ရှင်ဥာဏ ပြောတဲ့ ကာမေသုဆိုတာ... ....................

By Ko Navana
 

 မြန်မာ့ထုံးတမ်းစဉ်လာမှာ ကာမပိုင်ယောက်ျား၊ ကာမပိုင်မိန်းမ ဆိုတဲ့ ယဉ်ကျေးမှု ရှိတယ်..။ ဘူးကောင်းရင် စင်ခံ၊ လင်ကောင်းရင် စံ ဆိုတဲ့ ဆိုရိုးလည်း ရှိတယ်..။ လင်ဆိုးမယားတဖားဖား ဆိုတဲ့ စကားလည်းရှိတယ်..။


ကာမပိုင်ဆိုတာ.. လင်က မယားရဲ့  ကာမကို သူပိုင်တယ်လို့ သတ်မှတ်တာဖြစ်သလို.. မယားကလည်း လင်ရဲ့  ကာမကို သူပဲပိုင်တယ်လို့ မူပိုင်ပြုလိုက်တာပဲ..။

အဲ့ဒါကို ရှင်ဥာဏ (အများအခေါ်မိုးပြာဆရာတော်) က..
'' ကိုယ့်ကာမ ကိုယ်သာပိုင်တယ်.. လင်က မယားရဲ့  ကာမကို မပိုင်သလို.. မယားကလည်း လင်ရဲ့ ကာမကို မပိုင်ဘူး '' လို့ ဂရုဓမ္မသီလဆိုင်ရာ ကာမေသုဖွင့်ဆိုချက်အဖြစ် ပြောလိုက်တယ်..။


အဲ့ဒီမှာ.. '' ကိုယ့်ကာမကိုယ်ပိုင်လို့ လင်ရှိမယားဖြစ်ပစေ.. ကိုယ့်လင်မဟုတ်တဲ့ တခြားယောကျာ်းကိုလည်း ကိုယ့်ကာမကို ပေးခွင့်ရှိတယ် လို့ ရှင်ဥာဏက ပြောသတဲ့ '' ဆိုတဲ့ စွပ်စွဲချက်က ကျယ်ကျယ်လောင်လောင် ထွက်ပေါ်လာခဲ့တယ်..။

အဲ့ဒီစွပ်စွဲချက်ဟာ တကယ်တော့.. ရှင်ဥာဏရဲ့  ကာမေသုဖွင့်ဆိုချက်ကို နားလည်မှု လွဲတာ (သို့) အပုပ်ချချင်တာကနေ ထွက်ပေါ်လာတာပဲ..။

တကယ့်လက်တွေ့မှာ ကာမပိုင်ယောက်ျား ဆိုတဲ့သူက.. '' ငါ့မိန်းမ ကာမကို ငါပိုင်တယ်ကွ.. ငါကြိုက်တဲ့အချိန် ငါပိုင်ပစ္စည်းငါကြိုက်သလို လုပ်ခွင့်ရှိတယ်.. ငါ့မိန်းမသဘောတူတူ၊မတူတူ ငါကြိုက်သလိုလုပ်မယ်'' ဆိုပြီး လုပ်ခွင့်မှ မရှိဘဲ..။

ကိုယ့်မိန်းမ ဖြစ်ပစေ ကာမကို ကာယကံရှင်သဘောမတူဘဲ ဇွတ်အတင်းရယူရင်
" မုဒိန်းမှု'' မြောက်တယ်ဆိုမှတော့.. သူ့ကာမကိုယ်မပိုင်ဘဲ.. သူ့ကာမသူပဲပိုင်တယ်ဆိုတာ.. ထင်ရှားပါတယ်..။

အဲ့ဒီမှာ ကိုယ့်ကာမကိုယ်ပိုင်တယ်ဆိုရင် ကိုယ်ကြိုက်တဲ့သူကို ပေးခွင့်ရော ရှိကုန်မှာပေါ့ ဆိုတဲ့ တွေးစရာ ရှိလာတယ်..။

အိမ်ထောင်ရေးဆိုတာ.. လင်နဲ့မယားကြား အပြန်အလှန် ကတိထားတာပဲ..။
ဘယ်လိုကတိထားတာလည်း ဆိုတော့..
'' ကိုယ့်ကာမကို ပေးချင်ရင် ကိုယ့်မိန်းမ/ကိုယ့်ယောက်ျားကလွဲလို့ တခြားလူမပေးပါဘူး'' လို့ ကတိသစ္စာပြုထားတာပဲ..။

