တစ်လွဲတန်ဖိုးထားမှုများ

တစ်လွဲတန်ဖိုးထားမှုများ

ကျွန်တော်တို့ ပတ်ဝန်းကျင်မှာ တန်ဖိုးထားမှု လွဲချော်နေတာတွေ တွေ့ရပါတယ်။ ငယ်စဉ်ကလေးဘ၀တည်းက နားထဲမှာစွဲနေအောင် တန်ဖိုးဖြတ်နေကြတဲ့ အပြောအဆိုတွေ၊ ဆုံးမသွန်သင်မှုတွေဟာ ကြီးပြင်းလာတဲ့အခါ အဲဒီအစွဲကြောင့် ကျွန်တော်တို့ကိုယ် တိုင် တန်ဖိုးဖြတ်လွဲမှားလာခဲ့ပါတယ်။
ငယ်ငယ်တုန်းက သူစိမ်းတစ်ယောက်က လမ်းမှာတွေ့နှုတ်ဆက်ရာက အမှတ်တမဲ့ မေးတတ်ကြတဲ့ စကားတွေကို လေ့လာကြည့်ပါ။
"သားလေးကြီးရင်ဘာလုပ်မလဲ'' ကလေးက ရုတ်တရက် ဘာဖြေရမှန်းမသိပါဘူး။ ဒီတော့သူ့အမေကို မော့ကြည့်လိုက်ပါတယ်။ ဒီတော့ အမေက ''ဖြေလိုက်လေသားရဲ့။ သားက ဆရာဝန်ကြီးလုပ်မှာပါလို့'' ဒီတော့မှ ကလေးက ''သားသားက ဆရာဝန်ကြီး လုပ်မှာ'' ဒါမှမဟုတ် ''သားသားက အင်ဂျင်နီယာကြီးလုပ်မှာ'' ဒါမှမဟုတ် ''သားသားက စစ်ဗိုလ်ကြီးလုပ်မှာ'' ဘယ်သူကဖြစ်ဖြစ် သားကြီးလာရင် ဘာလုပ်မလဲမေးတိုင်း မေးတိုင်း ကလေးတွေခမျာ ဆရာဝန်ကြီး၊ အင်ဂျင်နီယာကြီး၊ စစ်ဗိုလ်ကြီးကလွဲပြီး အခြားမဖြေတတ်ကြပါဘူး။ ဒီလိုနဲ့ကလေးတွေဟာ ဆရာဝန်ကြီး၊ အင်ဂျင်နီယာကြီး၊ စစ်ဗိုလ်ကြီးတွေဖြစ်မှ လူရာဝင်မှာ တန်ဖိုးရှိမှာလို့ စွဲသွားကြပါတယ်။ အခြားအလုပ်အကိုင်တွေကို အထင်မကြီးတော့ပါဘူး။ ဈေးသည်တို့၊ ဆိုက်ကားသမားတို့၊ မီးသတ်ဝန်ထမ်းတို့၊ ရုံးစာရေးတို့လို အလုပ်တွေကို တန်ဖိုးမထားကြတော့ပါဘူး။
တကယ်ဆို မိမိလက်ရှိလုပ်နေတဲ့ အလုပ်ကလည်း သမာဇီဝဖြစ်နေရင် မိမိကလေးကိုလည်း လက်ရှိအလုပ်အကြောင်း နားလည်အောင် စိတ်ဝင်စားအောင် တန်ဖိုးထားအောင် ပြောပြသင့်ပါတယ်။ ဒါပေမယ့် ကလေးတိုင်းသူတို့ မိဘတွေ သင်ပေးသလို ဆရာဝန်ကြီး၊ အင်ဂျင်နီယာကြီး၊ စစ်ဗိုလ်ကြီးတွေ ဖြစ်မလာကြပါဘူး။ အချို့က ဆယ်တန်းတဘုန်းဘုန်းကျပြီး ဆိုက်ကားနင်းသူက နင်းချေရပါပြီ။ သူ့ဘ၀မှာ ဆိုက်ကားနင်းရမယ်လို့ သူ့အမေကလည်း မသင်ပါဘူး။ သူကိုယ်တိုင်လည်း မထင်ပါဘူး။ မဖြစ်လို့တာ ဆိုက်ကားနင်းနေရတာ ဆိုက်ကားသမားဘ၀ကို သူလုံးဝ တန်ဖိုးမထားပါဘူး။
