မြန်မာနိုင်ငံ မြောက်ပိုင်း၏ အဓိက ဆက်သွယ်ရေး လမ်းကြောင်း တစ်ခုဖြစ်သော မန္တလေး- မြစ်ကြီးနား မီးရထား လမ်းပေါ်ရှိ မော်လူးဘူတာ နှင့် ပင်ဝယ် ဘူတာကြား တံတား တစ်စင်း၌ ယမန်နေ့ည ၁၁နာရီ ခန့်က မိုင်းကွဲမှု ဖြစ်ပွားခဲ့ရာ ရထား ၈စီး ပိတ်မိ နေကြောင်း ကာကွယ်ရေး ဝန်ကြီး ဌာနမှ အရာရှိ တစ်ဦးက The Voice Weekly သို့ ပြောကြားသည်။
ယင်း မိုင်းကွဲမှု ကြောင့် ရထား သံလမ်း ၅ပေ ပြတ်တောက် ခဲ့ပြီး တံတားဒေါက်တိုင် များမှာလည်း ပျက်စီး သွားကြောင်း ၄င်းက ဆိုသည်။
“ခုထိတော့ လမ်းပွင့်နိုင်တဲ့ အခြေနေ မရှိသေးဘူး။ ၇နာရီ မှ ပြီးမယ် လို့တော့ ကြားတယ်” ဟု မဲဇာတွင် ပိတ်မိနေသော အမှတ် ၃၇ လူစီး ရထားပေါ်မှ အသက်၁၈နှစ် အရွယ် မိုးညှင်း ဒေသခံ တစ်ဦးက ညနေ ၄နာရီ မိနစ်၂၀ တွင် ပြောကြားသည်။
အဆိုပါ ရထားလမ်း မိုင်းကွဲမှု ကြောင့် နဘား ဘူတာတွင် ရထား သုံးစီး၊ အင်းတော် ဘူတာ တွင် တစ်စီး၊ မဲဇာဘူတာ တစ်စီး၊ နန့်စီးအောင် ဘူတာ တစ်စီးနှင့် မိုးညှင်း ဘူတာတွင် တစ်စီး ပိတ်မိ နေကြောင်း မန္တလေး ဘူတာကြီးမှ ပေးပို့သော သတင်း အချက်အလက် များအရ သိရသည်။ ယင်း ပေါက်ကွဲမှု နှင့် ပတ်သက်၍ ကေအိုင်အေ ဌာနချုပ်သို့ The Voice Weekly မှ အီးမေးလ်ဖြင့် ဆက်သွယ် မေးမြန်ထားဆဲ ဖြစ်သည်။
မန္တလေး - မြစ်ကြီးနား မီးရထား လမ်းမ တစ်လျှောက်တွင် မိုင်းကွဲမှု ၅၅ကြိမ် ဖြစ်ပွားခဲ့ပြီး ယခု မိုင်းကွဲမှုသည် စစ်ကိုင်းတိုင်း ဒေသကြီး အတွင်း ပထမဆုံး အကြိမ် ဖြစ်ပွားခဲ့ခြင်း ဖြစ်သည်။
The Voice Weekly
 |
| နိုဝင်ဘာလ(၁၇)ရက်နေ့ ည (၁၁) နာရီ ခွဲ အချိန်တွင် ဖားပန်ကျေးရွာအနီး တံတားအမှတ် (၄၇၈) တွင် ရထားသံလမ်း မိုင်းပေါက်ကွဲမှု ကြောင့် ပျက်စီးသွားပုံ။ ။ ဓါတ်ပုံ - Katha Town |
0 ကွန်မန့်ရေးရန်:
Post a Comment