ဒါကြောင့်.. ကိုယ့်ကာမကိုယ်သာပိုင်ပေမယ့်.. ကိုယ့်ကာမကို ပေးချင်ရင်.. ကိုယ့်အိမ်ထောင်ဖက်ကလွဲလို့ တခြားလူ ပေးခွင့်မရှိပါဘူး..။ ပေးရင် အိမ်ထောင်ရေးကတိသစ္စာပျက်ယွင်းသူ၊ ဖောက်ပြန်သူ၊ ကာမေသုကို ချိုးဖောက်သူပါပဲ..။

ဒီလောက်ဆိုရင်.. ရှင်ဥာဏ ပြောတဲ့ '' ကိုယ့်ကာမကိုယ်သာပိုင်တယ်'' ဆိုတဲ့ ဖွင့်ဆိုချက်ကို အများသူငါ ဟိုးလေးတကြော် နားလည်မှု လွဲနေတာတွေ ရှင်းသွားမယ်လို့ ထင်ပါတယ်..။

တဆက်တည်း ကာမ နဲ့ ဆိုင်တာလေး နည်းနည်းလောက် ကြုံတုံး ထပ်ရှင်းပါ့မယ်..။ ကာမဂုဏ်အာရုံဆိုတာ အများသူငါ သိပ်ထင်သာမြင်သာဖြစ်လွန်းနေတဲ့ လိင်ကိစ္စတစ်ခုထဲ မဟုတ်ပါဘူး..။ မျက်စိနားနှာလျှာကိုယ်စိတ် စတဲ့ အာရုံခံအင်္ဂါတွေနဲ့ ဆက်စပ်နေတဲ့ အဆင်း၊အသံ၊အနံ့၊အရသာ၊အထိအတွေ့၊သဘောတရား အစစ တွေကို ဆိုလိုတာပါ..။

ဒါကြောင့်..
သူနားမထောင်ချင်တာကို ဇွတ်ပြောတာ
သူမကြည့်ချင်တာကို ဇွတ်ပြတာ
သူမစားချင်တာကို ဇွတ်ကျွေးတာ
သူမကြိုက်တဲ့ရနံ့ကို ဇွတ်ရှုခိုင်းတာ
သူမကြိုက်တဲ့အထိအတွေ့ကို ဇွတ်ပေးတာ
သူမနှစ်သက်တဲ့သဘောတရားကို ဇွတ်ရိုက်သွင်းတာ.. အစစတွေဟာ နားမုဒိန်းကျင့်တာ၊ မျက်စိမုဒိန်းကျင့်တာ၊ နှာခေါင်းမုဒိန်းကျင့်တာ၊ သဘောတရားမုဒိန်းကျင့်တာ တွေဖြစ်ပြီး သူ့ကာမကို ကိုယ့်ကာမလို သဘောထား၊ ကိုယ်ပိုင်လို့ပြုမှု တာမို့ ကာမေသု သီလချိုးဖောက်ရာ ရောက်ပါတယ်..။

အဲ့ဒီသီလပျက်တော့ ဘာဖြစ်တုံးဆိုတော့.. လင်မယားကြား ငြိမ်းချမ်းရေးပျက်တာပဲ..။ ဓလေ့ထုံးတမ်းသင်ကြားချက်တွေကြောင့်သာ ကြိတ်မှိတ်မျိုသိပ် အောင့်အီးသည်းခံ၊ ၀ဋ်လို့ပုံချမှတ်ယူ နေကြပေမယ့်.. '' လင်ဆိုးမယား တဖားဖား '' ဆိုတာ ကောင်းမွန်တဲ့အိမ်ထောင်ရေး ပုံစံမှ မဟုတ်ဘဲ..။

ကဲ.. ကာမေသုနဲ့ပတ်သက်ပြီး ရှင်ဥာဏ ဘယ်နေရာမှာ ဘယ်လိုပြောခဲ့တယ်ဆိုတာလေးပါ... သက်သေအဖြစ်နဲ့ မျှဝေလိုက်ပါရစေ..။ ဖတ်ရှုလေ့လာ ဝေဖန်ဆင်ခြင်နိုင်ကြပါစေ..။
................