ဒီတော့ အချိန်တန် ဆိုက်ကား ထွက်နင်းတယ်။ ပြန်လာတယ်။ အိပ်တယ်။ စားတယ်။ ဆိုက်ကားနင်းတဲ့ အလုပ်အပေါ်မှာ တန်ဖိုးမထားပါဘူး။ စိတ်မ၀င်စားပါဘူး။ ဒီတော့အလုပ်ကို ဘယ်လိုတိုးတက်အောင်လုပ်မယ်ဆိုတဲ့ စိတ်ကူးကောင်းတွေ ပေါ်မလာပါဘူး။ ခရီးသည်လာရင် သွားလိုရာ နင်းပို့မယ်။ အားနေရင် ကျားထိုးမယ်။ ခေါင်းပန်းလှန်မယ်။ နှစ်လုံး၊သုံးလုံး တွက်မယ်။ ဘောလုံးပွဲလောင်းမယ်။ ဆိုက်ကားက 'သ' နေတဲ့ ဆိုက်ကားသမား၊ တိုးတက်ရာတိုးတက်ကြောင်း စဉ်းစားနေတဲ့ဆိုက်ကားသမား အင်္ကျီ အ၀တ်အစား သပ်သပ်ရပ်ရပ် ၀တ်ထားတဲ့ ဆိုက်ကားသမား၊ လူပုံသပ်သပ်ရပ်ရပ်နေတဲ့ ဆိုက်ကားသမား အတော်ကို ရှားပါးလှပါတယ်။ အဲဒါသူတို့ဘ၀ကို တန်ဖိုးမထားလို့ ဖြစ်ပါတယ်။ သူတို့ဟာ လောကအတွက် အသုံးဝင် အသုံးတည့် တန်ဖိုးရှိတဲ့လူအဖြစ် သူတို့ဘာသာ မသတ်မှတ်ကြပါဘူး။ အဲဒါငယ်စဉ်ကတည်းက ဦးချိုးခံထားရလို့ ဖြစ်ပါတယ်။
ဆိုက်ကားသမားကို ဥပမာပေးလို့ ဆိုက်ကားသမား လူတန်းစားတစ်မျိုးတည်းကို ဆိုလိုတာမဟုတ်ပါဘူး။ ငါး ရောင်းတဲ့လူ၊ ကန်စွန်းရွက်ရောင်းတဲ့လူ၊ ဖိနပ်ချုပ်တဲ့လူ၊ ထီးချုပ်တဲ့လူ၊ ကားမောင်းတဲ့ဒရိုင်ဘာ အစရှိတဲ့ အလုပ်အမျိုးမျိုးလုပ်ပြီး အသတ်မွေးဝမ်းကျောင်း ပြုနေတဲ့ လူအမျိုးမျိုးကို ဆိုလိုပါတယ်။
တကယ်တော့ အလုပ်ဟူသမျှ ဂုဏ်ရှိစွဆိုတာ ရှေးယခင်ကတည်းက ပြောဆိုသုံးစွဲနေတဲ့ စကားပါ။ မိမိလုပ်တဲ့အလုပ်ကို တန်ဖိုးထားစေချင်လို့ စေတနာပြစကားပါ။ အလုပ်ကို တန်ဖိုးထားတယ်ဆိုတာ အပြောလွယ်သလောက် လက်တွေ့လုပ်ပြဖို့ နည်းနည်းခက်ပါတယ် . . .
အလုပ်ဟူသမျှ ဂုဏ်ရှိစွ
လူဆိုတာ ထမင်းစားဖို့အတွက် သမာအာဇီဝအလုပ်တစ်ခုခုကို မလွဲမသွေ လုပ်ကြရပါတယ်။ တချို့က လုပ်ချင်တဲ့အလုပ်ကို လုပ်ခွင့်ရကြပါတယ်။ တချို့က၀ါသနာပါတဲ့ အလုပ်ကို ရှာလုပ်ကြတယ်။ များသောအားဖြင့် ကိုယ်လုပ်ချင်တဲ့အလုပ်ကို လုပ်ခွင့်မရကြဘဲ ပိုက်ဆံရပြီးရော အလုပ်ကိုပဲလုပ်နေရတဲ့လူတွေ များပါတယ်။ သူတို့တွေဟာ သူတို့အလုပ်ကို တန်ဖိုးမထားတတ်ကြပါဘူး။ ပြီးစလွယ် လုပ်တတ်ကြပါတယ်။ ဒီလိုနဲ့သူတို့ တိုးတက်ကြီးပွားလာတဲ့လူ နည်းပါတယ်။
