ရေကြီးခြင်းအတွက် လိုက်နာသင့်သော အချက်များ

by ကို သာ ပို 

ရေမကြီးခင်

• ရေကြီးနိုင်သော ရေဝင်နိုင်သော မြေနိမ့်များ၊ ရေဝင်လာနိုင်သော လမ်းကြောင်များတွင် အဆောက်အဦးများ ဆောက်လုပ် နေထိုင်ခြင်းကို ရှောင်ရှားသင့်ပါသည်။ ရေကြီးလေ့ရှိသော ဒေသများတွင် မြင့်မားသော နေရာများသို့ ပြောင်းရွှေ့ အခြေချသင့်ပါသည်။
• ရေလာနိုင်သော လမ်းကြောင်းများ၊ ရေတိုးနိုင်သော နေရာများ၊ ရေစီးကြောင်း တိုက်ရိုက် လာနိုင်သော နေရာများကို ကြိုတင် တွက်ချက်ပြီး ရေတားတာများ၊ သဲအိတ်များ၊ ရေတားနံရံများ ကြိုတင်တည်ဆောက် ထားသင့်ပါသည်
• ရေကြီး ရေတက်လေ့ရှိသော ဒေသများနှင့် မြစ်ချောင်း ပင်လယ်အနီးတွင် နေထိုင်သူများသည် ရေဒီယို၊ တယ်လီဗေးရှင်းများမှ ထုတ်လွှင့်ပေးနေသော မိုးလေဝသသတင်းများကို အချိန်မှန်မှန် နားထောင်သင့်ပါသည်။ ရေကြီးခြင်း သတင်းကို အမြဲ နားစွင့်နေသင့်ပါသည်။
• အရေးပေါ် လိုအပ်မည့် စာရွက်စာတမ်းများကို အဆင်သင့် ပြင်ဆင်ထားရှိ သင့်ပါသည်။
• ရေကြီးလာစဉ် စားသောက်ရန်အတွက် မုန့်ခြောက်များ၊ သောက်ရေသန့်များကိုလည်း အဆင်သင့် ပြင်ဆင်ထားရှိရမည်။
• မိုးကာ၊ ဓါတ်မီးနှင့် မိုးလေဝသ သတင်း နားထောင်ရန်အတွက် ဓါတ်ခဲပါသော ရေဒီယိုတို့ကိုလဲ အဆင်သင့် ပြင်ဆင်ထားရမည်။ အရေးကြီးသည်မှာ အထက်ပါ ပစ္စည်းများကို အလွယ်တကူ ပေါ့ပေါ့ပါးပါးနှင့် အချိန်မရွေး သယ်ယူနိုင်ရန် ပြင်ဆင်ထားရှိသင့်ပါသည်။

ရေကြီးတော့မည် ဆိုလျှင်

• ကြိုတင်ပြင်ဆင်ထားသော အရေးပေါ် ပစ္စည်းများကို သေချာစေရန် ပြန်လည်စီစစ် ထုတ်ပိုးထားပါ။ ဆေးဝါးများ ဆောင်ထားရန်လည်း မမေ့ပါနှင့်။
• အပေါ်ထပ် သို့မဟုတ် အိမ်၏ မြင့်သောနေရာကို ပြောင်းရွှေ့နေထိုင်ပါ။
• ဘေးလွတ်ရာသို့ ပြောင်းရွှေ့ရန် သတိပေးချက် ရရှိပါက ချက်ချင်းပြောင်းရွှေ့ပါ။
• ရုတ်တရတ် ရေကြီးတတ်သော နေရာများဖြစ်ပါက မြင့်မာသောနေရများသို့ ချက်ချင်းပြောင်းရွှေ့ပါ။
• လျှပ်စစ်ပစ္စည်းများကို ပိတ်ထားပါ၊ မိန်းကို ဖြုတ်ချထားပါ။