မန္တလေး ပုသိမ်ကြီး ပုဏ္ဏားကုန်းရွာ မိုးပြာကျောင်း၌ မင်္ဂလာဆွမ်းကပ်လာသော တပည့်ဇနီးမောင်နှံအား ရှင်ဥာဏပြောသော ရန်မဖြစ်နည်းစကား........

''မင်းတို့နှစ်ယောက် ယူလိုက်ကြပြီလား''
''တင်ပါ ဘုရား''
''ဘယ်တုန်းကလဲ''
''၀ါဆိုဦးကပါ''
''လက်ထပ်ပွဲရော ကျင်းပပြီးပြီလား''
''ပြေးလာနေကြတာပါ''
''အခု ဘယ်နေကြလဲ''
''မြို့သစ် ဘကြီးအိမ်မှာပါ''
''အခု ဘာလာလုပ်ကြတာလဲ''
''မင်္ဂလာဆွမ်း လာကပ်ကြတာပါ''
''အေးဦသည်လိုဆို ဆွမ်းစားပြီးမှ ငါက မင်္ဂလာစကား ပြောပေးရ
မယ်။ နားထောင်ကြမလား''
''နားထောင်မှာပေါ့ ဘုရား''
''ငါ့အတွက် ဆွမ်းပြင်ကြ''
''အသင့်ပါ ဘုရား''
''ငါပြီးတော့ မင်းတို့စားကြ။ ငါ့ကျောင်းမှာ ဘယ်သူမှမရှိဘူး။
မင်းတို့စားပြီး ဆေးကြောသုတ်သင်တာလည်း မင်းတို့ပဲလုပ်ကြ။ ပြီးလျင်
တရားနာကြမယ်''
''ကောင်းပါပြီ ဘုရား''

(အားလုံးပြီးသောအခါ)
''တပည့်တော်တို့ကို မင်္ဂလာဦးအဆုံးအမစကား ပေးနိုင်ပါပြီ
ဘုရား''
''အေး''
''တပည့်တော်တို့က ဘာလုပ်ရမလဲ ဘုရား''
''ဘာမှမလုပ်ရဘူး။ သက်သာသလို အဲသည်ထိုင်ခုံတွေပေါ်မှာပဲ
ထိုင်ပြီး နားထောင်ကြ''
''ကောင်းပါပြီ ဘုရား''
''မင်းတို့ကို ငါ-သြ၀ါဒမပြောခင်မှာ မေးရဦးမယ်''
''မေးပါ ဘုရား''
''မင်းတို့ လင်မယားအဖြစ် ပေါင်းသင်းဖို့ မိဘအိမ်က သဘောတူ
ထွက်လာပြီး နေကြတာ ဘယ်လောက်ကြာသွားပြီလဲ''
''နှစ်လနဲ့ ငါးရက်ပါ ဘုရား''
''ရုံးမှာ လက်မှတ်ထိုးပြီးရောပေါ့နော်''
''ဟုတ်ပါတယ် ဘုရား''
''ရုံးမှာ လင်မယားအဖြစ် လက်မှတ်ထိုးပြီးတာဟာ လင်မယား
အဖြစ်နေတာ မြောက်တာပါပဲ၊ မင်္ဂလာဆောင်ပွဲရော ကျင်းပဦးမှာလား''
''သီတင်းကျွတ်မှ မိဘအိမ်ပြန်ပြီး ကျင်းပမှာပါ ဘုရား''