တကယ်တော့ အလုပ်ဟူသမျှ ဂုဏ်ရှိစွ ဆိုတာ ရှေးယခင်ကတည်းက ပြောဆိုသုံးစွဲနေတဲ့စကားပါ။ မိမိလုပ်တဲ့အလုပ်ကို တန်ဖိုးထားစေချင်လို့ စေတနာပြစကားပါ။ အလုပ်ကို တန်ဖိုးထားတယ်ဆိုတာ အပြောလွယ်သလောက် လက်တွေ့လုပ်ပြဖို့ နည်းနည်းခက်ပါတယ်။ ဒါပေမယ့် လက်တွေ့ကျပြီး လွယ်တာကစလုပ်ကြည့်ရအောင်ပါ။ မိမိ ယခုလုပ်နေရတဲ့အလုပ်ဟာ တန်ဖိုးရှိတဲ့အလုပ်အဖြစ် ရှုမြင်ပါ။ ထီးပြင်သူ ဆိုကြပါစို့။ သင့်မှာ အတတ်ပညာတစ်ခု တတ်မြောက်ထားတယ်ဆိုတာ ရဲရဲဝံ့ဝံ့ ယုံကြည်လိုက်ပါ။ သင့်လိုမပြင်တတ်လို့ သင့်ဆီလာပြင်နေရတာဟာ သင့်အတတ်ပညာကို အသိအမှတ်ပြုလို့ပေါ့။ (တိုးတိုးလေး အကြံပေးချင်တာက သင်တကယ်ထီးပြင်တတ်အောင် လုပ်ထားနော်။)
လူအတော်များများကလမ်းဘေး ဈေးသည်၊ ဆိုက်ကားသမား၊ ဒရိုင်ဘာ၊ ယာဉ်နောက်လိုက်(စပယ်ယာ)စတဲ့ လူတွေကို အထင်သေးကြတယ်လို့ အဲဒီ လမ်းဘေးဈေးသည်၊ ဆိုက်ကားသမား၊ ဒရိုင်ဘာ၊ ယာဉ်နောက်လိုက် (စပယ်ယာ)တွေက သူတို့ဘာသာထင် နေကြပါတယ်။ အမှန်ကသူတို့ကို စစချင်း ဘယ်သူကမှ အထင်မသေးကြပါဘူး။ တကယ်အထင်သေးနေကြတာက သူတို့ကို သူတို့ပါပဲ။ ငါလမ်းဘေးဈေးသည်ပဲ ဘယ်သူကမှ ငါ့ကိုဂရုစိုက်ကြမှာမဟုတ်ဘူးဆိုတဲ့စိတ်နဲ့ မျက်နှာသနပ်ခါး မလိမ်း၊ ခေါင်းကိုဖြစ်ကတတ်ဆန်း စုစည်း၊ အ၀တ်အစားကို မသပ်မရပ်ဝတ်၊ ဒီလိုနဲ့ ဈေးထဲကို လာကြပါတယ်။ အဲဒီဈေးသည်ကို ဘယ်သူက လေးစားမလဲ။ ဘယ်သူကအလေးထားမလဲ။ ဈေးဗန်း ခင်းရာမှာလည်းအမှိုက်ပုံသာသာချ ခင်းထားပြန်တော့ဈေးဝယ်သူရဲ့စိတ်က အထင်သေးနေမှာသေချာပါတယ်။
ဘတ်စကားပေါ်က မြင်ကွင်းတစ်ခုပါ။ မိုးတွင်းတစ်ခုပါ။ ဘတ်စကားပေါ်မှာ လူတွေထုံးစံအတိုင်း ပြည့်ကြပ်နေပါတယ်။ လူတစ်ယောက် ကားပေါ်တိုးဝှေ့တတ်လာပါတယ်။ သူ လူတွေကြားထဲ တိုးဝင်လိုက်ပါတယ်။ သူ့နံဘေးက လူတွေအားလုံးကို မိုးရေတွေ စိုသွားပါတယ်။ သူကတော့ မိုးမစိုပါဘူး။ သူက မိုးကာဝတ်ထားလို့ပါပဲ။ သူကတော့ သူ့ကိုယ်သူ တန်ဖိုးထားလွန်လွန်းပြန်ရော။
ကိုယ့်တစ်ကိုယ်ရည်ကောင်းစား ရေးအတွက် အခြားလူတွေကို အကျိုးယုတ်စေတာဟာ လူလူချင်း တန်ဖိုးမထားကြလို့ ပဲဖြစ်ပါတယ်။
ထို့အတူ လူတန်းစားတစ်ရပ်က မိမိတို့ကောင်းစားရေးသာ ဆောင်ရွက်နေပြီး အခြားလူတွေကို ၀န်ထုပ် ၀န်ပိုးဖြစ်နေစေတာဟာ မိုးကာခြုံပြီး လူတွေကြားလျှောက်သွားနေတာနဲ့ တူလှပါတယ်။ မိမိဟာ အားလုံးအတွက် တန်ဖိုးရှိသလို၊ အားလုံးဟာလည်း မိမိအတွက် တန်ဖိုးရှိပါတယ်။ အားလုံးကို တန်ဖိုးထားပါတယ်။
Written by မောင်တင်ဦး(မြောင်းမြ)
source : http://www.news-eleven.com

Posted in: ဆောင်းပါး