင်ရန်ဟုဆိုကာ KIO စစ်သားများက ခေါ်ဆောင်သွားသည်။

မိုးရာသီမရောက်မီ KIO စခန်းရှိ ဆားမော်ဆွတ်လျန် ဘုရားကျောင်းကိုပြုပြင်ရန်လိုအပ်သော သစ်များခုတ်ယူခိုင်းစေရန် နွားလှည်းသုံးစီးနှင့်အတူ လွဲလောရွာသားသုံးဦးနှင့် လွဲဆန်ရွာသားတစ်ဦးတို့ကို ခေါ်ယူသွားခဲ့ပြီး ဘုရားကျောင်းပြုပြင်ပြီးလျှင် ပြန်လွှတ်ပေးမည်ဟုဆိုသည်ဟု လွဲလော ရွာသားတစ်ဦးကပြောသည်။

“ ကျွန်တော့်ကိုလည်းခေါ်တယ်။ ကျွန်တော့်မှာက ကလေးတွေမိသားစုတွေလည်းပါတယ်ဆိုတော့ ကျန်တဲ့ လေးယောက်ကို ခေါ်သွားတယ်။ နှစ်ရက်လောက်ပဲကြာမယ်လို့တော့ပြောတယ် ” ဟု ထင်းသွားခုတ်ခဲ့သည့် လွဲလော်ရွာသားတစ်ဦးကပြောသည်။

ပြီးခဲ့သောမတ်လက လွဲလောရွာသား အသက်နှစ်ဆယ်ဝန်းကျင်ရှိ ထွန်းမြန်ကို KIO မှ တပ်သားသစ်စုဆောင်ရန်ဟုဆိုကာ ခေါ်ဆောင်သွားခဲ့သည်။

ယခုခေါ်ဆောင်သွားသောရွာသားများကိုမူ ပြန်လွှတ်ပေးလိမ့်ဟု မျှော်လင့်ရကြောင်း လွဲလော ရွာသားများကပြောသည်။

“ ငယ်တဲ့သူတွေကိုတော့ စစ်သားစုဆောင်းတယ်ဆိုပြီး ပြန်မလွှတ်တော့ဘူး။ အခုပါသွားတဲ့သူတွေက အသက်ကြီးပြီဆိုတော့ ပြန်လွှတ်ပေးလိမ့်မယ်လို့ မျှော်လင့်ရပါတယ် ” ဟု လွဲလောရွာသားတစ်ဦး ကပြောသည်။         ။

YPI မှ ဖြစ်သည်။

Posted in:

0 ကွန်မန့်ရေးရန်:

Post a Comment