''ဘယ်မိဘကမှ မကန့်ကွက်ဘူး မဟုတ်လား''
''မကန့်ကွက်ပါဘူး ဘုရား''
''နောက်ထပ်မေးခွန်းတစ်ခု ထပ်မေးရဦးမယ်''
''မေးပါ ဘုရား''
''မင်းတို့နှစ်ဦး လင်မယားအဖြစ်ရောက်ပြီးမှ ရန်ဖြစ်ဖူးကြပြီလား''
''ဖြစ်ဖူးပါပြီ ဘုရား''
''ဘယ်နှစ်ကြိမ် ဖြစ်ပြီးပြီလဲ''
''နှစ်ကြိမ်ပါ ဘုရား''
''ရယူပြီးကြတာက ဘယ်လောက်ကြာပြီလဲ''
''နှစ်လကျော်ပါ ဘုရား''
''နှစ်လကျော်မှာ နှစ်ခါရန်ဖြစ်ပြီးနေပြီနော် ဟုတ်လား''
''ဟုတ်ပါတယ် ဘုရား''
''နှစ်လကျော်မှာ နှစ်ခါဆိုတော့ တစ်ဆအချိန်ဖြစ်တဲ့ လေးလ
ကျော်မှာ လေးခါဖြစ်မယ်နော်''
''ဟုတ်ပါတယ်''
''ဒါ ရိုးရိုးတွက်နဲ့ တွက်တာ''
''ဟုတ်ပါတယ်''
''သည်ထက် စေ့စေ့ကလေးတွက်လျင် သည်လိုဖြစ်မှာ မဟုတ်
ဘူး''
''ဘယ်လိုဖြစ်မှာလဲ ဘုရား''
''ပဌမနှစ်လမှာ နှစ်ကြိမ်ဆိုလျင် နောက်နှစ်လထပ်ပေါင်းလို့ လေး
လဖြစ်လျင် လေးခါမလာတော့ဘူး။ ခြောက်ခါဆိုတာမျိုး တိုးလာလိမ့်
မယ်''

''ဘာဖြစ်လို့လဲ ဘုရား''
''အကြောင်းအမျိုးမျိုးကြောင့်ပဲ။ အကြောင်းတွေထားတော့''
''တင်ပါ ဘုရား''
''နောက်ဆိုလျင် တစ်ရက်ခြား နှစ်ရက်ခြား လေးငါးရက်ခြားတွေ
ရန်ဖြစ်စရာရှိတယ်''
''တင်ပါ ဘုရား''
''လင်မယားဘ၀မှာ ရန်ဖြစ်လျင်တော့ လင်မယားဘ၀ တည်
ဆောက်ရတဲ့ ရည်ရွယ်ချက် အောင်မြင်မှာ မဟုတ်ဘူး''
''တင်ပါ ဘုရား''
''လင်မယားဟာ ပျော်ရွှင်ချမ်းမြေ့ချင်လို့ တည်ဆောက်တာ မ
ဟုတ်လား''
''ဟုတ်ပါတယ် ဘုရား''