ရေကြီးနေစဉ်

• ရေကြီးနေစဉ် ရေထဲ လုံးဝမဆင်းပါနှင့်။ ရေစီးနေသော နေရာသို့ လုံးဝမသွားပါနှင့်။ ရေကြီးခြင်းကြောင့် အသေအပျောက်အများဆုံးမှာ ရေစီးကြောင်းအတွင်း မျောပါသွားခြင်းကြောင့် ဖြစ်သည်။ ခြောက်လက်မခန့် အမြင့်ရှိသော ရေစီးကြောင်းသည် သင့်ကိုလဲပြိုစေနိုင်ပြီး ရေစီးကြောင်းအတွင်း မျောပါသွားစေနိုင်သည်။
•  ရေစီးကြောင်း မရှိသည့်တိုင် တောင်ဝှေး တုတ်ချောင်းများဖြင့် ရေအတိမ်အနက်ကို ထောက်ကြည့်ပြီးမှ ရေလွှမ်းနေသော နေရာများကို သွားရောက်သင့်သည်။ မိမိလှမ်းမည့်နေရာတွင် မြေကြီးရှိမရှိ နင်းစရာရှိမရှိ သေချာပါစေ။
• ရေကြီးနေစဉ် မော်တော်ယဉ်များမှအစ မည်သည့်ယဉ်မှ မောင်းနှင်သွားလာခြင်း မပြုပါနှင့်။ ရေစီးကြောင်းအတွင်း ကားများ မျောပါသွားခြင်းအားဖြင့် သေကြေပျက်စီးနိုင်သည်။ ထို့အပြင် လမ်းတလျောက် လမ်းများ ပျက်စီးနေခြင်း တံတားများ ကျိုးပျက်နေခြင်းကို ရေလွှမ်းနေသဖြင့် မြင်နိုင်မည် မဟုတ်ပေ။
• လျှပ်စစ်ဝါယာကြိုးများ၊ ဓါတ်တိုင်များ၊ ထရန်စဖော်များမှ ဝေးရာတွင်နေပါ။ ရေကြီးစဉ် ဓါတ်လိုက်သေဆုံးမှုသည် အဖြစ်များသော ကိစ္စတစ်ခုဖြစ်ပါသည်။ ရေအတွင်း လျှပ်စစ်ဓါတ်သည် ဖြတ်စီးနိုင်သောကြောင့် ဝေးဝေးရှောင်သင့်သည်။ ဓါတ်ကြိုးများ ပြတ်ကျနေခြင်း ဓါတ်တိုင်များ ပြိုလဲနေပါက ပတ်ဝန်းကျင်သို့ အသိပေး အကြာင်းကြားသင့်သည်။
• ရေတွင်မြောပါလာနိုင်သော အထူးသဖြင့် မြွေကဲ့သို့သော အဆိပ်ရှိ တိရစ္ဆာန်များကို သတိထားပါ။ ရေကြီးခြင်းကြောင့် မျောပါလာသော အကောင်ပလောင်များသည် သင်နားခိုနေသော နေရာ၊ အိမ်စသည်တို့တွင် ခိုအောင်းနေထိုင်ရန် အားထုတ်တတ်ကြသည်။ တုတ်ချောင်းများ အသုံးပြု၍ ပြန်လည်ထွက်ခွာ သွားအောင် ဆက်မျောပါ သွားအောင် ပြုလုပ်သင့်သည်။
• 
  

ရေပြန်အကျတွင်

• ရေကို ကျိုချက်၍ သောက်သုံးပါ။ အလွယ်အကူရသော ရေများကို လုံးဝ မသောက်သုံးပါနှင့်။
• မြစ်ရေ ချောင်းရေနှင့် တွင်းရေများ၊ အလွယ်တကူ ရရှိနိုင်သော ရေများကို မသောက်ပါနှင့် ထိုရေများထဲတွင် ဆီများ၊ အညစ်အကြေးများနှင် ဓါတ်ဆီများ ဓါတုဗေဒ အဆိပ်များ ပါဝင်နေနိုင်ပါသည်။ ကျိုချက်သည့်တိုင် ထိုရေများသည် လူကို ဥပါဒ်ဖြစ်စေနိုင်သည်။
• ရေစီးနေသော နေရာများကို သွားလာခြင်း ရှောင်ရှားပါ။
• ရေကြီးခြင်းကြောင့် လမ်းများ မြေသားများ တောင်စောင်းများမှာ ပျော့အိပြီး အားမရှိတတ်သဖြင့် မြေပြိုမှုများ ကျွံကျမှုများ ဖြစ်နိုင်သည်ကိုလဲ သတိထားရပါမည်။

• ပြိုကျ ပြတ်တောက် ပျက်စီးနေသော လျှပ်စစ်ဓါတ်တိုင်များ၊ ဓါတ်ကြိုးများမှ ဝေးဝေးနေပါ။ တာဝန်ရှိသူများကို အကြောင်းကြားပါ။
• တာဝန်ရှိသူများမှ စိတ်ချလက်ချ မိမိအိမ်သို့ ပြန်နိုင်ပြီဆိုသော သတိပေးချက် ထုတ်ပြန်ပြီးမှ အိမ်သို့ပြန်ပါ။
• ရေကြီးနေစဉ်တွင် အဆောင်အဦးကြီးများ အနီးအနားတွင် နေခြင်းမှ ရှောင်ရှားသင့်ပါသည်။ ရေတိုက်စားမှု ဒဏ်ကြောင့် ပြိုကျတတ်သည်။
• ခြေလှမ်းတိုင်းကို သတိထားပါ။ ရေပြန်ကျခါစနှင့် ရေကြီးနေစဉ်တွင် ကြမ်းပြင်များ ခြေချစရာ နေရာများသည် ရွှံနွံများဖြင့် ချောနေတတ်သည်။ အမှိုက်များ၊ သံချောင်များ၊ ပုလင်းကွဲများမှအစ အချွန်အတက်များ တင်ကျန်နေတတ်သည်။ အလွန်လဲ ချောနေတတ်သည်။
• အိမ်တွင်ရှိသော လျှပ်စစ်ပစ္စည်းများကို ပိတ်ထားပါ။ မသုံးပါနှင့်။ ရေစိုနေသော ရေငွေ့ရိုက်နေသော လျှပ်စစ်ဓါတ်အားသုံး အိမ်သုံးပစ္စည်များကို လုံးဝမသုံးပါနှင့်၊ အတွင်းတွင် လောင်ကျွမ်း ပျက်စီးနိုင်သည်။ ရေစုပ်မော်တာသည် ရေစိုခံမဟုတ်ပါက အသုံးမပြုသင့်ပေ။ မည်သည့် လျှပ်စစ်ပစ္စည်းမဆို မသုံးခင် ခြောက်သသွေ့သန့်ရှင်းနေအောင် သေချာပါစေ။

Luminox

12.8.2012

Posted in: သိမှတ်ဖွယ်ရာ