ပြန်လွှတ်ပေးလိုက်သူများတွင် နယ်စပ်ဒေသနှင့် လူဝင်မှုကြီးကြပ်ရေးရုံးမှ (၃) ဦး၊ ထိုင်းနိုင်ငံသား (၁) ဦး၊ ဘင်္ဂလာဒေ့ခ်ျနိုင်ငံသား (၁၁၄) ဦး၊ ညမထွက်ရ အမိန့်ဖောက်ဖျက်၍ အရေးယူခံထားရသူ မြန်မာနိုင်ငံသား (၄၈) ဦး ပါဝင်ကြောင်း သိရသည်။
ညမထွက်ရ အမိန့်ဖြင့်ပြစ်ဒဏ် ချမှတ်ခံထားရသူများမှာ သမ္မတ၏လွတ်ငြိမ်းချမ်းသာခွင့်ဖြင့်မဟုတ်ဘဲ အယူခံဖြင့်ပြန်လည်လွတ်မြောက် လာ ကြပြီး ကျန်သူများမှာ သမ္မတ၏ လွတ်ငြိမ်းချမ်းသာခွင့်အမိန့်ဖြင့် ပုဒ်မ ၄၀၁(၁)ကို လက်မှတ်ရေးထိုး၍ ပြန်လွတ်လာခြင်းဖြစ်သည်။
ပုဒ်မ-၄၀၁(၁)အရ ပြန်လွတ်လာသူများမှာ ပြစ်မှုတစ်စုံတစ်ရာ ထပ်မံကျူးလွန်ပါက ပြန်လည်ဖမ်းဆီးခံရ ကာ ကျန်ရှိနေသောပြစ်ဒဏ်များ ကို ပါ ယခုပြစ်ဒဏ်နှင့်အတူ သီခြားကျခံရမည်ဖြစ်သည်။ အကျဉ်းသား (၅၁၄) ဦးကို နိုင်ငံတော်သမ္မတ က ပြစ်ဒဏ်လွတ်ငြိမ်းချမ်းသာခွင့် ပြု လိုက်ကြောင်း စက်တင်္ဘာ (၁၆) ရက်နေ့တွင်ကြေညာအပြီးယခုကဲ့သို့ ပြန်လည်လွတ်မြောက် လာ ကြခြင်းဖြစ်သည်။
စစ်တွေမြို့မှ ညမထွက်ရ အမိန့်ဖြင့် ကနဦးအရေးယူထားသူ (၆၁) ဦးရှိသည့်အနက်ယခု (၄၈) ဦးပြန်လွှတ်ပေးခဲ့ရာကျန် (၁၃) ဦးမှာပြန် လည် လွတ်မြောက် လာခြင်း မရှိသေးပေ။
ရခိုင်ဒေသ ပဋိပက္ခကြောင့် သေဆုံးသူ (၈၇) ဦး၊ ဒဏ်ရာရသူ (၁၁၁) ဦး ၊မီးလောင်ပျက်စီးအိမ်ပေါင်း (၄၈၂၂) အိမ်၊လူပေါင်းခြောက်သောင်း ကျော် အိုးမဲ့အိမ်မဲ့ ဖြစ်ခဲ့ရကြောင်း ရခိုင်ပြည်နယ် အစိုးရအဖွဲ့မှ သတင်းထုတ်ပြန် ထားခဲ့သည်။
0 ကွန်မန့်ရေးရန်:
Post a Comment