''ရန်ဖြစ်နေလျင် လင်မယားဘ၀ဟာ ဆင်းရဲတွင်းထဲ လက်တွဲခုန်
ချသလို ဖြစ်မှာပဲ''
''ဘာဖြစ်လို့ ဆင်းရဲမှာလဲ ဘုရား''
''လူဟာ ရန်ဖြစ်လျင် တစ်ဦးရဲ့ဂုဏ်သိက္ခာကို တစ်ဦးက လျော့
ကြည့်တတ်တယ် မဟုတ်လား''
''ဟုတ်ပါတယ်''
''ကိုယ့်ချစ်သူက ဂုဏ်သိက္ခာမဲ့လာလျင် အပြစ်တွေ ပိုမြင်လာတာ
ဟာ ဓမ္မတာပဲ''
''ဟုတ်ပါတယ်''
''နောက်ဆုံးမှာ အတူနေဖို့ ရည်ရွယ်ချက်တွေ မှေးမှိန်လာမယ်''
''ဟုတ်ပါတယ်''
''သည်လိုဖြစ်လျင် အဲသည်လင်မယားဟာ စီးပွားမဖြစ်နိုင်တော့
ဘူး''
''ဘာပြုလို့လဲ ဘုရား''
''စီးပွားဖြစ်တယ်ဆိုတာ တစ်ဦးကိုတစ်ဦး သိပ်ချစ်ကြမှ''
''ဘယ်လို ပတ်သက်သလဲ ဘုရား''
''ချစ်တာနဲ့ စီးပွားဖြစ်တာ ပတ်သက်တယ်''
''ဘယ်လိုလဲ ဘုရား''
''ယောက်ျားလုပ်သူဟာ သူ့မှာ ချစ်သူရှိထားလျင် သူ့အတွက်သာ
မကဘဲ သူ့ချစ်သူအတွက်ပါ အလုပ်တွေ ပိုလုပ်လာတယ်''
''တင်ပါ ဘုရား''
''မိန်းမလုပ်သူကလည်း သည်လိုပဲ။ ကိုယ့်ချစ်သူ ယောက်ျားသက်
သာစေချင်လို့ ကိုယ်က အလုပ်တွေ ကျုံးလုပ်လာတယ်''
''တင်ပါ ဘုရား''
''ချစ်မှ စေတနာတွေ ပေါ်တာ''
''ဟုတ်ပါတယ် ဘုရား''
''မချစ်လျင် စေတနာမပေါ်ဘူး''
''ဟုတ်ပါတယ် ဘုရား''
''စေတနာပေါ်မှ အလုပ်တွေကို တစ်ဆတိုးလုပ်ကြတာ''
''ဟုတ်ပါတယ် ဘုရား''
''တစ်ဆတိုးပြီး နှစ်ဦးလုံးဟာ လုပ်ကြတော့ လုပ်အားက လေး
ယောက်စာ။ သည်လိုမဖြစ်ဘူးလား''
''ဖြစ်ပါတယ် ဘုရား''
''အသုံးမှာက နှစ်ယောက်ထဲ မဟုတ်လား''
''ဟုတ်ပါတယ် ဘုရား''
''သည်တော့ နှစ်ယောက်လုပ်အား မပိုဘူးလား''
''ပိုပါတယ် ဘုရား''
''သည်ပိုတာတွေ စုလိုက်တော့ လင်မယားဘ၀ လိုအပ်သမျှတွေ
အောင်မြင်ပြီး ချမ်းသာကြမှာပေါ့''
''ဟုတ်ပါတယ်''
''တစ်ယောက်နဲ့တစ်ယောက် မချစ်လျင် ဒါတွေရဲ့ပြောင်းပြန် အ
ဖြစ်တွေ ဖြစ်လာမယ်''
''ဘယ်လိုဖြစ်မှာလဲ ဘုရား''
''သူ့ကို ကိုယ်ကမချစ်တော့ သူ့တာဝန် မယူချင်ရုံမကဘူး ကိုယ့်
တာဝန်ကို သူ့အပေါ် ပုံထားချင်လာတယ်''
''ဟုတ်မှာပါ ဘုရား''
''တစ်ဘက်သူကလည်း သည်လိုပဲဖြစ်လာမယ်''
''ဟုတ်မှာပါ ဘုရား''
''သည်တော့ နှစ်ယောက်လုပ်အားဟာ တစ်ယောက်စာလောက်
ပဲ ဖြစ်လာမယ် မဟုတ်လား''
''ဟုတ်ပါတယ်''
''ဒါဆိုလျင် တစ်ယောက်လုပ်အား နှစ်ယောက်စားသုံးသလို ဖြစ်
ပြီပေါ့''
''ဟုတ်ပါတယ်''
''စီးပွားရေး ဖြစ်ပါတော့မလား''
''မဖြစ်တော့ပါဘူး''
''အချစ်ရေးပျက်လို့ စီးပွားမဖြစ်၊ စီးပွားကြပ်တည်းလို့ အချစ်ရေး
မသာယာ သည်လိုမဖြစ်ပေဘူးလား''
''ဖြစ်မှာပါ ဘုရား''
''ဒါဆို ဒုက္ခတွင်းထဲ လက်တွဲပြီးဆင်းတာ မဖြစ်ဘူးလား''
''ဖြစ်ပါတယ်''

''ဒါ-ဘယ်ကစတာလဲ''
''ရန်ဖြစ်တာက စပါတယ်''
''သည်တော့ လင်မယားဘ၀မှာ အောင်မြင်ချင်တယ်ဆိုလျင် ရန်
ဖြစ်တာ ရှောင်ရမယ် မဟုတ်လား''
''ဟုတ်ပါတယ်''
''သည်တော့ မင်းတို့ သိပြီးသားဖြစ်မှာပါ။ ရန်ဖြစ်တာ မကောင်း
ဘူးလို့ မသိဘူးလား''
''သိပါတယ် ဘုရား''
''သည်တော့ ရန်မဖြစ်ကြနဲ့လို့ ငါပြောလျင် အပိုပဲဖြစ်မှာပေါ့''
''မပိုပါဘူး ဘုရား''
''သိပြီးသားထပ်ပြောတာပဲ။ ဘာထူးမှာလဲပေါ့''
''ဟုတ်ပါတယ်''
''သည်တော့ ရန်မဖြစ်ကြနဲ့လို့ ငါ-မပြောတော့ဘူး''
''တင်ပါ ဘုရား''

''ရန်မဖြစ်ရအောင် နေနည်းကားကို ငါပြောရမယ်''
''ပြောပါ ဘုရား''
''ဒါပြောဖို့အတွက် မင်းတို့ကို ငါဦမေးခွန်းနည်းနည်း မေးရမယ်''
''မေးပါ ဘုရား''
''မင်းတို့နှစ်ယောက် အခုလို လင်မယားဘ၀ မဖြစ်ခင်က တစ်
ယောက်ကိုတစ်ယောက် ချစ်ခင်ပြီး နေထိုင်ဆက်ဆံခဲ့ကြတာ ဘယ်
လောက်ကြာပြီလဲ''
''နှစ်နှစ်လောက်ပါဘုရား''
''ဟုတ်ပြီဦနောက်ထပ်တစ်ခု မေးဦးမယ်''
''မေးပါ ဘုရား''
''အဲသည် နှစ်နှစ်အချိန်အတွင်းမှာ မင်းတို့နှစ်ယောက်ဟာ ဘယ်
နှစ်ကြိမ်လောက် ရန်ဖြစ်ခဲ့ဖူးကြသလဲ''
''ရန်မဖြစ်ဖူးပါဘူး ဘုရား''
''အေး-ဟုတ်ရဲ့လား''
''ဟုတ်ပါတယ် ဘုရား''
''နှစ်နှစ် ဆက်ဆံလာတာ တစ်ခါမှ ရန်မဖြစ်ဖူးဘူး''
''ဟုတ်ပါတယ် ဘုရား''
''အခု လင်မယားဖြစ်တော့ နှစ်လကျော်လေးရှိသေးတယ်။ နှစ်ခါ
ရန်ဖြစ်ပြီးကြပြီ ဟုတ်လား''
''ဟုတ်ပါတယ်''
''အဲဒါဘာလဲ စဉ်းစားရမယ်''
''တင်ပါ ဘုရား''
''ရန်ဖြစ်တာဟာ ဆင်းရဲသလား၊ ချမ်းသာသလား၊ ဘယ်လိုထင်
ကြလဲ''
''ဆင်းရဲပါတယ် ဘုရား''
''ဆင်းရဲတာကို ဘာဖြစ်လို့ လုပ်ကြတာလဲ''
''မသိပါဘူး ဘုရား''
''အဲဒါ ငါပြောမယ်''
''ပြောပါ ဘုရား''
''ဆင်းရဲမှန်းသိလျက်နဲ့လုပ်တာဟာ သည်ထက်ဆင်းရဲတစ်ခုကို
ကျော်လွှားချင်လို့ပဲ ဖြစ်ရမယ် မဟုတ်ဘူးလား''
''ဟုတ်မှာပါ ဘုရား''

''သည်တော့ ရန်ဖြစ်တာရဲ့ အကြောင်းဟာ ဆင်းရဲတာပဲ ဖြစ်ရ
မယ်''
''ဟုတ်မှာပါ ဘုရား''
''လင်မယားဖြစ်တာဟာ ဆင်းရဲတယ်ဆိုတဲ့အဓိပ္ပါယ် မရောက်
ဘူးလား''
''ရောက်ပါတယ် ဘုရား''
''ရည်ရွယ်တာက ချမ်းသာဖို့လား၊ ဆင်းရဲဖို့လား''
''ချမ်းသာဖို့ပါ ဘုရား''
''တကယ်တော့ ဆင်းရဲသလား၊ ချမ်းသာသလားဆိုတာ ရန်ဖြစ်
တာက သက်သေခံ မနေဘူးလား''
''ဟုတ်ပါတယ် ဘုရား''
''လင်မယားဖြစ်ရတာ ဆင်းရဲတယ်လို့ရော ထင်ရဲ့လား''
''မထင်ပါဘူး ဘုရား''
''အေး-မထင်ရဘူးပဲ ဖြစ်ရမယ်''
''ဟုတ်ပါတယ် ဘုရား''
''အကြောင်း အခိုက်မသင့်တာလေး တစ်ခုတစ်လေရှိလို့ မတော်
တဆဖြစ်တာလို့ပဲ အောက်မေ့မယ် မဟုတ်လား''
''ဟုတ်ပါတယ်''
''သည်လိုထင်တာ မှန်-မမှန် စဉ်းစားရမယ်''
''ဘယ်လို စဉ်းစားရမှာလဲ ဘုရား''

''လင်မယားလုပ်ကြတယ်ဆိုတာ ဘယ်လိုလဲလို့ စဉ်းစားရမှာပဲ''
''ဘယ်လိုလဲ ဘုရား''
''လင်မယားလုပ်တယ်ဆိုတာ ယောက်ျား-မိန်းမနှစ်ဦးဟာ ကိုယ့်
ဆီမှာရှိတဲ့ တက်မက်စရာ အာရုံငါးပါးကို ကိုယ်ပိုင်အဖြစ်က စွန့်လွှတ်ပြီး
ကိုယ့်ချစ်သူကို ပေးကြတယ် ဟုတ်လား''
''ဟုတ်ပါတယ်''
''ကိုယ့်ချစ်သူဆိုတဲ့ သူ့ရဲ့တပ်မက်စရာဖြစ်တဲ့ အဆင်းတွေ-အသံ
တွေ-အနံ့တွေ-အရသာတွေကိုလည်း ကိုယ်ပိုင်အဖြစ် သိမ်းပိုက်လိုက်တယ်
မဟုတ်လား''
''ဟုတ်ပါတယ်''

''ယောက်ျားကလည်း သူ့ဆီက လူမက်စရာအာရုံတွေကို မိန်းမကို
ပဲ တစ်ဦးတည်း အပိုင်ပေးလိုက်ပြီး မိန်းမရဲ့မက်မောစရာ အာရုံတွေကို
လည်း ကိုယ်တစ်ဦးတည်း အပိုင်အရယူ လိုက်တာပဲ မဟုတ်လား''
''ဟုတ်ပါတယ်''
''လင်မယားလို လုပ်ကြပြီဆိုလျင် သည်အဓိပ္ပါယ်သက်ရောက်တဲ့
ပဋိညာဉ် ခံဝန်တွေ ကျင့်ကြတော့တာပဲ မဟုတ်လား''
''ဟုတ်ပါတယ်''
''သည်လိုဆိုလျင် သည်သူနှစ်ဦးဟာ လွတ်လပ်သူတွေ ဖြစ်နေကြ
မလား၊ မလွတ်လပ်သူတွေ ဖြစ်နေကြမလား''
''မလွတ်လပ်ဘူးပေါ့ ဘုရား''

''နွားနှစ်ကောင်ကို ကြိုးတစ်ချောင်းနဲ့ တွဲထားလျင် သည်နွားတွေ
ဘယ်လွတ်လပ်တော့မလဲ''
''ဟုတ်ပါတယ်''
''လင်မယားဘ၀ဟာ မလွတ်လပ်သူဆိုတော့ မလွတ်လပ်သူဟာ
ဆင်းရဲတာပဲ''
''ဟုတ်ပါတယ်''
''သည်တော့ ရန်ဖြစ်ရတာပေါ့''
''ဟုတ်ပါတယ်''
''သမီးရည်းစား ချစ်သူဘ၀ဟာ တစ်ဦးရဲ့ ကာမဂုဏ်ကို တစ်ဦး
က ပိုင်ပြီလား''
''မပိုင်ပါဘူး''
''သည်တော့ သူတို့ဟာ လွတ်လပ်သူလား၊ မလွတ်လပ်သူလား''
''လွတ်လပ်သူပါ ဘုရား''
''လွတ်လပ်တာက ချမ်းသာတယ်၊ ငြိမ်းအေးတယ်၊ လှပတယ်၊
သည်လိုတွေ မဟုတ်လား''
''ဟုတ်ပါတယ်''

''သည်တော့ သည်သူတွေ ရန်ဖြစ်မလား''
''မဖြစ်ပါဘူး''
''သမီးရည်းစားတွေ ရန်မဖြစ်တာ ဒါကြောင့်ပဲ''
''ဟုတ်မှာပါ''
''သည်တော့''
''ဆုံးမပါ ဘုရား''
''လင်မယားဆိုပြီး နေကြပေမဲ့ လူတိုင်းလိုမလုပ်ကြနဲ့''
''ဘယ်လိုနေရမှာလဲ ဘုရား''
''ယောက်ျားလုပ်သူကလည်း မိန်းမရဲ့အာရုံငါးပါး ကာမဂုဏ်တ
ရားတွေဟာ ငါပိုင်ဖြစ်တယ်လို့ မသိမ်းလိုက်နဲ့''
''တင်ပါ့''

''မိန်းမလုပ်သူကလည်း ယောက်ျားဆီမှာရှိတဲ့ အာရုံငါးပါး ကာမ
ဂုဏ်တရားတွေကို ငါပိုင်ဖြစ်တယ်လို့ မသိမ်းပိုက်နဲ့''
''တင်ပါ့''
''ယောက်ျားလုပ်သူက ကိုယ့်မှာရှိတဲ့ အာရုံငါးပါး ကာမဂုဏ်တ
ရားကိုလည်း ဘယ်သူမှမပေးနဲ့။ ကိုယ်ပိုင်အဖြစ်ပဲ ထားရမယ်''
''တင်ပါ့''
''မိန်းမလုပ်သူကလည်း ကိုယ့်မှာရှိတဲ့ အာရုံငါးပါး ကာမဂုဏ်
တရားတွေဟာ ကိုယ်ပဲပိုင်တယ်ဆိုပြီး ကိုယ့်ဟာ ကိုယ်ပိုင်ရမယ်''
''တင်ပါ့''
''ဆိုလိုတာက''
''တင်ပါ့''
''ကိုယ့်အာရုံ ကာမဂုဏ်တွေကို ကိုယ်ပဲပိုင်ရမယ်''
''တင်ပါ့''

''သူများအာရုံ ကာမဂုဏ်တွေလည်း ကိုယ်ကမသိမ်းပိုက်ဘူး''
''တင်ပါ့''
''အဲဒါဆိုလျင် သည်လင်မယားဟာ လွတ်လပ်လိမ့်မယ်''
''ဟုတ်ပါတယ်''
''လွတ်လပ်သူဟာ ပျော်ရွှင်ချမ်းမြေ့နေလိမ့်မယ်''
''ဟုတ်ပါတယ်''
''သည်သူတွေ ရန်မဖြစ်တော့ဘူး''
''ဟုတ်ပါတယ်''
''သည်သူတွေ တိုးတက်လိမ့်မယ်''
''ဟုတ်မှာပါပဲ''

''ဒါ-သဘောကျရဲ့လား''
''တပည့်တော်တို့ လင်မယား ကွဲနေရမှာလား''
''မဟုတ်ပါဘူး''
''ဘယ်လိုပေါင်းရမှာလဲ''
''အချင်းချင်းအပေါ် သူများတွေလို စိတ်ထားမျိုးမရှိတာကလွဲလို့
သူများတွေလိုပဲ နေရမှာပေါ့''
''ဖိုမကိစ္စတွေ ဘယ်လိုဖြစ်မလဲ''
''လင်မယားမဖြစ်ခင် ချစ်သူရည်းစားဘ၀တွေ ဖြစ်စဉ်က ဖိုမကိစ္စ
တွေ ရှိခဲ့ကောင်း ရှိခဲ့နိုင်ပါတယ်''
''ထားပါတော့ ဘုရား''
''အဲသည်အချိန်က ဖိုမကိစ္စတွေ ဘယ်လိုရှိခဲ့ကြသလဲ မေးရမယ်''
''ပြောပါဦး ဘုရား''
''တစ်ဦးကိုတစ်ဦး မပိုင်ဘူးမဟုတ်လား''
''မပိုင်ပါဘူး''
''မပိုင်ပေမဲ့ လိုချင်တာရကြတာ မဟုတ်လား''
''ရကြပါတယ်''

''လိုချင်သူက ပေးမည့်သူကို ပေးချင်အောင် ချူယူတာပဲမဟုတ်
လား''
''ဟုတ်ပါတယ်''
''အခုလည်း လင်မယားဘ၀မှာ ဖိုမကိစ္စအတွက် လိုချင်သူက
ပေးမည့်သူဆီက ချူယူပေါ့''
''ကောင်းပါ့မလား''
''ချူလို့မရတာ ရှိနိုင်တယ်။ ဒါပေမဲ့ ချူလို့မရတာက မပေးချင်ပဲ
ရတာထက်တော့ ကောင်းမှာပါ''
''ဟုတ်ပါတယ်''
''ကဲ-မင်းတို့ ပျင်းပြီ၊ ငိုက်တာ ငါတွေ့တယ်။ တော်ကြတော့''

Posted in: ဘာသာရေး